KYRKJEBLAD
Skjåk og Nordberg
Nr. 1 • April 2025 • 85. årgang
God påske!
Kyrkjeblad for Skjåk og Nordberg
Messeplan
April 2025 - juli 2025
Sundag 13. april
kl. 19.30 Nordberg kyrkje. Palmesundagsmesse med gospeltonar
Torsdag 17. april
kl. 19.30 Skjåk kyrkje.
Skjærtorsdagsmesse
Fredag 18. april
kl. 11.00 Skjåk kyrkje.
Langfredagsmesse
Laurdag 19. april
kl. 23.00 Lom kyrkje. Felles påskenattsmesse
Sundag 20. april
kl. 11.00 Nordberg kyrkje.
Påskedagsmesse
Måndag 21. april
kl. 11.30 Skjåkheimen. Messe 2. påskedag
Sundag 4. mai
kl. 11.00 Skjåk kyrkje. Messe med barnedåp
Sundag 11. mai
kl. 18.00 Nordberg kyrkje
Tårnagentmesse
Kyrkjelege seremoniar:
Laurdag 17. mai
kl. 11.00 Skjåk kyrkje. Messe på nasjonaldagen
Torsdag 29. mai
kl. 11.30 Skjåkheimen. Messe på Helgetorsdag
Sundag 1. juni
kl. 11.00 Nordberg kyrkje
Sundag 8. juni
kl. 11.00 Skjåk kyrkje. Pinsedagsmesse med barnedåp
Måndag 9. juni
kl. 11.30 Skjåkheimen. Messe 2. pinsedag
Sundag 15. juni
kl. 12.00 Bångråttjønn. Vi feirer skaparverkets dag.
Måndag 23. juni
kl. 18.00 Midtsommarmesse på Gjeilo camping
Sundag 29. juni
kl. 11.00 Skjåk kyrkje
Sundag 6. juli
kl. 11.00 Nordberg kyrkje. Messe med barnedåp
ANDAKTER PÅ SKJÅKHEIMEN:
Tysdag 29. april kl. 11.30
Tysdag 24.juni kl .11.30
Dåp/ Konfirmasjon/ ta kontakt med kyrkjekontoret på epost: kyrkjekontoret@skjaak.kommune.no eller tlf 909 56 437 Vigsel tlf.909 56 437
For å melde dødsfall og gjere avtale om gravferd: ring kyrkjeverje tlf 971 61 560 eller arnborg.teigum@skjaak.kommune.no
MED ATTERHALD OM ENDRINGAR
Fylg med på heimesida vår www. skjaak.kyrkja.no, Skjåk kommune sin kalender eller på facebook-sida vår, Skjåk kyrkjelege liv. www.nettkirken.no og www. kirken.no er åpen for alle, alltid.
Skjåk kyrkjelege liv www.skjaak.kyrkja.no
Blomefonda i Nordberg og Skjåk
Det er alltid lagt ut liste til Blomefond ved alle gravferder.
Tlf. nr. eller SMS: 909 56 437 / 948 62 267 eller e-post til: arnborg.teigum@ skjaak.kommune.no / kyrkjekontoret@ skjaak.kommune.no
Kontonr. NORDBERG BLOMEFOND 2085.64.37400 eller Vipps 141543
Kontonr. SKJÅK BLOMEFOND 2085.64.32409 eller Vipps 141547
Kom gjerne innom kyrkjekontoret for kontant betaling. Om du nyttar vipps, MÅ du skrive på meldinga kven det er til, og kven som skal stå på lista, om du ikkje ringer. Dette fordi i informasjonen vi får frå vipps, berre står kven som har betalt.
Nordberg og Skjåk Sokn
Skjåk kyrkjelege fellesråd
Kommunehuset
Moavegen 30, 2690 Skjåk
Kontoradresse: Skjåk Energi
Moavegen 28 A, 2690 Skjåk epost: kyrkjekontoret@skjaak. kommune.no
Skjåk kyrkjelege fellesråd er ope kvar dag kl. 10.00-14.00
Mobil: 909 56 437 / 948 62 267
Sokneprest
Kåre Gloslie tlf: 970 35 967 kare.gloslie@skjaak.kommune.no
Kyrkjelydsekretær
Kari Ørjasæter kari.orjaseter@skjaak.kommune.no
Kyrkjeverje
Arnborg Teigum tlf: 948 62 267 / 971 61 560 arnborg.teigum@skjaak.kommune.no
Kyrkjetenar Nordberg/Skjåk
Amund Hånsnar, tlf: 913 89 051 a-haansn@online.no
Kyrkjetenar har kontortid etter avtale.
