Kyrkjeblad for Skjåk og Nordberg - sommar 2025

Page 1


KYRKJEBLAD

Skjåk og Nordberg

Messeplan

Juni 2025 - oktober 2025

Sundag 6. juli

kl. 11.00 Nordberg kyrkje. Messe med barnedåp

Tysdag 29. juli

kl. 18.00 Olsokmesse i Lomskyrkja. Felles for Skjåk og Lom

Sundag 3. august Kyrkjelydstur til Gubhagesetra i Finndalen. Nærare informasjon kjem.

Sundag 17. august kl. 12.00 Gamle Garmo kyrkjetomt Felles for Skjåk og Lom

Kyrkjelege seremoniar:

Kyrkjeblad for Skjåk og Nordberg

Laurdag 30. august kl. 16.00 Nordberg kyrkje. Samtalemesse og konfirmantjubileum

Sundag 7. september kl. 11.00 Nordberg kyrkje. Konfirmasjonsmesse.

Sundag 14.september kl. 11.00 Skjåk kyrkje . Konfirmasjonsmesse.

Sundag 28. september kl. 11.00 Nordberg kyrkje. Hausttakkemesse

Sundag 5. oktober kl. 11.00 Skjåk kyrkje

ANDAKTER PÅ SKJÅKHEIMEN:

Tysdag 26. august kl. 11.30 Tysdag 30.september kl .11.30

Dåp/ Konfirmasjon/ ta kontakt med kyrkjekontoret på epost: kyrkjekontoret@skjaak.kommune.no eller tlf 909 56 437

Vigsel tlf.909 56 437

For å melde dødsfall og gjere avtale om gravferd: ring kyrkjeverje tlf 971 61 560 eller arnborg.teigum@skjaak.kommune.no

MED ATTERHALD OM ENDRINGAR

Fylg med på heimesida vår www. skjaak.kyrkja.no, Skjåk kommune sin kalender eller på facebook-sida vår, Skjåk kyrkjelege liv. www.nettkirken.no og www. kirken.no er åpen for alle, alltid.

Skjåk kyrkjelege liv www.skjaak.kyrkja.no

Blomefonda i Nordberg og Skjåk

Det er alltid lagt ut liste til Blomefond ved alle gravferder.

Tlf. nr. eller SMS: 909 56 437 / 948 62 267 eller e-post til: arnborg.teigum@ skjaak.kommune.no / kyrkjekontoret@ skjaak.kommune.no

Kontonr. NORDBERG BLOMEFOND 2085.64.37400 eller Vipps 141543

Kontonr. SKJÅK BLOMEFOND 2085.64.32409 eller Vipps 141547

Kom gjerne innom kyrkjekontoret for kontant betaling. Om du nyttar vipps, MÅ du skrive på meldinga kven det er til, og kven som skal stå på lista, om du ikkje ringer. Dette fordi i informasjonen vi får frå vipps, berre står kven som har betalt.

Nordberg og Skjåk Sokn

Skjåk kyrkjelege fellesråd Kommunehuset

Moavegen 30, 2690 Skjåk

Kontoradresse: Skjåk Energi

Moavegen 28 A, 2690 Skjåk epost: kyrkjekontoret@skjaak. kommune.no

Skjåk kyrkjelege fellesråd er ope kvar dag kl. 10.00-14.00

Mobil: 909 56 437 / 948 62 267

Kyrkjelydsekretær

Kari Ørjasæter kari.orjaseter@skjaak.kommune.no

Kyrkjeverje

Arnborg Teigum tlf: 948 62 267 / 971 61 560 arnborg.teigum@skjaak.kommune.no

Kyrkjetenar Skjåk

Amund Hånsnar, tlf: 913 89 051 a-haansn@online.no

Kyrkjetenar Nordberg

Per Øyvind Ørjasæter, tlf 95292912 e-post korjaset@outlook.com

Kyrkjetenar har kontortid etter avtale.

Organist

Eirik Matias Urdi, tlf: 993 67 323 eirboe@gmail.com

Trusopplærar

Endre Skjåk, tlf: 901 35 738 endre.skjaak.@skjaak.kommune.no

Leiar i Skjåk kyrkjelege fellesråd: Siv Jorunn Welve tlf: 415 24 571 sjw_886@hotmail.com

Kyrkjebladredaksjonen: 909 56 437 kyrkjekontoret@skjaak.kommune.no Abonnere på kyrkjebladet

Innanbygds: Friviljug kontingent

Utanbygds: Kr. 200,- pr. år

Kontonr: 2085.07.45170

Vipps: 760974 - Merk «Kyrkjeblad»

Framside: Frå markeringane 8. mai. Foto: A. Hånsnar og K. Ørjasæter

Takk for meg! Soknepresten

Nokre gonger i livet vert vi kasta rundt utan at vi har kontroll og styring over det som hender. Ein ting eg ikkje har styring over er alderen min. Eg har no vorte 70 år gamal. Eg hadde nokre runder med bispedømekontoret og fekk høve til å være prest her i Skjåk i eit år til. Men etter påske vart eg sjuk, og fekk ei lang sjukmelding. Dette hadde eg heller ikkje kontroll over. Det var ei vanskeleg periode for meg, og prosessen med å verte frisk att førte til at eg valde å pensjonere meg.

