Útsparkið 2023

HÖTTUR REKSTRARFÉLAG 2023

HÖTTUR 50 ÁRA 2024

[ 2 ]

MEÐAL EFNIS PISTILL FORMANNS

Útsparkið er ársrit knattspyrnudeildar Hattar þar sem farið er yfir starfsemi félagsins í öllum flokkum, frá yngstu þátttakendum til þeirra elstu í meistaraflokkum félagsins.

5.

13.

MEISTARAFLOKKUR KARLA Brynjar Árnason þjálfari

9.

16.

Björgvin Karl Gunnarsson þjálfari

SPYRNIR Á LEIK Anton Helgi Loftsson þjálfari.

TÍMAMÓT Í SÖGU FÉLAGS

Útgefandi: Rekstrarfélag Hattar Ábyrgðarmaður: Guðmundur Bj. Hafþórsson Ritstjórn: Guðmundur Bj. Hafþórsson, Valgeir Eyþórsson, Matthías Tim Sigurðsson Rühl og Unnar Erlingsson Forsíðumyndin er loftmynd af Vilhjálmsvelli á Egilsstöðum Umbrot: Unnar Erlingsson Prentun: Héraðsprent Upplag: 1.050 eintök Dreift í öll hús á Egilsstöðum, í Fellabæ og nágrenni

Svansmerkið, prentgripur, 1041 0966

Guðmundur Bj. Hafþórsson

MEISTARAFLOKKUR KVENNA

HÖTTUR

50 ÁRA 2024

18.

31.

Sigurjón Bjarnason, fyrsti formaður félagsins, Hilmar Gunnlaugsson, fyrsti formaður Rekstrarfélagsins, Eysteinn Húni Hauksson og Stefán Þór Eyjólfsson, fyrrverandi leikmenn skrifa nokkur orð um sögu félagsins og minningar af vellinum.

YFIRÞJÁLFARI YNGRI FLOKKA

YNGRI FLOKKAR HATTAR

Andre Solórzano Abed fer meðal annars yfir gildi félagsins og yngri flokka..

Yfirferð yfir árið hjá öllum yngri flokkum Hattar frá þjálfurum þeirra..

33.

[ 3 ]

Gleðileg jól!

Við hjá Jurt óskum íbúum Austurlands gleðilegra jóla og þökkum íþróttafélaginu Hetti kærlega fyrir samstarfið á árinu sem er að líða.

FORMANNSPISTILL 2023

É

Guðmundur Bj. Hafþórsson

g bý í samfélagi þar sem nánast allt er til alls og flest lifa í sátt og samlyndi við náungann í næsta nágrenni. Ég reyni að ala upp börnin mín sem og börn nágrannans og einnig öfugt, nágranninn elur upp mín börn um leið og hann elur upp sín. Þannig finnst mér líka að þetta eigi að vera – þannig ólst ég upp í litlu bæjarfélagi niðri á fjörðum og er ég þakklátur þeim enn í dag, þeim sem bjuggu í kringum foreldra mína á Stöðvarfirði á meðan ég ól upp manninn þar.

Egilsstaðir er frábær staður til að ala upp börn, sérstaklega þegar kemur að íþróttaiðkun. Árangur Hattar í hinum ýmsu greinum er til fyrirmyndar. Við eigum m.a. unglingalandsliðsfólk í fimleikum, körfubolta og fótbolta og utanumhald í kringum deildirnar er algjörlega til fyrirmyndar. Það fólk sem leggur alla þá vinnu í starf deildanna sem raun ber vitni, allan þann tíma og fórn fyrir félagið okkar á stórt og mikið hrós skilið. Það er ekki sjálfgefið að gefa tíma sinn í sjálfboðaliðastörf, en staðan hér er hins vegar sú að ég er stoltur af þeirri vinnu sem unnin er í félaginu. Ég hef rætt við fólk á landsbyggðinni sem hreinlega öfundar okkur af því sem er að gerast

FRÁBÆRT

FÓTBOLTASAMFÉLAG

hér, en einnig hefur okkur verið hrósað af samböndum landsins eins og t.d. KSÍ og KKÍ, sem er mjög gaman.

Ykkur finnst þetta eflaust skrítin byrjun á formannspistli þetta árið, en það sem ég er að reyna að segja er að við eigum að vera stolt af íþróttafélaginu okkar, við

allt skiptir máli.

Ég er einn af þeim sem mæti á alla leiki sem ég mögulega kemst á í körfunni, ég dáist að þeirra umgjörð og horfi öfundaraugum á fólk sem þar starfar.

Okkur í fótboltanum vantar fleiri hendur á leikdögum og auglýsi ég hér með eftir fólki sem hefur áhuga á að gera starf Rekstrarfélags Hattar betra á heimaleikjum liðanna okkar. Við erum með allskonar hugmyndir um það sem okkur langar að gera á Vilhjálmsvelli og Fellavelli, en höfum ekki náð að framkvæma þær þar sem of fáar hendur eru til staðar. Við erum u.þ.b. 10 manna hópur sem höfum þetta á okkar könnu, en eins og gengur og gerist yfir sumartímann þá eru þetta yfirleitt ekki nema 3-5 sem komast í hvern leik þar sem fólk er fjarverandi í sumarfríum, fótboltamótum með börnin eða hvað eina sem fellur til annað. Þau sem mögulega hafa áhuga, geta haft samband við mig á samfélagsmiðlum eða þá bara hringt í mig – þið finnið mig í símaskránni.

„ ...ég er að reyna að segja að við eigum að vera stolt af íþróttafélaginu okkar, við eigum að taka þátt í því sem er í gangi í samfélaginu og skipta máli.“ eigum að taka þátt í því sem er í gangi í samfélaginu. Þó að starfið sé gott þá getur gott lengi batnað – það vantar alltaf fólk inn í deildirnar. Ég hvet því ykkur öll sem enn eruð að lesa þetta, að hugsa það alvarlega að gefa af ykkur.

Sama hvort þið eruð búin að búa hér í tugi ára, eða nýflutt – þá skiptið þið máli. Þið ráðið svo algjörlega hvort þið takið þátt í klukkustundar vinnu eða skilið inn tugum klukkutíma í sjálfboðaliðastarf –

[ 5 ]

Sumarið 2023 var heilt yfir bara ágætt hjá liðunum okkar þremur. Öll liðin héldu sæti sínu í deildunum sem spilað var í og mæta því galvösk að ári með ný vopn í hendi og stefna hærra. Það er góð og gild regla að byggja ofan á það sem gert var og gera betur að ári. Það þarf ekki nema að hækka sig um eitt sæti eða tvö í deildinni hvert ár, því oftar en ekki er þetta langhlaup heilt yfir, en ekki spretthlaup.

Annars staðar í blaðinu fara þjálfarar yfir árangur liðanna í sumar og því algjör óþarfi að ég sé að þylja upp staðreyndir tengdar liðunum okkar. Hins vegar ætla ég að nefna þau þrjú félög sem Höttur Rekstrarfélag rekur og ber ábyrgð á:

Gefðu þér tíma fyrir

NOTALEGT

NÝARSBAÐ

FHL: Sameiginlegt lið í 1. deild kvenna og er rekið af Hetti Rekstrarfélagi og Fjarðarbyggð.

Höttur/Huginn: Sameiginlegt lið í 2. deild karla og er rekið af Hetti Rekstrarfélagi og Hugin Seyðisfirði.

Spyrnir: Lið í 5. deild karla, hugsað fyrir yngri strákana og þá sem þurfa spilatíma til að þróa sinn leik og er rekið af Hetti Rekstrarfélagi. Þetta er dýr rekstur eins og gefur að skilja og mikið af ferðalögum fyrir okkur landsbyggðarfólkið. Við erum þakklát þeim fyrirtækjum sem hafa styrkt okkur en tökum glöð við nýjum styrktaraðilum. Ég mun fara á stúfana fljótlega eftir áramót til að ræða við fyrirtæki og vonandi verður mér vel tekið.

Flestir okkar samningar tengdir þeim styrktaraðilum sem hafa stutt við bakið á okkur síðustu tvö sumur detta úr gildi núna um áramótin þannig vinna við nýja samninga hefst fljótlega.

Að lokum langar mig að þakka leikmönnum okkar, sem ég níddist

G leðilegt nýlt ár

á í alls konar fjáröflunum í sumar og eru flest öll löngu búin að fá nóg af mér eftir endalausar kröfur.

Einnig foreldrum þeirra, mökum,

vinum og vandamönnum og svo stjórnarmeðlimum Rekstrarfélagsins sem lögðu hönd á plóg bæði í áburðardreifingu sem og gróðursetningu í gamla Barrahúsinu. Það voru ófáir klukkutímarnir sem fóru í þessi verkefni snemmsumars. Hér að neðan er mynd sem tekin var á einum slíkum degi í fjáröflun fyrir Jurt, þar sem góður hópur leikmanna var enn að eftir langa vakt. Þess ber að geta að þegar þessi mynd var tekin vantaði all flestar stelpurnar sem höfðu verið með okkur, en þær þurftu frá að hverfa vegna æfingar Takk kærlega fyrir árið 2023 – sjáumst galvösk á vellinum árið 2024! Áfram Höttur!

Guðmundur Bj. Hafþórsson

Formaður Rekstrarfélags Hattar

[ 6 ]

g t e n l i ý ð t e t l ár G

BYGGINGAVERKTAKAR

BYGGINGAVERKTAKAR

vis.is/austurland

Fáðu fólk sem elskar tryggingar til að fara yfir þínar tryggingar Um leið og við sendum viðskiptavinum okkar sem og austfirðingum öllum hugheilar hátíðarkveðjur minnum við á mikilvægi þess að hafa tryggingarnar í góðu lagi.

Endilega hafðu samband við okkur eða kíktu í kaffi og leyfðu okkur að skoða málin með þér.

Við sjáum um þetta fyrir þig

Ábyrg kolefnisjöfnun í íslenskri náttúru Tryggjum raunveruleg áhrif í loftslagsmálum með fagmennsku, gegnsæi og sjálfbærni að leiðarljósi

Yggdrasill Carbon - yggcarbon.is

MEISTARAFLOKKUR KVENNA Björgvin Karl Gunnarsson

KREFJANDI UNDIRBÚNINGUR

U

að sumarið fram undan yrði erfitt. En sem fyrr segir þá fengu ndirbúningstímabilið hófst í lok október ungu leikmennirnir okkar mikið að spila á þessu móti sem er 2022 líkt og árin á undan. Veturinn vel. var okkur erfiður og féllu niður fleiri æfingar vegna Lengjubikarinn 2023 veðurs en nokkurn tíma Í Lengjubikarnum spiluðum áður. Það var ákveðið að „Við ætlum að æfa vel í vetur og við sjö leiki, unnum tvo og liðið færi í æfingaferð sem töpuðum fimm. Eins og í bætinga er þörf því það er undir var sú fyrsta síðan ég tók við Kjarnafæðismótinu spila yngri leikmönnum komið hvort þeir leikmenn liðsins megnið af þjálfun þess. Ákveðið var að leikjunum í þessu móti, en fara í ferð til Santa Susanna eru tilbúnir í Lengjudeildina erlendu leikmennirnir okkar náðu á Spáni sem er á milli þó að taka þátt í tveimur leikjum næsta sumar.“ Barcelona og Girona. Meira á þessu móti. um það síðar. Sumarið var 2.fl kvenna mjög krefjandi þar sem Í fyrsta skipti í sögu félaganna tefldi FHL fram 2. flokks liði. úrslit duttu ekki með liðinu og neyddumst við til Það var vitað að fyrsta árið yrði krefjandi þar sem verkefnið að breyta áherslum liðsins svo það myndi halda sér var rekið eins og yngri flokkur, þar sem allt utanumhald í Lengjudeildinni.

Kjarnafæðimótið 2023 Kjarnafæðismótið hefur undanfarin ár verið það mót þar sem ungu leikmennirnir okkar fá sína eldskírn með meistaraflokki og mótið hefur verið góður liður í undirbúningi fyrir Lengjudeildina. Þátttaka okkar gaf ákveðnar vísbendingar um

og umsjón var í höndum foreldra. Núna er komin reynsla á verkefnið og mikilvægt að það verði starfandi 2. flokkur áfram hjá félögunum. Þetta verkefni hentar vel fyrir leikmenn sem vilja halda áfram í fótbolta og hafa gaman af en einnig fyrir yngri leikmenn sem ætla sér að ná lengra ásamt forvarnargildinu sem verkefni af þessu tagi býður upp á.

[ 9 ]

„Allt utanumhald og umgjörð liðsins og leikja hefur verið með besta móti og vil ég fyrir hönd þjálfara og leikmanna þakka öllum sjálfboðaliðum og stjórn FHL fyrir það frábæra starf sem þau hafa unnið fyrir liðið.“

Á Spáni

Aftur að æfingaferðinni. Okkur gekk vel að komast til Santa Susanna en við komuna á hótelið kom í ljós að ég og Pálmi þyrftum að deila eins manns rúmi fyrstu nóttina. Við létum það ekki á okkur fá og komum okkur þægilega fyrir. Hópurinn stóð vel saman og gerði ágætis ferð þrátt fyrir að hótelið og aðstæður til æfinga væru með öllu óboðleg. Hópurinn náðu að kynnast hvor annarri og vann saman við aðrar aðstæður en við eigum að venjast.

Erlendu leikmennirnir komu til okkar í æfingaferðinni og náðu að kynnast leikmönnum okkar í þessari ferð áður en heim var haldið í alvöruna. Leikmenn FHL fá hrós fyrir þessa ferð þar sem þær voru félögum sínum og foreldrum til fyrirmyndar alla ferðina.

sumar. Lengjudeildin er orðin mjög sterk og liðin sem hafa farið upp úr henni síðustu ár hafa sýnt að bilið á milli efstuog næst efstu deildar er að minnka. FHL getur orðið efstu deildar lið ef það róa öll í sömu átt.

