TRÚSSFERÐ

Tilgangur: Að tryggja og staðla gæði þeirrar þjónustu sem veitt er. Að upplýsa starfsmenn um æskilegar starfsaðferðir og deila upplýsingum um æskilegan framgang ferða. Þessi verklagsregla gildir fyrir fararstjóra í trússferðum [Farangur fluttur milli gististaða]. Einnig er vert að skoða aðrar verklagsreglur sem gætu átt við um sömu ferð.

Sértækar vinnulýsingar fyrir hverja ferð er að finna í áhættumati hverrar ferðar sem leiðsögumanni ber að kynna sér fyrir brottför.

Starfsmaður ferðar

Hæfniskröfur

Leiðsögumaður í trússuðum gönguferðum skal hafa víðtæka reynslu af gönguferðum á fjöllum. Próf í Gönguleiðsögn, þjálfun í björgunarsveit eða önnur viðurkennd menntun í ferðamennsku í óbyggðum er mjög æskileg. Leiðsögumaður þarf að kunna til verka við eldun, rötun og í skyndihjálp auk þess að hafa hæfni í hópstjórnun og búa yfir nægri þekkingu til að geta verið frambærilegur fulltrúi lands og þjóðar. Kunnátta og þjálfun í þverun straumvatna er einnig nauðsynleg.

Skyldur

Leiðsögumenn í trússuðum gönguferðum tryggja framgöngu ferðarinnar frá upphafi til enda. Undir þetta fellur auk annars að tryggja öryggi gesta, sjá um eldamennsku og matarbirgðir, leiðbeina gestum við val á fatnaði fyrir daginn, göngutækni og líkamsbeitingu, stillingar bakpoka og umgengni um fjallaskála. Leiðsögumanni ber að fylgja þessari vinnulýsingu við framkvæmd ferðarinnar.

Hlutfall farþega á leiðsögumann er 1/16.

Leiðsögumaður á að tryggja öryggi gesta eftir bestu getu. Meti hann búnað eða líkamlegt ástand gesta þannig að þeir muni ekki á öruggan hátt geta tekið þátt í viðkomandi ferð ber honum að vísa viðkomandi úr ferðinni. Hann ætti að leitast við að koma viðkomandi í sambandi við skrifstofuna svo hægt sé að greiða úr málum með sem minnstum óþægindum fyrir alla aðila.

Búnaður ferðar

Persónulegur búnaður leiðsögumanns

• GPS, áttaviti kort o.s.frv. Ef leiðsögumaður á ekki slíkan búnað getur skrifstofan aðstoðað við að útvega slík tæki og gögn. • Fjarskiptabúnaður eins og á við, GSM sími • Snyrtilegur og heill hlífðarfatnaður. • Sami búnaður og farþegar eiga að taka með sér.

Sjá útbúnaðarlista Búnaður frá lager / skrifstofu

Fjarskiptabúnaður eins og á við. Sjúkrataska skv. gátlista.

Neyðarskýli (Bothy-bag); amk 1 fyrir neyðartilfelli. Matur, eldunaráhöld og mataráhöld skv. útbúnaðarlista frá lager. Búnaður skv. óskum og sérþörfum farþega. Ferðalýsing og ferðagögn. Upplýsingar um mögulegar varaleiðir ef aðstæður krefjast þess. Öryggisáætlun ferðar og viðbragðsáætlun.

Starfslýsing

Fyrir ferð

• Fylgjast með veðurspám og aðstæðum. Athuga sérstaklega úrkomu með tilliti til þverunar straumvatna. • Kynna sér varaáætlanir um leiðir ef aðstæður krefjast breytinga. • Kynna sér öryggisáætlun ferðarinnar, ásamt viðbragðsáætlun félagsins við óhöppum/slysum. • Kynna sér ferðagögn og afla upplýsinga um væntanlega leið. • Kynna sér matarlista frá lager og gera breytingar ef óskað/þarf. • Fara yfir og hafa til persónulegan búnað skv. búnaðarlista hér að ofan. • Fræða gesti um notkun þess fjarskiptabúnaðar sem meðferðis er þannig að þeir séu færir um að kalla til aðstoð ef leiðsögumaður er það ekki.

Í ferð

• Kynna dagskrá fyrir gestum og ræða frammvindu hvers dags: • Vega- og tímalengdir • Veður og fatnaður • Matur og drykkur • Almennar aðstæður, landslag og önnur atriði sem vert er að hafa í huga fyrir daginn • Stýra nestisundirbúningi farþega, tryggja að allir séu með nesti til dagsins. Ráðleggja farþegum um vatnsbirgðir, hvar sé hægt að fá vatn á leiðinni eða hvort þau þurfi að taka með sér vatn á brúsum. • Vera með orkuríkt nasl í bakbokanum til þess að gefa farþegum á göngunni. • Segja farþegum frá öllu markverðu sem fyrir augu ber, kynna náttúrufar, sögu og menningu þeirra svæða sem farið er um. • Stjórna leiðarvali, gæta þess að gengið sé eftir stikuðum og merktum leiðum þar sem það á við. • Hafa þægindi við göngu í huga í öllu leiðarvali. • Stjórna leiðarvali þannig að farþegar séu ekki settir í óþarfa hættur. • Hvetja gesti til að láta vita af öllum verkjum og nuddsárum og bregðast við með viðeigandi hætti ef slíkt kemur upp.