Jaorgank 2020 Beesel, 24 jannewari
Veurwaord vors Mark Bèste Drakinne en Drake, ‘ne Nieje Draaksjtaeker, ’n niej veurwaord van mich as nieje vors. As nieje vors van de Drake waert ’t veur mich dit jaor angers as angers. Laot det noe net ’t thema zin van dees vastelaovesgezet. Mer det waas aafgeloupe jaor toch al? Prins Ruud I sjting d’r mit ‘ne fantastsiche nieje mantjel angers op as det veur bie veurgaonde prinse gewènd ware. Angers as angers, dus. D’r zin nag waal mieër dinger angers as angers in Beesel… Zoeë trèk ózze nieje Drakeprins mit de complete Raod van 11 mit ‘ne gehiel nieje prinsewage mit in de optoch. Dae prinsewage is ech angers as angers. Ouch höbbe veur as vereiniging dit jaor gekaoze óm tiedes de Nach van de Prins en de receptie van ózze Drakeprins te keze veur bands in plaats van artieste… Det is net efkes angers as angers. Veur höbbe oppe Beeselse vastelaoveskalender ‘n niej activiteit d’r bie gekrege: de Boerebroelof in ‘ne totaal nieje opzèt.
Dit waert georganiseerd door ‘ne enthousiaste groep vastelaovesvierders. Ouch dit is angers as angers. Wie ós veurige burgermoder aangaof ós te verlaote, wiste veur det veur ‘ne nieje burgemeister ginge kriege. Nag deze maondj waert Bob Vostermans geïnstalleerd as nieje burgemeister. Det waert zeker angers as angers. En de enige supermert die veur in ós kèrkdörp haje, is gesjlaote. Wao mótte veur noe ós vastelaovesboeëdsjappe insjlaon??? Ouch dit is angers as angers.
Pries: € 5,-
In deze
Draaksjtaeker:
●
Hackers actief oppe Mert
●
Zaat, nog zater, te zaat
●
De knetterdel van Joël
●
Spareribs speciaal
●
De boeët gemis
Mer dao zin ouch zeker dinger die veur néét angers as angers gaon doon. Bacchus Klerke is intösse bekènd en maak d’r same mit de ajere jeug óngetwiefeld weer ‘ne ónvergaetelikke vastelaovend van. De jeugcarnaval haet mit jeuprins Thijmen weer ‘ne nieje veurgenger. Ouch veur as Raod van 11 haole in de finale van de Bóntje Revue ózze nieje Drakeprins ónger de draak oet. En den ós eige activiteite wao veur SAME mit uch haopelik net as angers weer ’n geweldig fieës van kènne make. Allemaol neet angers as angers dus. Dit kèn natuurlik neet zónger de väöle oere die de leje van de Raod van 11 d’r vriewillig insjtaeke. En as de Drakekapel den nao alle repetitie-oere ós activiteite muzikaal óngersjteunt, bön ich oprech gruuëts det veur die in Beesel höbbe. As geur den net zoeëas angers zorg det geur d’r tiedes ós activiteite bie zit, den hoof dit waat mich betröf neet angers as angers. Want de vastelaovend in Beesel LAEF! Ich haop uch net zoeëas angers weer te zeen tiedes de Beeselse vastelaovend, zoeëdet veur d’r same eine kènne drinke… of twieë… of drie… Det is neet angers as angers! Ich böb óntzettend gruuëts det ich de vors van dees geweldige club moog zin, wao ich mich mit hert en zeel veur wil inzètte. Veur zin d’r óm uch te ammezere… en det is al sinds 1952 neet angers as angers!
Colofon Redactieleje Karin Aspers, Patrick Aspers, Rik Driessen, Michel Evers en Ralph Wilms
Sjponsorcommissie
Maurice Crins
Houfredactie
Karin Aspers
Controle en eindredactie
Fred Geraets en Luc Geraets
Opmaak en illustraties Patrick Aspers Drökwerk
Supreme Graphic Solutions Haelen
Redactieadres
draaksjtaeker@cvdedrake.nl
Vastelaovend same! Vors Mark
Veur ein aafsjieëd in sjtieël ...
Telefoon Website
Venlo
Roermond
Rudolf Dieselweg 22
Schouwberg 30
Venlo
Roermond
Rudolf Dieselweg 22
Schouwberg 30
077 - 474 31 37 w w w.uit vaar tcentrumruiver.nl
www.lennaerts.nl www.lennaerts.nl
Vakwerk heeft een naam!
Fred Heuvelmans Kruiskamp 3b 6071 KM Swalmen T +31 (0)6-29031150 www.fh-kozijnen.nl
Beesel Hoogstraat 23
Beesel Hoogstraat 23
Angers as Angers
Ómrieje
Bèste Drakinne en Drake,
Waat waas det lestig, det de Beeselse waeg nao Zjwame zónne lange tieëd waas aafgesjlaote ’t aafgeloupe jaor. Idders kieër ómrieje euver Böstering en de Riekswaeg…
Eind november, net naodet bekènd waas gewaore det ich uche nieje burgemeister moog waere, kreeg ich ’t verzeuk óm ’t veurwaord te sjrieve veur De Draaksjtaeker. Ich veulde mich zeer verieërd! November, ’t is de tieëd det ’t bie de echte vastelaovesvierders neet allein begint te kriebele, mer d’r is al get werk verzat. Idder jaor weer opniej bedinke waat gaon veur doon? Wie verkleije veur ós? Welk thema? Doon veur mit de optoch mit? Allerlei vraoge wao mènnigein drök mit is. Ouch ich höb get óm euver nao te dinke en waal waat ich sjrief as nog neet burgemeister ziende veur ’n gezet die oetkump drie daag veur mien aantraeje? Det is toch ech waal effe get angers. Sjoeën is ’t den ouch det veur ’t in de gemeinte Beesel #GewoonAnders doon. En det ’t thema van dit jaor ouch Angers as Angers is. Dus gèn veurwaord van de zittend (waornummend) burgemeister, mer ’n wäördje van mich as kersverse Beeselnaer. De kómmende tieëd gaon ich de sfeer in ’t sjoeëne Beesel preuve en haop ich väöle van uch te lieëre kènne. Dao geit ’t noe echter neet óm, noe geit ’t óm geniete, plezeer make en veural de boel effe de boel te laote. Op 23 fibberwari 2020 is ’t den eindelik zoeë wieëd; tiedes de sjleuteleuverdrach euverhenjig ich vol vertroewe en mit väöl plezeer de sjleutel aan uche prins. Vanaaf det moment is hae de heerser euver ’t Drakeriek en waak hae euver alle groeëte en kleine Drake. ‘ne Prachtige tieëd brik den aan; ’n paar daag heerlik de zinne verzètte, de draak sjtaeke mit de ‘besjtuurlikke’ waan van de daag. Want vastelaovend viere is toch veural ’t fieës van relativere, de betrèkkelikheid van alles inzeen en ‘gewuuën’ voloet geniete en fieësviere. Al mit al effe Angers as Angers. Ich kiek oet nao de vastelaovend 2020. Det ‘t ’n geweldig fieës moog waere, waodoor v’r de nuuëdige energie op kènne doon veur ’t kómmende jaor. Ich haop väöl van uch te moge ontmoete, bie de sjleuteleuverdrach en de daag daonao. Laote veur d’r same eine gaon drinke!
Bob Vostermans (Bienao) Burgemeister
In De Limburger woje ze ’t leid get verzaachte mit dit berich. Jaomer allein det ze oppe redactie neet kènne telle! Want van 26 augustus t/m 18 oktoeëber is toch ech ach waeke en gèn zès…
Nieje prinsewage
Sjpaorwaegeuvergang
Ómfietse
Juffrouw Paula
Juffrouw Ans
Burgermoder Petra
Burgervader Bob
CoopCompact
Boeëdsjappe aan hoeës
Pesjtoeër César
Pesjtoeër Jos
Tuinbouwloeëds
Laevesloupbesjtendige weuninge
Boeremoos
Boerebroelof
Friture ’t Dörpvan-Rob-van-de-Trouby
Frietboetiek-van-Royvan-Mert5
Aafgeloupe jaor haaj Beesel ‘ne primeur. Veur de ieërste kieër moch Beesel ‘t Long Course Weekend organisere. ‘n Evenement det veurgaonde jaore ónger angere in Wales en Mallorca waerde gehaje. Mót geur uch èns veursjtèlle det de organisatie van zo’n evenement biejein geit zitte ter evaluatie van de veurige editie in Wales en det d‘r den emes de vraog sjtèlt: “Where do we go to next year?” Det d ‘r den bliekbaar eine is dae zaet: “I think that Beesel is the best option…” en óm ‘t nog gekker te make det de res den zaet: “We agree on that!” Mer oké, Beesel moch organisere. ‘t Long Course Weekend waas ‘n evenement wao op vriedig gejzwómme mós waere, op zaoterdig gefiets en op zónjig gerend. ‘t Zjwumme zooj in ieërste instantie gebeure in ‘t water van ‘t Drakeriek. Echter haaj de eigenaer van ‘t Drakeriek bliekbaar de gedachte det hae door dit evenement in ‘t geld mós zjwumme…
Die ach waeke doerde euveriges veur väöl miense té lang. En dus waerde d’r wie d’r weer ’n bietje begaonbaar waas, gewuuën euverhaer gereje; ouch al sjtinge dao borde desse neet door mochs. Helaas is det ’n aantal miense duur kómme te sjtaon! Want ouch de pliesie is neet gek en sjting dao regelmaotig te controlere. En die boetes zin neet misselik! Mer leefs € 340,- höbbe sommige mótte aafraekene veur ’t illegaal rieje op dae waeg… Des pien geld veur die paar kilomaeter en paar minute diese dich daomit besjpaars!
Bómmeljing Weit geur ‘t nog… Veurig jaor haolde Beesel ‘t lanjelikke niejts ómdet d’r ‘n vermoedelik explosief waas aangetróffe. Destieëds bleek ‘t te gaon óm ‘n verroes aoliekenke en kóste de pliesie en de explosieve-opruimingsdeens allemaol weer onverrichter zake inrökke. Beesel zooj Beesel neet zin as veur detzelfde kunsje neet gewuuën nogmaals zoje opveure. Ouch dit jaor kwaam d’r weer ’n veróntröstend tillefoontje binne bie de pliesie. Op 24 maart 2019 kreeg de pliesie ‘n meljing binne van ‘ne persoeën dae in ’t gaat bie Beesel ’n vermoedelik explosief haaj aangetróffe. Of ’t door ’t toch neet zoeë explosief aoliekenke van veurig jaor kwaam, weite veur neet, mer dit kieër sjtuurde de pliesie ieërs mer ‘ns ‘ne explosieveverkenner nao Beesel. Toch geit zo’n meljing as ’n loupend vuurke róndj. Binne no time sjtinge TV Ellef, L1, SBS6, NU.nl, De Telegraaf en ‘t AD róndjóm ’t explosievegaat van Beesel. Mer ’t is of de duvel d’r mit sjpeelt… ouch deze kieër waas ’t gèn echte bóm, mer hanjelde ’t zich óm ’n echte seksbóm! ’t Bleek namelik ’n tube glijmiddel te zin… Laote veur mer zoeë zègke: as die explodeert, guf ’t ouch ‘ne vètzooi!
Aje prinsewage
Gesjlaagde primeur Long Course Weekend
Den mer gewuuën de Doeëje Erm in, zölle ze waal gedach höbbe. ’t Fietse ging van Beesel door Ruiver, Zjwame, Pruuse en oeteindelik weer nao Beesel. En ‘t renne vónj plaats in Beesel en Ruiver. D’r deje ouch ‘n aantal plaatselikke matadore mit aan dit evenement. ‘n Aantal zelfs de volledige wedsjtried (3,8 km zjwumme, 180 km fietse en 42,2 km renne). Veur kènne allein mer zègke: petje aaf veur dees prestatie! Ouch waas d‘r ‘ne Beeselnaer dae allein de 180 km fietsde. Hans R. maak namelik as hobby de nuuëdige kilomaeters oppe wielrenfiets en bloos hoeëg van de tore euver deze daag. Hae sjtarte den ouch veurtvarend, mer naodet hae veur de derde kieër naeve de kantj kwaam te sjtaon mit ‘ne platte bandj ware zien reser vebendjes op en kós hae ‘t thoeësfront gaon belle óm ‘m op te kómme haole. Al met al waas ‘t ‘n sjoeën evenement en zal dit de kómmende twieë jaor ouch weer in Beesel plaatsvinje.
Hackers actief oppe Mert? Sinds ’n paar jaor sjteit d’r ‘ne interactieve informatiezuul oppe Mert van de VVV. In plaats van allein ’n sjtatische kaart wie veurhaer, kènse op det sjerm duje en den gebeurt d’r van alles. Zoeë kènse dao ouch filmkes op kieke van ós ómgaeving, zoeë desse kèns zeen wie sjoeën se hiej kèns wanjele of fietse. Oppe zónjigmiddig det Sinterklaos weer in Beesel aankwaam, sjtinge nao aafloup van de middig ’n deil jónges van ’n jaor of 9 of 10 gezellig óm dae paol haer. Sjiek det die jónge aandach höbbe veur de natuur en zoeë, zalt geur dinke… Mer nieks is minder waor! Waem dönderbie kwaam, zoog namelik det ze same aan ’t kieke ware nao filmkes van Dylan Haegens op YouTube! Jorrit Leppers en zien vrunj waas ’t gelök óm via ’t filmke van de VVV nao de zeukbalk van YouTube te kómme. En den kènse natuurlik alles kieke waasse mer wils!
Hendriks Reclame SIGN YOUR WORLD
Tel. 077 - 474 87 40 E.mail: info@hendriksreclame.nl
www.hendriksreclame.nl
Volgend jaor ouch mit ’n advertentie in de Draaksjtaeker? Num veur mier informasie contac op mit Maurice Crins via
sjponsor@cvdedrake.nl
Angers as angers Ouch dit jaor zin d’r weer get verangeringe in ’t vastelaovesprogram! Zoeë zin veur net nao niejjaor al begós mit ós ieërste activiteit: ’t oetrope van
oetrope van de nieje prins. En waat dach geur van de Nach van de Prins? Dit jaor is de derde edisie, mit as thema Joetse Jatse veur de doelgroep 18+.
Bacchus Klerke! ’n Goeje waek later waas ’t tieëd veur ’n niej-aaj activiteit, georganiseerd door vrunjegroep De Drakeklueëtjes: veur ’t ieërs sins lange tieëd waas d’r weer ’n boerebal in Beesel ! Mit ’n vers boerebroedspaar det geur oppe volgende pagina al kènt bewónjere! Ouch de nieje heerser van de jeugdrake is veurige waek zónjig al oetgekómme. Dus ouch det is gèn mysterie mier; blajer mer ‘ns door. ‘t Enige echte geheim is nog nag waem zich dit jaor prins moog numme van de Beeselse drake! Natuurlik kómme de populaire vastelaovesactiviteite ouch dit jaor weer geweun truuk. Volgende waek begint ’t mit de Bóntje Revues mit op zaoterdig ’t
Prinse en prinsesse van de basissjoeël De nieje hoeëghede sjtaon al bienao in de sjtartblokke, mer hiej wille veur uch gaer nag efkes ’n ieëreröndje make veur de prinse en prinsesse van ’t aafgeloupe jaor:
Mit de vastelaovesdaag zelf verangert d’r neet zoeëväöl, mit oetzónjering van de zónjig. Den waert ’t boerebroedsbaar in de on-ech verbónje bie de Maashof tiedes ’n echte boerebroelof in combinatie mit de BBBBB . Kóm det zeen, maak ’t mit, of kees veur ein van ós angere activiteite, zoeëas de princereceptie op zaoterdig 22 fibberwari of de Rosenmontag op maondig 24 fibberwari. Natuurlik sjloete veur de vastelaovend ouch in 2020 aaf mit ‘ne prachtige optoch door ’t Drakeriek.
Boerebroelof truuk oppe vastelaovesagenda Nao 13 jaor aafwezigheid van de Boerebroelof in ’t Drakeriek vónj ’n aantal miense ’t tieëd óm dees activiteit weer in ’t laeve te rope. ‘ne Enthousiaste groep kwaam biejein veur ’t organisere van de ‘Boerebroelof Nieje Sjtieël’. Deze groep vinjt ’t belangriek det d’r op vastelaoveszónjig weer get mieër laeve kump in ’t Drakeriek. Daoróm höbbe ze de samewèrking gezóch mit Mazes Mina, de organisatie van de BBBBB in de Maashof. VV Bieslo baoj zich aan as hofleverancier van ’t boeregezelsjap. Blajer sjnel wieër veur mier informasie!