Umgjörð FHL 2023 Stjórn og sjálfboðaliðar FHL hafar staðið sig frábærlega. Allt utanumhald og umgjörð liðsins og leikja hefur verið með besta móti og ég vil fyrir hönd þjálfara og leikmanna þakka öllum sjálfboðaliðum og stjórn FHL fyrir það frábæra starf sem þau hafa unnið fyrir liðið. Sérstaklega vill ég þakka Gústa, Ástu, Dísu og Evu fyrir þeirra framlag.

FHL og Lengjudeildin 2024

Framundan Hjá FHL 2024

Leikmannahópurinn okkar samanstendur að mestu leiti af heimastelpum sem margar eru í yngri kantinum. Við ætlum að æfa vel í vetur og bætinga er þörf því það er mikið af verkefnum hjá okkur í vetur og undir leikmönnum komið hvort þær eru tilbúnar í Lengjudeildina næsta

Við erum byrjuð að undirbúa næsta tímabil. Undirbúningurinn verður krefjandi, við erum þannig staðsett að við þurfum að fljúga í marga af okkar leikjum og það er kostnaðarsamt. Við eigum eftir að fá inn erlenda leikmenn til að styrkja liðið okkar og binda það saman í bland

[ 10 ]

við unga liðið sem við höfum í höndunum. Það er allt kapp lagt á að liðið mæti vel undirbúið til leiks sumarið 2024.

FHL hefur alla burði til að vera stolt Austurlands en til þess þurfa leikmenn að mæta vel undirbúnar til leiks.

Pálmi og Kalli 2023 Ég vil þakka Pálma fyrir sinn tíma með FHL og óska honum góðs gengis í Fram. Ég vona samt að hann komi sem fyrst aftur heim. Pálmi er mjög efnilegur þjálfari og það verður gaman að fylgjast með honum á næstu árum. Við viljum líka þakka styrktaraðilunum sem koma að FHL og sanna að það er vilji fyrir því að standa vel við bakið á kvennaíþróttum hér í samfélaginu. Stuðningsmönnum viljum við líka þakka fyrir að vera svona dugleg að mæta. Það var vel mætt á flesta leiki okkar en það er rými til þess að fjölga bæði styrktaraðilum og stuðningsfólki og búa til flotta stemningu í kringum þessar fyrirmyndir sem við höfum í höndunum.

Björgvin Karl Gunnarsson Þjálfari meistaraflokks FHL.

íslensk hönnun . íslensk framleiðsla

Miðás 9 . Egilsstaðir . sími: 470 1600 | Ármúli 17a . Reykjavík . sími: 588 9933 | brunas.is

Gleðilegtnýtt ár

snjall FYRIR HEIMILI - FYRIRTÆKI - STOFNANIR Snjall net yfir ljósleiðara 9.981 kr/mán

Heimasími Farsími

Innifalið í verði er línugjald og router Besta verðið á markaðnum. Ótakmörkuð notkun

Internet

4G net 6.990 kr/mán

4G-net

Engin línugjöld, engar snúrur bara setja í samband við rafmagn. Gagnamagn1000 GB. + 4G router

Streymi

Snjall farsími 3.550 kr/mán

Sjónvarp

Farsímaáskriftir með fríu tali í alla síma á Íslandi og til 40 landa. Gagnamagn 100 GB/mánuði

Samtenging bygginga

Snjall sjónvarp 699 kr/mán

Öryggiskerfi

VERTU

snjall OG GERÐU VERÐSAMANBURÐ

Komdu í snjall áskrift hjá Rafey ehf Farðu inná rafey.is og veldu snjall og skráðu þig eða hringdu í okkur 471 2013

Miðási 11 · 700 Egilsstaðir · www.rafey.is

Gleðilega hátíð 2023

Sendum íbúum Múlaþings, Austurlands og landsins alls okkar bestu jóla- og nýárskveðjur, með þökk fyrir ánægjuleg samskipti á líðandi ári.

Héraðsprent

Android sjónvarp

Vefmyndavélar

MEISTARAFLOKKUR KARLA

U

Brynjar Árnason

ndirbúningstímabilið var nokkuð hefðbundið hjá Hetti/Hugin, það hófst í nóvember og tók liðið svo þátt í Lengjubikarnum sem hófst í febrúar ásamt því að spila nokkra æfingaleiki. Árangurinn í Lengjubikarnum var ágætur, liðið spilaði fimm leiki og þrír af þeim unnust og tveir leikir töpuðust sem skilaði 2. sæti í riðlinum.

Hópurinn tók eins og alltaf einhverjum breytingum milli tímabila. Þeir Rafael, Hjörvar Sig, Halldór Bjarki, Ion og Stefán Ómar, sem allir höfðu verið mikilvægir leikmenn árið áður, yfirgáfu liðið. Við hópinn bættust þeir Dani Ndi, Eiður og Víðir Freyr sem allir áttu eftir að reynast mikilvægir. Lið Spyrnis tók þátt í 5. deildinni og var það áfram góður vettvangur fyrir yngri leikmenn hópsins til að spreyta sig í meistaraflokksbolta.

Hópur Hattar/Hugins var því frekar fámennur í byrjun tímabils en ákveðið var að byrja mótið með lítinn hóp svo sem flestir fengju mínútur, þá annað hvort með Hetti/Hugin eða Spyrni. Þetta verður alltaf erfiður línudans þar sem mikilvægt er að hlúa að báðum liðum og skapa verkefni við hæfi fyrir sem flesta, en þó þannig að lið Hattar/Hugins sé nægilega vel mannað.

Hópurinn gerði góða ferð norður á Akureyri í æfingaferð og svo hófst alvaran með bikarleik gegn Sindra í byrjun apríl. Sá leikur tapaðist 4-3 eftir framlengingu og því ekkert bikarævintýri þetta árið. Íslandsmótið fór af stað í byrjun maí og var fyrsti leikur gegn Völsungi á Húsavík. Skemmst er frá því að segja að sá leikur tapaðist 1-0. Í 2. umferð tókum

TAKK FYRIR

STUÐNINGINN

við á móti Víkingi Ó og niðurstaðan í þeim leik steindautt 0-0 jafntefli. Næst var komið að útileik gegn KFG. Liðið lék ágætlega í leiknum og staðan 1-1 þegar lítið var eftir af leiknum. Heimamenn settu sigurmarkið og á síðustu mínútum leiksins fengum við tvö rauð spjöld og ljóst að byrjunin á þessu Íslandsmóti ætlaði að vera heldur betur erfið fyrir okkur.

Fyrsti sigurinn kom í 4. umferð gegn Haukum. Liðið spilaði frábæran sóknarleik og vann að lokum góðan 4-2 sigur. Þá var komið að grannaslag gegn KFA sem voru á góðri siglingu fyrir leikinn. Víðir kom okkur yfir og staðan 1-0 í hálfleik.

Heimamenn jöfnuðu svo og niðurstaðan 1-1 í hörkuleik.

Næst var komið að erfiðum útileik á Ólafsfirði. Aðstæður til knattspyrnuiðkunar voru hræðilegar, völlurinn þungur og hávaðarok beint á annað markið. Á móti vindi spilaði liðið þó fínan leik fyrsta hálftímann, áður en heimamenn komust yfir óverðskuldað. Beint í framhaldinu fékk Brynjar Þorri beint rautt og bættu heimamenn öðru marki við rétt fyrir hálfleik. Almar minnkaði muninn í seinni hálfleik og sóttum við látlaust þrátt fyrir að vera manni færri, en allt kom fyrir ekki og niðurstaðan 3-1 tap. Í kjölfarið fylgdu tveir góðir sigrar, fyrst gegn Þrótti Vogum 3-1 og svo úti gegn KV, 4-3.

Spilamennskan að batna en tvö töp gegn Dalvík og ÍR þýddu að liðið sat í 7. sæti þegar mótið var hálfnað, með 14 stig.

[ 13 ]

Eins og oft áður var liðið seint í gang og erfitt að sjá að einhver toppbarátta væri framundan þrátt fyrir góða spilamennsku á köflum. Í ágúst skiptu þeir Þór, Heiðar, Eyþór og Jónas Pétur yfir í Hött/Hugin eftir að hafa staðið sig vel með Spyrni fyrri hluta tímabils. Þeir komu svo allir við sögu í leikjum Hattar/Hugins og sýndu að þeir eru tilbúnir í að taka skrefið yfir á næsta tímabili. Í seinni umferðinni byrjuðum við á lengsta ferðalagi sumarsins til Ólafsvíkur. Þar sáum við aldrei til sólar og töpuðum sannfærandi 3-0. Tveir góðir heimasigrar fylgdu, fyrst gegn Völsungi 2-1 og svo gegn KFG 4-1. Fyrir verslunarmannahelgina lékum við úti gegn Haukum og tapaðist sá leikur 2-1. Þá var komið að skemmtilegasta leik sumarsins, KFA heima. Liðið mætti heldur betur vel gírað til leiks og staðan orðin 2-0 eftir 20 mínútur. Mikill hiti var í leiknum eins og oft þegar þessi lið mætast. Gestirnir minnkuðu muninn í seinni hálfleik en komust ekki lengra en það og því þrjú mikilvæg stig í hús og montrétturinn hélst áfram í Múlaþingi. Eftir þennan leik komst liðið á gott run og tapaði ekki leik fyrr en í næst síðustu umferð. Næst var komið að karakter sigri á Höfn í Hornafirði í einum af eftirminnilegri leikjum sumarsins, þar sem Víðir kom okkur yfir áður en Bjarki Fannar sem hafði verið frábær í leiknum fékk rautt spjald og liðið var í nauðvörn það sem eftir var leiks. Bjarki Sólon

innsiglaði svo sætan sigur í lokin, 2-0. Á eftir fylgdu jafntefli heima gegn KF, sigur í rigningaleik í Vogunum gegn Þrótti og 1-0 iðnaðarsigur heima gegn KV, sem þýddi að liðið átti tölfræðilegan séns á að komast upp þegar tvær umferðir voru eftir. Þær vonir urðu að engu eftir tap gegn góðu liði Dalvíkur sem tryggði sér titilinn með sigrinum. Við áttum svo hörmungar frammistöðu í lokaleiknum gegn ÍR sem einnig tryggði sig upp um deild með

markinu yfir sumarið. Víðir Freyr var valinn efnilegastur en hann var einnig virkilega góður á sínu fyrsta ári í meistaraflokki.

Fyrirliðinn Kristófer Einarsson var svo valinn félagsmaður ársins en hann var eins og alltaf til fyrirmyndar í öllum sínum gjörðum fyrir liðið. Heilt yfir var þetta ár gott. Margir yngri leikmenn tóku miklum framförum og ljóst að tilkoma Spyrnis hefur haft mjög jákvæð áhrif á starfið og það er von mín að verkefnið sé komið til að vera um ókomin ár. Í rauninni er það bara magnað að hægt sé að halda úti tveimur meistaraflokksliðum í knattspyrnu á ekki fjölmennara svæði.

„Samstarf við KA var formlega tilkynnt á árinu og í haust skipti Árni Veigar yfir til þeirra. Með samstarfinu náum við vonandi að auka faglega þáttinn í starfinu og á sama tíma gefa okkar efnilegustu leikmönnum tækifæri á að æfa hjá einu af betri liðum landsins.“

[ 14 ]

5-0 sigri. Niðurstaðan varð því 6. sæti og 33 stig. Þremur stigum meira en árið áður en þá endaði liðið í 5. sæti. Liðið hefur því náð að festa sig ágætlega í sessi sem stöðugt 2. deildarlið, en leikmenn, þjálfarar og stjórnarmenn stefna hærra. Á lokahófi voru veittar viðurkenningar venju samkvæmt. Hjörvar Daði var valinn besti leikmaðurinn en hann var frábær í

Nú er nýtt undirbúningstímabil hafið og hópurinn byrjaður að æfa á frábæru nýju gervigrasi á Fellavelli. Hópurinn telur í kringum 25 leikmenn en hluti þeirra er í námi fyrir sunnan. Það er hugur í hópnum og spennandi tímar fram undan.

Samstarf við KA var formlega tilkynnt á árinu og í haust skipti Árni Veigar yfir til þeirra.

Með samstarfinu náum við vonandi að auka faglega þáttinn í starfinu og á sama tíma gefa okkar efnilegustu leikmönnum tækifæri á að æfa hjá einu af betri liðum landsins. Við hlökkum til sumarsins og þökkum ykkur stuðningsfólki og velunnurum kærlega fyrir stuðninginn á árinu sem er að líða.

Sjáumst á vellinum,

Brynjar Árnason

Þjálfari meistaraflokks Hattar/Hugins

SPYRNIR 2023 Anton Helgi Loftsson

S

pyrnisverkefnið hélt áfram á árinu 2023 og tók liðið þátt í nýrri 5. deild KSÍ. Tímabilið var heilt yfir gott og hægt að taka marga jákvæða punkta frá sumrinu. Sumarið var lærdómsríkt fyrir leikmenn, þjálfara og stjórn félagsins. Vitað var að öll lið mótherja okkar nema eitt yrðu fyrir sunnan og því voru spilaðir tveir leikir sömu helgina í þrjú skipti. Það var erfitt en einnig skemmtilegt fyrir strákana þar sem myndaðist oft skemmtileg stemning fyrir sunnan.

Undirritaður hélt áfram þjálfun liðsins en fenginn var aðstoðarmaður í honum Jóhanni Valgeiri og var frábært að fá hann í teymið.

og Huginn og var reynslan mikil þó þrekið hafi verið eitthvað minna. Spyrnir spilaði 16 leiki í deildarkeppninni, sigruðu sex leiki, gerðu fimm jafntefli og töpuðu fimm leikjum. Í deildarkeppninni skoraði liðið 42 mörk og fékk aðeins á sig á 24 mörk.