Organist
Eirik Matias Urdi, tlf: 993 67 323 eirboe@gmail.com
Trusopplærar
Endre Skjåk, tlf: 901 35 738 endre.skjaak.@skjaak.kommune.no
Leiar i Skjåk kyrkjelege fellesråd: Siv Jorunn Welve tlf: 415 24 571 sjw_886@hotmail.com
Kyrkjebladredaksjonen: 909 56 437 kyrkjekontoret@skjaak.kommune.no
Abonnere på kyrkjebladet
Innanbygds: Friviljug kontingent
Utanbygds: Kr. 200,- pr. år
Kontonr: 2085.07.45170
Vipps: 760974 - Merk «Kyrkjeblad»
Framside: Altartavle i Nordberg kyrkje
skore av Johannes J. Odde Lom. Foto: A. Hånsnar.
Kåre Gloslie
Påska sitt mysterium! Soknepresten
Påska står for døra, og vi skal feire livet! Det livet som er gjeve oss av vår skapargud. Det er ei stor feiring, for vi feirer faktisk det mest grunnleggjande ved å vera menneske.
I påska har mange av oss lette og ljose dagar med mykje fri frå arbeid og donting. Dagar der vi verkeleg kan setje stor pris på livet vårt, og takka Gud for alt det vi har fått.
I kyrkjeleg samanheng er det trua vår på den oppstadne Jesus Kristus vi set søkjeljos på no i påska. Den oppstadne Jesus Kristus er påska si mål og meining.
Dette er jo ikkje så lett å forstå, men eg skal prøve å setje nokre ord på påska sitt mysterium.
Og da tenkjer eg det er fint å starte med det som er kjent for oss alle; og det er dåpen. I dåpen samlast dei fleste trådane ved det å vera kristen. Og eg vil prøve å nøste i nokre av desse.
Her i Skjåk er dåp ein viktig tradisjon, og vi ber mange born fram til døypefonten. Og kring døypefonten er det utruleg mykje glede hjå dei som er til stades! For vi feirer jo livet. Det nye livet representert på ein flott måte gjennom spedbornet som vert bore fram.
Men kva vil det seie reint teologisk å bli døypt? Ved å forstå dåpen i teologiske termar, så møter vi på utfordringar. Vi kan gå til Paulus’ sitt brev til kyrkjelyden i Roma og lese:
Veit de ikkje at alle vi som vart døypte til Kristus Jesus, vart døypte til døden hans? Vi vart gravlagde med han då vi vart døypte med denne dåpen til døden. Og slik Kristus vart oppreist frå dei døde ved sin Fars herlegdom, skal vi òg vandra i eit nytt liv. Har vi vakse saman med Kristus i ein død som er lik hans, skal vi òg
vera eitt med han i ei oppstode som er lik hans. Vi veit at vårt gamle menneske vart krossfest med han, for at den kroppen som er underlagd synda, skulle gjerast til inkjes og vi ikkje lenger skulle vera slavar under synda. (Rom 6,36)
Denne teksta tyder at i dåpen krossfes ter vi vårt gamle liv, og står opp til eit nytt åndeleg liv. Vi står opp til eit nytt liv i Kristus, og vi får vår kristne identitet. Vi vert født på nytt!
Og slik fortel Jesus sjølv oss kva vi må gjere for å følgje han. Vi skal føl gje Jesus opp på krossen og krossfeste vårt gamle liv. Vi må reflektere over livet vårt, og korleis vi lever det. Og neste utfordring er korleis vi kan følgje Jesus på ein god måte, for å få eit liv som gjev god meining for oss.
kar og handlingar, og da har vi mykje lettare for å finne fram til eit liv som gir oss god meining, og god verdi.
Og da har vi eit godt grunnlag for å feire sjølve livet no i påska!
2690 Skjåk Tlf 61 21 38 00 www.sken.no firmapost@sken.no
Det er ikkje lett i samfunnet vårt, for vi er opptekne med så utruleg mange ting, og vi nytter tida vår på alle våre gjeremål. For mange av oss er og ein god del av gjeremåla våre ganske så meiningslause. Kan vi ikkje heller nytte tida vår på det vi får mest att for? Ta trua vår på alvor ved å ta Jesu ord til oss?
For kristentrua finn vi ikkje lettvint på ein mental målestokk. Trua vår skal omsetjast i gode handlingar, og det er målbart. La oss sørge for at vi har det godt med kvarandre og med nesten vår; så enkelt og så vanskeleg!
Då set vi livet vårt i sentrum for tan-
No i april grønskast det overalt. Det nye livet sprett fram i naturen kring oss, og fortel oss tydeleg kva det nye livet seier oss. Det går mot ljose og gode dagar i vår og sumar, der vi kan nyte livet vårt for alt det er verd!
Eg ynskjer deg ei riktig god påske!
