Page 1

Jaorgank 2013

Pries: 4,-

Beesel, 18 jannewari 2013

Veurwaord De vastelaovend sjteit weer veur de deur! De nieje kersverse Draaksjtaeker ligk weer ónger uch naas. Geur hoof d’r nag neet èns de deur veur oet. Geur hoof uch d’r ouch neet veur te sjminke. Geur hoof uch zelfs neet èns te gaon verkleije. Geur hoof uch allein mer te amusere mit de sjoeëne, leuke, grappige, mer soms ouch serieuze óngerwerpe in dees gezet. Mit as titel Bie wieze van sjpraeke zalle d’r veur idderein vas waal intressante dingskes insjtaon. Dees krant IS vastelaovend en daezelfde Beeselse vastelaovend is veur èlk waat wils. Zoeë kèn se (bie wieze van sjpraeke den..) gerös zègke… Kós ’t mer alle daag vastelaovend zin! Kóste veur mer altied erm in erm loupe of achterein in de polonaise. Same lache, same viere.

In deze Det zooj pas gezellig zin. Mer ’t is neet alle daag vastelaovend. Mesjien soms ouch mer good ouch… Veur kènne waal de goeie punte die veur den oetdrage mitnumme nao de res van de dage in ’t jaor. Same viere… d’r same zien… d’r veur elkaar zien. Loester nao de persoeën naeve dich, mit ‘ne lach, mesjien mit ‘n traon. Sjlaon ‘ne erm óm daegene haer dae ‘t nuëdig haet. Feliciteer ‘m mit get leuks. Maak same fieës en höb same lol. Vastelaovend is net wie det d’r miense zin… bóntj gekleurd! Vastelaovend kèn neet allein bie wieze van sjpraeke, neet bóntj genóg zin! Geniet miense, mit die dolle daag, en wie??? Det vult geur zelf mer in. Van Revue toet aan ’t assekruutske haole. Amuseer uch en höb lol. Geur weit immers waat ze zègke: det kèn allein mer in Beesel!

Draaksjtaeker:

Draaksjtaeke noe al verlierd?

Maak mer gewuuën euver, oma!

Keuninklikke pech

Kump se in de sjtad, waat zuus ze?

Voetbaltoernooi of ziekeboeg?

Roukersexplosie

RTV Beesel 2.0

Vraemde geluide

Colofon Redactieleje

Des toch haopelik neet allein mer bie wieze van spraeke! Of waal?

Karin Aspers, Patrick Aspers, Nandy Geerlings, Fred Geraets en Ralph Wilms

k=v

Vastelaovend same! Frank Hendrix Vors van de Drake

Advertentieredactie Wiel Crins, Maarten Driessen

en Mark Weijers Houfredactie

Karin Aspers

Eindredactie

Piet Heldens

Drökkerie

Drukkerij van Stiphout B.V. oet Helmond

Redactieadres

Wittebergsjtraot 34, Beesel draaksjtaeker@cvdedrake.nl


ukte rprod u u t a era n AloĂŠ V belle auper k d o s!! ur go en ve zelfs grati www.rickswuts.nl

Tel. 077-474 80 41 www.sigcomputeronderwijs.nl info@sigcomputeronderwijs.nl

To m B e r g s


Bie wieze van sjpraeke…

Sjtùm kwieët

‘t Liek waal gister, bie wieze van sjpraeke… det ‘t vastelaovend woor in Beesel. De pekskes, de sjmink, de optoch door de Beeselse stjraote... ich zeen ‘t zoe nog veur mich. En noe is ‘t auwt jaor alweer bienao óm en steit ‘t nuuje alweer veur de deur. De tieëd vluugt. Det zult g’r allemaol waal mit mich ins zeen. En es ze ‘t mich vreugs, liekt ‘t alsof idder jaor weer vlotter veurbie geit.

Burgemeister Dassen moog den waal oppe Ruiver woeëne en wèrke, ouch zie wèt det de ech belangrieke besjlissinge natuurlik in Beesel waere genaome. En dus sjting zie in september netjes mit häöre pas in ’t sjtùmlokaal in Herberg de Bongerd, óm dao mit ’t bekènde roeëje potloeëd häör sjtùm veur de twieëde-kamerverkeezinge oet te bringe.