Fyrir tímabilið var vitað að Bjarki Sólon og Bjarki Fannar myndu taka slaginn með Hetti/Hugin, en þeir voru báðir frábærir síðasta sumar með Spyrni og vel að því komnir að fá kallið upp í Hött/Hugin. Liðið missti einnig Heiðar Loga, Þór, Eyþór og Jónas Pétur yfir í Hött/ Hugin þegar fjórir leikir voru enn eftir af deildarkeppninni og náði Unnar Birkir aðeins að spila níu leiki og Arnór Snær fjóra leiki með Spyrni þar sem þeir fóru báðir vestur yfir haf á miðju tímabili. Fjölmargir leikmenn fengu spilatíma en samtals spiluðu 29 einstaklingar fyrir Spyrni í deild og skoraði 21 leikmaður mark fyrir liðið. Markahæsti leikmaður liðsins var Heiðar Logi Jónsson. Hann spilaði 12 leiki og skoraði 11 mörk yfir sumarið. 20 leikmenn skiptu með sér restinni af mörkunum, eða 31 marki. Meðalaldur leikmanna sem spiluðu var 22 ár en yngsti leikmaðurinn var 16 ára og sá elsti 35 ára.

„... og var reynslan mikil þó þrekið hafi verið eitthvað minna.“

Langflestir strákar voru að æfa með Hetti/Hugin yfir vetrartímann en tímabilið hjá Spyrni hófst 6. apríl á bikarleik gegn KFA. Í þeim leik vantaði marga leikmenn hjá Spyrni, einhverjir leikmenn enn fyrir sunnan og margir ennþá skráðir í Hött/Hugin. Af þeim sökum voru nokkrar kanónur fengnar til að spila þann leik og þar má nefna Gísla Björn Helgason, Brynjar Árnason, Halldór Bjarka Guðmundsson, Jörgen Svein Þorvarðarson, Arnar Jóel Rúnarsson, Benedikt Jónsson, Martein Gauta Kárason og þjálfarann sjálfan. Allir þessir leikmenn eiga fjölmarga leiki að baki fyrir bæði Hött

[ 16 ]

EFNILEGIR & SPENNANDI

Á lokahófi félagsins var Almar Aðalsteinsson valinn besti liðsfélaginn, hann var alltaf klár í fjáraflanir og sá hann um utanumhald með slætti fyrir félagið.

Almar spilaði margar mismunandi stöður inn á vellinum, kvartaði aldrei og stóð sig mjög vel í sumar. Besti leikmaður var Guðþór Hrafn Smárason (Tóti jr.), en hann steig upp þegar á reyndi, tók við fyrirliðabandinu þegar Jónas Pétur skipti yfir í Hött/Hugin, skoraði fjögur mörk sem miðvörður og var heilt yfir frábær í sumar.

Sjálfur er ég mjög spenntur fyrir næsta sumri hjá Spyrni. Margir spennandi leikmenn eru að koma upp úr 3. flokki og margir efnilegir sem vonandi fá einhvern leiktíma með liðinu. Félagið þarf að halda áfram að byggja upp félagsfólk, hvort sem það eru leikmenn, þjálfarar eða stjórnarfólk. Það er mikilvægur partur til þess að halda úti góðu og öflugu íþróttastarfi hér í samfélaginu. Ég tel að Spyrnisverkefnið sé risastór liður í þeirri vegferð og vonandi sjá bæjarbúar, styrktaraðilar og aðrir utanaðkomandi hversu mikilvægt þetta er, en gríðarlegur kostnaður og tími fer í að halda úti svo stóru verkefni. Ég vona því að við höldum öll áfram að róa að sama markmiðinu, gefum leikmönnum verkefni við hæfi, höfum þetta skemmtilegt, gerum þetta vel og gerum þetta saman! Áfram Spyrnir, áfram Höttur/Huginn og áfram FHL.

Anton Helgi Loftsson

BOLTINN RÚLLAR Á LENGJUNNI. VERTU MEÐ!

Getraunanúmer Hattar: 700

LAUGARDAGAR ERU BESTIR

Þjálfari meistaraflokks Spyrnis

[ 17 ]

HÖTTUR 50 ÁRA 2024

Í

tilefni 50 ára afmælis Íþróttafélagsins Hattar árið 2024 var tekin sú ákvörðun að fá nokkra fyrrum leikmenn til að skrifa sögur og gleðiefni frá þeim tíma sem þeir voru að æfa og spila fótbolta með félaginu. Höfðum við samband við nokkra aðila en að endingu voru það eftirfarandi sem tóku að sér skrifin: Sigurjón Bjarnason, fyrsti formaður félagsins, þó það hafi verið í stuttan tíma þar sem hann tók við formennsku UÍA sama ár og þurfti því að hætta formennsku Hattar í framhaldi af því.

Hilmar Gunnlaugsson, sem var fyrsti formaður Rekstrarfélags Hattar og fyrrverandi leikmaður einnig. Eysteinn Húni Hauksson og Stefán Þór Eyjólfsson, fyrrverandi leikmenn og fyrirliðar Hattar. Við byrjum á að gefa Sigurjóni Bjarnasyni orðið.

Ég flutti til Egilsstaða vorið 1965, 18 ára gamall og auðvitað langaði mig að stunda einhverja íþrótt, þó getan væri í lágmarki. Egilsstaðakauptún, eins og það hét þá í opinberum gögnum, var á bernskuskeiði. Þar starfaði reyndar Ungmennafélagið Höttur, en íþróttir Sigurjón Bjarnason voru þar ekki efst á vinsældalistanum.

Sagan sagði að fyrr á árum hefði borist

[ 18 ]

Í nærmynd er landslag æfingasvæðis Spyrnismanna, venjulega nefnt „mýrin hennar mömmu“ af þeim sem þekktu til fortíðar. Á myndinni má sjá eftirtalin hús talið frá vinstri: Kaupfélagshúsið, símstöðina, tvo bragga sem geymdu utanbúðarvörur og voru jafnframt notaðir til skemmtanahalds fyrir daga Ásbíós, Búnaðarbankann (hvít bygging) og mjólkurstöðin lengst til hægri. Myndina tók Sigurjón Jónasson árið 1964.

rukkun frá Íþróttasambandi Íslands, iðkendagjald fyrir einn iðkanda innan Hattar. Hvort sem sagan er sönn eða ekki fylgdi það með að þessi eini iðkandi hafi þá verið rekinn úr félaginu í sparnaðarskyni. Menn vissu þá ekki að þessi sami íþróttamaður átti eftir að standa á verðlaunapalli á Ólympíuleikum, enda trúi ég að heimafólki hafi verið slétt sama.

Sem sagt: Ekkert formlegt félagsstarf í kringum íþróttir, en ungir menn æfðu þó fótbolta á kvöldin og völdu til þess nýþurrkaða mýri fyrir innan kaupfélag, þar sem nú er Landstólpi, áður tjaldstæði. Þetta var náttúrulega ekki völlur en þó þokkalega slétt. Hafði greinilega setið á þessu vatn fyrir þurrkun og þúfur því ekki náð að myndast. Klambrað hafði verið saman mörkum, líklega af löglegri stærð, og einhverjir netræflar fengnir neðan af fjörðum. Ekki man ég eftir merkingum á þessum „velli“ og boltinn var einfaldlega útaf þegar hann var kominn ofan í skurðinn sem nánast umkringdi svæðið.

Svo leið tíminn og svæðið þoldi illa aukið álag. Þá var farið út á Búbótartún og fundnir nýslegnir blettir, sem þó voru sýnu verri vegna snarrótarþýfis og landþrengsla. Einu sinni tróðum við fótboltavelli í laut þar sem nú er gatan Miðgarður. Þar var

HÖTTUR 50 ÁRA 2024 lítið um snarrót, en landið ekki sléttara en svo að öll hornin á „vellinum“ voru í brekku. Þannig að segja mátti að hann „brettist upp á hornunum”.

Meðan á þessu gekk beið mýrin, þar sem nú er Vilhjálmsvöllur, í þurrkun. Skurðir höfðu verið grafnir, en árum saman mátti uppvaxandi íþróttafólk á Egilsstöðum horfa á tilvonandi íþróttasvæði án þess að nokkuð gerðist. Knattspyrnufélagið Spyrnir starfaði á þessum árum og heimaleikir þess fóru fram á Eiðum, ágætis leikvangi sem hafði þó tvo ókosti: Hann var í nokkurri fjarlægð frá hinu vaxandi þéttbýli á Egilsstöðum og hafði litla umhirðu. Var sleginn eins og hvert annað tún tvisvar, þrisvar á sumri og þrifust snarrótarþúfur ágætlega á milli slátta.

Búningsaðstaða engin, menn skiptu um föt í bílum sínum eða í aflóga skúr, sem hafði hýst veitingaaðstöðu á Landsmótinu 1968. Ekki rætt um sturtubað eða þvílíkt pjatt.

stjórn Knattspyrnufélagsins Spyrnis. Hinir voru Halldór Hróar Sigurðsson og (líklega) Björn Ágústsson. Jón Kristjánsson, síðar ráðherra, var að skila af sér formennsku í Spyrni. Nýju stjórnarmennirnir áttu að skipta með sér verkum en allir gáfu frat í formannsembættið. Loks var fallist á að ég kallaði saman næsta stjórnarfund. Þannig var ég kallaður formaður án þess að vera kosinn.

Ekki man ég hvort ég kallaði saman stjórn, en ég taldi mig pligtugan til að halda starfinu gangandi úr því sem komið var. Ekkert man ég eftir aðkomu meðstjórnarmanna, en líklega hefur hún verið einhver. Að minnsta kosti voru þeir báðir, Halldór og Björn, liðtækir í fótbolta og mættu í leiki þegar þeir voru á staðnum, sem var reyndar ekki alltaf. Sat ég uppi með formannstitilinn, engin eftirspurn eftir því embætti.

„Ekkert formlegt félagsstarf í kringum íþróttir, en ungir menn æfðu þó fótbolta á kvöldin og völdu til þess nýþurrkaða mýri fyrir innan kaupfélag“

Spyrnir hélt úti liði um þetta leyti við lítinn orðstír og þátttaka í mótum lagðist af í kringum 1970, þar sem mannskapurinn var ýmist hættur æfingum, fluttur af svæðinu eða útilokaður frá keppni vegna starfs síns. Bændasynir áttu til dæmis erfitt með að sinna íþróttastarfi um hásláttinn.

Einhvern tíma, líklega árið 1968, var ég kosinn einn af þrem í

Þannig var staðan um 1970: Ekkert knattspyrnulið á Egilsstöðum og ekki útlit fyrir því að vinnandi fólk færi að tefja sig á slíkum leikaraskap í náinni framtíð. Þá gerðist það síðla vetrar 1972 að formaður hins sofandi Spyrnis fékk heimsókn. Við dyrnar stóðu Emil Thoroddsen, Helgi Þórðarson, líklega Sigurður Lúther Björgvinsson og hugsanlega einhverjir fleiri. Þessir ungu menn, allir vel innan við tvítugt, tjáðu mér að

Séð yfir tilvonandi íþróttaleikvang á Egilsstöðum um 1970. Vinsælt land undir kartöflugarða á þessum tíma.

Myndina tók Sigurjón Jónasson.

[ 19 ]

HÖTTUR 50 ÁRA 2024 nú hefðu þeir náð sambandi við nægilega marga til þess að hægt væri að manna og skrá lið í Íslandsmót á komandi sumri.

Sá sem þetta ritar varð harla glaður og tilkynnti Spyrnislið þegar í stað til KSÍ. Þá var leikinn sérstakur Austurlandsriðill í 3. deild Íslandsmótsins. Að sjálfsögðu aðeins meistaraflokkur.

Yngri flokkar voru ekki á dagskrá.

Víkjum þá að Ungmennafélaginu Hetti. Þar á bæ hafði lítið verið umleikis þessi misseri og hálfgerð stjórnarkreppa. Þó að íþróttir hafi ekki verið mikið iðkaðar hjá félaginu fannst þó vísir að því og átti Höttur oft fulltrúa á Austurlandsmótum í frjálsum íþróttum.

Um þessar mundir birtist nýr þrýstihópur. Þetta voru vaskir körfuknattleiksmenn sem höfðu fengið sitt uppeldi undir handleiðslu Hermanns Níelssonar í Eiðaskóla, voru útskrifaðir þaðan en vildu halda hópinn. Æfðu í Valaskjálf því þá var ekki búið að smiða svalir í samkomusalinn og hann því bæði hár til lofts og víður til veggja. (Íþróttahús á Egilsstöðum var fjarlægur draumur.) Að meirihluta voru þetta Jökuldælingar og þá vantaði félag til að starfa í. Eitthvað höfðu þeir rætt við Spyrnisformanninn um að dekka mótaþáttöku, en hann var daufur í andsvörum. Sagði að Spyrnir hefði verið stofnað um fótboltann og ætti fullt í fangi með að sinna honum.

Því var það vorið 1974 að þáverandi formaður Hattar, Guttormur Metúsalemsson, kom að máli við mig og við ræddum hugmyndina um að sameina félögin, Spyrni og Hött.

Við lögðum saman tvo og tvo og sáum strax mikil tækifæri í því að leggja saman í eitt félag, enda fór þá íþróttaiðkendum fjölgandi í byggðarlaginu og íþróttaáhugi ungmenna vaxandi. Ekki man ég hvað tók langan tíma að koma á sameiningarfundi, en það voru ekki margar vikur. Sama sumarið var til orðið Íþróttafélagið Höttur með nýrri stjórn, félagsmerki og tilheyrandi. Skipuð voru sérráð fyrir hverja íþróttagrein og alls konar fjáröflunarleiðir reyndar.

„Því var það vorið 1974 að þáverandi formaður Hattar, Guttormur Metúsalemsson, kom að máli við mig og við ræddum hugmyndina um að sameina félögin, Spyrni og Hött.“

Nýfæddur malarvöllur á fyrri hluta 9. áratugarins.

