Conti di i 1001 motti

1001_motti_int.indd 1

10/05/2017 15:02:06

1001_motti_int.indd 2

10/05/2017 15:02:23

U contu di i mille è unu motti

1001_motti_int.indd 3

10/05/2017 15:02:23

1001_motti_int.indd 6

10/05/2017 15:02:23

Premessa

Scerazada cuntava, cuntava…

A storia, a cunniscite tutti, cari mei. Scerazada cuntava, cuntava, da ch’ellu ùn sazii mai u sultanu. Ogni sera, da scampassi una morte prumessa, u lasciava in alitu, a narrazione suspesa à quellu culmine chì accatizzava a so brama è esigia un attempu sempre rinuvellatu à a grazia di u lindumane. Pianu pianu, ghjornu per ghjornu, li riescì à ammasgiulà u principe spietatu è, à capu di mille è una notti, si fece accettà da sposa ideale.

Bona, ma u talentu di Scerazada, ci vole à arrizzassi à bon’ora per avellu ! È inventà ogni sera una passata da pudè… cuntà fin’à mille è unu ; mille è un motti, risposte è burle, ci vole à chjamassi Grossu Minutu, ci vole ! A vidite spuntà, voi, a chimera : u figliolu spirituale di a più gran capifulaghja urientale è di u più gran folicapone corsu, mmh mmh ! A fasgiana persica nant’à un purusangue arabu è u sumerinu incarnatu nant’à un fasgianu bazzicone, umbah ! (Umbasti !) (Ùn basti !) È chì pò fà ? À chì ùn si risicò, ne perse ne guadagnò. E chimere sò fatte da credeci è da esse scuntrate. Ordunque, acchjassemuci !

Aiò ! Zà ! Eccuci colti à cavallu à i seculi, a Storia, i miti, i paesi, e lingue… via, ogni erba da fanne un fasciu è campà i zigomatichi di a fera à mastucalla.

Eccuci colti à u famosu tappettu magicu chì sfida nuli venti è timpestate : aria ! È spazzemu puru u sole nant’à i tetti chì ci si busca divizia. Eccuci colti à l’estru vagabondu chì s’addiletta à ogni surgente : acqua currente ùn tomba ghjente, s’ella ci si scola l’onda benefica di a boccarisa, n’accunsenterà ogni sursata.

S’è, per furtuna, ùn vi site sdillaziati per andatu, chè vo fate l’onore à u cuntadore di lasciallu campà (è di lasciallu campavvi) ogni sera ; chè vo ùn avete

7

1001_motti_int.indd 7

10/05/2017 15:02:23

ancu penciulatu à a mill’è unesima battuta1, tandu, cuccagna (di bazzicone) ! I conti chjari tenenu l’amichi cari è ne feremu trè libri2 cù u zanu.

Basta chì, caminu facendu, s’accatastinu truvate, filastruccate, bisticciate, da difende è illustrà a nostra favella è dalli e so lettere di nuvità. Di nubiltà, a benedica, ùn ne hà bisognu da tantu chè no a sapemu capace, sgualtra, maiò, appughjata à e culonne di a cultura fonte greculatina, ghjudeucristiana è meditarrania più ch’è millennia. A nuvità, puru ch’ella abbasti à ciuttassi nù a nostra ricca literatura pè custatà ch’ella ci hè sempre stata, ci tocca à (ri) inventalla ogni ghjornu. È quì affacca st’irrepressibile slanciu à impastà l’arzillu fecondu di e parolle, à mudellà e forme infinite di u logos isulanu, à stuzzicà u geniu propiu chì bolle in senu à ogni lingua. U scopu demiurgu hè di smeriglià u prismu di vetru culuritu chì pò interpretà u mondu à traversu à l’angulamentu originale, unicu, di un parletu unicu : quellu nostru caru è santu, eredu da l’Anticoni denzani3.

