Issuu on Google+

Verspreidingsgebied: Kathu, Kuruman, Daniëlskuil, Lime Acres, Olifantshoek, Postmasburg, Upington, Keimoes, Kakamas en Groblershoop

13 MAART 2014

WWW.KALAHARIBULLETIN.CO.ZA

Upington

WWW.KALAHARIBULLETIN.MOBI

GRATIS

Boer dood ná erge aanval Charné Kemp ’n BOER van Askham is die naweek dood nadat hy, sy vriendin en hul seuntjie buite hul huis op ’n plaas by Askham aangeval is. Danie Schreuder (56) is Vrydagaand na bewering herhaaldelik met die kolf van ’n windbuks oor sy kop geslaan. Hy en sy vriendin, Marietha Titus (34), het buite die huis onder ’n afdak geslaap, omdat dit warm in die huis was. Hulle het vir Fritz Oosthuizen op die plaas Miershooppan, noord van Askham, geboer. Titus het met hul vyfjarige seun, Jason Schreuder, die huis in gevlug. Sy het die polisie ontbied en uitgegaan. “Die aanvaller was reeds weg. Ek vermoed hy het die vorige dag twee windbukse uit die huis gesteel. Die bakkie se sleutel is ook weg. Ons is met ons eie wapens aangeval. Ek het ’n hengse hou oor die kop weg. Ek is ook oor my skouers en blaaie geslaan, maar dit was verskriklik om Danie so te sien ly.” Die polisie en ambulans het kort ná mekaar opgedaag. Sy en Schreuder is na die nabygeleë kliniek gebring. Die suster aan diens het dadelik aanbeveel Schreuder moet na die hospitaal in Upington gebring word. Titus is steeds in Upington by Schreuder se kinders uit sy eerste huwelik, Alfred Schreuder en Ida Krause. Ida se man, Loffie Krause, sê sy skoonpa het baie ernstige kopbeserings opgedoen. “Hy is al Vrydagaand breindood verklaar en is Saterdagaand oorlede nadat sy hart gaan staan het.” Schreuder se ouers, Alfred (82) en Susie (80) Schreuder, bly in die Heuwelsig-aftreeoord in Kuruman. Lt. Andrea Cloete, polisiewoordvoerder, sê niemand is nog in hegtenis geneem nie. Oosthuizen, Schreuder se werkgewer, sê hy was ’n flukse, vriendelike en hardwerkende mens. “Hy was altyd reg om iemand te help – baiekeer sonder vergoeding. Hy was verknog aan sy gesin. Hy het sy seuntjie drie dae van die week na die voorskoolse sentrum sowat 30 km daarvandaan geneem. Hy het ure daar gewag voordat hy hom huis toe geneem het. Die inwoners besef nie aldag hoe ’n goeie mens en gesinsman hy was nie.”

KAMEELDORINGBOME is so eie aan die Kalahari soos roosterkoek, njaba en tsamma. Lees op bl. 11 meer oor die merkwaardige bome. Dié kameeldoringboom wat so mooi teen die wingerd vertoon, staan by Raaswater. Foto: Anena Burger


2

KALAHARI BULLETIN, DONDERDAG 13 MAART 2014

Losloperdiere kwel Meris Kocks

VYF trokke met veevoer wat deur Wes-Kaapse boere na droogtegeteisterde boere in die Boesmanland en Namakwaland gestuur is, het op Dinsdag 4 Maart in Upington aangekom. Hier is van links Brian Dube, Tribe Gumbo en Dirk Krapohl (bestuurder: Oranjerivier-Landbou-unie) wat die veevoer van die trokke aflaai. Foto: Lizette Slabber

Broodnodige voer hier Lizette Slabber ONGEVEER 170 ton veevoer het op Dinsdag 4 Maart in Upington aangekom om onder droogtegeteisterde boere versprei te word. Die vrag is die eerste van vele vragte veevoer wat die volgende drie maande in Upington sal aankom. Boere van die Wes-Kaap en Noordwes stuur die voer na boere oor die Noord-Kaap heen om só verligting te help bring. Treintrokke met voer is ook Dinsdag in Modderrivier naby Kimberley afgelaai. Volgens Dirk Krapohl, bestuurder van die Oranjerivier-landbou-unie, gaan die veevoer na

Van Der Westhuizen-vervoer geneem word waar dit in ’n sekuriteitskompleks geberg gaan word. Verteenwoordigers van die Boesmanland- en Namakwalandlandbouverenigings sal dit dan daar gaan haal en onder hul lede versprei. Krapohl sê die eerste vrag veevoer gaan na boere wat droogtegelyste plase het. Die volgende vragte sal gaan aan boere wat gebukkend gaan onder die droogte en eers wanneer in al die behoeftes van die boere in Boesmanland en Namakwaland voorsien is, sal veevoer onder boere in die Kalahari uitgedeel word.

“Die boere in die Kalahari het die afgelope maand goeie reën ontvang, maar daar is tog plekke waar die droogte steeds heers. Daardie boere sal met die volgende vragte gehelp word.” Nicol Jansen, visepresident van Agri Noord-Kaap, sê die Noord-Kaapse boere is baie dankbaar vir die groothartigheid van die Wes-Kaapse boere wat die veevoer geskenk het. “Die eintlike waarde van die skenking lê daarin dat die diere die droogte danksy dié hulp gaan kan oorleef. “Dit help die boere om minstens hul kuddes in stand te hou totdat die reën kom,” sê Jansen.

MOTORONGELUKKE vind gereeld op die hoofverkeersroete tussen Rietfontein en Askham plaas. Die meeste van dié ongelukke word veroorsaak deur diere wat vrylik oor die pad loop. Ondanks gereelde klagtes en versoek van motoriste, asook talle vergaderings oor die probleem, word die heining en hekke langs die pad nie herstel nie. In van die onlangse voorvalle is Sors Tieties en Jan Vilander se motors onderskeidelik beskadig in botsings teen donkies wat oor die pad geloop het. Daar is gereeld ongelukke met groot skade, en soms noue ontkomings en lewensverlies, op dié pad weens die loslopende diere.

JAN VILANDER se taxi ná ’n botsing teen ’n donkie.

SORS TIETIES het groot skade aan sy motor gely toe dit teen ’n losloperdonkie gebots het. Foto’: Verskaf


KALAHARI BULLETIN, DONDERDAG 13 MAART 2014

Bulletin-span versterk Lizette Slabber PHIDELIA ABRAHAMS, die Kalahari Bulletin se nuwe verkoopbestuurder, het tuisgekom. Abrahams, wat op Rietfontein grootgeword het, het na Upington teruggekeer om hier die Kalahari Bulletin na hoër hoogtes te lei. As die nuwe verkoopbestuurder is sy van plan om dié jong koerant nog sterker te vestig. “Ek wil die koerant nog meer gelief onder lesers en adverteerders maak. “Ons gaan die komende paar weke meer vir ons adverteerders bied en só nie net vir hulle waarde toevoeg nie, maar ook ons lesers nog liewer vir dié lekker koerant maak.” Abrahams is op Aroab gebore en het haar skoolloopbaan aan die Gekombineerde Skool Rietfontein voltooi. Ná skool is sy na Bloemfontein waar sy haar kwalifikasie

deur Unisa voltooi het. In 2007 het sy as streekbemarker by Media24 se afleweringsafdeling begin werk. In 2012 het sy na die advertensie-afdeling van Ons Stad en Bloemnuus, twee plaaslike koerante in Bloemfontein, geskuif. Sy is in dieselfde jaar met haar man, Edroy, getroud. In 2013 is sy as verkoopbestuurder van die geklassifiseerde afdeling van Volksblad, moederkoerant van Kalahari Bulletin, aangestel. Die verlange het haar egter na die Kalahari teruggebring. “Dit is so lekker om weer by my familie te wees en verhoudings met my ou kliënte te hervat. Ek weet ons gaan weer lekker saamwerk.” Sy sien ook uit na die rustigheid wat net hier in die Kalahari te vinde is. “Bloemfontein is nie ’n groot stad nie, maar dit raak nou te bedrywig vir my,” sê sy.

