Водич за сајбер заштита

Водич за сајбер заштита За СЕКОЈ!

ВОВЕД Добредојдовте во светот на CYBERGUARD YOURSELF Интернетот не беше направен за безбедност! Иако, хакерите напаѓаат на секои 39 секунди во просек, не грижете се! Ние ве водиме на безбедната страна! Овој Водич ќе ве научи колку е лесно да применувате добри навики додека работите на Интернет за да останете безбедни. Целта е да се подигне свеста за Сајбер заканите и да се едуцираат младите како да ги заштитат своите податоци на Интернет. „Водичот за сајбер заштита” е дел од „Cyberguard Yourself”, проект на Глобал Шејперс Хабот во Скопје, развиен од Симона Јосифовска, со помош на другите амбициозни шејпери!

СОДРЖИНА ЗАШТИТИТЕ СЕ ОД ФИШИНГ НАПАДИ ПРЕПОЗНАВАЊЕТО НА ФИШИНГ ПОРАКИ МОЖЕ ДА БИДЕ ЛЕСНО, ДУРИ И КОГА СЕ ИМА ПРЕДВИД ДЕКА 94% ОД МАЛВЕРИТЕ СЕ ПРЕНЕСУВААТ ПРЕКУ ЕЛЕКТРОНСКА ПОШТА. ВО ОВОЈ ВОДИЧ, ЌЕ НАУЧИТЕ ШТО Е ФИШИНГ, КАКО ДА ПРЕПОЗНАЕТЕ ПОРАКА НАМЕНЕТА ДА ВЕ ИЗМАМИ И КАКО ДА ГО ПРИМЕНИТЕ ЗНАЕЊЕТО.

ЗАШТИТИТЕ СЕ ОД ЗЛОНАМЕРНИ РЕКЛАМИ И АДВЕРИ ЕДНА НА СЕКОИ 100 РЕКЛАМИ НА ИНТЕРНЕТ, ИМА ИЗМАМНИЧКА ИЛИ НАРУШУВАЧКА НАМЕРА. НО, БЕЗ ГРИЖИ. ВО ОВОЈ ВОДИЧ ЌЕ НАУЧИТЕ КАКО ДА ИЗБЕГНЕТЕ ДА КЛИКАТЕ НА ЗЛОНАМЕРНИ РЕКЛАМИ. ЌЕ ДОБИЕТЕ ОСНОВНИ ИНФОРМАЦИИ ЗА ЗЛОНАМЕРНОТО РЕКЛАМИРАЊЕ И АДВЕРИ, И ЌЕ СЕ СТЕКНЕТЕ СО БАЗИЧНО ЗНАЕЊЕ КАКО ДА СЕ ЗАШТИТИТЕ ОД НИВ.

ЗАШТИТИТЕ ГИ ВАШИТЕ КРЕДЕНЦИЈАЛИ ПОСТОИ КОЛЕКЦИЈА НА МИЛИЈАРДА КОРИСНИЧКИ ИМИЊА И ЛОЗИНКИ, СОБРАНИ ОД БАЗИ НА ПОДАТОЦИ. ВО ОВОЈ ВОДИЧ ЌЕ НАУЧИТЕ КАКО ДА ПРОВЕРИТЕ ДАЛИ ВАШЕТО КОРИСНИЧКО ИМЕ И ЛОЗИНКАТА СЕ УКРАДЕНИ И ШТО ДА НАПРАВИТЕ АКО СЕ. ЌЕ НАУЧИТЕ КАКО ДА КРЕИРАТЕ КОМПЛЕКСНИ ЛОЗИНКИ НА ЕДНОСТАВЕН НАЧИН И ЌЕ СЕ СТЕКНЕТЕ СО ОСНОВИ ЗА ПРАВИЛНО ЧУВАЊЕ НА ЛОЗИНКИТЕ.

ЗАШТИТИТЕ СЕ ОД ФИШИНГ НАПАДИ Приказна 1: Мојот пријател неодамна доби електронска пошта од Нетфликс. Во пораката се бараа негови податоци, бидејќи од компанијата имале некои проблеми. Пријателот беше замолен да стисне на линк за да си го ажурира профилот на Нетфликс.