Tandu, in l’inanità finta di l’eserciziu, surrealisticu, futile, spapersu, si circherà à scatinà a piena di creatività, u schizzu di vita ch’ellu ci tocca à insuffià tutti inseme. À quandu si paliserà nù un’assunanza, à quandu nù un’allusione, un afurisimu, una contrapeta, una simetria… À quandu denunzierà un mendu, à quandu taruccherà cun benevulenza, buscherà l’inattesu, l’inuitu, l’ineditu… ma sempre cù l’accostu di a truvata burlesca, di a semantica sviata, di a sillaba travestita, ogni prucedimentu da move un carnavale bracanatu è festivu4. È s’ella fussi quessa a nostra furtuna ? Cuntà, à veghja, pè stà svighjulati, da bramà u lindumane cun ingurdezza, bocchifini gulosi di parolle nanc’à dì ? Cuntà, à 1. Sta volta, s’hè sceltu d’assestà e induvinelle à tematiche è di più, sopr’à sugerimentu di l’amicu Bernardu Biancarelli di l’edizioni Albiana, chì hà sempre cura di u so letturatu, venenu, quelle, affittate à quinte. À cinque à cinque, cun rifiatu à ogni piantatella, per duiecentu, si ghjunghjerà forse megliu à mille (?)

2. Di dui leticanti (Mille mille !, Albiana, 2013, è questu quì) un terzu si ne ride sempre. Fussila puru, chì ùn mancanu i sugetti da sbillicassine è saria, sì Diu (u letturatu è l’editore) vole (nu), cun gran piacè !

3. Nant’à stu tema di l’umurisimu vettore di creazione linguistica chì mi corre in capu dapoi ch’ellu m’appii dettu un amicu : « s’ammaistreghja solu un parletu quand’omu pò ride cun ellu », vi prupongu ste duie citazioni, à mò di riflessione : « L’umurismu hè u più eminente mecanisimu di difesa » (Sigmund Freud) ; « L’umurisimu hè u prima donu à perisce nù una lingua strangera » (Virginia Woolf.)

4 A vera ambizione saria di fà di u ghjocu di parolla a parolla di u ghjocu. Una, da vesticà l’arcane fonti di l’eterna giuventù linguistica. Duie, da avvizzà l’intellettu à rimpatrunissi i so riferenti : infrasate, vucabulariu, parolle, interghjezzioni, detti, pruverbii, lochi cumuni, literatura, canzone, usi, stalvatoghji nustrali… via, tuttu ciò chì face l’intimu d’una lingua. Trè, leghje l’universale : Storia, miti, conti, scienza, riligione, attualità… cù sguardu propiu, dì è incantà cun spiritu arradicatu, arradi-

8

1001_motti_int.indd 8

10/05/2017 15:02:23

veghja, pè stà vigilanti, da cunfurtà i nostri passi cumuni, avviacci ver di a suvranità mentale, culturale, litterale. Cuntà, à veghja, da sveglià a nostra curiusità, e nostre capacità, e nostre virtualità ?

Lingua corsa, billicumundi, chì s’agguanta u spaziu sanu da surpassi l’universale. Lingua corsa da sbillicà mondu è versà sale in ogni locu. Lingua corsa di u ludicu, u piacè, a invenzione sparta è pruteiforma. Lingua corsa mez’à u cuncertu plurale è ricunfurtante di l’altre, di l’altri, nù a babilonia di e nazioni chì sanu spiantà e torre d’avoriu murtifere.

Furmemu la tribizonda, arrutemuci a lingua è babiluniemu à satonda : fintantu chè no ridimu, simu vivi ! Chì fubbe a reazzione di l’Eva ghjallinina quand’ella fece u primu ovu di a Creazione ? Si misse à scaccanà à voce rivolta.

Chì face l’omu quand’ellu more ? Si stampa st’ultimu è ennimaticu surrisettu, quellu di Buddha è di i Santi in omore di sant’età. Allora mì, trà a nascita è a partenza, circhemu à campà di più bellu modu chì sia : campemuci !