ILZE BOTES is die wenner van ’n vakansie na Zanzibar. Die Kalahari Mall het ’n kompetisie aangebied waarin alle inkopies van meer as R200 die koper ’n deelnemer in ’n gelukstrekking gemaak het. Ilze se naam is getrek. Hier is sy en haar man, Klippies.

Loer in op webwerf Vir foto’s en nuus besoek die Kalahari Bulletin se webtuiste by www.kalaharibulletin.co.za. Kuier en gesels ook saam met ander lesers op die koerant se Facebook-blad.

PHIDELIA ABRAHAMS is die nuwe verkoopbestuurder van die Kalahari Bulletin.

Foto: Lizette Slabber

ILZE BOTES het nie net die vakansie na Zanzibar gewen nie, maar ook ’n geskenkpak van Cotton On en ’n Nokia-selfoon van MTN. Hier oorhandig Karlien Kuhn (links), bemarkingsbestuurder van die Kalahari Mall, die pryse aan haar. Foto’s: Verskaf

3


4

KALAHARI BULLETIN, DONDERDAG 13 MAART 2014

Vroueregte nóú in kollig MET die onlangse nuusstorm rondom die Oscar Pistoriushofsaak kyk die wêreld ook weer na vroueregte en die veldtogte teen geweld teen vroue en kinders in Suid-Afrika. Tydens Pistorius se verhoor het die ANC-vroueliga sy ondersteuning buite die hof vir die regte van vroue oor Suid-Afrika heen gegee. Die liga het ook alle vorme van geweld teen vroue veroordeel en die geval van Reeva Steenkamp as voorbeeld voorgehou. Van die lede is opgemerk waar hulle ’n foto van Steenkamp op hul lapelle vasgesteek het. Die regter wat die Pistoriussaak behartig, regter Thokozile Masipa, is bekend daarvoor dat sy nie skroom om streng vonnisse te gee weens oortredings teen vroue en kinders nie. Vroueregte-aktiviste het regter Masipa se betrokkenheid by die saak verwelkom nadat sy in 2013 die berugte verkragter Shepherd Moyo tot 250 jaar tronkstraf gevonnis het. Sy het ook ’n polisieman, wat sy vrou vermoor het, tot lewenslank gevonnis. “Jy verdien om die res van jou lewe in die tronk te sit, want jy is

’n moordenaar, nie ’n beskermer nie,” het sy gesê. Regter Masipa is ’n voormalige joernalis wat op 34 ’n prokureur geword het. Sy het 15 jaar gelede Suid-Afrika se tweede swart regter geword. Die Pistorius-hofsaak sal nie net ’n keerpunt in haar loopbaan wees nie, maar ook in die Suid-Afrikaanse regstelsel as ’n geheel. Die hele wêreld het nou dié regstelsel onder oë weens die regstreekse televisieuitsendings van dié verhoor. Die jurie-stelsel is in 1969 uitgefaseer. Regters mag egter assessore vra om bewysstukke te help evalueer en te verduidelik – iets wat regter Masipa van die begin van die verhoor af gedoen het, hoewel hul identiteit in party gevalle beskerm word. Steenkamp, wat verlede jaar op Valentynsdag deur Pistorius doodgeskiet is, word deur vriende, familie en kollegas as ’n spontane mens beskryf wat niks in haar pad na sukses laat staan het nie. Steenkamp was ook in die veldtog teen geweld teen vroue en kinders in Suid-Afrika betrokke.

Gesinne moet saam lag . . . en saam huil Lizette Slabber EK is mal oor die Oscars. Net soos my man vasgenael sit voor die Superrugby-wedstryde sit ek amper deur die nag en kyk wie dié gesogte goue beeldjie wen. My liefde vir flieks kom al van kleintyd af. Ek het elke Sondagmiddag wanneer my ouers ’n middagslapie geniet het eers R5 en later R7 in my sak gesteek, my fiets gevat en videowinkel toe gery. Dan het ek teruggery huis toe met eers ’n Betamax-video en later ’n VHS-video, swaaiend in ’n plastieksak oor die handvatsel van my fiets. My ma het dié liefde vir flieks aan my oorgedra. Van my gelukkigste kleintydherinneringe is die aande dat ek en sy gesit en fliek kyk het, terwyl my pa lekker in die leunstoel geslaap het. Sy het my aan tydlose treffers soos Gone with the Wind, Doctor Zhivago, Steel Magnolias en The Sound of Music bekend gestel. Ons het die sneesdoekies heen en weer aangegee terwyl ons hard probeer het om sagter te snik sodat ons darem kon hoor wat die mense in die moewie sê. Ons het die lagtrane net so lekker afgevee.

Menige aand het sy as die laaste name oor die skerm gerol het na my gekyk terwyl sy die trane afgevee het en snikkend gesê: “Dit was nou ’n mooi storie”. Ek het my liefde vir fliek ook aan my kinders oorgedra. Ons is mal daaroor om ’n groot krismisbed voor die televisie te maak, ’n klomp DVD’s te huur en tot laat in die nag fliek te kyk. Dan hou ons sommer terselfdertyd ’n piekniek op daardie groot krismisbed. Dit was vir my heerlik om hulle op my beurt aan flieks soos Mary Poppins, E.T., The Princess Bride en The Goonies bekend te stel. ’n Oomblik saam met van my kinders tydens ’n fliek wat ek saam met my sal dra totdat ek aftree, is toe ons The Big Miracle gekyk het. Aan die einde van fliek het drie betraande gesigte na my gedraai en my dogtertjie het snikkend gesê: “Dit was nou ’n mooi storie”. Almal sê gesinne moet saam lag, maar soms kan hulle maar saam huil ook.