Што мислите, што не е во ред со оваа електронска порака? Ајде да дознаеме

UPDATE ACCOUNT NOW

ЗОШТО ФИШИНГ НАПАДИТЕ СЕ ВАЖНИ? Речиси секој од нас, барем еднаш, добил фишинг порака. Можеби некој од вас ја игнорирал, но сигурна сум дека повеќето имаат дадено лични информации, бидејќи верувале во легитимноста на пораката. Фишинг нападите се рангирани во првите 5 места на листата за Cybersecurity закани за 2020 година Тие напади стануваат се пософистицирани и затоа е важно како да препознаете лажна порака.

ШТО Е ФИШИНГ? Фишинг се користи за нелегално придобивање на доверливи/сензитивни информации од луѓето. Фишингот е тип на напад на социјален инженеринг, кој се користи за придобивање на информации, како кориснички имиња, лозинки, броеви на кредитни картички, кои подоцна се користат за злонамерни цели. Спеар фишинг е форма на фишинг, каде пораките изгледаат „пореални“. Спеар фишинг е уникатна форма на фишинг каде пораките се направени така што изгледаат дека се испратени од некого кого познаваме и на кого му веруваме.

КАКО ДА СЕ ПРЕПОЗНАЕ ФИШИНГ ПОРАКА?

1.1 Проверeте кој е испраќач на пораката. Дали го познавате испраќачот? Секогаш верифицирајте ја електронската адреса за да го потврдите идентитетот на испраќачот. Понекогаш, само поради тоа што во електронската порака е прикажано име на некоја позната организација или на човек, не значи дека пораката потекнува од нив.

КАКО ДА СЕ ПРЕПОЗНАЕ ФИШИНГ ПОРАКА? Проверeте печатни грешки во елктронската адреса на испраќачот. Можеби адресата на вашиот пријател

Microsoft: online.support@nricrosotf.com

е friend@friendsforever.com, но добивте електронска порака од firend@freindforevar.com.

Се надевам дека ја забележавте разликата, ако не, прочитајте ги и споредете ги уште еднаш електронските адреси погоре.

DHL: deilvertuday@deliver.today.com

Your Bank: Accounting.bank@yorubenk.biz

КАКО ДА СЕ ПРЕПОЗНАЕ ФИШИНГ ПОРАКА? ПРЕПОРАКА ! Ако добиете сомнителна порака на социјалните мрежи (Facebook, Instagram) проверете го профилот на испраќачот. Направете истрага, проверете ги последните активности, пријателите..., реален ли е профилот? ! Сепак, имајте предвид дека можеби профилот на испраќачот е хакиран, па ако нешто е чудно, контактирајте го тоа лице/организација на друг канал.

This Photo by Unknown Author is licensed under CC BY-SA-NC

КАКО ДА СЕ ПРЕПОЗНАЕ ФИШИНГ ПОРАКА?

1.2 Прочитајте ја пораката внимателно. Има ли нешто чудно? Твојот пријател нема да те прашува лични прашања преку електронска пошта! Обично, легитимните организации, или луѓето со кои што сте во контакт, нема да ви бараат сензитивни податоци преку електронска пошта. Поздравувањето во пораката открива многу важни информации. Тој што ви бара сензитивни податоци, сигурно нема да ви се обрати со „Драг купувачу...“

КАКО ДА СЕ ПРЕПОЗНАЕ ФИШИНГ ПОРАКА? Внимавајте на пораките кои бараат итна акција од вас! Најчесто хакерите бараат да преземете итна акција, како „Забележани се сомнителни активности на вашиот профил, притиснете ТУКА за да ја промените лозинката што е можно поскоро”. Или „Ажурирајте го вашиот профил за да може повторно да гледате Нетфликс”.

КАКО ДА СЕ ПРЕПОЗНАЕ ФИШИНГ ПОРАКА? ПРЕПОРАКА ! Запомнете: Ако не сте сигурни дали предупредувањето во пораката е лажно или вистинско, јавете се во организацијата/на лицето за да потврдите. Никогаш не ги користете контактите кои се наоѓаат во самата порака – посетете ја официјалната веб страница. ! Запомнете: Ништо не е итно. Ако нешто е итно, сигурно ќе бидете контактирани на сите можни начини.

