Cadernos gastronómicos 31
MEXILLÓNS REBOZADOS
Ingredientes: • 1Kg de mexillóns • 100g de fariña • 1 allo porro • 100ml de aceite de oliva Virxe • 1/2 litro de leche • Para rebozar: fariña, ovo e pan relado • Para fritir: aceite de oliva suave
Elaboración: Nunha pota poñemos os mexillóns, tapámolos e agardamos a que abran; quitámoslles a cuncha e picámolos moi miudiños. Botamos o aceite nunha tixola e, cando estea quente, engadimos o allo porro ben picadiño. Cando estea tenro, engadimos a fariña. Cociñamos un minuto, botámoslle o leite e remexemos ata que espese. Logo engadímoslle os mexillóns e apartamos toda esta masa cando se despegue das paredes da tixola. Botámolo todo nunha fonte e tapámola con papel film. Logo enchemos a as cunchas dos mexillóns con esta pasta e rebozámolos primeiro en fariña, despois en ovo e, por último, en pan relado. Frítense en abundante aceite ata se douraren. Lola Míguez (Departamento de Galego)
IES MENDIÑO
Inverno 2018
CROQUETAS DE SALMÓN Ingredientes: • 300g de salmón fresco (limpo) • 750ml de leite • 1 xema de ovo • ovo batido • fariña • pan relado • aceite de oliva virxe extra • sal • pementa • eneldo picado • pirixel
Elaboración: Parte en anaquiños o salmón; bótalle sal e pementa e cocíñao brevemente nunha pota cun chorro de aceite. Retira o salmón; deixe que arrefríe; desfaino e resérvao. Engade un pouco máis de aceite á pota na que cociñaches o salmón; bótalle uns 100 gramos de fariña e dálle unhas voltas. Vaille vertendo o leite pouco a pouco, sazónao e cociña a bechamel uns 15 minutos. Logo engádelle o salmón ben picadiño e mestura ben todo. Pica o eneldo finamente e agrégao tamén, remexendo un pouco. Bótalle sal ao gusto. Retira a pota do lume e engade a xema de ovo; mestúraa ben. Pasa a masa a unha bandexa; cúbrea con papel film e deixa que arrefríe. Logo, corta a masa en anacos; dálles forma de croqueta; pásaos por fariña, ovo batido e pan relado e frite en abundante aceite. Cando IES MENDIÑO
Cadernos gastronómicos 31
estean douradas, sácaas da tixola; escórreas ben sobre un prato cuberto con papel absorbente de cociña para lles retirar o exceso de aceite. Para rematar, pasa as croquetas a unha bandexa e decora cunhas follas de perexil. José Manuel Sánchez (Departamento de Matemáticas)
Folerpiñas o corpo botóns do tío os ollos pólas secas de carballo as mans e cenoria da veigha o nariz.
IES MENDIÑO
Inverno 2018
AMEIXAS Á MARIÑEIRA
Ingredientes: • 1 quilo de ameixas • cebola, allo e pirixel • pemento doce moído • pementa branca moída • 1 cullerada sopeira de fariña • 1 vasiño de auga (ou medio vaso de auga e outro medio de viño) • aceite • pementa picante moída (opcional)
Elaboración: As ameixas déixanse, a noite anterior, en remollo en auga fría cun chisco de sal para que solten a area que puidesen ter. Nunha tixola faise un rustrido de cebola, allo e pirixel moi picados nun pouquiño de aceite. Facémolo lentamente ata que estea no seu punto. Ao final botáselle o pemento doce e a pementa branca. Pouco despois, engádese a fariña desfeita no vaso de auga (ou de auga/viño). Remóvese ben para que espese e, a continuación, botamos as ameixas crúas, remexendo para que vaian abrindo. Para rematar, a salsa ten que quedar lixeira e non demasiado espesa, polo que, ás veces, fai falla un pouquiño máis de auga. Eva Darriba (1º ESO)
IES MENDIÑO
Cadernos gastronómicos 31
TEMPURA DE VERDURAS CON LANGOSTINOS E SALSA DE SOIA Ingredientes: • 12 lagostinos • ½ calabacín • 2 cebolas pequenas • 1 pemento verde • 1 pemento vermello • 8 ramiñas de brócoli • 8 espárragos verdes • 8 allos frescos • 200g de cabaza • 100g de fariña de trigo • 100g de fariña de millo refinada • 1 cullerada de lévedo • 250ml de auga fría • aceite de oliva virxe extra • salsa de soia • sal Elaboración: Coloca a fariña de trigo, a fariña de millo refinada e o lévedo nunha tixela. Engade a auga (aos poucos) e remexe ben ata obter a textura desexada. Engádelle sal ao gusto. Corta as verduras en anacos (a cabaza pelada). Bótaas nun bol e fríteas con abundante aceite quente. Escórreas sobre un papel de cociña, ben absorbente. Pela os lagostinos, deixando a punta das colas sen pelar. Rebózaos na masa e fríteos. Ponos a escorrer nun prato forrado con papel de cociña absorbente. Sirve os vexetais, os lagostinos e a salsa de soia. Pilar Cornes (Departamento de Galego) IES MENDIÑO