Vasteloavesvereniging de Drake is sinds 1952 ‘n begrip in ‘t Beeselse landj. Väöl prinse passeerde de revue. Es ich de Prinsegalerie oppe website van de Drake bekiek, gaon ich efkes truuk in de tied.

Wie det waas gebeurd, vroog ze of ’t meugelik waas óm ouch veur häöre miens te sjtùmme, aangezeen dae op zakereis waas in ’t boetelandj en dus neet zelf kós kómme. “Mer natuurlik geit det mevrouw Dassen, höb geur waal ’n machtiging van uche miens?” Wie de burgemeister de machtiging leet zeen, kwaam de volgende vraog: “En ’n geldig identiteitsbewieës van uche miens, höb geur det ouch bie uch? ’n Kopietje is ouch good.”

Behalve de aad prinse (die geer vast baeter kint es ich), zeen ich Prins Roy I. De eerste prins dae ich als burgemeister van dees sjoeën gemeinte höb lere kinne. Ouch zeen ich ‘n prachtige foto van Prins Maurice II, dae aafgeloupe jaor de baas van ‘t Drakeriek woor. Ich zeen ‘t nog zo veur mich det de prins mit zien gevolg noa de sleuteleuverdrach kwoom op carnavalszunjig in Beesel… Zoals ich al zei, ‘t liekt waal gister! Op ‘t moment det ich dit veurwaord sjrief, zeen de veurbereidinge veur Carnaval 2013 alweer in volle gang. De bestuursleje van CV de Drake aodeme sinds de elfde van de elfde ellein nog mer Vastelaovenslóch. ‘t Roeëdgael-greune blood sjtruimt bie wieze van sjpreake door häör aders. Dees enthousiaste luuj staon garant veur ‘n sjoeën Limburgs Feest, det is ‘n dink wat zeker is. Beeselse Drake, maak d’r ‘nne sjoeëne vastelaovend van! Alaaf!

Petra Dassen-Housen Burgemeester gemeente Beesel

Lichte paniek maakte zich van häör meister. Oh-oh, glad vergaete! Nao get op en neer belle bleek det meneer Dassen zien ID-kaart mit op reis haaj genaome en d’r gèn kopietje gemaak kós waere. De toezichhaajers ware ónverbiddelik, en de burgemeister kós truuk nao de Ruiver, zónger veur häöre miens gesjtumd te höbbe. Achteraaf maakte die eine verlaore sjtùm veur ‘t CDA trouwens ouch neet zoe väöl mier oet…

RTV Beesel 2.0 Bie de diverse evenemente in ós gemeinte zin ze geregeld van de partie: Audi en Suus van RTV Beesel/ YouSeeRadio. Allein... wanneer se vervolges dinks: kóm, ich zal ‘ns kieke of ich in beeld bön gewaes, den is det nog knap lestig! ‘t Is nog gaar neet zoeë gemekkelik óm drachter te kómme wannier waat oppe tillevisie kump. Esse al wèts te óntdekke op welke daag de beeldkrant waert óngerbraoke veur ein oetzending (det is al hieël knap, trouwes!), den is ‘t nog de kuns óm drachter te kómme op welk tiedsjtip waat kump. Idder oer zooj se mesjien dinke, mer ouch dae vleger geit neet op. En zelfs den is ‘t nog neet gezag det de items die ze ‘t ieërste oer zuus, ’t twieëde oer ouch weer te zeen zin. Plus det de volgorde van de items onnog wissele, zo bliek. Mesjien is det waal bewus zoe gedaon, mer ingewikkeld is ‘t zeker. Wellich det ‘t daoróm is det de gemeinte haet besjlaote óm ‘ne berg geldj vrie te make óm RTV Beesel ‘ne kwaliteitssjlaag te laote make, zoe sjting in ‘t Beesels Blaedje. De ieërste sjtappe hievan zin veur trouwes waal al taegegekómme. Oppe broelof van Paul en Daisy van Herten op Heidenheim, aafgeloupe zomer. Toen bleek ‘n gans niej camerateam te zin ingesjakeld, mit zeer professionele apparatuur. Ze haaje zelfs ‘ne apaarte geluidsman mit microfoon. Allein... veur kènne uch helaas ouch neet vertèlle wannier det dit filmke is of waert oetgezónje!

