Adroddiad Blynyddol 2024-25

2024-2025

ADRODDIAD BLYNYDDOL

Cynnwys Croeso i’n Hadroddiad Blynyddol

04

Ein prif negeseuon o’r adroddiad

06

Ni yw Hwb Gwyddorau Bywyd Cymru

07

Blwyddyn mewn rhifau

09

Sut yr ydym yn cysylltu ac yn cynnull

10

Sut rydym yn integreiddio

12

Sut rydym yn cyflymu

14

Sut yr ydym yn eiriol

18

Diweddariad ar weithrediadau ac adnoddau

19

Edrych i’r dyfodol

21

Croeso i’n Hadroddiad Blynyddol Chris Martin, Cadeirydd Hwb Gwyddorau Bywyd Cymru Mae’n bleser cyflwyno ein Hadroddiad Blynyddol am 2024/5 – blwyddyn sydd wedi’i nodweddu gan gynnydd, partneriaeth a phwrpas. Yn sgil hyn daeth toreth o gyfleoedd newydd a chydweithrediad gwerthfawr sy’n gwneud gwahaniaeth gwirioneddol i bobl Cymru. Rydym yn falch o gael y cyfle i weithio â nifer enfawr o bartneriaid a rhanddeiliaid i gyflawni ein gwaith, ac ni allem wneud hynny heb eu cefnogaeth hwy.

Mae arloesi’n hanfodol i gynaliadwyedd tymor hir ein heconomi ac i ganlyniadau iechyd gwell. Yn fyd eang, mae cwmnïau gwyddorau bywyd a darparwyr iechyd yn cydweithio’n fwy clos nag erioed, gyda gwyddorau bywyd yn gonglfaen i strategaethau diwydiannol y Llywodraeth. Mi all y GIG fod yn sbardun i arloesi, gyda’r gallu i ddenu’r buddsoddiad sylweddol sydd ei angen ar economi sylfaenol Cymru i fabwysiadu dulliau therapiwtig newydd ac i ddefnyddio technolegau newydd. Gall hyn arwain at fasnacheiddio twf newydd ac economaidd, cynhyrchiant a buddiannau i iechyd.

Rydym yn gweithredu fel rhyngwyneb dynamig, gan gysylltu busnesau ac arloeswyr gwyddorau bywyd â darparwyr iechyd a gofal cymdeithasol a phartneriaid ymchwil.

Ond beth mae hyn yn ei gyflawni?

I bobl Cymru a staff iechyd a gofal cymdeithasol, gofal gwell, ac yn y pendraw iechyd a llesiant gwell, boed hynny o ganlyniad i ddiagnosisau cyflymach, amseroedd trin cyflymach, gofal yn y cartref, gwasanaethau gwell neu driniaethau mwy effeithiol.

Mae dros 64,000 o gleifion wedi manteisio ar arloesi, gan dreulio 1000 o ddyddiau’n llai mewn ysbytai ac angen 2100 yn llai o ymweliadau clinigol.

Rydym hefyd wedi cynhyrchu twf economaidd, swyddi a ffyniant yng Nghymru. Rydym wedi ychwanegu £3.9 miliwn mewn Gwerth Ychwanegol Gros at economi Cymru drwy ein hystod o wasanaethau, fel cefnogi 422 o ymholiadau, gweithio â diwydiant i gynnal 119 o asesiadau arloesi, cyflwyno 17 o gynigion sy’n barod i’w mabwysiadu i GIG Cymru a chynhyrchu 52 o adroddiadau gwybodaeth am y farchnad.

Adroddiad Blynyddol 2024-2025

4

Rydym hefyd wedi helpu ystod o bartneriaid i sicrhau cyllid i arloesi mewn gwasanaethau iechyd a gofal cymdeithasol rheng flaen, gan gynnwys gwerth £5 miliwn o geisiadau llwyddiannus. Mae ein tîm wedi gweinyddu cyfleoedd cyllido lleol a chenedlaethol ar gyfer arloesi mewn iechyd yng Nghymru gan gynnwys y Gronfa Sbarduno Arloesedd mewn Canser Menywod wedi’i gydlynu â’r Academi Gwyddorau Meddygol. Mae Cronfa Arloesi System Fferylliaeth yn y Gymuned mewn partneriaeth â Llywodraeth Cymru ac Iechyd a Gofal Digidol Cymru wedi helpu i ddarparu dros filiwn o bresgripsiynau electronig.

Bu llawer o sôn am roi lle blaenllaw i leisiau clinigol a chleifion mewn iechyd, rhywbeth rydym wedi bod yn gweithio i’w gyflawni eleni drwy gydweithrediad â nifer o bartneriaid fel ein partneriaeth â’r Rhwydweithiau Clinigol Cenedlaethol a chefnogi Menter Mynd i’r Afael â Chanser Llywodraeth Cymru.

Mi hoffwn fanteisio ar y cyfle hwn i ddiolch i’n holl bartneriaid a phawb sydd wedi cydweithredu â ni am barhau i’n cefnogi. Gyda’n gilydd, rydym yn helpu i wneud Cymru’n lleoliad o ddewis i arloesi mewn iechyd, gofal a llesiant.

Mae'r adroddiad hwn yn brawf o bwysigrwydd arloesi cydweithredol ar draws y maes gwyddorau bywyd.