Inverno 2018
FABES VERDINAS CON POLBO E LANGOSTINOS As Fabes Verdinas (alubias verdinas) son unha variedade de faba típica de Asturias. Tamén se produce con alta calidade en Galicia; pódese mercar en Lourenzá (Lugo). Está moi solicitada para preparar con mariscos. Ingredientes: • 1 cunca de verdinas (250 gramos) • 1 cunca de polbo en toriños moi finos (xa cocido) • Lagostinos pelados • 6 dentes de allo e medio allo porro. • Unha cullerada de fariña e pemento doce
Elaboración: Póñense as fabas de remollo 12 horas antes. Cócese o polbo. Cócense tamén as fabas durante unha hora; logo engádeselle o polbo e déixase cocer todo 10 minutos. Bótaselle sal ao gusto. Noutra pota dóuranse, en aceite de oliva, o allo e o allo porro e engádenselle os lagostinos. Agrégaselles unha taciña de auga cunha cullerada de fariña e outra de pemento doce. Finalmente, bótanse as fabas co polbo e parte da auga da cocción e déixase ao lume uns 15 minutos. IES MENDIÑO
Cadernos gastronómicos 31
Recomendacións: Pódense engadir unhas follas de loureiro ao sofrito. O pemento pódese substituír por picante ou mesturar doce e picante (ao gusto da persoa que cociñe) Variantes: Pódese preparar o mesmo prato substituíndo o polbo e os lagostinos por : ameixas e peixe sapo, centolas ou cocochas. Carmen Álvarez (Departamento de Economía)
Nadal, Nadal ti tan ideal que xuntas a xente coma se fose un imán.
Todos os anos repites este ciclo e sempre sen excepción remata sendo algo moi, moi bonito.
IES MENDIÑO
Inverno 2018
SORBETE DE LIMÓN
Ingredientes: • 1 clara de ovo • 1 cullerada de azucre • 1l de xeado de limón • zume de 1 limón • 1 benxamín de cava (botella de 35cl de cava ou champán) • granadina e azucre para decorar as copas
Elaboración: Pon a clara de ovo nun bol e bátea coas variñas. Cando estea a medio montar, agrega o azucre e segue batendo ata que estea a punto de neve. Pon o xeado de limón nun bol e reméxeo cunha culler para que abrande un pouco. Engádelle o zume de limón e mestura ben. Incorpora a clara de ovo e bate. Bótalle o cava e continúa remexendo coas variñas ata que quede todo perfectamente integrado. Pon nun prato granadina e noutro azucre. Para decorar as copas, unta o borde primeiro na granadina e logo no azucre. Verte os sorbetes nas copas e sírveos con palletas. Rosa González (Departamento de Galego)
IES MENDIÑO
Cadernos gastronรณmicos 31
IES MENDIร O
Inverno 2018
CARRILLEIRAS DE TERNERA Ingredientes: • 4 carrilleiras • 1 cebola grande • 2 cenorias medianas • 1 allo porro • pementa negra • sal • ¼ de viño branco ou tinto • 3 dentes de allo
Elaboración: Límpanse as carrilleiras quitándolles a pel e os excesos de graxa, nervio ou sangue. Enfaríñanse e frítense ata douralas. Retíranse do lume e resérvanse nun prato. No aceite sobrante frítese a cebola, o allo, o allo porro e as cenorias cortadas en anacos durante uns 5-10 minutos. Cando estea todo pochado (brando), engádeselle o viño e cócese durante10 minutos máis. Logo engádenselle as carrilleiras e déixase a lume medio durante 1´5 ou 2 horas (depende do grosor da carrileira e do lume. Déixanse ata que ao pinchalas estean tenras). Finalmente, retíranse as carrilleiras e déixanse repousar uns 10 ou 15 minutos. Recomendacións: Durante a cocción deberase agregar auga cada vez que se note que se seca a salsa. A elección do viño tinto ou branco influirá máis que nada na cor final do prato e no sabor. Deberase servir con arroz branco. Carmen Álvarez (Departamento de Economía)
IES MENDIÑO
Cadernos gastronómicos 31
MEDALLÓN DE CORZO ESTOFADO CON PREBE DE CASTAÑA E CHOCOLATE Ingredientes: Para o marinado • Viño tinto (2 botellas) • Herbas aromáticas (tomiño, herba provenzal, ourego..) • Mazá • Cebola e porro • Allo • Cenoura • apio • AOVE Para o caldo. Óso do despece do corzo, AVOE, polo, porro, tomate, pemento...