Vastelaovend 2020 in Beesel, dao mósse toch bie zin?!
Kiek veur ’t ganse programma oppe middepagina’s van dees gezet!
Opsjtaeker 2020 Ouch deze moog neet in uch collectie óntbraeke: de nieje Opsjtaeker van CV de Drake! Dit jaor is de Opsjtaeker veur ’t ieërs in de gesjiedenis néét door ‘ne Beeselnaer óntworpe. Mer waal door emes mit heel väöl hert veur Beesel en veur de Beeselse vastelaovend in ’t biezónjer: ós eige ex-burgermoder Petra Dassen! De Opsjtaeker is veur € 4,- te koup bie de leje van de Raod van Ellef. Mit ’t koupe van deze pin gaef geur uchzelf, mer ouch de Beeselse vastealaovend ‘ne (financiële) opsjtaeker!
Club van 50 De Boerebroelof waert mede meugelik gemaak dankzij ’n biedrage van de Club van 50. Mieër weite of lid waere van de Club van 50? Meld uch denk efkes bie aadvors Huub Geerlings.
Versiere Wilt geur uch hoeës versiere in de Beeselse kleure? Koup den veur € 3,95 bie Bekkerie van den Berg de bekènde blauw-gaele drakeblónne. En veur waem nag gèn drakevlag haet: dees zin veur € 25,- te koup bie Bekkerie van den Berg of Mary van den Borst (De Mortel 1).
Drake en Drakinne in ’t ziekehoeës
Prinses Romy (Rulkens) en prins Rens (Groenen) van de óngerbouw
Prinses Mania (Aslani Faal) en prins Levien (Ramakers) van de baovebouw
Optoch door ‘t Drakedörp
Kènt geur drake of drakinne die de vastelaovend in ’t ziekehoeës mótte doorbringe? Laot ’t den efkes weite via info@cvdedrake.nl. Den kènne veur zorge veur ’n leuke attentie óm daegene ’n hert ónger de reem te sjtaeke. Alvas bedank!
Idder jaor trèk d’r op vastelaovesdinsdig ‘ne sjoeëne en gezellige optoch door ós Drakedörp. ‘ne Optoch wao veur mit ós alle gruuëts op kènne zin. Väöle trèkke al jaore mit en dosse zich oet in geweldige creaties. Diegene die naeve de kantj sjtaon en dinke: volgende kieër wil ich ouch mitdoon wille veur aanmoedige óm det daadwèrkelik te doon. Nieks is sjoeënder as zelf mitdoon!
Gèn vervolg Z.A.T. Fieës
Höb geur behoefte aan ’n duwke in de rök, den kènt geur uch melje bie ein van de leje van ’t optochcomité: Jos Heldens, Piet Levels, Twan Pouls, Paul Driessen, Lars van Melis, Josien Simons, Nicole Fransen, Marlie Goertz en Susanne Lommerse.
D’r kump gèn vervolg op ’t Z.A.T. Fieës (Zónger Alcohol Toch Fieës) veur jóngere van 14 toet 18 jaor. Veurig jaor waas de opkóms helaas erg lieëg, ómdet d’r in de ómgaeving allerlei activiteite ware wao de jeug lever haer ging.
Same wille veur dae sjoeëne optoch door ós Drakedörp nag väöl jaore laote trèkke. Dus kóm nao ós nieje site www.cvdedrake.nl en gaef uch op!
Dit jaor is opniej de doelgroep benaderd óm dees activiteit same te organisere, eventueel op ‘ne angere daag, mer al in de opsjtartfase bleek d’r te weinig animo te zin ónger de jóngere zelf óm in Beesel te blieve mit die daag.
Beste Vastelaovesvrunj, De complete supermert veur al uch boeëdsjappe besjteit op 1 fibberwarie 2020 alweer 13 jaor. Daorom höbbe veur ouch dit jaor weer extra väöl vastelaovesaanbejinge veur uch.
LOKAAL LEVEN LOKAAL BESTEDEN CHEQUE t.w.v.
Savelkoul Reuver
Samen met lokale ondernemers
€ 8.00
Draak©Rik van Rijswick
Savelkoul Reuver Veur winse alle vastelaovesvrunj ‘ne sjoeëne vastelaovend. PLUS11470_732_Savelkoul Reuver_A
anpassingen Cheque.indd 1
31-07-18 15:39
Aopeningstieje vastelaovend Zaoterdig Zondig Maondig Dinsdig Woensdig
www.tmcb.nl
Fijne vastelaovesdaag!
Veldpoort 21b - 6071 JK Swlamen - Tel. 0475-501510
22 fib : 23 fib : 24 fib : 25 fib : 26 fib :
08.00 10.00 09.00 09.00 08.00
-
20.00 oer 18.00 oer 13.00 oer 18.00 oer 20.00 oer
Openingstijden: ma-do 8.00-20.00 // vr 8.00-21.00 // za 8.00-20.00 // zo 10.00-18.00
plus.nl
2019
Klantvriendelijkste Supermarkt
2019
Savelkoul Reuver / Past. Vranckenlaan 18A // Reuver // T: 077 4762120
Beste Brood Supermarkt
2019
Angers as angers zin dit jaor al veur ’t oetkómme van dees gezet al mer leefs drie veurgenger van de Beeselse vastelaovend 2020 oetgerope. Maak kènnis mit Bacchus Klerke, Boerebroedspaar Twan en Ellen en Jeugprins Thijmen!
Bacchus Klerke
’t Nieje jaor waas nag neet good en waal begós of Ivo Reinders waerde bie de Troubadour al oetgrope as Bacchus Klerke ! Hae wis te óntsjnappe oet de kelders van de Bergerhof en zal ónger begeleiding van zien adjudante Sem Coumans en Tjeerd Ickenroth deze vastelaovend veurop gaon as 21e Bacchus van Beesel. Det duit d’r ónger zien motto:
Mit Bacchus Klerke oet ’t Riekels gaat, gaon veur deze vastelaovend duchtig zaat! Idderein is van herte oetgeneudig oppe receptie van Bacchus Klerke op vriedig 14 fibberwari vanaaf 20.00 oer bie De Troubadour!
Boerebroedspaar Twan en Ellen
Op zónjig 12 jannewari is op ’t Boerebal ’t ieërste boerebroedspaar nieje sjtiel oetgerope! Deze vastelaovend gaon Twan en Ellen Haenen-Heijnen veurop as boerebroedspaar! Mit optraejes van Henk en Ton (Janse Bagge Bend) en duo Gin&Tonic ging ’t daak d’r aaf bie de Troubadour tiedes deze gezellige middig.
’t Jeugdrakesjpektakel sjting weer gans in ’t teiken van de jóngste Drake en Drakinne van Beesel. Mit as hoeëgtepuntj ’t oetrope van Thijmen Smeets as jeugprins Thijmen I ! Same mit ziene adjudant Tren Reijnders gaon zie deze vastelaovend bie de Beeselse jeug veurop.
De trouwerie vinjt op vastelaoveszónjig plaats bie de Maashof. Óm 14.30 oer waert in combinatie mit de BBBBB van Mazes Mina aafgetrap. Behalve van de trouwerie, kènt geur ouch genete van ’n optraeje van La Bamba en wederóm van ’t duo Gin&Tonic. Natuurlik is d’r ouch gelegenheid óm ’t broedspaar Twan en Ellen - die in ’t echte laeve aafgeloupe jaor ouch ‘veur ’t ech’ zin getrouwd - te felicitere.
Thijmen is 13 jaor en zit in ’t twieëde jaor VMBO-T van de Broekhin in Remunj. Hae voetbalt al sinds zien zèsde en is aafgeloupe jaor ouch begós mit tennisse. Es d’r nag tieëd euver haet, sjpeelt d’r gaer Fifa oppe PlayStation en vinjt d’r ’t leuk óm mit zien vrunj te chille.
Veur nuuëdige idderein van herte oet oppe broelof en d’r same mit ’t boeregezelsjap ‘ne sjoeëne vastelaovend van te make. Laot uch verrasse door waat de organisatie nag mier veur uch in petto haet!
Dankwaord Bacchus Friedje Zoeë, det waas ’t den, mien vastelaovessezoeën as Bacchus zit d’r op. Vanaaf mien korte mer krachtige oetrope toet de aafsjloeting mit de karbietsjeut höb ich ervare as ein groeët fieës. Inmiddels haet de volgende de pruuk op en de greune jas al aan. Ich haop det ’t Bacchuspak veur deze Bacchus väöl beer, lol, plezeer en zjweit op moog levere. Den wil ich bie deze prins Ruud en adjudant Niek, jeugprins Teun en adjudant Mike, CV de Drake, de jeugraod en in ’t biezónjer de Bacchusklup en mien adjudante Lars en Stan nog eine kieër bedanke veur deze geweldige vastelaovend. As lètste sjloet ich nog eine kieër aaf mit miene sjpreuk: ‘Al haaj ich nog zónne groeëte kater, ’t lètste waat ich gedrónke höb waas water!’ Bacchus Friedje
Jeugprins Thijmen I
Thijmen woeënt aan ’t Kèrkepaad mit mam Brigitte, pap André en zien twieë breurs Ruben (17) en Wessel (15). Van kleins aaf aan druimde Thijmen d’r al van óm prins te waere. Wie ‘m dit jaor de vraog waerde gesjtèld, hoofde d’r dus ouch gèn seconde nao te dinke! Vanaaf de basissjoeël is Thijmen al bevrundj mit Tren. Dus de keuze óm Tren as adjudant waas sjnel gemaak. Ouch Tren zit in ’t twieëde jaor oppe Broekhin, mer den op ’t VWO. Haet voetbalt same mit Thijmen bie Bieslo en geit gaer skieje. Tren zien elders zin Rob en Simone Reijnders en hae haet nag ’n ajere broor Krijn en twieë ajere zösse: Fem en Jill. Same mit de jeugraod gaon Thijmen en Tren de vastelaovend belaeve ónger ’t motto:
Gènne bal rake, mer fieës make! Idderein is van herte oetgeneudig oppe receptie van Thijmen I en adjudant Tren in de Troubadour op zónjig 9 fibberwari vanaaf 14.30 oer!
dukte urpro u t a n era Aloé V belle auper k d o s!! ur go en ve zelfs grati www.rickswuts.nl
SJOEËNE VASTELAOVEND! RIJKSWEG 30B 5953 AA REUVER 077-4769292 INFO@ERIKBESSEMS.NL
Deja vú
Zaat, nog get zater, te zaat!
De hieërezitting van aafgeloupe jaor waas, veur de meiste aanwezige althans, ’n gesjlaag fieësje. D’r waas genóg beer en vraet, vrouwelik sjoeën oppe bühne en ‘ne verrektes sjerpe missionaris dae ’t evangelie van Aarle-Rixtel mit väöl passie predikte. Al mit al ware alle ingrediënte aanwezig óm op tieëd ’n sjtök in de kraag te höbbe en ’n bietje op tieëd truuk te kieëre nao vrouw en kinjer.
Zoeëas idder jaor zin d’r ouch dit jaor weer genóg óngelökke gebeurd mit zate miense. ’t Zin d’r helaas zoeë väöl det veur die neet allemaol kènne behanjele in dees gezet. Hiejónger somme veur efkes de meis opmerkelikke ‘zaterie’ op:
Zoeë ouch veur Ron. Wie hae de waeg truuk noe hoeës eindelik gevónje haaj, waas ’t nog net aan leech. Op ’t moment det d’r de achterdeur achter zich toe trók, waas ’t echter al behuuërlik duuster. Hae kreeg den ouch sjpontaan ’t geveul det ’t bèdtied waas. Hae zat zich oppe bank, vroot zónger bezej de friet en krokette op waat dao oppe taofel sjtinge en wie det op waas dreijde d’r de verwerming omlieëg, zat de tillevisie oet, knipte ’t leech oet en ging nao baove óm get broeëdnuuëdige sjlaop te pakke. Hae haaj allein neet in de gate det Wendy en de kinjer nog gewuuën oppe bank tillevisie zote te kieke en zich dus aafvroge waat d’r in godsnaam aan de handj waas en waoróm dae häör aete op haaj gegaete! Mer Ron loog al ónger zeil en waas neet mier in sjtaot dao antjwaord op te gaeve. Sjmorges vruuëg is d’r weer baove water en zaet d’r taege Wendy: “Baoh, ich höb mich toch hónger! Ich höb gisteraovend ouch gaar nieks mier gegaete…”
Daan R. Doe zoojs toch zègke det asse bie dich thoeës ’n fieësje gufs en dus neet mit diene zate kop nog op paad mós, desse op zich veilig en gezóndj kèns blieve. Nossie sjpeelde ’t echter klaor óm op zien sjlaopkamer van zatigheid in de kas te valle. Sjmorges sjtaok d’r oppe sjouwer ‘ne bult oet en is hae toch mer effe nao ’t ziekehoeës gegange. Volges ós weer ’n gevalletje… zaat zat! Maurice C. Mauwie, normaal toch ‘ne keurige jóng haaj tiedes de vorswissel get te deep in ’t glaeske gekeke. Nao aafloup ging d’r mit nao hoeze Staaks óm dao nog get nao te borrele veurdet d’r nao hoeës vertrók. Hae bedach zich echter ónger ’t loupe det ’t toch waal gezellig waas en is weer truukgeloupe. Kump d’r dao aan, begint d’r de hóndj te rope: “Tommy, Tommy, kóm mer!” De naam van de hóndj waas echter Basje… Basje leep aevegood achter Mauwie aan wie dae veur de twieëde kieër op waeg nao hoeës waas. Dus mer weer truuk, noe óm de hóndj truuk te bringe. Volges ós weer ’n gevalletje… zaat!
Krijn L. Krijn is ouch ‘ne gaer gezene gas in de kroege. Krijn haet echter ’n zjwaor en drök werklaeve waodoor hae saoves waal ‘ns get meug kèn zin. Zoeë ouch aafgeloupe jaor wie hae mit de vunj op sjtap waas. Ze zote mit z’n alle róndjóm ’n taofel en Krijn waas aaf en toe in sjlaop aan ’t sukkele. Oeteindelik veel hae ech in sjlaop en zoeë veureuver oppe taofel die vervolges opkiepde! Veur geïnteresseerde: ’n filmke is op Dumpert truuk te vinje. Volges ós ’n gevalletje… zater! Jop vd B. Vèlt ’t uch op det hae idder jaor waal in dees gezet veurkump mit ’n gevalletje ‘zaat’? Dit jaor waas ’t weer zoeëwied, noe nao ’t oktoeëberfieës bie Paul oppe Sint Jorissjtraot. Hoewaal ’t fieës mer 500 maeter vanaaf zien hoeës waas, besjlaot Jopiler toch óm mit de fiets te gaon. Sjnachs kwaam Jopiler d’r mer weer ‘ns achter det ’t asfalt van de Sint Jorissjtraot neet mitguf. Volges ós ’n gevalletje… nag get zater! Roy van R. Bokkie ging aafgeloupe jaor mit ’n aantal vrunj nao ’t sjlotconcert van Rowwen Hèze. Det dao aardig doorgedrónke waert, zal idderein waal weite. Det miense mit alcohol op waal ‘ns gekke dinger doon is ouch waal bekènd. Mer Bokkie sjpande toch waal de kroeën door poedelke neks mit de bóks oppe inkels door de tent op te hupse… volges ós weer ’n gevalletje… te zaat!
PS: Moch dit verhaol uch bekènd veurkómme, den is det hiel good meugelik. ’n Aantal jaor geleje flikte Ron namelik al precies ’t zelfde bie zien elders thoeës en leet d’r zien pap en mam in ’t duuster zitte wie d’r truukkwaam van ’t dörp…
Boeëk vol Veurdet de zanggroep al die sjoeën sjtökke kèn zinge in de vastelaovesmès, geit dao hiel get repetitietied aan veuraaf. Meistal op zaoterdig, later oppe middig. Geur weit waal, zo’n tiedsjtip desse al ’n bietje hónger begins te kriege. Ómdet Lars neet thoeës waas, dach Inge det ‘t gèn kwaod kós óm Brad mer gewuuën mit te numme nao de repetitie. Brad kós den sjpele in de kefee, terwiel Inge de sjterre van de hieëmel zóng in de zaal bie de Troubadour. Det zal ’t echter nimmer zoeë sjnel mieër doon. Want wie ’t nao de repetitie in de kefee kwaam, mós ’t bienao twintig euro aafraekene! Meneer Brad haaj zich namelik get drinke besjtèld, nag get drinke, sjlók, chips en waas oeteindelik onnog euvergesjtaoke nao de frietkraom, want hae haaj hónger. Dao haaj d’r gans euvertugend gezag: “Ik bestel alvast, Inge komt zo wel betalen.” De beurs waas laeg, mer de boeëk van Brad waal vol!