Mae arloesi wrth galon y gwaith o drawsnewid iechyd a gofal cymdeithasol yng Nghymru, gan ein helpu i sicrhau canlyniadau gwell i bobl. Mae’n chwarae rhan allweddol yn y gwaith o leihau amseroedd aros, gwella mynediad at ofal, a thrawsnewid sut rydyn ni’n canfod ac yn trin clefydau fel canser.

Ar draws iechyd a gofal cymdeithasol, mae Hwb Gwyddorau Bywyd Cymru yn parhau i fod yn gatalydd ar gyfer arloesi drwy ei raglenni cymorth, ei brosiectau a'i bartneriaethau pwrpasol. Mae ei waith yn gwella canlyniadau ac yn cryfhau ein heconomi.

Jeremy Miles AS, Ysgrifennydd y Cabinet dros Iechyd a Gofal Cymdeithasol Adroddiad Blynyddol 2024-2025

5

Ein prif negeseuon o’r adroddiad 1. Rydym yn trawsnewid canlyniadau i gleifion drwy arloesi Mae Hwb Gwyddorau Bywyd Cymru wedi galluogi 64,000 o gleifion i fanteisio ar arloesi, sydd wedi arwain at 1,000 yn llai o ddyddiau mewn ysbytai a 2,191 yn llai o ymweliadau clinigol. Mae’r canlyniadau hyn yn adlewyrchu ein hymrwymiad i wella ansawdd gofal, cyflymu gwneud diagnosisau a thriniaethau, a gwella llesiant cleifion.

2. Rydym yn hybu twf economaidd a buddsoddiad yng Nghymru Fe wnaethon ni gefnogi £3.9 miliwn mewn GVA at economi Cymru, sicrhau £5 miliwn mewn cynigion ariannu llwyddiannus a buddsoddiad o £2.44 miliwn.

3. Rydym yn cyflymu arloesi i’r rheng flaen O helpu i ddarparu dros filiwn o bresgripsiynau digidol i dreialu trawsnewid gwastraff clinigol a gwella diagnosteg canser drwy fiopsiau hylif, rydym wedi chwarae rhan allweddol i gyflymu arloesi i reng flaen gofal.

4. Rydym yn datblygu cydweithrediad strategol ar draws sectorau Rydym wedi dod â rhanddeiliaid o’r sectorau iechyd, gofal cymdeithasol, academaidd, y llywodraeth a diwydiant ynghyd i redeg mentrau fel ein Rhaglen Traws Sector gyda’r Academi Gwyddorau Meddygol.

5. Rydym yn hyrwyddo arloesi mewn canser ac iechyd digidol Mae canser yn parhau’n flaenoriaeth strategol, ac mae ein tîm yn cefnogi menter Mynd i’r Afael â Chanser Llywodraeth Cymru a phrosiectau digidol fel hyfforddiant realiti rhithwir ar gyfer dysffagia. Mae’r ymdrechion hyn yn rhoi pwyslais cryf ar ganfod cynnar, arloesi triniaethau, ac uwchsgilio’r gweithlu.

Adroddiad Blynyddol 2024-2025

6

Ni yw Hwb Gwyddorau Bywyd Cymru Rydym yma i gyflymu arloesi trawsnewidiol drwy gyrraedd rheng flaen gofal, gan annog ffyrdd newydd o gydweithredu ar draws y system i hwyluso twf economaidd ac iechyd gwell.

Rydym yn...

Angerddol

Cydweithredol

Arbenigol

Proffesiynol

Sut ydym ni’n cyflawni hyn?

Rydym yn gysylltwyr, yn hwyluswyr ac yn anogwyr. Rydym yn cefnogi diwydiant, sefydliadau iechyd a gofal cymdeithasol, llywodraeth a sefydliadau academaidd sy’n rhannu ein nod: rheoli, arafu ac atal afiechyd, drwy fabwysiadu datblygiadau arloesol newydd.

Rydym yn gweithio mewn dau faes o raglenni: Meddygaeth Fanwl a Digidol, Deallusrwydd Artiffisial (AI) a Roboteg. Thema sy’n gyffredin i’r ddwy raglen yw canser, lle mae canfod, diagnosis a thriniaethau gwell yn flaenoriaeth bwysig.

Adroddiad Blynyddol 2024-2025

7

Datblygu a hwyluso partneriaethau Mae gennym gysylltiadau eang a sefydledig sy’n helpu’r broses o rannu gwybodaeth a syniadau, codi ymwybyddiaeth o anghenion, a chanfod cyfleoedd i ddatblygu atebion ar y cyd. Mae hyn yn cefnogi gwerthuso, profi’r farchnad, llwybrau i’r farchnad a mabwysiadu. Mae ein digwyddiadau a’n rhwydweithiau hefyd yn ei gwneud hi’n haws ac yn gyflymach partneru a mabwysiadu arloesedd yng Nghymru.

Partneriaethau - Syniadau Arloesi Mae cymorth arbenigol ar gael i arloeswyr drwy werthuso’r farchnad ac asesu hyfywedd cynlluniau arloesol sy’n seiliedig ar heriau gofal iechyd a nodwyd.

Gwybodaeth y Sector - Gwybodaeth am y Farchnad Gall gwybodaeth am y sector helpu gydag adroddiadau a gwybodaeth am y farchnad, archwilio cyfleoedd mewnfuddsoddi, cefnogi achosion busnes a hwyluso ymgysylltu ag iechyd, gofal cymdeithasol, academia a diwydiant.