Elaboración: O corzo, como o toda a caza agradece o tempo no conxelador, co cal nós recomendamos un mínimo de 3 meses. Para o desconxelado recoméndase facelo no frigorífico e durante 2 días. Pasados eses dous días, despezamos e facemos os medallóns (corte de 3 dedos aprox.)
Para o marinado. Botamos os medallóns nunha pota fonda, engadimos as verduras e as especies (ao gusto pero sendo conscientes de que van impregnar de sabor á carne). Regamos cun pouco de AOVE, e cubrimos cun viño tinto de Amandi. Deixamos repousar durante 2 días nun lugar fresco e removemos cada 6-8 horas aproximadamente. IES MENDIÑO
Inverno 2018
Para o estofado. Retiramos os medallóns, separamos a carne das verduras e reservamos o marinado por unha banda e as verduras por outra. Botamos un bo chorro de AOVE nunha pota de estofar. Cando o aceite estea quente selamos os medallóns e reservamos. Picamos cebola, allo e sofritimos a lume moi lento (hai quen tamén engade pemento). Engadimos tamén parte das verduras e algún anaco da mazá do marinado e deixamos que vaia sofritindo moi lentamente e a lume baixo ata que estea case caramelizado. Cando leve media hora de lume, engadimos os medallóns, engadimos un pouco de brandy, flambeamos, agardamos uns minutos e engadimos o caldo cun pouco do líquido do marinado até cubrir. Deixar reducir entre 3 ou 4 horas a lume moi lento, e regar con caldo e marinado para acadar unha consistencia do prebe ao gusto.
Para o prebe. Temos unhas castañas cocidas con anís poden estar do día anterior. Mesturamos cun chocolate á taza e trituramos. Collemos o prebe que temos na pota e mesturamos ao 50%. Volvemos mesturar co batedor e reservamos. Servimos sobre una base de patacas fritas e regamos co prebe de castaña e chocolate. Acompañamos se se quere tamén con compota de mazá. Bo proveito Manuel Lourenzo (Departamento de Galego)
IES MENDIÑO
Cadernos gastronómicos 31
Xunto coa familia este Nadal pasamos compartindo alegría ben o gozamos.
IES MENDIÑO
Inverno 2018
CORDEIRO AO FORNO CON PATACAS E CEBOLA Ingredientes: • 1 Perna de cordeiro dun quilo aproximadamente • 3 patacas grandes • 2 cebolas • 1 vasiño de viño branco • 2 dentes de allo • 1 ramiña de perexil • 1 culleriña de maicena • 1 cullerada de vinagre (De Xerez) • Aceite de oliva • Sal • Pementa
Elaboración: Asa as patacas: Lava o cordeiro, sécao e frótao cun allo enteiro. Úntao con aceite e déixao macerar 1 hora. Quenta o forno a 180º.Pela as patacas e as cebolas e córtaas en rodelas e ponas na placa do forno. Sal pementa, rocía cun pouco de aceite e engade un allo pelado e picado. Rega todo cun vasiño de auga e asa 25 minutos. Agora o cordeiro: Pon a carne nunha fonte no forno, verte un vaso de auga no fondo e ásaa a 170º durante 45 minutos. Dálle a volta e báñaa co fondo da cocción e do viño e prosegue a cocción 15 minutos máis. Déixaa repousar 10 minutos e córtaa en rodelas. Espesa a salsa: Rega a carne cun pouco do fondo de cocción, pasa o resto a un cazo e engade o vinagre e a maicena diluída nun vasiño de auga fría. Coce a salsa ata que espese. Espolvorea as patacas e as cebolas co perexil lavado e picado, repárteas en pratos, co cordeiro, e serve coa salsa aparte as patacas. Martin Rivera (1ºESO) IES MENDIÑO
Cadernos gastronómicos 31
GALLETAS MUZCA
Ingredientes: • 500g de fariña • 500g de azucre • 250g de manteiga • 2 ovos • 150g de anaquiños de chocolate • 10ml de tabasco (ou outro picante).