Kjøpesenter - alt du treng! Velkomen til triveleg handel! Skjåk Kjøpesenter
Din verkstad i Skjåk Tlf: 61 21 36 70
Vår og påske ligg rett framfor oss og dagane i det kyrkjelege livet i Skjåk er fylt opp av både gode og mindre gode dagar, slik som livet elles er.
I Skjåk kyrkjelege fellesråd har det vore val og heldigvis så tok både leiar og nestleiar attval. Siv Jorunn Welve held fram som leiar og Terje Kveen nestleiar.
Det har vore mange messer, både med og utan dåp, så langt dette året. Bollar og bok på Kraftverket med for 4 åringar. 11 stk var med på dette, eit triveleg arrangement.
Førskuleungane har pynta påsketre i kyrkjene, velkomne til kyrkje i påska for å sjå. Konfirmantane har vore på Lillehammer på leir og hatt ei felles samling i Presthaugen, der alle kyrkjekonfirmantane i Ottadalen var samla. Fokus på fasteaksjon og med felles messe i Lomskyrkja.
Det er godt at det er trivelege hendingar, folk i bygdene våre har stått i mykje usikkerheit og travalegheit kring situasjon rundt den vidaregåande skulen i Lom.
Ordet samhald har fått ei ny betydning i Lom og Skjåk, heldigvis!
Om ein ser utanfor våre eigne landegrenser, så skjer det så mykje grufullt, at det er vanskeleg å ta alt innover seg
Er det noko som overgår det meste av innsatsvilje, pågangsmot og ikkje minst lærdom, så er det serien som har gått om Team Pølsa. Det kan ikkje vere nokon, som ikkje har vore råka av sterke kjensler ved å fylgje denne serien. All ære til NRK som gjev oss slike program som både Demenskoret, Cammo, A-laget og Team Pølsa, dette er folkeopplysning på høgt nivå.
Har du høve er det fint dersom julepynt, lause pynteting og lykter vert rydda bort frå gravene. Som alle er kjent med så er det mykje ymse vèr, nedbør og vind som gjer sitt til at
grunnforholda på kyrkjegardane og andre stader er i endring i løpet av ein vinter. Gravminne vert skakke og av og til kan dei velte. Minne om at det er lovpålagt at alle gravminne skal stå på sokkel og det er festar sitt ansvar at dette er i orden.
Om ikkje gravminne har festar, vert dei teke ned etter at det har vore sett ned varsel om dette.
Om nokon ønskjer hjelp eller har spørsmål kring dette, ta kontakt med kyrkjekontoret. Kom innum eller ta ein telefon, vi har ope på alle kvardagar
Påske (den fyrste kristne høgtida) Høgtida som vert feira for å minne oss om lidingene, død og oppstoda. Tydingane av dei ymse dagane skriv Sokneprest Kåre om på neste side.
Tida går fort til at det er dugnad på kyrkjegardane. 2. og 12. mai er dato for dette i år.
Kyrkjebevaringsfondet har innvilga søknad på 50 % av midla som er kalkulert til vedlikehald av Skjåk kyrkje. Dette arbeidet har så vidt starta opp og vil halde fram dette året. Det er og bestilt tilstandsrapport på Nordberg kyrkje som vert gjort i vår. Det er og eit behov for vedlikehald der.
Elles så held planarbeidet fram med støyskjerm ved Nordberg kyrkjegard og minnelundar. Men ein får ikkje starta før den økonomiske del av planen er klar og det er ikkje nok midlar i kyrkja sine bankkonti til å setje i gang.
Trefelling Det har vorte teke ned ein del tre på båe kyrkjegardane siste året. Dette har vore gjort i samarbeid med fagfolk, som har vurdert kva for tre som har vore rotne og difor har vore ein risiko om dei vart ståande.
Dette året er det 80 år sidan vi kunne få bu i eit fritt land. Dette ønskjer vi å markere i veke 19. Ei nemnd som er samansett av representantar frå skule, kommune, FN veteranar og kyrkje, arbeider med eit program som vil spenne over fleire dagar. Det vert m.a. ein fredsmarsj etter flaumvollen i Bismo ved høgstdag 8.mai. Filmframsyning,foredrag og utstilling er noko som ligg føre i planane. Og
ved Nordberg kyrkjestugu. Dagen vert avslutta med konsert i Nordberg kyrkje. Utfyllande program vil kome seinare
Frå kyrkjeleg årsstatistikk tek vi med:
Ressursgruppa i kyrkja er gull verdt, forsongarar, tekstlesarar, kyrkjevertar, bidrag til konfirmantmat, kyrkjekaffe. Har du tid til overs og er interessert, så er du hjarteleg velkomne til å bli med.
Skjåk kyrkjelege fellesråd er glade for å ønskje Per Øyvind Ørjasæter velkomne inn i staben. Han vil starte opp som kyrkjetenar frå 1. mai
Det går mot ljosare tider og det vårast lite om senn, nyt at naturen vaknar att enda ein gong!
