7
U
stez J A N V A N CONINXLOO (Brusela, 1498 - ?) pintorearen lana. Ohol gainean egindako olioa (Bruselan 1520 urte inguruan). Aizarnako Eliza Nagusiko Altzolarastarren kaperan kokatua dago.
1
1500 URTE INGURUAN ANBERES BRUSELA EUROPAKO MERKATARITZAGUNE GARRANTZITSUAK IZAN ZIREN. PINTORE ASKOK BEREN LANTEGIAK HAN KOKATU ZITUZTEN. HORIETAKO BATEK, JAN VAN CONINXLOO-K, 1520 INGURUAN EGINGO ZUEN, SEGURUENIK, KRISTOREN JAIOTZA ETA BESTE ES-
ETA
ZENA BATZUEKIN GAUR
AIZARNAKO ELIZA NAGUSIAN DAGOEN TRIPTIKOA. PINTURA HORI EN-
EGUN
KARGUZ EGINDAKOA
IZAN DAITEKE. ERDI-
KO IRUDIA ESTALTZEKO ALBOETAKO BI TAPAK IXTEN DIRENEAN, BESTE IRUDI BAT AGERTZEN DA: BI PERTSONA BELAUNIKO ERREZATZEN.
OBRA HORI ENKARGATU ZUTENEN ERRETRATUAK DIRA. SENAR-EMAZTE HORIEK AIZARNARRAK OTE ZIREN? EZ DA ZAILA IRUDIKATZEA ZER POZTASUNEKIN ESKATUKO ZIOTEN CONINXLOO PINTOREARI EUREN ERRETRATUA EGITEKO; PENTSATZEKOA DA, BAITA ERE, ZER DEBOZIO ETA HARROTASUNEKIN EKARRIKO ZUTEN TRIPTIKOA BEREN PARROKIARA.Garai hartan Flandesko pinturak berritasuna ekarri zuen, olio teknikaren berritasuna. Irudi errealagoak eta garbiagoak egin zitezkeen. Koadro horiek barruan batetik bestera dabiltzan pertsonaiak ikusi ahal izateko leihoak dirudite. Teknika berri horri esker, hainbat xehetasun zehaztasun osoz irudika daitezke: jantziak, arkitektura, ilea, aurpegiak eta bestelako gauzak. Eszena bakoitza berehala nabarmentzen da, pertsonaia bakoitzak dagokion lekua betetzen baitu: aurpegiak, keinuak, janzkerak, guztiak hari bati jarraitzen diote. Argia ere oso garbia da, argien eta itzalen kontrasterik gabekoa. Ezkutuan ez dago ezer, argitasun apala ilunetik hasita argitzen joaten da, bolumen sentsazioa sortzeko. Pentsatzekoa da, garai hartako jendea txundituta geldituko zela koadroa ikusita: Mariaren aurpegi ederra, bere postura dotorearekin; haurraren gozotasuna eta Kristoren sufrimendua; artzainen aurpegi deboziozkoak eta umilak; Errege Magoen belaunikatzea; gutxitan agertu ohi den Kristoren zirkunzisioa... Dena dela, erlijio kutsuko debozio eta pietate sentsazioak, beste era bateko gauzekin nahasian ikustean, harridura ere sortuko zuten: jantzi dotoreak, Magoen urre eta harribitxiak, sinagogan agertzen diren metalezko pitxer landuak... Horrez gain, arkitektura miresgarria eta paisaia exotikoa nabari dira. Pintura hau errealitatea ikusteko leihoa bada, kasu honetan errealitateak mundu ideala irudikatzen digu, goi-mailako mundu bat, zalantzarik gabe, XVI. mendeko Aizarnako eguneroko bizimodutik oso urrun zegoen errealitatea, hain zuzen.
TriptikoFlandestarra
V
icente dรกvila (erredakzioan itzulia)