2025台文書寫工房作品集電子冊

2025台語散文．小說書寫工房成果集

1半1半

20 25

葉 炫均

最近天氣1時hip熱，1時陣雨，mā m̄知是beh轉涼抑猶未。Chit幾年m̄知為siáⁿ

-mih tiāⁿ-tiāⁿ攏會問家己：「Beh去tó位？」三不時仔就心內bū chit句出--來。Ta̍k

遍kán-ná mā kan-ta會使kā家己回答，先kā眼前ê代誌做ho͘煞才閣講。按呢問， mā問4冬--ah。

Beh去tó位--咧？我mā m̄知。總--是閒--落-來ê時，tī hia罔想mā想bē thong。去 tó位行行看看--咧，去參加無kâng ê活動，kán-ná mā是治標無治本。減1 ê久長

ê計畫ê感覺？M̄-koh beh久長，tī chit ê時代kám有路用？時局變化chiah-nī緊，

kán-ná所有ê一切攏m̄是講ē準算--ê。Kah計畫to無路用，nā按呢hn̄g-hn̄g ê所在

koh是siáⁿ-mih hòe teh等--阮。現在beh做啥，主意就無thang lia̍h--lo͘h。Mā只 好代誌來啥就做啥，beh講siáⁿ-mih以後ê代誌，mā是以後ê代誌。

最近採訪1位阿má，講著伊少年ê時bat算過命，先生講命格ē-sái hō͘伊活kah 70 幾歲。Chín chit位阿má mā已經食過80--ah。伊講chín是天公ka添歲壽--ê，

tang時beh睏攏m̄知影，mā m̄ káⁿ應人講beh做啥做啥。 Chit工ê代誌就是chit 工soah，明仔載我m̄知。

有人ê日子短短，有人是tn̂g-lòng-sòng。M̄-koh眼前攏有代誌愛做，愛做kám愛

做？無愛做kám著ē-sái無愛做？計畫1工是計畫，計畫1冬mā是計畫，以後ê代誌交 hō͘以後ê家己去hoa̍t-lo̍h好--ah，現在就暫且按下。按呢kám有kā家己安搭--著， 我看mā kan-ta是1半1半。

1

1粒豆 Khah贏豬頭

TAIWANESE READING SERIES ACTIVITIES

楊 秀雯

Iû-goân是sap-sap-á雨lo̍h bē停ê早起，參加1場告別式，聽tio̍h 1 ê gín

-á代表家屬講1 pha答謝ê話，台語講kah眞鬥搭，chiah國校5年á niâ。伊

講：「阿祖，你已經去天頂做仙--ah，想起你在生ê時，ta̍k遍阿媽chhōa我轉 來in後頭厝看--你，我攏會坐tī你ê身邊pûn thô͘-pi-á（中文：陶笛）hō͘你聽， 你講我pûn kah chiok好--ê，koh áu 1頂武士帽hō͘我戴。阿祖，我chiok 想--你，我會kā台語學ho͘好，我beh kā你講--ê，希望你ē -tàng聽--著。」

1 ê阿桑坐tiàm我頭前，in ang-sài tú走無jōa久，聽kah目屎sì-lâm-sûi， ná beh kā滿腹ê相思攏háu-háu--出-來，我ê目屎soah攏含tī目kho͘內pha

-lián-tńg，hō͘我感觸siōng深--ê，是chit ê gín-á兄踏thô͘踏tē ê khùi口， 伊講beh kā台語學ho͘好，thoân-thn̂g祖先ê話語。

現此時，咱人辦喪事ê禮數ná來ná簡省，chit-má mā khah罕得聽著有人 chhiàⁿ「五子哭墓」抑是「電子琴」--ah，實在chhò人耳。

進前bat聽人講：「在生1粒豆，khah贏死了拜豬頭」。意思是teh講，kah-nā 父母序大過身了後，才chhoân腥臊--ê來祭拜，he kán-ná攏是beh做hông

看--ê，m̄是眞心--ê，kui-khì tī in iáu在生ê時ka奉待，1粒塗豆，或者是簡 單ê物，有心siōng蓋重要，iú孝bē -tàng等，愛用實際ê行動表達。

1

2025台語散文．小說書寫工房成果集

區間車趣味代

20 25

郭 仲堃

Hiān-chhú-sî Tâi-oân Thih-lō͘-kio̍k í-keng kái chò bîn-êng-hòa, só͘ -pái ho̍k-bū lóng chiâⁿ jīn-chin. Ūi-tio̍h beh thé -giām Tâi-oân kok só͘-chāi ê chhù-bī tāi, liáu-kái chit hong-bīn, iā ē -tàng liān kha-le̍k . "It kiam jī kò͘, bong lâ-á kiam sé khò͘." Thàu-chá khí-chhn̂g chia̍h-pá āu, chio khan-chhiú lâi poa̍h-poe khòaⁿ kin-á-ji̍t beh chiūⁿ-pak iah sī lo̍h-lâm, he̍k -chiá sī tī Ko-hiông kiâⁿ-se̍h khah chū-chāi--leh!

Tio̍h sa nn̄g ê cha̍p-kho͘--ê tòng-chò sīm-poe lâi poa̍h, nā sī sīm -poe tō chhiūⁿ-pak , nā sī kha̍p-poe tō lo̍h-lâm, nā-sī chhiò-poe tō tiàm Ko-hiông kiâⁿ-kiâⁿ--leh! Kò-jîn mā kám-kak chiâⁿ chhù -bī--neh!

It-khah-thong (一卡通) the̍h--leh ki chi̍t siaⁿ to̍h thong-koan--ah.

Nā sī kà-ji̍t chóng-sī lâng chiâⁿ-chē, pêng-siông ji̍t tō lang-lang-á.

Iân-lō͘ kong-kéng ùi to͘-chhī kàu chng-kha, lóng ū bô kâng ê khì -bī, mā bô kâng ōe -bīn, sú lâng khin-sang sù-sī kah. Sin-bûn ū pò kóng “sè -kài âng-kiû” lâi Tâi-lâm teh tián-lám. Hó, kin-á-ji̍t hiòng pak , tio̍h chē kàu Tâi-lâm lâi tàu lāu-jia̍t. Lo̍h chhia-thâu iân Pak -mn̂g-lō͘ it-ti̍t kiâⁿ-kàu Kong-hn̂g Lâm-lō͘. Hn̄g-hn̄g tio̍h ū khòaⁿ tio̍h bî-bî-á âng-âng ê mi̍h-kiāⁿ, chiok chē lâng--neh! E-e -tīn-tīn, koh chhiūⁿ teh koah-hiuⁿ--leh! Chin lāu-jia̍t.

Chit ê "Âng-kiû Kè -ōe" thiaⁿ kóng sī Bí-kok chi̍t ūi gē -su̍t-ka chhòng-chok--ê, chú-iàu sī beh hō͘ sè -kài kok kok siâⁿ-chhī ke -lō͘ téng tō ē -sái khòaⁿ tio̍h i kap jîn-bîn chiok kán-tan chiap-kīn, mā cho̍k-kûn hô-hâi, sè -kài hô-pêng ê lí-liām, mā hō͘ gē -su̍t koh khah hó chiap-kīn. Chin-chiàⁿ chiâⁿ ū ì-gī--ah.

Hó! Kin-á-ji̍t kiâⁿ-ta̍h kiam ūn-tōng, mā ū kàu--ah. Iân-lō͘ táⁿ -tō-hôe -hú, chē khu-kan-chhia lâi--lo͘h!