Veur waem ’t nog neet is opgevalle: dit jaor sjteit d’r op ’t vastelaovesprogramma get angers as angers. Teminste… de miense die al get jäörkes mitdreije, weite neet baeter as det d’r vreuger altied ’n boerebroelof waas in Beesel. Dit jaor is dees veur de verangering truuk van weggewaes! Sjterker nog: ’t boerebroedspaar is inmiddels al lang bekènd. Initiatiefnummers zien de vastelaovesvrunj van de ‘Drakekluuëtjes’. Veur sjtèlle waordveurder Frank Crins ‘ns get vraoge euver dees verangering.
Frank, waoróm vonjt geur as Drakekluuëtjes det ’t dit jaor angers mós? Sinds de Boerebroelof gèn deil mieër oetmaak van ’t vastelaovesprogramma in Beesel, waert dees activiteit door väöl miense as ’n gemis ervare. De organisatie van de meiste activiteite ligk bie CV de Drake en veur vinje ’t belangriek det de Beeselse vastelaovend door mieërdere miense gedrage waert. Veur vónje ’t den ouch tieëd óm de sjtoute sjoon aan te trèkke en te probere de Boerebroelof weer niej laeve in te blaoze, mer den in ’n anger jeske: Boerebroelof Nieje Sjtieël.
Waert de boerebroelòf ouch angers as angers (es veurhaer, bedoele veur natuurlik)? En in waat veur opzich?
get neet te zègke waasse dinks. ’t Laeve zooj waal mekkelikker zin as mieër miense zich ‘ns gewuuën oet zoje sjpraeke.
Waat vinjse det angers mót of kèn (es ’t geit óm vastelaovend, of óm Beesel in ’t algemein?) Veur höbbe ervare mit de veurbereidinge van de Boerebroelof det de samewèrking mit de kasteleins, CV de Drake, Bieslo en Mazes Mina good geit. Dit mót ouch de tendens zin in ’n gemeinsjap en det is helaas nag neet altied zoeë.
Höbse angers nog ’n leuke anekdote?
Veur vinje ’t belangriek det d’r èlk jaor waert gekeke nao waat de meugelikhede zin. Dus neet vashaje aan ’n sjtrak dreijbook, mer zorgdrage veur ’n sjpontaan fieës wao idderein deil van oet kèn make.
Euver ’t boerebroedspaar van volgend jaor hove veur waarsjienlik neet lang nao te dinke. ’t Is allein de vraog of veur de vastelaovend den waal hiej kènne viere, want ’t kèn ouch zin det veur den nao Beieren mótte. Of neet Bas?
Duise dich ouch get angers aan as angers?
Toet sjlot nog inkele dilemma’s:
Volges ós mósse dich aan kènne doon wao se dich lekker in veuls. D’r zalle neet allein mer traditionele boerekleijer aangedaon waere. Waat mien kleijer betröf, kèn ich neet alles verklappe, mer ouch det is angers.
Angers waal of angers neet? Angers waal
Beer of get angers? Beer
Prins of boerebroedspaar? Kiekse d’r nao oet óm ’t dit jaor angers te doon as angers?
Prins. Zónger prins is d’r gènne vastelaovend en zónger vastelaovend ouch gèn Boerebroelof
Waat mit ‘ne gekke sjlaag begós is, is toch ech opgezat. D’r zitte hieël get uurkes veurbereiding in, dus veur kieke d’r waal ech nao oet óm d’r net zoeëas ’t Boerebal weer ‘n sjoeën fieës van te make.
Boeremoos of broccoli?
Esse de tieëd kós truukdreije, waat haaj se den angers gedaon?
Ech of onech?
Ich bön emes dae zaet waat op zien hert ligk, en det pak neet altied aeve good oet. Soms is ’t baeter óm
Angersóm of ómmesang?
Broccoli, det is toch angers
Gènne vastelaovend of gèn boerebroelof? Gèn Boerebroelof, want as d’r waal Vastelaovend is den viere veur de Boerebroelof waal sjtiekem Ech (maar waal in Beesel) Ómmesang
Flowerzz wèns uch ‘ne sjoeëne vastelaovend, en det geur de bleumkes mer ‘ns flink boeëte zèt! Vastelaovesmaondig en -dinsdig zien veur gesjlaote, mer op aswoonsdig sjtaon veur weer veur uch klaor! Flowerzz Reuver info@flowerzz.nl 077 - 476 29 95
Beh a na a ndelin g fspr aak
e t ä Tro e v u Sju Zinge Tint! www.bureautint.nl
speels in communicatie
! r o a j
e k I e i n j u s t Te
‘ s r in u r ve ugp
k je n ik a l d kb e B ruu
Vanaaf ’t ieërste moment toet ’t lètste höbbe veur moge geniete van ’t veur ós sjoeënste vastelaovessezoeën. Van wie miene ome mich kwaam vraoge det mien mam ’t nag neet ‘ns in de gate haaj (mer ich waal!), toet sjloetes det pap ’t ouch moeilik kreeg. Den mós d’r nag ‘ne adjudant gekaoze waere, gèn gemekkelikke klus, keze tösse drie hiele goeje vrunj. Mer ouch dees vrunj höbbe d’r veur gezorg det ze d’r mit deze geweldige jeugraod ‘ne sjieke vastelaovend van höbbe gemaak. ’n Sjpreuk bedinke is ouch gèn gemekkelikke taak. Wachte toet mien zusje in bèd ligk en den mit pap en mam naodinke wao d’r euver mót gaon. Euver voetbal ‘nae, det is neet persuuënlik genóg’, euver drumme missjien get, jao det liek mich waal get. En den kwame veur oeteindelik op miene sjpreuk: ‘ich sjlaon drie daag nörges op’. Lekker kort, den vergaet ich dae ouch neet. Net wie miene pap bön ich neet zoeë van ’t sjpraeke.
T
Den kump’t moment det veur d’r achter gaon kómme mit welke Drakeprins veur de vastelaovend gaon viere. Veur zin vol sjpanning aan ’t wachte det d’r dao ónger de draak oet kump. En as eindelik vors Harald oetgekald is, kump dao prins Ruud I same mit ziene adjudant Niek ónger de draak en oet de kapel gesjprónge! Veur wiste metein det de vastelaovend hiej nag sjieker door zooj waere. Sjtiekem sjting ich al de hiele tieëd langs Mike, tösse de jeugraod en ging achter Guus aan en veur mochte nag nieks zègke en neet laote merke wie sjiek veur det vónje. ’t Oetrope vónj ich erg sjiek óm same mit miene adjudant oet dae draak te moge kómme. Eindelik hoofde veur ’t nimmer sjtil te haje! Waat vónj ich ’t grappig det Mike mieër gesjteuk waerde as ich en det ’t Mike nag moeilikker waerde gemaak. Veur de meiste dus ’n verrassing det ich ’t waas en veur mien zusje en nichje ouch, die sjpontaan sjtopde mit filme toen ich ónger dae draak oet kwaam. Den haajse nag de väöle angere sjieke momente: Bacchus oetrope mit natuurlik Bacchus Friedje, de sjoeëlvastelaovend en natuurlik de vastelaovend zelf waas ouch erg sjiek.
Zelfs in de kèrk waas ’t fieës, allein jaomer det miene adjudant zich neet good veulde. Den haajse nag de receptie van prins Ruud, dao moogde veur zelfs langer blieve as gepland ómdet Hoondervel nag kwaam optraeje. De sjleuteleuverdrach waas ouch erg leuk, de lètste kieër mit vors Harald en burgemeister Dassen. Veur móste allemaol rare opdrachte doon, zoeëas op ‘ne kleine loupfiets fietse. Ouch höbbe Niek en ich nag ‘ns flink op die tróm gehouwd, terwiel ich haaj aafgesjpraoke mit michzelf óm ‘drie daag nörges op te sjlaon’. Bie Rosenmontag ouch natuurlik mit Beck und Bauer ’n groeët fieës gebouwd. En saoves mit de jeugraod friet mit Nutella aete in de Blokhut. En neet te vergaete de fieëste saoves bie de Blokhut. Achteraaf nag effe mit de jeugraod thoeës get drinke en ’n klein fieësje bouwe. Den wil ich gaer nag get miense bedanke: Mike en zien eljers en natuurlik pap, mam & Jans, ouch de jeugraod mit elders, de femilie, Ruud en Niek en zeker neet te vergaete de jeugcarnaval: hiel erg bedank veur ’t begeleide. Hieël Beesel bedank veur ’t sjieke jaor en ich wins de nieje jeugprins net zónne sjoeëne vastelaovend! Geniet d’rvan, geniet van èlk moment en maak d’r ein groeët fieës van! Den sjloet ich noe veur de lètste kieër aaf mit miene sjpreuk:
Ich sjloog drie daag nörges op! Jeugprins Teun en adjudant Mike
e s n a d Jeug
bie
t u h k o l de B
hèl t iding le e g e eb örg: d s gratis. gèn z e r ei e e r M p dez e nt ers ! e d D l . e t op: o il r è e u L z e . ’t t v u N eet ske in Blokh oer ! ’n uig bie de toet 21. 3 0 e s n a 18 . 3 0 i J e u gd bie de a ns e e r w a r gd a n s e v a n d b g b i u f e 23 jeu wa r i J Zónjig daag is ’t f i b b e r 2 2 .0 0 oer ! 5 2 g i et sd edje s en din van 19.0 0 to en ma s 4 e 2 g n g i jó d ut eha ol Maond e re d e Blokh s e w a e ka p e l o p g u c h n a d g k ra jeu eur van ’t llef en de D Dao kènt g f loup E . t a n r a e a v o M P S: Na or de R a o d ch na o de a ole . ra r oph do b e e e g w k u k injer en t ru
PMS 361C
PMS 367C
Industriestraat 2a 5951 EB Belfeld T. 077-4745558 info@em-ka.nl
Sint Jorisstraat 48 NL-5954 AP BEESEL
Tel. +31 (0)77-474 1907 Fax. +31 (0)77-474 4939 E-mail info@thijssen-emans.nl Website www.thijssen-emans.nl
C H R I S T E L ’ S C H R I S T E L ’ S
HH AA II RR H A I R C H R I S T E L ’ S
B U S S E R E I N D S E W E G
4
B U S S E R E I N D S E W E G
4
5 9 5 4
C H
B E E S E L
5 9 5 4 C H B E E S E L B U 0S S7 E7 R- E 4I 7N 4D S 1E 2W 1E 9G 0 7 7 - 4 7 4 1 2 1 9 5 9 05 64 5 2C 7H 1 B5 E5 E0 S4 E L 0 6 5 2 7 1 5 5 0 4 0 7 7 - 4 7 4 1 2 1 9
4
0 6 5 2 7 1 5 5 0 4 W W W . C H R I S T E L S H A I R . N L W W W . C H R I S T E L S H A I R . N L
Ómdet Hidde waerde geduip, ging Daisy mit de körs mit ‘m nao de gezinsmis. ’t Waas veural bang det Hidde, net zoeë wie bie opa en oma, mit de bieësjes oet de körssjtal zooj gaon sjpele. Dus heel ‘t ‘m good in de gate. Mer dao haaj ’t zich gaar neet drök óm hove make. Waal óm get angers. Want wie pesjtoeër in zien gaelsige gewaad en biepassende mijter de middepaad in leep, wees Hidde nao pesjtoeër en reep door de ganse kèrk: “BUMBA!”
Niej sjoon
Den mósse thoeësblieve…
Aad-vors Huub haaj zich bedach det ’t tieëd waerde veur niej vastelaovessjoon. Geur weit waal, van die sjieke zjwarte sjtappers veur ónger zien aad-prinsepekske, zoeëdet hae weer mit good fatsoen nao de receptie van de prins kós gaon. De lètste jaore keke zien collega-aadprinse mit sjtieëds grótter waerende plaatsvervangende sjaamte nao zien aje sjoon, det kós noe toch ech neet mieër.
Mit de vastelaovend ging Nadieh nao Mert 5, wao de maedjes van de raod ouch ware. De meiste zote al op ’n krök. Nadieh wooj ouch waal zitte, dus ’t keek efkes óm zich haer. Efkes verderop sjting ’n taofel, wao veer get ajere dames aan zote en wao nag ein krök vriej waas. Mer dao loge de jasse van de dames op. Vruntjelik vreug Nadieh: “As ich uch jasse netjes wegligk, moog ich den die krök höbbe?”
Huub ging den ouch vol goje mood mit Elly nao de sjtad, hae is winkel nao winkel aafgeloupe en haaj oeteindelik ’n paar sjoeëne zjwarte insjtappers gevónje. Ze zote wie gegaote, hae hoofde ze eigelik neet èns in te loupe. Hae haet die sjoon natuurlik metein netjes in laote pakke, mit ‘ne groeëte blauw-gaele sjtrik óm de sjoondoeës, zoeëdet hae ze zoeë oet de kas kós trèkke mit de vastelaovend. Fijn ’n täötje d’r ómhaer en gruuëts wie ‘ne pauwhaan mit zeve pielemenkes truuk nao Beesel. Eindelik zooj hae, aad-vors Huub, de blits make mit zien zjwarte danssjeunkes. Bie thoeëskóms zat hae ze metein mit täöt en al in de gank, prieskaertjes d’r nog aan, zoeëdet Elly de sjoon nog ‘ne kier good ónger henj kós numme mit de zjwarte sjoonsjmaer veur de vastelaovend los zooj barste.
Mer dao haje de dames gaar gèn zin in. Op alle veursjtèlle van Nadieh (zal ich ze bie de anger jasse oppe taofel ligke? zal ich ze oppe kapsjtok hange?) maakde ze bezjwaor. D’r zoot mer ein dink op, dus biechte Nadieh mer op det ’t zjwanger waas, in de veróngersjtèlling det ze veur ’n vrouw in verwachting toch waal get milder zoje zin. Mer det pakde angers oet… “Zjwanger? Waat duise hiej den? Den mósse thoeësblieve. Dachse det veur vruuëger droet moogde wie veur in verwachting ware? En trouwes, det klein van dich, det huuërt hiej ouch neet in zo’n kefee…” Perplex bleef Nadieh sjtaon, terwiel de les van dees dames nag efkes op ‘m inwèrkde. Mer ’t resultaat waas waal det ze häör jasse euver de sjoeët lagte, zoeëdet Nadieh kós zitte.
Noe sjting dao ouch nog ‘ne angere täöt inne gank mit get aaj kleijer veur de container in ’t milieusjträötje. En dae sjteit dao nog…
Missjien det ze gewuuën net get kwaojer es angers ware. Want efkes d’r veur haaj de vaer van de cirremoniemeister ouch al bie häör in de jus d’orange gehange!
Alle jeugleje van Bieslo móste in ’t kader van ’t hóngerdjäörig besjtaon läötjes verkoupe veur de jubileumlaoterie. Ouch ein van de jóngste leje, Lenn van den Berg, kwaam langs de deur en deej ’t bienao good: “Hallou, ich bön van Barcelona! Ich kóm läötjes verkoupe veur de voetbalclub!”
Karin haet rosbief op ’t breudje es ze same mit z’n vere gaon lunche. ’t Vinjt ‘m ’n bietje bleik kieke. Wao op Sem zaet: “Wie kèn dae noe kieke, haet dae uig?”
(Bienao) óngesjaore prins gewaore Idderein dae al ‘ns prins is gewaes herkènt ’t waal. Of ouch asse nag neet prins bös gewaes, idderein haet zich waal ‘ns mótte veurbereide op get sjpannends. Veur ózze hoeëgheid prins Ruud waas ’t begin 2019 zoeëwied. Hae waerde de nieje Drakeprins! Meistal waerse medio oktoeëber al gevraog en asse den einmaol ‘jao’ höbs gezag, den begint ’t eigelik al. Adjudant oetzeuke, sjpreuk bedinke, vriej vraoge, pak passe, foto’s make, catering regele veur thoeës enzovoort, enzovoort…
Ós burgermoder haet ós dörp helaas verlaote óm nao häör gebaortesjtad Kèrkraoj te gaon. Det is waal efkes get angers as Beesel! Veur zin beniejd wie angers ’t dao is en ouch wie angers de vastelaovend d’r dao oetzuut. En dus höbbe veur ’n lieënke oetgelag nao ’t zuuje van ós provincie.
Petra, wie angers is ’t burgemeistersjap in Kèrkraoj? En in waat veur opzich? Kèrkraoj en de ganse gemeinte Beesel zin qua oppervlak haos geliek. In Kèrkraoj woeëne 45.000 miense, in Beesel 14.000. Det guf al ’n belangriek versjil aan: ’t gebied is sjterker versjtedelikt en det vreug mier aandach veur woeëningbouw, aopenbare ruumte en veiligheid.