Ljósmynd: Sigurjón Jónasson

[ 20 ]

Snúum okkur þá að fótboltanum og vallaraðstöðunni. Þegar þarna var komið sögu var loksins búið að keyra efni í væntanlegan leikvang og komið undirlag, sem hægt var að æfa á. Þó var það gróft og ekki boðlegt til að spila leiki. Eitt af fyrstu verkefnum hins nýja Hattar var að ráða knattspyrnuþjálfara, en slíkt hafði áður þótt óhugsandi, þó ekki væri nema af fjárhagsástæðum. Fyrsti launaði knattspyrnuþjálfari á Héraði var Gunnar Gunnarsson, sem auk þess að hafa orðið Íslandsmeistari með Val, var með fremstu skákmönnum þjóðarinnar. Ekki starfaði hann lengi, en gat þó komið mönnum í skilning um að nokkurn aga þyrfti ef árangur ætti að nást.

Næstu ár var að jafnaði ráðinn þjálfari og mátti segjast að þá hafi komist einhver regla á „grasrótarstarfið“. Árangur lét þó á sér standa og töpuðust flestir leikir, þó aðeins væri leikið við nágrannalið. Sumir stórt.

Samanburðurinn við önnur Austfjarðafélög var hinu nýja félagi á Egilsstöðum mjög óhagstæður. Ekki aðeins knattspyrnulega séð, heldur ekki síður hvað umgjörð snerti. Niðri á fjörðum naut knattspyrnan almenns félagslegs stuðnings, sem ekki var til að dreifa á Héraði. Sem þýddi að aðgangur þeirra að sjóðum sveitarfélaga og fyrirtækja var tiltölulega greiður.

Mæting á völlinn var líka góð og mikið líf á knattspyrnuleikjum þarlendra. Uppi á Héraði voru knattspyrnuáhugamenn fáir og lítið áberandi fyrir utan þá sem störfuðu í innsta hring félagsins.

„Þeir þóttust vorkenna okkur, en gerðu það auðvitað ekki. Það var ekki almennilegum knattspyrnumönnum bjóðandi að spila við svona drullusokka við engar aðstæður.“

Komum þá að vallaraðstöðunni. Þar skildi á milli himinn og haf.

Enda byrjuðu vinir okkar af Fjörðum jafnan á því að niðurlægja heimamenn fyrir leik með margvíslegum athugasemdum.

Mörkin voru ólögleg, netið götótt, merkingarnar óljósar, völlurinn ósléttur og nánast óleikfær. Þeir þóttust vorkenna okkur, en gerðu það auðvitað ekki. Það var ekki almennilegum knattspyrnumönnum bjóðandi að spila við svona drullusokka við engar aðstæður. Það tók enn mörg ár að koma vellinum á Egilsstöðum í stand.

Spilað var áfram úti á Eiðum og þegar leikvangurinn var kominn í þúfnakarga var merktur völlur á sléttunni heiman við læk eða skurð sem skar svæðið í tvennt. Þar var ágætlega þurrt og tiltölulega slétt tún, þó að ekki hafi það verið hannað fyrir knattspyrnuvöll. Einhverra hluta vegna var fyrst tekin sú ákvörðun að gera malarvöll á Egilsstöðum. Sjálfum þótti mér það skammsýni, en verulegu fé var varið til að blanda hæfilega leðju til að maka yfir undirlagið, sem áður hafði verið tekið rétt, og þarna voru fyrstu heimaleikir Hattar spilaðir. Stóð svo í allmörg ár. Það var ekki fyrr en á tíunda áratug síðustu aldar að tekin var sú stefna af hálfu UÍA. að halda Landsmót UMFÍ á Egilsstöðum. Þurftu þá heimamenn heldur betur að skyrpa í lófana og fæddist þá sá leikvangur sem nú er í notkun og er stolt okkar sem búa í þessu hlýlega plássi, Egilsstöðum.

Hilmar Gunnlaugsson fyrsti formaður Rekstrarfélags Hattar ehf og einn af stofnendum þess félags rekur hér tilurð félagsins: Hilmar Gunnlaugsson Það var eftir sumarið 2004, þar sem tvö lið frá Austurlandi, Huginn og Fjarðabyggð, fóru upp úr neðstu deild, en Höttur endaði í neðsta sæti síns riðils, vann ekki leik það sumarið í deildinni. Mér er minnisstætt að Eiríkur Björn Björgvinsson, sem þá var bæjarstjóri á Egilsstöðum, kom til mín niður á skrifstofu Regula lögmannsstofu sem þá var í Lagarási 4 og sagði að við yrðum að gera eitthvað, þetta gengi ekki. Úr varð, að rekstrarfélag Hattar ehf. var stofnað. Uppleggið þá, eins og nú, var að einkahlutafélagið tæki að sér rekstur á meistaraflokkum karla og kvenna, og að starfræktur yrði 2. flokkur, en á þeim tíma voru eingöngu 3 leikmenn að æfa sem voru á þeim aldri. Höttur var eitt af fyrstu félögum á landinu til að fara þá leið að stofna einkahlutafélag til að sjá um rekstur þess hluta starfsins þar sem áhersla væri á að ná úrslitum. Við söfnuðum hlutafé og fórum af stað. Ég var kjörinn formaður rekstrarfélagsins, Gunnlaugur Guðjónsson var ráðinn þjálfari hjá strákunum og Halldór Hlöðversson hjá stelpunum. Bæði liðin komust í úrslitakeppni sinna deilda. Okkur tókst að halda úti 2. flokki, sem var félagslega mikið afrek, m.v. stöðuna þegar við byrjuðum.

„ ...tvö lið frá Austurlandi (Huginn og Fjarðabyggð) fóru upp úr neðstu deild, en Höttur endaði í neðsta sæti síns riðils, vann ekki leik það sumarið í deildinni..“

Árið 2006 unnu strákarnir 3. deildina glæsilega og stelpurnar áttu ágætis tímabil. Réðum Borgfirðinginn grjótharða, Njál Eiðsson sem þjálfara hjá strákunum og Björgvin Karl Gunnarsson hjá stelpunum fyrir tímabilið 2007. Strákarnir enduðu um miðja deild og stelpurnar komust aftur í úrslitakeppnina. Svipaður árangur hjá báðum liðum 2008 og 2009, þó stelpurnar hafi ekki komist í úrslitakeppnina síðasta árið.

[ 21 ]

HÖTTUR 50 ÁRA 2024 Ég hætti í stjórn Rekstrarfélagsins árið 2009 ef ég man rétt og sinnti eftir það einstökum verkefnum eins og getraunastarfinu og var í foreldraráði hjá yngri flokkum.

Sjálfur flutti ég til Egilsstaða frá Reykjavík haustið 1983, þá nýlega fermdur. Spilaði með 3. flokki 1984 og 1985 og var þá einnig fastamaður í meistaraflokki. Tengdi þar við reynslubolta eins og Eyjólf og Valgeir Skúlasyni, Jón Kr. Jónsson og fleiri góða menn. Efnilegasti leikmaður okkar það sumar var hins vegar Jón Kristinsson málari, hann var á eldra ári í 3. flokki og átti magnað tímabil. Ef ég man rétt spilaði 3. flokkur þá einfalda umferð í Austurlandsriðli, gegn Einherja, Hugin, Þrótti, Austra, Val, Leikni, Neista og Sindra. Í 11 manna bolta! Fórum í úrslitakeppnina 1984, töpuðum stórt gegn ÍA, en stóðum lengi í KR sem varð svo Íslandsmeistari. (Töpuðum 1-0, þar sem Fúsi Fannar var í marki vegna agabanns markvarðarins okkar.) Fórum aftur í úrslitakeppnina 1985 til Vestmannaeyja og náðum ágætis árangri.

1986 sendi Höttur í fyrsta sinn lið til keppni í 2. flokki, þrátt fyrir að margir leikmenn þess flokks væru þá orðnir fastamenn í meistaraflokkir. Við unnum okkar deild og spiluðum því í B deild árið eftir. 1988 spilaði ég með 2. fl. Vals í Reykjavík og 1989 með Selfossi í næst efstu deild. 1990 var ég byrjaður í lagadeildinni og ákvað að koma aftur heim. Spilaði með Hetti til 1997 og gegndi ýmsum hlutverkum. Framkvæmdastjóri knattspyrnudeildar, þjálfari allra yngri flokka, þjálfari mfl. kvenna og formaður knattspyrnudeildar og íþróttafélagsins Hattar. Eftir sumarið 1997 var ég kominn í eigin atvinnurekstur og ákvað að draga mig alfarið úr fótboltanum, þó ég hafi spilað einstaka leiki eftir það. Á þessum árum fann maður það glöggt, hve lítil hefð var fyrir knattspyrnu á Egilsstöðum, sérstaklega hjá karlaliðinu. Ég minnist þess að hafa í viðleitni til að skrá söguna, farið í skjalasafn KSÍ og fundið gamlar leikskýrslur og þannig byrjað að skrá alla leikmenn meistaraflokka karla og kvenna frá upphafi. Við byrjuðum að viðurkenna leikmenn fyrir áfanga eins og 50 deildarleiki, en á þeim tíma átti enginn leikmaður meira en 100 deildarleiki fyrir félagið. Magnús Steinþórsson var fyrsti leikmaður Hattar til að ná 50. deildarleiknum, ég held að ég og Jón Kristinsson hafi verið fyrstir til að ná 100 deildarleikjum og Haraldur Klausen var sá fyrsti til að komat í 200. Jói bæjó var fyrstur til að skora 50 deildarmörk, þar af sjö í einum leik, en hann skoraði 53 deildarmörk í aðeins 70 leikjum.

„ ...spilaði 3. flokkur þá einfalda umferð í Austurlandsriðli, gegn Einherja, Huginn, Þrótti, Austra, Val, Leikni, Neista og Sindra. Í 11 manna bolta!“

[ 22 ]

Eysteinn Húni Hauksson

Eysteinn Húni Hauksson, Héraðsbúinn knái er ekki síðri penni en leikmaður þegar hann var upp á sitt besta og eru sögurnar hans ógleymanlegar.

Hann rifjaði upp fyrir okkur nokkrar mjög skondnar og áhugaverðar sögur.

Árið er 1978 Finnur Bjarnason (Finnur í Valaskjálf ) var fyrsti þjálfarinn minn, þegar ég fór fjögurra ára á fyrstu æfinguna með 6.flokki, sem þá var yngsti flokkur félagsins. Í minningunni merkti hann við mætingar í grænan kladda, skipti svo í tvö lið, annað var í vörn og hitt í sókn og svo var skipt um hlutverk eftir ákveðinn fjölda skipta. Þetta var ekkert flókið, bara leikurinn sjálfur, þannig settur upp að enginn gat komist upp með að sinna bara öðrum hvorum hlutanum. Lífið gerðist ekki betra.

Ragnar Steinarsson (Raggi Tann) og Helgi Halldórsson, yfirkennari í grunnskólanum og síðar skólastjóri, þjálfuðu okkur líka á tímabili, miklir snillingar báðir tveir. Ég man þó að ég hugsaði þeim þegjandi þörfina þegar ég var settur í VÖRN, en Kjartan, sonur Ragga, og Axel, sonur Helga, í sóknina. Þarna var klárlega einhver maðkur í mysunni og man ég að á tímabili var ég nánast farinn að íhuga verkfall vegna þessa.

Guðjón Ingi Eiríksson, nú bókaútgefandi, Árni Ólason (fjarskyldur bróðir Guardi Óla), Hilmar Gunnlaugsson, Hermann Níelsson heitinn, Haraldur Haraldsson, núverandi framkvæmdastjóri knattspyrnudeildar Víkings, og fleiri eftirminnilegir þjálfarar studdu okkur og gáfu góð ráð á mismunandi aldursskeiðum. Að þeim ólöstuðum þá vorum ég og jafnaldrar mínir sérstaklega gæfusamir þegar FH-ingurinn Jón Þór Brandsson kom og þjálfaði okkur í 6. og 5.flokki. Hann lagði mikið upp úr tækniþjálfun og boltatilfinningu og lagði áherslu á að þjálfa báða fætur til jafns, sem var þjálfun sem ég naut góðs af síðar meir. Greinilegt var þó að uppeldisleg tækifæri knattspyrnuþjálfara voru honum efst í huga og man ég alltaf vel eftir einu dæmi um það.

Við vorum þá í harðri keppni um að komast suður til Reykjavíkur í úrslitakeppni Íslandsmótsins og mættum Val, Reyðarfirði á mölinni heima. Við urðum að vinna til að halda efsta sætinu í riðlinum. Í vikunni á undan hafði komið strákur að sunnan með einum af leikmönnum okkar á æfingu og fengið að vera með. Skemmst er frá því að segja að hann var ekki eftirtektarverður knattspyrnumaður á neinn hátt en þar sem við vorum ekki með fullan hóp, þá var spurt hvort hann mætti ekki koma í leikinn. Jón Þór spurði strákinn þá hvort hann væri nokkuð skráður í annað knattspyrnufélag, sem hann sagðist ekki vera, sem þótti reyndar algjörlega fullsannað af getustiginu hjá honum, blessuðum. Honum var boðið að vera með okkur og hélt sig hæglátur á bekknum þar til nokkrar

mínútur voru eftir og fékk þá aðeins að koma inn á, án þess að hafa nokkur áhrif á leikinn, sem vannst örugglega, 6-0.

Skoraði ÉG í leiknum. Já, já, smellt´onum upp í vinkillinn úr aukaspyrnu af 25 metrunum. En það er algjört aukaatriði, leyfðu mér nú að halda áfram með söguna. Á næstu dögum fer svo einhver orðrómur í gang um að gestaleikmanninum hafi láðst að tilkynna að hann væri í raun 13 ára gamall og því ekki löglegur til þátttöku í 5. flokki. Þetta barst til eyrna Jóns Þórs sem tilkynnir hópnum að hann ætli að hringja í þjálfara Vals og bjóða honum að kæra leikinn. Þetta þótti okkur agaleg tíðindi, að leikmaður sem rétt hafði komið inn á og nánast engin áhrif haft væri í þann mund að klúðra

„ Þar rákum við allir upp stór augu, þegar leikmaður þeirra henti sér í jörðina, við sama og enga snertingu og fiskaði á okkur víti. Þetta höfðum við aldrei séð áður og vorum vægast sagt hneykslaðir og létum hann heyra það, fullum hálsi.“

fyrir okkur Reykjavíkurferðinni góðu, með sínu einkasvindli.