Roukersexplosie Oet de gezet: in de gemeintes Venlo en Beesel zin in verhaajing väöl roukers. Mer leefs 30% van de inwoeëners tösse de 19 en 64 jaor bliek regelmaotig ’n sigaretje of ’n sigaerke op te sjtaeke. Óm uch vergeliekingsmateriaal te gaeve: pal aan de euverkantj van ‘t water, in de gemeinte Peel &Maas, is det percentaasj mer 19%. Zón berich is oeteraard raeje genóg óm ’n deepgaond óngerzeuk in te sjtèlle wie det noe kèn. De zeuktóch begós mit ’n róndjgang bie alle kefees. En inderdaad, dao zote beheurlik get notoire roukers. Mer mier es ‘ne kater leverde det veldjóngerzeuk neet op. Toetdet op Facebook ’t mysterie waerde opgehelderd. Waat bleek? De Bacchusklup haet eige aansjtaekers. En ja, waat höb se aan ‘ne aansjtaeker esse neet rouks?

De Opsjtaeker 2013

Mit väöl trots presentere veur uch de Opsjtaeker 2013, ontworpe door Helga van Leipsig! Dit ‘collectorsitem’ is allein kómmend sezoeën veur 4 euro verkriegbaar bie de lede van de Raod van Ellef. Uiteraard gaef geur hiejmit de Beeselse vastelaovend ouch weer ‘ne financiële opsjtaeker!

In ’t ziekehoeës ’t Is ’n good gebroeëk van de vastelaovesvereiniging óm miense die mit de vastelaovend helaas in ’t ziekehoeës mótte verblieve, ’n klein bietje ’n hert ónger de reem te sjtaeke mit ‘n fruitsjaol. Kènt geur emes dae dit is euverkómme? Laot ’t den weite via info@cvdedrake.nl.

Kuuj Donateursactie Sjtempele Herberg de Bongerd Liedjesaovendj Alweer Eiermert Aaj mert Pieterpad Baovengróndjse rómmel Bhutanese lieënetrèkker Sjportwrak de Solberg

Kemieële Niej uniforme sjötterie Zelfbedeningsbieb Brasserie de Bongerd Zinge oppe BBBBB Nog sjtieëds Harie’s Sinterklaosplein Huurvaarderspad Óngergróndjse containers Bhutanese lieënetrèkker Hypermoderne Sjportakkemedasie de Solberg?


nog gèn jeske of ein pekske? den gauw nao ’t Kallebeske!

’t Kallebeske Rijksweg 89, 5953 AC Reuver, 06-50454509 www.kallebeske.nl openingstijden: dins. t/m vrij 10.00 - 18.00 uur zat. en zon. 10.00 - 17.00 uur maandag gesloten

Veur winse alle Drake eine sjoeëne vastelaovend E

S IN

UCH DRIE

SJO

RW

ÊN

U VE

Piet en Gerrie Boonen Til. 077-4748881

DA

AG

Veur winse idderein eine gezellige vastelaovend!!

W il H e n d r ix

Veur winse uch eine sjoêne VASTELAOVEND !!


Bóntje Revue: Gelök Wannier:

Lokasie:

Vriedig 25 jannewari óm 20.00 oer Zaoterdig 26 jannewari óm 20.00 oer Zónjig 27 jannewari óm 13.30 oer (matinéeveursjtèlling) Herberg de Bongerd

Gelökkig is d’r weer ‘n Bóntje Revue, ondanks de crisis. Waat ein gelök, geur kènt weer beer besjtèlle tiedes dees aovendje. En mit ‘n bietje gelök waere d’r volgend jaor mier kinjer in Beesel gebaore, teminste es de vriegezelle van Beesel good häör bès doon Gelökkig zien d’r ‘n aantal niej gezichte bie, die uch gaer aan ’t lache wille bringe.Eine compleet nieje zanger, veur de Bóntje Revue, dae euver ’t gelök van Beesel zingt, en det mit zien dochter… Eine bekènde Beeselse haet waal hiel väöl gelök: hae wint namelijk de Poscodekanjer, en dae wèt ’t waal te investere. En zeker höbbe veur gelök es d’r