Zin de miense ouch angers of vèlt det eigelik waal mit? Haha, det vèlt waal mit huuër. Doe zuus d’r net zónne hang nao gemeinsjap as in Beesel, doe zuus d’r net zoeë väöl miense die zich mit zeel en zaligheid inzètte veur de anger en häör Kirchroa koestere.
Tja, doe kèns natuurlik neet mit ’n half gesjaore gezich as Drakeprins oetkómme. Dus mer sjnel de auto ingesjprónge óm zich bie pap en mam wieër aaf te sjaere. Want ‘ne óngesjaore prins… det haje veur ’t jaor daoveur al mitgemaak!
Waat vinjt geur det angers mót of kèn in ós samelaeving? Veur moge get minder hel euver elkaar oordeile, minder sjnel ós meining klaor höbbe en baeter nao elkaar loestere. Det geldt breid en is zeer algemein, mer ’t is mien sjtèllige euvertuging det veur mit z’n alle ’n gemeinsjap vorme en den haet ’t gèn zin óm taegejstèllinge te voede, den mótte d’r juus brögke gebouwd waere mit respec veur elkaar en elkaars meininge en geveules.
Höb geur angers nag ’n leuke anekdote? Vastelaovend is zeker angers, nao ach jaor Beesel wis ich (bienao) waat mich te wachte sjting. Noe maak ich kènnis mit nieje tradities en gewuuëntes. Zoeëas ’n Jalabal, veursjtèlle van de prins bie mich thoeës, óntbijte mit de prins… Waat blief is de kern van ’t fieës, de lach, de traon en de sjpegel dae dich waert veurgehaje. Heerlik geniete!
Zeker, in Kirchroa sjteit de waereld op ziene kop. Sinds 1936, ’t bejstaon van de vastelaovesvereiniging, is de burgemeister ouch de besjermhieër/-vrouw van ónger angere de vastelaovesvereiniging. Mer d’r is nag noeëts ’n vrouwelikke burgemeister gewaes. Ze höbbe veur dae besjermhieër ‘ne speciale hood. En noe kump d’r opèns ’n vrouw en pas dae hood neet! Ze zin d’r noe nag sjteeds mit bezig wie ze det oplosse…
Doot geur uch ouch get angers aan as angers?
Toet sjlot inkele dilemma’s:
Waert deze vastelaovend ouch angers as veur uch? Op de daag van ’t oetkómme bösse den nog bezig mit de lètste zake thoeës en begint ’t sjtieëds mieër te kriebele. Ruud haaj ouch alles toet in de puntjes geregeld, d’r kós eigelik nieks misgaon en hae kós neet wachte toet ’t ging beginne. Róndj ’n uurke of 8 saoves ging hae zich mer ‘ns veurbereide en aankleije en zoeë. Wie Ruud echter ónger kwaam, kreeg hae van Evelien de opdrach óm zich toch ouch nag mer efkes te sjaere. Ruud weer nao baove, begint zich te sjaere en oppe helf sjloog ’t noeëdlot toe. Verrek… sjaerapparaat laeg!
waeg, gesjteund en vol euvertuging det ’t laeve altied weer kanse beejt.
Eigelik neet, ich bön waem ich bön en sjtaon nag altied op dezelfde maneer in ’t laeve. Waat waal angers is, is ’t dialec en ich zal miene Drakejas mer in Kirchroa neet gebroeke, hahaha!
Angers waal of angers neet? Angers waal altied
Beer of get angers? Get angers
Koempels of Drake? Es geur de tieëd kós truukdreije, waat haajt geur den angers gedaon?
Drake as Koempels of Koempels as Drake
Det klink missjien óntwiekend, mer ich bön ‘ne contente miens. De keuzes die veur gemaak höbbe, höbbe veur altied mit elkaar in ’t gezin weleuverwaoge gemaak. En den dreug se ouch de consequenties van die keuzes. En den vinj se dus ouch weer diene
Roda op vriedig, Bieslo op zónjig
Bieslo of Roda? Mienwèrkers of zjwartwèrkers? Mienwèrkers natuurlik
Angersóm of ómmesang Angersóm
Vastelaovespro Zaoterdig 25 jannewari
Dameszitting
17.00 oer
Herberg de Bongerd
Mit altied weer biezónjere op traejes van allerlei pluimaasj; gezelligheid gegarandeerd! Muzikale ómlieësting: De Drakekapel
Zónjig 26 jannewari
Hieërezitting
11.00 oer
Herberg de Bongerd
Ouch de hieëre kènne weer geniete van allerlei optraejes en acts, terwiel ’t beer riekelik vloeit. Muzikela ómlieësting: Mazes Mina
Vriedig 31 jannewari, zaoterdig 1 en zónjig 2 fibberwari 20.00 oer op vriedig en zaoterdig; 13.30 oer op zónjig
Bóntje Revue
Herberg de Bongerd
De Bóntje Revue is going to America! Waat geur uch daobie mót veursjtèlle? Kóm mer kieke! Mit sjetse en optraejes die uch zeker wete oppe lachsjpiere wèrke. Laot uch verrasse! Op uch entreekaertje sjteit uch plaatsnummer. De zaal geit ’n half oer veur de veursjtèlling aope. Nog gèn kaertje? Mail efkes nao info@cvdedrake.nl of d’r nag kaertjes zin!
Zaoterdig 1 fibberwari Óngevier 23.00 oer
Prins oetrope
Herberg de Bongerd
Nao de Bóntje Revue is ’t de hoeëgste tieëd óm de nieje Drakeprins ónger de draak oet te haole! ’t Oetrope van de prins is veur idderein toegankelik; ouch as geur gèn kaertje höb veur de revue. Same mit de nieje prins make veur d’r nag ’n fieësje van toet in de kleine uurkes.
Zónjig 9 fibberwari 14.30 oer
Receptie jeugprins De Troubadour
Kóm de nieje jeugprins felicitere! Mit ’n optraeje van Verrékkes Moj
Vriedig 14 fibberwari 20.00 oer
Bacchusreceptie De Troubadour
Bacchus Klerke sjteit al te popele óm alle hendjes in óntvangs te numme. Be there!
Zaoterdig 15 fibberwari 20.00 oer
Nach van de Prins De Maashof
Joetse Jatse, gekke fratse! Dit jaor geit de Nach van de Prins op de Venlose toer. Mit de fieësband Net Oet Bèd kèn deze Nach van de Prins noe al nimmer kepot. Toegang allein mit geljig polsbendje en allein veur 18+
Zónjig 16 fibberwari
13.30 oer
Aajerwètse Bóntje Middig Herberg de Bongerd
‘ne Gezellige, gevarieerde en humoristische middig veur de get aajere jeug van 55+. De entree veur deze middig is € 7,50. De zaal geit óm 13.00 oer aope (vrieje plaatskeuze).
ogramma 2020 Vriedig 21 fibberwari
Kinjeroptoch basissjoeël ’t Spick
13.15 oer
Dörpskern
Kóm kieke waat ós jóngste Drakinnekes en Drake höbbe geknutseld en gefiespernuld!
Zaoterdig 22 fibberwari 18.30 oer
Vastelaovesmès en äöpening Kèrk en Aaj Mert
Óngetwiefeld weer ’n indrökwèkkende mès ónger de bezielende leiding van pesjtoeër Geraets. Mit muzikale biedrage van de Drakekapel en de zanggroep. Aansjloetend äöpene veur traditiegetrouw de Beeselse vastelaovend mit de proclamaties van Bacchus en de prins, en de knónsjeut van de APK
Zaoterdig 22 fibberwari
Prinsereceptie
20.30 oer
Herberg de Bongerd
Drek nao de äöpening zit geur van herte oetgeneudigd oppe receptie van de nieje Drakeprins! Mit ’n optraeje van de fieësband Sjloetingstied waert det ’n fieës veur idderein
Zónjig 23 fibberwari
Boerebroelof & BBBBB
14.30 oer
De Maashof
De Boerebroelof is truuk van weggewaes! In combinatie mit de BBBBB zin d’r allerlei optraejes - ónger angere van La Bamba en duo Gin&Tonic - en natuurlik as hoeëgtepuntj de trouwerie van ‘t boerebroedspaar!
Maondig 24 fibberwari 12.00 oer
Vrouwluujkiene en ’t Kleinste Kefee De Troubadour
Sjtrikt gesjeije! De vrouwluuj gaon kiene in de kefee van De Troubadour (aope vanaaf 10.30 oer) terwiel de mansluuj (laeftied 30+) zich d’r vanaaf 12.00 oer eine drinke in ’t kleinste kefee van Beesel. Kienkaarte kóste € 3,50 per sjtök en drie veur € 9,00
Maondig 24 fibberwari 15.00 oer
Rosenmontag
De Troubadour
Jaaaaa, Rosenmontag ist wieder daaaa! Mit sjpetterende optraejes van Moerepetazie, Christel en Quinn, De Toddezèk en Richtig Rex!
Dinsdig 25 fibberwari
Optoch
14.30 oer
door ‘t Drakeriek
Of geur noe mitdoot of gaot kieke: de optoch moogse neet misse. D’r is weer drök gefreubeld en gesjoesterd aan de sjiekste creaties die oppe lètste vastelaovesdaag gezeen moge waere. Optochroute: Hoeëgsjtraot, Mgr. Theelensjtraot, Burg. Janssesjtraot, De Mortel, Vosseberg, Cruysbergsjtraot, Mert
Dinsdig 25 fibberwari 22.11 oer
Aafsjloeting
Aaj Mert
’t Is gedaon, ’t is gedaon, veur mótte noe nao hoes toe gaon… Mer nao de aafsjloeting geit ’t fieës gewuuën sjtiekem nag ’n paar uurkes door bie de Troubadour...
Kiek veur alle actuele info op www.cvdedrake.nl
Prinsepagina Sjtoeër sjteit de sjteek, fier wappert mien vaer... Eine kieër prins zin wil ich zoeë gaer…! ’n Jaor is veurbie gevlaoge en waat veur ’n jaor! Veur miene adjudant Niek en ich ’n jaor óm noeëts te vergaete. Veur wille daoróm ouch zeker idderein bedanke veur alle fantastsiche momente… ‘ne Vastelaovend dae veur mit gans ’t dörp höbbe moge viere. Det is uniek, van jónk toet aad, euveral waas fieës en waerde neet verzaak! Kort blikke miene adjudant en ich den ouch effe truuk op ’n geweldig sezoeën… Veurig jaor óm deze tieëd wiste miene adjudant en ich get… waat nag nemes wis. Toet ’t moment dao waas! Mer zelfs daonao gebeurde d’r nog van alles waat nemes wèt… Gaer numme veur uch mit…
• Det vors Harald Ruud op 8 oktoeëber mich belde mit de vraog of ich prins wooj waere en ich zónger euverlègk mit Evelien drek ‘jao’ antjwaorde? (@toekomstige prinse: euverlègk kèn gèn kwaod…
)
• Det adjudant Niek op ziene verjäördig door mich is gevraog óm adjudant te waere? • Det veur drie A4’tjes mit ‘motto’s’ haje verzónne, mer det in euverlègk mit Harald veur toch mer ‘ne fatsoendelikke móste bedinke?
• Det veur de auto op ‘ne vèrkesrök reje wie veur de foto móste gaon make (d’r waas mier geluid as sjaaj…)? • Det ich ’t oppe aovend van ’t oetkómme sjpaans benauwd kreeg ómdet de batterieje van ’t sjaerapparaat halverwaege laeg ware en det 20 minute veur ’t biejeinkómme waas? • Det ich de ieërste daag as prins al mien euverhaemp verzouwde wie ich mit mien medalie in de satésaus hing? • Det Maurice Hebben de tróm van Niek haet euvergenaome bie de kapel en det dit angersóm ’t geval waas toen Maurice prins waas in 2006? • Det prins Niek en adjudant Ruud zich op ’t schlaegerfestival in Remunj good geammezeerd höbbe mit Johan Vlemmix? • Det ’t jeske van adjudant Niek net ‘ne adventkalender waas? Bie idder activiteit verlaor d’r ‘ne knoup… • Det det de prins en adjudant altied te laat zin? • Det de nieje mantjel ’t zjwaor haaj mit dit duo, mer gelökkig veur ‘m zelf gerepareerd höbbe in ’t neijatelier van Mohamed? • Det de afterparties neet zoeë drökbezatte ware door de raod, ómdet veur meistal de lètste ware die nao hoeës ginge? •Det veur door de raod van Zjwame oetgeneudig waerde veur ’n oetgebreid buffet, mer det veur ós gèn plaats waas en det veur ós aan ’t wermvles zin gaon zitte…? ● Det adjudant Niek en jeugprins Teun dezelfde hobby höbbe: drumme? Tiedes ’t bezeuk aan de jeugprins höbbe veur die de ganse middig neet gezeen… (waal gehuuërd!) ● Det ein van de zengers van Hoondervel miene aaje voetbaltrainer is gewaes en det dae mich nag noeëts zoeë väöl maeters haet zeen make as op mien receptie? ● Det adjudant Niek oppe sjleuteleuverdrach samesjpande mit burgemeister Dassen en häör vertèlde det ich de teks van Moder Maas neet kós? ● Det dae prinse-auto ideaal waas óm de körsboum truuk nao Bacchus te bringe? ● Det veur te laat ware veur de optoch, toen mer rechsjtreeks nao kefee Janissen zin gegaon en mit Sef ’n pötje höbbe gekaart? ● Det oppe prinsewage gèn beer gedrónke waert? ● Det veur dinsdigaovend vreugtiedig aafsjied höbbe genaome van det misselik sjtrikske? ● Det CV de Drake ’n fantastsiche adjudantekemissie haet die ós èlke daag good thoeës brachte? ● Det veur dachte det veur nao de vastelaovend klaor ware, mer det veur toch nag ’n jaor bie de raod blieve…!
Gaer wil ich jeugprins Teun en adjudant Mike en de femilies bedanke veur de geweldige momente, ouch Bacchus Friedje en adjudante Stan en Lars. Sjoeën det veur höbbe kènne sjteuke mit die daag… Prins Niek & Adjudant Ruud
Neet verzake,
mer fieës make!
Zjwiepe
Zelf plekke
Soms bösse gewuuën net get te fanatiek op ’t moment desse aan ’t ‘gamen’ bös. Det euverkwaam ouch Niels, dae same mit Sanne oppe Wii sjpelcomputer ’n sjpelke aan ’t doon waas. ’t Sjieke aan zónne Wii is desse in de kamer sjteis en den mit diene controller in de ruumte bewaegs, as ofse d’r ech bie bös. En es ’t sjpelke oppe computer den bowlen is, den zjwiepse ‘ns richtig mit diene controller zoeëdet dae bal op ’t sjerm ouch good hel geit en die pinkes raak. Allein zjwiepde Niels zoeë hel, det d’r neet allein die digitale pinkes raakde, mer ouch de glaze lamp die baove ‘m hóng!
Tja, en den sjteise dao opèns op kamp mit ‘ne kepotte achterbandj! ’t Euverkwaam Ivo van der Vegt ’t aafgeloupe jaor. Mer bie Jong Nederland weite ze dao natuurlik waal raod mit. Dus wie hae zich melde bie Leonie, kreeg d’r plekgrei in de henj geduujd mit de vraog: kinse det zelf of höbse hulp nuuëdig? Ivo haaj det nag noeëts gedaon, dus Ron en Leon weze ‘m efkes wie d’r det ’t bèste kós aanpakke. Hae begós d’r mit te klooje en nao ’n tiedje dach d’r det d’r ’t d’r eigelik vrie aardig vanaaf haaj gebrach. Allein sjtèlde d’r toen de hamvraog: wie weit ich noe det ’t good is?
Klaats, kling, paaf, ’n gans sjtök d’roet! Hae sjrók zich kepot… zeker ómdet ’t onnog neet thoeës gebeurde mer bie Sanne thoeës. Mer Sanne zien mam waas neet zoeë hiel erg in sjók. “Den kriese teminste aaf en toe get niejs in hoeës. En die lamp waas ich toch allang meug!”
Dao haje Ron en Leon ’n superhenjig trucje veur: den mósse de achterbandj dae se net höbs geplek, gans laeglaote en biehaje wie lang det precies doert. Vervolges leut se de veurbandj laeg en kiekse wie lang det den doert. As det net zoeë lang doert, den is ’t good! En waat dink geur? Det deej d’r onnog...