Elaboración: Comezamos mesturando os ovos co azucre. Despois quecemos a manteiga ata derretela; botamos a fariña na mestura de ovos e azucre e batemos ata que todo se incorpore correctamente. Botamos logo a manteiga unha vez derretida e seguimos a bater. Despois botamos o chocolate e o tabasco e deixamos repousar a mestura na neveira durante 30 minutos. Quentamos previamente o forno a 200 graos. Por último, poñemos pequenas bólas de masa nunha fonte e metémola no forno durante 20 minutos. Víctor Posada (4º ESO) Vento frío que percorre o outono, a miña avoa fai castañas no forno eu estaba descansando, soñando cun raparigos cantando, mentres as folerpas de neve estaban voando.
IES MENDIÑO
Inverno 2018
ROSCÓN DE REIS
Ingredientes: • 8 ovos • 1 quilo de fariña • 200 gramos de azucre • 200 gramos de manteiga de vaca • 50 gramos de fermento fresco • A pel dun limón relado • Zume de laranxa • Unhas pingueiras de esencia de anís • Unha figuriña sorpresa • Guindas para adornar
Elaboración: Nun bol grande colócase a fariña, o azucre, a manteiga, o fermento e o limón e mestúrase todo. A continuación engádense os ovos batidos, o zume de laranxa e o anis. Todo isto amásase ben durante uns minutos. Hai que deixar fermentar a masa ben durante dúas horas. Pasado este tempo, vólvese amasar, facemos a forma de roscón e colocamos no seu interior a sorpresa. Deixamos levedar outra vez dúas horas. Para rematar, pintámolo cun ovo batido e adornámolo con guindas e un pouquiño de azucre. Nota: Precísase que estea ben tapado e nunha zona temperada. A masa soe dar para dous roscóns. Tempo de forno, aproximadamente 40 minutos. E listo!... é delicioso. Eva Darriba (1º ESO) IES MENDIÑO
Cadernos gastronómicos 31
Ninguén sente maior pracer, que ter a coroa no seu poder quen come só por encher? Día de rosca todo o ano. evitamos a faba, buscamos o anano.
IES MENDIÑO
Inverno 2018
TORTIÑAS AMERICANAS
Ingredientes: • 1 cunca de fariña de trigo • 1 ovo • 1 vaso de leite • 1 cullerada de azucre • 1 pouquiño de sal • 1 culleradiña de lévedo en po • 1 culleradiña de esencia de vainilla (opcional) • manteiga
Elaboración: Mestura todos os ingredientes ata formares unha masa solta. Logo estende manteiga na tixola e bota pouco a pouco a masa para facer varias porcións. Finalmente, cando saian burbullas, debes darlle a volta. Bo proveito! Hannah Collazo (1ºESO)
IES MENDIÑO
Cadernos gastronómicos 31
BICA GALEGA
Ingredientes: • 400 gramos de fariña de trigo • 200 gramos de manteiga de vaca • 200 gramos de azucre • 200ml de nata líquida • 5 ovos • 1 sobre de 15 gramos de lévedo Elaboración: Nun bol, cun batedor, mestúranse todos os ingredientes, agás a fariña; non importa a orde. Cando estea todo ben remexido, vaise engadindo a fariña pouco a pouco. Unha vez que temos a mestura preparada, cubrimos un recipiente con papel vexetal e botámola enriba. Pódese aderezar con canela e azucre antes de meter ao forno. Nota: A mestura queda moi espesa, pero é un doce que se fai moi rápido e é moi saboroso. Eva Darriba (1º ESO)
IES MENDIÑO
Inverno 2018
Vieiras de Viveiro, pementos de Padrรณn, ameixas e loureiro augardente e turrรณn... Bechos do mar enteiro meus son!
IES MENDIร O
EQUIPO DE DINAMIZACIÓN LINGÜÍSTICA DEPARTAMENTO DE LINGUA E LITERATURA GALEGA BIBLIOTECA IES MENDIÑO