Til slutt vil eg få dele eit dikt som Øyvind Blindheim har skrive. Han er far til Syver som er blind og har diagnose barnedemens og som har samla inn nærare 20 mill. når innsamlingan vart avslutta 7. april til forsking av denne sjeldne sjukdomen.
DA HIMMELN RASTE NED
Du ekkje som dei andre du, det vet du veldig godt.
Du ekkje som dei andre du, med alt det du har fått.
Du ser det klart, som blod i snø, at nokke har gått galt,
Og e kan ikkje skjule det, det gjør for vondt, e heilt brutalt
Ka gjør du for å stå på beina? Ka gjør du for å fortsatt gå?
E svaret Gud og hellig kraft, et svar på barnetro?
Eller fulgte superkrefter med, da himmeln raste ned?
–
Du ekkje som dei andre du, der motstand gjør dei lam!
Du ekkje som dei andre du, du tar de faktisk fram!
Du ser det klart, som lys på land, fra beksort ferd langs skjær.
Og e, kan ikkje finne fram, der e e blind, så hold de nær. –
Ka gjør du for å stå på beina? Ka gjør du for å fortsatt gå?
E svaret Gud og hellig kraft, et svar på barnetro?
Eller fulgte superkrefter med, da himmeln raste ned?
–
E ekkje som dei andre e, men pappa det e bra
E ekkje som dei andre e, men slapp av litt, husk ka e sa
E ser det klart, at du e redd, for at e skal bli blind
E ser det no, du sa det sjøl, at lyset alltid vinn
Øyvind Blindheim, 2019
Arnborg Teigum kyrkjeverje
Vær velkomne til messene våre i påskeveka!
På Palmesundag skal vi ha ei kveldsmesse i Nordbergkyrkja kl 19.30. Dette er den dagen i påska da Jesus rir inn til ei særs dramatisk veke for han i Jerusalem. Jesus kjem audmjukt ridande på eit esel inn i Jerusalem til stor jubel for dei som er der. Dei ventar ein frelsarkonge med stor makt og mynde, men den som kjem inn av byporten er noko heilt anna. På palmesundag er det mykje blanda kjensler kring Jesus. På kveldsmessa vil vi synge gospelsongar frå salmeboka. Det tenkjer eg er ei god måte å innleie påskeveka på.
Neste messe er Skjærtorsdag. Da skal vi og ha kveldsmesse, men denne gongen i Skjåk kyrkja kl 19.30. På skjærtorsdag innstifta Jesus nattverd-måltidet, som var det siste måltidet Jesus hadde i lag med læresveinane sine. Nattverden vil få mykje søkjeljos i messa.
Skjærtorsdag kjem av gamalnorsk skira, reinsing, som truleg viser til at Jesus ifølgje Johannesevangeliet vaska disiplane sine føter før dei åt påskelammet saman (Joh 13, 12-17).
Vi avsluttar messa med å kle av altaret, og førebu langfredagsmessa dagen etter kl 11 i same kyrkje. På langfredag vart Jesus dømt til dauden på krossen, og krossfesta. I messa les vi Jesus si lidingshistorie og syng salmar som passar til denne bibelteksten. Messa på langfredag leier oss inn i stillheit og refleksjon.
På laurdag vert det påskenatt-messe i Lom kyrkje kl 23. Då vandrar vi frå mørker til ljos, og feirar Jesus sin oppstode. Og feire Jesus si oppstode er å feire livet sjølve.
Og den feiringa fortset vi på sundag formiddag med messe på påskedag i Nordberg kyrkje. På altaret i Nordbergkyrkja står det ”Han er oppstaden”. Så det passar særs godt å ha påskedagsmessa i denne kyrkja. Det er ”oppstode-kyrkja” vår.
Om du gjekk glipp av desse messene er det høve til å kome til Skjåkheimen på 2. påskedag kl 11.30. Da fortset vi påskefeiringa der.
Kåre Gloslie, sokneprest
Mi salme
Berhta Helene Sveen
”Den fyrste song”
Den varmeste og vakreste salmen/ sangen som er skrevet om Mor er ”Den fyrste song”.
Teksten i diktet berører meg og gir kjernen til tryggheit og kjærlighet som barnet har for sin mor.
Forfatteren, redaktøren og språkmannen Per Sivle (1857-1904) er opphavet til dette fine diktet. Det var ein av dei fyrste salmene som var skrevet på nynorsk.
Per Sivle mista mor si da han var berre to år gammal,og fem nyfødte brødre før han var fem. Han kom til å vekse opp hjå slektninger. Saknet og minnet over mor var nok sårt for han. Trist dette, men trur dei hadde eit meire naturleg forhold til liv og død på den tida. Det gjekk hand i hand.