Gwybodaeth y Sector - Cyllido Darperir cyngor a gwybodaeth am gyllid ynghyd â chymorth i ddatblygu cynigion ar gyfer y gwahanol fathau o gyfleoedd cyllido sydd ar gael i hwyluso’r broses o ddatblygu syniadau’n gynnar, casglu tystiolaeth, masnacheiddio a mabwysiadu.

Cyflwyno’r Rhaglen - Tystiolaeth y Byd Real Rydyn ni’n darparu cymorth rheoli prosiectau i weithio’n agos gydag Iechyd a Gofal Cymdeithasol i hwyluso’r gwaith o werthuso a sefydlu sylfaen dystiolaeth ar gyfer effeithiolrwydd cynnyrch a gwasanaethau ar waith.

Cyflwyno’r Rhaglen - Brocera a Mabwysiadu Rydyn ni’n gallu darparu cymorth rheoli prosiectau i hwyluso trafodaethau rhwng iechyd, gofal cymdeithasol a diwydiant i helpu i gyflymu’r broses o fabwysiadu datblygiadau arloesol (ar fwy nag un safle neu’n genedlaethol) gyda sylfaen dystiolaeth gref o ran gwella effeithlonrwydd a chanlyniadau i gleifion.

Cyfathrebu - Dathlu Llwyddiant Mae hyrwyddo yn rhan bwysig o bob llwyddiant – ac rydyn ni’n helpu i godi proffil prosiectau o’r cychwyn cyntaf er mwyn iddyn nhw gael y sylw y maent yn ei haeddu. Gellir dangos llwyddiant drwy well effeithlonrwydd a chanlyniadau i gleifion, canfod ac atal yn gynnar, a hefyd drwy’r effaith ar dwf economaidd yng Nghymru. Rydyn ni’n cynnig cymorth marchnata a chyfathrebu i ddathlu’r llwyddiannau.

Adroddiad Blynyddol 2024-2025

8

Overall, we delivered a return on investment of

for every

spent

2024-2025

Blwyddyn mewn rhifau Rydym yn hybu arloesi yn y rheng flaen ac yn annog ffyrdd newydd o weithio ar y cyd ar draws y system i hwyluso twf economaidd ac iechyd gwell.

Yn gyffredinol, llwyddwyd i gyflawni adenillon ar ffuddsoddiad o £9 am bob £1 o wariant.

Gwneud bywyd yn well i gleifion yng Nghymru

64,606

1,040

o gleifion yn manteisio ar arloesi

yn llai o ddyddiau mae cleifion yn eu treulio mewn ysbyty

Hybu twf economaidd yng Nghymru Cyflawni

£3.895 miliwn

2,191 yn llai o ymweliadau clinigol

Cefnogi’r ecosystem iechyd a gofal cymdeithasol Helpu

yn nhwf Gwerth Ychwanegol Groes y Cwmni yng Nghymru Sicrhau

8 prosiect mabwysiadu

Cwblhau arloesi

£5.046 miliwn

119 o asesiadau

mewn cyllid

16

Sicrhau

£2.44 miliwn

£

o fuddsoddiad

o adroddiadau Cynhyrchu gwybodaeth am y farchnad,

28 o adroddiadau sgan cyflym, 4 adroddiad sector a 4 adroddiad rhyngwladol.

Adroddiad Blynyddol 2024-2025

9

Sut yr ydym yn cysylltu ac yn cynnull

Rydym yn cydlynu ac yn datblygu partneriaethau strategol allweddol, sy’n cynnwys penderfynwyr o ddiwydiant, darparwyr iechyd a gofal cymdeithasol, academia, cyllidwyr, cyrff proffesiynol, ac asiantaethau cymorth.

Gweithio mewn partneriaeth Rydym wedi ymgysylltu â chydweithredwyr o’r ecosystem arloesi i ffurfio a chynnal partneriaethau strategol, grwpiau â diddordebau arbennig, trefniadau gweithio tymor hir, yn ogystal â chyflwyno gweithdai a chefnogi digwyddiadau traws-sector.

Mae ein cydweithrediad â Hwb Gwyddorau Bywyd Cymru wedi bod yn hanfodol i ddatblygu mentrau effeithiol fel y rhaglen Health+ a digwyddiadau ar y cyd drwy gydol 2024–2025. Rwyf yn edrych ymlaen yn arbennig at lansio ein partneriaeth strategol newydd, sy’n nodi newid sylfaenol yn y ffordd rydym yn hybu arloesi yng ngogledd Cymru.

Pryderi ap Rhisiart, Rheolwr Gyfarwyddwr, M-SParc

Rydym wedi parhau â’n partneriaeth â’r Academi Gwyddorau Meddygol, gan gyflwyno Rhaglen TrawsSector gydweithredol o ddigwyddiadau a oedd yn cynnig llwyfan hanfodol i bartneriaid i arddangos arloesi yng Nghymru, i drafod materion allweddol, a chreu canlyniadau ystyrlon sydd o fudd i iechyd a gofal cymdeithasol. Roedd y gyfres o ddigwyddiadau’n ymdrin â themâu sy’n berthnasol yn glinigol fel canfod a gwneud diagnosis cynnar o ganser, a llesiant. Hefyd, buom yn darparu cymorth economaidd hanfodol drwy helpu i lansio a rheoli menter cyllid sbarduno newydd yn y DU a oedd yn cynnig hyd at £10,000 i brosiectau arloesol mewn gofal canser i fenywod.