1

TAIWANESE READING SERIES ACTIVITIES

眩 碳 食飽就愛睏。

林 以晴

我自初中3年就漸漸á hông òe著chit款症頭。眞正是hông òe--ê，tī補習 班 t ú - á k ā ku i ê 便 當 食 了 了 ， 就 愛 隨 接 l ŏ e 上 課 ， 看 老 師 t i à m 台 頂 講 k a h

c h h ù i 角 全 波 ， 邊 - - a ê 同 學 s oa h 1 ê 1 ê 倒 te h 睏 。 C h i t 時 ， ko h k h a h 按 怎 堅 強 ê 意 志 、 好 學 ê 精 神 ， 總 - - 是 無 法 度 ka h 自 然 ê 生 理 現 象 做 對 。 胃 t n g 骨 力 te h 消 化 ， 頭 就 t a̍ u h -t a̍ u h - á 犁 - - l o̍ h - 去 ， 意 識 也 愈 來 愈 茫 霧 ， 按 呢 t u h - - l e h t u h - - l e h 就 睏 去 - - a h 。 等 候 目 c h i u ko h p e h 金 ê 時 ， 就 te h b e h 下 課 - - l o͘ h 。

偏偏á暗時是siōng蓋寶貴ê時間，補習排tī chia、讀冊mā排tī chia。 圖 書 館 k a n -ta 開 到 1 0 點 ， n ā 暗 頓 食 飽 無 細 膩 睏 - - 去 ， 今 á 日 ê 進 度 就 烏 有 - - 去 - a h ， 免 想 b e h ko h 讀 啥 m i h 冊 。

原 本 我 叫 是 講 ， c h e 是 我 te h 貧 惰 、 想 b e h m o͘ - h u i 。 有 1 工 看 著 「 眩 碳 」 c h i t ê 詞 ， n á 像 得 著 解 脫 —— c h e 是 正 常 - - ê 。 就 按 呢 ， c h h ō e 著 完 美 ê 藉 口 。

L â n g n ā 1 下 á 食 s i u ⁿ c h ē 碳 水 ， 血 壓 隨 c h h è n g h o͘ koâ n ， 身 體 就 會 製 造 c h i o k c h ē 胰 島 素 ， k ā 血 壓 壓 - - l o̍ h - 來 ， c h i t ê 過 程 會 產 生 h ō͘ 人 愛 睏 ê h o͘

- l ú - b ó n g（m e l ato n i n）。 所 以 食 物 件 ， 尤 其 是 飯 、 p h á n g 、 麵 h i t 類 ， ē 感 覺 著 飽 ê 物 ， 食 了 攏 會 gō n g 神 gō n g 神 ， 頭 殼 h î n 、 想 b e h 睏 。

古早時代暗頓食了，天就暗--ah，mā差不多beh歇睏--ah，按呢ê生活節奏

1

2025台語散文．小說書寫工房成果集

眩

20 25

碳｜Lîm Í-chêng 林 以晴

t ú -t ú - á 好 。 甚 至 有 研 究 發 現 ， h i t 時 ê 人 會 「 睏 2 改 」 ， 7 、 8 點 睏 - - 去 了 後 ，

半 暝 ko h p e h - - 起 - 來 ， 整 理 烘 爐 、 c h h i a h 膨 紗 、 看 冊 、 開 講 、 祈 禱 ， 然 後 繼續睏到天光。

我 l i a̍ h 準 是 罕 得 k h oà i ⁿ 、 需 要 h ô n g 改 變 ê 歹 習 慣 ， 其 實 c h i a h 是 咱 人 ê 原 性，顚倒是hia社會預設ê規矩，tī電火發明進前根本無可能。

C h i t 款 例 ko h 不 止 á c h ē 。 L â n g k á m 就 一 定 愛 工 作 8 點 鐘 久？是 按 怎 咱 k a p 厝 內 人 鬥 陣 ê 時 間 h i a h - n ī 少 ， 顚 倒 ku i 工 攏 te h c h h a m 討 厭 ê 同 事 s i o t ù i

s i ò n g？是 按 怎 一 定 愛 食 k a h 三 頓？K á m b ē -tà n g i a u - - a h c h i a h 去 c h h ō e 物 件 食？是 按 怎 學 校 是 照 年 歲 te h h u n 班 ， m̄ 是 能 力 k a p 興 趣？N ā 現 代 社 會 b e h t i̍ h - - ê 是 效 率 ， 按 呢 ê 教 學 效 果 k á m m̄ 是 ko h k h a h 好？

1 9 世 紀 工 場 ê 鐘 聲 到 ta ⁿ i á u ko h te h 控 制 咱 ê 生 活 ， 眞 c h ē 習 慣 k a p 思 考 方 式 攏 是 對 h i t c h ū n 留 - - l o̍ h - 來 - ê ， 為 著 配 合 工 業 化 c h i a h tē n g - - ê ， 現 代

人 s oa h 感 覺 是 眞 理 。 科 技 愈 來 愈 發 達 ， 人 卻 無 變 k a h k h a h 自 由 ， 機 器 取 代 了 c h ē - c h ē ê 工 課 ， 咱 ko h 繼 續 發 明 代 誌 來 勞 煩 家 己 。

食 飽 睏 、 睏 飽 食 ， 嘛 是 1 種 幸 福 ， 聽 人 講 有 歲 了 後 ， 顚 倒 是 想 b e h 睏 s oa h 睏 bē去。食飯食飽，tī siōng sù-sī、身體siōng愛睏ê時陣好好á睏1暝，精 神 - - a h c h i a h ko h 去 讀 冊 。 著 聽 身 體 ê 話 ， 伊 b ē h ō͘ 咱 食 虧 。

2

Thâu-khak--ni̍h Ê Hit Bóe Thâng

TAIWANESE READING SERIES ACTIVITIES

林 淑美

講 台 語 k á m 有 j ō a 重 要？C h e 是 我 走 c h h ō e k a - t ī ê 過 程 … …

「 H i t ê（風 紀 股 長 林 淑 美）有 夠 討 厭 ， t ò e t ī 咱 ê 後 壁 k h o̍ k- k h o̍ k 記 ， c h i t p á i m̄ 知 k o h 愛 h ô n g 罰 幾 圓？」 校 長 ê 後 生 張 志 宏 細 聲 t e h k ā 黃 偉 倫chhuh。『張志宏，你這次講了3句台語。』林淑美奸臣á笑ka講。「In hiah ê查某gín-á靠勢in講國語khah liàn-tńg，lóng beh kā咱查埔 ê 壓 l o̍ h 底 。 K h a h - t h ê n g - á 拍 球 ê 時 ， t i o̍ h h ō͘ i n 好 看！」 張 志 宏 咬 牙 切 齒，gîn-òⁿ-òⁿ ka siòng。

『 你 不 是 外 省 人？國 語 說 的 不 像 台 灣 人！』 林 淑 美 聽 了 c h i â ⁿ 得 意 。 高 中 考 t i â u 第 一 女 中 ， 眞 c h h i a - i ā ⁿ ， 實 際 壓 力 n á 山 ， 尤 其 s i ō n g 驚 作 文 ， t a̍ k pái lóng頭殼空空，寫bē出物，chhiân到同學lóng放學--ah，i iáu t e h 激 頭 殼 ， 路 尾 k o h h ō͘ 國 文 老 師 評 ： 『 書 讀 得 太 少！』 I t o̍ h k o h k h a h 注心teh學中國ê文化，練毛筆字，背唐詩宋詞，欣羨外省人ê北京腔。 大 學 時 ， 初 入 學 ， t ú 著 外 省 查 埔 同 學 ， i n k h u i c h h ù i c h i̍ t- ē 講 t o̍ h h ō͘ i n s a ⁿ h - - t i o̍ h ， 感 覺 北 部 人 眞 高 尙 ， o a̍ t 頭 看 ， 南 部 來 ê 查 埔 同 學 h i - h i - h ō a - h ō a ： 『 你 粗 了 沒？』 『 偶 要 回 樹 澀 』 T o̍ h k h a h k í n 閃 h n̄ g - h n̄ g ， m̄ k á ⁿ k a p i n k h i ā s i u ⁿ ó a ， 驚 h ô n g 知 影 ， i k a - t ī m ā 是 ù i 南部來--ê。