Den fyrste song eg høyra fekk, var mor sin song ved vogga.
Dei gode ord til hjarta gjekk. Dei kunne gråten stogga.
Dei sulla meg så underleg.
Så mjukt, så vent te sova. Dei synte meg ein fager veg utav vår vesle stova.
Den vegen ser eg enno tidt når eg fær auga kvila.
Der stend ein engel, smiler blidt, som berre ei kan smila.
Kan nevne at min eigen far mista mor si som treåring, det prega han.
Mine forfedre hadde eit band til Per Sivle, min grandonkel Hans Sveen (1860-1924) var ein god ven av han. Fleire andre i slekten var òg kjenninger av han. Hans Sveen hadde sitt virke i Skoger ved Drammen. Der arbeidet han som lærer og seinere som lensmann. Per Sivle budde og var bl.a avisredaktør i same området.
Per Sivle er gravlagt på Strømsgodset kyrkejgard i Drammen.
Hans Sveen og min tippoldefar som også heiter Hans f.Skrinde ligg ved Lier Kyrkje.
Eg utfordrar Solveig Bakken til å skrive om ”mi salme” til neste utgjeving av kyrkjebladet.
Mvh Bertha Helene Sveen
Og når eg sliten trøytnar av, i strid mot alt som veilar.
Eg høyrer stilt frå mor si grav, den song som all ting heilar.
(Den songen er om Jesus Krist, vår frelsar og forsonar.
Den syng ho no - det veit eg visst blandt himlens millionar!)
Tekst: Per Sivle (1877)
Tekst (5. vers): Josef Hammer
Melodi: Lars Søraas (1909)
Påskequiz
1. Fullfør fjellvettregelen «Vend i tide, det er ingen skam å…»
2. Kvifor feirer vi påske?
3. Kva skal ein i fylgje tradisjon ete i påska; lam, okse eller svin?
4. Kva er vanlegvis eit påskeegg fylt med?
5. Kvar bur Anna og Elsa i filmen Frost?
6. Kva for form har arret i Harry Potter si panne?
7. Kva er fargen på Belle sin kjole i filmen «Skjønnheten og udyret»?
8. I kva for film møter vi løven Alex, flodhesten Gloria og lemuren kong Julien?
9. Kva for farge tenkjer vi på som påskefarge?
10. I kva for verdensdel har 10 av 12 land gult i flagget sitt?
11. Gulo gulo er det latinske namnet på eit norsk rovdyr? Kva er det norske namnet ?
12. Kva er det lovbestemt at det skal vere nøyaktig 13 587 gule av i New York?
13. Kvar på kroppen finn vi den gule flekken?
14. I kva for fylke ligg Gulen kommune?
15. Kva for sjokolade med raud, gul og grøn innpakning et nordmenn ekstra mykje av i påska?
Kvikk Lunsj
Vestland
auge
gult i flagget sitt)
10. Sør-Amerika (Chile og Peru har ikkje
9.Gul (men også grøn, kvit og lilla)
8. Madagaskar
minne om Jesu død og oppståing
11. Jerv
12. Taxiar
13. I
14.
15.
Måleria i Skjåk kyrkje
I boka om Skjåk kyrkje 200 år er alle dei 27 målarstykke omtala.
Alle vart redda av Henrik HolstNeumann som var prest i Skjåk 19051916.
Han personleg vølte, restaurerte, fekk laga rammar og fekk dei inn i kyrkjerommet
Eit hadde som motiv ”Kong Salomons Dom og er på 207 cm X 121 cm
Dette var 100 år eldre enn Skjåk kyrkje og var i ”meget dårlig kon-
serverings messig stand” da dette kom til restaureringsrommet hjå Riksantikvaren i august 1976.
Bjørn Erik Kampen tok arbeidet, som ei oppgåve til avsluttande eksamen som teknisk konservator. Dette var eit svært krevjande og omfattande
Frå gamle kyrkjeblad - årgang 1960:
A. Teigum
arbeid, som gjekk over to år. Etter dette kom måleriet attende til Skjåk kyrkje på sin plass høgt på veggen i koret – eit arbeid til minst kr.100 000,-.
Konfirmantkappe — Rondakjol
Så er spørsmålet om konfirmantkapper over for denne gong. Grunnen til at spørsmålet kom opp i det heile her, var at konkurranse-preget på konfirmantkleda tok overhånd.
Ikkje berre det at konfirmasjonen blir noko langt anna enn det den skal vera, men i slike tilfelle er det alltid nokon som ikkje kan ha høve til å fylgja med i kapplaupet, og dei vil kjenna seg underlegne og ha det vondt på ein slik dag.