Adroddiad Blynyddol 2024-2025

10

Mae digwyddiadau eraill rydym wedi helpu i’w trefnu a’u cefnogi’n cynnwys: Sesiwn ddatblygu a rhwydweithio rhyngweithiol gyda holl arweinyddion clinigol GIG Cymru.

Ymweliad strategol gan Gynghorwyr o Iwerddon a Gogledd Iwerddon i gryfhau cysylltiadau ac i hybu cynnydd ar y cyd.

Sesiynau yn Fforwm Diwydiant Canser Cymru.

“Roedd cefnogaeth Hwb Gwyddorau Bywyd Cymru’n allweddol i lwyddiant ein sioe deithiol Mindset-XR yng Nghaerdydd ym mis Gorffennaf 2024, ac i’r cysylltiadau mae’r rhaglen DU gyfan hon wedi’u meithrin yn system iechyd a gofal Cymru.”

Jill Owens, UK Mindset Innovator Support, Rheolwr Rhaglen Iechyd Meddwl, Health Innovation Network South London

Helpu i greu canolfan ragoriaeth yn Cardiff Edge Rydym yn helpu i fanteisio at y llu o gyfleoedd datblygu economaidd a gododd yn sgil datblygiad Cardiff Edge; hybu twf economaidd lleol a swyddi yn y rhanbarth.

Rydym wedi helpu i ddod â rhanddeiliaid allweddol ynghyd ac rydym wedi darparu gwybodaeth am y sector, wedi canolbwyntio ar greu canolfan ragoriaeth ar gyfer genomeg a phatholeg. Rydym wedi cefnogi prosiectau cyfochrog, gan gynnwys cydweithrediad a secondiad â Therapïau Uwch Cymru. Drwy hyn, mae Therapïau Uwch Cymru wedi lleoli staff yn Cardiff Edge, gan ddefnyddio gofod ystafell lân yng nghyfleusterau presennol Cytiva i ddechrau gweithgynhyrchu therapïau uwch.

Adroddiad Blynyddol 2024-2025

11

Sut rydym yn integreiddio Rydym yn ymdrechu i fod yn rhan o’r dull ‘Un Gymru’, lle mae partneriaid o bob rhan o’r genedl yn gweithio â’i gilydd mewn ffordd ddi-dor, gan adeiladu ar gryfderau’r cydrannau unigol i greu cyfanrwydd sy’n llawer cryfach.

Darparu gwybodaeth hanfodol am y farchnad Mae ein tîm Gwybodaeth am y Sector yn casglu ac yn dadansoddi gwybodaeth am dueddiadau’r farchnad, anghenion cwsmeriaid ac amodau ehangach y diwydiant. Mae’r wybodaeth hon yn ffurfio strategaethau, yn nodi risgiau ac yn canfod cyfleoedd newydd i dyfu. Mae’r sefydliadau sy’n comisiynu’n cynnwys byrddau iechyd, Llywodraeth Cymru, academia, a BBaChau.

Eleni cynhyrchwyd 52 o adroddiadau gennym, a oedd yn cynnwys adroddiadau ar: Y seilwaith gwyddorau bywyd ledled Cymru.

Mae’r canfyddiadau ar hyn o bryd yn cefnogi gwaith strategaeth gwyddorau bywyd ar draws amryw o swyddfeydd Llywodraeth Cymru a Strategaeth Ddiwydiannol Llywodraeth Cymru.

Gofal a rheoli diabetes, gan gynnwys atal, diagnosis cynnar a dyfeisiau meddygol.

Arloesi mewn canser. Mae arweinyddion clinigol yn defnyddio canfyddiadau cyfres o adroddiadau ar gyfer gwahanol fathau o ganser i lywio ac i gynorthwyo rhaglenni canser yng Nghymru’n uniongyrchol.

Adroddiad Blynyddol 2024-2025

12

Darparu miliwn o bresgripsiynau digidol Mewn cydweithrediad â’r Portffolio Trawsnewid Meddyginiaethau Digidol (drwy Iechyd a Gofal Digidol Cymru) a Llywodraeth Cymru, rydym wedi parhau i reoli’r Gronfa Arloesi System Fferylliaeth yn y Gymuned gan helpu i roi system ragnodi electronig ar waith yng Nghymru. Mae’r Gronfa Arloesi System Fferylliaeth yn y Gymuned (CPSIF) wedi darparu dros filiwn o bresgripsiynau digidol, gan wneud rhagnodi’n fwy diogel, yn haws, a mwy cost effeithiol i weithwyr gofal iechyd proffesiynol a chleifion. Eleni, dyfarnwyd £362,557.50 i gyflenwyr, ac mae mwy na 65 o fferyllwyr yng Nghymru wedi mabwysiadu’r gwasanaeth rhagnodi electronig.

Rydym wedi ymrwymo i barhau â’r cymorth hwn yn y flwyddyn nesaf, gan greu system fwy gwyrdd ac effeithlon lle bydd cleifion a darparwyr gofal iechyd yn elwa.

Mae’r gwasanaeth digidol hwn yn gwneud bywyd yn haws i gleifion ledled Cymru ac yn helpu ein gweithwyr gofal iechyd proffesiynol ymroddedig i weithio’n fwy effeithlon. Mae cyflwyno’r Gwasanaeth Rhagnodi Electronig yn llwyddiannus yn dangos sut yr ydym yn defnyddio technoleg ddigidol i wella gwasanaethau gofal iechyd i bawb yng Nghymru.