‘Daar gaan my middagete!’ ’n JAGLUIPERD in die Kgalagadi-oorgrenspark jaag ’n trop springbokke. Dit was in die middel van die dag en erg warm en die jagluiperd was ’n bietjie lui. Foto: Ilse Watson

Kies die weg van God, nie mag Ds. André de Villiers MATTHEUS 2:16-18: Hierdie verhaal word net deur Mattheus vertel. Daar is ook nie buite-Bybelse bronne wat hieroor skryf nie. Mattheus noem dit waarskynlik om vir die Jode te wys op die ooreenkoms tussen Moses (kindermoord) en Jesus. Verder gaan dit ook oor die maghebber (farao/Herodes) en die magtelose (Moses/Jesus) en die goeie nuus dat verlossing uit die onverwagse en magtelose kant kom. So verkondig Mattheus aan ons die doelbewuste prysgawe van mag, wat ons in die Jesusverhaal kry, teenoor die doelbewuste gryp na mag en misbruik van mag, wat ons in die Herodesverhaal vind. Hoe staan dit met mag en magsmisbruik in ons leefwêreld? Dit is natuurlik vir ons om mag te probeer behou. Niemand is bereid om mag af te staan nie, want dit is lekker om in beheer te wees. Niemand sal kies om ’n vlugteling te wees as jy ’n veilige plekkie het nie. Of is jy bereid om met jou huiswerker plekke te ruil? Ook in ons samelewing het ons duidelike maatskaplike lae wat

15/29 N-10

16/30

17/31

NNO-10 NNO-10

gepaard gaan met mag. Almal bestee tyd daaraan om op te beweeg in hierdie rangordes van mag. As jy ’n klerk is, wil jy ’n opsigter wees, as jy ’n opsigter is, wil jy ’n bestuurder wees, as jy ’n bestuurder is, wil jy ’n direkteur word. Daar is eenvoudig magskategorieë en ons samelewing word daarvolgens georden. Die moeilikheid met mag is tweeledig: ) As jy dit het, word dit as vanselfsprekend aanvaar. Jy bevraagteken dit nie. Jy groei daarin en lewe daarvolgens, en ) Dit is verslawend. Dit is lekker. Niemand wil dit prysgee nie. Daarteenoor het ons baie slim maniere ontwikkel om die magsbalans wat daar is, in stand te hou en te beskerm. 1. Ontken die probleem: Ons probleem is nie rassisme nie, dit is regstellende aksie. 2. Plaas die skuld op die slagoffer: As vroue net minder uitdagende klere wil aantrek, sal daar

15/26 N-15

15/28

16/28

NNO-10 NNO-10

minder verkragtings wees. 3. Noem dit iets anders: So word geslagsongelykheid afgemaak as die aangebore stryd tussen die geslagte. 4. Dit is beter so: Waar sou ons gewees het as daar nie apartheid was nie? Ons stoot die probleem van magsmisbruik van onsself af weg. Ons haal ons skouers op en sê dis nou maar hoe die lewe is. Die uitdaging lê voor elkeen van ons om te kies: Volgens watter een van hierdie verhale gaan ek my lewe rig? Die natuurlike uitweg is om maar saam te gaan met die maghebbers. Dit is die weg van die minste weerstand en in lyn met die natuurlike vloei van dinge. Die evangelie maak dit duidelik dat die weg wat God kies en wil hê ons moet kies die ander een is. Die weg van die doelbewuste prysgee van mag, die weg van doelbewuste bemagtiging van die wat verwerp word en verstote is. ’n Keuse vir Jesus en sy evangelie is ’n keuse teen elke oorheersende en onderdrukkende magstelsel. Dit verg dat jy sal standpunt inneem teen gewilde neigings.

17/35

17/34

18/35

NW-5

NNW-5

NW-5


KALAHARI BULLETIN, DONDERDAG 13 MAART 2014

OATLEY COETZER was een van die maandwenners in die 2011-kompetisie. Die Kalahari Bulletin begin vandag weer ’n fotokompetisie vir al sy plaaslike amateurfotograwe. Foto: Oatley Coetzer

5

SUSAN MYBURGH was die eerste maandwenner van die 2011-kompetisie met die foto Skadu’s en Lyne. Stuur nou jou landskapfoto’s na lizette.slabber@volksblad.com. Foto: Susan Myburgh

Jou kiekies kan groot pryse wen Lizette Slabber STUUR dadelik jou pragfoto’s vir die Kalahari Bulletin, want die koerant begin vandag ’n splinternuwe fotokompetisie. Die kompetisie gaan elke maand ’n tema hê waarvolgens lesers foto’s kan instuur. Die tema vir Maart is Landskappe. Elke maand sal daar uit die inskrywings ’n wenner gekies word wat ’n finalis sal wees vir die finale kompetisie waaruit die

beste foto gekies gaan word. Die maandwenner sal ’n prys wen en uit al die maandwenners word die algehele wenner gekies wat dan die groot prys gaan wen. Hou die Bulletin dop vir die groot pryse wat met die wenfoto’s gewen kan word. Elke maand sal die inskrywings op www.kalaharibulletin.co.za en op die koerant se Facebookblad geplaas word. Die foto wat die meeste “likes” op

Facebook kry, sal ook ’n prys wen. Die sluitingsdatum vir inskrywings is altyd die laaste dag van die maand en die vyf finaliste sal dan in die eerste uitgawe van die volgende maand verskyn. Die wenfoto sal die volgende week op die voorblad verskyn. Stuur landskapfoto’s na lizette.slabber@volksblad.com voor 31 Maart. Foto’s moet groter wees as 500 KB en 300 DPI en moet in JPG-formaat aan die

e-pos geheg wees. Verskaf asseblief ’n kontaknommer in die e-pos, sowel as inligting oor waar en deur wie die foto geneem is. Daar is geen beperking op die getal inskrywings per persoon nie en foto’s van oor die land heen mag ingeskryf word, maar slegs mense van die Noord-Kaap mag hulle inskryf. Geen professionele fotograwe mag hulle inskryf nie.


6

KALAHARI BULLETIN, DONDERDAG 13 MAART 2014

LEEFSTYL

Klink ’n glas hierop Regte sorg vir BLOED drup-drup op die vloer. Daar is ’n hand met ’n vleiswond groot genoeg vir ’n vlermuis om in nes te maak. Angstige helpers soek verbande, terwyl kreungeluide van ware pyn oor jou lippe kom. En al wat ek probeer doen het, was om ’n wynbottel oop te maak. Toe gly die kurktrekker, die skerp staalskroef tref ’n weerlose hand en die res is ’n bloederige geskiedenis. Wyndrinker, wees asseblief versigtig. Benewens bogenoemde voorbeeld, is daar ’n rits beserings wat jy kan opdoen deur jou gunsteling-tydverdryf aan te durf. Vonkel-vonkel-kolskoot Dié besering is algemener as wat vermoed word. Die skuldiges is ’n oorywerige partytjiedier en ’n bottel vonkelwyn. Dié partytjiedier, wat oorkant jou sit of staan, pluk roekeloos die foelie van die bottelnek af en begin dan om sorgeloos en in regte partytjieluim die draad om die kurkprop af te ruk. Wat die outjie nie verstaan nie, is dat daar drukking binne die bottel ontstaan weens die gas wat die vonkelwyn sy vonkel gee. Sodra die draadbeskerming van die prop dus af is, is daar ’n gesonde pop-geluid, gevolg deur die knoetserige prop wat sierlik deur die lug trek en jou teen die voorkop tref met die krag van ’n gholfbal wat deur ’n tweehout geslaan is . . . eina.