De Club van 50 Sinds dit jaor besjteit d’r binne de Beeselse vastelaovend ‘n nieje club. Namelik ‘De club van 50’. Óm de Beeselse miense hiemit bekènd te make, höbbe veur ‘n aantal vraoge gesjteld aan de oprichter van dees club: aadvors Huub Geerlings.

gènne liedjesaovendj is, mer det d’r toch eine Beeselse sjlaeger is. Waem zal ’t meis gelökkig zien: ‘ne Beeselse of ‘ne Ruiverse?!? Èns in de zoeëväöl jaor haet idderein waal èns ech gelök, zeker es geur nao de Bóntje Revue kómp kieke dit jaor, want de vief meis sjtoere leje van de Raod van 11 laote uch zeen wie gelökkig zie zin, es ze veur ’t groeëte publiek moge danse. Wis geur det hiel väöl miense van biljarte gelökkig waere…? En jao, ouch in Beesel. Gelökkig, geit ‘t weer gebeure, mit väöl meziek, lache, sjoeën gesjminkte köp en nog väöl mier! PS: Nag gèn kaertje gekoch? En is d’r al oet verkoch? Den höb geur…. presies… PECH!

Aajerwètse Seniorezitting Wannier:

Vriedig 1 fibberwari óm 19.30 oer

Lokasie:

Herberg de Bongerd

’t Is inmiddels al ’n begrip ónger de get aajere miense ónger ós: de Aajerwètse Seniorezitting. ’n Vastelaoveszitting veur alle Drake en Drakinne van minimaal 55 jaor baordevól meziek en sjetse. Dus train uch lachsjpiere alvas, want geur zalt ze zeker gaon gebroeke. De entree is mer 5,00 euro en kaertjes zin al te kriege bie Chrit Crins, Nellie Timmermans en bie de Bóngerd. Veur zeen ós gaer oppe derde editie van de Aajerwètse Seniorezitting!

Huub, geur zit de oprichter van ‘De Club van 50’. Wie is det idee ontsjtaon?

Naodet ich besjlaote haaj óm mien vorsperiode te beëindige, wooj ich de vereiniging get gaeve veur de toekoms. Wat wilt geur mit dees club allemaol bereike?

Veur wille d’rveur zorge det ‘De Club van 50’, binne aafzeenbare tied oetgruijt toet 50 leje. Op dit moment telt ‘De Club van 50’ nag 25 leje. Veur wille ouch bereike det de vastelaovesvereiniging èlk jaor kèn raekene op ‘n financiële óngersjteuning. Zoeëas de naam ‘De Club van 50’ al zaet, donere veur èlk jaor 50 euro per persoeën aan de carnavalsvereiniging. Waem moog d’r allemaol lid waere van dees Club?

Idderein dae ‘n werm hert haet veur de Beeselse vastelaovend. Dus as d’r zich miense nag gerope veule, kènne ze altied kontak mit mich opnumme. En ze weite mich waal te vinje in ’t dörp. Wie bepaolt geur uch doel wao de biedrage nao toe geit?

D’r waert idder jaor same mit de carnavalsvereiniging gekeke wao ‘t bedraag nao toe geit. De carnavalsvereiniging zal ideeje aandrage, wao oet det veur as Club kènne keze. Höb geur al ‘n idee wao uch ieërste biedrage nao toe geit?

Jao, namelik nao de nieje mantel en nieje sjteke veur de prins en adjudant. Huub, hiel erg bedank. Ich dink det de Beeselse miense noe ‘n baeter beeld höbbe gekrege van dees Club mit ein groeët vastelaoveshert.

Kinjeroptoch basissjoeël ‘t Spick Wannier:

Vriedig 8 fibberwari óm 13.30 oer

Lokasie:

Centrum Beesel

Op de vriedigmiddig veur de vastelaovend kump weer ‘ne bóntje sjtoet door ’t dörp! Dae besjteit oet alle kinjer van basissjoeël ’t Spick die same mit häör lierare en lieraresse ’n supersjieke creatie höbbe gemaak. En waat is d’r sjoeëner as det ’t langs de ganse route rieje diek sjteit mit miense die nao häör kómme kieke? Kóm ouch en laot uch verrasse door deze kleurrieke kinjeroptoch!