Scerazada cuntava, cuntava…

G. Turchini, di lugliu 2016.

cassi in l’universale. Quattru : sempre per amore è piacè, mai per forza è straziu. Nant’à st’ultimu puntu, una precisione : ci hè spessu stata detta da amichi lettori ch’ella li vene ardua, ind’e volte, à capisce certe cacciate. Prublematica specifica, spessu, à e lingue minurizate chì, appuntu, perdenu i so riferenti da u for d’usu impostu da l’imperialisimi gluttufagichi. Ùn vole dì ! Si gira a pagina è si passa à a induvinella seguente. Cum’ellu disse cun tanta grazia Aldous Huxley : « Sò belli chè dulurosi certi ghjochi, a sapete, ma a dificultà ne rialza i delizii »… cusì sia !

1001_motti_int.indd 9

10/05/2017 15:02:23

1001_motti_int.indd 10

10/05/2017 15:02:23

Burlasconi 1.

Chì diferenza ci hè trà Diu è u burlascone ?

Diu si sprime cù u Spiritu santu ; u burlascone si spreme cù u santu spiritu.

2.

Perchè l’omu chì vi divertisce stà sempre in agguattu ?

Perchè di parà a noia hè pigliatu.

3.

Chì diferenza ci hè trà u muradore è u burlascone ?

U primu calce e facciate ; u segondu face e cacciate.

4.

Qual’hè u rè di i burlasconi ?

Ciarlumagnu.

5.

Perchè ùn ingagianu mai burlasconi ind’è i pumpieri ?

Anu a peura ch’elli scherzinu cù u focu.

11

1001_motti_int.indd 11

10/05/2017 15:02:23

Bastia 6.

Chì hè a diferenza trà u tifosu di u SCB è quellu di l’ACA ?

Unu mughja : « Aiocci ! » L’altru mughja : « Aiacciu ! »

7.

Chì hè u mottu di i scarpari bastiacci ?

Bastia Bastia, à chì ùn hà sola ùn ci stia !

8.

Perchè mettenu tantu tempu à scarcà i battelli, i dockers di Bastia ?

Camallu vechju ùn muta andatura…

9.

Chì cerca l’arrivista bastiaccia ?

A cullata di ficcaghjola.

10.

San Ghjisè, U Mercà, A Citatè… Ma perchè, in Bastia, sò tronchi tanti vucabuli ?

Perchè basta chì a liscia sguilluli per finisce mozza.

Corsica 11.

Chì cantanu Luzzinchi l’estate quand’ellu ci hè l’ingorgu di turisti in muntagna ?

Cintu è bellu era carcu eri.

12.

Cumu si ricunnosce unu chì face a spaccata (è u passu più maiò ch’è l’infurcatura) in Girulata ?

Hè quellu ch’hà l’anche di piana.

13.

Stadiu Monsignore Cutone ?

Sona megliu : arena Vescu Uata.

12

1001_motti_int.indd 12

10/05/2017 15:02:23

14.

Chì face un Niulincu chì abbassa u so tettu ?

Cala a sima.

15.

Chì diferenza ci hè trà Pontenovu è Vivariu ?

In Pontenovu ci hè oramai quellu ponte vechju accant’à u novu è in Vivariu, accantu à u ponte di u Vechju ci hè oramai quellu ponte novu.

Sposi è spose 16.

Cumu si ricunnosce u sposu impenseritu da a moglia ?

Si face e corne per ùn purtalle.

17.

Chì diferenza ci hè, in un coppiu, trà i preliminarii è u matrimoniu ?

Prima eh, ghjè losa è dopu hè ghjelosa.

18.

Perchè finisce sempre male quandu u sposu annunzia à a moglia ch’ellu hà da divurzià ?

Perchè quandu u primu rompe i patti tandu a segonda rompe i piatti.

19.

Chì diferenza ci hè trà a mamma chì face e spese per a famiglia è quella chì ùn apprezieghja u serinatu per a figliola ?