’n Kishou vir die rug ’n Man het ruggraat nodig om ’n kis wyn as geskenk te aanvaar of om die hemelhoë pryse te betaal wat sommige wynkelders vandag vra. Dit is dus te verstane dat jy met doelgerigte ywer die kis wyn sal wil optel en in jou motor laai om te verseker die geskenk of aankope kry nie voete nie. Let daarop dat ’n kis wyn met 12 bottels maklik 18 kg weeg. En in jou ywer om af te buk en jou buit op te tel gebeur dit gereeld dat die optelslag dieselfde invloed op jou rugwerwels het as wat ’n Eben Etsebeth-skouerduik sou hê. Anders as Eben, is jy nie meer vandag se kind nie. Dis seer. Verkeerde lugweg Gulsigheid is werklik nie só ’n groot sonde nie. Veral as die gasheer ’n spoggerige, duur wyn tafel toe bring, want jy is immers die gas en geregtig op jou regverdige deel. Jy het dus al geleer hoe om jou glas gevul te hou en vinnig af te sluk sodat jy jou demokratiese kans kry om meer van die kosbare Kanonkop Black Label Pinotage of Waterford The Jem te drink as jou minder-waarderende tafelgenote. Wees net versigtig vir wyn wat in jou haas in die “verkeerde keelgat” afgaan. Nee, jy ken nie die korrekte mediese terme nie. Wat

wel bekend is, is die versmorende gevoel van ’n mond vol wyn wat te vinnig gesluk word en jou laat stik. Jy gryp eers met oë wat traan na ’n servet en skud jou kop verwoed wanneer iemand vra of jy “oukei” is. Maar dan trek jou keel toe en jy maak die benoude kreet van iemand wat verstik. Dit is dan wanneer jou besorgde gasheer opstaan en jou galant tussen die blaaie slaan met die krag van ’n perd se skop. Dan buk hy af en fluister: “Moenie weer al my d*nn*rse goeie wyn suip nie”. Jy sal nie. Verweerde elmboog Statistieke is ’n verstommende ding. Kyk byvoorbeeld die harde werk wat dit verg om wyn te drink. As jy ’n skamele twee glasies wyn per dag drink, lig jy omtrent 14 keer die glas na jou mond. Sê nou maar die glas wyn weeg ’n gemiddeld van 120 g beteken dit dat jy in een jaar meer as 600 kg met daardie drinkarm lig. Geen wonder nie dat ’n mens ná 15 jaar ontdek dat die elmboog van jou drinkarm nie meer so lekker wil werk nie. Die verweerde skarniere en ontsteekte senings mag medisyne verg en die ongerief is permanent, maar gelukkig nie verlammend nie. As daar nou een pyn is wat die moeite werd is om te kry is dit wynpyn. Gesondheid!

wonde kritiek Yolandi van Deventer

GOEIE nasorg van ’n wond is van uiterste belang om komplikasies te voorkom. Ná chirurgie is dit beter om die wond te los totdat die dokter dit self oopmaak en evalueer. Op ’n mens se hande en onder die naels kom daar baie organismes voor wat, indien daar nie asepties (skoon) met die wond gewerk word nie, infeksie kan veroorsaak. Infeksie het tot gevolg dat die wond langer neem om te genees, dit lei tot verlengde pyn en ongemak vir die pasiënt. Daarmee saam gaan verhoogde mediese koste aangesien die pasiënt moontlik langer in die hospitaal sal moet bly, of dan duurder wondsorgprodukte moet gebruik. In party gevalle mag dit dalk gebeur dat wondversorging op aanvraag van die dokter tuis sal moet geskied. In so ’n geval is dit belangrik dat iemand aan die persoon wat die wond gaan skoonmaak, moet demonstreer hoe presies om te werk te gaan om sodoende komplikasies te voorkom. Eerstens is dit belangrik om te vra of die wondbedekking waterdig is of nie. Dit sal beïnvloed of die pasiënt kan bad of stort of liewers net moet was sonder om in water te lê. Verder moet daar seker gemaak word waarmee die wond skoongemaak moet word. Gewoonlik is steriele soutwater of ’n chlorhexidine-oplossing die beste om te

gebruik. Vermy oor-die-toonbankmiddels vir groot, gekompliseerde wonde aangesien dit weefselskade kan aanrig. Maak ook seker watter soort salf (indien enige) op die wond gesit moet word en waarmee die wond bedek moet word. Wondversorging moet altyd met handskoene aan gedoen word. Dit is baie belangrik om te evalueer vir tekens van infeksie in die wond wat insluit: oormatige pyn, rooiheid, hitte (die vel om die wond), afskeiding, onwelriekende wond en koors (in sommige gevalle). ’n Dokter moet gekontak word indien die pasiënt koors het. Wees bedag daarop om baie noukeurig die instruksies van jou dokter te volg rakende jou wondbehandeling en kontak hom of haar indien jy enigsins onseker is. ) Gesondheidswenke deur die Mediclinic Kathu verskaf.

KALAHARI BULLETIN het ’n Facebook-blad. Al die nuutste berigte word op die Facebook-blad geplaas en dit verskaf ’n skakel na die berigte op die webblad. Gaan na www.facebook.com/kbulletin.


KALAHARI BULLETIN, DONDERDAG 13 MAART 2014

7


8

KALAHARI BULLETIN, DONDERDAG 13 MAART 2014

12 - 16 March 2014

We reserve the right to limit quantities. View this catalogue online at www.game.co.za

5490

3990

per kg

! S G N I V SA

per kg

Beef Mince Mix

Texan Steak

Lamb Lion Rib Chops

20

6290

R

per kg

per tray

Large Eggs 18’s

16990

Lamb Stew

per kg

each

25

R

Royal Gala Apples 1,5kg

7

each

5for

90

Rainbow Simply Chicken Viennas 500g

per pack

t Assorted

Bananas 750g

R

20

Avocado’s

Not Available In Kathu Village

or we’ll BEAT it*

2for

per pack

Dairy Corporation Full Cream or Low Fat Milk 2l

nyw here e a op h s y h w e, lu va ch u m o W it h s

Whole Beef Biltong

1690

1650 2390

7990

per kg

3for

24

R

Pineapples

lse?

 Lowest Price Guaranteed OBLEM! PR  Exchange or Return - NO y shop anywhere else! wh , UE  With SO MUCH VAL terms and conditions *See www.game.co.za for

Prices apply to Game Kathu and Upington stores only.

All prices quoted in RSA rands and include VAT where applicable. Prices exclude accessories used for advertising purposes. All Major Credit Cards accepted. Foodco endeavours to meet the demand on all promotional lines, but stocks are limited. No Traders Please. We reserve the right to limit quantities.


KALAHARI BULLETIN, DONDERDAG 13 MAART 2014

9

Motorwassery suiwer pret DIE senior raad van die Hoërskool Martin Oosthuizen (HMO) het op 28 Februarie sy jaarlikse motorwassery afgehandel. Elke graad se leerlinge was netjies in hul graadhempies geklee en teen slegs R35 per motor kon geen plaaslike motoris dié kans misloop nie.

Die skuim het gespat en die armspiere het oortyd gewerk om elke motor in net 15 minute gewas en afgedroog te kry. Op dié dag is die skoon motors en geld wat ingesamel is net ’n bysaak – die beste deel van die dag is al die pret wat tussendeur die harde werk ervaar is.

