ENCAMIENTOS

76

ENCAM RECOMEN D

Poniente, 21 años de bon facer

¡Cómo cuerre’l tiempu! comentábanos en tonu graciosu la propietaria María del Carmen Peña, “el prósimu marzu va faer yá 21 años que xunta’l mio home, Avelino, punximos tola ilusión nesti negociu”. Avelino que suel venir a diariu a tomar daqué y charrar colos veceros, y Mari Carmen, qu’entá podemos vela traxinando y dando los postreros toques de los platos de la so cocinera Alina. Un sitiu perafayaízu pa degustar pexe como’l pixín, la llubina, llinguáu, chopa, etc. tantu a la chapa como al fornu; como diz la cocinera “ ensin munches floritures”, pa nun desvirtuar el saborgu auténtico del productu. Al fondu la barra una gran cetária con llagostes, bugres, andariques y demás mariscos, en temporada tamién percebes, esguila y amasueles, material pa degustar tantu en parrilles como n’esquisitos arroces de mariscu o marineru. En carne, destacar l’entrecot y un esquisitu sollombu, asina como’l llechazu. Nun falta un ellaboráu menú diariu y otru especial de fin de selmana. Y pa los más llambiones recorda-yos que los postres son caseros. El llocal amás de tener un ambiente atopaízu, dispón d’un comedor que pue utilizase pa cellebraciones y xintes de grupos. Por supuestu, nunca falta un bon culin de Sidra Canal.

PONIENTE, MARISQUERÍA. JUAN CARLOS I, 13. XIXÓN T. 985 322 349

San Cachopu en Casa Patxi

Cuando daquién especialízase en daqué en concretu, crea una marca. San Cachopu ye la identidád d’esta sidrería, onde Ruben Castresana como xerente y Beatriz Antuña en cocina, xunta Fran y Paco en sala, ocúpense d’ufiertar lo meyor nel so campu. Ente les catorce variedaes de cachopos que podemos atopar y esfrutar, non solo’l díi de San Cachopu, sinón tamién los otros díis, destacar l’ Especial de la casa; gratináu con redución de vinu dulce y foie; el de bacalláu, el de verdures... y una esperiencia única, el cachopu de pulpu, onde’l pulpu nun ye’l rellenu, el pulpu rellénase. Dalgunu d’ellos féxolu ser merecedor d’algamar les finales de campionatos de cachopu varios años, y con un detalle bien asturianu, faer una guarnición con un hórreo comestible. Amás de cachopos, tamién tienen carne de güe cola procedencia del Pais Vascu, carrilleres ibériques, el pulpu con llagostinos a la cazuela, ensalaes especiales y variaes. Y como complementu los postres qu’amás de ser caseros son ellaboraos con muncha dedicación. Y como sidre, que nun podrie faltar, equí échase Villacubera, Trabanco y Menéndez. Si tenemos neños, tienen una amplia terraza con zona infantil zarrada, pa que los pequeños de la casa puedan xugar xuntos demientres los mayores tán esfrutando de la terraza. Asina que namás queda dicir... ¡¡amigos, Bon San Cachopu!! SAN CRISTOBAL-CASA PATXI, SIDRERÍA. QUINTANA DE DIONISIO 5. AVILÉS T. 985 56 37 05

77 IENTOS DACIONES

La Iglesiona, en Xixón

Apiegada a la Basílica del Sagráu Corazón y como’l so propiu nome indica, atopamos cola más que conocía sidrería La Iglesiona, qu’amás del so escepcional allugamientu pue aportase a ella por dos calles. Abierta dende xunu de 2017 Oleg y la so familia, col so bon faer, fueron ganándose adulces a un públicu que yá se convirtió n’habitual de la sidrería. Con dos amplios comedores nel interior y de magar abril con dos terraces na cai Llión preséntase un chigre con una gran variedá de posibilidaes gastronómiques que vos vamos a numberar de siguío. Tolos díes inclúyese fabada nel menú y con un preciu más qu’aceptable de 10,00€ incrementádose a 16,00 € les fines de selmana. Esti postrer menú, coméntamos Oleg, ye prácticamente carta, yá que pue escoyese ente ensalaes templaes, pastel de cabrachu, entrecotte y cabritu al fornu ente otres. El bacalláu y les carnes colloraes a la piedra cunten ente les sos especialidaes . Hai de destacar los postres ellaboraos por ellos mesmos como flan, tartes de dos chocolates, de la güela, de quesu, y cómo non, l’arroz con llechi. Pasemos agora a regar l’asuntu, tocántenes a sidre y dependiendo del momentu, puen ufiertate Roxmut y la brut del Llagar de Trabanco Poma Áurea. La natural queda al cargu de Trabanco, Trabanco d’Escoyeta y Cortina, con sobrosaliente tratu y echáu.

LA IGLESIONA, SIDRERÍA. BEGOÑA, 34 Y LEÓN 7. XIXÓN T. 985 354 231 / 985 171