（漢羅版）陳明仁台語文學前導讀冊討論會成果刊物

做伙讀冊、唱歌，講咱ê話－

112年高雄市母語推廣與友善語言計畫

文化部國家語言整體發展方案支持

指導單位

主辦單位

承辦單位

合作單位

陳明仁 台語文學前導讀冊討論會 「陳明仁台語文學選前導讀冊討論會」是由高雄文學館、打狗台語開

講社、台文博覽會於2023年夏季合作辦理。閱讀書目為台語文作 家陳明仁的《陳明仁台語文學選》。透過六次讀書會所閱讀的篇章有

〈 牽 尪 姨 〉 、 〈 G ō n g 淸 - - á 買 獎 券 t i o̍ h 大 獎 〉 、 〈 A- c h h û n 〉 、 〈Ia-so͘榮--á ê婚姻〉、〈老歲á人〉、〈二二八新娘〉；每次讀書會由兩

位打狗台語開講社讀冊組成員領讀，每位參加者輪流唸誦文章，再 由領讀人複念一次，確認台語發音；也會討論作者寫作意圖與台語 文用詞。

本份刊物為「陳明仁台語文學選前導讀冊討論會」成果刊物，內文文

字為漢羅合用；內容分別有本系列閱讀篇章的簡介，並邀請六位參

加者分享讀書、討論心得，及領讀人的閱讀分享，邀請大家一同來 認識作家陳明仁的作品！

關於

陳明仁

陳明仁 tī 80年代受政治迫害了，意外tī監獄--ni̍h 學 tio̍h 台語文書寫， tī 90 年代實踐台語文學創 作 kap 投入台語文運動。除了創辦出名ê台文刊

物《台文罔報》擔任總編輯，mā擔任《台灣字》雜誌

ê總編輯，對台語文學發展、台語文普及化ê貢獻 不止仔大。

陳明仁台語文 篇章簡介 〈牽尪姨〉

Teh講主角A-chiáng按怎去做尪姨ê過程。Chhím-thâu-á 讀 kán-ná 是 teh講2 ang-á-chiá ê代誌，khêng-si̍t是teh講「牽尪姨」這 khoán會通

靈人做siáⁿ-mih sit-thâu，對hit時台灣人有siáⁿ-mih意義。Mā有紹介1 kóa牽亡、牽尪姨kap收驚ê儀式，lóng無kāng。「牽尪姨」這khoán風俗

是咱平埔族自底 to̍h 有 --ê ，mā會當講是 1 種信仰，宗教，心理治療hit khoán意義，an-tah人ê心情。

〈Gōng淸--á買獎券tio̍h大獎〉

這篇hō͘讀者讀--起-來有tīⁿ滿滿ê歡喜，欣賞he單純ê庄腳人，雖罔tī田園 jīn-lō͘ 作 sit-thâu，mā ē 想beh有機會tio̍h獎 thang 改變、翻身。作者 用獎券安插希望，讀者mā會當深深感受hit款美妙ê期待。作sit人mî-nōa

認份ê性格，koh有hiah-nī sio-thīn ê 姑娘分析 kap 鼓勵，致使無 tī 獎 券 ê 利益迷失，soah tian-tò tio̍h 1 ê大獎。

〈A-chhûn〉

起頭 to̍h ùi 篇名 chit 字（漢字） chhûn -- 字講起，kàu 路尾，mā bô

chhōe tio̍h chhûn--字漢字是tó 1字。Chia作者ū 2 ê意思。It--來，A仁 先是漢lô合用ê實踐者，暗示讀者追求漢字是無尾巷。Jī--來，i小說soah鼓

ê時tiāⁿ-tiāⁿē藏1 kóa話語，hông感覺ū淡薄á遺憾。A-chhûn 顯明查某

人 tī 傳統社會 --ni̍h 受 chē-chē 壓力 koh bô 所在thang tháu-pàng。 心--ni̍h ê話，kan-na thang 藉目屎kap歌聲講出chhùi。

文學選 〈Ia-so͘榮--á ê婚姻〉

這篇小說，tú 起鼓就 ē-tàng 知影，故事演變過程，有3 ê主角，1 ê是 Ia-so͘，第2 ê是榮--á，koh有男女嫁娶ê婚姻tāi-chì。

信仰是每1 ê人，心目中ê主神，tī日常生活中，a̍h是重要 ê 日子，大家 lóng 會chò-hóe聚會，講出內心ê悲哀喜樂，特別是ut-chut ê 時陣，kín去教 堂講出心內ê哀傷，hō͘人情緒thang siau-tháu。