DIE gr. 8-leerlinge van die Hoërskool Martin Oosthuizen (HMO) het veral die besielende praatjie van Len Viljoen geniet. Hier is hy saam met van die gr. 8-leerlinge. Van links is, voor: Walian Rickert, Charl Strauss en Franco Rossouw; agter: Fideliah Smit, Shania Koortzen, Viljoen, Minette van Zyl en Danélle Crafford. Foto: Verskaf

Spreker inspireer

LEN VILJOEN, ’n bekende motiveringspreker, het op 4 en 5 Maart die Hoërskool Martin Oosthuizen (HMO) besoek. Viljoen is blind gebore en doen al die afgelope 16 jaar getuienislewering en motivering. Hy het op 4 Maart die matriekleerlinge en hul ouers op die eerste matriekouer-

aand van die jaar toegespreek. Hy het die leerlinge, hul ouers en hul onderwysers aangemoedig om hul bes te doen in alles wat hulle aanpak. Op 5 Maart het hy die res van die skool toegespreek en almal met sy lewensverhaal en motiveringsboodskap aangespoor.

DIÉ matrieks het nie net skoon motors verseker nie. Tussendeur die wassery deur het hulle hope pret gehad en met lekker musiek die gees sterk gehou. Foto: Verskaf


10

KALAHARI BULLETIN, DONDERDAG 13 MAART 2014

Oupas kraai koning in tehuis DIE Koning van die Oranjehof-tehuis vir bejaardes is met die hulp van die Hoërskool Upington aangewys. Op 7 Februarie het agt meisies van Upington die oupas in Oranjehof onder hande geneem en vir dié kompetisie gereed gekry. Elke meisie het een oupa só verander dat bykans niemand hom kon herken nie en hom as die prins waarop alle vroue wag, voorgestel. Terwyl die oupas opgetof is, het oom Trompie en sy orkes en bekende sangers

van die dorp die inwoners met musiek vermaak. Aan die einde van aand is die oupas in rolstoele en onder luide toejuiging van die vroue aan die gehoor bekend gestel. Oom Gawie Carr is as die Koning van Oranjehof gekroon. Tussendeur het die leerlinge van Upington tyd saam met die inwoners bestee. Dié aand is ’n opvolgkompetisie van die Koningin van Oranjehof-kompetisie wat verlede jaar hier aangebied is.

OOM TROMPIE BURGER het weer die musikale vermaak verskaf.

OOM NICK BENSON word aan die gehoor bekend gestel.

DIE drie wenners van die Koning van Oranjehof-kompetisie is van links Len Stewart, Gawie Carr en Willie Strydom. Foto’s: Verskaf

OOM MICHAEL HOUGH het die gehoor gaande gehad.


KALAHARI BULLETIN, DONDERDAG 13 MAART 2014

Bome goud werd

OP die pad na Kakamas staan dié kameeldoringboom wat swaar aan sy versamelnes dra. Charné Kemp DIE Kalahari sal nie sy besonderse karakter hê sonder die ikoniese kameeldoringbome wat soos beeldhouwerke op rooi duine pryk nie. Dié beskermde boom, wat as ’n hoeksteenspesie beskou word, word steeds deur te veel mense uitgekap. Kenners meen die mense besef nie watter onmeetbare skade hulle aan hul eie omgewing en voortbestaan aanrig nie. ’n Hoeksteenspesie is ’n plant wat, relatief teenoor sy verspreiding, ’n ongewoon groot invloed op die omgewing het. Hennie Erasmus, ’n bekende omgewingskonsultant en beroepsjagter, se oë is op skrefies getrek wanneer hy oor die bedreiging van die boom praat. Hy is bekend daarvoor dat hy sowat drie uur oor dié boom, wat sowat 300 jaar oud kan word, kan praat. In Botswana word die boom, waarvan die digte koelte as vergaderplek gebruik word, as ’n koninklike boom beskou. Dit kom voor in Suid-Angola, Namibië, dele van Botswana, Suidwes-Zimbabwe, Noordwes-Suid-Afrika en SuidwesMosambiek. “Die boom ondersteun verskeie plant- en dierespesies en verryk die grond in ’n dorre landskap wat oënskynlik onherbergsaam is,” sê Erasmus. Die ontploffing van mynboubedrywighede, gepaardgaande verstedeliking en die soeke na alternatiewe

energiebronne maak die boom kwesbaar.

Die boomslagting

’n Eeu en ’n paar dekades gelede het diamantdelwers en handelaars al die kameeldoringbome om Kimberley uitgekap. In die Dronfield-natuurreservaat buite Kimberley is kameeldoringbome bewaar ná die aanvanklike boomslagting toe plase met die diamantstormloop gekoop is. Die bome onder kragdrade in die reservaat word ook gereeld afgesaag. “Die bome is reeds dekades oud en sal nooit so hoog soos die kraglyne groei nie. Dit is jammer.” Die destydse ossewapaaie, deesdae toegegroeide slote, loop ’n reguit lyn in Dronfield. Bome is afgekap en vir waens, brandhout en stutte in myne gebruik. “Daar is nie een boom wes en noord van Kimberley wat meer as 120 jaar oud is nie. Die grootste bome is dieper in die Kalahari waar die handelaars nie was nie,” sê Erasmus.

Nou beskerm

Deesdae word alle kameeldoringbome, dood of lewend, beskerm. Kameeldoringbome het penwortels wat tot 60 meter diep strek en bome kan tot 16 meter hoog groei. “Bome waarvan die wortels op ’n sekere vlak rondom ’n oopgroefmyn is, vrek van dors weens die grootskaalse wateronttrekking.” Vanjaar se droogte het ook die bome se voortplanting beïnvloed. Erasmus sê hy sien baie min peule

DONKIEKARRE en kameeldoringbome is perfek simbolies van die besondersheid van die Kalahari. Dié pragtige kameeldoring is by Andriesvale te sien.

Dié bome genees ook KAMEELDORINGBOME het onder meer die volgende medisinale gebruike. In Botswana word boomgom in water opgelos om griep te behandel. ’n Ekstrak van die bas is goed vir diarree en ’n aftreksel van fyn gestampte, gebrande bas vir hoofpyn. Aftreksels van die wortels help vir hoes en wanneer dit fyn gemaal is, kan dit help om neusbloeding te keer.

’n Poeier van fyn gestampte peule en pitte kan vir oorpyn gebruik word. Fyn gemaalde peule kan as pap geëet word en die geroosterde sade om koffie te maak. Die mis van die versamelvoëls wat in neste in die bome bly, is al vir die brou van bier gebruik. ) Bron: The Camel Thorntree, Acacia erioloba, saamgestel deur Tania Anderson.