Una vi punta u caddy davanti è l’altra vi tira u catinu appressu.

20.

Chì hè una bella suppa di musu à mezanotte ?

Una soprascena.

13

1001_motti_int.indd 13

10/05/2017 15:02:23

Futbollu 21.

Qual’hè u scemu tratechju chì mughja tuttu u scontru daretu à e rete di u goal ?

Par i macci : l’obesu d’i motti, u scioccu d’i pottò.

22.

Chì diferenza ci hè trà u battellu clandestinu è u SCB ?

U primu viaghja cù i fanali spenti ; u segondu viaghja cù i fanatichi infiarati.

23.

Quale sò l’ondeci ghjucadori di a sguatra di Russia ?

Ocusigoff, Gattivastoff, Chiccatastroff, Granfilosoff, Empiistacoff, Effalatanev, Upiubbelludiapiev, Tamantercev, Adamuehev, Facciuagrev, Dilevainpurlev. Rimpiazzanti : Farinacastagnin, Sodiamarin, Evveramentemischin, Tamantupippin, Facearrizzechjin, Chivvitacanin, Simontasegacuasoalpin, Paghjudipich, Tiraapetrauritch, Unnastrappapiuccuusospitch, Parentappiccicatich.

24.

Quale sò l’ondeci ghjucadori di a squatra di Serbia ?

Fammiduinic, Sottechjudibuglitic, Spazzamistibic, Seppigliatuntic, Machimattamic, Simuddicastagnic, Ufocupic, Fettadisalcic, Unnamaiavutulic, Appigliatuacic, Chippuzzadibaschic.

Rimpiazzanti : Coppiudifughjitic, Arricoglimistufraschic, Quantucostastapillic, Merezallumbric, Seappuzzatuinufanghic, Aiospic, Pidochjurifatic, Infartumassic.

25.

Quale sò l’ondeci ghjucadori di a squatra di Svezia ?

Ceuntippuchisson, Chippuzzadoson, Manudatuacortison, Bucchinason, Lasciacorrestulucchison, Eunverumerduson, Facesemprusomuson, Cristeleison, Chirieleison, Popoddicason, Abbluccatuclacson. Rimpiazzanti : Anglosasson,

14

1001_motti_int.indd 14

10/05/2017 15:02:23

Mettimuciaudiapason, Chiffacciadimerduson, Ammumentietison, Unlaipiuvvistuquellazison, Acampanarison, Guardallaltruvizzuson, Ciportadifolencanson, Paretuttumaicchelgiacson, tarricordiquellifanghirossidiamontedison.

Turisti 26.

Chì diferenza ci hè trà u turistu di Venezia è quellu di u GR 20 ?

Unu hè à pede di u Ponte di i Suspiri ; l’altru suspira à u pede di i monti.

27.

Chì hè a diferenza trà e guerre sante è i camping-cars ?

E prime sò e cruciate ; l’altri sò e cruciacce.

28.

Chì diferenza ci hè trà l’autoburlatu è u turistu in A Restonica ?

Unu si face u colpu di a mela cotta solu ; l’altru hè cottu da u colpu di sole à u Melu.

29.

Chì diferenza ci hè trà un cuglidore di castagne è un tippu di plasgia ?

Unu hè un bicci boy sott’à un pedale ; l’altru hè un beach boy sopr’à un pedalò.

30.

Chì diferenza ci hè, l’estate, ind’u rifugiu di u GR 20, trà u Corsu è u pinzutu ? À u primu li scappa a stizza chì à l’altru li stizza u scarpu.

Canzone corse 31.

Chì canta quellu chì ùn riesce à fà sunà u culombu ?

Suraccu hè lu cornu (Ùn ci hè più riscrachju).

15

1001_motti_int.indd 15

10/05/2017 15:02:23

32.

Chì canta l’infirmieru chì deve pulisce un sucicone ?

Sfurtunatu serà quellu chì ti netterà l’ascella.

33.