Sarah Murphy, y Gweinidog Iechyd Meddwl a Llesiant, sydd â chyfrifoldeb am arloesi mewn iechyd, technoleg, a thrawsnewid digidol

Sut rydym yn cyflymu Rydym am weld arloesi hanfodol yn cyrraedd rheng flaen iechyd a gofal cymdeithasol yn gyflymach. Rydym yn cyflawni hyn drwy ddatblygu dull cenedlaethol i gyflymu mabwysiadu – gan arwain ein partneriaid bob cam o ddatblygu i gyflwyno.

Mynd i’r afael â Chanser Mae gwella canlyniadau i bobl â chanser yn flaenoriaeth bwysig i Lywodraeth Cymru. Rydym wedi cefnogi’r fenter Mynd i’r Afael â Chanser, sydd â’r nod i ffurfio partneriaethau ymddiriedus rhwng darparwyr iechyd a gofal, diwydiant ac academia, cyflymu cyflwyno datrysiadau sy’n seiliedig ar dystiolaeth, a brofwyd, sy’n ymyrrol i drawsnewid cyfrannau goroesi canser yng Nghymru.

Mae’r gwaith wedi canolbwyntio ar ffrydiau gwaith allweddol: Llwybr mabwysiadu arloesi: llwybr clir, dealladwy sy’n seiliedig ar dystiolaeth ar gyfer mabwysiadu arloesi mewn canser Treialon clinigol ymchwil fasnachol: o dan arweiniad Ymchwil Iechyd a Gofal Cymru, sy’n canolbwyntio ar ymdrechion i gyflymu datblygiad, a chynyddu cyfranogiad mewn treialon clinigol, ansawdd uchel Cydweithio: cyd-ddatblygu set o egwyddorion sy’n galluogi cydweithredu gwell Buddsoddi mewn arloesi a modelau cyllido arloesol: sefydlu opsiynau polisi a chamau ymarferol i fwrw ymlaen ag arloesi sy’n cael blaenoriaeth i’w mabwysiadu’n genedlaethol

Mae mabwysiadu arloesi a meithrin ymddiriedaeth wirioneddol rhwng y GIG a diwydiant yn hanfodol i wella canlyniadau canser, i ateb y galw a gwella cynhyrchiant, sy’n her. Mae gennym lawer i ymfalchïo ynddo yng Nghymru, ond rhaid i’n huchelgeisiau fod yn fwy mentrus. Mae Hwb Gwyddorau Bywyd Cymru’n bartner pwysig yn y Fenter Mynd i’r Afael â Chanser, sy’n canfod datrysiadau i heriau system arloesi allweddol, hybu cydweithio ar draws rhwydweithiau rhanddeiliaid a galluogi mynediad cyflymach at ddatrysiadau arloesol.

Yr Athro Tom Crosby, Oncolegydd Ymgynghorol, Cyfarwyddwr Clinigol Canser Cenedlaethol Cymru

Cyflymu canfod canser Mae lleihau amseroedd aros a gwneud triniaethau’n fwy effeithiol yn hanfodol i wella canlyniadau canser. Rydym wedi parhau i ddarparu cymorth prosiect a chyfathrebu i QuicDNA, sy’n gwerthuso’r defnydd o fiopsiau hylif mewn canser. Mae’n cynnig dull anymwthiol o wneud diagnosis, gan ddefnyddio dadansoddiad genomig i greu therapïau wedi’u targedu, a gallai hefyd gyflymu’r llwybr triniaeth.

Mae hwn yn brosiect gwirioneddol gydweithredol gyda phartneriaid o’r GIG, diwydiant, academia, a chyrff hyd braich eraill. Yn awr mae treial clinigol yn cael ei gyflwyno'n genedlaethol mewn sawl Bwrdd Iechyd gyda channoedd o samplau cleifion yn cael eu dadansoddi.

Mae Hwb Gwyddorau Bywyd Cymru wedi chwarae rôl bwysig i helpu i sicrhau llwyddiant QuicDNA - drwy ddarparu cymorth prosiect a chyfathrebu strategol, cofnodi lleisiau cleifion fel tystiolaeth o effaith, a chofnodi cerrig milltir allweddol drwy gyfathrebu a chyfarfodydd cenedlaethol, gan gynnwys sicrhau sylw gan BBC Cymru. Mae eu cydweithrediad wedi bod yn allweddol i godi ymwybyddiaeth glinigol a’r cyhoedd, gan atgyfnerthu gwerth cydweithio ar draws gofal iechyd, diwydiant, a’r trydydd sector.

Siân Morgan, Gwyddonydd Clinigol Ymgynghorol, Cyfarwyddwr Labordy Genomeg Meddygol Cymru Gyfan Rydym hefyd wedi cyflymu arloesi iechyd a gofal cymdeithasol ymhell y tu hwnt i arloesi mewn canser

Hyrwyddo arbedion costau ac amgylcheddol y GIG Bob blwyddyn mae’r GIG yn cynhyrchu maint sylweddol o wastraff clinigol. Gall ei brosesu fod yn gostus ac anghynaliadwy. Mae Curo Waste yn cynnig datrysiad: trawsnewid gwastraff clinigol yn floc, deunydd a geir mewn cynnyrch wedi’i ailgylchu ac y gellir hefyd ei droi’n ynni. Mae prosesu ar y safle hefyd yn arwain at ragor o arbedion ariannol ac yn lleihau’r ôl troed carbon.