咱lóng知影榮--á是1ê單純老實ê作sit人，對婚姻ê看法，to̍h是：姻緣天 註定，親像歌仔án-ne唱：有緣無緣，燒酒lim--1-杯，ho͘ ta--lah！ Ho͘ ta--lah！

〈老歲á人〉

明仁先生kā 〈Ip-á伯ê價値觀〉 改編做 〈老歲á人〉 這齣劇，2009年3月13 tī環亞飯店首演。

1 tīn老歲á人tòa庄kha，平素時phah 拳頭練身體，結束了後khai-káng 講政治、歷史。庄 kha 作 sit 艱苦，少年-- ê lóng 去都市，in食老去óa 少年--ê。In做伙五六十冬--ah，講散to̍h散，心內眞m̄甘。A水--á

beh

去美國，學英語學liáu眞心適，發見無kāng款ê語言有kāng音ê現象。吉 á伯去台北 tòa bē tiâu，講 lán-lâng 話人聽無，koh台北人ê想法bô好 理解。尾--á tńg去庄kha tòa。

〈二二八新娘〉

228新娘是kō͘劇本型式寫--ê，這齣劇本mā tī電台放送--過。故事 teh講 --ê，是1對少年人 tng beh 定親、出國留學，thài 知影未來好光景soah

hō͘ 外來政權剪斷。228 是外來政權對台灣人大屠殺。自228起，屠殺、監 視、剝削，到今iáu是teh進行，眞少台灣人認bat 228歷史。頭 pái kō͘ 台語，khiā 台灣人ê角度去看 228 ê 文學作品，chiâⁿ 値得大家來讀。

學員閱讀心得 Ngô͘ Khu-lī 吳秋莉

對舊年 hioh 寒開始學台語了後，我第1 phō接觸ê文學作品就是 ùi 圖 書館借來幾若輯ê「pha荒ê故事」kap聲音檔。逐工e暗khang-khòe做

soah就緊 beh 去讀明仁老師 ê 冊，我慣勢先讀 1 pái 文字 chiah koh 聽 1 kái 音檔。今年 hioh 熱，足幸運會當參加打狗台語開講社辦 ê 讀

冊會hâm眞chē有志做伙討論明仁老師ê作品，hō͘ 我學 tio̍h koh khah 豐富 ê 詞彙，mā khah 深入了解老師對社會 ê 關懷。我眞 kah-ì 老師

伊tiāⁿ-tiāⁿ用活跳跳ê俗語kap chiâⁿ幼路ê手法kā劇情鋪排kah hō͘我緊 張kah心臟kiông-kiông beh chih-chài bē tiâu，伊tī我ê心目中bē輸 是世界大戲劇作家「莎士比亞」kāng款，足gâu描寫人物景緻kap代誌發

生ê詳細過程。論眞講，我感覺老師伊ê創意、詼諧kap用keng-thé表

達對社會無公義ê抗議lóng是it粒it--ê。譬論講tī伊小說內底寫tio̍h伊

細漢普水雞度kap學做電影辯士ê記tî、A-chhûn是伊成做台語作家ê源 頭、「老歲仔人」劇本內洪牽hâm老朋友激詼諧 ê súi-khùi 文字、「228

新娘」 劇本內 Haruko kap Masao ê悲情、淸--á kap賣獎卷姑娘ê好姻 緣、「牽尪姨」內底怪奇ê A-chiáng人生、為 tio̍h 耶穌 ê 大愛beh嫁 hō͘

A榮ê苜莉kap主音。若beh問我khah kah-ì tó 1 ê故事？我眞正無法度 回答--neh！ Ta̍k ê故事lóng有無 kāng ê 特色，足吸引我一直讀甚至讀 幾若piàn mā bē ià-siān。

得 Ông Éng-tang 王永東

陳明仁先生選A-chhûn這ê故事，我感覺 siāng 重要 ê 1 點to̍h是 記錄伊是按怎ē kiâⁿ chiūⁿ寫作台語文這ê代誌。伊是因為beh寫作 A-chhûn這ê故事，chiah來kiâⁿ chiūⁿ台語路。A-chhûn故事ê鋪

排有kàu súi-khùi to̍h是伊用作者讀國小前後 ê 時間，伊kap主角 A-chhûn to tòa厝邊，透過 lóng ài 聽流行歌熟似。尾仔 koh 牽