This Photo by Unknown Author is licensed under CC BY-ND

КАКО ДА СЕ ПРЕПОЗНАЕ ФИШИНГ ПОРАКА?

1.3 Внимавајте на линковите и прикачените документи Линковите во пораките може да бидат многу опасни. Секогаш размислете два пати пред да стиснете на линк или пред да спуштите некој прикачен документ. За да проверите кон каде ве води линкот во пораката (слика десно), со стрелката покријте го линкот, но не притискајте! Во долниот лев агол на екранот ќе забележите адреса. Прочитајте ја внимателно и

КАКО ДА СЕ ПРЕПОЗНАЕ ФИШИНГ ПОРАКА? Доколку ја проверувате вашата електронска пошта/добиете порака преку/на мобилен телефон, едноставно покријте го линкот и држете неколку секунди. Тогаш ќе ја добиете адресата – копирајте ја и прегледајте ја.

КАКО ДА СЕ ПРЕПОЗНАЕ ФИШИНГ ПОРАКА? Прикачените датотеки може да ја нарушат безбедноста. Кога станува збор за нив, хакерите можат да бидат навистина креативни. Обично, содржат инфектирани документи, или линкови кои водат до лажни страници со цел да се придобијат лични податоци. Внимавајте на прикачените датотеки со екстензии како што се .exe, .scr, and .zip. Размислете логично: Без потреба не добивате прикачени датотеки. Јавете се и проверете дали организацијата/личноста ја испратила датотеката.

КАКО ДА СЕ ПРЕПОЗНАЕ ФИШИНГ ПОРАКА? ПРЕПОРАКА ! Постојат многу филтри и скенери кои ќе ги стопираат сомнителните пораки. Внимавајте! Сепак хакерите постојано создаваат нови алатки за да ја преминат заштитата.

ПРИМЕНЕТЕ ГО ЗНАЕЊЕТО Назад кон Приказната 1: Можете ли да одговорите: Што е чудно со електронската порака од Нетфликс? Адресата на испраќачот: испратена е од account.netfliix.bid Пораката: Се бараат детали за плаќање, а ве поздравуваат со „Здраво клиенту” Притиснете на “UPDATE ACCOUNT NOW” и проверете дали ќе ви се отвори страницата на Нетфликс... Слободно притиснете...

UPDATE ACCOUNT NOW

ЗАШТИТИТЕ СЕ ОД ЗЛОНАМЕРНИ РЕКЛАМИ И АДВЕРИ Приказна 2: Мојот пријател, додека ги читаше утринските вести на Интернет, доби важно предупредување од Adobe Flash. Пораката гласеше дека треба да го ажурира Adobe Flash во понова верзија. Тој тоа не го очекуваше, но бидејќи стануваше збор за „безбедносно ажурирање“, тој одлучи да притисне „ОК“. Што мислите, има ли нешто чудно во оваа порака? Ајде да дознаеме

ЗОШТО РЕКЛАМИРАЊЕТО НА ИНТЕРНЕТ Е ВАЖНО? Рекламите на Интернет не бомбардираат постојано. Интернетот стана најбезбедното место за инвестирање во реклами. Зошто? Бидејќи корисниците поминуваат голем дел од времето онлајн, па тоа стана нешто како ловење во езеро полно со риби. Популарните работи на Интернет ги привлекуваат хакерите, па така тие се обидуваат да ја искористат секоја слабост. Сепак, не секоја реклама е измама.

ШТО СЕ ЗЛОНАМЕРНИ РЕКЛАМИ? Злонамерно рекламирање (Анг. Malicious + advertising = malvertising) е практика на користење на онлајн рекламите за да се шири малвер, дури и на „безбедни“ страници. Тоа е само еден метод на испорака на злонамерен код. Хакерите или инјектираат злонамерен код во легитимна реклама, или креираат лажна реклама и ја дистрибуираат преку мрежите за рекламирање.