En de nieje prins is…? Wannier:

Zaoterdig 26 jannewari óm 23.11 oer

Lokasie:

Patio Herberg de Bongerd

Messjien höb geur al ’n wèddesjap loupe euver waem dit jaor ós zal veurgaon in de Beeselse vastelaovend es opvolgers van prins Maurice II en adjudant Sjoerd. Op zaoterdig 26 jannewari waert ’t mysterie óntrafeld! Nao de Bóntje Revue gaon alle miense oet de zaal, aangevöld mit alle Beeselse miense die gaer wille zeen wie de nieje prins oetkump, nao de patio. Dao zal d’r veur ’ne kolkende meinigte waere oetgerope: ózze nieje Drakeprins. Zorg det geur hiejbie zit; de toegang toet de patio is gratis. De vriedigaovendj 25 jannewari nao aafloup van de Bóntje Revue sjtaon prins Maurice II en adjudant Sjoerd nog eine kier midde in de belangsjtèlling. Daonao gaon ze weer geweun es Maurice Crins en Sjoerd Claessen door ’t laeve. Op zónjigmiddig 27 jannewari zit geur welkom óm de nieje prins al te kómme felicitere nao de lètste veursjtèlling van de Revue. Ouch weer in de patio van de Bongerd.

Olympisch dweiele door ’t Drakeriek Wannier:

Zaoterdig 2 fibberwari óm 20.30 oer

Lokasie:

De Bongerd, De Troubadour, De Maashof en ‘t Poshoes

’t Dweiele in 2013 waert angers! Of eigelik… gaon veur weer truuk nao ’t richtige aajerwèts dweiele van veurhaer. Dus gèn kapelletreffe mier in de Bongerd, mer ’n echte róndjgang langs alle deilnummende kefees wao ein van de vief joekskapelle uch al opwach: Kiek Mer (Zjwame), de Gresbuus (Ruiver), Gans óm (Häör) en ós eige Mazes Mina en De Drakekapel. Ouch niej is ’t Heppie Hour! In idder kefee is op ’n versjillend tiedsjip ’n Heppie Hour! Meer informasie hiejeuver krieg geur oppe aovendj zelf. Óm ’t uch gans gemekkelik te make kent geur betale mit munte die in alle deilnummende kefees geldig zin. Dit alles gaon veur same mitmake mit ’n sjportief tintje: ’t thema van de edisie van 2013 is namelik: Olympisch dweiele. Haol uch sjporttenue oet de kas, en gaef d’r uche eige ludieke en veural carnavaleske dreij aan! Toet sjlot nag get niejs: d’r is dae aovendj ’n bewaakte garderobe in de Aaj Mert. Dus gen gezeuk mier nao diene jas, of zelfs mit de jas van ‘ne angere nao hoes, mer gewuuën mit ’t bunke in de handj diene eige jas weer ophaole es geur oetgedweield zit. Mót geur waal ’t bunke good beware…!


Hout Im port

Reuver b.v. hout- en kunststofplaatmaterialen Heytstraat 10, 5953 KL Reuver Postbus 4610, 5953 ZG Reuver Telefoon 077-4742243 Fax 077-4745225 e-mail: info@houtimportreuver.nl www.houtimportreuver.nl

CoopCompact Beesel Drakeboch 3 - 5954 CX Beesel - Tel. 077-4762098


In memoriam Dré Bergs

Prinsereceptie op vastelaoveszónjig

In november höbbe veur aafsjieëd mótte numme van ós ieërelid Dré Bergs. Dré waas ein van de groeëte veurgengers van de Beeselse vastelaovend. In 1963 waerde hae lid van de Raod van Ellef. Dré waas gènne man veur aan de besjtuurstaofel, dao haaj d’r gèn gedöld veur. Dré mós bezig zien. As hae ‘t raodspak neet aan haaj, leep hae meistal in ziene sjtaofjas mit in de tes altied ‘n pen en ‘ne sjpanningzeuker. Of hae sjtóng in de Drakebóch op de bühne in de Bóntje Aovend as dieke Pruus.