Foto’s: Anena Burger

aan die bome. “Die droogte het dalk veroorsaak dat die peule geaborteer is om nie energie te vermors nie.” Die sade kan dekades lank in die sand oorleef en ontkiem wanneer toestande baie gunstig is. “Bome vrek darem ook van natuurlike oorsake, veral as dit deur ’n weerligstraal getref word, of van brande of wanneer ystervarke sy bas afvreet.” Soms moet die boom met sy eie spesie vir kruinruimte meeding. Die boom wat eindelik bo die groep uitgroei en die meeste lig kry, oorleef. Jong bome word deur bokke omgestoot sodat hulle by die blare kan uitkom. Wurmplae kan ook die boom bedreig. Luidens ’n inligtingstuk wat deur Tania Anderson vir die McGregormuseum saamgestel is, bevat peule sowat 10% tot 20% proteïen wat dit baie voedsaam vir diere maak. Lewende bome is ook ’n fantastiese habitat vir ander wesens. “Aasvoëls maak hul neste in dié boom vanweë die hoogte bo die grond en die plat kroon. Versamelen koringvoëls se grasneste anker goed teen die growwe bas en dik stamme. Kewers boor in die dorings om hul eiers te lê wat die doring laat verdik. Haarwurms spin kokonne in die takke. Reptiele en boomrotte vreet, soos wild, die peule. Miskruiers gebruik dié bokke se mis om hul eiers in te lê. Wilde katte, soos luiperds, gebruik die boom vir beskutting en om hul prooi te vreet.”

11


12

KALAHARI BULLETIN, DONDERDAG 13 MAART 2014

HMO-atlete beïndruk DIE Hoërskool Martin Oosthuizen (HMO) in Kakamas het einde Februarie die ZF Mgcawu-distriksatletiekbyeenkoms aangebied. Op dié byeenkoms het die 37 atlete van die HMO 20 eerste plekke, nege tweede plekke en 14 derde plekke behaal. Die skool het net 225 leerlinge.

DIE atletiekspan van die Hoërskool Martin Oosthuizen (HMO) in Kakamas. Foto: Verskaf

Gesels saam op Facebook deur te gaan na Kalahari Bulletin.

MOHLALENG_1820_E1

' MW XLI IRIVK] WEZMRK XIQTIVEXYVI XLMW WYQQIV

Ken haar skuiwe DANIELA CISNEROS, ’n gr. 8-leerling aan die Hoërskool Upington, het aan ’n Noord-Kaapse kwalifiserende skaaktoernooi deelgeneem. Foto: Verskaf

Duinevelder wen gholftoernooi DANUS KRUGER, ’n matriekleerling aan die Hoërskool Duineveld, het die Magersfontein- junior ope gholftoernooi vir o.19’s gewen. Danus het op 22 en 23 September aan dié toernooi deelgeneem en ’n trofee en eerbewys vir sy uitsonderlike gholfspel ontvang. Sy oorwinning het ook aan hom ’n plek in die Vrystaat-Noord-Kaap-span besorg. Die span gaan van 30 Maart tot 5 April aan die Suid-Afrikaanse o.19-kampioenskappe vir seuns by die Umhlali-buiteklub in Durban deelneem.

)WOSQ [SYPH PMOI XS MRZMXI EPP 7SYXL %JVMGER VIWMHIRXW XS NSMR XLI GSPPIGXMZI IRIVK] IJ½GMIRG] HVMZI this summer, by setting your home’s air-conditioner to a cool 23°C. Ensure the air-conditioner is off in unoccupied rooms or alternatively open windows and doors to keep cool. By using these simple tips, you’ll be helping ease the pressure on the national power grid and you can save up to 10% on your electricity bill. *SV QSVI WEZMRK XMTW ERH MRJSVQEXMSR SR )WOSQ´W IRIVK] IJ½GMIRG] TVSKVEQQIW JSV XLI LSQIS[RIV ZMWMX [[[ IWOSQ GS ^E MHQ

DANUS KRUGER

Foto: Verskaf

Eskom Holdings SOC Limited Reg No 2002/015527/06


KALAHARI BULLETIN, DONDERDAG 13 MAART 2014

PERSOONLIKE DIENSTE

VAKANSIE & REIS

BETREKKINGS 3600

SOSIAAL & ONTSPANNING

AKKOMMODASIE

1475

MUSIEK VIR ALLE GELEENTHEDE, troues, funksies, ens. Skakel Dirk 079 877 7134.

TE KOOP

TROETELDIERE 1660

YORKIES TE KOOP: Kan KUSAregistreer. Skakel 082 819 0767.

ALGEMENE & HUISDIENSTE DSTV/TV/DVD DIENSTE

Akkomodasie te huur: Hartenbos. Slaapplek vir 4 in vieligheidskompleks. R600/dag. 20 minute vanaf George. 031 270 6664. GASTEHUISE/ B&O/HOTELLE 2625

Guest house in Kuruman. 7 en-suite bedrooms, erf size 1927 sq m. Borehole. On road parallel to Main Road. 079 798 3970. VOERTUIE

1807

DStv INSTALLATIONS, repairs and upgrades, Explora, PVR and Xtraview. Phone Kobus 082 040 5801.

BAKKIES/4X2’s TE KOOP/HUUR 3010

ELEKTRIES 1810

ELEKTRIESE HEININGS: Beveilig u eiendom. Vir professionele, geakkrediteerde installasies. Skakel Francois 072 156 4035. HEKMOTORS EN GARAGEDEURE: Motorhestel en installasies. Skakel Okker 082 829 0292.

HUISVERBETERINGS BINNE 1835

1989 Conquest, R19 500. 1992 Golf, R16 500. 1992 Jetta, R16 500. 071 967 0285. 1994 Uno, R11 500. 1985 Ford, R12 500. 1985 Mercedes, R8 500. 071 967 0285. 1995 Hilux, 2400, R29 500. Isuzu, 260, R29 500. 1998 Colt, 2000, R29 500. 071 967 0285. 2002 Golf 4, R38 500. 2001 Mazda, R32 000. 2001 Ford Fiesta, R25 000. 071 967 0285. NISSAN HARDBODY D/KAJUITBAKKIE, 2008-MODEL, 102 000 km. Prys R125 000. Skakel 071 603 9170.

MOTORS TE KOOP 3025

2008 GWM Multiwagon 2.2 te koop, ±80 000 km. Goeie toestand. Skakel 0723884426/0723002645 SLEEPWAENS 3040

NATIONAL TRAILER RENTAL KURUMAN: For one-way and local hire countrywide. Phone 083 310 0272. 12 Cilliers Avenue. V-TEC TRAILERS, KURUMAN: Ons diens en herstel sleepwaens en verkoop nuwe sleepwaens, onderdele en tweedehandse sleepwaens. Dryf ook handel in nuwe en 2de-handse Challenger- en Karet-sleepwaens. Louw 083 310 0272/053 712 1072.

EIENDOMME

SAKEPERSELE 3215

VOLWASSENES

POSTMASBURG: Kantoorruimte te huur. Ongeveer 70 vk meter. Lugversorging, alarmstelsel, eie krag, aparte kombuis. Onmiddellik beskikbaar. Skakel 082 406 8526 of 083 305 0083. Shop to let: Shop 20, Village Mall in Kathu,72 m2. Immediate occupation.Call Jarque on 082 259 7446.

PRIVAAT 2015

WARRIOR VIAGRA en STOK-STIMULANT Beskikbaar by Jimmy's Drankwinkel h/v Livingston- en Shortstraat 073 522 8346. Sterker, langer ereksie Hou tot 5 keer langer uit Medies getoets en veilig vir hoë bloeddruk. WARRIOR: R150 VIR 6 STOK-STIMULANT: R150 VIR 6 Skakel Jandre 073 894 5273.