ЗАШТИТИТЕ СЕ ОД ЗЛОНАМЕРНИ РЕКЛАМИ Преку злонамерно рекламирање, малверите можат да бидат спуштени на вашиот систем, само преку отворање на инфектирана веб страница. Во тој случај, можете да се заштитите доколку го исклучите Adobe Flash Player на вашиот пребарувач. Зошто?

Adobe Flash Player се користи за гледање на мултимедијални содржини, за извршување на „rich Internet“ апликации како и за стриминг на аудио и видео. Овој плеер сега е заменет со HTML5, но сепак сеуште сѐ користи.

ЗАШТИТИТЕ СЕ ОД ЗЛОНАМЕРНИ РЕКЛАМИ Важно е да се повлече линија помеѓу легитимна и злонамерна реклама. Доколку понудата во

Travel to abi A b u Dh 100$ = s y a d 7 Total

рекламата е премногу добра за да биде вистинска, најверојатно е лажна, дури и да потекнува од добро познат бренд. Доброкреираните злонамерни реклами обично нудат картички за подарок, специјални понуди, на кои луѓето ќе притиснат, бидејќи веруваат дека прават добра зделка. Избегнете кликање на убави, свлетликави реклами со неверојатни понуди. (како оваа на сликата десно)

Click HERE to reserve your place This Photo by Unknown Author is licensed under CC BY-NC-ND

ЗАШТИТИТЕ СЕ ОД ЗЛОНАМЕРНИ РЕКЛАМИ ПРЕПОРАКА ! Доколку имате дилема, пред да ја внесете вашата кредитна картичка за да купите нешто што сте го виделе на реклама, посетете ја официјалната страница на огласувачот, побарајте ја понудата, и ако е потребно контактирајте ги.

BUY Ticket

ШТО Е АДВЕР? Адвер (Анг. Advertisement + software = adware) е програма инсталирана на вашиот електронски уред со цел да прикаже непосакувани реклами и да генерира профит за креаторот. Иницијално, адверите не се злонамерни, но може да бидат вознемирувачки и имаат тенденција да прикажуваат т.н. поп-ап реклами и да ги пренасочат пребарувањата до маркетинг страници. Најчесто нема да сте свесни дека сте „закачиле“ адвер, бидејќи најчесто се инсталира на уредот преку спуштање на друга програма.

ЗАШТИТИТЕ СЕ ОД АДВЕРИ ПРЕПОРАКА ! За да се заштитите од спуштање на адвер на вашиот уред, внимавајте на сомнителните програми. Не спуштајте апликации од извори со лоша репутација. Едноставно истражете за апликацијата пред да ја спуштите. Доколку спуштате апликација на мобилниот телефон, проверете го рејтингот и проверете какви дозволи бара апликацијата. На пример, ако спуштате апликација за музика, не би требало да се бара пристап до вашите контактни. Тоа би било чудно, нели?

ШТО СЕ КОЛАЧИЊА? Колачиња се мали парчиња на информации кои веб страниците ги зачувуваат на вашиот компјутер. Зошто ви се потребни? – Тие ве држат најавени, ги зачувуваат преференциите на страницата и ви даваат релевантни содржини. Обично тие не ја компромитираат безбедноста и имаат одреден „животен век“ дефиниран од креаторите, така што се губат по одредено време. Сепак, постојат и т.н. злонамерни колачиња. Повеќето од нив се користат за да ги следат вашите активности и да ви прикажуваат персонализирани реклами.

ОСЛОБОДЕТЕ СЕ ОД КОЛАЧИЊАТА Постои можност да се ослободите од колачињата, но не со јадење. Од вашиот пребарувач можете да ги избришите колачињата кои претставуваат закана. За да го направите тоа, притиснете ТУКА и следете ги упатствата.

ШТО Е КЕШ? Слично како и колачињата, кешот претставува колекција на податоци спуштени за да се прикаже веб страница. Тоа обично се случува кога се отвораат веб страници кои содржат големи слики или видеа, па е потребно време да се вчита страницата. Пребарувачот ја зачувува содржината на веб страницата: сликите, видеата, итн, така што следниот пат кога ќе ја отворите истата страница, мултимедијата ќе се вчита полесно.