Oranje baove In Beesel besjikke veur euver ’n biezónjer getalenteerd Gemingk Koeër det door de jaore haer ’n hiel nette reputasie haet opgebouwd in de regio en wied dao boeëte. ’t GKB waert den ouch geregeld oetgenuujd óm diverse biejeinkómste te veurzeen van häör muzikale ómlieësting. Zoeë ouch in mei aafgeloupe jaor. Bie de sikkertaris kwaam ’t verzeuk binne óm ter ieëre van Memorial Day ’n aantal nummers te zinge in Mergraote, wao idder jaor ’n viering is óm de in de oeërlog gevalle sjoldaote te herinnere. Natuurlik verlieënde ’t GKB hie gaer häör medewerking aan, en de veurbedereidinge waerde den ouch metein gesjtart. Ze mochte zelf ‘ne lieës samesjtèlle mit te zinge nummers, ’t enige verzeuk waas om dao estebleef gèn Duitse nummers in op te numme. Det loog allemaol toch nog ’n bietje geveulig bie de Amerikaanse naobesjtaonde. Zoeë gezag, zoeë gedaon, en de mansluuj
en vrouwluuj van ’t Gemingk Koeër oefende zich kepot óm ’n ónvergaetlik optraeje neer te zètte op Memorial Day. Die erm jónge die dao begrave ligke, höbbe d’r immers persuuënlik veur gezorg det veur gèn Pruus hove te sjpraeke taegewaordig en neet allemaol Günther en Ludwig heite. Op de daag zelf waas alles toet in de puntjes geregeld en ’t GKB wis ’n fantastisch optraeje neer te zètte. En tóch waas det neet waat de aanwezige in Mergraote ’t meiste biebleef van die Beeselse luuj. De penningmeister haaj namelik de goojkoupste busmaatsjappie ingehuurd óm nao ’t zuuje aaf te reize. Wie ’t GKB de begraafplaats opdreijde in häör luxe touringcar, keek men den ouch raar op wie dao ’n knaloranje bus mit… witte kenteikenplate ’t terrein op kwaam rieje! Det waas efkes net get angers as angers…
Op de Coop toe…
Kleppe
Det de Coop begin oktoeëber toe is gange, is nemes in Beesel óntgaon. Wie ze aankondigde det ’t ganse assortiment in de oetverkoup ging, óntsjting d’r zelfs ‘ne ware run op al die aafgepriesde artikele. Van heinde en verre kwame de miense opèns nao ózze Coop óm häöre sjlaag te sjlaon en mit kerre vól grei ginge ze de winkel oet. Dit euveriges toet groeët óngenoege van de oetbaters, die dit veurdeil veural haje gegund aan de vaste klantjekring en neet aan allemaol die vraemde…
Èns in de zoeëväöl tieëd hèlt de vrunjegroep van ónger angere Johnny, Paul en Han ‘ne vrunjedaag mit ’n soms educatieve, mer altied vermakelikke activiteit. Aafgeloupe jaor ginge ze as activiteit kleppe bie De Klep in Venlo. Mit de trein. Veur de haenreis waerde ’n ènkeltje gekóch, want ja, den wil se natuurlik nag neet euver de truukreis naodinke. En missjien zoje d’r den waal gaar gèn treine mier rieje…
In de waeke d’r nao waas ’t zeker wènne veur de meiste miense óm neet efkes bie de Coop nao binne te kènne wippe veur get dageliks grei. Mer nao ’n tiedje haje de meiste miense op de ein of anger maneer waal weer ‘ne angere drej gevónje óm häör dagelikse boeëdsjappe binne te tanke. ’t Waas den ouch zeker opmèrkelik det Juul Driessen in december nag in vólle euvertuging nao de Coop reej óm d’r pas op de Mert bie ’t parkere van de auto achter te kómme det de Coop inderdaad - toch al ’n tiedje - toe waas…
Mer ouch die men waere ‘ne daag aajer en nao de nuuëdige pilskes en angere alcoholische versjnaperinge ware ze zoeë versjtenjig óm toch de lètste trein truuk nao de Ruiver te pakke. Johnny ging alvas veuroet, de kaertjes koupe, zoeëdet de res alvas nao ’t perron kós gaon wao dae trein zooj vertrèkke. Mer Johnny bleef waal erg lang weg. Paul ging poolshuuëgte numme en de res van de vrunj stjapde alvas de trein in. Dae vervolges prómp wegreej…! Zónger kaertjes en zónger Paul en Johnny. En wètse waat ’t is mit dae lètste trein? Es dae weg is, mósse waal ‘ne taxi pakke…
Ingels is ouch bès moeilik… Simone ging mit de kinjer nao Intratuin. Of ja, det hèt taegewaordig ‘Bij Stox’, mer idderein zaet toch nog gewuuën Intratuin, dus veur ouch. Dao ginge ze gèn plentjes koupe, mer dao haje ze ‘ne ‘high tea’ geregeld.
Noud vreug óm aerbezethieë, mer ’t vruike mót ‘m helaas vertèlle det ze dae neet höbbe. Efkes later kump dezelfde vrouw truuk mit de briljante mededeling: “Veur höbbe trouwes waal strawberry…!”
Oetbreiding Neske Mènnig Beeselnaer haet zich aafgevraog of Pension ’t Hoes va Neske wellich ’n groeëte oetbreiding achter de rök haet gehad. Aafgeloupe zomer en naojaor waerde de luuj namelik mit böslajinge tegeliek gedump. Althans, dao sjtinge toch aardig get touringcars veur de deur, dök zelfs veur mierdere daag of nog langer. Wao zoje Frans en Gerda det volk toch allemaol laote? ’t Is natuurlik ’n flink pandj mit ’n aardige kamer, mer doe mós toch aardig get luuj in éín bèd duje, wil se ’n volle bös miense kwiet kènne. Ózze versjlaaggaever is d’r get deper ingedaoke en haet zelf ouch ’n kamer geboek bie Neske óm d’r achter te kómme wao die sjlaopzale en extra faciliteite verborge zien. Hae haet op koste van De Draaksjtaeker ’n superior suite geboek, inclusief gebroek van alle extra facilteite. Ózze versjlaaggaever zoog d’r al waeke nao oet en waas veurbereid óm te bade in luxe, gebroek te make van de sauna en angere sjpa-faciliteite, zich lekker te laote verwènne door masseuses en zien naegel te laote doon bie de inpandige manicure. Mer ’t moch neet zoeë zien; bie binnekóms waerde d’r weliswaor allerherteliks óntvange, mer toet zien verbazing waas d’r mer eine angere klantj. En det waas de buschauffeur van die touringcar veur de deur. Veur kènne uch bie deze den ouch oet de druim helpe: men kènt bie Neske prima sjlaope en de service is oetsjtekend, mer al die angere veurzeninge det waas ‘wishful thinking’. Veur buschauffeurs is ’t echter prima toeve oppe Hoeëgsjtraot!
’t Raegent, ‘t zaegent In december sjting in Beesel weer de altied sfeervolle körsmert op ’t programma. ’t Waas gezellig drök in ’t dörp, óndanks ’t sjlechte waer, want ’t raegende duchtig. Ónger de bezeukers bevónje zich ouch Rob en Laura Selen mit zoontje Jelte. Ze bekeke zich de körsartikele ‘ns good en drónke zich nag efkes get bie Mert 5. Mer einmaol thoeës raakde Rob ram in paniek: hae waas zien sjleutels verlaore! En dus sjpoojde d’r zich truuk nao Mert 5. Mer dao loog nieks. Den mer de route door ‘t dörp nag ‘ns aafligke, óngertösse oppe gróndj kiekend of ze dao missjien örges loge. Ouch nieks! ’n Paar daag later ging d’r zelfs nag truuk nao Mert 5, veur de zekerheid, mer dao haje ze zelfs in de voelnis gekeke, mer ech nieks gevónje. Rob baalde natuurlik, mer nieks aan te doon… Óngevier drie waeke later geit ’t gezin Selen wanjele door ’t dörp. As ’t begint te raegene, duit Jelte zien paraplu aope. En den raegent ’t opèns… ‘ne boes sjleutels!
Hoeëgsjtraot 8 - 5954 AC Beesel Til.: 077-474 2010 aangesjlaote biej de lanjelikke vereiniging
Al mier as 30 jaor ‘t juuste adres, Om nao alle vastelaovessjtress, De veut ‘ns lekker te laote verwènne. Höb geur làs van eelt of blaore, Of duuje die eksteruig al jaore, Kòm den nao aswoensdig binnerènne!
Computers en Netwerken RoRo Computers en Netwerken BV | Raadhuisplein 2 | 5953 AL | Reuver | 0774740700 | www.roro.nl
Beej NESKE is ut good logeren!
PENSION ‘T HOES VA NESKE Hoogstraat 3 - 5954 AA Beesel - 077 - 474 37 47
Café-zalen ‘de Paerssjtal’ Keulseweg 103, 5953 HG Reuver, 077 474 1415 info@paerssjtal.nl, www.paerssjtal.nl
vleis r k ö j t telde od s e o d g p in o Mit e vend o a l ste e va elder d t i se m od h blief auch go
Mgr. Theelenstr. 2 - 5954 AZ Beesel - tel. 077-4741377
Kiekwiezer
Neet gesjik veur kinjer ónger de 12 jaor Bösse jónger es 12 jaor (noe veuruit 10 is ouch good)? Den mósse dit sjtökske efkes euversjlaon. Veur meine ‘t, want angers sjpatte dien druime missjien veurgood oetrein… Det waas namelik ouch bienao gebeurd tiedes ’t Drakesjpektakel, wao jeugprins Teun en adjudant Mike op ’n gegaeve moment waerde oetgerope. Vors Harald haaj ’t ieërder al veur elkaar gekrege óm Sinterklaos, wie dae in ’t landj waas, de prinskandidate bekènd te laote make. Idders kier keek Sinterklaos in zien groeëte book waem gesjik zooj kènne zin. Neet gesjik? Den sjeurde d’r de bladzijde mit de naam van de prinsekandidaat ónherroepelik oet ’t book. Missjien det vors Harald get te väöl opging in ’t ganse Sinterklaosgebeure. Want wie jeugprins Teun ónger de draak sjting, klaor óm oet te kómme, sjtèlde d’r - naeve get mier ónsjöldige vraoge - ouch de vraog: “Zègk jeugprins, geluifs doe nag in Sinterklaos…?” Veur zin beniejd wieväöl eljers häör kinjer höbbe mótte oetligke det dae gekke man mer ’n grapje maakde… Gelökkig goof Teun van ónger de draak ’n enige goeje antjwaord op dees vraog: jao, zeker geluif ich nog in Sinterklaos!
Hoeëskamer Campingconcert Tiedes ’t vrouwluujkiene van 2018 wón Nicole Fransen ‘ne groeëte pries: ’n hoeëskamerconcert verzorg door de Drakekapel. Ómdet häör hoeëskamer dao neet ech gesjik veur is, haje ze in de vrunjegroep bedach det ’t waal leuk zooj zin es de kapel wooj kómme träöte tiedes häör jaorlikse vrunjeweekend in Belfeld oppe camping. En dus waerde de kapel opgetrómmeld óm dao op ‘ne vriedigaovend in juni ’n sjtökske muziek te kómme make. Zoeë wie zich det huuërt, trók de kapel mit ‘Beeselse draak’ richting de hook wao de caravans sjtinge van de vrunjegroep van Rick en Nicole. Mer ze haje de lètste noot nag neet oetgeblaoze, of d’r sjting al ‘ne ganse troep miense óm häör haer. Bienao idderein ómdet ze niejsjierig ware en det waal lollig vónje, dae livemuziek op vriedigaovend. Mer - en dat zal ouch ‘ns neet - natuurlik waas d’r weer ein zoer figuur bie die ’t plezeer wooj bederve. Häör zoontje kós namelik noe neet sjlaope… waat det zoontje euveriges zelf gaar neet erg vónj! De campingeigenaer wis d’r echter van en haaj toesjtumming gegaeve óm toet ’n oer of nege get kabaal te make. En dus waerde d’r gewuuën nag get sjtökskes - op veur de kapel besjaaf geluidsniveau - getoeterd. Eind good al good… …of toch neet? Want aafgeloupe jaor wooj de groep weer opniej reservere oppe camping in Belfeld, mer krege ze te huuëre det ze helaas neet welkóm ware… en höbbe ze zich ’n anger camping mótte boeke in Roggel!
De knetterdel van Joëldig Joël S. oet Beesel, waem kènt ‘m neet? Joël is ein van de weinige Beeselnaere mit ’n eige YouTube-kanaal. Op dit kanaal genump ‘Joëldig’ guf hae ’n kiekske in zien laeve, kump hae mit zelf bedachte oetvinjige en mieër. Zoeë kwaam hae deze zomer mit zien niejste bedinksel: de ‘knetterdel’. Veur zeen uch dinke… waat is ’n knetterdel? Tja, det dachte veur ouch. ’t Bliek ’n saort frikandel speciaal te zin, mer den mót dao knettersjlók euverhaer. ’n Aantal miense die net op ’t verkierde moment op ’t terras bie de Troubadour zote, höbbe al `ns kènnisgemaak mit de knetterdel. Op ‘ne zónnige vriedigaovend leep Joël namelik bie Christel de frietkraom binne óm dao zien knetterdel te presentere. Christel is de beroerdste neet, maak die delle klaor en löp mit ’n deenblaedje vól knetterdelle richting ’t terras van de Troubadour. De preufgelökkige ware neet hiel enthousias, mer det sjare veur mer efkes ónger de neumer: sjmake versjille… Det Joël zelf hielemaol in zien nopjes is mit zien del bleek waal toen hae oppe Nederlandse tillevisie versjeen in ’t programma ‘First dates’. In dit datingprogramma probere vriegezelle mansluuj en vrouwluuj middels ’n aetentje de waore te vinje. Zoeë dus ouch Joël. Tösse de soep den de petatte door kreeg hae van zien date de vraog waat hae zoeëal duit in ’t dageliks laeve. Joël leet dees meugelikheid neet ónbenut óm de knetterdel mer drek ter sjprake te bringe. ’t Maedje sjnapde d’r nieks van en meinde ‘knettergeil’ gehuuërd te höbbe… Helaas is ‘t nieks gewaore tösse de twieë torteldoeve. Haopelik veur Joël waert de knettergeile knetterdel waal ’n groeët succes!
Lekker gegaete? Nog mer net eine daag oet as nieje Drakeprins van 2019 en drek leut d’r al zeen waoróm deze prins angers is as angers. Los van ’t feit det d’r get mieër kèn drinke as angere, get baeter taege get minder sjlaop kèn as angere, kèn d’r ouch net efkes angers (veural mieër) aete as angere. Dit bleek waal wie ’n anonieme bron van de Draak sjtaeker hem en zien adjudante aantrof op zónjigaovend nao de Bóntje Revue in de frietkraom. Hie waerde metein dudelik det de nieje prins erg fan waas van ’t concep ‘crazy dinner’. Zoeë waas d’r zónger enige sjaamte de friet mit de henj nao binne aan ’t wèrke. Hae waas nag neet gans gewènd aan zien prinselikke uniform, want wie d’r euver de taofel reikde óm de frikandel te pakke, hing d’r mit de prinsemedalie ram in de satésaus! Van sjrik leunt d’r achteroet, waodoor die vèttige medalie taege zien fijn wit euverhaemp aan sjtoeët. Die plek kriese neet zoeëmer droet, mer die medalie haet d’r gewuuën efkes aafgelek, gèn probleem… Nao get wieër naovraog te doon in de club van de mötse, bleek det ózze prins in de loup van de zónjigmiddig al bepaolde trèk(jes) kreeg. Zoeë haet d’r in plaats van ’n glaeske beer dökker ’n zekske chips besjtèld en as klap oppe vuurpiel zoeëmer ’n sjtök appeltaart oet de vitrine gepak óm in de pauze lekker op te aete. ’t Personeel van de Bongerd haaj ’t echter in de gate en vroog wie d’r ’t bienao op haaj of d’r det sjtökske appeltaart waal efkes kós aafraekene mit ’n bon. Gelökkig haaj ze neet in de gate det d’r neet ein sjtökske haaj gebiets, mer zo’n bietje de ganse appeltaart… ’n Klassiek geval van hóngerklop nao ’t intense oetrope, Prins Ruud? Of toch baeter de volgende kieër ’t lètste glaeske beer laote sjtaon…?
De vastelaovend waert in idder geval angers as angers veur ózze aadvors Harald Boots. Veur ’t ieërs hoof d’r nimmer as sjpraeksjtalmeister op ’t sjerps van de sjnede te zin en kènt d’r zich same mit Els gans óntsjpanne ’n pilske kómme drinke es ‘m det oetkump. Hoeëg tieëd óm ‘m get vraoge te sjtèlle.