Rydym wedi ffurfio partneriaeth â Churo Waste a Bwrdd Iechyd Prifysgol Caerdydd a’r Fro i dreialu’r dechnoleg hon yn Ysbyty Prifysgol Llandochau.

Drwy gydlynu’r prosiect a dod â rhanddeiliaid ynghyd, rydym wedi dangos sut y gall cydweithrediad rhwng diwydiant a gofal iechyd arwain at arbedion gweithredol, economaidd ac amgylcheddol i’r GIG yng Nghymru.

Uwchsgilio staff gofal cymdeithasol gyda Realiti Rhithwir (VR) Gall dysffagia’r oroffaryngeol, anhawster llyncu, arwain at gamfaethiad a heintiau yn ein poblogaeth sy’n heneiddio. Mae rheoli’r cyflwr hwn mewn lleoliadau gofal cymdeithasol yn her oherwydd oedi cyn cael asesiadau a phrinder cymorth arbenigol.

Mae Hwb Gwyddorau Bywyd Cymru, mewn cydweithrediad â Bwrdd Iechyd Prifysgol Cwm Taf Morgannwg, Cyngor Pen-y-bont ar Ogwr a Chymunedau Digidol Cymru, yn mynd i’r afael â’r heriau hyn drwy hyfforddiant efelychiad rhithwir gan ddefnyddio technoleg Gogglemind. Mae’r hyfforddiant hwn yn helpu staff mewn cartrefi preswyl i ganfod arwyddion dysffagia’n gyflym, i atal achosion, ac ymateb i argyfyngau fel tagu.

Nod y prosiect, sydd ar hyn o bryd yn cael ei werthuso, yw gwella sut mae dysffagia’n cael ei reoli, lleihau camfaethiad a’r niferoedd sy’n cael eu derbyn i ysbytai, a gwella ansawdd bywyd preswylwyr a grymuso staff yr un pryd.

Roedd Hwb Gwyddorau Bywyd Cymru’n allweddol i sicrhau partner mewn diwydiant a oedd yn barod i weithio â’r risg, o gofio bod ein cyllid yn brin ar y dechrau. Roeddent hefyd yn cynnig rheolaeth uwch i’r prosiect, gan helpu drwy brosesau caffael a llywodraethu gwybodaeth cymhleth. Roedd eu cefnogaeth yn cynnwys ein cyflwyno i Gymunedau Digidol Cymru, a oedd yn helpu i sicrhau rhaglen hyfforddi drylwyr a chynaliadwy.

Roedd y rheolwr prosiect yn allweddol i gadw’r prosiect ar y trywydd cywir yng nghanol gofynion clinigol, hwyluso cyfathrebu esmwyth â phartneriaid mewn diwydiant, a gwella gwelededd y prosiect. Cafwyd hwb i broffil y prosiect yn sgil sylw yn y cyfryngau lleol a chenedlaethol ac ar blatfformau digidol a sicrhawyd gan y rheolwr cyfathrebu, a thrwy godi ymwybyddiaeth a hyder mewn defnyddio realiti rhithwir mewn hyfforddiant.

Sheiladen Aquino, Arweinydd Prosiect, Arweinydd Clinigol Therapydd Lleferydd ac Iaith, Bwrdd Iechyd Prifysgol Cwm Taf Morgannwg

Adroddiad Blynyddol 2024-2025

16

Gwella ansawdd bywyd gyda rheoli meddyginiaethau digidol Mae mwy a mwy o bobl yn rheoli sawl meddyginiaeth ar yr un pryd, ac mae cymryd y rhain i gyd yn y ffordd ac ar yr adeg gywir yn gallu bod yn anodd i rai.

Mae offer rheoli meddyginiaethau digidol yn ddatrysiad posibl, ac mae ein gwaith yn y gorffennol wedi dangos sut y gall offer rheoli meddyginiaethau digidol YOURMeds helpu pobl i gael y feddyginiaeth gywir ar yr adeg iawn. Roedd hyn yn eu gwneud yn fwy annibynnol, yn lleihau niwed a gwastraff, ac yn rhoi tawelwch meddwl i anwyliaid.

Eleni rydym wedi bod drwy ail gam y prosiect, lle datblygwyd y gwasanaeth ymhellach gan adeiladu ar y gwersi a ddysgwyd a llwyddiant y bartneriaeth â Bwrdd Iechyd Prifysgol Cwm Taf Morgannwg, Cyngor Bwrdeistref Sirol Pen-y-bont ar Ogwr, SBRI ac Ysgol Reolaeth Prifysgol Abertawe.

Rydym wedi rheoli’r prosiect, darparu cyllid, a chymorth gwybodaeth am y sector, gyda’r cam hwn yn cynyddu cwmpas y prosiect gan gynnwys y gallu i’w ehangu er mwyn ei fabwysiadu’n ehangach. Mae’r gwaith gwerthuso’n cael ei wneud ar hyn o bryd.

Fi oedd y person cyntaf i roi cynnig ar YOURmeds. Mae gen i ffibromyalgia, roeddwn yn ddryslyd, ac nid oeddwn yn cymryd fy holl feddyginiaethau, gan fod angen imi gymryd cymaint ohonyn nhw. Roedd y tîm ym Mhen-y-bont yn dda iawn â mi. Mi ges i bob cymorth, ac rwyf yn berson gwahanol erbyn hyn. Rwyf yn ôl fel yr oeddwn o’r blaen, ac yn llawer gwell!