This Photo by Unknown Author is licensed under CC BY-NC-ND

ИЗБРИШЕТЕ ГО КЕШОТ Зошто понекогаш е добро да се избрише кешот? Бришењето на кешот ќе ослободи простор и може да ги подобри перформансите на апликацијата/уредот.

Притиснете ТУКА за да научите како да го избришите кешот од вашиот пребарувач.

ПРИМЕНЕТЕ ГО ЗНАЕЊЕТО Назад кон Приказната 2: Можете ли сега да одговорите што е чудно со пораката за ажурирање на Adobe Flash? Итноста: Се сеќавате на претходниот дел? Ништо не е итно! Пораката: Пораката е конструирана на тој начин што корисникот би се исплашил и би ја ажурирал програмата што е можно поскоро. Мојот пријател би требало да ја посети официјалната страница на Adobe и да провери дали треба да го ажурира Flash Player-от.

ЗАШТИТИТЕ ГИ ВАШИТЕ КРЕДЕНЦИЈАЛИ Приказна 3: Мојот пријател доби електронска порака од непознат испраќач со неговата лозинка. Иако тој знаеше дека пораките добиени во Спам се опасни, тој се збуни „Како е можно некој да ја знае неговата комплексна лозинка, која ја користи за најавување на една социјална мрежа?“ Што мислите, што е сомнително во оваа електронска порака? Ајде да дознаеме

ЗОШТО ЛОЗИНКИТЕ СЕ ВАЖНИ? Лозинките се првата линија на безбедност против хакерите. Тие се важен дел од безбедносниот синџир за заштита на електронските уреди, профилите и податоците. Повеќето луѓе се плашат дека нивната лозинка ќе биде злоупотребена. Сепак, тие најчесто избираат функционалност, наместо безбедност. Оттука, кога луѓето ги креираат лозинките, се потпираат на нивната меморија, бидејќи е полесно. Но, креирањето на комплекси лозинки, може да биде едноставно. Еве како...

ЗОШТО ЛОЗИНКИТЕ СЕ ВАЖНИ? Кога се креира профил на Интернет, треба да имате предвид две многу важни работи: 1. Како лозинките се зачувуваат.

2. Како да креирате комплексна лозинка.

This Photo by Unknown Author is licensed under CC BY-SA

ЗАЧУВУВАЊЕ НА ЛОЗИНКИТЕ Можеби сте креирале комплексна лозинка, но на некој начин истата се појави насекаде, стана јавна... Тогаш што се случи? Секоја страница која што ви дозволува да креирате профил, има база на податоци во која го чува вашето корисничко име и

1 word s s a p my

******

лозинката. Па кога ќе ги внесете за да се најавите на вашиот профил (на е-пошта/социјална платформа/...), вашето корисничко име и лозинката се споредуваат со тие кои што се зачувани во базата на податоци, и ако се совпаѓаат, тогаш ќе се најавите успешно, во спротивно ќе добиете порака: „Внесовте погрешно корисничко име или лозинка“.

@

kr, e J ( Fa

*********

ЗАЧУВУВАЊЕ НА ЛОЗИНКИТЕ Најнебезбедниот начин на зачувување на лозинките е во обичен текст, како во табелата: Корисничко име

Лозинка

aleksandar87

bmw440

Marija.d

df(Er,4g@st)96

translover

p@SSw0rd1234

Запомнете: Не е важно колку ви е комплексна лозинката, ако е зачувана како обичен текст, тогаш не е безбедна! Затоа, за да се зголеми безбедноста се користат алгоритми за хаширање. Со нив, претходната табела би изгледала вака:

ЗАЧУВУВАЊЕ НА ЛОЗИНКИТЕ ПРЕПОРАКИ Алгоритмите за хаширање не се во интерес на обичниот корисник. Па тогаш што треба да направите? ! Кога ќе креирате профил, бидете сигурни дека веб страницата користи HTTPS протокол. Едноставно објаснување: HTTP (Hypertext Transfer Protocol) и HTTPS (Hypertext Transfer Protocol Secure) се протоколи за комуникација, за испраќање и примање на пораки преку веб.