Harald, wie angers waert deze vastelaovend veur dich?
Nou… höbse det sjtök van Petra gelaeze? Doot d’r toch mer ein…
Tja, det zal effe wènne zien, nao 33 jaor lang betrokke te zien gewaes bie ‘t vaste programma van de carnavals vereiniging. Mer ‘t vastelaovesblood geit noeeëts mieër bie mich weg, dus det kump waal good.
Nou alla den, ’n anekdote mit betrèkking toet ein van de fantastische sjleuteleuverdrachte die ich mit Petra Dassen moch belaeve. ’t Waas de sjleuteleuverdrach in ’t jaor veur ’t Draaksjtaeke. Petra kwaam as Pruus nao binne, kompleet in dirndl en ging dao as zoeëgenaamde burgermeister van Fürth im Wald in ónvervals Duits vertèlle det dae burgermeister (angers as in Beesel) ‘n hieël belangrieke rol haaj in ’t Drakesjpel. Petra haaj mich net vanteveure al gezag, det ich waal zooj merke as ’t ging doordrave en det ich ‘m den mer de móndj mós sjnoere. Mer ich dach: de móndj sjnoere…? Det gaon ich angers doon. Dus wie ’t inderdaad begós door te sjlaon, höb ich de deur van de zaal aope gezatte, en höb ich Petra veerkentjig aangepak en ‘m oet de zaal gezatte mit de wäörd: “Det is angers nag ’ns emes dae neet van ophaje wèt.”
Duise dich ouch get angers aan as angers? De sjteek en ‘t frak hange in de kas. Ich zal inderdaad op zeuk mótte nao get angers.
Kiekse d’r ouch nao oet óm ’t dit jaor angers te doon as angers? Ieërlik gezag höb ich dao waal get gemingde geveules euver. ‘t Zal ech aafkikke waere. Ich gaon in èlk geval zeker de goeje momente oetzeuke óm d’r bie te zien.
Esse de tieëd kós truukdrejje, waat haaj se den angers gedaon? De persoeën dae se bös, bösse gewaore door alles waasse mitgemaak höbs in dien laeve. Dus: nae, ich zooj de tieëd neet wille truukdreije.
Toet sjlot inkele dilemma’s: Angers waal of angers neet? Angers waal
Waat vinjse det angers mót of kèn (es ’t geit óm vastelaovend, of óm Beesel in ’t algemein?)
Beer of get angers?
Ich zooj gaer höbbe det veur de jeug tösse twellef en achtieën baeter vas kóste haje mit de vastelaovend. Ich vinj det vastelaovend in dien eige dörp ‘t sjoeënste is en ich vinj det de jeug det geveul mit zooj mótte kriege. En det kèn allein mer asse d’r bie bös mit die daag.
Wit of roeëd?
Höbse angers nag ’n leuke anekdote?
Angersóm of ómmesang?
Nag waal mieër as ein. Mer ich bön bang det ich dao te weinig ruumte veur höb in dees gezet.
Krangsóm
Beer mit de vastelaovend en angers gaer wieën Allebei
Vors of prins? Vors, want prins bösse mer ein jaor
Ruiver of Zjwame? Beesel
www.versbakkerijvandenberg.nl
www.cruysbergauto-watersport.nl
Veur van Broeëd van SOMA winse uch eine sjoeëne vastelaovendj!
& ei k e p j s t è m Lekker woensdig en op As ng! mèt hieri
Kieëk veur mieër recepten op www.broodvansoma.nl
Twieë glaze Mit de Sinterklaosintoch waas Jeroen Aben van opticien Heiming-Aben mit zien vriendin en zoontje weer ‘ns gans van de Ruiver nao Beesel gekómme. Bie de Troubadour vreug d’r aan Rob: “Ich bön allang nimmer hiej gewaes! Höb ich aan 20 euro genóg veur twieë glaze beer?” Rob kós ’t natuurlik neet laote óm truuk te sjtechele: “Doe bös noe ‘ne Ruiverse, hè, det is 5 euro extra.” Hae tap Jeroen die twieë pilskes en zèt ze veur ‘m oppe bar neer. “Och,” zaet Rob bie ’t aafraekene, “det is altied nag goodkouper as twieë glaze bie dich!”
Klusperikele oppe Vosseberg Mark Selen, waem kènt ‘m neet… Mark is same mit Janne ‘n waor kesjtieël aan ’t make van häör huuske aan de Vosseberg. Dit geit allein neet hielemaol zónger sjlaag of sjtoeët.
• Det de buttons van de Bóntje Revue veurig jaor
Op 29 juli kwaam ’n meljing bie de meldkamer euver ’n woeënwieëk in Beesel die bedek waerde door ’n groeëte roukwolk. Bleek det de graasj van de femilie Selen in de fik sjting! Gelökkig waas de brandjwaer d’r as de kiepe bie, want in de branjende graasj sjtinge nog twieë gaasflesse. Es die vlam haje gevat, haaj de ganse sjtraot häör hoeës kènne opknappe…
• Det mansluuj die optraeje oppe hieërezitting altied al per
’n Paar waeke later zoge Mark en Janne ’n sjoeën sjpeeltoesjtel veur Fiene. En det moogde ze veur nieks höbbe! Enthousias as Mark altied is, waerde det dink drek besjpraoke. Oeteindelik bleek ’t toesjtel toch get duurder as gedach. Óm dit gevaarte achteróm te kriege, mós d’r namelik ‘ne megakraan gehuurd waere!
• Det pas op ’t lèts idderein eindelik ging sjtaon óm
Einmaol achteróm kós d’r weer geklus waere. Tösse ‘t opknappe van ‘t hoeës en ‘t vernieje van de graasj kós hae noe ieërs beginne aan ’t sjpeelhoeës. Toen ’t sjpeelhuuske einmaol sjting, mós Mark allein nog ’t daak van det dink vernieje. Toet euvermaot van ramp kreeg hae bie de ieërste de bèste hamersjlaag drek ‘ne duchtige sjplinter in de vinger. Dit resulteerde in ‘ne dieke vinger mit daonao zelfs ’n dieke handj! Det kós allein mer opgelos waere mit ’n antibioticakuur. Al mit al ’n bietje óngelökkig allemaol en veur höbbe in de wanjelgange vernaome det hae noe nog altied aan ’t klusse is…
•
’n mäötje kleiner ware as normaal?
• Det det neet, zoeëas gedach, kwaam door bezuiniginge? • Det emes bie ’t besjtèlle gewuuën ’t verkierde vinkje haaj aangeklik? definitie mit 2-0 achtersjtaon?
• Det mansluuj op ’n hieërezitting noe einmaol allein vrouwluuj wille zeen?
• Det dit zeker ouch van toepassing waas op de Zwjamer formatie ‘Note-allergie’, die ’t veurig jaor op ’t podium sjting?
• Det die op zien zaachs gezag ’n moeizaam optraeje achter de rök höbbe?
• •
• • • • • •
• • • •
Auto kwiet
•
Det Mesjtreech ’n gezellige sjtad is, hove veur natuurlik nemes te vertèlle. Det se dao good ’n terrasje kèns pakke, get lekkers kèns aete en saoves leuk oet kèns gaon, is natuurlik ouch gèn niejts. Asse den ouch nog ’n zöske höbs det in Mesjtreech woeënt, den is det natuurlik mitgenaome. Lisette geit óm die raeje geregeld op bezeuk bie zien zus Yvonne in Mesjtreech, en ’t sjprik veur zich det de dames den ’t nachlaeve ouch nog aeve onveilig make. Wie Lisette de lètste kieër in Mesjtreech op bezeuk waas en de zusse de aovend d’rveur de blömkes good boeëte haje gezatte, waerde ’t sjmorges tieëd óm weer langzaamaan nao ’t Drakelandj truuk te rieje. Mer wie ’t boeëte kwaam, sjloog ‘m de sjrik óm ’t hert; ziene auto waas nörges te vinje. In ziene kop dreijde ’t de film van de daag d’rveur nog ‘ns truuk, zoeë good en zoeë kwaod as det nog ging. ’t Waas toch ech mit de auto gekómme? Of haaj ’t de trein gepak nao Mesjtreech? Nae, in Beesel sjtop gènne trein, dus det waas zeker neet meugelik. ’t Keek nog ‘ns good óm zich haer, nao de angere kantj van de sjtraot, links, rechs; nae, ziene auto waas ech nörges te bekènne. Mit ’t loeëd in de sjoon belde ’t oeteindelik mer nao Luuk, missjien det dae ‘m kós vertèlle wie ’t aangifte mós doon en det dae ‘m eventueel zooj kènne ophaole in Mesjtreech. Mer Luuk kènt zien maedje óngertösse waal baeter, en vroog ‘m veur de zekerheid ieërs nog ‘ns ’n blökske óm te loupe. Wellich sjting de auto ’n sjtraot verder of waas d’r weggesjleip. En jao huuër, wie Lisette de ieërste de bèste hook omsjloog, sjting dao ziene Fiat 500 in volle glorie te sjittere. Eind good, al good, mer volgende kieër missjien toch get ieërder nao bèd gaon?
•
mit te klappe… en det zie toen achter door de coulisse aafginge? Det waat geldt veur ’n hieërezitting, veur vrouwluuj precies angersóm is? Det die dus juus kaerels oppe bühne wille höbbe en gèn vrouwluuj? Det Lotti ’t mer nieks vónj det d’r veurnamelik maedjes optraoje? Det ’t daoróm aan ein van de kelners vroog wao de sjtekker van de sjtroum zoot? Det dae ‘t neet zeker wis, mer zag: “Ich dink dao örges?“ Det ‘n paar seconde later ‘ne helle ‘POEF!’ te huuëre waas…? Det de sjtroum gans oetveel op det moment? Det veur neet zeker weite of det noe daadwèrkelik ’n actie van Lotti waas of puur toeval? Det Max zich óngerwaeges nao de Maashof veur de Nach van de Prins pas bedach det d’r zich eigelik waal efkes haaj kènne sjmienke? Det d’r det creatief haet opgelos? Det d’r bie ’n paar auto’s in de oetlaot haet gevaeg en det op zien gezich haet gesjmeerd? Det veur ós aafvraoge wie lang d’r dao sjnachs op haet mótte sjoere óm det weer draaf te kriege? Det Richard veur de vastelaovesmès bie de Bóngerd op twieë plaatse mer de keuling haet aangezatte? Det gans Beesel angers tiedes de receptie lauw beer haaj mótte drinke? Det angers idderein baeter haaj kènne euversjtappe op gemeintepils?
To swim or not to swim Ózze sjportieve Tom, al jaore baeter bekènd as Jair, haet zich ’t aafgeloupe jaor aardig gegaeve. ’t Begós al mit ’t Long Course Weekend in ós eige gemeinte, wao d’r zjwóm, rende en fietsde as of zien laeve d’r vanaaf hóng.
douche, dach Jair. Wie d’r dao frisgewasse óngeroet kwaam, dacht d’r: wao is idderein toch? Hae löp ’t kleidhok oet, wao d’r eine van de organisatie taegekump. Dae vertèlt ‘m det de CitySwim weer is hervat, ómdet ’t gelökkig toch get is opgeklaord.
Det sjmaakde nao mieër. En dus sjreef ózze Jair zich ouch in veur de CitySwim in Remunj in september. Bliekbaar rös op det zjwumme toch ein of angere vlook. Want waas ’t waer in Beesel al neet erg geweldig, in Remunj waas ’t nag väöl sjlechter. Veur de organisatie zoot d’r den ouch nieks angers op as halverwaege alle zjwummers oet ’t water te rope. Den mer ónger de
Tja, en waat duisse den? ’n Momentje mót d’r zeker waal getwiefeld höbbe, mer al drek toeënde d’r karakter: truuk det kleidhok in, de zjwumbóks weer oet de tas en hop, opniej ’t water in! Det d’r vervólges es ein van de lètste euver de finisch kwaam, is neet belangriek. Mitdoon is belangrieker es winne, toch?
Groeë te-kinj er-kal Brigitte ging mit zoon Ruben nao de winkel. Bie ’t aafraekene lökde ’t pinne neet. Wie kèn det noe? Zaet Ruben hiel druuëg, terwiel idderein ’t kèn huuëre: “Aoh, den zal pap waal weer nao de hoere zin gewaes…!”
Op zeuk nao Jezus Zoeë róndj de körsperiode is ’t altied de tieëd det miense elkaar gaer opzeuke. ’t Veurig jaor ginge Rick en Nadieh same mit dochter Faye op bezeuk bie Marcel en Maud. Dao sjting ‘ne ‘high beer’ op ’t program. Veur waem det neet kènt: det is ‘ne sjieke naam veur väöl (sjpeciaal)beerkes wegtikke, mit daobie get te knabbele of te snacke, zoeë desse nag mieër dors kries en dus nag mieër beer drinks. Óm get te doon te höbbe, haaj Faye ziene körssjtal mitgenaome óm mit te sjpele. En dus waerde volop gesjpeeld mit kiendje Jezus en alle anger pöpkes. Einmaol thoeës kwaam Nadieh d’r achter det kiendje Jezus kwiet waas. ’t Kós neet angers as det dae bie Maud en Marcel waas achtergebleve. Mer dao haje ze gèn kiendje Jezus gevónje, dus dae kós dao ech nimmer ligke lete ze wete. Och, dach Nadieh, den zin veur dae missjien óngerwaeges waal verlaore.
’t Laeve van ‘ne dokter is neet altied aeve mekkelik Op ‘ne zónnige zaoterdigmiddig in november sjting op sjport- en sjpelcentrum De Solberg de competitiekraker VV Bieslo JO-17 taege Venlosche Boys JO-17 op ’t programma. Zoeëas gebroekelik op ‘ne zaoterdig, waert de kantinedeens verzorg door eljers van Bieslosjpelers. Dit kieër waas ’t de beurt aan dokter Dreessen óm achter de teek in de kantine te sjtaon. ’t Waas ‘ne behuuërlik drökke zaoterdig mit väöl thoeëssjpelende teams, dus hae hoofde zich neet te vervaele. Net op ’t moment det ’t get röstiger leek te waere, vlaog nao de wedsjtried van Bieslo JO-17 de vlam in de pan. Waat begós mit get euver en waer gesjeld, resulteerde vervolges in ’n knokpartie veur de kantine. Ózze dokter zoog ’t allemaol gebeure en as ‘ne waore superheld vlaog hae de kantine oet óm de kemphane toet bedare te bringe. Det bleek nag lestiger as gedach en óm alles gesus te kriege, mós hae tösse de vechtersbaze sjpringe óm ze oetein te drieve. In alle hectiek kreeg ouch ózze dokter ’n paar klappe te verwèrke van ’n paar Venlose sjnotblage. Höbse ‘ns ‘ne dokter in de kantine, waert dae oetgesjakeld...
Shoarmataxi Traditiegetrouw geit de Raod van Ellef idder jaor mit de ganse bubs mit de bös nao de prinsereceptie oppe Ruiver. Aafgeloupe jaor neet angers. Waat waal angers waas as angers is det ze ‘ne aadprins (dae oet 2011, dae veur belaof höbbe dit jaor neet bie naam te numme…) bie zich haje ómdet d’r de Ruiverse vastelaovessfeer ‘ns wooj preuve. En jao.. dit jaor ‘n ‘ne kieër allein de sfeer en nieks angers… Toen óm 22:11 oer de bös truukging, zoot d’r al keurig veurin te wachte óm mit truuk te rieje nao ’t Drakelandj. Pak nag aan, jas neet kwiet, möts nag op… det kèn bienao neet bie deze aadprins. Misjien det ‘m de Ruiverse vastelaovessfeer neet gans beveel… Einmaol truuk in Beesel en nao ’t aafhaole van de jeug nao ’t jeugdanse in de Blokhut, sjtinge de raodsleje nag aan ’t buffet bie de Troubadour, wie ze in eine kieër vanoet achter in de kefee huuëre vloke: “SHIT! Mien vrouw is nag oppe Ruiver. En ich höb hónger!” Aadprins geurweit-waal-waem haaj al sjnel in de gate det nemes ‘m op det tiedsjtip nog nao de Ruiver ging bringe en det brach ‘m op ’t volgende idee… Hae besjlaot óm bie Ome Har van de shoarmatent ‘ne pizza shoarma te besjtèlle… en gebroek te make van de bezorgdeens nao de Ruiver! En geluif ’t of neet.. mit ziene pizza oppe sjoot, waerde ’t menke door Ome Har oppe Ruiver aafgeleverd óm dao same mit Annita wieër te fieëste!
