Pries: 4,-
Jaorgank 2014 Beesel, 7 fibberwari 2014
De waeg kwieët? De Vors kwieët!
In deze
Draaksjtaeker:
Bèste Drakinne en Drake, Veur zin allemaol waal ‘ns de waeg kwieët. Of ’t noe de TomTom is dae ós in de sjteek leut of det veur duchtig ónger de ker kómme en nimmer weite waat veur de daag d’r veur gedaon höbbe. As vastelaovesvereniging zin veur zeker neet de waeg kwieët, mer helaas waal ózze Vors! Nao ’t aafgeloupe vastelaovesseizoen haet Vors Frank Hendrix besjlaote óm zien pak en sjteek aan de wilge te hange en zien Vorssjap veurtiedig achter zich te laote. ’n Besjloet det veur neet gans zoge aankómme, waodoor veur noe al ’n tiedje in ‘n ‘Vorsloze’ periode zitte. Natuurlik höbbe veur neet sjtilgezaete en zin veur op zeuk gegange nao ‘ne gesjikte opvolger. Mer det is nog lang neet zo mekkelik. As Vors van CV De Drake mósse van alle merte thoeës zin. Behalve ‘ne hiele goeje sjpraeker, bösse ouch nag ’t boegbeeld van de vereiniging, de vize-veurzitter en achter de sjerme bösse ein van de drievende krachte. Zo’n taak kènse neet zoeëmaar op dich numme, dao mósse dich good op kènne veurbereide. ’t Leek ós as besjtuur van CV de Drake den ouch gèn wies besjloet
óm halseuverkop ‘ne nieje Vors aan te sjtèlle. Get goods mót aeve riepe zègke ze altied; in dit geval dus ouch. Of d’r al witte rouk is en of veur binnekort ‘ne nieje Vors aan uch kènne prizzentere, dao kènne en wille veur nag hiel efkes nieks euver zègke. Toet dae tied vange veur de functie van Vors op ’n anger maneer op, namelik in de vorm van mierdere ‘sjpraeksjtalmeisters’ die de activiteite van de Beeselse vastelaovend aan zalle kalle. Gelökkig höbbe veur ’n enthousiaste, gedreve club wao veur altied op kènne raekene. Aadvors Frank haet inmiddels ziene waeg gevónje in Tegele, same mit zien vrouw Wendy. Ouch al haje veur ‘m gaer nag ‘ne tied as ózze veurgenger hiej gehad, winse veur ‘m gaer ’t allerbèste toe. Mer ja, asse in Tegele geis woeëne as echte Beeselse draak, den bösse toch ’n hiel klein bietje de waeg kwieët…
●
●
●
●
●
●
●
Waoróm haet de draak ‘n jeske aan? Twieë kieër geniete “De sjoeënste vastelaovend van mien laeve” De ierste Beeselse wienkeuningin? Let op: diesel! Gezóch: Waswief m/v Lockersjpel bie Bieslo
Colofon Redactieleje
Karin Aspers, Patrick Aspers, Rik Driessen, Nandy Geerlings, Fred Geraets en Ralph Wilms
Vastelaovend same! Marcel Aspers Veurzitter CV de Drake
Advertentieredactie
Maarten Driessen
Houfredactie
Karin Aspers
Eindredactie
Piet Heldens
Opmaak en illustraties Patrick Aspers Drökkerie
Drukkerij van Stiphout B.V. oet Helmond
Redactieadres
Wittebergsjtraot 34, Beesel draaksjtaeker@cvdedrake.nl