De Beeselse vastelaovend geäöpend

Sjoeëne kal, ein good glaas beer en geveul veur de kleine mer waal hieël belangrieke zake, det waas Dré.

De vastelaovend 2013 kèn pas van sjtart gaon es veur ‘m officieel höbbe geäöpend op zaoterdig 9 fibberwari. Tradisiegetrouw beginne veur mit de vastelaovesmès óm 19.00 oer in de St. Gertrudiskèrk, die muzikaal waert opgeloesterd door de zanggroep en de Drakekapel.

Dré waas ouch eine troewe supporter van Bieslo en as dörpsgids kós hae de miense laote deile in zien leefde veur Beesel.

Wannier:

Zaoterdig 9 fibberwari

Lokasie:

Kèrk en Aaj Mert

Aansjloetend aan de mès gaon veur mit z’n alle nao de Aaj Mert veur de officiële äöpening van de vastelaovend 2013. Det doon veur zoewie zich det huuërt mit de knónsjeut van de APK, ’t aansjlaon van ’t ieërste vaat door de Bacchus, de proclamasie van de nieje prins en ’t sjpieje van de draak. Daonao kèn ’t richtig los gaon toet aan de sjloeting op vastelaovesdinsdig óm 22.11 oer. Vastelaovend same!

De lètse maondje ware zjwaor veur Dré. Zien gezóndjheid leet ‘m in de sjteek en óndanks zien optimisme haet d’r ‘t gevech verlaore. Veur misse Dré mer veur zin ouch dankbaar det veur Dré gekènd höbbe en det hae ós haet geliërd wie Drake Vastelaovend viere. Hoije Dré!

Rosenmontag wederóm spitze! Wannier:

Lokasie:

Maondig 11 fibberwari óm 13.00 oer alléín veur vrouwluuj óm 15.00 oer veur idderein

Dus haol uch Lederhose of Dirndl oet de sjtaof en kóm nao de Troubadour veur eine supergezellige Nachmittag!

De Troubadour

Niej! Vrouwluujkiene!

Op vastelaovesmaondig zit geur van herte welkom in ós eige Bierstube de Troubadour veur ’n niej edisie van de Beeselse Rosenmontag! ’n Vol programma mit ónger angere ein 100% Stimmungsgarantie-optraeje van de topband ‘Wir sind spitze’, ‘ne tombola mit geweldige prieze en veur kènne in ós Lederhose pinkeln van ’t lache mit de buut van Fer Naus, buuttekampioen 2011!

Nag noeëts ierder vertoeënd oppe Rosenmontag: vrouwluujkiene! Van 13.00 toet 15.00 oer is d’r in de kefee van de Troubadour ’n onvervalste kiensjtried aan de gang. Oftewaal ‘Superbingo - nur für Frauen!’ Drie kienkaarte koste 7,50 en uiteraard zien d’r geweldige prieze te winne. Los geht’s!

Groeëte optoch op dinsdig Wannier:

Dinsdig 12 fibberwari óm 14.30 oer

Route:

Meuleberg, Wittebergsjtraot, Hoeëgsjtraot, Mgr. Theelesjtraot, Burg. Janssesjtraot, De Mortel, Vosseberg, Mert

Ouch dit jaor höbbe vrunjegroepe, einzelgängers, bure en anger gezelsjappe weer tied gesjtaoke in ’t creëre van ’n orginele biedrage aan de groeëte Beeselse optoch dae vastelaovesdinsdig door ’t Drakeriek trèk. Óm 14.30 oer begint de optoch te trèkke vanaaf de Meuleberg. De verdere route sjteit hiejbaove. Nao aankóms oppe Mert vinjt de prieësoetreiking plaats vanaaf de prinsewage. Veur de kinjer toet en mit groep 8 van de basissjoeël is d’r ‘ne sjpeciale extra prieës. Messjien dink geur bie ’t laeze van dit sjtökske: ich wil ouch mitdoon. Det kèn oeteraard! Geur kènt nog toet zaoterdig 9 fibberwari uch herses laote krake veur ’n