A - p a h 、 a - b ú 來 台 北 看 - - i ê 時 ， k à i 驚 惶 ， m̄ k á ⁿ k i â ⁿ h i t 條 主 要 通 道 ， 驚 ē t ú t i o̍ h 熟 s ā i ê 同 學 、 學 長 、 學 姊 … … n g - n g - i a p - i a p ， 情 緒 眞 複 雜 ， m̄ b a t 離 開 厝 ， 照 講 眞 歡 喜 看 著 a - p a h 、 a - b ú ， s o a h k o h t ò a 1 kóa莫明ê見笑。

夜 市 - - n i̍ h 賣 c a s e t t e ê t à ⁿ 位 t e h 放 送 ： 「 咱 2 人 做 t ī n g i a̍ h t i o̍ h 1 支 小 雨 傘……」Khang隨關--起-來。「Chiah bē開錢買chiah ê無水準--ê。」『再 唱 一 段 思 想 起 … … 』 錢 開 - - 起 - 來 t o̍ h b ē m̄ 甘 t i u h - t i u h ， k ā i n 民 歌 手 出 ê 作 品 ， 收 到 c h i â u - c h i â u ， 無 h o͘ 落 勾 - - 去 。 K o h ē 大 聲 t ò e i n 唱 ： 『 唱 一 段 思 想 起 … … 唱 一 段 唐 山 謠 … … 』 N á 唱 t o̍ h n á 感 覺 k a - t ī 有 夠 有 氣 質 - - ê 。

1

2025台語散文．小說書寫工房成果集

20 25

Thâu-khak--ni̍h Ê Hit Bóe Thâng｜Lîm Siok-bí 林 淑美

齊豫出英語專輯，koh愈siáu，tòe chit ê空靈ê歌手唱英語，比唱華語 k o h k e k o â n 1 k h á m！

G í n - á 出 世 ， 有 1 站 ， 想 b e h 教 i n 台 語 ， t h e̍ h g í n - á 冊 起 來 讀 ê 時 ， s o a h m̄ 知 b e h 按 怎 k ā 漢 字 譯 做 台 語 ， 1 p á i 2 p á i c h i â ⁿ 費 k h ì ， c h ŏ n g 用 華 語 讀khah kui-khì，想講in日後接學校ê學習mā khah順序。Kap序大人 tòa鬥陣，lóng bē感覺ka-tī nā kap gín-á講華語，in ē聽無a-kong a - m á 講 ê 話 ， b e h 按 怎？序 大 s o a h 配 合 i k a p g í n - á 講 無 l i à n - t ń g ê 華 語 。 Koh去in班做「故事媽媽」，華語畫本1本1本買，為著gín-á ê語言能力， 拚 勢 h ō͘ i n 看 眞 c h ē g í n - á 冊 。 K a - t ī m ā 四 界 上 課 ， 了 解 吸 收 b e h 按 怎 h ō͘ g í n - á 愛 看 冊 。 M̄ - n ā 華 語 ， m ā 開 錢 t ú n k ú i - n ā 冊 櫥 á ê 英 語 冊 ， 細 漢 - - ê ù i i 3 年 á ê 時 ， t o̍ h 眞 拚 勢 1 本 1 本 讀 h ō͘ i 聽 。 英 語 程 度 b ē b á i ， 台 語 s o a h l ī - l ī - l a k- l a k 。

6 0 t h ó n g 歲 ê 時 ， 有 朋 友 講 學 校 眞 欠 台 語 老 師 ， 考 過 認 證 t i o̍ h t h a n g 去 教 。 想 講 k a - t ī 台 語 自 細 漢 t o̍ h t e h 講 ， 應 該 無 問 題 。 T o̍ h k a - t ī t i à m 厝 認眞讀，ùi教育部ê網站chhoân資料，ná小學生按呢tuì頭á認bat教育 部 制 定 ê 台 語 漢 字 。 台 語 眞 幼 路 ， k a n - n a 手 ê 動 詞 t o̍ h b ú k a h 霧 煞 煞 。 「掔、掣、擘、挲、撆、攕、㧒、抌、撨、揤、擽……」雖罔心內giâu疑 c h e 對 無 t e h 講 台 語 ê g í n - á k á m m̄ s ī k e 隔 1 堵 壁？

認 證 考 s o a h h i t 工 ， 心 情 b ē b á i ， 想 講 穩 過 - - ê 。 H i t 暗 k o h 夢 t i o̍ h 1 ê 大 花 園 ， 花 k h u i k a h c h i o k c h ē k o h s ú i ， 眞 是 好 吉 兆！放 榜 ê 時 ， s o a h 差 5 分 。 是 口 說 ê 分 數 s i u ⁿ k ē ， t h e̍ h 無 1 半 ê 分 數 。 眞 憤 慨 ， 對 母 語 是 台 語 ê 人 k á m b ē s i u ⁿ h à m 古？ M̄ 知 是 天 公 疼 g ō n g 人 ， i a̍ h 是 祖 先 有 t e h 保 庇？台 語 班 ê 同 學 鼓 勵 我 去 考 2 個 月後成大ê認證考試，「成大ê考試對咱有teh講台語ê人khah有利，考--ê 是 眞 正 ê 台 語 實 力 ， 你 k ā 羅 馬 字 學 h o͘ 熟 ， 無 問 題 - - l a h ! 」 就 i ê 話 ， 我 t o̍ h

2

TAIWANESE READING SERIES ACTIVITIES

Thâu-khak--ni̍h Ê Hit Bóe Thâng｜Lîm Siok-bí 林 淑美

kā進前買--ê，蔣為文教授寫ê《台灣元氣寶典》，1頁1頁認眞朗讀，抄練羅 馬 字 ， 想 b ē 到 竟 然 p h a h 開 1 扇 大 門 ， h ō͘ 我 接 觸 t i o̍ h 我 b ô 熟 s ā i ê 台 灣 歷 史！K o h 順 利 考 過 認 證 ， c h â i ⁿ 做 1 ê 台 語 老 師 。 I 做 代 誌 認 眞 負 責 ， b e h 教 台 語 ， k a - t ī t o̍ h ē 認 眞 學 習 ， 腹 肚 愛 有 物 ， 教--lâng chiah ē在腹。就按呢i ná 1塊海綿，拚勢參加幾nā ê讀冊會， 練 習 口 說 ， k o h 看 1 k ó a 台 灣 文 化 ê 冊 ， 1 ê h ō͘ 華 語 蟲 h ē 毒 ê 頭 殼 才 t a̍ u h - t a̍ u h - á 淸 醒 。 M ā c h h ō e t i o̍ h 失 去 眞 久 ê 自 信 。 「 我 是 台 灣 人 ， 我 講 台 語 ， 我 h i a u - p a i！」 M ā c h i a h 發 現 長 久 以 來 ， 欣 羨 華 語 人 a̍ h 是 英 語 人 ê h i t 種 自 卑 ， t o̍ h 是 ù i 細 漢 禁 止 講 台 語 起 頭 - - ê ! 有 人 講 語 言 ē t h o n g t i o̍ h 好 ， k á m 一 定 愛 講 台 語？N ā 講 台 語 ē h ô n g 講 teh pìⁿ政治，hông貼牌á。咱愛tńg來思考beh復興文化kám kap政治 無 牽 連 ， n ā 無 ， h i t t o n g 時 ê 政 府 是 按 怎 b e h 禁 止 咱 講 台 語 ， 割 咱 ê 舌？