Eg har hatt mange gode år som prest her i Skjåk og i NordGudbrandsdalen. Eg har møtt mykje folk, og eg er særs takknemleg for alle dei gode møta med folk. Nokre møte har vore krevjande, og eg skal innrømme at til tider er det å være prest ei krevjande stilling; der heile meg må være til stades i situasjonen. Men med god støtte både frå folk og frå Gud, så har det gått bra.

Eg utdanna meg til prest i vaksen alder, og kom til Skjåk fyrste gongen i 2004. Da var eg 49 år gamal, og heilt nyutdanna. Eg var prestevikar her i eit år. Etter eit år fekk eg stilling som sokneprest i Rødtvet i Oslo, og var der i 4,5 år. Då fekk eg stilling som prostiprest og fjellprest her i NordGudbrandsdalen, og eg busette meg i Skjåk i saman med kona mi Jorunn. I 2012 fekk eg stillinga som sokneprest i Skjåk, og eg har vore prest her fram til no.

Det å være prest, teolog, og forkynnar er eit yrke og eit fag der ein ikkje kan la vere å utvikle seg. Då stoppar det opp. Eg har studert vidare, og eg har øvd meg i å forkynne på best mogleg vis. Der har andaktene på Skjåkheimen vore ein fin arena, der eg alltid har forkynt den kristne bodskapen utan manus. Då er eg mykje meir fri, og eg kan ause av kunnskap og erfaring eg ber med meg. Og med åra så vert jo mengda av kunnskap og erfaring større og større, så det å ha nokre år på baken

som prest er godt for den faglege og praktiske utviklinga av prestetenesta.

Eg har starta ei ny epoke i livet mitt, og eg veit ikkje kor vegen går vidare. Det veit berre Gud. Eg bur her i Skjåk, og eg trivst godt, så får eg sjå kva som skjer…

Takk for meg!

Din verkstad i Skjåk Tlf: 61 21 36 70

Skjåk

Da er plutseleg tida komen og summaren er vonleg ikkje langt unna. Midtsumar kan vere vakraste tida på året. Alt vaknar og gror og variasjonane i grønfargar er nesten uendelege.

Heldige er oss som bur på ein slik stad og kan vere tett på naturen. Fylgje omskiftingane rundt oss i det daglege.

Vi har nyleg markert frigjeringsjubileet ei heil veke. Eit samarbeid med skulen, kommunen, FN-veteranar og andre gode medhjelparar, gjorde gjennomføringa av veka særs vellukka. Fredsmarsjen 8. mai vart gjennomført med stor deltaking av alle skulelevane. Marsjen gjekk på flaumvollen og ved Dagsturhytta song 1.-4. klasse fleire songar. 5.-7. hadde kledd seg frå den aktuelle tidsepoka 19401945 og 8.-10. klasse hadde appellar som vart framført ved biblioteket. Is og binders til alle som fullførte marsj.

Stig Aaboen held foredrag på skulen og på Kraftverket om Fieldfarehytta, same kvelden fortalde Nils Arne Flaten historia om bygging av flyet som var nytta under innspelinga av spelefilmen ”Into the White”. Bjørn Dalen og Stein Grjotheim hadde stelt i stand ei minneutstilling som stod på Kraftverket denne veka. Mykje folk var innom og såg den.

På markeringa ved minnestøtta i Nordberg var det i år Kari Helene Partapouli som la ned krans og held ei god tale med viktige påminningar til oss alle om kva som skjer rundt omkring i verda. FN veteranar både frå Lom og Skjåk tok del som æresvakter som er med å skapar ei verdig ramme rundt arrangementet. Lom og Skjåk Brass er og ein sikker medhjelpar på dette arrangementet. Endre Skjåk leia programmet på same stødige måte som vi er kjent med.

Dagleglivet byr på motgang og medgang og i tillegg har det vore mykje motvind i overført tyding i vår .

Vår kjære sokneprest Kåre, har valgt å starte neste kapittel i livet sitt, som omhandlar å vere pensjonist frå 1. juni. Synd for oss, men slik er livet. Nokre kjem og andre går, men vi har eit håp om å kunne nytte han i ymse

høve lell. Er det nokon som er klar over at vi treng friviljuge, så er det Kåre og i den ”banken” er det både plass og bruk for mange fleir. Hamar bispedøme som er soknepresten sin arbeidsgjevar, skal lyse ut stillinga med søknadsfrist i august, om ting skjer etter planen.

Prestesituasjonen i NordGudbrandsdal prosti er ikkje berre enkel å få til å gå i hop. Difor er det heilt klart at det vert ein annleis sumar, men vi gjer så godt vi kan. Skal du ha arbeid i kyrkja må ein vere løysingsorientert og kunne snu seg ”kvasst” rundt.

Det har vore utfordringar i vår med kjølerommet på bårehuset og vatnarvatnet på Nordberg kyrkjegard. Det er eit stort behov for midlar, for at alt dette skal gå rundt.