briljante ingaeving. Den is namelik de insjrieving óm 10.30 toet 11.30 oer bie de Troubadour. Veur dae tied kènt geur uch ouch al via de website www.cvdedrake.nl aanmelje (dao vinjt geur ouch ’t reglement). Ouch deilnummers van boeëte Beesel zin van herte welkom óm mit te doon. Op de daag van de optoch zelf, kènt geur sjmorges ouch weer van 10.30 toet 11.30 oer bie de Troubadour terech veur ’t aafhaole van uch nummer. ’n Good gebroek is det tiedes de optoch mit de klingelbuujel langs de miense waert gegange. Det geldj is zeker neet veur eige tes, mer kump ten goede aan ’t priezegeldj veur de winnaars van de Beeselse optoch. Mieër informatie? Num den kontak op mit Albert Scheffer, tel. 077 474 73 33.

Wannier:

Zónjig 10 fibberwari óm 15.30 oer

Lokasie:

Herberg de Bongerd

Ouch de nieje Drakeprins wilt uch bie deze alvas gaer van herte oetnuuëdige op zien receptie op vastelaoveszónjig. Tösse 15.30 en 18.30 oer kènt geur de nieje hoeëgheid ’n hendje kómme gaeve. Geur zit van herte welkom!

11 jaor Boeëtegewoeëne Beeselse Binneste Boetegedreijde Binnezittting Wannier:

Zónjig 10 fibberwari

Lokasie:

De Maashof

De Boetegewoeëne Beeselse Binneste Boetegedreijde Binnezitting in de Maashaof besjteit 11 jaor! Det is raeje genóg óm dao ‘n sjpeciaal editie van te make. De ganse middig is dao van alles te zeen en te hure vanaaf de ieërste zitting in 2002 toet noe toe. Idderein dae get kènt of wèt te vertèlle, moog de bühne op. Oeteraard zorg de organisatie die besjteit oet Mazes Mina en de Maashaof ouch zelf weer veur de nuëdige verrassinge. ‘n Goej traditie is ‘t oetreike van de Gouwe Appelkits aan emes of ‘ne groep dae get veur Mazes Mina of de Maashaof haet beteikend; of juus neet... Waem de 11e kier dees prestigieuze óngersjeijing krieg oetgereik? Det kènt geur zeen op de BBBBB op vastelaoveszónjig!

Beesel in vastelaovessfeer Waat is d’r sjoeëner es in ’t vastelaovessezoeën door Beesel te rieje of loupe en te geniete van al die blauw mit gael versierde hoezer? Dus haol gaele en blauwe blónne en sjlingers in hoeës en laot zeen det geur de Beeselse vastelaovend ‘n werm hert toedraag. Uiteraard kèn ós eige blauw mit gaele Drakevlag hiej neet bie óntbraeke. Höb geur nog gèn Drakevlag? Den kènt geur die koupe bie Mary van den Borst, Mortel 1.


www.cruysbergauto-watersport.nl

Reisburo Ruiver 37a

asse neet droet geis kumpse nörges !!!

Fotografisch Atelier Peter Bors Altijd een perfecte pasfoto Zelf uitzoeken uit diverse opnamen Digitale afdrukken op echt fotopapier Nu ook banners en posters En natuurlijk klaar terwijl u wacht!!! Tevens pasfoto’s op afspraak Tel: 4742360

Veur det geur mit vastelaovend lekker door gaot zakke, duit bekker Ceres ieërs nog get nonnevótte bakke!