1 c h ō a 路 i 行 來 到 c h i a ， ē 想 講 n ā m̄ 是 做 台 語 老 師 ， 有 機 會 改 變 ， n á 像 進 前 啥 物 t o m̄ 知 ， t ī 華 語 ê 環 境 ， 吸 收 世 界 ê 智 識 ， c h h ō e 著 好 頭 路 ， g ō n g - g ō n g 生 活 ， 按 呢 快 活 過 日 k á m m̄ 好？永 遠 c h a h 1 ê 自 卑 ， n á 稻 草 人 ， 有 體 無 魂？A h 咱 k á m 是 咱 祖 先 ê k i á ⁿ - j î 序 細？B ē 曉 講 台 語 m̄ 知 台 灣 ê 歷 史 ， p h ì - s i ù ⁿ k a - t ī ê 語 言 文 化 ， 失 落 m̄ c h a i k a - t ī 是 啥 m i h 人 ê 台 灣 人！ 咱 敬 重 ê 畫 家 陳 澄 波 ， n ā 看 t i o̍ h c h i t- m á 台 灣 按 呢 ， 無 人 講 台 語 ， k u i 街 á 路 l ó n g 是 華 語 ， i k á m b ē 眞 厭 k h ì ， 想 講 是 走 m̄ t i o̍ h 所 在 ， 去 到 中 國 - - a h 。 C h e k á m 是 i 思 思 念 念 s i ō n g k a h 意 ê 故 鄉？台 灣 文 化 協 會 ê 林 獻 堂、蔣渭水、蔡培火……，kám bē tiô kha tǹg蹄，台灣文化soah pìⁿ 做 中 國 文 化 ， 台 灣 精 神 k a p 靈 魂 ， m̄ 知 走 t o h 位 - - 去 - a h！

3

2025台語散文．小說書寫工房成果集

咖啡寫眞

20 25

林 怡呈

Ka-pi iú--ê teh mn̄g, “Ka-pi gōa pau-chong phiau-chù kháu-bī kán-ná hau-siâu--ê--neh, hiān-hiān to bô hit hō chu-bī, iah káⁿ siá kah ū-iáⁿ-ū-chiah. Nā chún ū, góa mā giâu-gî he ū thàu-lām phang-cheng.”

Oán-tāu-hng kóng, “Ka-pi iú--ê-o͘h! Ē tit liōng-chêng lí ê sim -chiâⁿ--lah. Hián-bêng lí phīⁿ chin lāi, chiah án-ni khêng-hun phiau-chù, che chám-jiân hó tāi--lah, m̄-koh pau-chong siá hiah ê kháu-bī, m̄ sī phang-cheng--lah, he chū-lâi to tī ka-pi tāu-á lāi-té--neh.”

Ka-pi-tāu sio̍k tī kóe-chí, thian-jiân ê phang-liāu chia̍h-mi̍h, khan-kha̍p tio̍h ê phang-bī sêng-hun chin jû, lán-lâng hiù-kak jīn-bat bē liáu, phīⁿ chhōe bē chīn. Hang-tāu-sai kap phín -tāu-sai, in ū liān--kòe, kang-hu koh lāi-hâng, ē tit hun-thiah chiah ê ka-pi khì-bī. Pí-lūn kóng phīⁿ tio̍h hoe ê chheng-phang, tam tio̍h m̂-á ê sng-tiⁿ, ia̍h-sī chhâ-thn̂g (chio͘-khó͘-lè-tò͘), kóe -chí-jîn hit hō té-tì kāu ê hôe-kam khùn-bóe, chiah ê thian-jiân khì-bī ùi ka-pi tāu-á hoat-kàⁿ ka-kang koh kòe pōe lâi--ê.

Hoān-sè ē-sái kā lim ka-pi pí-phēng chò phín-chiú, phín-hiuⁿ, phín hā-ma-kih (tōa-kóng-hun) án-ni. Pau-chong ū chù-bêng lìn-go͘h (phōng-kó), kam-á, kiat-á, chhâ-chit-bī mih-á-pà, m̄ -koh kek-chiú hit-chūn chèng-keng bô chham lìn-go͘h --ji̍p-khì.

Ka-pi mā sio-siāng, phiau-chù ê khì-bī àn chhùi-chi̍h kám -kak--tio̍h-ê, sòa--lo̍h liân-sióng kap pí-jū, chū ta-phang, sip -phang, chi̍p-suh, phīⁿ-chhut, âu-ūn hôe-kam, ta̍k bī ta̍k phang

1

TAIWANESE READING SERIES ACTIVITIES

咖啡寫眞｜Lîm Î-thêng 林 怡呈

chiàu-si̍t kì--lo̍h-lâi.

Lēng-hôe koh gán tio̍h ka-pi pau-chong phiau-thâu, ē-sái kā chún-chò chhōe khì-bī ê sòaⁿ-soh àm-sī, seng phīⁿ khòaⁿ -māi--leh, chiah khoaⁿ-khoaⁿ-á sip, lo̍h âu liáu-āu ùi phīⁿ -khang chhut khùi (phīⁿ-chhut), chù-sîn kè-kàu, bô tiāⁿ-tio̍h ba̍k chi̍t-ē nih, lí hiông-hiông hoat-kiàn he ka-pi ū lí se̍k-sāi ê khì-bī--lio͘h.

Lō͘-bóe, chhiáⁿ lí chhián siūⁿ--chi̍t-ē, siòng-phìⁿ lāi-té 2 lúi tăⁿ khui ê sò͘-sim-lân, tī tha̍k-chheh-pâng àm-chīⁿ sàng phang, ná ū koh ná bô. Lí ē chóaⁿ-iūⁿ hun-thiah kap hêng-iông chit 2 lúi lân-hoe ê phang-khùi--leh？ Bē-sái phín-phóng--heh.

Thiⁿ-chù: Khêng-si̍t, che lí-lō͘ hâm phiau-chù ka-pi kháu-bī siāng khoán, lán bô thang kō͘ to̍k-to̍k 1 ê gí-sû soat-bêng sek -chúi ia̍h-sī phang-khùi, tō óa-khò lán kòe-khì phīⁿ bī ê kì-tî kap chia̍h-si̍t keng-giām. Tio̍h siat-sióng hâm pí-phēng, cháu -chhōe siōng tah-bā ê bûn-jī chiâⁿ-chò khì-bī ê sòaⁿ-soh. M̄ chiah ū phiau-thâu téng-koân hiah ê sû-lūi hêng-iông, m̄ bián chek-sí-koat tī hiah ê mi̍h, sī teh kóng liân-sióng--tio̍h ê kì-tî kap keng-giām niā-niā. In chiàu-si̍t phín-bêng, hang-tāu-sai a̍h-sī phín-tāu-sai hun-thiah chit poe ka-pi hit tia̍p hō͘ in liân -sióng tio̍h chhin-chhiūⁿ siáⁿ khì-bī. Ǹg-bāng lán kāng sim kāng bī.

2

2025台語散文．小說書寫工房成果集

Khì Si-lá-iah (Siraya) Kiâⁿ-ta̍h

20 25

王 雙桂

2 0 2 5 n î D a n a s h o n g -t h a i kā S i - l á - i a h s ú n - h ā i c h i n c h h á m .

G óa bat g ō͘ pá i k h ì S i - l á - i a h ê c h n g -t h â u k i â ⁿ -t a̍ h . C h i̍ t p h i ⁿ

b û n - c h i u ⁿ s ī góa s i à u - l i ā m tâ n g - c h ê c h h i t-t h ô ê c h h ù - b ī , i a h ǹ g - bā n g S i - l á - i a h c h á - j i̍ t k h o e - h o̍ k i t- c h h è s ū n - s ī .