Við spurðum Jón Þór að því á næstu æfingu á eftir hvort það væri algjörlega nauðsynlegt að láta Valsarana vita af þessu.

Skemmst er frá því að segja að stundarkornin sem á eftir fylgdu voru þau einu sem ég sá Jón Þór, sem var og er einstakt ljúfmenni, nálægt því að vera reiðan eða hneykslaðan. Að sjálfsögðu yrði látið vita af þessu, það kæmi ekkert annað til greina. Það fór svo að Jón Þór hringdi í þjálfara Vals og tilkynnti honum um málavexti. Sá þakkaði kærlega fyrir vel virta ábendingu en sagðist ekki sjá neina ástæðu til að kæra leikinn.

Lexían til okkar strákanna í liðinu var þó sterk og eftirminnileg: Það eru hlutir sem eru mikilvægari en sigrar í fótboltaleikjum.

Við fengum því að fara í ógleymanlega úrslitakeppni í ágústmánuði sem spiluð var á KR vellinum en á þessum tíma var spilað í ellefu manna liðum á fullan völl, með stórum mörkum. Ekkert rugl. Þar steinlágum við í fyrsta leik gegn FH, 6-0, eftir að staðan hafði verið 0-0 og korter til leiksloka. Auðun Helgason, sem seinna varð A-landsliðsmaður var aðalstjarna FH-inga.

Við unnum svo Þrótt Reykjavík 1-0 með marki Harðar Guðmundssonar, æskuvinar míns, og það voru nokkrar hringingarnar heim hjá okkur strákunum, til að skila fregnum af því að hafa lagt Reykjavíkurlið að velli. Nei, ekki úr snjallsímum. Við stóðum allir í röð við snúru- og skífusímann í skólanum sem við gistum í og hringdum, ljómandi af stolti, í fjölskyldur okkar, hver á fætur öðrum.

Höttur Íþróttafélagið

HÖTTUR 1974-2024

óskar knattspyrnufólki innilega til hamingju með 50 ára afmæli félagsins um leið og við óskum öllum gleðilegs árs og sigra á nýju fótboltaári. [ 23 ]

HÖTTUR 50 ÁRA 2024 Þegar Pelé kom í ágúst 1991. Þarna eru frændur frá Snotrunesi (Nesmenn), Ásgeir Sigurvinsson og Stefán Þór Eyjólfsson ásamt Pelé.

Næst mættum við heimamönnum í KR en prímus mótor í þeirra leik var Óskar Hrafn Þorvaldsson nokkur. Við stóðum vel í þeim og eftir að „Sigga-Pylsu Binni“ hafði jafnað fyrir okkur leikinn, rétt náði Vesturbæjarstórveldið að stela 2-1 sigri í lokin. Í leik um 5. sætið töpuðum við 3-1 gegn Þór, Akureyri. Þar rákum við allir upp stór augu, þegar leikmaður þeirra henti sér í jörðina, við sama og enga snertingu og fiskaði á okkur víti. Þetta höfðum við aldrei séð áður og vorum vægast sagt hneykslaðir og létum hann heyra það, fullum hálsi.

Akureyringurinn skellti skollaeyrum við þeim athugasemdum, fór sjálfur á punktinn og skoraði af feikna öryggi en þetta var enginn annar en Guðmundur Benediktsson (Gummi Ben). Þegar ég var á eldra ári var liðið okkar töluvert veikara en þegar við kepptum með eldri strákum og ein saga er til marks um standardinn sem þá var á liðinu okkar.

Við vorum þá í algjöru svartnætti að tapa 0-5 gegn Sindra frá Hornafirði á mölinni góðu og vel liðið á seinni hálfleik.

Pfúff…… Ég hélt að þetta gæti ekki orðið verra en þurfti heldur betur að éta það hlutlausa ástandsmat ofan í mig þegar Árni Óla þjálfari kastaði endanlega inn hvíta handklæðinu með því að setja Trausta Þór Jóhannsson inn á. Trausti er ein albesta manneskja sem ég hef kynnst en levelið á lágri áhugahvöt og knattspyrnugetu var á sama tíma algjörlega yst á hinum enda mælistikunnar. Hugsanir um árangurstengd úrslit höfðu ekki verið sterkar fyrir þessa skiptingu en ég man hvernig þvarr endanlega úr mér öll von og máttur, þegar Trausti skokkaði inn á, brosandi út að eyrum, í gallabuxum og ekki nóg með það, heldur var hann með sleikjó(!).

„Trausti er ein albesta manneskja sem ég hef kynnst en levelið á lágri áhugahvöt og knattspyrnugetu var á sama tíma algjörlega yst á hinum enda mælistikunnar.“

Einn af mínum bestu vinum, Kjartan Ragnarsson, núverandi tannlæknir í Reykjavík, fékk þá knöttinn óvænt til sín, um 25 metra frá marki. Skipti engum togum og gjörsamlega hiklaust þrumaði hann boltanum af feikna afli, viðstöðulaust upp í blá-samskeytin, svo söng í netinu. Fastara skot hefur ekki sést

[ 24 ]

á Héraði, fyrr né síðar. Jafn sláandi þögn og sú sem fylgdi í kjölfarið, hefur ekki heldur „heyrst“ á Héraði fyrr né síðar. 0-6 fyrir Sindra.

Simmi Vill, sem bauð ekki upp á hærra getustig en svo að hann var áfram skilinn eftir á bekknum átti ekki orð yfir þetta af hneykslun og öskraði á eftir honum: „Hvað ertu að GERA!?!?! Þú getur ekkert farið inn á völl að keppa með SLEIKJÓ!“ En Trausti hafði engar áhyggjur af þessu, glotti við tönn og steinrotaði athugasemdir Simma snögglega með gjörsamlega ósigrandi fullyrðingu: „Ég er ógeðslega fljótur með hann!“

Til að toppa þessa upplifun, þá fór það svo að við minnkuðum muninn í 1-6 og hver haldið þið að hafi skorað markið okkar?

Jú, títt nefndur Trausti, af tæplega eins meters færi, algjörlega óverjandi (og óviljandi) með hægri rasskinninni. Önnur eins fagnaðarlæti hef ég aldrei síðar séð hjá einum manni í nokkrum fótboltaleik. Í það minnsta ekki hjá leikmanni skartandi sleikjópriki út úr munnvikinu. Það var enginn skortur á eftirminnilegum karakterum í þessum hópi okkar og held ég að á engan sé hallað þegar Bjarni Broddason sé nefndur sem einn af þeim eftiminnilegri. Það er ekki fræðilegur möguleiki að skrifa svona pistil án þess að segja að minnsta kosti eina sögu af honum. Við vorum þá að keppa í úrslitakeppni á Akureyri, undir stjórn Himma Gunnlaugs og Kjarra Gumm. Við áttum bara einn leik eftir, gegn Breiðabliki, sem hafði fram að því rúllað yfir alla sína andstæðinga. Svipað og gegn KR í fyrri sögu, komum við nokkuð á óvart og Höddi Gumm jafnaði leikinn í 1-1 og þannig var staðan í hálfleik. Himmi og Kjarri skelltu í „Any given sunday“ hálfleiksræðu, á la Al Pacino, og við löbbuðum brattir inn á völlinn þegar Bjarni Brodda klappaði saman höndunum og skellti framan í okkur grjót-hörðu Furuvalla-raunveruleikatékki: „Komum núna strákar! Töpum þessu með sæmd!“ Ég var svo heppinn að spila fótbolta á fullu fram að 35 ára aldri, meðal annars í efstu deild, en minningarnar úr þeim bransa taka síst meira pláss í fótboltahluta hjartans en minningar eins ogþessar, sem tengjast tæru þakklætinu við að alast upp í fótboltanum heima á Egilsstöðum.

Það er á engan hallað þegar talað er um Stefán Þór Eyjólfsson sem einn af okkar dáðustu drengjum. Hann var fyrirliði liðsins þegar þeir spiluðu í fyrsta og eina skipti, í næst efstu deild hér á Íslandi.

Stefán Þór Eyjólfsson Ég var nálægt því óviti þegar knattspyrnan kveikti áhuga hjá mér og ég farinn að leika mér með bolta á Egilsstöðum. Þessi áhugi óx með hverju árinu og fjölgaði stundum sem ég varði einsamall eða með vinum mínum í fótbolta. Var það ýmist í garðinum við heimili mitt, á skólavellinum eða yfir sumartímann á ýmsum æfingasvæðum Hattar. Ég komst fljótlega að raun um að knattspyrna átti vel við mig og varð hún að ástríða mín. Ég, jafnaldrar mínir og þeir sem voru ári yngri og eldri, samansafn fjölskrúðugra einstaklinga, æfðum saman knattspyrnu í yngri flokkum Hattar, 7.- 3. flokki. Urðu til margar minningar á þessum árum og mörg sterk vinabönd sem enn hafa ekki trosnað. . Mínir jafnaldrar og bekkjarbræður fæddir 1984, svo nokkrir séu nefndir, ekki tæmandi talning, Andri

Valsson, Andri Reyr Haraldsson, Guðmundur Magni Bjarnason (Mummi), Flosi Jón Ófeigsson, Hafþór Valur Guðjónsson, Kristján Björn Kristbjörnsson, Oliver Bjarki Ingvarsson. Af þeim sem eru ári yngri fæddir 1985, Ágúst Fannar Einþórsson (Gústi bakari), Árni Pálsson, Fannar Magnússon, Geisli Hreinsson, Hafliði Bjarki Magnússon, Viðar Örn Hafsteinsson, Þórarinn Máni Borgþórsson (Tóti). Af þeim sem eru ári eldri fæddir 1983, Davíð Lúther Sigurðarson (Dassi), Emil Kristófer Sævarsson, Hafþór Atli Rúnarsson, Guðmundur Heiðar Eyþórsson, Ólafur Ágústsson, Sigbjörn Þór Birgisson (Diddi), Steinar Ingi Þorsteinsson. Þessir árgangar, ekki síst 1984 og 1985, mynduðu sterka liðsheild, sem átti eftir að ná góðum árangri.

„ Það var líklega árið 1994 að túnstæði við Miðvang við hlið þjóðvegarins og Hótel Héraðs, sem síðar hlaut nafnið Hattarflöt, var tekið til notkunar fyrir yngri flokka Hattar.“ Það var sumarið 1991 að ég fór að sækja æfingar hjá knattspyrnudeild Hattar. Þá var ég á sjöunda ári, yngra ári 7. flokks. Æfingar fóru fram í túnjaðri Egilsstaðabýlisins gegnt Söluskálanum. Árið 1992 þegar ég var á eldri ári í 7. flokki var Freyr Sverrisson ráðinn þjálfari. Hann var mjög hæfur þjálfari og var síðar m.a. þjálfari unglingalandslið Íslands. Við tókum þátt í leikjum og mótum og unnum til verðlauna. Sumarið 1993 minnir mig að Árni Ólason, sem ekki þarfnast kynningar, hafi komið að þjálfun 6. flokks Hattar. Þetta ár tókum við m.a. þátt í móti í Neskaupstað og var Steinar Ingi Þorsteinsson tolleraður af liðsfélögum sínum, eftir að hann skoraði sigurmark gegn Hugin Seyðisfirði skömmu fyrir leikslok. Á þessum árum var stundum æft á Egilsstaðavelli (síðar Vilhjálmsvöllur) og svæði við hann. Þá var æft á grassvæði við Miðvang 6, þar sem nú er risið fjöleignarhús, fyrir 55 ára og eldri. Þetta vallarstæði kölluðu sumir Wembley, eins konar öfugmæli og háðsyrði, þar sem völlurinn var mjög þýfður, ósléttur og fjarri lagi góður til knattspyrnuiðkunar. Það var líklega árið 1994 að túnstæði við Miðvang við hlið þjóðvegarins og Hótel Héraðs, sem síðar hlaut nafnið Hattarflöt, var tekið til notkunar fyrir yngri flokka Hattar. Boltar sem fóru framhjá markinu eða yfir hliðarlínu rötuðu iðulega ofan í stóra skurði sem afmörkuðu túnstæði þetta. Þeir leikmenn sem voru ekki sparkvissir voru í skurðunum heilu og hálfu æfingarnar og voru þeir oft skítugir og blautir upp yfir haus, eftir að þeir hurfu ofan í skurðina á eftir boltunum. Verða þeir ekki nefndir hér af virðingu við þá. Mín eftirminnilegasta ferð í skurðinn, var ekki á eftir bolta, heldur þegar einn

[ 25 ]

HÖTTUR 50 ÁRA 2024 þjálfari minn fleygði mér þangað, þegar ég reyndi í honum þolrifin. Svæði þetta varð deigt eftir rigningar og fjölgaði þá rennitæklingum sem stundum voru groddalegar. Viðar Örn Hafsteinsson t.d. braut legghlífarnar á öðrum leikmanni í slíkri tæklingu og var hann rekinn heim af æfingu. Þá má nefna atvik þegar rauða Datsun bæjarbílnum var neglt niður á malarplani við svæðið og ónefndur bæjarstarfsmaður steig út úr rykskýi sem þyrlaðist hafði upp. Kom hann skrækjandi í átt að okkur og steytti hnefanum svo stöðva varð æfinguna.

Hann var æfur yfir því að ummerki takkaskóa fundust á gangstéttarsteypu í grennd við svæðið og virtist sannfærður um að einhver strákanna bæri ábyrgð á því. Hann ýtti úr vör eins konar rannsóknarrétti og skoðaði undir takkaskó hvers einasta leikmanns á svæðinu.