Nå har heldigvis arbeidet med å vøle taket på Skjåk kyrkje starta opp. Nå framover vert alle spon som er dårlege, skifta ut. Nye spon, som kjem på etter kvart, har vakse seg til i Bråtå, vore i Lom ei tid og ”øksa” på staden. Seinare på hausten, når tida er moden for det, vert kyrkja tjærebreidd med tyri, denne og frå Skjåk. Så ein kan med handa på hjartet stå inne for at det er stuttreist råstoff som vert nytta til vøling og vedlikehald på Skjåk kyrkje.

Likeins så vert jordbingane på kyrkjegardane flytta utanfor hafeilla. Det er da eit håp om at dei som ferdast på kyrkjegarden kan ta med seg jord og planterestar å legge dei der, iallfall ikkje sleppe det ned i søppelet. Ein kan spare seg for mykje ekstraarbeid ved å leggje plast, søppel og jord på tilviste plassar.

Rakardugnad med godt frammøte var i byrjinga av mai.

Samstundes med dugnad i Nordberg, så starta Øystein Tofte og Elias Sperstad på vedlikehald av minnestøtte. Pussa og måla. Så nå er det klåre, friske fargar og støtta var klar til 8. mai. Dette var eit skikkeleg fint stykke arbeid, som er minnestøtta verdig. Ein stor takk for at dette arbeidet vart gjort!

Tårnagent med mange engasjerte agentar og dokkedåp, Nordberg kyrkje i mai.

4. juni gjekk hadde vi årets konfirmantbryllaup der to av dei lova kvarandre evig venskap. Bodsmansbøna, seremoni i kyrkja, kvek toradermu-

sikk, festpynta - både konfirmantane og kyrkjestugu - rumgraut - spekemat og kake til dessert. Blanda med informasjon om gamle tradisjonar og skikkar.

Ein ting som er sikkert, er at ingen dag er lik når ein har sitt virke som tilsett i kyrkja.

Måtte dykk alle få ein god sumar, om du er her eller der.

Til slutt vil eg dele eit dikt frå boka Konfirmasjon til alderdomen skrive av poet Åsmund Bjørnstad som fylte 70 i vår. Denne diktsamlinga omhandlar det å bli tilårskomen og møte «alderdomssjokket», slik Bjørnstad sjølv formulerer det, med meir refleksjon, åndelege betraktningar, alvor og humor. Han etterlyser ei ”oppskrift” for dei eldre, som på livets haust trår inn i eit nytt tilvære. Det er ein ny kvardag utan arbeidslivets faste rammer og med ei aukande kjensle av avmakt. Denne endringa er ein livsrite verdig. Bodskapet vert tydeleg i dette diktet:

Etterlysing

Eg etterlyser ein konfirmasjon til alderdomen, ei høgtidleg handling, slik vi som unge blei signa inn i samfunnet

– til arbeidet, det vi drøymde om, og det vi levde av, til kjærleiken så sann på illusjonar, eit liv langt som ei framtid –er det på høg tid, bortom Nav-skrivet ut av samfunnet,

innan vår erfaring er avskriven, medan barneborn enno smett innom og vi, inntil vidare, nyt vår kvitvin i livskvelden, før den isande trekken frå utsida av tida

siv inn i roma vi aldri får varme, så vi krummar oss om eit liv, kort som ei fortid, er det på overtid etterlyst ein livsrite endringa verdig

Arnborg Teigum Kyrkjeverje

Nøklar og lås i Nordberg kyrkje

Kyrkjene våre er rikt utsmykka. Her finst det handverk av kunstnarleg dimensjon på så mange stader og vis. Vi freistar å vise fram litt av dette, og i denne utgåva ser vi på nøklar og lås i Nordberg kyrkje.

I 1970 vart det laga ny tropp framfor hovudinngangen. Ho vart støypt og hellelagt med Oppdalsstein, og rekkverket vart laga i smijarn av Rosings mek. Verkstad. Hovuddøra var skrøpeleg og skjemmande, og låsen i hovuddøra var slitt og dårleg. Ein mann i Skjåk hadde i det stille arbeidd med å få kjøpt inn ny lås til hovuddøra i kyrkja. Det er truleg at denne mannen var sokneprest Frøner, og at han sjølv tinga arbeidet hjå Sevald S. Forberg. Skjåk almenning gav pengar til dette føremålet. Sevald smidde ein lås med nøkkel til utstillinga i samband med 100-årsjubileet for kommunen i 1966. Nøkkelen var av bronse, massing og koppar.

Fleire personar i Nordberg sokn ynskje at den gamle og opphavelege låsen frå 1863 ikkje måtte fjernast. Argumentet var at det var eit solid og framifrå smedarbeid av Jakob Aaboen Bøye, og det hadde dei nok rett i. Johan Meyer reiste i distriktet ein mannsalder seinare, og ei teikning av nøkkelen er å finne i bokverket Fortidskunst i Norges bygder som kom ut i 1909. Meyer har altså vore ved Nordberg kyrkje, har fått sjå nøkkelen, og har teikna han av som eit døme på avansert lokal smedkunst og god formsans.