2 0 2 2 nî s ī góa thâu chi̍t pá i k hì Si-lá -ia h Pa k-thâ u-iûⁿ Pê ⁿ

-p o͘ B ûn- hoà H n̂g- khu ( 北頭洋平埔文化園區). Hit hū-k īn k ó͘-chá m i â ki ò chò S i au- l ang S iā (蕭壠社). Chit tīn ka p góa chò -hóe k h ì ê s ī -tōa l âng nî - hò e chiūⁿ pe h, ká u cha̍ p hòe , in k hiā

-kh í t ī Ko ng- á- nâ ( 岡林) , Kong -koâ n siā -k hu. Sia u-la ng Siā c h i ap -thāi hâm tō - l ám- -ê , mā sī kā ng iâ n--ê . Sia ng -hong

k h a i - káng chi âⁿ tàu -tah koh chhù-bī. Piā n-nā kóng tio̍h sià u -l i â n cho h- s i t ê s eng- o a̍ h, kui tīn tō chhi-chhi chhū-chhū,

kó n g kàu l āu- j i a̍ t- kú n- kún bē siu-soa h. Ōe -thâ u lóng sī chū sè -h à n kàu taⁿ s i o kâng ê k ì-tî.

Khí-thâu tō -lám oân chhōa gún chham-koan A-li̍p -chó͘ ê kong -kài, kuva ku Alid (阿立祖公廨). Chit keng kong-kài khí tī Hàn

-jîn tō -kàu ê keng-biō 慶長宮 āu-piah. Si-lá-iah lâng chè -pài A -li̍p -chó͘ ê toh-téng ū khǹg ô͘, ô͘ lāi ū té chiú, koh ū, ē chhah

ihing (te̍k-lân 澤蘭). Ang-î chòe sū iah sī chè -tián sî lóng ē ēng tio̍h ihing.

T i o n g-tàu-tǹg tō - l ám oân kà g ún pa u ma i (米買), chi̍t k hoá n

1

TAIWANESE READING SERIES ACTIVITIES

Khì Si-lá-iah (Siraya) Kiâⁿ-ta̍h｜Ông Siang-kùi 王 雙桂

sì -sì -kak- kak ko h pí ⁿ - pí ⁿ ê Si-lá -ia h chà ng , ē ng goe̍h-thô h i o̍ h pau chu̍ t- bí , ō͘ - nî hâ m ba h-sò, koh iōng goe̍h-thô ê

h i o̍ h -ki n thi ah chò s i , l âi ka pa̍ k ho͘ tiâ u. Tiá ⁿ--ni̍h chhoe

h ó ê m ai chhèng chhut goe̍h-thô ê chhe ng -pha ng , lā m tio̍h l ā i āⁿ ti ⁿ -ti ⁿ ki âm- ki âm ê chu-bī, hō͘ góa chiâ ⁿ su-liā m . Sòa

--l o̍ h -l âi i n kà gún pa̍ k hoe -k ho͘. Te̍k-pia̍ t--ê sī hoe -k ho͘ lóng ē n g chāi -tê ê s i̍t- bu̍t. Goe̍h-thô hio̍h-k in chho͘ koh ngē , iōng l â i p a̍ k té - chō. N n̄g ti âu hio̍h-k in ka p chò -hóe , pīⁿ k ó͘, pha h

kat , chi âⁿ - chò chi̍t ê kho͘-á . Koh tī k ho͘-á lā i chha h tio̍h móa

-m óa ê i hi ng hâm ke - kò e hoe (雞冠花). Hoe -k ho͘ tì thâ u-k ha k tê n g , tāi - ke chhi n- chhi ūⁿ k ó͘-chá ê Si-lá -ia h lâ ng .

C h i a p - s òa gú n khì chng-thâ u se̍h-se̍h--le h. Chng --ni̍h chin c h h e n g- i u, ko h ū chhu n kúi ke ng thô͘-ka k-chhù. Ke ng -kòe c h i̍ t hō͘ khi ā- ke s èⁿ “L o̍ k”. Tō -lá m oâ n kóng in chó͘-sia n sī

p h ah- l a̍ h l i a̍ h l o̍ k- á s eng -oa̍ h. Kó͘-chá Si-lá -ia h sì-kè ū chin

c h ē l o̍k- á. H n̂g- khu hū - kīn ū chi̍t lia̍ p lūn-á , chā i-tē lâ ng ka

h ō -c hò H oan- á- l i âu S oaⁿ (番仔寮山). G ún pe h chiūⁿ té ng -bīn ē -tà n g khòaⁿ ti o̍ h pêⁿ - i û ⁿ hn̄ g -hn̄ g ê ké ng -tì. Tī hia chhā i chi̍t c h ō bāng- ko - l i âu ( 望高寮). Kin-k ì k he -k hó chū Chhe ng -kok

tō si at- - ê, i ō ng l âi kàm- sī há i-hōa ⁿ ê chōng -hóng . Lūn-á piⁿ

c h i̍ t k háu s aⁿ - pah- nî chêng Hô -lâ n-lâ ng k hí-chō ê chíⁿ, chúi -c h i t ti ⁿ - kam, ko h ka ki ò “phōng -kó chúi”. Lūn-á k ha sì-k ho͘ ū c h hi ū - nâ û i tī chi âⁿ pa h gōa hòe ê kóe -hio̍h-chhiū (黃槿),

2

2025台語散文．小說書寫工房成果集

20 25

Khì Si-lá-iah (Siraya) Kiâⁿ-ta̍h｜Ông Siang-kùi 王 雙桂

si ō n g bō͘ - s ēng. Tō - l ám oâ n kóng in sè -hà n tō tī chit châ ng c h h i ū- kha chhi t-thô.

Gún chit tīn iân-lō͘ khai-káng, iân-lō͘ kiâⁿ hiòng kúi-nā keng

tek-á ê kò͘-chō, tek-kóng-á-chhù, chhek-chhng, niû-chhng, lāi -bīn ê ka-kū, ke -si, chin chē sī lī-iōng tek-á chòe --ê. Si-lá-iah Pêⁿ-po͘-cho̍k ê seng-oa̍h hâm tek-á khan-liân chiâⁿ ba̍t. Tek

-á chhù--ni̍h tián-sī Si-lá-iah bûn-hòa siòng-phìⁿ, chheh, Lô -má-jī ê khè -iok , bûn-chiuⁿ téng-téng.

H n̂ g -k hu chèng- cho h chē -chē Syra ya lâ ng ji̍t-siông ē ng ê g û -kak- ho e ( 牛角花, 金合歡), goe̍h-thô, ke -kòe hoe , ihing . Bóe -i a̍ h -á, i a̍ h- á, phang, s i ōng à i tī hoe -châ ng iā ⁿ-iā ⁿ-poe . 1

c h h e n g- nî í - l âi thâng-thōa ka p Syra ya lâ ng it-ti̍t tī chit phià n t h ó͘ -tē s eⁿ -thòaⁿ , m̄ bat lī-k hui Si-lá -ia h.