Natuurlik waas Nadieh det ganse kiendje Jezus allang weer vergaete toetdet ‘t midde in de zomer, op 2 augustus, ’n appje kreeg van Maud. Mit de foto van ’t heilig menke! Toch gevónje… Det guf toch te dinke wie good d’r eigelik waert opgeruump in hoeze Aspers…
‘ns Get angers Ouch veur ós beruchte rubriek mit culinaire recepte, höbbe veur dit jaor get angers as angers.
Waem d’r altied bie is mit de vastelaovend is ózze kefee-eigenaer Rob Rutten. De Troubadour is mit die daag altied bómvol! En dit jaor sjteit ózze Rob 25 jaor achter de tap in ziene eige Trouby! ’n Goej raeje óm Rob ‘ns te vraoge of det noe angers veult in zo’n jubileumjaor.
Rob, veult deze vastelaovend ouch angers veur dich as angers?
Waat vinjse det angers mót of kèn (es ’t geit óm vastelaovend, of óm Beesel in ’t algemein?)
Ich kèn ’t uch achteraaf zègke…
De waeg veur de Troubadour mót toe. Neet zoeëzeer veur ós terras, mer veural veur de verkeersveiligheid veur de kinjer. En verder löp ’t wie ’t löp. Idder jaor zin d’r waal weer anger dinger, dao mósse ouch neet te lang bie sjtilsjtaon.
Höbse väöl dinger angers zeen waere in die 25 jaor? Aet ‘ns ‘ne kieër petatte, mer den angers! Mit Aardappel Anders voeg se gemekkelik en sjnel ‘ne biezónjer lekkere sjmaak toe aan iddere maoltied mit petatte. Aardappel Anders is te gebroeke veur allerlei saorte maoltiede, zoeëas ’n aovesjóttel, quiche of reurbakmaoltied oet de wok. Zoeë kènse idders kieër get angers aete mit petatte! Verkiegbaar in de sjmake sjpek-ooi, sjink-kieës of angers tuinkruuje-knoflouk. Aoh jao, de petatte zelf kènne ouch sjteeds angers. Waat wil se angers nag mier?
Bereidingswieze: • Koup ‘ne pot Aardappel Anders. Veurhaer haje veur uch hieveur nao de Coop verweze. Mer noe mót geur uch mer zelf oetzeuke wao geur uch boeëdsjappe doot
Héél väöl. Van gulde nao euro. Van prins nao aadprins. Ouch ‘t sjteuke is angers gewaore door de jaore haer. Det blief neet altied mieër binne de lieëne. Verder is de Bacchus d’r bie gekómme; nao get opsjtartprobleme ’n hieële positieve verangering. En ein dink waat altied ‘tzelfde is gebleve is de sjtraevel in de kapel...
Zin d’r dinger die se nog angers wils gaon doon (zelf of mit de Troubadour)? Baeter aan michzelf dinke en aan mien gezin. Ich sjtaon altied veur idderein klaor, mer den vergaet ich dök michzelf en de miense wao ich ‘t meiste van haaj. Det verdene ze neet. En mit de Troubadour gaon veur op dees maneer door; de planne kómme den vanzelf baove. Det is veur uch ‘ne gis en veur ós ‘ne weit.
• Laes de gebroeksaanwiezing oppe pot • Drej de dop vanne pot en doot precies waat op ’t etiket sjteit. Angers weite veur ’t ouch neet… Neet lekker? Den maak geur mer get angers…
Höbse angers nag ’n leuke anekdote? Zat! Mer what happens in the Troubadour, stays in the Troubadour… Den haaj se d’r mer bie mótte zin; veur zin zeve daag in de waek aope!
Toet sjlot inkele dilemma’s: Angers waal of angers neet? Angers waal
Beer of get angers? Beer
Veur of achter ’t buffet? Op ‘t buffet
Raod of kapel? Kapel; die haje teminste waal ‘n kedo bie zich...
Esse de tieëd kós truukdrejje, waat haaj se den angers gedaon?
Biljare of toepe?
Den haaj ich dertig jaor geleje baeter nao de dokters geloesterd, den ware mien kneen nag alik gebleve. Mer ómdet ich neet loesterde, höb ich mótte sjtoppe mit sjporte. Aoh jao, en den waas ich noeëts begós mit rouke…
Angersóm of ómmesang?
Toepe Ómmesang
Agtersloot Hydraulisch Advies
VEUR WINSE UCH DRIE SJOÊN DAAG
Piet en Gerrie Boonen T 077 - 474 88 81
www.fysio-beesel.nl
Volgend jaor ouch mit ’n advertentie in de Draaksjtaeker? Num veur mier informasie contac op mit Maurice Crins via sjponsor@cvdedrake.nl
Graasgreun
Spareribs speciaal
Beesel is neet zoeë hiel väöl winkels en bedrieve rieëk, mer waasse in idder geval waal gewuuën in ós eige dörp kèns kriege, is graas. Want Marc Kuipers Gazons in Riekel haet alles in hoeës óm det graas van dich net get greuner te laote lieke es det van de bure. En dus besjtèlde Connie Geraets get veerkantje maeters graaszode óm de haof weer fijn te make.
D’r óntsjtaon bès interessante gesjprekke via whatsapp esse próngelök de verkieërde Ron Crins apps… En zeker as dae Ron in de kefee sjteit mit nog get anger raodsleje die ‘m van alles influustere!
• Det ’t gezellig waas tiedes ‘t jubileumweekend van Bieslo, waat mer leefs hóngerd jaor besjting?
• Det d’r ’n gevarieerd programma waerde aangebaoje • • •
Zoeë gauw d’r ’n berich waas det ze de kraom kóste kómme hoale, lieënt Jan zich örges ’n ker, hingk zich die achter de wage en geit nao Riekel óm die graaszode op te haole. Es Marc de deur aope duit en Jan zaet det d’r zien graas kump ophaole, zaet Marc verbaas; “Waat veur graas? Ich höb gaar gèn besjtèlling van dich gehad.” Jan wèt waal zeker det d’r ’n bevestiging haet gekrege det alles klaorsjting. Mer waat bleek? Hae haaj ’t graas inderdaad besjtèld bie Kuypers Graszoden… in Biezenmortel…! Det is zon bietje vergeliekbaar mit Riekel… mer den in de buurt van Tilburg!
•
• •
• Det is Jan en Connie euveriges nag duur kómme te sjtaon. Want bie die club dao achter, móste ze 100 euro boete betale ómdet ze de hanjel neet kwame aafhaole. En det graas höbbe ze flot mer opniej besjtèld, noe waal bie de goeie Kuipers!
• • • •
Bienao de boeët gemis
•
De Nach van de Prins haaj aafgeloupe jaor as thema ‘The Love Boat’ en d’r sjting wederóm ’n spectaculair programma klaor! Zoeë kwame ónger angere Coen Janssen, DJ Marcel en kieërs oppe taart Kartoesj! Allein… op Marcel nao haje ze allemaol bienao de boeët gemis!
•
Zoeë kós de organisatie allerieërs Coen Janssen oet bèd gaon belle, want dae bleek nörges vanaaf te weite! Terwiel dae via ziene manager toch ech waas geboek. Mer hae sjting mit alle leefde veur ós op, wooj zich waal nog efkes douche (mer jao, tieëd zat!) en kwaam den richting Beesel óm ’n fantastich optraeje te verzorge.
•
Vervolges kreeg de organisatie te huuëre van de begeleiding van Kartoesj det hiej nog get väöl gekkers aan de handj waas. Zie sjtinge namelik vas! Nae, ze waerde neet opgehaje door fans, de pers of de file oppe autowaeg, mer ze sjtinge vas in de lif bie häör veurige optraeje in Kèrkraoj! Dao haje ze net ’n optraeje gehad en ze ware al häör materiaal aan ’t inlaje toen de lif ’t begaof en de ganse band en crew in de lif sjting! Op eine nao dae boeëte sjting te wachte… Toen dae vónj det ’t waal erg lang doerde, besjlaot d’r óm ‘ns te gaon kieke… Dit incident zorgde d’r veur det Kartoesj pas drie keteer later as de bedoeling waas kós optraeje.. en ze zoje sowieso pas óm 00:30 oer sjpele… Gelökkig höbbe de dj’s dit good weite op te vange en haet Kartoesj Beesel asnog van ’n optraeje kènne veurzeen! Al vraoge veur ós aaf waem dit op det tiedsjtip nog bewus haet mitgekrege! Enfin, ondanks dit alles waas dees editie wederóm gesjlaag en haope veur det dit jaor de vastelaovesband waal ‘net oet bèd’ is!
• • •
• •
Sjókkende zaak
• •
Óm de vrouwluuj oppe dameszitting neet allein ’n good programma veur te sjöttele mer ’t oug ouch get te gunne, haaj Quicke aafgeloupe jaor de jónges van Bieslo 3 gevraog óm in de bedening te loupe. Die jónge deje natuurlik häör oeterste bès óm ‘t de maedjes in de zaal zoeë aangenaam meugelik te make, mer de aovend haaj oeteindelik ’n mier gelaje en sjpetterend einde as emes haaj verwach.
• • •
De manne achter de tap veulde namelik halverwaege de aovend natigheid. En det haaj nieks mit de aanwezige vrouwluuj te make, mer ze sjtinge op ‘n gegaeve moment letterlik toet de inkels in ’t sjpeulwater. De aafveur deej namelik neet gans wao d’r veur is aangenaome, namelik aafveure, en dus óntsjting d’r ‘ne sjtieëds gróttere plas water achter de bar. Mer ’t kós nog erger, want op ’n gegaeve moment greuijde de plas neet mier in ómvang mer sjtabiliseerde zich. Wat bleek ’t geval te zien; ónger in de kelder leep ’t water wie ’n waterval langs de moer de gank in. ’t Waas krèk de Niagara in ’t klein, mer den binne.
•
Mer ouch det waas nog neet ’t ergste. Want de tapploog kreeg sjtieëds mieër las van tintjelende vingers. En vervolges van kleine sjókke. En op ’n gegaeve moment sjtinge ze te razele achter de bar. De oeërzaak waas sjnel gevónje, d’r loog namelik ’n verdaeldoeës ónger de tap, precies wao de lekkage zich bevónj en de plas water sjtieëds mer in ómvang toenoom. Natuurlik waerde die sjtèkkerdoeës rap weggehaold, mer ’t kwaod waas al gesjied: drie man aan de razel en twieë mit versjreujde vingers. En al die vrouwluuj mer dinke det die kaerels door häör sjtinge te dampe!
• • •
• • • • • • • • • • •
• • •
in ’n tent op ’t voetbalveld? Det Rob en Laura, Luuk en Julia en Roy en Mara same aan ‘n taofel sjtinge? Det ze haje biegelag en ’t geldj in ‘ne baeker haje gedaon? Det dae geldjbaeker vervolges is mitgenaome door de baekerophaolers? Det Michel Evers zich de wèkker haaj gezatte op 7.00 oer, zoeëdet d’r lekker óngerhalf oer kós gaon fietse sjmorges? Det d’r netjes oppe tieëd waas opgesjtange, zich haaj klaorgemaak en toch neet is weggefiets? Det det kwaam ómdet d’r wie d’r op wooj sjtappe d’r achter kwaam det de hóndj de achterbandj kepot haaj gebete? Det Suzanne van Geest veur ’t Long Course Weekend hiel enthousias ’n Beeselse vlag haaj gekoch? Det ’t d’r thoeës achterkwaam det ’t d’r allang ein haaj ligke? Det Marcel en Maud same mit de kinjer en opa en oma op vakantie ginge in Italië? Det ze daoveur same ’n buske haje gehuurd, zoeëdet ze gezellig same kóste rieje? Det oppe truukwaeg in Oeësteriek ’n verdach lempke ging branje op ’t dashboard? Det de sjtuurbekrachtiging ’t opins nimmer deej, net veur de Fernpass? Det Marcel die bus toen mer gauw aan de kantj haet gezatte óm de ADAC te belle? Det ze ’n oer of twieë móste wachte op ‘ne waegewach? Det dae vervolges zag det d’r dao nieks aan kós doon? Det ze gelökkig óngertösse ’t verhuurbedrief ouch al haje gebeld? Det die aangaove det ze emes nao Oeësteriek sjtuurde mit ’n niej buske? Det ze dao 12 oer op höbbe mótte wachte? Det ze gelökkig in de buurt van ’n paar hotels ware gesjtrandj, zoeëdet ze waal get kóste aete, drinke en de kinjer sjpele? Det ze vervolges dus sjnachs truuk höbbe mótte rieje? Det det onnog allemaol gebeurde oppe verjäördig van dochter Bibi…? Det bie kestjieël Waterloo ‘ne bermbrandj haet gewoed? Det ’t d’r heit aan toe ging…? Det de Drakekapel in november weer de jaorlikse Cecilia haet gehad? Det ze zin aafgeweke van häör traditionele besjtumming Mesjtreech ómdet d’r gèn treine reje? Det ze daoróm mit de lieënbus nao Venlo zin gegange? Det ’t mer good waas det Venlo ouch de eindbesjtumming waas van die bus? Det oethelper Robin namelik de beukskes in de bus haaj laote ligke? Det die nag netjes drin loge wie d’r truuk ging nao de sjtasie? Det ze ’t motto ‘zónger drank, gènne klank’ weer duchtig waorgemaak höbbe? Det de miense bie café de Baek noe weite det mit te väöl drank, d’r ouch gènne klank mier kump? Det ze toen onnog truuk móste mit de bus? Det de buschauffeur ’t haet mótte óntgelje? Det dae d’r neet mit kós lache det d’r eine ’n filmke mit muziek aafsjpeelde oppe tillefoon? Det d’r det baeter neet haaj kènne laote blieke? Det toen idderein detzelfde muziekske ging aafsjpele oppe tillefoon? Det dae chauffeur blie kèn zin det die gèn noeët mier oet die träöt krege…? Det Twan en Ellen zin getrouwd in ’n tent, die bie Haenen achteróm sjting? Det Siem Hillekens en kornuite ’t waal lollig leek óm de kiepe oet de ren te haole en dao nao binne te loeëdse…? Det ’t in de zomer zón veertig grade waas in Beesel? Det Ome Har ’n handjgesjreve plakkaat oppe deur van de shoarmatent haaj gehange? Det dao de briljante teks op sjting: ‘vandaag zijn wij gesloten in verband met heet’…?
specialiteiten in baksteen
BRICK BURGERS
METSELSTENEN & STEENSTRIPPEN 077-4742920 Showroom + opslag St. Jozefweg 66-b, Reuver Open: Ma. t/m Vrij. 8.30-17.00 uur.
www.brickburgers.com
一椀樀瘀攀爀栀攀椀搀猀眀攀最 ㈀ 㔀㤀㔀㌀ 䨀娀 刀攀甀瘀攀爀 㜀㜀 ㈀ 㔀 㜀 眀眀眀⸀愀戀攀渀ⴀ愀甀琀漀洀漀琀椀瘀攀⸀渀氀
Dè winkel voor woonideeën, accessoires fashiontrends en cadeauartikelen. Tevens kunt u bij ons terecht voor de complete inrichting en advies op maat.
Grotestraat 84, 5931 CX Tegelen
MEER INFORMATIE? NEEM EEN KIJKJE OP WWW.KEYGAAF-GEWOONBASIC.NL
Sjpoedgeval
Sjoeën kedo
Ouch Beeselnaere in den vraemde kriege ‘t aaf en toe veur elkaar om dees gezet te haole. Natuurlik mósse den waal aan ’n aantal sjtrenge veurwaarde voldoon, mer soms lök det toch emes. Zoeëas Thijs Driessen. Thijs zit doordewaeks in Eindhoven en duit dao bès waal belangrieke dinger op de High Tech Campus. Mer ’t is neet altied aeve high tech waat d’r duit, hae is natuurlik ouch mer gewuuën ’n miens. En miense höbbe soms hoeëge noeëd, dus Thijs ouch.
In juni van 2018 zin Gerard en Sanne veur de twieëde kieër vader en moder gewaore, dit kieër van zoon Pim. En ómdet aadprins Gerard lid is van de gerenommeerede APK (Aad Prinse Kompagnie) krege ze ouch names häör ’n klein presentje aangebaoje.