WOONSTELLE TE HUUR 3250

AIDA KURUMAN WOONSTEL TE HUUR: 2 slaapkamers, 1 badk, sitk en kombuis, skadunet. Geen diere. Dadelik beskikbaar. R5 500 p.m. Oumawoonstel: 1 slk, kombuis, badk. Geen diere. Dadelik beskikbaar. R5 500. SKAKEL ANNATJIE 076 395 9422.

TE HUUR

LANDBOU

3205

LEWENDE HAWE EN PLUIMVEE 2210

EK KOOP SKAPE, bokke en ou bakkies vir kontant. Koop u immergroen Russiese gras by my - tot 80 skape per hektaar. Ook geskik vir alle diere. Sien www.russiangrass.co.za Skakel 072 604 5219.

ADMINISTRATIEF 3605

2635

LUUKSE OORNAGKAMERS te huur. R600 per nag, B & B. Veilige parkering. Skakel 082 260 2181.

HUISE TE HUUR 3270

KURUMAN: 3-slaapkamer-/2-badkplus 2 twee-slaapkamer-houthuise te huur. Huis is loopafstand van Palmgate-sentrum. Skakel 073 870 3269. KURUMAN: 3 slaapkamers, 2 badkamers. Beskikbaar 1 April. Skakel Martin 078 477 7392.

ADMIN. COPY/PASTE WORKERS NEEDED: For info SMS full name, address to 084 904 6873 or email hubdata555@gmail.com

ALGEMEEN 3680

GUESTHOUSE MANAGER WANTED: Preferably married couple to live in. Accommodation and company car included. E-mail CV to: ross@chapmansafaris.com or phone Nadine 076 154 1339. HUISWERKER BENODIG: Moet goed kan stryk. Skakel 071 361 2522. TUPPERWARE: CAREER opportunities. Work from home, part/ or full time. Earn cash and incentives. Management opportunities. With company car. Phone 053 723 1717/082 578 5215 Hester. It can change your life.

BOEDELKENNISGEWINGS BOEDELS: KREDITEURE EN DEBITEURE

4201

GB Makoku In the estate of the late Gobatlwang Beginning Makoku, identity number 570815 0945 080 and surviving spouse Michael Mmolai Makoku, identity number 5504015793 082 of House E25, Tsineng Village. Estate number: 3237/2013 All persons haveing claims against the estate must lodge it with the executor concerned within 30 days from 14 March 2014. KBVS ATTORNEYS PO Box 565 51 Beare Street Kuruman 8460

MM Obuditswe logo In die boedel van wyle Mphuphulolang Matthews Obuditswe, identiteitsnommer 500606 6447 089, en nagelate gade, Gaolese Mary Obuditswe, identiteitsnommer 520219 0288 081, van No 18B Cahar Village Mothibistad. Boedelnommer: 3565/2013 Skuldeisers van bogenoemde boedel word hiermee versoek om binne 30 dae vanaf 14 Maart 2014 hul eise te bewys en hul skulde te betaal by die ondergetekende. KBVS PROKUREURS Posbus 565 Bearestraat 51 Kuruman 8450

13


14

KALAHARI BULLETIN, DONDERDAG 13 MAART 2014


KALAHARI BULLETIN, DONDERDAG 13 MAART 2014

15


16

KALAHARI BULLETIN, DONDERDAG 13 MAART 2014


KALAHARI BULLETIN, DONDERDAG 13 MAART 2014

AANDAG

ALLE ADVERTEERDERS Die gebruik van die letter

"A", leestekens soos "!" of "*" of die gebruik van syfers met die doel om die advertensie na die bopunt van die klassifikasie-lys te skuif, is streng verbode. SMALLS NOTICE

17


18

KALAHARI BULLETIN, DONDERDAG 13 MAART 2014

ENIGE van Kalahari Bulletin se vorige uitgawes misgeloop? Lees artikels oor sport, nuus, leefstyl en dagboek-gebeure op die webblad www.kalaharibulletin.co.za. Kalahari Bulletin is ook op Facebook – besoek www.facebook.com/kbulletin.

VAN links is, voor: Elseri Pienaar, Lieben Engelbrecht en Nicola du Plessis; agter: Ruan le Roux, Mia Benade, Jenny Steenkamp en Francois du Plessis. Foto: Verskaf

Jonges tuis in water SWEMMERS van die Laerskool OranjeNoord het van 8 tot 11 Januarie aan die Noord-Kaapse swemkampioenskapsbyeenkoms deelgeneem. Jenny Steenkamp is as die beste o.13meisieswemmer en die victrix ludorum op die byeenkoms aangewys. Sy is gekies om

as lid van die Noord-Kaapse span aan die 4+1- interprovinsiale gala deel te neem. Met Jenny, Francois du Plessis en Lieben Engelbrecht se deelname aan die vlak 2-swemkampioenskapsbyeenkoms in Sasolburg het hulle vir vlak 2 gekwalifiseer.

Nuus, foto’s vroeg benodig WEENS die vakansiedag op Vrydag 21 Maart moet die verskillende uitgawes van die Kalahari Bulletin vroeër beplan en voltooi word. Nuus en foto’s vir die uitgawe van Donderdag 27 Maart, wat skole en

instansies graag in dié uitgawe wil hê, moet die onderskeie redakteurs nie later nie as Donderdag 20 Maart (voor 12:00) bereik. Sien die verskeie redakteurs se kontakbesonderhede op bl. 4.


KALAHARI BULLETIN, DONDERDAG 13 MAART 2014

19

Skuts oes medaljes in skietkompetisie DIE skuts van die Hoërskool Upington het einde Februarie aan die skietkompetisie van Landboudal deelgeneem. Dié skuts het ses goue, drie silwer- en twee bronsmedaljes gewen. Elné du Toit het 542 punte in die drieposisie behaal. In die veergeweerafdeling vir o.21’s het Raynardt Stasch twee goue medaljes en Harm Janse van Rensburg twee silwermedaljes vir die 10 m-staan- en die drieposisie gekry. Jana Becker het ’n goue medalje in die o.16-sportergeweerafdeling se drieposisie

gekry en silwer in die 10 m-staanposisie, terwyl Christine Becker twee goue medaljes vir die o.16-veergeweerafdeling se 10 m-staan- en drieposisie gekry het. Sy het ook aan die BJI-proewe deelgeneem en ’n goue medalje in die veergeweerafdeling behaal. Elné het ’n goue medalje vir die drieposisie en brons in die 10 m-staanposisie vir die o.14-sportergeweerafdeling gekry. Rian Loots het ’n bronsmedalje vir die drieposisie in die o.14-veergeweerafdeling gekry.

VAN links is, voor: Brian Daniels, PJ Smith, André Share en Ashwill Willemse; agter: Nakkie Duvenhage, Jaco Zietsman, Johannes du Plessis (kaptein), Geraldo Meintjies, Curtley May, William Briekwa, Christo Freeman en Bado Beukes (afrigter). Foto: Verskaf

Uppies sit Vikings koud DIE Uppies-krieketklub het die Vikingskrieketklub in ’n verminderde 30boulbeurtwedstryd met vyf paaltjies geklop. Die Vikings het eerste gekolf en is vir 87/10 uitgeboul.