Foredra vil og sjølvsagt det. Elles finst det og mange foreldre som tek i så hardt for at borna deira skal vera som andre den dagen at dei gjev heller avkall på viktige ting til livsophaldet. Men i dag — farvel til konfirmantkappene!
Men diskusjonen om dette har sikkert virka i ei bra retning likevel. Klede drakta til konfirmantane har dei siste åra vorti enklare. Folk flest har komi til det at ein bør bruka rondakjolen til konfirmasjon. Ekspertar i gamle bunader har utåla at rondastakken med rutaliv er noko av det mest stilreine og
ekte i norske bunader. Kvifor ikkje då, kjære foreldre, å bli samde om at jentene skaffar seg rondakjol til konfir masjon og brukar den båe dagane, både konfirmasjonsdagen og til altargang. Ja, på konfirmasjonsfesten, og.
Om jentene ikkje har vaksi frå seg enda, har ingen ting å segja for vår bunad, fordi ein kan leggja den inn både i sida, på akslene og eit serleg på sjølve stakken. Når dei da kan bruka same klednaden både til konfirmasjon, altargang og konfirmasjonsfest, skulle det vera enkelt. Så var det gutane. Dei er oftast seinare utvikla enn jentene og såleis ikkje så utvaksne. For dei fleste sitt vedkomande veks dei frå seg etter kon-
firmasjonen. Ein konfirmasjonsdress etter vanleg mønster og farge er det som regel ikkje mange gongene dei får bruke, før dei har vaksi utor den. Å bruka ein dress med eit litt meir sportsleg snitt kan lata seg gjera no, berre ein held seg til ei høveleg mørk farge.
Så er det å vona at alle blir tilfredse med denne ordninga og legg for dagen velvilje og forståing av problemet å lata konfirmasjonsdagen bli det den skal vera — ei fornying og stadfesting av dåpspakta.
Agnes Langleite Larsen (1928-2015)
Foto:
KONFIRMANTLEIR
Konfirmantane frå Skjåk har vore på leir i Håkons hall på Lillehammer.
Dette vart ei helg tettpakka med innhald i lag med fleire hundre andre ungdomar frå Hamar bispedøme, blant anna dei andre konfirmantane frå Ottadalen. Fredags kveld var det stort åpningsshow med fyrverkeri i Lysgårdsbakken med tenning av leirild i riktig OL-ånd. Deretter gjekk det slag i slag med undervisning, samlingar ved scena og diverse aktivitetar. Her kunne ein prøve seg i OL-anlegga med både bobkøyring, alpin, sledekøyring, dans, kreativ verkstad og meir. Dei fekk også vere med å arrangere Uganda-marknad der det var om å gjere å kome opp med kreative måter å samle inn pengar til utdannings-tilbod i Uganda. På sundag var det stor gudsteneste med band og ei heil rad med prestar. Alt i alt ei triveleg helg der vi både vart betre kjend med kvarandre og fekk nye vener frå andre plasser.
BOLLEVERKSTAD
Mange møtte fram for å få 4-årsbok.
Foto: Endre Skjåk
Som innleiing på fastetida vart alle 4-åringane i Skjåk invitert til fastesamling med bolleverkstad på Kraftverket. Fastetida er til minne om da Jesus vandra rundt i ørkenen i førti dagar og etter gamalt var det vanleg å ete ekstra godt dei siste dagane før fasta byrja. Vi tenkjer difor det passar fint å ha bollefest der ungane sjølve får pynte sin bolle. Mange møtte opp og det vart ei triveleg eftasstund der alle fekk kvar si 4-årsbok full av historier og songar.
Kreative kunstverk på bollefronten.
Kyrkjeblad for Skjåk og Nordberg
”Fjellkyrkjer” i Skjåk
I tillegg til dei to flotte kyrkjebygningane våre, har vi i Skjåk sju fjellkyrkjer.
Kyrkjenamnet har gjerne vore gjeve til karakteristiske fjellformasjonar som både ruver og utmerkar seg for omgjevnadane.
Desse fjellkyrkjene våre heiter:
1. Tverrådalskyrkja (2089 moh.)
2. Tundradalskyrkja (1969 moh.)
3. Veslfjellkyrkja (1365 moh.)
4. Pollkyrkja (1096 moh.)
5. Synstålkyrkja (1322 moh.)
6. Torskyrkja (1513 moh.)
Illvasskyrkja (1857 moh. manglar foto)
I tillegg har ein Trollkyrkja (1888 moh, bilde 7) som ligg på grensa mellom Skjåk og Rauma.
Dei står der til evig tid, og til begeistring for oss alle.
