熱人，規紺色ê暗暝，天星稀微，清風輕可，日時ê燒熱攏予吹甲放袂記。
阿清參加怹高中ê營隊，才會閣踮學校睏過暝。五樓走廊tshun幾葩電火有
著，伊 个人踅來踅去，面色淡薄仔憂憂，若有啥物代誌that佇心肝頭ê
款。挐tshàng-tshàng ê樹影相伴，伊踅到另外 排教室，走廊尾遐徛 个
人影面熟面熟。
「一賢sian-pái！」
「喔！猶未睏--喔？」
一賢文文仔笑共應，伊是三年tann畢業ê學長 怹遮ê sian-pái 畢業了後
，攏閣會轉來共營隊鬥相共 伊人躼，面容幼秀標緻。
「連鞭欲睏--矣，想講出來行行--咧......」
下看著sian-pái，阿清ê心隨咇噗咇噗跳，這款症頭毋是頭 擺，嘛毋知
是對當時開始--ê
前年，仝彼款鬱熱ê下晡，八月ê日頭共社團博覽會燃甲誠鬧熱，tann入學ê
阿清綴同學來踅看有啥物社團通好耍--ê。
「歡迎來流音社！」
「班聯會！班聯會！��你上山落海袂後悔！」
「學弟！欲來大傳社無？歇寒會當同齊去台北��迌--喔！」
「趕緊來童軍社！」
凡勢是傷吵，阿清頭殼楞楞若著痧，想欲轉去教室歇 下，毋過伊ê同學早
就耍甲毋知人去矣。伊 个人行，煞因為毋捌路踅玲瑯踅規晡，佳哉有拄
著sian-pái來共��路。
「你佗一班？」
「......11班。」
身體無爽快所致，阿清規路無去注意sian-pái是生做圓--ê抑是扁--ê，干焦
知影伊揹佇尻脊後ê名牌所寫ê名： 賢。
「到位--矣，你有要緊--無？面色誠䆀--neh！曷是欲去保健室？」
「無要緊......我小歇 下就好，多謝sian-pái。」
尾仔才知影，原來伊是二年ê sian-pái，嘛是阿清怹天文社 ê 幹部。 -
「太陽系ê行星就干焦天王星上特別，因為伊袂癮佮別人相siâng，伊是䖙--
咧若車輪按呢自轉，所以有ê算星運--ê就會講伊是創新、革命ê星......」
睏晝ê氣味猶未散，毋知是窗仔外燒烘烘ê籃球聲透觱仔聲起起落落，抑是
賢sian-pái咧講課較趣味ê款，阿清比平常時閣較精神，精神甲和邊仔窸 窸窣窣ê聲攏聽甲誠明。
「聽講又閣有學妹向一賢sian-pái表白--矣neh！」
「敢有影？」
「阮朋友講--ê，伊講佇後壁圍牆遐看著--ê……」
「我聽人講昨日嘛有 个二年ê查埔向伊......」
風聲四界飛，煞攏無半个影，阿清對這種閒仔話無啥有興趣，入社了後，伊
干焦關心天文佮攝影，逐不時tō來到社辦請教一賢，下課了後嘛會綴伊留
踮學校練習操作器材。
-
「準備來走--矣！較緊--ê，無，恁尾班車會趕袂赴。」
第二學期ê活動滿滿滿，留校ê時間袂輸流星，阿清聽著sian-pái ê 吩咐趕