Soknerådet gjorde vedtak om å vende seg til antikvar Ove Quale om å vurdere kva som burde gjerast med kyrkja i det heile, og i tilknyting til det bestemme kva som skulle skje med dør og lås i kyrkja. Det er ikkje klart kva som vart resultatet av denne vurderinga, men det er kjent at Odd Frøner kjøpte låsen med nøkkel frå 1966, og den gamle låsen sit framleis i den gamle hovuddøra. Den originale nøkkelen er i dag å finne på kyrkjekontoret. Han er erstatta av ein nøkkel med enklare utforming. Nytt dørskilt til hovuddøra vart laga av Magne Frisvold ca. 2002.

Tekst frå heftet Nordberg kyrkje 150 åråra 1964-2014 - Stein Grjotheim.

Den originale nøkkelen frå hovuddøra i Nordberg.
Nøkkel og lås på porten i Nordberg.

Kyrkjeblad for Skjåk og Nordberg

Frå gamle kyrkjeblad - årgang 1940:

Dette er eit stykke som stod i Kyrkjebladet for Skjåk og Nordberg i mars 1940 underteikna R.Ø. Har skrive det om til eit språkform som fell seg meir naturleg i 2025

Ved ulykker og dødsfall i notid, særleg viss det skjer etter ei vegstrekning så vert det ofte lagt blomar og tent ljos. Dette med å tenne ljos og legge ned blomar har kome meir og meir etter at heile Noreg viste si medkjensle når Kong Olav døyde 17.januar i 1991.Da vart slottsplassen utover kvelden og tida etter fylt av ljos og blomar . Og etter dette har det vorte ein tradisjon ein ser over heile landet i ymse form. I tidelegare tider vart det sett opp ein tre kross ,som symbol for å heidre dei som har omkome på ymse vis

TREKROSSMERKET

Det er nok ikkje berre på kyrkjegardane det er sett opp krossmerke. Det er nok andre stadar og, der dødsfall ved naturleg død eller ulykke har skjedd. På mange av desse stadane er det sett opp tre-krossar.

Det heng ein trekross på ei stor furu utafor vegen nord for gamle Heggeåsagi i Billingsdalen, over ein fjording, som ville ri burt på øya etter hestar, han datt av hesten og drukna .På krossen står det skreve med kniv: E. T. S. Hamare 1775

1 1740-åra bleiv det to lesjingar på Vollemyrbrue ,som var med på timberfløyting. Ein trekross vart sett opp, med forbokstavane på namne deira og året ulukka hende. Krossen er for lenge sidan dutte ned og er borte.

1 1736 for det ei jente frå Trondheim her i Ottadalen og selde silkety og ty med dreiselsvevnad. Dei kalla ho SilkeSigri og Silke-jenta.

Om hausten ville ho reise heim att over Lorfjellet. Det var aksion på Bakke den dagen og ho var innom der og spurde um det var nokon som ville vere med ho over til Lesja, med hest. Jau, ein som heitte Christen, baud seg til å fylgje ho over fjellet med hest. Ho var takksam for godbeinka han synte fram.

Da dei reiste frå Bakke, var det mange, særleg kvinnfolk som tykte synd i den fine- og tylege jenta, som skulle få slikt fylgje og alle fekk ein ill tanke om ulukke. Da dei kom bortover fjellet til Horungen ved Jehanshøe, skjøna ho kva han ville gjera med henne. Ho gret og bad han inderleg um å få sleppe fri, han skulle få alt ho gjekk og sto i og heile oppakninga og namne hans ville ho ikkje ta på munnen sin, men alt ho sa var til fånyttes, han drap ho. Det er sagt, at seinare fann dei liket og ein trekross vart sett opp på flekken dei trudde ho vart drepen, med årstalet 1736.

Torø Kvalheim gjekk opp i Kvalheimslie ein efta etter at det var myrkt. Ho leitte etter heimkue . Torø gjekk seg utover ein bergseta og slo seg i hel. Ein trekross vart sett opp der dei fann ho. På krossen stod det: Torø Kvalheim 1797. Krossen er burte nå.

1 1997 var det 7 timberfløytarar, som strauk med på ei

timberlunne, som losna med dei, nordafor Vollungsbrue. Ein trekross vart sett opp, men er borte nå.

Sumaren 1836 skulle Gunhild Gullbakke -rame vere budeie for Gubhage på Breistulen i Finndalen.Ho vart sjuk, så ho kunne ikkje vere med da Breistulsetringane reiste til setrane sine. To veker etter kjende ho seg så sterk og frisk at ho ville reise etter på setra. Da ho kom opp på høe ved Ørnesteinen, har ho mest truleg fått slag og dei fann ho att død.

I 1867 vart det sett opp ein trekross der dei fann ho. Tverrstykket på krossen er kvitmåla med svart inskripsjon. Ei fjøl med gangjern heng utanpå den måla skrifta. På fjøla var det innskore med kniv:

”Luk her op og se her ned, skal du se hvad her er sked.

R-K.S.Ø.”

Slår ein opp fjøla, har den måla skrifta som lye slik:

”Dette hente den 27de mai år 1836, at Gunhild Larsdatter Gullbakkeeie i Skiager, gikk fra sitt Hjem frisk, hun var alene på reisen og tanken var at vere budeie i Finndalen og at da hun kom til dette sted, endes hennes Jordiske liv og her har nedlagt sin vandringsstav og findes død og stiv i sin alder 36 år. O lader os betænke hvor hun i sin ensomhet her har Stridt sin sidste møye på Jorden.