3

TAIWANESE READING SERIES ACTIVITIES

淺水溝

劉 軒豪

「Lín國校á hit ê同窗ùi台北搬--tńg-lâi-ah-lioh！」 「Tó 1 ê同窗？我國校á ê同學 百幾ê--neh……」 「真無頭神。Ah tō你大學投稿小說輯，寫ê hit ê阿昌。」

「O͘h，阿昌。」

國校á畢業典禮hit工，牆圍邊--a hia kui排本底khui kah ná to̍h火燒ê鳳凰

花，去hō͘昨暝ê風雨phah kah li-li-lak-lak，阮班有幾ê chău-gín-á ku tī 樹á -kha，khioh花瓣 ，pâi蝶á，koh ná哭ná chhit目屎，我看tio̍h真愛笑就嘴

賤：「愛哭鬼，國校á出業是有啥好哭--ê？以後iah m̄是攏beh去讀永靖國中？」 阿美hiông-hiông khiā--起-來，我chhoah 1 tiô，叫是beh koh來liàm我ê

chhùi-poe，驚kah退幾nā步，伊無kā我liàm，顛倒hoah 1聲：『臭男生，你 不懂啦！』就chông入去教室內底--ah。

今á日畢業典禮1 ē結束，就開始歇熱，而且koh無「暑假作業」，歡喜放炮就bē 赴--ah，是beh háu啥。In teh哭tó 1齣--ê，我sa-bô-cháng，koh講hit下晡 我早就按算好，beh kap阿昌來去阮ê「秘密基地」。

阮約點半到淺水溝，我猶未1點就到--ah，伊mā已經gia̍h 2枝竹ko，kōaⁿ 1

kha水桶 teh等--我。阮tau tòa水尾巷á頭，接永福路chit條大路，阿昌in tau

tī巷á尾，附近全荖葉á園，in tau後壁ê荖葉á園邊有1條圳溝，就是淺水溝。溝

1

2025台語散文．小說書寫工房成果集

20 25

淺水溝｜Lâu Hiān-hô 劉 軒豪

水真清，水--裡有魚有蟹，有時lo̍h 1 chūn西北雨了，本底kan-na到阮kha

-thâu-u ê溝水，就會tīⁿ kah超過阮ām-kún，我m̄知chiah深ê溝á ē-sái叫淺 水溝，橫直阿昌按呢叫，我就tòe teh按呢叫。

「阿昌，ah m̄是約點半，你thái ē chiah早？」 「我就驚阮阿媽叫我去荖葉á園

鬥saⁿ-kāng，飯食了我就緊soan--出-來。」 「Ah咱今á日beh lia̍h啥？」 「前2工 á有lo̍h雨，àm-kong-sai khah ē出--來，先lia̍h àm-kong-sai好--ah！」

我向水溝眼--1-下，確實看著bē少àm-kong-sai ê影跡，有ê bih tī磅空內，

chhun幾隻kha伸--出-來，有ê tī bau口，bē-tín-bē-tāng，無注心看koh看 無。空手beh直接跳lŏe lia̍h是lia̍h無--ê，因為sió-khóa-á tāng--1-下，àm -kong-sai看著人影就隨 bih轉去磅空內。Chit ê時陣ke-si tō ài

the̍h--出-來，阮kā竹ko tùi磅空chhùi面頂差不多2 ìn-chì ê所在大力ka

chhah--loeh，àm-kong-sai走無路，koh m̄ káⁿ出--來，手伸--入-去輕輕鬆 鬆就lia̍h--tio̍h。仙人拍鼓有時錯，有時聽tio̍h chut 1聲，阮kha手慢，àm -kong-sai soan 1半當場hō͘阮tuh--死。

空手lia̍h àm-kong-sai ài有技術，第一擺kap阿昌出--去，伊mā無kā我講ài

lia̍h蟹á ê toh，手伸--loeh iáu bē摸tio̍h伊ê身軀，手指頭á先去hō͘ giap 1下 痛kah kaiⁿ- kaiⁿ叫，手hàiⁿ來hàiⁿ去，àm-kong-sai hō͘我hàiⁿ 1下

2

TAIWANESE READING SERIES ACTIVITIES

淺水溝｜Lâu Hiān-hô 劉 軒豪

飛--出-去，結果蟹kóng koh好好giap tī我ê指頭á，後--來我ê技術是按呢 hông愈giap愈進步。

我讀幼稚園tō kap阿昌kāng班，後來國校á 6年hun班ê時，mā攏無hông

hun--tio̍h，阮總共做9年ê同學，我生做黃焦瘦hō͘人叫做瘦猴，伊比我koh

khah細粒子，m̄ thang看伊人矮，伊lia̍h àm-kong-sai ê功夫應該是阮全校 第1 ê，我tī伊邊--a學chiah chē年，雖罔koh是輸伊1大崁，m̄-koh阮2人做 伙出馬，免1點鐘，hit kha水桶嘛是hō͘阮lia̍h kah tīⁿ-tīⁿ-tīⁿ。

阮lia̍h ê àm-kong-sai有1半kang--ê、1半母--ê，kang--ê châi khah細，三 角型--ê，母--ê châi khah大，是圓--ê。有時á châi內底有紅kam-á色ê卵，

有時á是蟹á kiáⁿ。阮庄腳gín-á自細漢就有永續ê觀念，só͘-pái chit種有卵有 kiáⁿ ê蟹á，阮看看--leh就koh tàn轉去水溝á。有時運氣好，lia̍h tio̍h軟 殼--ê，阿昌講he tú換殼niā，才會軟siô-siô，chit款--ê我用手指頭á ka

chhi̍h 1、2 ê-á ，mā放--轉-去，其他阮會lia̍h 轉--去-ê，ta̍k隻就有拳頭母 hiah大。

Tńg去阿昌in tau，伊the̍h 1 kha大面桶chhoaih，全部ê àm-kong-sai全tò --loeh，看in sio tak，siâng輸siâng贏看體格就知，免jōa久in就tak kah

kha斷手殘，m̄-koh he 10 ki健全無斷--ê， 尾--a chiah是siōng悽慘--ê，阮

3

2025台語散文．小說書寫工房成果集

20 25

淺水溝｜Lâu Hiān-hô 劉 軒豪

chit 2 ê gia̍t-siâu gín-á會the̍h磚á角ka hám kah脆糊糊，阮聽he pi

-pi-piak-piak ê聲，有夠爽快。你一定會好奇，chiah tú講阮庄腳gín-á有永 續ê觀念，chín thái ē兇殘？

阮hám kah差不多--ah，阿昌就入去灶kha the̍h糞斗，我kā蟹á漿put

-put--leh倒轉去面桶，伊koh kōaⁿ粗糠出來倒入面桶，阮用手拌ho͘ chiâu

-ûn了後，做圓á，1粒1粒，聽好去飼in tau ê鴨bî-á，ah bô khah òaⁿ換伊 hông hám。

Àm-kong-sai凌遲soah，換苦毒to̍k-kak-oàiⁿ。To̍k-kak-oàiⁿ是1種烏金烏

金ê龜á，頭殼頂有1支tn̂g-tn̂g pit-chhe ê角。Kan-na tī淺水溝邊，hit種樹 身白白ê樹á頂chiah chhōe有。Chit種樹á我讀國中siōng生物課了後，

chiah知影he號做「樺樹」。To̍k-kak-oàiⁿ lóng bih tī樹腹差不多二樓koân ê

所在，ûn-ûn-á suh伊ê樹 lian，樺樹ê樹身幼幼，樹皮滑滑，就算阮2隻攏是 瘦猴，beh去樹á頂lia̍h to̍k-kak-oàiⁿ mā是真拚，阿昌gia̍h竹ko就是beh來 黏to̍k-kak-oàiⁿ--ê。阮先kā竹ko頭用黏胡蠅ê黏thi bak 1 lìn，竹ko gia̍h

koân-koân，ta̍uh-ta̍uh-á sóa oá阮siòng--tio̍h ê to̍k-kak-oàiⁿ，聽候伊發 覺--tio̍h beh飛走ê時，伊ê si̍t-á早就hông黏tī竹ko，飛bē去。

Hō͘阮lia̍h--tio̍h ê to̍k-kak-oàiⁿ無像àm-kong-sai hiah歹命，阮tī in ê角pa̍k

4

TAIWANESE READING SERIES ACTIVITIES

淺水溝｜Lâu Hiān-hô 劉 軒豪

1條幼線，線ê另外1頭pa̍k tiàm磚á角，in beh飛走ê時就會hō͘線giú tiâu

--leh，khah有力ê 龜á會kā磚á角拖teh行，無力--ê tō ti hia se̍h圓kho͘-á，

hiông-hiông線pia̍k 1聲斷--去，龜á就飛無看影。阿昌in阿má真無kah意阮 sńg to̍k-kak-oàiⁿ，伊講che是牛屎龜，龜á tī牛屎頂peh來peh去，阮koh

lia̍h來sńg，真thái-ko。奇怪，阮明明就tī樹仔頂lia̍h--ê，m̄是牛屎--lah。 Joa̍h--lâng下晡tiāⁿ-tiāⁿ lo̍h西北雨，便nā lo̍h雨阮無tè走，就乖乖tiàm阿