緊共物件收予好勢，綴逐家來到教室外， 賢sian-pái押後關火，眼前若雄 雄予烏布罩起來彼款。
「啊 ！」
「哪會遮烏--ah！！」阿芸sian-pái佮一年ê阿心兩人喝甲大細聲，害逐家掣 咧。
「凡勢是警衛又閣袂記得，共走廊火總關掉矣......」 賢隨共手機仔ê手電 點著，共塗跤炤予光。
「趣味喔 聽講暗時仔ê學校誠鬧熱。」
「我捌聽sian-pái講過，體育組遐ê便所......」
「莫閣講矣啦！遐等--咧咱會經過！」
佮阿清仝班ê川仔和另外 个ê學長徛邊仔咧共怹嚇驚，阿芸佮 賢仝班，
兩人袂輸換帖--ê，平常時看起來誠勥，想袂到是遮爾無膽，伊共阿心ê手
掠絚絚，手機仔ê電火ná炤ná掣。
「等咧逐家先莫叫本名，兩个兩个相牽行作伙，嘛莫去掰別人ê肩胛頭 」
一賢講。
「你叫是講這馬是咧耍營隊ê夜色活動nih！」
「無，你是希望等咧人愈行愈濟--nih-ah？hannh？許芸......」
「好好好好好！緊來行！緊來行！」
本底毋驚鬼ê阿清予怹舞 下嘛開始起雞母皮，看逐家咧答喙鼓，氣氛有 加較輕鬆，但是越頭看著一賢嚴肅ê表情，害伊又閣小可仔驚驚。
「恁兩个查某綴川 綴怹兩个，予怹��頭，阮兩人押尾。」
講煞，一賢行來到阿清身邊，牽伊ê手。
夜色若春霧共怹包甲峇峇，冷風撩枝咧呼噓仔，無人敢講話，阿清嘛毋敢
四界烏白看，跤步綴手電光，Sian-pái ê手溫對手底傳來到伊噗噗惝ê心，
緊張ê氣氛沃佇彼燒燒ê感覺，予心花ê穎暗靜咧發
圖書館上揜貼ê窗仔邊，阿清孤一个人坐佇遐準備期尾考，坱埃佇空中閃 爍，冊隨風掀，阿清若雄雄想著啥物ê款，頭攑khài看，窗仔外三年ê
sian-pái為著明仔載ê大學考試，揹冊包提早離開學校。
想著頭一擺佇仝這位拄著一賢 ，兩人作伙，共解袂出ê算式，一題閣一題，
尾仔解作一種慣勢。一工過了一工，伊升做天文社ê幹部嘛欲半冬--矣，邊
仔位煞空空，焦葉勻勻仔離枝，落佇心底規堆ê稀微......
青葉隨風搖，日花仔掖規跤邊，阿清欲共伊ê名簽佇一賢 ê 制服頂面，毋過
一賢人緣傷好去矣，規領白色ê制服已經hőng簽甲滿滿是，揣無半位好。
一賢共伊衫仔袋頂彼蕊假紅花剝khài，鋏對阿清ê衫仔袋。
「明年就換你--矣。」
「無愛--啦......真毋甘--neh……」
兩人徛相倚，阿清毋敢攑頭共看， 劃 筆，頭犁犁共伊ê名刻予好勢，刻
佇紅花讓出來ê位。
「按呢我明年無法度替你簽名。」一賢若咧司奶ê款。
「Sian-pái！畢業快樂！」
「多謝。」
「無......就這馬簽簽咧！」
「三八，你閣愛穿來上課--eh ！」
「好--lah！我會專工留仝款這位予--你，等你歇假轉來簽。」
「好，咱已經相約--矣喔。」
兩人指頭仔相勾做約束，少年ê面，染著鳳凰花ê紅......