Øygard i Skiager den 18de april 1867”

Det er ingen einskild, som har plikt til å vøle desse trekrossane , eller setja opp nye, der dei har falle ned, men kunne det ikkje vere ein tanke å leggja fram for soknerådet at dei tok seg av dette, da det er ein vakker kristenplikt å vøle-eller setje opp att slike merke der dei har falle bort?

På same staden som Gunhild Gullbakke-rame døydde var det at Heilag Olav den 21 august 1021 stana eit bel med folka sine da han vart liksom klomsa (bergteke)av det storfagre synet ein har frå der uppe, over heile hovudsoknet Skjåk, da han sa ”Det er skade at så fager ei bygd skal brennast” han slapp å brenna bygda, da folket her tok i mot kristendomen og let seg døype.

1. Kvifor feirer vi pinse?

2. Kven måla taket i det sixtinske kapell?

3. Kva er nasjonalblomane for Noreg (to stk)?

Sommarquiz

4. Er det homyggen eller hanmyggen, eller både ho og han, som stikk?

5. Reiser ljos raskast gjennom vatn eller luft?

6. Kva for planet er nærast sola?

7, Kva for hav er størst?

8. Har Noreg regnskog?

9. Kor mange oscar vann «Titanic»?

10. Kva for år scora Maradonna med handa (The hand of God)?

11. Kva for religion stammar yoga frå?

12. I kva for by vart «Anne Frank`s dagbok» skrive?

13. Kva var New York sitt tidlegare namn?

14. På eit tastatur, kva for bokstav ligg mellom Q og E?

15. Kor mange tangentar er det på eit klassisk piano?

16. Døyparen Johannes sin fødselsdag blir markert - når?

17. Kva er kyrkja sin pinsefarge?

18. Kva for 5 bokstavar gjer ein gut til ein mann?

19. Ei kvinne går 10 dagar utan å sove. Korleis er dette mogleg?

20. Kan du si namnet på tre dagar etter kvarandre utan å nemne fredag, søndag eller onsdag?

Trøndelag og -Nord

Stillehavet

Kyrkjeblad for Skjåk og Nordberg

Reglar og retningsliner for gravferder i Skjåk og Nordberg

Vedtak i Skjåk kyrkjelege

fellesråd 13.05.2025

Sak nr.16/25

INNLEIING

Når nokon av våre næraste dør, føler vi sakn, smerte og tomheit. Samstundes er det ofte litt kaotisk i og ikring oss. Korleis skal vi få ordna opp i alt? Kva må vi passe på, og kven kan hjelpe? Kyrkja har eit spesielt ansvar i ein slik situasjon, da dei aller fleste ynskjer kyrkjeleg seremoni, og gravlegging oftast skjer på ein gravplass. Kyrkja i Skjåk ynskjer å møte dei pårørande med forståing og omsorg, gjeva god rettleiing om gravferda generelt, og ei verdig gravferd for alle.

Skjåk kyrkjelege fellesråd har difor utarbeidd reglar og retningsliner for korleis ei gravferd skal administrerast og gjennomførast i Skjåk. Vonleg vil desse vera til nytte både for pårørande, kyrkja sine medarbeidarar og gravferdsbyrå.

KYRKJA SITT ANSVAR

Det er Skjåk kyrkjelege fellesråd, ved kyrkjeverje, som har forvaltningsansvaret for gravferder i Skjåk. Kyrkjeverje er den som fastset dag og tidspunkt for gravferd. Skjåk kyrkjelege fellesråd, ynskjer at gravferder skal vera nøkterne og vise den likskap som gjeld alle menneske i kyrkjerommet.

GRAVFERDSBYRÅ

Mange ynskjer hjelp av eit gravferdsbyrå til å ordne praktiske detaljar i samband med gravferda.

Det er viktig med eit ope og godt samarbeid mellom kyrkja og gravferdsbyrå, slik at dei pårørande blir ivareteke på best mogleg måte.

Når det er to aktørar som varetek oppgåvene, er det viktig at vi kjenner til kvarandre sine ansvarsområde og rollar.

I Skjåk skal sjølve gravferdsseremonien gjennomført utan medverknad frå gravferdsbyrå.

Gravferdsbyrået kjem med kiste og blomar, men trekkjer seg så attende, og har ikkje noko rolle under sjølve seremonien.

NÅR NOKON DØYR

• Dødsattest og dødsmelding

Når eit menneske døyr, må ein lege sjå

den døde og skrive ut dødsattest. Dødsfall må varslas tingretten og det må avklaras ,kven som varsla dit.

• Melding om gravferd

Gravferd skal meldast til kyrkjekontoret v/kyrkjeverje (971 61 560 / 948 62 267 )

Kyrkjeverje (eller evt. vikar) overtek nå ansvaret, og sørgjer for at prest, organist og kyrkjetenar blir varsla. Kyrkjeverje har og kontakt med gravferdsbyrå når dette er nytta. Presten tek kontakt med næraste pårørande for å avtale tid og stad for sorgsamtale.

• Sorgsamtale og minneord

Sorgsamtala må haldast så raskt som mogleg, og i god tid før sjølve gravferdsdagen. I samtale med presten kan ein søke råd og trøyst i ei vanskeleg tid, samt avtale meir konkrete ting kring sjølve gravferda.

