ĊINEMA
kullhadd.com
18|09|2016 29
THE BEATLES: EIGHT DAYS A WEEK – THE TOURING YEARS
NOSTALĠIKU
DOKUMENTARJU INĊISIV FUQ GRUPP FENOMENALI
Jieħdu Sehem: The Beatles (John Lennon, George Harrison, Paul McCartney, Ringo Starr) Direttur: Ron Howard. Ħin: 138 min. Distributur: Studiocanal Ltd Films Maħruġ minn KRS Releasing Ċert. PG Id-direttur rinomat Ron Howard, li anke dderieġa film fuq is-sewwieqa tal-Formula 1, James Hunt u Nikki Lauda, Rush, din id-darba ried jagħti opportunità lill-ġenerazzjoni preżenti biex ikunu jafu fuq il-qawmien fenomenali u ta’ malajr ta’ grupp ta’ erba’ żgħażagħ minn Liverpool. Minkejja li l-grupp The
Beatles, kompost minn John Lennon, Paul McCartney, George Harrison u Ringo Starr, kienu fl-aqwa tagħhom mal-50 sena ilu, iż-żgħażagħ tal-lum żgur li semgħu bihom u anke jixtiequ jkunu jafu aktar dwar il-kariżma tagħhom. Dan il-grupp mużikali rnexxa għax l-erba’ persuni li ffurmawh kellhom dispożizzjoni ferrieħa,
dejjem ftiehmu bejniethom u kienu intiżi fil-mużika li l-ġenerazzjoni żagħżugħa ta’ żmienhom riedet tisma’. The Beatles: Eight Days A Week – The Touring Years jiffoka fuq is-snin 1962 sal1966, meta kienu daru d-dinja bil-ħoss uniku tal-mużika tagħhom. Wara li bdew ikantaw f ’postijiet fl-Ingilterra u l-Ġermanja, malajr sabu suċċess kbir fl-Ewropa. Iddaqqa kbira li għamlithom leġġendarji waslet nhar id-9 ta’ Frar 1964, fit-8.12pm, meta, wara ftit ħin reklami, dehru f ’The Ed Sullivan Show. Dan il-mument kellu impatt kbir
għax 73 miljun ruħ rawhom fuq it-televiżjoni Kien avveniment straordinarju li għaqqad nazzjon kbir, kif ukoll beda l-istil tal-kultura taż-żgħażagħ kif nafuha llum. Wara l-Ewropej kien imiss l-Amerikani li jaqgħu taħt is-seħer tagħhom. Kien iż-żmien propizju biex The Beatles jibdew iduru maddinja, attività li ebda pop group m’azzarda jagħmilha; lanqas Elvis Presley. Dan iddokumentarju jinkludi filmati li qatt ma dehru qabel, ta’ wirjiet li taw u intervisti ma’ Paul McCartney u Ringo Starr kif ukoll osservaturi oħra
prominenti. F’Awwissu 1966, The Beatles waqfu jduru; f ’ħames snin kienu taw 815-il wirja fi 15il pajjiż u 90 belt madwar id-dinja. Il-ġenerazzjoni ta’ żmienhom ġiet maħkuma minn fenomenu misterjuż jismu Beatlemania. Oqogħdu attenti u wara li jispiċċa dan ilfilm toħorġux. Għal 30 minuta sħaħ se taraw sintesi bil-kulur ta’ kunċert li The Beatles taw fix-Shea Stadium, New York, fis-sena 1964. Tassew esperjenza straordinarja u anke nostalġika għal dawk li għexu f ’dan iżżmien ta’ bidla.
L-AQWA ĦAMES FILMS Bejn is-07.09.2016 u l-11.09.2016
1. 2. 3. 4. 5.
Ben-Hur Finding Dory Mechanic: Resurrection War Dogs Suicide Squad
KOMPETIZZJONI EMPIRE CINEMA
Mistoqsija għal din il-ġimgħa:
Min kienu l-membri ta’ The Beatles?
Ibgħat it-tweġiba tiegħek lil: Kompetizzjoni Films, KullĦadd, KullĦadd, ONE Complex, A 28 B, Industrial Estate, il-Marsa, MRS3000 Rebbieħa tal-ġimgħa l-oħra: A. BONNICI – Ħal Tarxien