涉 tio̍h kóng A-chhûn 伊 kap 伊 1 ê 足好 ê 朋友賣搖鼓--ê，伊

mā 足 ài 唱歌，可能有teh唱這條詩情戀夢，作者有鋪排tio̍h這ê代 誌。我感覺做了有 kàu súi-khùi 、人物ê牽涉 mā 寫了 chiok 頂眞

chiok 活潑。Chit 篇看--起-來to̍h悲傷悲傷，m̄-koh mā 是 chiâⁿ

甜蜜 ê 感覺，人生有tang時仔有悲傷，有tang時仔甜蜜甜蜜，che to̍h是人生。

學員閱讀心得 Ông Khêng-chu 王瓊珠

第 1 pái 參加陳明仁台語文學選實體ê讀冊會，我有 2 ê 上大 ê 感受。 第1是 chē 人 sio kēng chiah 有力。我家己看冊 mā 是 lia̍h有作者ê意

思，m̄-koh 大家做伙讀會使 koh khah 深入。進前我 lóng 用目睭看 niā-niā。讀冊會是大家輪流朗讀，chit時龜kha to̍h sô--出-來-ah。 一點仔lóng bē-sái ló-chhó，má-má-hu-hu。聽 tio̍h chhōa 讀老師

正範 koh 優美 ê 朗讀，你會對台語 ê súi有khah深ê體會。第2是讀阿

仁老師ê文章mā是leh學做人ê義理。阿仁老師筆下ê人物 chiok chē 是 古意ê庄kha人。In單純，gōng直ê個性是咱現代人欠缺--ê。Tī chit ê 白賊話滿滿是 ê 社會，序大lóng教咱ài sè-jī，凡事ài斟酌，chiah bē

chhiàⁿ鬼拆藥單，hō͘人害kah thoa-sái-liân。M̄-koh 人 kap 人 nā lóng 無信任，án-ne是 beh án-chóaⁿ 活？阿仁老師ê故事是1 ê提醒。 眞心chiah有幸福。古意m̄是gōng，是做人ê 1款選擇。

得

Tân Iū-úi 陳宥瑋

我是陳宥瑋，我眞歡喜會當tī這幾ê禮拜日ê下晡tī高雄文學館chham

各位友志來研討台語小說，陳明仁老師ê作品。我眞kah-ì這ê過程，

也應該講是享受。因為tī teh阮1人讀1 pha，ah路尾chiah由會議主 持人老師來kā咱補充、糾正。這ê過程當中，我會當學tio̍h眞chē新ê

詞lūi，koh有用法。更加重要--ê是我感覺會當糾正我原本1 kóa可能 講了有têng-tâⁿ--去，m̄-koh家己無覺察--tio̍h ê 所在。Che是對我 眞好ê幫chān。多謝主辦單位今年有這ê活動，多謝。

Tân Khêng-gio̍k 陳瓊玉

我是想 beh hō͘ 家己 ê 台語能力 koh khah 進步 chiah 想 beh 來參加讀冊會。Tī teh 讀冊會內底、大家會輪流讀 1 pha 文章

ê 內容，nā讀m̄-tio̍h ê所在老師會出聲kā阮提醒。同學mā眞 熱心會tàu-saⁿ-kāng講正確ê唸法，讀出聲hō͘我參考。學員讀

了老師會kap阮討論講tó-ūi看無，需要解說。了後老師會koh 讀一遍hō͘ 阮大家聽。有1 kóa幼路 ê 所在，我是感覺講 nā 是 家己1 ê人tī厝內讀，chhìn-chhái to̍h跳--過、làng--過-ah， kan-taⁿ知影大概ê內容是siáⁿ niâ。M̄-koh tī 讀冊會，大家會

使討論，tó-ūi看khah無，同學會問，老師 mā ē 解說。有ê同 學聽老師ê解說了後，伊to̍h ē有細漢ê時陣生活ê記持tńg--來。 伊會分享hō͘大家知影，我想che to̍h是讀冊會珍貴ê所在。

講者閱讀分享 Î Gio̍k-ngô͘ 余玉娥

感謝高雄文學館長期用心支持台灣文學，鼓勵市民參與文學活動。 Koh提供hiah-ni̍h sù-sī ê場地hō͘民眾使用。Tī chit khoán場所讀 冊ū iáⁿ樂暢。

讀 冊 討 論 會 ê 學 員 ù i 少 年 人 到 老 歲 仔 人 l ó n g 有 。 少 年 家 m̄ - n ā kut-la̍t，koh phah-piàⁿ 學習，kiàn-pái lóng 搶頭香，mā 讀kah