ЗАЧУВУВАЊЕ НА ЛОЗИНКИТЕ ПРЕПОРАКИ HTTPS протоколот се користи за безбедна комуникација. Ако веб страницата го користи овој протокол, тоа значи дека комуникација помеѓу вашиот пребарувач и веб страницата на која сте, ќе биде енкриптирана, па така хакерот дури и да ја пресретне вашата комуникација, нема да може да знае „за што зборувате“. Како да го проверите тоа? Едноставно. Ако има катанец пред името на веб страницата, тоа значи дека комуникацијата ќе биде безбедна. (пр. слика десно)

ЗАЧУВУВАЊЕ НА ЛОЗИНКИТЕ ПРЕПОРАКИ Доколку нема катанец, тоа значи дека комуникацијата не е безбедна.

ЗАЧУВУВАЊЕ НА ЛОЗИНКИТЕ ПРЕПОРАКИ ! Тестирајте! Не значи дека овој тест е секогаш 100% сигурен, но може да проверите како се зачувани вашите лозинки. Едноставно е: Следниот пат кога ќе се обидете да се најавите на ваш профил, притиснете – Ја заборавив лозинката. Потоа, најчесто, ќе бидете запрашани да внесете електронска адреса за да добиете инструкции за нова лозинка. Запомнете: Не верувајте на страница која ви ја испраќа лозинката во порака!

ЗАЧУВУВАЊЕ НА ЛОЗИНКИТЕ ПРЕПОРАКИ Доколку лозинката ви е зачувана како што треба, другата страна (банката, социјалната мрежа…) никогаш нема да ја знае вашата точна лозинка. Во тој случај треба да добиете линк за ресетирање на лозинката! (не заборавајте да ја проверите е-адреса на испраќачот и линкот)

ЗАЧУВУВАЊЕ НА ЛОЗИНКИТЕ ПРЕПОРАКИ ! Не ја користете истата лозинка за секој профил! Не знаете како се зачувувани вашите лозинки, па доколку ја користите истата за секој профил, го правите животот на хакерот полесен, бидејќи тој ќе ја искористи истата ваша лозинка за да добие пристап до сите ваши профили.

Password: Tomthecat1

Password: Tomthecat1

Password: Tomthecat1

Password: Tomthecat1

ЗАЧУВУВАЊЕ НА ЛОЗИНКИТЕ ПРЕПОРАКИ ! Избегнувајте зачувување на лозинките во пребарувачот! Полесно е да се зачува лозинката и секојпат кога ќе ја посетите посакуваната страница, само да притиснете едно копче и да се најавите. Тоа е прилично едноставно, но не е безбедно. Најдобро е да ја исклучите опцијата за автоматско најавување (Аuto sing-in OFF) во пребарувачот. Како и да ги тргнете сите зачувани лозинки.

ЗАЧУВУВАЊЕ НА ЛОЗИНКИТЕ ПРЕПОРАКИ ! Сменете ја лозинката откако ќе се најавите од друг уред кој не е ваш! Доколку ја проверувате вашата банкарска сметка од уред кој не е ваш, не заборавајте подоцна да ја промените лозинката. Зошто? Бидејќи можеби пребарувачот ќе ги зачува вашите податоци.

ЗАЧУВУВАЊЕ НА ЛОЗИНКИТЕ ПРЕПОРАКИ ! Секаде каде што имате можност, користете мултифакторска автентикација. Доколку можете да се најавите на профил и со друга опција, освен со лозинката, пожелно е да го направите тоа, а може да користите и друг уред. Сценарио: Замислете дека хакерот веќе ја има вашата лозинка и се обидува да се логира во вашиот профил. Втора стапица на која ќе наиде ќе биде, на пример вашиот отпечаток од прст. Дали тоа ќе биде лесно, најверојатно НЕ.