Presten vil gjerne få innblikk i den avdøde sitt liv, som grunnlag for arbeidet med minneorda. Minneorda kan, om ynskjeleg, skrivast og haldast av pårørande, eller skrivast av pårørande og haldast av presten. Familien får tilgang til å lese gjennom minneorda på førehand.

• Gravplass, tid og stad for gravferda Gravferda skal ha funne stad innan 10 verkedagar etter dødsdagen. Kyrkjeverje har ansvar for å finne gravstad.

Gravferdsdagar i Skjåk er tysdag og fredag, men det kan opnast for gravferd på andre dagar ,viss mogleg

ANSVAR FØR

OG UNDER SEREMONIEN

Presten sitt ansvar

Presten forretta gravferd etter Den norske kyrkja sin liturgi, og er forplikta til det. Forrettande prest er ansvarleg for sjølve seremonien i kyrkjerommet og på gravplassen.

• Kyrkjetenaren sitt ansvar

Kyrkjetenaren har ansvar for at kyrkjerommet er klart til gravferda/ bisettinga, og legg til rette for prest og pårørande før og under seremonien. Det er kyrkjetenaren som tek imot kista og dei pårørande. Kyrkjetenaren skal vera til stade i kyrkjerommet/tårn under heile seremoni-

en. Vedkommande er brannansvarleg og tek praktiske avgjersler i samband med seremonien (i samråd med presten).

Ved gravferd i Skjåk kyrkje, må kyrkjetenar avklare kven som opnar kjerringdøra før gravfylgje skal gå ut Kyrkjelege tilsette viser plass i kyrkja, viss det er uoversiktleg med sitjeplassar.

Det er ikkje sitjeplassar i koret.

• Pårørande sitt ansvar

Det er dei pårørande sitt ansvar at kista blir frakta inni kyrkja. Kista skal vera på plass 1 t og 15 min. før seremonien tek til. Om gravferdsbyrå blir brukt, vil deira representant sørge for at kista kjem på plass i kyrkja. Kyrkjetenaren legg til rette for utstyr i kyrkja.

Ved gravferd er det dei pårørande som sørgjer for at det er inntil 6 personar som bêr kista ut av kyrkja og fraktar den til gravstaden. I Skjåk er det manuell senking, med tau, og det er da berarane sitt ansvar å senke kista. Ved bisetting er det tilsvarande. Det er dei pårørande sitt ansvar at kista blir frakta bort. Når gravferdsbyrå blir brukt, er det deira representant som sørger for dette.

PYNTING AV KYRKJEROMMET

Kyrkjene i Skjåk er utstyrt med det ein treng for å halde gravferdsseremoniar, og kyrkjerommet er utsmykka med nødvendig ljos, bilete og symbol. Kyrkjerommet er eit rom som inneheld element som er, og skal vera, godkjende av biskopen for bruk i kyrkja. Når ein pyntar med ljos og blomar, skal dette gjerast med omtanke. Det er kyrkja, ved kyrkjetenaren, som har ansvar for, og tek avgjersler for heilheita.

• Blomar

Blomar skal ikkje plasserast slik at dei dekkjer for altaret eller altartavla. Blomane skal leverast i kyrkjerommet, seinast 2 timar før seremoni startar Ved gravlegging skal gravferdsdeltakarane ta blomane med ut til grava, når kista blir bore ut.

Ved bisetting blir blomane, som ikkje følgjer kista, verande att inne i kyrkja. Desse blomane kan pårørande ta seg av, og for eksempel legge blomane på den ventande gravstaden. I vinterse-

Kyrkjeblad for Skjåk og Nordberg

songen vil det ikkje nødvendigvis vera brøyta fram til denne grava. Kyrkjetenaren tek seg av blomane dersom dei pårørande ikkje har gjort det.

• Bruk av levande ljos

Det blir nytta levande ljos i gravferder, og det er kyrkja sine stakar som skal nyttast.

Av omsyn til brannsikkerheit, er det derfor ikkje anledning til å setja inn ekstra oppsatsar med levande ljos. Det er organisten sitt ansvar å sløkkje alle levande ljos i kyrkja etter seremoni

GJENNOMFØRING AV SEREMONIEN

• Mottaking til seremonien

Det er kyrkjetenaren si oppgåve å ta imot familien når dei kjem med kista. Kyrkjetenaren er med og legg til rette for pynt, bilete, blomar, ljos og evt. kondolanseprotokoll i våpenhuset.

• Program

Familien har oftast trykte salmehefte, men det er og mogleg å bruke kyrkja sine salmebøker eller hefte med gravferdsalmar Blir salmebøker nytta, må kyrkjetenaren henge opp salmenummer.

Familien er ansvarleg for utdeling av program/salmebøker i våpenhuset.