Kyrkjeblad for Skjåk og Nordberg
Barnedåp
1. Tuva Bøhle Bakkeberg vart døypt i Skjåk kyrkje 23.02.2025. Foreldre er Tina Bøhle og Henning Bakkeberg. Foto: Amund Hånsnar
2. Isalill Morken-Bøye vart døypt i Skjåk kyrkje 23.02.2025. Foreldre er Margrete Morken og Sondre Bøye. Foto: Amund Hånsnar
3. Ola og Eilev Nicolaisen Stensgård vart døypte i Skjåk kyrkje 31. 12.2024. Foreldre er Brita Stensgård og Espen Nicolaisen. Foto: Amund Hånsnar
4. Signe Sveen vart døypt i Skjåk kyrkje 23.02.2025. Foreldre er Ingrid Flaten og Olve Sveen. Foto: Amund Hånsnar
5. Ane Hagen Brennhaug vart døypt i Nordberg kyrkje 23. mars. Foreldre er Oda Jonsdotter Brennhaug og Ola Hagen.Foto: Amund Hånsnar
6. Lavrans Rustad Skjåk vart døypt i Skjåk kyrkje 26.01.2025. Foreldre er Sanna Bolstad Rustad og Endre Skjåk. Foto: Amund Hånsnar
7. Maria Aaboen vart døypt i Nordberg kyrkje 19.01.2025. Foreldre er Vilde Strøm Stasviken og Atle Aaboen. Foto: Amund Hånsnar
8. Edvard Haugen Klepp vart døypt i Nordberg kyrkje 19.01.2025. Foreldre er Marit Gunnbjørg Klepp og Lars Kåre Haugen. Foto: Amund Hånsnar
9. Engel Oline Rakstad Jonauskis vart døypt i Skjåk kyrkje 23.03. 2025. Foreldre er Maria G. Rakstad og Mykolas Jonauskis. Foto: Terje Kveen
Kyrkjeblad for Skjåk og Nordberg
Gåve til
KYRKJEBLADET
for Skjåk og Nordberg 2025
Kyrkjebladet blir levert til alle husstandar i Skjåk
Det har ingen fast pris på abonnement, men abonnentar som bur utanfor kommunen, får tilsendt giro på kr. 250 , -
Vi er avhengige av dykkar støtte for å kunne halde fram med å gje ut kyrkjebladet.
Friviljuge gåver blir nytta til dette. Minner om at bladet er ei fin gåve til utflytta skjåkværar.
frå
Kyrkjebladredaksjonen
Skjåk kyrkjelege fellesråd
Moavegen 30 - 2690 Skjåk
Konto nr.2085 07 45170
Merk med gåve til Skjåk og Nordberg Kyrkjeblad 2025
Eller du kan nytte vipps 760974 merk Kyrkjeblad 2025
Kyrkjeblad for Skjåk og Nordberg
Årets konfirmantjubileum
for dei som var konfirmerte i 1945 – 1955 – 1965 og 1975 blir i Nordberg kyrkje laurdag 30.august.
Komiteen har hatt sitt fyrste møte, og invitasjon til jubilantar kjem i posten.
TÅRNAGENTAR 2025
Også i år blir alle åtteåringar inviterte til å vera med på tårnagentsamling i kyrkja.
Datoen er 11.mai, og invitasjon kjem i posten rett over påske!
Vårdugnader:
Det blir rakardugnader på kyrkjegardane våre i år òg.
Set av desse datoane: Nordberg fredag 2. mai frå kl. 15.00.
Skjåk måndag 12. mai frå kl.15.00. Ta med høveleg utstyr! Kaffeservering.
POLLFOSS
HOTELL I RESTAURANT En perle mellom aust og vest 61 21 47 00 • info@pollfoss.com • Skjåkvegen 3484, 2693 Nordberg
SKRIFTHUGGEREN AS v/ Jørn Westby
Inskripsjonar og oppussing av gravminne
Tlf. 413 21 075 • post@skrifthuggern.no
Nergård Steinindustri A/S
Tlf: 71 29 98 88 • Ta kontakt med kyrkjetenarane
Alt i gravstein, innhogging, oppussing og oppsetting.
Skal du feire en stor dag?
HØYFJELLSHOTELL På Grotli tilbyr vi god plass og god mat for både små og store selskaper. +47 612 17 474 post@grotli.no
Skjåk Gartneri AS
Tlf. 901 69 255
Fylg oss på Facebook: Skjåk Gartneri
Bygd og ætt
Frå vogge til grav
NORDBERG
SOKN
Døde
Rolf Helge Bakken
30.11.1948 – d. 11.01.2025
Torill Huse f. 23.07.1955 – d. 17.01.2025
Julie Klara Rusten f. 25.07.1941 – d. 25.02.2025
Døypte: 19.01.2025
Maria Aaboen
Edvard Haugen Klepp
23.03.2025
Ane Hagen Brennhaug
SKJÅK SOKN
Døde:
Per Haugtredet f. 14.07.1934 – d. 06.02.2025
Erland Vigstad f. 19.05.1946 – d. 15.02.2025
Døypte: 31.12.2024
Ola Nicolaisen Stensgård
Eilev Nicolaisen Stensgård
26.01.2025
Lavrans Rustad Skjåk
23.02.2025
Tuva Bøhle Bakkeberg
Signe Sveen
Isalill Morken-Bøye
16.03.2025
Engel Oline Rakstad Jonauskis
Kyrkjeblad for Skjåk og Nordberg
Redsle og glede
Det er noko som bryt gjennom på påskedagen! Noko vi ikkje rår over. Noko vi ikkje kan kontrollera, eller rett forstå. «Kristus er oppstaden. Ja, han er sanneleg oppstaden!»