Die Uppies moes die teiken van 88 lopies jaag en het dit met vyf paaltjies staande maklik bereik. Geraldo Meintjies het 28 lopies nie uit nie aangeteken en Johannes du Plessis 23 lopies.

VAN links is, voor: Jana Becker, Rian Loots en Christine Becker; agter: Raynardt Stasch, Harm Janse van Rensburg en Elné du Toit. Foto: Verskaf

NOMINATION OF CANDIDATES FOR THE APPOINTMENT TO THE NORTHERN CAPE PROVINCIAL SUBSTANCE ABUSE FORUM (PSAF) IN TERMS OF THE PREVENTION OF AND TREATMENT FOR SUBSTANCE ABUSE ACT, 70/2008

Neem aan NK-tennisproewe deel DIE Laerskool Oranje-Noord se tennisspelers het einde Februarie aan die Noord-Kaapse tennisproewe deelgeneem. Van links is, voor: Lombard Conradie (tweede, o.10), Lieben Engelbrecht (eerste, o.10), Adriaan Myburgh (sesde, o.10), Joahnré Terblanche (vierde, o.10) en Loubser Nel (elfde, o.11); agter: Stefan Joubert (eerste, o.11), Christel van Zyl (sesde, o.13), Melissa van Zyl (vierde, o.13), Janice Avenant (vyfde, o.12) en Ian Erasmus (elfde, o.12). Foto: Verskaf

Skitter vir hul hokkiespanne DIE hokkiespelers van die Hoërskool Upington berei hulle vir die komende seisoen voor. Om geld in te samel vir hul toer het die spelers op Vrydag 28 Februarie Upington ingevaar om blik te skud. Saterdag het hulle worsbroodjies verkoop en wedstryde gespeel om hul tegniek op te skerp. Van links is Jana Breedt, Morné Dlephu en Inge Wessels wat van die sterre in hul onderskeie wedstryde was. Foto: Verskaf

In terms of section 57 of Act 70/2008, the MEC must establish a PSAF through the appointment of PSAF members representing different stakeholders in the field of substance abuse prevention. The PSAF is a statutory body established in terms of Act 70/2008. The MEC for Social Development invites persons and stakeholders to nominate suitably qualified persons to be considered for appointment to the PSAF. Civil society and expert nominations are awaited from each of the following categories: N Community action groups N Research institutions N Substance abuse treatment institutions N Non-governmental organisations N Business community Terms of reference for PSAF members N Members of the PSAF will serve a term of five (5) years. N Members are required to serve in their capacity and act in the best interest of the people of the Northern Cape and function in accordance with the Act. N Members will perform the following functions of the PSAF, as set out in Act 70/2008: M Strengthen member organisations to carry out functions related directly or indirectly to addressing the problem of substance abuse; M Encourage networking and the effective flow of information between members of the Forum, M Assist Local Drug Action Committees established in terms of section 60 in the performance of their functions; M Compile and submit an integrated Mini Drug Master Plan for the province for which it has been established; M Submit a report and inputs by no later than the last day of June annually, to the Central Drug Authority for the purposes of the annual report of the Central Drug Authority; and M Assist the Central Drug Authority in carrying out its functions at a provincial level. N Members will be required to attend PSAF meeting and perform tasks, in between PSAF meetings, as decided in PSAF meetings. N The PSAF meets four (4) times a year. N Members must have special knowledge of and experience in the field of combating substance abuse. N The PSAF will consist of representatives of relevant provincial government departments and law enforcement agencies. N Civil society and expert members will be reimbursed for transport and subsistence while attending PSAF meetings. Note: Preference will be given to candidates whose appointment will enhance representivity. Candidates will be subject to security clearance. Correspondence will be limited to short-listed candidates only. Short-listed candidates will be subjected to an interview as part of the selection process. Nominations must be done on a completed official nomination form (available on the departmental website: http:// socdev.ncpg.gov.za/ and at all District Offices) and must be accompanied by a CV of the nominee. Nominations that do not comply with the mentioned requirements will be invalid and will not be considered. Nominations with CVs should reach the Department of Social Development at the address mentioned below by no later than 31 March 2014. Nominations can be: Hand-delivered: The Head of Department: Department of Social Development Mimosa Complex 257 Barkly Road Kimberley Posted: The Head of Department: Department of Social Development Private Bag X5042 Kimberley, 8300 E-mailed: MFani@ncpg.gov.za

Building a Caring Society. Together


20

KALAHARI BULLETIN, DONDERDAG 13 MAART 2014

De Aar ruik stof teen Duineveld DIE Hoërskool Duineveld se tennisspelers het einde Februarie die spelers van die Hoërskool De Aar op die tennisbaan verslaan. Duineveld se eerste tennis-

span het met 21-15 geseëvier. Die tweede tennisspan het met drie potte gewen nadat die wedstryde 18 elk geëindig het.

BEHANDRÉ SWARTZ (links en Johanette van Zyl in een van die gemengdepare-dubbelspelwedstryde. Foto:’s Verskaf

LEAMIE SMIT strek om by die bal uit te kom.

Uppies maai kolwers af DIE Hoërskool Upington het die Hoërskool Duineveld in die T20-krieketeindstryd met 10 paaltjies geklop. Die Duineveldspan het eerste gekolf en net 57/9 in die 20 boulbeurte aangeteken. Die Uppies se boulers het laat waai en veral André Share met 3/10, Geraldo Meintjies met 2/6, William Briekwa met 2/18 en Christo Freeman met 2/4 het die lopietempo laag gehou. Die Uppies het in net 5,1 boulbeurte die teiken van 58 lopies gehaal. Johannes du Plessis het 31 nie uit nie en Jaco Zietsman het 12 nie uit nie aangeteken.

DIE T20-krieketkampioenspelers is van links, voor: Sheldon Losper, PJ Smith, Giovanni Lategan, Zinedine Robinson, Marcell van der Westhuizen, Curtley May en André Share; agter: Jaco Zietsman, Johannes du Plessis (kaptein), Nakkie Duvenhage, Gert Rupping, Geraldo Meintjies, Bado Beukes (afrigter), Christo Freeman, William Briekwa en Reinhardt Hayes. Foto: Verskaf

Gesels saam oor nuus en gebeure op Kalahari Bulletin se Facebook-blad.

ANÉ JONAS van Duineveld moker die bal na haar teenstander van De Aar.

Reg vir wintersport DIE Hoërskool Martin Oosthuizen (HMO) in Kakamas het op Saterdag 8 Maart aan die Hoërskool Fichardtpark se Clover-sportdag in Bloemfontein deelgeneem. Op dié sportdag speel verskeie netbal-, hokkie- en rugbyspanne teen mekaar. Dié dag vorm deel van HMO se voorbereiding vir die wintersportsoorte en die netbal-, hokkie- en rugbytoere van 20 Maart na die Wes-Kaap. In die eerste week van Maart het Francois Nel die HMO besoek om die sportspanne se tegniek en algemene vaardigheidsvlakke op te knap. Chrisna Maritz, een van die nuwe onderwysers aan die HMO, het dié uitstekende leermeester na die HMO gebring om seker te maak al die spelers is reg vir die komende sportseisoen.


Upington bulletin 12 mar 2014