• Sitteplassar

Pårørande og alle som bidreg i seremonien sit i kyrkjerommet. Plassen oppe i koret i kyrkjerommet er berre for presten, men solistar kan sitja framme

Omdet er representant frå gravferdsbyrået, skal denne sitja bak i kyrkja/ overlaup

• Blomefond

Lister til Skjåk Blomefond og Nordberg Blomefond er alltid lagt ut ved alle gravferder ,sjølv om det er ønskt gåver til andre formål. Kan gjevast på vipps Nordberg Blomefond vipps nr.14 15 43 eller konto nr. 2085 64 37400

Skjåk Blomefond vipps nr.14 15 47 konto nr. 2085 64 32409

Blomefond listene vert levert ut frå kyrkjekontoret etter gravferda er over eller etter avtale med pårørande .

Det er ope for å gjeva gåver ,fram til seremoni i kyrkja startar.

• Musikk

Det skal mest mogleg vere levande musikk i gravferder.

Det er ynskjeleg at alle salmane som blir brukt står i salmeboka.

innslag.

Dette gjeld ikkje for eventuelle solo-

Musikken som blir framført i gravferda, skal vera godkjent av prest og organist på førehand.

• Solo og solist

Er det ynskjeleg med solist i ei gravferd, er det familien sitt ansvar å skaffe og betale for denne.

Dette må avklarast med organisten før det blir teke inn i programmet.

• Ljosberarar

I Skjåk er det vanleg med to som ber ljos framfor kista når gravfølgje går frå seremoni til gravplassen Det er valfritt om ein vil nytte batteriljos eller levande ljos.

• Preludering

Organisten spelar (preludera)i 20 min før seremonien tek til (t.d. viss seremoni startar kl.11.00 preludera frå 10.35-10.55. Siste 5 min skal det vere stilt.

• Kransar og handtering av blomar Kransar, dekorasjonar ,andre blomehelsingar vert lese opp under seremoni. Oftast er det pårørande som tek hand om dette .

• Ved grava

Presten går fyrst i gravfølgjet ut til grava. Kyrkjetenaren har ansvar for at alt er klart ute ved grava til følgjet kjem. Dei som ber kista, har ansvar for at kista blir senka. Dette blir gjort med tau.

Dei i gravfølget som har med blomar/ kransar ut, legg desse på tilvist plass ved grava.

• Fotografering

Det er ikkje tillate med fotografering under seremoni i kyrkja eller på gravplassen.

• Antrekk

Alle kyrkjeleg tilsette skal vera høveleg kledd; diskré og pent.

ETTER GRAVFERDA

• Ventekors

Når grava er fylt att, set kyrkjetenaren opp eit enkelt kors med namn til den gravlagde.

Blomar frå gravferda blir lagt på grava, men sløyfer vert teke bort. Blomane blir liggjande ca. ei veke, før kyrkjetenaren fjernar dei.

Viss det etter ei tid er overflødig jord da vert dette teke bort. Kyrkjetenaren sår grasfrø på grava, når årstida gjer det naturleg

BYGNINGER OG UTEOMRÅDE

• Kyrkja og branntryggleik

Det er kyrkjetenaren som er brannvernleiar og har ansvar for branntryggleiken i kyrkja. Av omsyn til branntryggleik, skal det helst ikkje setjast inn ekstra, lause stolar i kyrkja om det kjem fleire menneske enn det er sitteplass til. Kyrkjetenaren har ansvar for at det ikkje kjem fleire til seremonien enn det brannforskriftene for den einskilde kyrkje tilseier.

Dersom familien ventar at det kjem fleire til seremonien enn det det er plass til i kyrkja, skal kyrkjeverje og prest involverast for å finne ei løysing. Når det er store gravferdsfølgje, skal nokon av dei kyrkjelege tilsette informere om rømmingsvegar før gravferda tek til.

• Bårehus

Det er eit bårehus i Skjåk , og dette skal kun brukast til oppbevaring av kistelagde. Ustelte lik og ikkje kistelagde skal ikkje oppbevarast i bårehuset.

Her vert og urner plassert ,når dei kjem frå krematoriet og fram til nedsetjing.

• Parkering

Det er ønskjeleg at ein tenkjer praktisk når ein parkerar. Det skal ikkje setjast bilar som stengjer for grind ved kyrkjene. Dette grunna branntryggleiken.

• Gravplassen

Vedtekter for gravplassane i Skjåk gjev føringar for bruk av gravplassane.

Det er festar sitt ansvar å halde grava i hevd.

Om avdøde har vore festar til grav/ graver, skal dette verte ordna i samband med gravferd.

Ved oppføring av gravminne eller påskrift av nytt namn på eksisterande gravminne, skal Skjåk kyrkjelege fellesråd søkast på eige skjema .

I tillegg til desse retningslinene, gjeld Lov om gravplass, kremasjon og gravferd (Gravferdslova), Alminnelige bestemmelser, ihht. Den norske kyrkja si Ordning for gravferd 2002, betalingssatsar fastsett av Skjåk kyrkjelege fellesråd , og dei til ei kvar tid gjeldande lovar og reglar for smittevern.

Kyrkjeblad for Skjåk og Nordberg

Barnedåp og giftarmål

1. Othelia Killi Plassen vart døypt i Skjåk kyrkje 4. mai 2025. Foreldre er Edle Plassen og Kristoffer Svendsen Killi.

2. Live Thingnes Brinchen vart døypt I Skjåk kyrkje 8. juni 2025. Foreldre er Erik Thingnes og Mari Brinchen.

3. Ella Bøe Mølmen og Kristen Haugen Dagsgard gifta seg i Skjåk kyrkje 31. mai.

Kyrkjeblad for Skjåk og Nordberg

KONFIRMANTJUBILEUM 2025

Jubileum for 50-, 60-, 70-, og 80-årskonfirmantar blir i Nordberg kyrkje laurdag 30. august kl. 16.00.

