MATARUMSJÓN

Verklagsreglan gildir fyrir alla þá sem sjá um eldun í ferðum FÍ, hvort heldur sem þeir eru leiðsögumenn eða sérstaklega ráðnir til að elda.

Starfsmaður ferðar

Leiðsögumaður, ökuleiðsögumaður eða starfsmaður sem skal sérstaklega sjá um matarumsjón í ferð.

Hæfniskröfur

Til þess að sinna matarumsjón í ferðum þarf viðkomandi starfsmaður að hafa reynslu í að elda mat fyrir hópa, þekkja helstu hráefni sem notuð eru og geta notað uppskriftir sem fylgja ferðagögnum.

Skyldur

Vel heppnuð matarumsjón er mikilvægur þáttur í velgengni ferðar og ánægju viðskiptavinarins. Þeim sem sér um mat ber ábyrgð á öllum mat, áhöldum og innkaupum í ferð þar sem það á við. Hann ber ábyrgð á að sérþarfir farþega séu uppfylltar og að matur sem er borinn á borð sé óskemmdur og fulleldaður þegar það á við. Starfsmaður skal gæta fyllsta hreinlætis, vera eins snyrtilega til fara og aðstæður leyfa og sýna þjónustulund og jákvæðni í garð viðskiptavina og annarra starfsmanna. Undir matarumsjón fellur einnig að sjá um áhöld og annan búnað til eldunar - einnig gas og eldsneytisbirgðir þar sem það á við.

Búnaður fyrir matarumsjón

• Matur • Eldunaráhöld • Mataráhöld • Matarlistar • Uppskriftir • Listi yfir verslanir þar sem hægt er að gera innkaup í ferðinni • Sjóð til matarinnkaupa ef á þarf að halda • Eldunartæki og eldsneyti

Starfslýsing / Verkferli Fyrir ferð

Starfsmaður með matarumsjón skal þekkja til matarlista og birgða sem eru meðferðis og treysta sér til þess að elda úr því hráefni. Hafa yfirsýn yfir birgðastöðu og vita hvenær er hægt að gera innkaup í ferðinni. Tryggja að sá matur og eldsneyti sem til er endist fram að næstu innkaupum eða birgðasendingu. Starfsmaður með matarumsjón skal yfirfara matar- og eldsneytisbirgðir fyrir brottför. Einnig sér hann um öryggismál sem tengjast meðferð gas/bensíns við eldun og heitra áhalda og vökva.

Í ferð

• Starfsmaður með matarumsjón sér um og ber ábyrgð á allri umsýslu með mat, birgðum, innkaupum og eldamennsku á meðan á ferð stendur. Oft taka farþegar þátt í eldamennsku og frágangi undir stjórn umsjónarmanns, sér í lagi þegar hann er líka leiðsögumaður. Kokkur ber ábyrgð á nýtingu hráefnis og skal fullnýta þær birgðir sem hann er sendur með. Hann gætir hagræðis í innkaupum um leið og hann kappkostar að gæði matarins verði eins og best verður á kosið. • Starfsmaður með matarumsjón á ávallt að gæta þess að fyllsta hreinlætis sé gætt. Handþvottur allra sem koma að matareiðslu er skilyrði. Einnig ber að hafa í huga smit milli mismunandi tegunda matvæla, s.s. frá kjöti og fiski yfir í grænmeti. Til að forðast slíkt verður að þrífa öll áhöld þegar skipt er frá einu yfir í annað. Þetta á sérstaklega við um salat og annað sem neytt er hrátt. Einnig verður að gæta þess að matur sé geymdur á viðeigandi hátt. • Skilja kjöt og fisk frá grænmeti. • Gæta þess að kælikubbar séu til staðar í kæliboxum og skipta þeim út eftir þörfum og möguleikum. • Nýta ísskápa í innigistingu eins og hægt er. • Ganga frá öllum matarafgöngum í kæliboxum þannig að ekki leki úr ílátum. • Þrífa kælibox reglulega og eftir þörfum. Hafa sérstakar gætur á vökva sem gæti lekið úr kjöti eða fiski. • Farga skemmdum mat til að forðast að hann skemmi önnur matvæli.