Hoyvíksvegur 72 - Postrúm 3279 – FO-110 Tórshavn - Tlf.: 31 96 80 - Faks.: 35 50 55 E-mail: studul@studul.fo – Heimasíða: www.studulsstovnurin.fo
Stuðulsstovnurin varð settur á stovn, tá ið føroyingar yvirtóku fyrisitingina av "Statens Uddannel-sesstøtte" í 1988, og játtanin á donsku fíggjarlógini var flutt í ”blokkin”. Føroyingar fingu tá heimild til at gera egnar lógir og reglur fyri, hvussu stuðulin skuldi veitast lesandi í Føroyum. 23. apríl 1999 varð nýggj løgtingslóg samtykt um nýggja útbúgvingarstuðulsskipan og avloysti henda lóg lógina frá 1988 við seinni broytingum. Stuðulsstovnurin umsitir í dag 4 stuðulsskipanir, ið eru kunngjørdar í 4 ymiskum kunngerðum. Tó er tað rætt at nevna 5 ymiskar skipanir, tá ið tosað verður um stuðul til føroyingar, av tí at føroyingar, ið lesa í øðrum norðurlondum enn í Føroyum, fáa stuðul eftir danskari skipan. Tær 5 stuðulsskipanirnar eru: ÚS-skipanin (stuðul til lesandi í Føroyum – umsitin av Stuðulsstovninum) SU-skipanin (stuðul til lesandi í Norðurlondum – umsitin av Statens Uddannelsesstøtte) ÚSUN-skipanin (stuðul til lesandi uttanfyri Norðurlond – umsitin av Stuðulsstovninum og SU) Ferðastuðulin (ferðastuðul til lesandi útisetar – umsitin av Stuðulsstovninum) Verkætlanarstuðulin (ferðastuðul til lesandi við hægri skúlar – umsitin av Stuðulsstovninum) ÚS-skipanin Henda skipan er ætla teimum, ið lesa í Føroyum, bæði næmingum á miðnáms-, vinnuog hægri skúlum. Sambært nýggju skipanini komu nakrar broytingar í gildi 1. august 1999 og aðrar 1. august 2000. Tær stóru broytingarnar í 1999 vóru: Studningsupphæddirnar fyri 18 ára gomul og eldri øktist við meira enn 25%. Maksimala lánsupphæddin hækkaði við meira enn 60 %. Stuðulin/lánið verður bert útgoldið í 11 mðr. - einki verður útgoldið í juli mánaði.
Øll, sum lesa hægri lestur, fáa tann hægra stuðulin, t.v.s. sum útibúgvandi. Studningsupphæddirnar verða nú prístalsviðgjørdar (hækkingin er 5,1% í ár).
Tær stóru broytingarnar í 2000 vóru: Aldursmarkið fyri at fáa vanliga útbúgvingarstuðulin er 18 ár. Næmingurin fær sum áður stuðul mánaðin eftir at hann verður 18 ár. Tey, ið eru undir 18 ár, fáa ískoytisstuðul til keyp av undirvísingartilfari. Næmingar, ið fylla 18 ár í fyrru lestrarhálvuni fáa kr.1.500, og teir ið fylla seinnu lestrarhálvuna fáa kr. 3.000. Ískoytisstuðul til vistarhald verður latin avbygdanæmingum undir 18 ár, sum noyðast at flyta til útbúgvingarstaðið. Treytin fyri at fáa henda stuðul er, at sjóvegis farleið er millum heimabústað og skúlan ella at vegalongdin millum heimabústað og skúlan er longri enn 50 km. Mánaðarligi vistarhaldsstuðulin er kr. 1.577. Ískoytisstuðul til ferðing verður latin næmingum, ið nýta Strandfaraskip Landsins til og frá skúla.. Møguleiki er hjá lesandi, ið lesa hægri útbúgving, at fáa endalán. Stuðul verður ikki veitur, til næmingar, ið “fáa annan almannan stuðul, ið er ætlaður til livikostnað”, hvørki lán ella studningur. Hetta merkir m.a. tað, at tey, ið eru undir endurbúgving, ikki fáa stuðul frá Stuðulsstovninum.
SU-skipanin Meginreglan er at føroyingar, ið lesa í Danmark og hinum norðurlondunum fáa stuðul úr Danmark eftir somu treytum sum aðrir danskir ríkisborgarar. Hetta vil í flestu førum siga, at føroyingar sum lesa í norðurlondum fáa stuðul úr Danmark í allari útbúgvingartíðini. Tó verða fylgjandi krøv sett, og eru hesi galdandi fyri bæði danir og føroyingar: Útbúgvingin og útbúgvingarstaðið skulu vera alment góðkend av lestrarlandinum. Útbúgvingin og útbúgvingarstaðið skulu
Pisan 2001/2002
33