Invitasjon er sendt ut, og påmeldingsfristen er 1. august.

Konfirmantar 2025

NORDBERG KYRKJE

7. SEPTEMBER:

Elisabeth SkjåkHidemstrædet

Ørjan Fallingen

Torjus Eiesar-Moen

Line Fallingen Høiberg

Stella Agnete Blien Holand

Bjørnar Melhus Aaboen

Tonje Fallingen Stadeløkken

Merete Fallingen

Stadeløkken

Louise Skjåkødegård Malvik

POLLFOSS

HOTELL I RESTAURANT En perle mellom aust og vest 61 21 47 00 • info@pollfoss.com • Skjåkvegen 3484, 2693 Nordberg

SKRIFTHUGGEREN AS v/ Jørn Westby

Inskripsjonar og oppussing av gravminne

Tlf. 413 21 075 • post@skrifthuggern.no

Nergård Steinindustri A/S

Tlf: 71 29 98 88 • Ta kontakt med kyrkjetenarane

Alt i gravstein, innhogging, oppussing og oppsetting.

SKJÅK KYRKJE

14. SEPTEMBER:

Celina Bøhle Vemund Vang

Jenny Eiesar

Vilde Holø

Rikke Røhr Brukveen

Margrethe Sperstad Kveen

Thyra Isabel Brandsar

Ina Kolstadløkken Bergli

Rakel Krogstad

Trine Tråstad Kvålshagen

Bygd og ætt

Frå vogge til grav

NORDBERG SOKN

Ingen døde, døypte eller vigde siste mnd.

SKJÅK SOKN

Døde: Tove Rigmor Bjørnstad f. 16.10.1938 – d. 21.04.2025

Tore Lund f. 18.10.1948 – d. 20.04.2025

Torø Kveen f. 10.01.1936 – d. 02.05.2025

Anne Haave f. 16.12.1935 – d. 05.06.2025

Haldis Kvalheim f. 25.06.1940 – d. 06.06.2025

Arnstein Karsten Helø f. 14.06.38 – d. 12.06.2025

Ragnvald Roen f. 08.05.1943 – d. 15.06.2025

Ola Kvalheim f. 31.07.1937 – d. 20.06.2025

Døypte: 04.05.2025

Othelia Killi Plassen

08.06.2025

Skal du feire en stor dag?

HØYFJELLSHOTELL På Grotli tilbyr vi god plass og god mat for både små og store selskaper. +47 612 17 474 post@grotli.no

Skjåk

Gartneri AS

Tlf. 901 69 255

Fylg oss på Facebook: Skjåk Gartneri

Live Thingnes Brinchen

Vigde: 31.05.2025

Ella Bøe Mølmen og Kristen Haugen Dagsgard

Ein stor takk til dei som stillte på årets rakardugnader slik at kyrkjegardane våre vart fine til sommarsesongen!

Kyrkjeblad for Skjåk og Nordberg

Tårnagentar og konfirmantgjestebod

Når det er Tårnagenthelg utforskar borna kyrkja, klokketårnet og Bibelen. Barna utfordrar seg sjølv, menigheten og nærmiljøet med oppdrag som starter i Bibelens forteljingar! 11. mai hadde vi mange engasjerte agentar og dokkedåp i Nordberg kyrkje.

4. juni hadde vi årets konfirmantbryllaup der to av konfirmantane lova kvarandre evig venskap. Arrangmentet kan nemnast med stikkorda bodsmansbøn, seremoni i kyrkja og kvek toradermusikk, der

Gravferdshjelpa Lom og Skjåk

Båretransport • Kiste • Stell/Visning Annonsering • Salmeark • Blomar • Minnesider anne@gravferdlomogskjaak.no • tlf 957 23 671

YX Skjåk

både konfirmantar og kyrkjestugu var festpynta.

Menyen var rumgraut og spekemat

med kake til dessert, blanda med informasjon om gamle tradisjonar og skikkar.

2690 Skjåk tlf 61 21 36 00 post@interfil.no www.interfil.no

Bygger´n Skjåk, 2690 Skjåk • Tlf 61 21 38 80

2690 Skjåk • tlf 61 21 41 53 tlf 97 70 08 14 • www. turistforeningen.no/sotaseter sotaseter@turistforeningen.no

Radon i huset ditt?

Vi tar målinger. Vi gjør tiltak for å fjerne radon. Tlf.: 90 68 81 13

Tlf 61 28 45 45

Garcia Holding AS Industrivegen 82, 2690 Skjåk haral-pr@online.no Tlf: 906 88 113

Skjåk TuristheimSkeid Kro epost: sissel@skeidkro.no

Turn static files into dynamic content formats.

Create a flipbook
Issuu converts static files into: digital portfolios, online yearbooks, online catalogs, digital photo albums and more. Sign up and create your flipbook.
Kyrkjeblad for Skjåk og Nordberg - sommar 2025 by Terje Randen - Issuu