Chì canta u superiore di u cunventu quand’ellu sona meziornu ?

Aiò tutti fratini ch’hè ora ; d’amà ciottula è di stringhje mansella.

34.

Chì dicenu in Moscova quand’ella dirasca una donna decisa ?

Una Russ’taglia, ùn si sà quant’ella accosta !

35.

Chì canta un Corsu esiliatu à u Texas per dì u so amore à una donna ?

Cow boy o madamicella…

Animali 36.

Chì hè u mottu di u ghjattumammone mastinu ?

Lince per ùn more.

37.

Chì hè a prima frasa ch’ellu dice u porcuspinu chì ampara l’inglese ?

My tailor is ricciu.

38.

Chì dice u vitellu marinu chì si sente solu nant’à u so pezzu di banchisa ?

O mar’ parlami morsu !

39.

Fin’à induve a sanu i sbrigli, ch’unu hè mortu ? À talp’untu chì… u interranu.

16

1001_motti_int.indd 16

10/05/2017 15:02:23

40.

Perchè s’assumiglianu tantu i bradipi ?

Perchè sò tutti à chì và lente.

Iniziali 41.

Chì sò l’iniziali di a vera peurone ?

BH.

42.

Chì sò l’iniziali di u veru reggaeman ?

BAP.

43.

Chì sò l’iniziali di u veru sdillaziatu ?

PNSTH.

44.

Chì sò l’iniziali di u veru schizzasalute ?

NRJA.

45.

Chì sò l’iniziali di e vere donne indipendente ?

ADBRL.

Lampantoni 46.

Chì si dice u lampantone in a piscina ?

Alè, mi facciu dece languori.

47.

Chì lamentu canta u stercaghju custrettu à travaglià ?

T’aghju cunnisciutu car’asgiu !

48.

Perchè trica sempre u stercaghju cambugianu ?

Perchè ùn hè Angkor.

17

1001_motti_int.indd 17

10/05/2017 15:02:23

49.

Chì diferenza ci hè trà l’oca è u mighelazzu ?

Una si ne và tingulioni ; l’altru si ne batte i cuglioni.

50.

Chì l’hè accudutu à u tascaghju imprigiunatu ?

Hè cascatu da carità in cella.

Inglese nustrale 51.

Chì hè l’innu di u purcaghju di l’Highlands ?

Scot’ghjanda for’ever.

52.

Chì dice l’Inglese scortu chì adopra i trasporti cumuni senza pagà, à u cuntrullore ?

In traming cool !

53.

A sera di capudannu, chì auguranu duie topucodane per i so figlioli ?

Appiinu ghjire !

54.

Chì hè l’innu di i pelicani brittanichi masuttati da a marea nera ?

Gozzi ave d’inquini !

55.

Chì hè a seria brittanica preferita di u sburgnone cascatoghju ?

Sciappò milone è botti di coghju.

Giacubini 56.

À chì a cundanna, a Corsica, u giacubinisimu francese ? À a pena capitale.

18

1001_motti_int.indd 18

10/05/2017 15:02:23

57.

Cumu si ricunnosce u giacubinistu accanitu ? Ùn vole mai ricunnosce a regione di l’altri.

58.

Chì anu dettu i Francesi à i Corsi per ch’elli abbandunessinu a so favilla ? Ùn parlate micca cun ella, hè una gattiva lingua !

59.

Perchè finiscenu tutti in cuntinenti i giacubinisti corsi ?

Perchè sviluppanu sempre patulugie di pro Statu.

60.

Chì hè u mottu di Statu giacubinu in pettu à e lingue minuritarie ?

Liberticidà, egualizà frà ternità.

Bisticci 61.

« Tutti in Gerusaleme » : in tredeci lettere (duie parolle) ?

Motti cruciati.

62.

Chì campanu dui innamurati à l’attrachjata ?

U riscalla mente per affettu di sera.

63.

Chì face quellu chì stà à bocca aperta davant’à a bestialità di certi ?