Kvinnene skunda seg bort frå grava, redde, men jublande glade», fortel Matteus, og dei sprang for å fortelje det til disiplane. Det er dette todelte av redsel og glede eg vil stanse litt ved. Det er jo dette som er verkeleg. Men ei ny verkelegheit bryt gjennom. Og den rørsla ho skapar, er også vår verkelegheit. Trua på oppstoda blir ei drivkraft til håp og kjærleik. Denne drivkrafta gjer at vi – midt i alt som er – faktisk kan tru på Guds kjærlege nærvær. Fordi det har brote gjennom, i Jesu oppstode.
I Jon Fosse sin trilogi, Septologien, fortel han om målaren Asle. Asle har måla eit bilete som forteljinga stadig vender attende til. Det er to strekar som kryssar kvarandre. Ei brun og ei lilla på eit kvitt, blankt lerret. Det er eit kors. Eit skjeringspunkt. Og eg ser for meg korleis dette enkle korset bryt gjennom eit bilete som ville vore heilt tomt utan dei to strekane. Og i si meditative, gjentakande form, fabulerer forfattaren gjennom Asle om Gud som ikkje kan fattast. Som ikkje kan fangast i ord, for Gud er alltid ein annan enn dei namna vi gir han. Men så synest han nettopp å kunne kjenne att Gud i eit slags «fråverande nærvær», som han kallar det. I Gud sitt fråvær anar han nærværet av Gud. Eller når han målar, ser han biletet som lys og mørke, og han seier: «alltid er det mørkeret i biletet som lyser mest, og eg tenkjer at det kanskje er av di at det er i fortvilinga, i mørkeret, at Gud er nærast, men korleis det lyset eg tydeleg nok målar, kom inn i biletet, nei ikkje veit eg, korleis det kjem til, nei, det skjønar eg ikkje…». I mørkeret anar han lyset. Og slik kunne vi halde fram: I det tomme anar vi fylden. I einsemda anar vi fellesskapet. Han prøver å nærme seg det inste biletet i seg sjølv – som er Gud. Sjølv om han er varsam med å bruke namnet Gud. Men mennesket er skapt i Guds bilete, og ber Guds bilete i seg.
Da Maria Magdalena og den andre Maria kom til grava var det framleis mørkt. Sorga var botnlaus. Fråværet uendeleg. Døden så endeleg. Alt dette kan vi forstå. Og tomleiken var ikkje berre ei indre kjensle – også grava var tom. Jesu kropp var borte.
Det er noko nytt som bryt gjennom på påskedagen. Aninga av Gud i fråværet, tomleiken, mørkeret og døden blir forankra i noko fast. Det blir forankra i Jesus Kristus sjølv. I korset. I hendinga. I evangeliet: Frykt ikkje: Kristus er oppstaden. Føter spring med bodskap om glede. Ei rørsle. Jesus synte seg for disiplane, og han syner seg for oss – som røyndom i vår røyndom. Som det kjærlege nærværet av Gud. Og som Gud sin nærverande kjærleik. God påske!
Ole Kristian Bonden Hamar biskop
Gravferdshjelpa Lom og Skjåk
Båretransport • Kiste • Stell/Visning Annonsering • Salmeark • Blomar • Minnesider anne@gravferdlomogskjaak.no • tlf 957 23 671
YX Skjåk
Bygger´n Skjåk, 2690 Skjåk • Tlf 61 21 38 80
2690 Skjåk • tlf 61 21 41 53 tlf 97 70 08 14 • www. turistforeningen.no/sotaseter sotaseter@turistforeningen.no
Radon i huset ditt?
Vi tar målinger. Vi gjør tiltak for å fjerne radon. Tlf.: 90 68 81 13
2690 Skjåk tlf 61 21 36 00 post@interfil.no www.interfil.no
Garcia Holding AS
Industrivegen 82, 2690 Skjåk haral-pr@online.no Tlf: 906 88 113
Tlf 61 28 45 45
Skjåk TuristheimSkeid Kro epost: sissel@skeidkro.no
Frå Våler kyrkje.