昌in客廳phah in老爸ùi台北買--轉-來ê Nintendo紅白機á。阿昌in tau tī巷 á尾khah低kiā，雨chiah lo̍h無1 khùn，門口埕就淹水，雨1下停，阮電視

隨禁掉，chông去埕--裡 kap鴨bî-á sńg水，in阿má看--tio̍h就大聲hiàm：

「He鴨bî ē tī水--裡放屎，chiok thái-ko--ê，緊起--來-啦！」

阿昌有當時á ē hō͘ in阿má lia̍h去荖葉á園choh-sit，阮母--a mā m̄是ta̍k工ē

放我出去chhit-thô，m̄-koh只要都合ē tú好，我chham阿昌就會sńg kah m̄ 知人--去，而且tī開學前1禮拜，koh tú tio̍h 1改風颱，風颱1走，阮2 ê是

lia̍h àm-kong-sai兼sńg水，sńg kah pián（péng）--過，一直到厝--裡ê序大 人出來chhōe--人，chiah知好轉--去。

國中開學進前ài先去參加「新生訓練」，我tī學校攏無見tio̍h阿昌，想講國中校 園比國校á加真大，sio tú bē著，m̄-koh阮一年á攏tī kāng 1棟大樓，我下課

5

2025台語散文．小說書寫工房成果集

20 25

淺水溝｜Lâu Hiān-hô 劉 軒豪

tī ta̍k間教室bau口行來行去，無可能看無人。我lia̍h做伊阿婆á身體，chiah sńg 1 ē-á水就破病，放學鐵馬騎--leh直接衝去in tau ka hoah，hoah kui半 晡，in阿má ùi灶kha phâng 1塊碗出--來：「Chhōe昌--a--o͘h？中晝

食--bē？」 「阿婆，kiăⁿ日新生訓練，阿昌thái無來學校，是sńg水sńg kah

感--著-o͘h？」 「昌--a？In老爸老母cha暝 chhōa轉去台北--ah，講庄kha學校

無競爭，國中出業無好學校thang讀，轉去台北讀國中，昌--a kám無kā你

講？」我無ka應，鐵馬牽--leh就走，ná行目屎ná流，鼻水ná滴，chit ê情景

thái ē面熟面熟，我che孝男面ah m̄著kap畢業典禮hit工，去hō͘我tih笑ê hit 幾ê查某同學kāng款。

我o͘-tó͘-bái騎--leh就tùi巷á尾衝--去，beh oat入去阿昌in tau門口埕ê時，我 soah擋 tiām--loaih，30幾冬無見面，窮實蓋生分，ka叫--出-來我第一句話 是beh講啥？ 「Long time no see?」自伊搬去台北了後，我mā罕得koh

入--來，chit tah ê荖葉á園竟然攏起做販厝--ah，我se̍h去in厝後壁，淺水溝 猶tī--leh，m̄-koh溝á 2 piân（pêng）邊--a全khōng âng-mn̂g-thô͘ ，免講

mā無半隻àm-kong-sai。我想起阮細漢tī chia lia̍h東lia̍h西ê光景，我看che 溝á水無lo̍h雨ná會chiah-nī-á濁。Ah，tio̍h--lah！Chit條圳溝根本就m̄是叫 淺（chhián）水溝，是清（chhian）水溝！

6

TAIWANESE READING SERIES ACTIVITIES

聽 無

劉 威良

「金光閃閃，瑞氣千條……我是史艷文。」 「我是劉三」 「阿我是Hā-bé Hā-bé 2 齒」布袋戲poaⁿ kah chhiâng-chhiâng滾，tng teh注心看Hā-bé 2齒chit擺 beh pìⁿ啥mih báng……

「Hā-bé 2齒，Hā-bé 2齒，明á載beh讀幼稚ián--ah，koh teh lim牛奶。」

「Koh lim tiō m̄愛ho͘去幼稚ián--o͘h。」Oa̍t頭大舅khiā tī後壁，大大1 châng ná樹。我無講話，雄雄ùi kē í-koh-thâu-á khiā--起-來，phah開kap我平

koân ê糞sò桶蓋，牛奶罐á tàn hìⁿ-sak，表示意志。看大兄kap姊姊幼稚ián 畢業攏tì 4角koh、有chhiu-chhiu ê博士帽á，穿博士袍，威風猛猛，有夠

chhia-iāⁿ，ò͘-tò͘真久--ah， thái ē-sái無去。大舅目chiu thí大蕊， 我chhùi開 開， 頭前chhùi齒chiù kah chhun bô 幾齒， 大舅叫我Hā-bé 2齒。

大漢chiūⁿ-o̍h。『我要去那工作，先不要讓她知道喔！』 『好啦，好啦！』 『那我走 了。』阿媽tī後壁teh phi衫， 阿秀、阿iá hn̄g-hn̄g tī灶kha kā二舅應好。Hit

chūn我bih tī房間偷看漫畫，龜怪，阿舅thái無代無誌變講「國語」 ？阿媽無應

話，Ah che話kán-ná m̄是beh講hō͘阿媽聽--ê。有1擺偷偷kā阿iá問，lín哪會 無代無誌變講學校教ê「國語」，伊oa̍t頭看阿媽無tī邊--a，chiah講「無愛hō͘阿 媽知影」。阿媽無讀書m̄ bat字，bē曉「國語」，細漢阮hō͘阿媽kap阿iá chhōa 大漢，厝--裡ta̍k-ke攏講台語。

1

2025台語散文．小說書寫工房成果集

聽

20 25

無｜Lâu Ui-liông 劉 威良

Tio̍h teh chit chūn。「Every sha~lalalala, every word, still shine... Yesterday once more...」細漢阿舅房間內洩漏出英語歌，是我siōng kah意ê歌手， 歌詞ná知ná m̄知，kiàn iā tòe teh唱。

三不5時……「Hông tò͘ le-si，o͘-kha-sì neh， oa-ka-lih-ma-siàn……」阮爸爸 kap大姑講話，lóng講阮聽無--ê，lò-lò-tn̂g。有時á看新聞khi-mó͘-chih oa

-lú-ih就hat「Pa-ká-iá-lo͘h！」 「 A-tá-mah sio͘h-to͘h！」In講ê話，聽媽媽講是日

本話。In叫a-má khà-chiàng，叫a-kong tò͘-chiàng。 Nè-sàng是叫大姊，阮 大姑。Khiò-kō͘是 叫阮二姑。 總--是in teh講話，我攏sa-bô-cháng， góa teh想，是m̄是in有siáⁿ-mih祕密無愛hō͘阮知？

學校老師講日本人欺負咱中國人。Tī厝--裡kiàn-nā聽阮爸爸kap阿姑in teh講 日本話，心情就oa-lú-ih， 感覺in是日本人， 家己真見笑in thái hiah愛做日 本人？In kám m̄是敵人？Nā按呢，in m̄就是「叛國賊」、「日本走狗」 ？就是按

呢，nā阮老爸teh講日本話，我就chiok gê-siâu，將伊tòng做敵人。心內一

直kā in tòng做bē輸是看bē著ê敵人，自細漢tiō kap阮爸爸感情無好，感覺伊 講日本話是歹人。

我「國語」學了真好，幾nā擺， 外口買物件，hō͘人問講我是m̄是外省人，家己

2

TAIWANESE READING SERIES ACTIVITIES

聽

無｜Lâu Ui-liông 劉 威良

就歹勢歹勢， 心虛虛講m̄是，心內kán-ná佔著無應該the̍h--著ê物件。M̄

-koh，ia̍h是暗中歡喜kah，有人叫是我外省人，表示我「國語」講kah真súi

-khùi。『之、吃、施、ㄖ』，人ê chhùi舌捲kah soah kap鸚哥鳥kāng款。1半 擺á我暗暗á笑， 阮老爸講『hoe chi（飛機），花花lu lu（花花綠綠）』，實在有 kàu sông。