Hann fann engar vísbendingar og er málið enn óupplýst í dag að ég best veit. Á þessu svæði, Hattarflöt, æfðum við og aðrir yngri flokkar í fleiri ár fram að aldamótum uns svæðið var skipulagt, breytt og tekið undir verslunarmiðstöð og malbikuð bílastæði. Við æfðum einnig stundum í Selskógi og á Eiðum þegar á þurfti að halda á seinni stigum yngri flokka.

foreldrum okkar. Það hentaði vel fyrir einn föðurinn sem hafði komist að samkomulagi um sölu á bifreið sinni og hugðist afhenda hana til kaupanda á Laugarvatni. Hann þreif bifreiðina vel fyrir ferðina og þegar lagt var af stað frá Egilsstöðum var hann kátur og glaður. Gamanið kárnaði þó fljótt á leiðinni þegar einn drengurinn, í Hvalnesskriðum, ældi yfir áklæði bifreiðarinnar með tilheyrandi óþef. Faðirinn herti aðeins takið á stýrinu, gnísti tönnum og var fáorður það sem eftir lifði ferðar. Sagan segir að kaupanda hafi verið gefin sú skýring að helst hefði úr mjólkurfernu yfir áklæðið.

Við mættum upplitsdjarfir og prúðbúnir á Laugarvatn í rauðri Hattartreyju með hvítum ermum og stóru Hattarmerki á vinstra brjósti. Við vorum stoltir fulltrúar Hattar og lögðum mikið á okkur á þessu móti.

Guðmundur Magni Bjarnason (Mummi) varð fyrir skakkafalli þegar hann rotaðist í leik á mótinu. Við liðsfélagar hans vitjuðum hans í tjaldvagni eftir leik þegar hann að vakna úr roti illa áttaður og mæðulegur. Honum hefur skjátlast ef hann stóð í þeirri trú að værum komnir til að leggja kaldan bakstur á enni hans eða bera á hann líknandi smyrsl. Þá aðhlynningu eftirlétum við öðrum. Við vorum mættir til að gera honum grein fyrir úrslitum leiksins og öðlast innsæi í þessa lífsreynslu að rotast sem okkur þótti merkileg. Var hann undir lok vitjunar okkar orðinn enn ringlaðri af spurningaflóðinu.

„Viðar Örn Hafsteinsson braut t.d. legghlífarnar á öðrum leikmanni í slíkri tæklingu og var hann rekinn heim af æfingu.“

Árið 1994 tók Elvar Örn Erlingsson við þjálfun 6. flokks Hattar, þegar ég var á eldra ári. Hann hélt uppi aga, var skemmtilegur og og naut virðingar okkar. Það var mikilvægt að koma á réttum tíma á æfingar, að öðrum kosti mátti búast við refsingu, t.d. armbeygjum fyrir framan strákana. Undir stjórn Elvars tryggðum við okkur þátttökurétt á Íslandsmótinu í A-liðum 6. flokks sem var haldið sama sumar á Laugarvatni. Þar öttum við kappi við bestu og stærstu félög landsins. Við fórum landleiðina í einkabílum frá Egilsstöðum til Laugarvatns með

Frammistaða Oliver Bjarka Ingvarssonar vakti mjög mikla eftirtekt og var hann valinn besti markvörður mótsins. Það er ekki síður merkilegt þar sem Hannes Þór Halldórsson, fyrrum landsliðsmaður og atvinnumaður stóð á milli stanganna hjá Leikni Reykjavíkur sem varð Íslandsmeistari. Stærsti sigur okkar á mótinu var þegar við burstuðum stórveldið KR með fjórum mörkum gegn engu. Við komumst í úrslitaleik um 5. sæti Íslandsmótsins og kepptum við ÍR sem komst tvisvar sinnum í tveggja marka forystu í leiknum, 2-0 og 3-1. Við gáfumst hins vegar ekki upp, bitum í skjaldarrendur og unnum leikinn 2-3. Um þennan viðsnúning sagði Þórarinn Máni (Tóti) í viðtali við Morgunblaðið: „Elvar sagði að við þurftum að skora þrjú mörk og við bara gerðum það“. Það var ekkert verið að flækja hlutina á þessum árum!

Við gengum samhentir til leiks og samhentir lukum við leik. Alls voru yfir 40 lið víðs vegar um landið sem hófu leik í riðlakeppni Íslandsmótsins og verður því að teljast góður árangur að ljúka leik sem 5. besta lið landsins.

Við vorum auk þess valdir prúðasta liðið. Iðinn prúður áfram kemst, önn

[ 26 ]

6. flokkur Hattar sem tók þátt í úrslitakeppni KSÍ á Laugarvatni 1994 þar sem liðið endaði í 5. sæti

að sigri miði, lífsins gleði fyrst og fremst, fylgi ykkar liði. Þannig orti Páll Sigfússon um þetta lið og var kvæðið þrykkt á stóra liðsmynd sem var afhent öllum drengjunum til eignar sem tóku þátt.

Sumarið 1995 þjálfaði Elvar Örn Erlingsson okkur áfram í 5. flokki, minn árgangur á yngra ári. Við ferðuðumst m.a. til Akureyrar og tókum þátt í Essó mótinu. Sumarið 1996 minnir mig að Hermann Valsson hafi að öllu eða einhverju leyti komið að þjálfun okkar, þar sem minn árgangur var á eldra ári. Við unnum okkar riðil á Austurlandi og öðluðumst þátttökurétt, auk 11 annarra liða, í riðlakeppni sem var undanfari átta liða úrslita Íslandsmótsins og féllum þar úr leik. Við ferðuðumst til Húsavíkur og Akureyrar og lékum þar æfingaleiki. Við fórum á hlaðborði á Greifanum og þar var einn okkar ávíttur fyrir yfirgengilega átfrekju og skort á siðvendni, þar sem hann var gómaður við að troðfylla kjaft sinn og buxnavasa af pítsusneiðum.

á þessum tíma, ef hann hefði haft sönghæfileika. Hann var mjög öflugur leikmaður miðað við aldur, sterkur, skotfastur og jafnvígur á hægri og vinstri fót. Það var því e.t.v. ekki óvænt að fregnir um endurkomu Hafþórs Atla fóru sem eldur um sinu frá Héraði niður í Djúpavog til drengja í 4. flokki Neista. Var þeim tíðrætt um Hafþór Atla, þar sem þeir sátu felmtri slegnir í smárútu á leið til Egilsstaða, þar sem þeir áttu að etja kappi við Hött á Vilhjálmsvelli sama dag. Sagan segir að þjálfarinn sem sat undir stýri hafi skyndilega fengið nóg af þessu tali leikmanna sinna og viljað veita þeim tiltal undir eins. Hann hafi því nauðhemlað, ekið rútunni út í vegkant, litið um öxl, horft svipþungur í augu þeirra og sagt ákveðið: „Strákar, ef þið eruð svona hræddir við Hafþór, þá getið þið bara gefið leikinn.“ Ómögulegt er að segja hvaða hughrif þessi ummæli vöktu hjá drengjunum. Hvað sem því líður gáfu leikmenn Neista ekki leikinn og mættu þeir til leiks, sem lauk með öruggum sigri Hattar 4-2. Sennilega var það endurkomu Hafþórs Atla að þakka, því hann skoraði öll fjögur mörk Hattar í leiknum.

Við öðluðumst þátttökurétt þetta sumarið í úrslitakeppni Íslandsmóts sjö manna liða sem haldið var í Borgarnesi og þar lentum við í 3. sæti. Hafþór Atli var ekki meðal leikmanna enda þá farinn aftur í útlegð í Noregi. Þess skal getið að flest lið á Höfuðborgarsvæðinu og í stærri þéttbýlisstöðum landsins tefldu fram 11 manna liði í 4. flokki og 3. flokki. Við höfðum ekki mannskap til þess.

„Viðar Örn Hafsteinsson braut t.d. legghlífarnar á öðrum leikmanni í slíkri tæklingu og var hann rekinn heim af æfingu.“

Sumarið 1997, var ráðinn þjálfari Ellert Sigurður Magnússon þegar ég var á yngra ári 4. flokks. Var hann góður þjálfari, sem við bárum virðingu fyrir. Þetta sumar snéri heim frá Noregi Hafþór Atli Rúnarsson og lék hann með okkur. Þarna var hann á 14. aldursári og leikmaður Viking frá Stafangri og bar hann yfirbragð atvinnumanns í knattspyrnu.

Hann hafði tekið út fullan vöxt, var þrekinn og tígulegur, brúnn með langa ljósa lokka, gjaldgengur í allar strákahljómsveitir

HÖTTUR 50 ÁRA 2024 Við ætluðum okkur stóra hluti árið eftir, sumarið 1998, í 4. flokki sjö manna liða. Þjálfari liðsins var heimamaðurinn Hjálmar Jónsson, þá 18. ára gamall, síðar atvinnumaður og landsliðsmaður, sem naumast þarf að kynna fyrir Héraðsmönnum. Við töpuðum úrslitaleik gegn Hugin á Vilhjálmsvelli og glötuðum þar með tækifæri til að taka þátt í úrslitakeppninni. Það var sárt og mig grunar að sumir hafi verið tárvotir eftir leikinn.

Um haustið 1998 var maður að nafni Dragi Pavlov ráðinn yfirþjálfari yngri flokka Hattar. Hann starfaði í þrjú ár til ársins 2001 og var hann þjálfari okkar í 3. flokki Hattar. Hann er fyrrum atvinnumaður og landsliðsmaður Makedóníu í knattspyrnu og lék hann í einum af sterkustu deildum í Evrópu m.a. í Júgóslavíu og Frakklandi. Þetta var því hvalreki fyrir Hött og yngri flokka starfið, enda mjög hæfur þjálfari með mikla reynslu. Hann hafði mikinn metnað, margt fram að færa, gerði miklar kröfur til leikmanna og var þess utan, vingjarnlegur, glettinn og skemmtilegur. Hann innleiddi eins konar afreksstefnu, þar sem valdir leikmenn fengu aukaæfingar í hádeginu í íþróttahúsinu.

Minnisstætt er þegar Dragi hélt töflufund í gamla sundlaugarklefanum við Egilsstaðavöll og var að tilkynna byrjunarlið Hattar í 3. flokki, ekki kominn með fullt vald á íslenskri tungu. Hann skrifaði nöfn leikmanna hroðvirknislega á töfluna og við lásum eitt þeirra sem „Auli“. Við vorum engu nær hver þessi „Auli“ var sem átti að byrja leikinn. Við nánari grennslan kom í ljós að „Auli“ var Hafliði, sem hann bar fram sem „Avlí“ og hafði hann skrifað v með sveigðu u. Dragi hélt úti ákveðnu forvarnarstarfi og varaði okkur drengina ítrekað

„Við vorum engu nær hver þessi „Auli“ var sem átti að byrja leikinn.

Við nánari grennslan kom í ljós að „Auli“ var Hafliði, sem hann bar fram sem „Avlí“ .“ við því að „drekka viskí before game“. Þegar dómari tók ranga ákvörðun að áliti Dragi varð hann ósáttur og bar dómara á brýn að „drekka viskí before game“. Þá var Dragi oft glettinn við Ágúst Fannar (Gústa bakara), þegar hann mætti stundum á æfingar: „hvas e fetta Gústi? Alla godd me stelpúr? Jájá fú drekka viskí og smoke marlboro! Jájá é veit“ og skellti svo upp úr.

Dragi var með til afnota Volvo, stóran og þungan stáldreka og kom stundum dökkur reykur út úr púströrinu. Þegar við komum inn í Volvo-inn tók Dragi oft viðbragð og reyndi að fela fyrir okkur sígarettupakka, sem lá oft milli sætanna. Það kom fyrir að við hrúguðum okkur inn í Volvo-inn, hver yfir annan, langt umfram leyfilegan fjölda og Dragi ók okkur heim eða á æfingar, t.d. í Fellabæ, á malarvellinum. Þá var heldur en ekki

fjör. Það var á þessum árum 1998-2000 sem Dragi var þjálfari minn, að ég var valinn í úrtaksæfingar hjá unglingalandsliði Íslands (U16) og síðar valinn í endalegan landsliðshóp sumarið 2000, til þátttöku á Norðurlandamóti. Það var fyrir tilverknað Dragi að ég fór sama ár til reynslu hjá Espanyol sem er katalónskt knattspyrnufélag með aðsetur í Barcelona og var á þeim tíma í efstu deild (La Liga). Ég á honum því margt að þakka og að ég held margir fleiri leikmenn Hattar, þótt ég tali ekki fyrir þeirra hönd. Afar lærdómsrík og skemmtileg ár. Á árabilinu 1991-2000, þegar ég er í yngri flokkum Hattar, 7. til 3. flokki, hafði íþróttasalurinn í Íþróttahúsinu á Egilsstöðum ekki verið stækkaður. Það var því ekki unnt að skipta salnum og dreifa álaginu, eins og völ er á nú, og var eftirspurn eftir tímum í íþróttahúsinu umfram framboð yfir vetrartímann.

Yngri flokkar knattspyrnudeildar Hattar fengu oft aðeins einn æfingatíma í viku á veturna. Það var fjarri lagi nóg og óviðunandi fyrir drengi og stúlkur sem höfðu metnað fyrir knattspyrnu og þurftu meiri þjálfun og fleiri æfingar. Til þess að bregðast við þessu voru æfingar stundum haldnar undir berum himni yfir vetrartímann, am.k. á síðari stigum yngri flokka, m.a. á malarvelli við Mánatröð, á malbikuðum skólavelli við Egilsstaðaskóla og á Fellavelli, sem þá var malarvöllur.

Voru vellirnir harðir og stundum frosnir með lausamjöll eða snjóalögum. Þá voru æfingar stundum haldnar á þessum völlum á vorin eftir harðan eða snjóþungan vetur þegar grasvellir voru ekki komnir í nægilega gott ástand.