En wat duise den? Juus, den geise nao de wc, numse dich efkes get tieëd veur dichzelf, en vervolges geise weer door mit belangrieke dinger doon. Det ieërste gedaelte lukte Thijs den ouch prima, mer det doorgaon mit belangrieke dinger doon waerde ’n bietje lastig. Noe kènne veur dao waal euver oetwieje, mer de volgende foto’s sjpraeke eigelik veur zich (mit ’n houfrol veur papa Paul!)…
De kertrekker binne de APK van de kemmissie ‘PVL’ (Presentjes Veur Leje) is Huub Levels en hae mós hieveur dus ouch zorgdrage. Zoeë gezag, zoeë gedaon. Hae op zaoterdigmorge nao de sjtad, naodet d’r ieërs ’n half oer in de file haet gesjtange veur ’t Outlet en mit meuite de auto kwiet kreeg oppe Roerkade. Hup, de auto oet en in ’n sjprintje nao de Intertoys, kedobon haole, efkes netjes laote inpakke - den hoof det thoeës neet mieër en rap truuk nao Beesel! Hienao waas ’t effe sjtil ómtrent ’t presentje. Veur krege róndj de vastelaovend veurig jaor (2019!) de volgende update wao veur huuërde det ’t presentje nag altied neet bie Gerard en Sanne terech is gekómme doordet d’r sjtieëds ‘get tösse is gekómme’. Waat veur örges waal
kènne begriepe euveriges, want die PVL is ’n zeer drökke kemmissie… Mer… dao kwaam Huub toch mit loeëd in de sjoon nao Gerard en Sanne toegesjtap tiedes de receptie van de jeugprins. “Eh ja.. ehhh… ich höb nog get veur uch ligke. Ich kóm ‘t uch morge bringe, mer ich twiefel ofse d’r nag get mit kèns“, zaet Huub. “Wiezoeë?“ vreug Gerard. “Nou…“, zag Huub, “de Intertoys is inmiddels failliet!” As of dit nag neet erg genóg is, kreeg dit ganse verhaol nag ’n sjoeën sjtertje begin van dit jaor. Want op ’t Bacchusoetrope kreeg Gerard nag ’n verlaat kedo in de henj geduujd. Allein waas dit missjien nag net get erger as die kedobon van de inmiddels failliete Intertoys. Hae kreeg namelik van Bieslo ’n rompertje… veur dochter Lily… det van de zomer mer leefs 3 is gewaore! ’t Waas zónger mieër sjoeën bedach, mit de naam van Lily veurop en ’t logo van Bieslo achterop. Mer veur zin bang det Lily det rompertje noe hoeëgoet nog as naveltruitje kèn probere!
Efkes aope bliepe ’n Tiedje geleje haaj Wilma van Harie van de Hei ’n aafspraok bie ’t ziekehoeës. ’t Parkeert de auto, geit nao zien aafsjpraok óm vervolges weer op hoeës aan te gaon. Oppe parkeerplaats löp ’t nao de auto en duujt op ’t knuupke óm dae aope te bliepe. Huh? Waoróm geit dae neet aope? ’t Duujt nag mer ‘ne kieër, trèk aan de deur, mer weer ‘tzelfde liedje: de deur blief hersjtikke toe. Potverdorie, dink Wilma, en noe? De ANWB belle den mer? ’t Kiek al op ziene tillefoon óm ’t nummer op te zeuke, óngertösse zich aafvraogend of zo’n geval eigelik
Inbraekers De dónkere daag róndj de Körsmès sjtaon d’r óm bekènd det ze veur sommige beroepsgroepe nogal oetnuuëjend zien óm get mier te gaon wèrke as in angere jaorgetieje. Ouch in Beesel is ’t helaas weer ’n paar kier raak gewaes, ’t boevegilde wis ós dörpke te vinje en haet op versjillende plaatse ingebraoke. ’t Is den ouch aan te raoje veurzorgsmaatregel te treffe wannier geur de deur oetgaot (raam toe – leech aan – deur op sjlaot!) en verdachte zake direc te melje aan de pliesie of op de buurt-app. Toch hove ’t neet per se inbraekers te zien as geur emes zeet dae probeert euver ’n sjötting te klumme. ’t Kèn ouch zoeëmer Rianne Simons zien det ziene eige haof in
Ouch ónger de raodsleje is ’t Italiaans-Grieks restaurant populair in de nachtelikke oere. Zo ginge Rick en Ron nao ein van de activiteite dao get vas voedsel toevoege aan de veurnamelik vloeibare inhaad van häöre maag. Ózze nieje vors, toen nag gewuuën Mark, zoot dao al en haaj dudelik al zat gehad. En veur bedoele neet aete… De mansluuj gaon zich bie Mark aan ’t täöfelke zitte. Es de shoarmasjóttel oppe taofel sjteit, pak Ron de fles knoflouksaus óm ziene culinaire maoltied mit te versiere. Mer Mark vinjt ’t waal lollig óm dao net op det moment in te kniepe. Flink in te kniepe waal te versjtaon!
Mer waat is det noe? Es ’t op ’t knuupke duujt, huuërt Wilma waal ‘ne ‘klik’… allein neet van ziene eige auto, mer efkes wieër. En den zuut ‘t ’t pas: ziene eige auto sjteit ‘n paar plaatse verderop geparkeerd!
Verdach pakketje probeert te kómme ómdet ’t zichzelf boeëte haet gesjlaote. In de körsvekansie wooj ’t effe sjnel boeëdsjappe gaon doon, mer trok de deur achter zich toe terwiel de sjleutel nog binne loog. En aangezeen de paort achteróm ouch op sjlaot waas, zoog ’t gèn angere meugelikheid den bie de bure ’n leijer te haole en euver de moer te klautere. Die haje d’r echter gèn, mer toet Rianne zien gelök kwaam net de sjoeënmaakploog óm de rame van de veurmalige Aaij Mert te wasse, aanrieje. En zoeë kèn ’t dus det de buurt-app efkes later volsjtruimde mit berichte euver ‘ne inbraeker dae mit ’n enorme leijer probeerde om bie Rianne en Frank de haof in te kómme. Loos alarm gelökkig!
Opsause Asse op sjtap geis, den is ‘t ’n good gebroek óm nao aafloup bie de ein of anger shoarmatent aan te lanje veur ’n nachtelikke versjnapering. En wie fijn is ’t den ouch det veur det noe al ’n paar jaor nao ós vastelaovesactiviteite ouch kènne doon is ós eige dörp. Bie Casa Roma. Bie ózze eige Ome Har.
waal gedek is door de waegewachservice. Ouch euverwaeg ’t nag efkes óm Har te belle, mer ja, dae kèn vanaaf zien wèrk natuurlik ouch neet väöl beteikene. Veurdet ’t definitief zien hulplieën insjakelt, probeert ’t nag eine kieër of dae auto toch dit kieër missjien waal aope geit…
De saus vluug taege de moere van de tent en taege Eloy, dae net oppe verkierde tieëd op de verkierde plaats zoot. Zien ganse Bacchuspak zoot ónger de derrie. Zelfs zien bóks, die toch meistal ónger det gewaad is versjtop, waerde neet gesjpaard van de sausraege. Zelf haaj d’r echter nieks in de gate en kreeg neet èns mit det d’r ’n plekkerig goedje op ‘m waas gesjpaote. Mer de altied alerte en behulpzame Ome Har haaj ’t ganse tafereel gezeen van achter de balie en kwaam zoeë sjnel as d’r kós mit ’n deukske de moer aafvaege. En ómdet d’r zien klantje natuurlik zoeë neet de deur oet kós laote gaon, wreef d’r ouch ‘ns euver de bóks van Eloy óm die weer ’n bietje zuver te make. Pas op det moment waert Eloy wakker en reup: “Man, blief van mien bóks aaf!” En zoeë kós Ome Har mit al zien goej bedoelinge opsause…
Asse mit ’t vleegtuug op vakantie geis nao ’t boeëtelandj, den mósse op ’n aantal dinger lètte. Zoeë witse desse mer ’n bepaold aantal kilo bagaasj moogs mitnumme, det dien handjbagaasj aan bepaolde aafmaetinge moog voldoon, det vloeisjtoffe in ’n doorzichtig zekske mótte zitte en det mediciene veurzeen mótte zin van ’n doktersverklaoring. Want de controles zin sjtreng taegewaordig. Zoeë ouch de femilie Hebben. Aangezeen die idder jaor in ’t veurjaor de zon opzeuke, weite ze as gèn anger wie det op zo’n vleegveldj in zien wèrk geit. En dus waerde alles zorgvuldig ingepak. Op ’t vleegveldj lagte ze häör handjbagaasj oppe loupende bandj zoeëdet die gescand kós waere óm zelf vol vertroewe door ’t päörtje te loupe en die tasse aan de angere kantj weer van dae loupende bandj aaf te pakke. Mer waat waas det noe, de tas van Moniek kwaam neet door de controle. De douaniers keke bedinkelik en winkde Moniek det ’t mós mitkómme, wao de inhaad van die tas aan ’n nader óngerzeuk waerde óngerworpe. Wie de tas aope ging, kwaam d’r ’n verdach plastic zekske droet mit witte krietjes. Wao op de douaniers nag väöl bedinkelikker keke. De wäörd van Moniek “O, it’s candy!” maakde ’t d’r zeker neet baeter op… Mer nao de teste waerde inderdaad vasgesjtèld det ’t sjnoepjes ware… die Moniek mer efkes in ’n los zekske haaj gedaon, want ja, zónne ganse taot waas get väöl. Mer óm det noe te doon mit witte, krietvormige sjnoepjes, det waas achteraaf neet zoeë hiel sjlum…
De voele was • Det ouch bie de leje van CV de Drake en de Drakekapel • • • • • • • • • • •
De vastelaovend in Beesel waert meugelik gemaak dankzij de inzèt van talloze vriewilligers die vastelaovesactiviteite organisere veur jónk en aad. Gaer sjtèlle veur de Raod van Ellef en de Drakekapel van CV de Drake aan uch veur:
Raod van Ellef
De Drakekapel
• • • • •
Prins 2019
Ruud I (van Deuzen)
Kapelleider
Sjoerd Lamers
Adjudant 2019
Niek van Deuzen
Veurzitter
Marcel Vervoort
Besjtuur
Vors: Mark Selen
Penningmeister
Marcel Aspers
Veurzitter: Marcel Aspers
Saksefoon
Joris Aben en Karin Aspers
Cirremoniemeister: Patrick Aspers
Träöt
Mark Feuler, Liza Janssen en Marcel Vervoort
Maarten Driessen, Max Litjens, Leonie Simons, Luuk Wilms
Bariton
Sjoerd Lamers en Jan Nijssen
Bas
Theo Nijssen
•
Jop van de Boel, Jos Cox, Maurice Crins, Ron Crins, Michel Evers, Rick Feuler, Jack Ickenroth, Lars van Melis, Gerard Peters, Tom Reijnders, Rob Selen, Dennie Sillen, John Simons, Richard Staaks, Rick Verstappen, Thijs Verstappen en Ralph Wilms
Sjuuftrombaon
Paul van Herten, Henk Nijssen en Thijs Verstappen
• •
Sjlaagwerk
Marcel Aspers, Niek van Deuzen en Luuk Geerlings
Roadsleje
Niej leje Liza Janssen versjterk vanaaf dit jaor de Drakekapel oppe trómpet. Niej bie de Raod van Ellef is Lars van
•
•
• •
• • •
Aafsjied ’t Aafgeloupe sezoeén höbbe veur bie de Raod aafsjied genaome van Twan Pouls en Hans van Kruchten. Tiedes de vorswissel op 11 oktoeëber is ouch aafsjied genaome van Harald Boots. Bie de Drakekapel is Frank Suntjens gesjtop mit träöte. Hertelik dank veur uch biedrage aan de Beeselse vastelaovend!
• • • •
Melis, aadprins van VV de Kwekkerte van de Boukoul. Noe d’r al jaorelang in Beesel woeënt, waerde ’t hoeëg tieëd óm zich aan te sjloete bie de Beeselse Drake. Welkóm bie de club!
Jubileum Dit jaor zin d’r twieë miense gehuldig mit ’n vètlaere medalie: Ralph Wilms en Ron Crins zin allebei 11 jaor bie de Raod van Ellef. Van herte proficiat; op nao de volgende 11!
• • • •
• •
Angers as angers? Esse dees gezet leus, zin d’r inderdaad waal get dingskes angers as angers in ós dörp. En det is ouch gaar neet erg. Asse de foto’s op Facebook zuus van de nog altied mysterieuze aafzender ‘Beesel aan de Maas’, zuusse det ’t vreuger angers waas. Mer zeker neet per se baeter of sjlechter. Esse veuroet probeers te blikke nao de toekoms, kènne v’r d’r waal van oetgaon det dinger angers waere. Mer zeker neet per se baeter of sjlechter. Dus laote veur mer in ’t noe blieve en ós
waal ‘ns get misgeit? Det veur daovan de voele was boeëtehange? Det veur allerieërs de leje felicitere die dit jaor lètterlik voele was d’r bie höbbe gekrege? Det dit zin ózze prins Ruud & Evelien mit dochter Nore en Rick & Nadieh mit dochter Liv? Det Jop veurig jaor veur ’t ieërs bie de Raod van Ellef waas? Det d’r den iddere activiteit mót besjikke euver ’n zuver en gesjtreke wit euverhaemp? Det zien mam mit de vastelaovend op vakantie waas? Det d’r dao toch ech professionele hulp veur nuuëdig haaj? Det Ellen van Twan ‘m de euverhaemde haet gesjtreke ómdet d’r det zelf neet kós? Det Ron de veuring van zien pak haaj toegeplek mit ducttape ómdet dao gater in zote? Det d’r det nao ’t sezoeën nao de sjtoumerie haaj gebrach? Det d’r bie de ieërste activiteit ’t pak oet de kas pakde óm aan te doon, mer d’r toen pas achterkwaam det dae tape nag drin zoot? Det dae ’n klein bietje aangekook waas? Det d’r bie ’t lostrèkke de halve veuring mittrók? Det prins Ruud en adjudant Niek d’r op vastelaovesmaondig neet aan haje gedach óm ‘ne jas mit te numme? Det ze saoves nag van de Troubadour nao de Blokhut móste óm de kinjer van ’t jeugdanse op te haole? Det ze toen mer sjnel bie de Trouby allebei ‘ne jas höbbe ‘gelieënd’ dae dao aan de kapsjtok hóng? Det ze dae d’rnao weer netjes truuk höbbe gehange? Det nemes det haet gemerk? Det detzelfde duo bie de vorswissel te laat kwaam? Det det waas ómdet de prins zien nondejuuke en pochetje kwiet waar? Det d’r oeteindelik mer ‘n nondejuuke höbbe geleend van Jack, en in plaats van ‘n pochetje ‘ne gaele en blauwe blón in ’t teske haet gesjtaoke? Det vors Harald oppe vorswissel es verrassing is óngersjeije door de vastelaovesbóndj BCL? Det dit ’n groeët geheim waas, zoeë groeët det ’t in mei al in ’t clubblaad van de BCL sjting? Det ’t mer good is det nemes det blaad leus? Det ouch veur dieke tróm houwe enige vorm van concentratie en betrókkenheid is vereis? Det Luuk det zelf haet beweze? Det hae namelik bie de sjoeëlvastelaovend aan ’t trómme waas mit ein handj en ’t appe mit de anger handj? Det det ram oet de maot ging? Det daezelfde Luuk bie ‘t aafbraeke van de körsboum hars op ziene óngererm kreeg? Det d’r dae draaf haet probere te kriege mit ieërs lauw en daonao heit water? Det de hars bleef zitte, mer ziene erm knalroeëd waerde? Det d’r toen onnog mit ‘n sjoersjpönske dao duchtig euver haet gesjoerd? Det de hars waal draaf ging, mer zien vel ouch? Det veur idderein van herte wille bedanke dae op welke maneer den ouch ’n biedrage haet geleverd aan dees vastelaovesgezet? Det veur haope det idderein weer ‘ne sjieke vastelaovend tegemoet geit? Det veur ós gaer treffe in ’t dörp bie ein (of mieër) van de väöle vastelaovesactiviteite?
Vastelaovend same!
verdrinke in ’t vastelaovesgedruis. Mit ’n programma det gans toet sjtand is gebrach dankzij alle vriewilligers die zich inzètte veur de Beeselse vastelaovend. En neet te vergaete dankzij uch biedrage, door mit te doon aan de diverse verkoupacties of de flesse-actie en door ós activiteite te bezeuke. ’t Aanbod is groeët en gelökkig is d’r in Beesel ‘ne groeëte groep ‘vaste’ vastelaovesvierders die de vastelaovesactiviteite mit väöl plezeer bezeuke. En degene die angers noeëts gaon, nuuëdige veur gaer
oet óm ‘ns ‘ne kieër mit ós mit te doon. Gewuuën, ‘ns effe get angers… Veur höbbe väöl zin in de kómmende vastelaovend. Det is neet angers as angers. En dae kater dae d’r nao kump? Och, det numme veur den mer oppe Coop toe… Vastelaovend same!
Houfredactie de Draakstjaeker