大學實習……『學姊，月經台語要怎麼說？』 「來洗？」聽to m̄ bat聽--過，學來講

看māi。大學o̍h護理，病院實習，穿1 su白底、笑藍長條紋ê洋裝，tì 1頂ná橫 駛ê白遊輪帽á，ài用giap-á pín tī頭chang，chiah ē hō͘ hit chiah遊輪khiā ē 在。Nā工作siuⁿ chē，sio走chông--ê，hit chiah遊輪就khi kah東倒西歪，

bē輸去hō͘風颱 siàn--著。M̄-koh，nā kā遊輪khiā ho͘正正，tiō kài有「Nightingale 白衣天使」ê氣味。

Hit chūn tī台中病院ta̍k-ke攏愛講台語，nā無，老大人聽無。問病歷心tám -tám， 開chhùi問年紀khah大ê查某病人，伊頂改tang時來洗。伊講幾lō

年--ah，chit時hàiⁿ tī心iⁿ ê石頭chiah安tah--lo̍h-來。好teh ka-chài，伊聽 有，無講我外省人。阿彌陀佛！自按呢，細漢kap a-má講ê話，又koh 活--起-來。輾轉ê台語hō͘病人m̄-nā聽真有，in mā khah信任--阮。

30年過--去， tī德國tú tio̍h台灣少年--ê kā我講『在二二八的時候，我家土地都

3

2025台語散文．小說書寫工房成果集

聽

20 25

無｜Lâu Ui-liông 劉 威良

被沒收，我爺爺和叔公都很不甘心。』Ka講：「你會曉講台語bē？用台語講看 māi。」 『不會，我只會聽。』

用加害者ê話講家族受害過往，kám m̄是ùi受害者sī-tōa ê chhùi孔koh再ka灌 酒lo̍h--去？伊bē曉台語，加害者確實成功--ah，in將咱ê chhùi舌剪斷完成， ka kah chê-chê-chê。

Tńg來台灣，阮媽媽kap哥哥攏kā我講「國語」，認真kap in講台語，in soah用

半華語半台語回，nā beh解說，tiō自動切換全華語，kán-ná台語無法度kā話 講清楚。若kap gín-á講話，in就完全講華語。Chín nā大人無愛hō͘ gín-á 知--ê，soah變講台語，gín-á 1句mā聽無。

Kap有90歲老母ê高中朋友講台語，伊應講：『你可不可以說國語啊！聽起來好 累。』龜怪，阿媽ê話--leh？咱chhùi舌走tó--去？

4

TAIWANESE READING SERIES ACTIVITIES

2 Ê Súi某

李 孟真

台中有1 ê 60 gōa歲ê貿易商，趁錢ná趁水，i有2 ê某，生做beh kāng beh

kāng，bē輸雙生á，皮膚白，面帶天生ê微微á笑有氣質，人好禮，1下看你就 會hō͘ in ê氣質saⁿh--著ê嬌妻，2 ê攏是正式chhōa入門--ê，互相敬重，1家和 諧。按怎會有2 ê正式chhōa入門ê嬌妻，che tio̍h ài ùi 30年前講起。

過去台灣民間醫學、科學無法解決ê問題，眞chē人會去廟裡拜拜，求籤逼籤

詩，請神明來鬥解破。另外koh有1種是loân-tn̂g，請神明降駕到乩身，透過

乩身gia̍h loân-pit，kā字寫tī沙盤，hō͘ 3 ê chhiùⁿ-jī-seng讀，3 ê唱字生kāng 時講出沙盤ê字，寫字生kā字記錄--lo̍h-來，唱字生唱出來ê字無一致，鑾駕ē têng寫hō͘唱字生唱字，確保chhiùⁿ-jī-seng正確傳達神明ê旨意。

Beh hōaⁿ 1間loân-tn̂g，基本條件khui-loân siōng少ài 13人。時代teh變，多 數人追求kín-mé，loân-tn̂g人數chē，人事訓練費時眞了工，chŏaⁿ漸漸1間1 間無--去。演變做chit-má khah chia̍p看--著ê童乩桌頭，1 ê童乩，1 ê桌頭， 就ē-tàng替善男信女辦代誌--ah。

無loân-tn̂g ten̂g-têng確認神駕旨意ê程序，童乩kan-ta靠桌頭替神明翻譯旨

意，beh「chō」ke chiok簡單。台中chit時iáu有chhun幾間á loân-tn̂g，貿易 商30年前bat來loân-tn̂g問代誌。

1

2025台語散文．小說書寫工房成果集

20 25

2 Ê Súi某｜Lí Bēng-chin 李 孟眞

聖--a，1 ê 22歲ê少年家，高職畢業就出來食頭路，做貿易公司ê業務，tī 中部四界走。1遍鐵枝路平交道火車經過，1 ê查某gín-á閃bē離chŏaⁿ ho͘

lòng--死， 倒tī平交道邊。人死ē ka khàm 1塊白布，聖--a ùi hia kiâⁿ--過， 註死m̄死1 chūn風來，白布hō͘風吹--起-來。Siàⁿ-siàⁿ hō͘聖--a看著hit ê查某 gín-á ê面，聖--a看著he姑娘，lâng seⁿ做皮膚白，面帶天生ê微微á笑有氣

質，ná像天使kāng款，i心內teh想：「Che chŏ͘-gín-á hō͘我chhōa轉去做某， m̄知jōa好--leh。可惜！」

到31歲i事業一直攏順順á過，mā chiâⁿ有人緣，m̄-koh眞奇怪，就是chhōa無 某。Hit ê年代，30 gōa歲iáu無結婚，是天大ê代誌。聖--a in老母chhōa i去

loân-tn̂g問代誌。Siáⁿ mi̍h to iáu bē khui-chhùi，關聖帝君就問聖--a：「你 是m̄是ta̍k暗攏ē看著1 ê姑娘ê面？」聖--a心肝chhiak 1 ē，kā大將軍應是。關

聖帝君koh ka問：「你9年前是m̄是有去Thâm-á-kîⁿ，經過平交道看著1位姑娘

ê死體，tú好看著i ê面？」聖--a ho͘講kah對對。就是chit ê查某gín-á hō͘聖--a心 內1 ē講，就tòe聖--a tńg--去，變i ê某，ta̍k暗kap i睏鬥陣。Taⁿ beh按怎辦？ Lâng就tòe聖--a睏9年--ah，mā tùi聖--a chiâⁿ好，暗中kā i鬥saⁿ-kāng，助i 事業平順，聖--a決定kā chit位姑娘ê神主牌á chhōa入門，正式變i ê家後。

Ah nā第2 ê某按怎來--ê？Put-hāu ū saⁿ，bû hiō ûi tōa。為著mài hō͘聖--a變不 孝子，大某kā聖--a鬥chhōe 1 ê某，皮膚白，面帶天生ê微微á笑，有氣質，

2

TAIWANESE READING SERIES ACTIVITIES

2 Ê Súi某｜Lí Bēng-chin 李 孟眞

好禮koh bat代誌。Chŏaⁿ按呢chhōa入門，m̄ chiah講i有2 ê某，互相敬重，1 家和諧。

第2 ê某kap大某kāng款gâu hōaⁿ ke，助聖--a事業大發展。聖--a照約束kā 2 ê súi某chhōa入門chit chân代誌，變做聖--a家族kap親情朋友ê傳奇美談。

3