Yfir vetrartímann í yngri flokkum tókum við þátt í innanhúsmótum og var fyrirkomulagið jafnan þannig að sigur í riðlakeppni á Austurlandi tryggði þátttökurétt í úrslitakeppni á Höfuðborgarsvæðinu. Það tókst okkur nokkuð oft. Við

unnum t.d. innanhúsmót á Djúpavogi í janúar 1995, í 5. flokki þegar Rafn Hermannsson var þjálfari okkar og þá tókum við þátt í fyrsta skipti að mig minnir í úrslitakeppni innanhúss í Reykjavík. Við strákarnir frá Egilsstöðum höfðum eingöngu reynslu af því að leika á hálfum velli með handboltamörkum og giltu aðrar leikreglur í Reykjavík á heilum velli, þar sem notast var við stærri mörk. Það var t.d. gilt mark þótt sparkað væri fyrir aftan miðju á heilum velli, ólíkt því sem gilti á hálfum velli. Oliver Bjarki Ingvarsson markvörður okkar vissi þetta ekki þegar fyrsti leikur okkar í Reykjavík var flautaður á og færði hann sig frá boltanum og leyfði honum að fara inn, þegar andstæðingur sparkaði honum á mark okkar fyrir aftan miðju á fyrstu sekúndum leiksins. Markið var dæmt gilt, Oliver forviða og var þetta dýrkeypt lexía. Það reyndi aftur á lífsleikni okkar drengjanna í Reykjavík þegar við fórum saman í sund. Allir drengirnir tóku upp úr töskum sínum sundskýlu og handklæði, nema Þórarinn Máni (Tóti), í tösku hans reyndist vera sundskýla og þvottapoki.

markvarðarins bryti svo í bága við viðurkennda hegðun, að vítaskyttan hlyti að bugast andspænis henni. Svo reyndist ekki vera og skoraði vítaskyttan örugglega úr vítaspyrnunni. Þessar ferðir til Reykjavíkur voru skemmtilegar ferðir, styrktu okkar félagslegu hæfni og vinabönd. Á þessum árum sem fjallað hefur verið um 1991-2000 er eftirtektarvert hve oft skipt var um þjálfara í 7.-3. flokki Hattar og var nær aldrei sami þjálfari yfir vetrar- og sumartíma. Af þeim þjálfurum sem ekki hafa verið nefndir og komu að þjálfun okkar með einum eða öðrum hætti, má nefna Jónatan Fjalar (Jonna), Hörð Guðmundsson (Hödda), Eirík Björgvin Björgvinsson, Rafn Hermannsson, Kára Jónsson, Viðar Jónsson, Hilmar Gunnlaugsson, Eystein Hauksson og er hér örugglega ekki um tæmandi talningu að ræða. Við vorum lánsamir með þjálfara á öllum stigum yngri flokka og yfir sumartímann var þjálfun oft falin aðkomumönnum, sem tóku sér búsetu á Egilsstöðum í eitt eða fleiri ár, eða dvöldu sumarlangt.

Mjög hæfir þjálfarar hver með sitt sérkenni og höfðu þeir allir með einum eða öðrum hætti mótandi áhrif á okkur drengina og kenndu okkur margt.

„ ...ég hef nær eingöngu ánægjulegar og góðar minningar af því að stunda knattspyrnu á þessum árum.“

Fleiri undarleg atvik áttu sér stað í þessum ferðum þar sem markmenn okkar drógu athyglina að sér. Í einni úrslitakeppninni, á síðari stigum yngri flokka, mætti ónefndur markvörður okkar til leiks með tússað svart skegg á efri vörinni. Vítaspyrna var dæmd á okkur og er andstæðingurinn var i þann mund að taka spyrnuna reyndi markvörðurinn að trufla hann með því að fara úr keppnistreyjunni, lemja krepptum hnefum taktfast á bera bringuna og garga apahljóð og önnur óhljóð andspænis honum. Við samherjar litu hver á annan og ályktuðum allir, að vítaspyrnan myndi missa marks, þar sem háttsemi

Á þessum árum mínum í yngri flokkum Hattar í knattspyrnu var ekki íþróttasalur í fullri stærð, upphitaður gervigrasvöllur, eða sparkvöllur með gervigrasi á Egilsstöðum eða nágrenni eins og nú er. Það er því ekki ósennilegt að leikmenn yngri flokka Hattar á þessum tíma hefðu átt kost á því að verða enn betri knattspyrnumenn, ef sömu æfingaaðstæður hefðu verið þá og nú eru fyrir hendi. Ég er hins vegar ekkert sannfærður um að æfingaaðstæður eins og þær eru í dag, hefðu gert æfingar og leiki í knattspyrnu á þessum árum ánægjulegri, svo ég tali fyrir sjálfan mig. Það er enda svo að ég hef nær eingöngu ánægjulegar og góðar minningar af því að stunda knattspyrnu á þessum árum og við upprifjun skynja ég gleði, þýðan sunnanvind, sól og angan af nýslegnu grasi. Það voru hins vegar vonbrigði að við ættum ekki kost á fleiri æfingatímum á þeim völlum sem stóðu okkur til boða.

Stefán Þór ásamt liðsfélögum í 5. flokki sem vann Austurlandsriðil árið 1995

Við framangreindra upprifjun hef ég haft samráð við nokkra samferðamenn á þessum tíma og kann ég þeim bestu þakkir fyrir. Við upprifjun af þessu tagi, þar sem stólað er að miklu leyti á minni, sem almennt er brigðult, er ekki útilokað að farið sé að einhverju marki rangt með ártöl, nöfn, einstök atvik eða önnur atriði. Ég biðst velvirðingar á því, ef svo er. Áfram Höttur.

Gleðilega hátíð

Landsbankinn

landsbankinn.is

410 4000

Gleðilega rafmagnaða hátíð Starfsfólk RARIK óskar viðskiptavinum, samstarfsfólki og landsmönnum öllum gleðilegra jóla og gæfuríks nýs árs.

Við hlökkum til að verða samferða ykkur á orkuneti framtíðarinnar. Gleðilega hátíð.

RARIK ohf | www.rarik.is

[ 30 ]

STARF YNGRI FLOKKA GILDI FÉLAGSINS VIRÐING Virðing er mikilvægur þáttur í þroska barna og unglinga. Hún hjálpar til við að skapa jákvætt umhverfi fyrir leikmenn á öllum aldri óháð hæfni. Þegar ungir leikmenn læra að bera virðingu fyrir þjálfurum, liðsfélögum, andstæðingum og dómurum, þróa þeir mikilvæga félagslega færni sem nýtist þeim bæði innan vallar sem utan.

FRÁ YFIRÞJÁLFARA Andre Solórzano Abed

H

ugmyndafræði yngri flokka Hattar snýst um að vinna með iðkendur sem einstaklinga fyrst og síðan sem knattspyrnufólk. Við byggjum starf okkar á grunngildum félagsins sem fela í sér virðingu, liðsanda, metnað, aga og gleði.

Þessi gildi höfum við í forgrunni þar sem við trúum á að það skipti meira máli að búa til góða einstaklinga en að búa til gott knattspyrnufólk. Eitt af því sem einkennir íþróttafélagið er samfélagið í kringum það. Félagið leitast við að hafa gott fólk í kringum sig til að styðja við þá vinnu sem unnin er hjá félaginu.

Við byggjum vinnuna okkar á að innleiða knattspyrnustíl sem byggir á að halda boltanum innan liðsins og þjálfarar fá frelsi til að innleiða þessa leikaðferð í sína flokka innan þeirra marka sem félagið setur. Við viljum horfa á fótboltann sem eina heild, skilja mikilvægi þess að vinna með einstaklinga og lið, tilfinningar og mikilvægar aðstæður sem hafa bæði áhrif á þroska einstaklings sem manneskju og sem leikmanns.

Draumaleikmaður sem fer í gegnum yngri flokka starf Hattar er leikmaður sem hefur gaman af því að spila fótbolta, skilur leikinn, er skapandi, klár og getur lagað sig að mismunandi aðstæðum í leiknum.

Hugmyndafræðin Hugmyndarfræðin er einföld: Höldum í boltann, sækjum að krafti, sköpum mörg marktækifæri og gefum á okkur fá færi.

Við viljum stuðla að því að stjórna leiknum með boltann, sem við teljum að sé besta leiðin til að læra fótbolta. Fótbolti snýst um samspil og tímasetningar. Þegar við erum með boltann lærum við best þessa þætti og njótum líka leiksins meira. Við viljum spila frá marki sem kennir krökkum og unglingum að vera hugrökk og taka góðar ákvarðanir. Það er alltaf auðvelt að sparka boltanum bara fram en með því að spila frá marki sýnum við iðkendum að allir á vellinum gegna mikilvægu hlutverki og að við þurfum að styðja liðsfélaga okkar.

LIÐSANDI Við höfum liðið í fyrirrúmi. Liðsandinn er ómissandi þáttur í starfinu okkar hjá Hetti þar sem hann hjálpar til við að skapa sterkan anda meðal leikmanna og þjálfara. Þegar ungir leikmenn vinna saman þróa þeir mikilvæga félagslega færni eins og samvinnu, samskipti og leiðtogahæfni, sem mun nýtast þeim bæði innan vallar sem utan.

AGI Agi er mikilvægur þáttur í þroska barna og unglinga þar sem hann hjálpar til við að innleiða mikilvæga nálgun hjá ungu íþróttafólki. Með því að kenna aga hjálpum við leikmönnum okkar að þróa sjálfstjórn, ábyrgð og vinnusemi.

ÁNÆGJA Það má ekki vanmeta ánægjuþáttinn í því að stunda íþróttir. Ánægja hjálpar til við að skapa jákvætt umhverfi sem hvetur ungt íþróttafólk til þátttöku og framfara. Þegar börn og unglingar skemmta sér á æfingum og í leikjum eru þau líklegri til þess að bæta sig og halda áfram að stunda íþróttina, þróa með sér ást og áhuga á leiknum og viðhalda jákvæðu viðhorfi til hreyfingar og keppni.

METNAÐUR Drifkrafturinn sem þarf til að skara fram úr og bæta sig stöðugt, gera hlutina ekki bara vel heldur eins vel og þú mögulega getur. Viljinn til að bæta sig á hverjum degi. Þetta hugarfar á bæði við um einstaklinga og hópa og nær yfir marga þætti eins og aga, þolinmæði og reglu. Metnaður getur verið helsti drifkrafturinn til að ná markmiðum sínum þar sem að hann knýr framfarir áfram. Að vera fullur af metnaði er einn mikilvægasti eiginleiki árangursríks leiðtoga

[ 31 ]

YNGRI FLOKKAR HATTAR Þetta byrjar á allt á því að skilja innri rökfræðina á bakvið leikinn sem við köllum knattspyrnu, skilja fótboltann sem eina heild og að við getum ekki tekið einingar leiksins í sundur og aðskilið þær. Það þýðir að við getum ekki einangrað leikmanninn frá einstaklingnum, einstaklinginn frá liðinu og vinnu frá hæfileikum. Við hjálpum iðkendum að skilja að liðið er kerfi þar sem einstaklingar eiga samskipti sín á milli til að ná sínu sameiginlega markmiði; sigri. Ef við horfum á leikinn sem heild verðum við líka að vita að það eru nokkrar aðstæður sem breyta leikmönnum.

Besti vinur okkar á að vera boltinn, við verðum að vernda hann. Þetta á við um einstaklings- og hópastigið. Liðið sem er með boltann stjórnar leiknum. Besta vörnin er að halda boltanum innan liðsins.

Við hvetjum leikmenn til að vera skapandi og taka áhættur á vellinum. Það er mikilvægt að leyfa leikmönnum að rekja boltann, skapa sendingar og taka sínar eigin sjálfstæðu ákvarðanir. Það gefur auga leið að andstæðingar okkar koma líka til með að spila fótbolta og við munum missa boltann. Þá er mikilvægt að skilja að mistök eru hluti af leiknum og að hvorki þjálfarinn né leikmenn eigi að kenna einhverjum um mistök eða fyrir að taka áhættur á vellinum. Í leik þar sem einn tapar boltanum, tapa allir boltanum.

Liðið er summan af vinnu hvers leikmanns sem einstaklings.

Liðið verður að vera í fyrsta sæti hjá öllum leikmönnum og enginn má vera yfir það hafin.

Hvernig við spilum Leikfræðin snýst um að eiga frumkvæðið í hverjum leik, vera með boltann, stjórna leiknum og njóta þess að spila fótbolta.

Við leitumst að því að spila hraðan fótbolta með hreyfanlegum leikmönnum. Hraður fótbolti þýðir ekki ´kick & run´ fótbolti, heldur að vera snögg að hugsa, framkvæma hratt og skapa stöðuga hreyfingu með og án boltans.

[ 32 ]

Við spilum sem lið, styðjum liðsfélagana þegar við erum með boltann, eigum samskipti, gefum þeim stuðning og valkosti inn á vellinum. Vinnum saman að því að ná boltanum aftur. Jákvæð samskipti er lykilatriði og því mikilvægt að hrósa liðsfélögum.

Hvernig við æfum Nálgun okkar snýr að því að reyna A (sendingar) B (knattrak) og svo C (skot) til að spila fótbolta. Við viljum búa til æfingar sem samþætta þessi atriði og fá iðkendur til að hugsa um hvað þau eru að gera á æfingum svo þau geti nýtt þá reynslu í leikjum, hvort sem um er að ræða mismundandi aðstæður eða leikstöður á vellinum

Við viljum búa til umhverfi þar sem iðkendur þurfa að taka stöðugar ákvaðanir, hugsa hvað þau gera við boltann, hvaða fót þau eiga að nota. Þau eru að þjálfa tækni sína og hugsun.

Leikmaðurinn ætti ekki að sérhæfa sig í ákveðinni stöðu snemma á ferlinum. Til að skilja leikinn betur eiga leikmenn að kanna öll svið leiksins sem leið til að hámarka skilning sinn á honum. Eitt af meginmarkmiðum þegar unnið er með leikmönnum er að öll liðin sem eru hluti af félaginu hafi sama skilning á fótbolta og sömu áherslur á það hvernig við viljum vera sem lið inn á vellinum og utan hans.