佳哉半暝仔面紅是看袂清，阿清行到一賢邊仔，看伊攑相機翕甲誠樂暢，
講今仔日月娘誠光，所以伊才會踮遮咧翕。
「按呢敢翕有物？」
「欲試看覓無？」
講煞，阿清隨接過相機，綴 賢去入到樓尾頂。
「喔！遮有夠閬闊--ê！」
「毋捌來過--hoonh？我若心情無好攏會偷偷仔peh起--來遮。」
無邊ê天會當藏濟濟秘密，兩人ná行ná翕，翕著幾粒天星耳語，踅了幾輾，
阿清煞吐一个大氣。
「我閣按怎翕嘛是翕輸--人......」
月光薄薄tshu做底，兩人䖙壁坐，原來阿清是看著怹攝影組仝屆ê阿南所
翕ê相片，翕了有影厲害，家己實在是無法度相比並，感覺心聲齷齪甲黏黏
作 伙，毋知欲按怎講出喙。
「頭拄才我就咧想，敢是我真正無彼个天份，但是 」
「若因為按呢就共放棄是真毋甘願，著--無？」
阿清無應半句話。
「這代表你對攝影真對重，是真心佮意。」
阿清手頭ê相機予sian-pái接倒轉去，聽著sian-pái咧共呵咾，講有幾若張
確實是翕了袂䆀，伊煞想講sian-pái是欲共安慰才按呢講--ê。
「無--矣，像這張就無蓋好。」
「為啥物？」
「佈局無重點。」
「你有夠嚴格！」
阿清起囡仔性咧張，一賢無法伊，繼續看相片咧講。
「其實阿南伊十歲就開始咧耍翕相機--矣，這頂改食飯伊家己講--ê，自細
漢到今，你這馬所看著ê是伊粒積七冬ê功夫。你才tann開始爾，欲共逐過
本底就較困難......」
賢伸手輕輕仔挲阿清ê頭殼，閣繼續講。
「但是，若閣堅持五、六冬過，你就會進步甲佮伊仝款，凡勢會閣比伊閣較
厲害。你絕對有才調，愛相信你家己，知--無？」
阿清頕頭共應，目屎含目墘。sian-pái 句話袂輸溫泉水，共塞佇阿清心
肝頭ê結攏沖散了了，伊雙手��（mooh）跤頭趺共半个面庵khài，驚（kiann）
心底ê彼个秘密會予sian-pái看現現
阿清聽一賢講欲教伊一步，伊去外口上課學著--ê。
「彼个先生講攝影上重要--ê，毋是干焦用目睭看，閣愛用耳仔去聽。」
「聽？」
「著，世間萬物攏有心聲。」
伊綴sian-pái目睭瞌瞌，共喘氣放予輕，藍田溪岸，草仔咧哈唏，四箍輪轉
攏是眠夢ê恬靜。
過一睏仔，一賢偷偷仔共目睭褫予開，看阿清猶未醒，毋敢振動。
咧眠夢--ê凡勢是伊，一賢想無，拄才伊手若是去予啥物線搝著ê款，哪會
無張無持去挲阿清ê頭殼。頭毛幼幼ê感覺猶閣留佇手底，伊ê心若hőng搖
過ê汽水，溶佇夜色ê玻璃甌仔。
想著阿清彼蕊本底無滋無味若冰角ê眼神內，袂輸天狼星ê星光又閣著咧
閃熾，伊捌看過，佮彼時仝款
十月tann開始紅ê軟晡，社團迎新��社員來海邊仔��迌，白沙ê跤跡滿滿是
，海湧邊仔鬥鬧熱，頭 擺做攝影組ê 賢相機攑咧，共逐家ê笑容透南國ê
燒烙收做 目��。
「哪會一个人坐佇遮？」看阿清若咧相啥物相甲戇神去--矣，一賢隨坐伊邊 仔作伙搧風。
「因為天色誠媠。」
「你敢知影國外共日頭欲落山ê這段時間號做Magic Hour？」
阿清搖頭。
「欲用相機紀錄看覓--無？」
「敢會使？」
就是佇阿清輕輕仔共siat-tah（快門）揤lueh了，彼个無止時ê瞬間，彼个眼
神，一賢揣著伊願意栽規世人去追求ê彼粒星 若興天文ê科學家彼款
阿清開始對翕相有興趣，有話通講，兩人嘛愈行愈倚，所以彼暗才有
ê手.......
若準傷過倚近，凡勢翼股會規組溶去，跋落落--來。徛邊仔用鏡頭共紀錄，
家己藏佇心內知知就好。
「按呢就好。」
-
無定著用千里鏡就有法度看--著，阿清佇伊制服簽名ê時，敢是仝彼款ê眼 神？
雙手插佇褲袋仔，鳳凰花ê芳味，毋甘ê心情激做西北雨ê酸雲，伊想欲知影
，但是伊永遠毋知影，就親像阿清毋知社團博覽會彼工，醒khài看著桌頂
彼罐加鹽冰沙士，是 賢專工欲買予伊--ê......
－－
「！」
一賢若予啥物搝倒轉來彼款，才發現是阿清睏去矣，頭khuè佇伊肩頭頂，
細膩ê喘氣，無防備ê面容，予伊聽著家己彼个愈來愈明ê心意。
共時間恬恬仔放袂記，月娘猶閣佇遐，原來，予月光曝久嘛是會燒熱。
-煞-