眞滑溜。年歲khah大ê學員，自細漢chiū聽、講台語，對文字khah 生疏。Put-jî-kò，學員大多數有買冊，tiàm厝--ni̍h mā加減讀--kóa， 等到來現場讀 ê 時陣，to̍h jú 讀 jú 順chhùi。而且學員 mā ē-hiáu 利用ChhoeTaigi平台chhiau-chhōe bô se̍k-sāi ê語詞。

咱年歲khah chē ê朋友mā chiaⁿ-si̍t貼心，針對文本內容提供 in

ka - kī ê生活經驗hō͘大家參考。Koh ta̍k ê學員ùi ta̍k所在來，腔口有

sió-khóa精差，像台南腔、宜蘭腔，á-sī用詞有bô kāng-khoán ê 所 在，大家 lóng 感覺 kài 心適，mā 學 tio̍h put-chí-á chē新用語。

做伙讀文學作品thang藉ín-chhōa進一步了解作家in文學寫作ê手 路，相信對咱ê寫作有大幫chān。咱mā希望未來有機會邀請陳明仁 先生本身來高雄文學館分享伊ê文學創作心聲。

享 Tân Ka-chèng 陳嘉正

Chhiau-chhōe台語文學ê手路。咱beh按怎用在地ê台語氣口，來寫 當地ê人事物，beh按怎來描寫代誌發生ê原因kap內容，這ê過程kap

結果，hō͘讀者會當淸楚，了解咱beh形容ê細節，看kah眞趣味，而且 想beh進一步研究作者，心肝窟á微細ê內才。

敍事ê中間，koh 會安插1 kóa 玄疑ê事件，hō͘ 讀者來 ioh，這種奇

妙虛玄 ê 手路，就會引人入勝，ta̍uh-ta̍uh-á chhōa 你入去桃花源 ê 迷人世界，一步一步行入天花亂墜 ê 淸爽空間。文章內底mā眞chē 澀kī-koa̍h ê 用詞，khah早m̄ bat看--過，mā m̄ bat聽--tio̍h，親像

「kiám-chhái」、「tháu-pàng」、「làng-káng」，che to̍h需要藉讀冊 會，ta̍k-ke做伙來討論，chhōe資料，深入研究了後，就得tio̍h答案 --lo͘h。

台語ài學習，chia̍p講、chia̍p寫、chia̍p聽，chiah ē-tàng學 著正港ê台灣味，台語一定ài thn̂g-thòaⁿ，chiah有法度保留祖

公 á 、 阿 爹 、 阿 娘 留 h ō͘ 咱 ê 上 好 遺 產 。 T a̍ k- ke 做 伙 來 拍 拚 ， 台 語 一 定chhut-th âu-th iⁿ。

講者閱讀分享 Tân Kim-hoa 陳金花

好ê作品hō͘人有愈pō͘愈芳ê氣味，chit款氣味tī讀冊會做伙分享，chiok 有sio tò͘ ê感染力，是推sak台文閱讀ê好方式。

Tng 讀 tio̍h m̄ bat ê 語詞、情景，大家提出來討論 ê 時，無 kâng生

活背景 ê 人，會當提供無 kâng ê 經驗，做伙解答。M̄-nā 文章內底ê 問題， koh有羅馬字ê使用規則，mā ē-sái隨時提出來討論，án-ne互 動ē hō͘人想beh繼續讀--落-去，che to̍h是讀冊會ê魅力。

比喻講，我chhōa讀〈Gōng淸--á買獎券tio̍h大獎〉kap〈老歲仔〉ê時， tú-tio̍h「略略仔」che 3 字，斟酌前後文 ê 意思，koh 回想 kap 父母 開講ê語感，發現咱 ài 用羅馬字 chiah寫ē出無kāng ê 意思。Nā 寫 lio̍h-lio̍h-á，to̍h sī sió-khóa-á ê 意思。比喻講：茶lio̍h-lio̍h-á燒、 腹肚lio̍h-lio̍h-á疼。Nā 寫 chò lio̍h-lio̍h--á ，to̍h解說做，……to̍h ……、nā無sè-jī to̍h……。比喻講：天hiah-nī烏，lio̍h-lio̍h--á to̍h ē lo̍h雨--ah。代誌nā無su-sim-á做lio̍h-lio̍h--á to̍h走精--去-ah。

台語文字化iáu咧學pê階段niâ，希望khah chē有志做伙來稽考hiah ê teh beh phàng見 ê 語料，來增加台語詞庫。讀台語冊了後，一 定ē發現羅馬字ê利益，án-ne就ài siak-phah參加台文讀冊會。

kín來學白話字，chiah

ē-tàng

享

指導單位

主辦單位

承辦單位

合作單位