Andre Solórzano Abed

Yfirþjálfari yngri flokka Hattar

8. FLOKKUR Flokkurinn inniheldur 26 stráka og 23 stelpur. Þetta er mjög skemmtilegur hópur að fylgjast með, þar sem þau eru að taka sín fyrstu skref í íþróttinni. Áhersla er lögð á að njóta þess að mæta á æfingar og taka þátt. Hópurinn er að þróa með sér samhæfingu líkamans, hvernig á að að leika

sér og samband boltans við lappirnar sínar (flest eru þau samt að nota hendurnar á þessu stigi). Þau virðast njóta þess að vera saman og mikilvægast er að þau læri aga á æfingum, að fylgja tilmælum, hlusta á þjálfarana sína og hafa gaman!

Sæbjörn, Valgeir og Jónas Oddný Edda, Brynhildur, Bryndís Hekla, Árni Stefán, Viktor Óli

7. FLOKKUR KVK Flokkurinn inniheldur 26 stúlkur. Hér förum við strax í að einblína meira á fótboltahlutann frekar en samhæfingu augna og útlima. Það er gríðarlega spennandi að sjá þennan hóp bæta sig með hverri vikunni. Gildi fótboltans, virðing við leikinn og liðsfélaga, hlýðni og agi eru mikilvæg atriði sem við reynum að kenna þessum hóp.

Ef hópurinn heldur áfram að mæta og reyna sitt besta, þá verður hann alltaf betri. Við viljum auka samband boltans við fæturnar enn frekar, hvaða hluti á löppinni er bestur þegar maður er að senda, skjóta og svo framvegis.

Flokkurinn byrjar að læra stöður vallarins, hvernig við viljum spila (frá aftasta leikmanni) og við reynum að æfa aðstæður sem geta myndast í leikjum, þar sem krakkarnir hafa tækifæri til að nýta sköpunarhæfni sína til að prófa sig áfram. Það ætti alltaf að vera gaman!

Diljá Rögn og André Jana Radovanovic, Kamilla Björk, Hrafnildur Eik, Eyþór Atli

[ 34 ]

7. FLOKKUR KK 7. flokkur er stærsti hópur yngri flokkanna, 36 krakkar. Hér förum við strax í að einblína meira á fótboltaþáttinn frekar en eingöngu samhæfingu augna og útlima. Það er gríðarlega spennandi að sjá þennan hóp bæta sig með hverri vikunni.

Gildi fótboltans, virðing við leikinn og liðsfélaga, hlýðni og agi eru mikilvæg atriði sem við reynum að kenna þessum hóp. Ef hópurinn heldur áfram að mæta og reyna sitt besta, þá verður hann alltaf betri. Við viljum auka samband boltans við fæturna enn frekar, hvaða hluti á löppinni er bestur þegar við erum að senda, skjóta og svo framvegis. Flokkurinn byrjar að læra stöður vallarins, hvernig við viljum spila (frá aftasta leikmanni) og við reynum að æfa aðstæður sem geta myndast í leikjum, þar sem krakkarnir hafa tækifæri til að nýta sköpunarhæfni sína til að prófa sig áfram. Það ætti alltaf að vera gaman!

Eyþór Magnússon og André Ljuba Radovanovic, Eyþór Atli, Arnar Harris, Dagur Logi, Árni Stefán, Viktor Óli

1041 0966

VIÐ BERUM SVANINN MEÐ STOLTI OG ERUM ÓTRÚLEGA UMHVERFISVÆN! VERIÐ ÁVALLT VELKOMIN Í VIÐSKIPTI

Miðvangi 1 | 700 Egilsstaðir | Sími 471 1449 | www.heradsprent.is

[ 35 ]

6. FLOKKUR KVK 17 stelpur æfa með 6. flokki. Við viljum hjálpa leikmönnum að bæta tækni sína og skilning á leiknum ásamt því að hafa gaman saman og njóta. Mikilvægt er að kenna krökkunum að vera góðir liðsfélagar og hlusta á þjálfarann sinn. Stelpurnar eru að læra að hver og einn leikmaður er mikilvægur liðinu, liðið sækir og verst sem einn. Bannað er að sparka frá marki, við verðum að læra að vera hugrökk og að það sé í lagi að gera mistök, við bara náum boltanum aftur ef við missum hann. Við gefumst aldrei upp!

Oddný Edda Brynhildur, Kamilla Björk

Höttur þakkar stuðninginn á árinu:

[ 36 ]

6. FLOKKUR KK Höttur á 24 frábæra leikmenn í þessum flokk. Þetta er rosalega áhugaverður aldur, þar sem þeir eru farnir að skilja enn betur samband sitt við boltann. Við viljum taka næsta skref í tæknilegri getu á borð við að nota báðar lappir, stjórn á boltanum, fá boltann við hliðarlínuna og taka hann með sér.

Við lærum í þessum hóp að liðsheild skiptir ótrúlega miklu máli, allir eru hluti af sókninni og allir eru hluti af vörninni. Það er bannað að sparka frá marki, við spilum alltaf í lappir og meðfram jörðinni. Við reynum að kenna hópnum að bera ábyrgð ásamt því að vera hugrakkir og óhræddir við að skapa sjálfir. Við berum alltaf virðingu fyrir liðsfélögum, andstæðingum og dómurum.

FRAMUNDAN ER FARSÆLT KOMANDI ÁR

Petar Mudresa Bragi Már, Kristófer Bjarki, Arnar Harris

Höttur þakkar stuðninginn á árinu:

SKARPHÉÐINN SMÁRI ÞÓRHALLSSON

[ 37 ]

5. FLOKKUR KVK Hér höfum við 19 stelpur og innan flokksins er stór hópur sem mætir vel á æfingar. Leikirnir fara í þessum flokki úr 5 manna bolta yfir í 8 manna og mikið sem þarf að læra taktískt séð. Þetta kallar á mikla þjálfun í staðsetningum, leikmannastöðum og heildar mekanisma leiksins. Þessi aldur er eins og svampur þegar kemur að tæknilegri þjálfun og þar af leiðandi leggjum við mikið upp úr því á æfingum.

Við setjum lærdóm og fræðslu í fyrsta sætið þegar við stígum á völlinn, úrslit eru í öðru sæti. Við spilum í lappir frá síðasta leikmanni, hjálpumst að, spilum í þríhyrningum og reynum alltaf að taka bestu ákvörðunina. Einblínum á þróun einstaklingsins og liðsins.

Hópurinn spilaði í fyrsta sinn á Íslandsmóti og viljum við hvetja þær áfram til að mæta á æfingar, njóta þess að spila knattspyrnu og læra.

Björg Gunnlaugsdóttir Jana Radovanovic, Hrafnildur Eik, Brynhildur

[ 38 ]

og ráðgjöf

Gleðilegt nýtt fótboltaár!

5. FLOKKUR KK Flokkurinn hefur 21 leikmann innanborðs og eru langflestir gríðarlega duglegir að mæta. Stærsti lærdómur flokksins er án vafa að læra að keppa og hvað fylgir því. Læra að vinna, læra að tapa, læra af mistökum og læra af velgengni. Leikirnir fara í þessum flokki úr 5 manna bolta yfir í 8 manna og mikið sem þarf að læra taktískt séð. Þetta kallar á mikla þjálfun í staðsetningum, leikmannastöðum og heildar mekanisma leiksins. Þessi aldur er eins og svampur þegar kemur að tæknilegri þjálfun og þar af leiðandi leggjum við mikið upp úr því á æfingum.

Gleðileg jól Óskum viðskiptavinum og Austfirðingum öllum Gleðilegra jóla og farsældar á nýju ári.

Þjálfarar hópsins hafa lagt mikla vinnu í að kenna krökkunum gildi félagsins. Við minnum þá að vera góðir liðsmenn, styðja við hvorn annan og ekki kenna öðrum um. Það er mikilvægt að taka ábyrgð á sínum eigin gjörðum. Við setjum lærdóm og fræðslu í fyrsta sætið þegar við stígum á völlinn, úrslit eru í öðru sæti.

Við spilum í lappir frá síðasta leikmanni, hjálpumst að, spilum í þríhyrningum og reynum alltaf að taka bestu ákvörðunina.

Einblínum á þróun einstaklingsins og liðsins.

Hópurinn spilaði í fyrsta sinn á Íslandsmóti.

Kristófer Einarsson Eyþór Atli og Kristófer Bjarki Bílaverkstæði Austurlands

[ 39 ]

4. FLOKKUR KVK 3. FLOKKUR KVK Í flokknum eru 21 stelpa sem er mjög gaman að fylgjast með og þjálfa. Það eru margar efnilegar stelpur í flokknum sem eru alltaf til í að læra eitthvað nýtt og meira. Það sem er enn dýrmætara er hversu frábærar manneskjur þessi hópur virðist ætla að verða!

Við erum dugleg að minna hópinn á að vera góðir liðsfélagar og fylgja okkar gildum. Stelpurnar eru að taka næsta skref í botanum, að fara úr 8 manna bolta í 11 manna bolta með öllu tilheyrandi. Það er ekki nóg að vita hvernig á að senda bolta, taka á móti honum og skjóta, það er líka mikilvægt að hugsa hvað er næsta skref, hafa leikskilning og taka réttar ákvarðanir. Þetta er frábært skref fyrir þær að taka og krefjandi (á góðan hátt) bæði fyrir stelpurnar og þjálfara.

Flokkurinn er fámennasti hópurinn í yngri flokkum en í honum eru fjórar gríðarlega duglegar stelpur. Við dáumst að þessum stelpum og virðum fyrir það að mæta alltaf á æfingar og hafa tekist að komast svona langt, hvort sem það er snýr að því að spila fótbolta eða hugarfarið á æfingum! Við höfum ótal dæmi um að þessar stelpur taki auka skref til að verða betri í fótbolta, þær hafa frábært hugarfar sem mun koma þeim langt í hverju sem þær taka sér fyrir hendur í lífinu. Þessar stelpur er FRÁBÆRAR fyrirmyndir fyrir yngri iðkendur og eru þær allar þáttakendur í hæfileikamótun KSÍ!

Ljuba Radovanovic

Iðkendur æfa til að læra, æfingar eiga að vera erfiðar með áherslur á andlega OG líkamlega þáttinn. Tæknilegar æfingar og leikskilningur. Hópurinn lærir að spila til að keppa, við viljum alltaf vinna en við megum ekki gleyma okkar gildum í kjölfarið. Fótbolti á alltaf að vera skemmtilegur.

Ljuba Radovanovic

[ 40 ]

Höttur þakkar stuðninginn á árinu:

4. FLOKKUR KK Það er gleðilegt að í flokknum eru 18 leikmenn sem hafa æft saman í mörg ár og njóta þess að spila saman fótbolta. Þessi aldur er mikilvægur og krefjandi á sama tíma. Strákarnir eru að læra að hugsa og taka réttar ákvarðnir með og án bolta. Það er áskorun að færa sig úr 8 manna bolta í 11 manna bolta, þar sem meiri áhersla er lögð á tækni frekar en hlaupagetu. Æfingarnar verða alltaf flóknari og flóknari en eru alltaf gerðar áhugaverðar og skemmtilegar. Við viljum sífellt vera að skora á hópinn að bæta sig og læra. Það getur verið erfitt á þessum aldri að læra að takast á við mótlætið sem fylgir því að keppa en við minnum þá á að vera hugrakkir. Að gera mistök er í lagi á meðan barist er að því ná boltanum aftur í kjölfarið, það sýnir liðinu að þú sért tilbúinn að taka ábyrgð á því sem þú gerir. Þjálfarar þurfa að skilja einstaklingana í hópnum, styðja við þá ásamt því að hjálpa þeim að verða betri mannverur og fótboltamenn.

Petar Mudresa

MENNTASKÓLINN Á EGILSSTÖÐUM

Óskum íþróttafélaginu Hetti gleðilegra jóla og farsældar á nýju íþróttaári.

Fljótsdalsstöð

[ 41 ]

3. FLOKKUR KK Ísland á bjarta framtíð þegar maður sér þessa stráka spila og æfa. Í flokknum eru 14 strákar sem mæta alltaf, sama hvernig viðrar. Hópur eins og þessi er mikill innblástur fyrir þjálfara.

Nokkrir aðilar hafa komist inn í æfinga- og landsliðshópa en að okkar mati ættu þeir allir heima þar. Þeir berjast og keppa en vita að það er mikilvægt að fylgja gildum félagsins. Alltaf skal sýna öðrum virðingu. Liðsfélögum sínum, þjálfurum og dómurum. Hópurinn er að þróa með sér betri skilning á öllum sviðum: á leiknum, tíma og vellinum. Æfingarnar eru krefjandi og við erum duglegir að koma drengjunum í aðstæður þar sem þeir þurfa að hugsa hratt og framkvæma. Við spilum alltaf frá aftasta manni og þeir eru farnir að skilja vel hver þeirra staða og hlutverk er á vellinum.Við erum duglegir að minna þá á að njóta þess að spila fótbolta með öllum þeim áskorunum sem því fylgir: að vera agaður, sýna ábyrgð, vakna snemma og taka aukaæfingar.

André Solórzano

[ 42 ]

Komdu með bókhaldið til KPMG Við tökum að okkur færslu bókhalds, gerð ársreikninga og skattframtala fyrir einstaklinga, einstaklinga með rekstur og fyrirtæki af öllum stærðum og gerðum. Þú úthýsir áhyggjunum og pappírsvinnunni til okkar og hefur þannig meiri tíma til að sinna kjarnastarfseminni.

Hafðu samband við starfsfólk okkar á skrifstofum KPMG á Austurlandi í síma 545 6000 eða með tölvupósti á kpmg@kpmg.is

__

kpmg.is

Vinsælasta jólagjöfin er líka sú einfaldasta

Gjafakort Arion fást í útibúum okkar og á arionbanki.is/gjafakort