Anita Jones, defnyddiwr YOURmeds

Sut yr ydym yn eiriol Sicrhawyd dros £5 miliwn mewn cyllid ar gyfer prosiectau iechyd a gofal cymdeithasol Mae ein tîm cymorth cyllido’n helpu arloeswyr drwy’r broses gymhleth o wneud ceisiadau am gyllid ar gyfer prosiectau iechyd a gofal cymdeithasol. Eleni, rydym wedi helpu â 22 o wahanol geisiadau am gyllid, gyda’n hymdrechion yn helpu i sicrhau £5,026,269 o gyllid.

Buom yn helpu’r Rhwydwaith Gweithredu Clefydau Prin i sicrhau cyllid gan raglen Grantiau Bach Rhwydwaith Arloesi Cymru. Bydd hyn yn galluogi ymchwilwyr o Gymru i ddod at ei gilydd, i chwilio am gyfleoedd cyllido a rhannu gwybodaeth. Rydym yn gobeithio adeiladu ar y gwaith hwn gyda rhagor o geisiadau am grantiau'r flwyddyn nesaf.

Rwyf yn ddiolchgar dros ben am yr help a gafwyd gan HGBC i baratoi’r cais am grant bach Rhwydwaith Arloesi Cymru. Roedd eu cyfraniad yn amserol, yn fuddiol ac mi wnaeth wahaniaeth gwirioneddol i ansawdd y cais. Rwyf wrth fy modd ein bod wedi llwyddo i sicrhau’r arian ac rydym yn edrych ymlaen at adeiladu ar waith y Rhwydwaith Ymchwil Clefydau Prin yn sgil cydweithrediad a chymorth gan HGBC. Yr Athro Kerry Hood, Deon Ymchwil ac Arloesi, Coleg y Gwyddorau Biofeddygol a Bywyd, Prifysgol Caerdydd Buom yn cefnogi DDM Health gyda chais llwyddiannus am £1.6 miliwn i raglen i4i NIHR. Bydd yr arian hwn yn cael ei ddefnyddio mewn astudiaeth bywyd go iawn i reoli pwysau i helpu pobl sy’n byw â gordewdra. Maent yn edrych ar fentrau fel offer digidol, cymorth â ffordd o fyw a meddyginiaethau colli pwysau gan asesu eu gwerth i’r claf ac i’r GIG.

Chwifio’r faner dros Gymru drwy gyfathrebu a marchnata Rydym wedi parhau i sicrhau bod ein gwefan yn rhywle lle gall pobl fynd i gael gwybodaeth am arloesi yng Nghymru. Yn ogystal â’n Cyfeiriadur Arloesedd, rydym wedi cynnal ein Cyfeiriadur Cyllido sy’n tynnu sylw at gyfleoedd cyllido i sefydliadau a phobl sydd am gael cymorth ariannol i wireddu eu datblygiadau arloesol.

Rydym hefyd wedi parhau â’n gwaith i wneud ein gwefan y rhywle lle gall partneriaid rannu newyddion ac astudiaethau achos – gan letya cynnwys trydydd partïon sy’n dangos pa mor ddynamig yw’r ecosystem arloesi yng Nghymru. Mae ein cynulleidfa yn cytuno fod hwn yn gryn atyniad – gyda dros 100,000 o ymweliadau â’n gwefan yn ystod y flwyddyn ddiwethaf.

Diweddariad ar weithrediadau ac adnoddau Roedd cyfanswm ein costau eleni yn £4.303 miliwn, sy’n gynnydd o 12.4% o’i gymharu â’r flwyddyn flaenorol, yn bennaf o ganlyniad i £384k ar gyfer gweithgarwch y Comisiwn AI a chyllid grant o £363k gan CIPSF. Rydym yn ddiolchgar i Lywodraeth Cymru (Economi ac Iechyd) am barhau i’n cefnogi, ac a gyfrannodd grant craidd o £3.508 miliwn.

Sicrhawyd cyllid ychwanegol drwy ystod o ffrydiau gan gynnwys cyllid grant ymlaen CPSIF, yr Academi Gwyddorau Meddygol a’r Comisiwn AI. Roedd ein costau cyflogau Core Grantgrant craidd ac roedd costau swyddfa yn 13%. Yn gyffredinol, yn 69% Welsh o’nGovernment gwariant CPSIF onward granting AI Commission llwyddwyd i gyflawni adenillon ar ffuddsoddiad o £9 am bob £1 o wariant.

Academy of Medical Sciences Office Project Costs Recovered

Incwm

Desk Rental Income

Other Income

Grant Craidd Llywodraeth Cymru Grant ymlaen CPSIF

2023/24 Ffigurau Gwirioneddol £3.8m £3.8m

Welsh Government Core Grant CPSIF onward granting

AI Commission

Y Comisiwn AI

Yr Academi Gwyddorau Meddygol Costau Prosiect Swyddfa a adenillwyd Incwm Rhentu Desgiau

Incwm Arall

Academy of Medical Sciences Other Income

2024/25 Ffigurau Gwirioneddol £4.3m

Grant Craidd Llywodraeth Cymru Grant ymlaen CPSIF

Y Comisiwn AI

Yr Academi Gwyddorau Meddygol

Welsh Government Core Grant

Incwm Arall

CPSIF onward granting Academy of Medical Sciences Other Income

Grant Craidd Llywodraeth Cymru

2025/26

Rhagamcaniad £4.6m

Grant ymlaen CPSIF Yr Academi Gwyddorau Meddygol Incwm Arall

Rydym yn falch o’n tîm amlddisgyblaeth o 38 o arbenigwyr cyfwerth ag amser llawn, sy’n gweithio â’n partneriaid o bob rhan o’r ecosystem arloesi. Rydym wedi parhau i adeiladu a chryfhau ein tîm i helpu i sicrhau ein bod yn cyflawni newid. Eleni, rydym wedi ymgorffori ffyrdd newydd oStaff weithio o fewn ein hamgylchedd swyddfa sydd ICT & Office wedi’i adnewyddu ac rydym wedi parhau i integreiddio ein Office refurbishment Marketing, Events and Travel gwerthoedd.