I piglia in gran conn’siderazione.

64.

Chì hè una pulenda fatta in quattru è trè sette ?

Una bomba arritt’ardamente.

65.

Induv’ellu ci hè assai sedie ? Ùn ci hè ch’è rea.

19

1001_motti_int.indd 19

10/05/2017 15:02:23

Biancaneve è i sette nannuli 66.

Chì dicia Biancaneve quand’ella perdia una cosa in casa ?

Sè vo ùn ci vulete stacci tutt’è sette avete interessu à passà tuttu à i sette stacci !

67.

Chì diferenza ci hè trà u contu di i fratelli Grimm è l’espluratori pulari ?

Unu hè Biancaneve è i Sette Nannuli ; l’altri n’anu le setule in a bianca neve.

68.

Chì mughjava Biancaneve addisperata da e lite di i so cumbotti ?

Avete sempre tante pisature ma ùn acquistate un palmu di magnanimità !

69.

Chì dicia quella regina gattiva, in u contu di Biancaneve, davanti à u spechju ? È a più bella hè ch’ùn sò eiu !

70.

Chì disse Boeing quand’ellu vide affaccà i nannuli à bordu ?

Seti setti seti ?

Boia 71.

Cumu u chjamavanu l’assistante di u tirapè in u Far West ?

Un co boia.

72.

Chì dice u cundannatu à morte chì vede spuntà u boia cù a so cagula ?

Serà un avangustu di u paravisu ?

20

1001_motti_int.indd 20

10/05/2017 15:02:23

73.

Cumu si ritruvava u sgaiuffu di Betleeme cundannatu da e lege citatine ?

Trà lu boia è l’usu merre.

74.

Cumu si chjama un esecutore puntuale (chì u mottu hè : « e fune longhe diventanu serpi ») ?

Un boia cù stritt’ore.

75.

Chì diferenza ci hè trà u cundannatu à morte chì ghjunghje à l’ultima curreghja è u boia chì li apre a caterazza ?

Unu hè u tirapè ; l’altru hè u tirapé.

Assunanze 76.

Chì vi prupone l’Inglese à quattr’ore ?

Chè : un tè cun mè ? Neh ?

77.

Chì dice a mammone à u figliulinu chì vene di rompe l’ogettu di valore ?

Papà !... Babbà, Babbò è Babbà ! Buh buh buh ! Và bè !

78.

Cumu sò l’anelli fesi ?

Sò per di dì perditi per dite.

79.

Chì dicia Francescu Ghjiseppu quand’ellu si primurava di e gemme di a moglia ?

Sò in sussuru : si sà sì Sissi s’hà sassi à sassulassi ?

21

1001_motti_int.indd 21

10/05/2017 15:02:23

80.

Cumu si ricunnosce u frullu frollu ? Ùn vale un frillu.

Speculazione 81.

Perchè vene sempre palisata a rapacità di i prumutori in Corsica ?

Perchè di i so siti, ne colla a puzza in celu.

82.

Chì diferenza ci hè trà u fanaticu è u prumutore ?

U primu ghjura solu per a barba di u prufeta ; l’altru per u garbu di u prufittu sulle ghjure.

83.

Chì diferenza ci hè trà u pastore niulincu è u prumutore pincu ?

Unu mette scandule nant’à i tetti ; l’altru mette i tetti nant’à Scandula.

84.

Chì diferenza ci hè trà Diu è u Statu ?

U primu ci franca da u male ; u segondu ci franca da u bene.

85.

Chì diferenza ci hè trà u Corsu di l’annate settanta è quellu d’oghje ?

U primu, ellu, circava à custruisce un antru avvene soiu ; u segondu cerca à vende u soiu ch’ellu custruisca un antru.

Literatura 86.

Cumu e chjamava, Racine, e pitture in ingannaochju (di a cuppula) ?

Vere è nice (in domi ci anu.)

22

1001_motti_int.indd 22

10/05/2017 15:02:23