КРЕИРАЊЕ НА КОМПЛЕКСНА ЛОЗИНКА Доколку лозинката е безбедно зачувана, зошто е потребно да се креира комплексна лозинка? Па, хакерот може да го погоди типот на алгоритам кој се користи за зачувување на лозинките, па на тој начин да добие пристап. Сепак, доколку лозинката е комплексна, на хакерот ќе му биде потребно подолго време да ја хакира! Можеби и години, па најверојатно ќе се откаже!

Лозинка t8” 7 G f ) o Wo,n6D

КРЕИРАЊЕ НА КОМПЛЕКСНА ЛОЗИНКА Што се смета за комплексна лозинка? Што подолга – тоа подобро (min. 12 карактери)! Постојат неколку правила кои е лесно да се следат – креирањето на комплексна лозинка може да е едноставно.

1.

Размислете на некоја фраза што ќе ја помнете.

2.

Користете букви и бројки.

3.

Додадете специјални карактери.

КРЕИРАЊЕ НА КОМПЛЕКСНА ЛОЗИНКА ПРЕПОРАКИ

Книга на лозинки

! Не заборавајте, никогаш не ги запишувајте лозинките на лист поставен на видно место! (вашиот партнер или некој хакер може да ви ја дознае лозинката) Доколку не можете да смислите комплексна лозинка користете алатки за безбедно менаџирање на лозинките како што се KeePass или PassKeep. ! Имајте предвид дека хакерот знае дека може да користите @ наместо a, $ наместо s и 0 наместо o.

Facebo ok Iloveyo : u Twite r: (ne7F, [op6

: Udemy 0 02 pappy2 dIN: Linke 6,dv3 e9 No^v

КРЕИРАЊЕ НА КОМПЛЕКСНА ЛОЗИНКА ПРЕПОРАКИ ! Колку често треба да ја менувате лозинката? Препорачливо е често (пр. еднаш на 2-3 месеци), но имајќи предвид дека тоа не е функционално (замислете 5 различни комплексни лозинки, за 5 профили), Микрософт повеќе не форсира често менување на лозинките. Запомнете: Ако некој добие пристап до вашиот профил, прво променете ја лозинката и контактирајте го центарот за поддршка. Дополнително консултирајте се со специјалист за сајбер безбедност.

ПРИМЕНЕТЕ ГО ЗНАЕЊЕТО Назад кон Приказната 3: Можете ли да одговорите што е сомнително во пораката која што ја доби мојот пријател? Зачувување на лозинката: Социјалниот медиум каде што мојот пријател има профил, не ги зачувувал лозинките како што треба. Електронската порака: Пораката е конструирана така што корисникот може да се исплаши и да плати за да се „зачува“ приватноста.

ПРОВЕРЕТЕ ДАЛИ ВАШАТА Е-АДРЕСА Е КОМПРОМИТИРАНА Се запрашувате дали вашите податоци се јавно достапни? Проверете! Притиснете ТУКА.

Haveibeenpwned е популарна страница за проверка дали вашето корисничко име и лозинка се компромитирани. Доколку се ќе ја добиете оваа порака:

Доколку не се ќе ја добиете оваа порака:

ЗАКЛУЧОК Кога станува збор за сајбер безбедност, неколку страници не се доволни! Во претходните делови, ви понудивме основа за сајбер заштита. Ве воведовме во фишингот, злонамерните реклами и навлеговме во светот на лозинките. Се очекува од овој Водич да добиете базично знаење за креирање на комплексни лозинки, како и да знаете да го исчистите „ѓубрето“ од вашите пребарувачи, а со тоа ви ја подигнавме свеста да не верувате во сите пораки кои ги добивате електронски. Да бидеме искрени, доколку сакате да користите Интернет, во даден момент, мора да дадете податоци, НО барем правете го тоа свесно! Сајбер нападите стануваат пософистицирани, и вие не можете да го следите секој нивни чекор, затоа, обидете се да немате интеракција со нешто што е злонамерно.

СЛЕДЕТЕ НЕ Глобал Шејперс Скопје Хабот се состои од млади и амбициозни индивидуи кои се посветени на креирање на позитивни промени во заедницата.

Посетете ја нашата веб страница како и следете не на социјалните платформи!