Finance & Compliance

Costau

Onward Granting

Other Costs

Depreciation and lease interest

Yn Gysylltiedig â Chyflogau TGCh a Chostau Rhedeg Swyddfa

2023/24 Ffigurau Gwirioneddol

Marchnata, Digwyddiadau a Theithio Cyllid a Chydymffurfiaeth Grantiau Ymlaen

£3.8m Staff

Costau Adnewyddu’r Swyddfa

ICT & Office

Costau eraill

Dibrisiant a llog ar y brydles

Marketing, Events and Travel Finance & Compliance

Onward Granting

Other Costs Depreciation and lease interest

2023/24 Actuals

Yn Gysylltiedig â Chyflogau TGCh a Chostau Rhedeg Swyddfa

2024/25

Marchnata, Digwyddiadau a Theithio

Ffigurau Gwirioneddol

Cyllid a Chydymffurfiaeth Costau eraill

Dibrisiant a llog ar y brydles

£4.3m Pay related

Grantiau Ymlaen

ICT & Office

Marketing, Events and Travel Finance & Compliance

Onward Granting

Depreciation and lease interest

2024/25 Actuals

Yn Gysylltiedig â Chyflogau TGCh a Chostau Rhedeg Swyddfa

2025/26 Rhagamcaniad

£4.6m

Marchnata, Digwyddiadau a Theithio Cyllid a Chydymffurfiaeth Grantiau Ymlaen Dibrisiant a llog ar y brydles

2024/25 Actuals

Adroddiad Blynyddol 2024-2025

20

Edrych i’r dyfodol Ein Prif Swyddog Gweithredol Cari-Anne Quinn, yn edrych yn ôl ar ein cyflawniadau hyd yma ac ymlaen at ddyfodol Hwb Gwyddorau Bywyd Cymru Rwyf yn ymfalchïo yn yr effaith mae gweithio ag ystod eang o bartneriaid a rhanddeiliaid wedi’i gael, yr heriau rydym wedi helpu ein partneriaid i’w goresgyn, a’r holl gyfleoedd enfawr sy’n ar gael i arloesi mewn iechyd a gofal cymdeithasol yng Nghymru.

Byddwn yn parhau i hybu gwerth mewn iechyd a gofal cymdeithasol, gan roi blaenoriaeth i leisiau clinigwyr, cleifion a defnyddwyr gwasanaeth.

Mae canser yn flaenoriaeth o hyd, gan adlewyrchu agenda polisi Llywodraeth Cymru. Fel prif achos marwolaethau yng Nghymru, rydym yn cefnogi datblygiadau arloesol i wella ataliaeth a thriniaeth, boed drwy gefnogi prosiectau, ceisiadau am gyllid, neu adroddiadau sy’n gwella dealltwriaeth. Mae ein gwaith parhau â’r fenter Mynd i’r Afael â Chanser mewn partneriaeth â Llywodraeth Cymru yn hanfodol i hyn.

Rydym wedi ymrwymo i ymgorffori datblygu economaidd ym mhopeth rydym yn ei wneud, i hwyluso llywodraethu, annog buddsoddiad, cynnig cymorth i BBaCh, a gwneud y GIG a gofal cymdeithasol yn sefydliadau sy’n hybu arloesi. Mae hyn yn cynnwys ein rôl fel partner Cymru yng ngwasanaeth arloesi’r DU a darparu porth Cymreig.

Rydym wedi’n cyffroi gan y Rhaglen Potensial Economaidd Uchel arfaethedig, menter gydweithredol gan Lywodraeth Cymru.

Byddwn yn gweithio â rhanddeiliaid allweddol i ddatblygu fframwaith cymorth ar gyfer busnesau gwyddorau bywyd â thwf uchel posibl.

Rydym yn edrych ymlaen hefyd at Uwchgynhadledd Buddsoddiad 2025 Llywodraeth Cymru, ac yn barod i gynorthwyo’r holl randdeiliaid a fydd yn rhan ohoni.

Wrth edrych ymlaen, mae’r posibiliadau’n ein cyffroi Rydym yn gweithio ag arloeswyr sy’n flaenllaw yn eu meysydd, gan dystio sut mae datblygiadau’n ailddiffinio sut mae gofal yn cael ei ddarparu. Byddwn yn parhau i eiriol dros Gymru fel lleoliad delfrydol i wneud cynnydd, i wella iechyd a llesiant gan annog arbedion yn y system a chreu buddiannau ariannol i ddiwydiant ac economïau lleol.

Adroddiad Blynyddol 2024-2025

21

www.hwbgbcymru.com

Hwb Gwyddorau Bywyd Cymru 3 Sgwâr y Cynulliad Bae Caerdydd CF10 4PL

helo@hwbgbcymru.com