Ruutjeskoorts Eindelik, ’t is zowieëd… Daisy ziene wèns geit in vervulling: Paul haet ‘m ten huwelik gevraog en op 7 juli 2012 is de groeëte daag. Alle veurbereidinge loupe veursjpoedig en Daisy haet de tuikes sjtrak in henj. Want alles wilt ’t toet in de puntjes regele. ’t Enige wao ’t gèn invloed op haet, is de kleierkeus van ziene aansjtaonde. Paul zaet namelik: “Es ich dien kleid neet moog zeen, moogs doe ouch mien pak neet zeen.” En dus geit d’r mit mam en sjoeënmam op pakkejach. Daisy haet ’t d’r nieks op. In de hieërezaak köp Paul zich ’n fijn pekske mit ’n net euverhaemp drónger en ‘ne sjieke sjlieps. Mer den zaet d’r taege de verkuipster: “Zègk, zoojt geur mich ’n plezeer wille doon? Zoojt geur mich ’n raekening wille oetsjrieve veur ’n roeëd ruutjes euverhaemp?” De verkuipster is waal in veur ’n geintje en sjrief ‘m fijn de bón oet, mit groeët dreuverhaer ‘Voldaan’. Paul sjuuf de bón in de plastic taot mit sjoon, die d’r alvas mit nao hoes nump. En natuurlik kèn Daisy ’t neet laote óm in dae taot te kieke en zich die bon te besjtudere. ’t Löp roeëd gael en greun aan van sjrik! Waat is det? ‘ne Roeëje ruutjes bloes? Zuus ze noe waal det ich dae neet allein op sjtap kèn sjture, dink ‘t.

En zooj det den ’n fien ruutje zin, of trouw ich dalik mit Bob de Bouwer? Allerlei gedachte flitse door ziene kop. ’t Haet zich zelfs al bedach det ’t de trouwfoto’s den maar zjwart/wit leut aafdrökke, zoeëdet ’t neet zoeë opvèlt. Waem baeter te belle in crisissituaties es zien mam? Dus Daisy belt drek in paniek op. Mer mam sjpeelt ’t sjpelke netjes mit. “Mer kindj, ich waas dao toch bie? Det haemp sjting ‘m ’t sjiekste van allemaol.” Twieë nachte sjleup ’t erm maedje neet. Vraoge aan Paul zooj beteikene det ’t mót opbiechte det ’t haaj gesjnuffeld in zien grei. Mer twieë daag later hèlt ‘t ’t neet mier oet. “Paul, ich mót get bekènne: ich höb ’n raekening gevónje, wao ich neet zo bliej van waer.” Paul guf zich ouch nog neet zoeëmer gewónne. “Jao hei, dus doe vertroews mich neet? De verkuipster zag ouch det mich det sjiek sjteit, zónne ruutjes bloes. Dus dae höb ich mich gekóch. Mer good, es doe det nieks vinjs, zal ich ‘m waal rule”, zaet d’r zoeëgenaamd gepikeerd. Daisy wèt neet waat ’t mót zègke. Toetdet Paul ’t verlossende waord sjprik: “GRAPJE!!!”

Keuzes make, lastig?

Hollandse nieje

Idderein mot waal èns ein keuze make. Ofse noe waal of neet geis verhoeze, auto koupe, op vekansie gaon of misjien waal de keuke geis verboewe. Veur pakke ’t veurbeeld van Theike en Nellie d’r efkes bie. Zie make de keuze om de keuke te gaon verboewe. Sjiek mit alles d’rop en d’raan. Keuzes genóg om ein veur häör perfecte keuke te creëre

Op de Beeselse kèrmis ware d’r altied twieë zekerheje: 1. Veur höbbe ’n sjiekere carrousel as de meiste kleine dörpe en 2. As de kroege sjloete sjteit half Beesel zich ‘ne kepotte vès nao binne te wèrke bie de vèsboer oppe Mert.

Theike mos den ouch idders kier de keuze make om mit Nellie alle winkels in Limburg aaf te gaon om de perfecte lamp veur in die nieje keuke te zeuke. Nao tieëntalle kilomaeters te höbbe gereeje, haaje ze in Naer de perfecte lamp oetgekaoze. De ieërste keus. Mer nao ein waek of drie haaj Nellie biej eine discounter ein anger lamp gevonje, sjtökke baeterkoup en ouch van ein perfecte keuze veur baove die prachtige keuketaofel. De twieëde keus. Mer dees lamp waas dao neet gesjik veur en bleek ouch nag ins laevesgevierligk te zin. Dus truuk, en mer weer wachte op de ieërste keuze? Nae, Nellie neet veur ein gaat te vange, ging weer op paad veur zien derde keuze. Noe haaj ’t ze gevonje: ein prachexemplaar, mer ja, gedreve door zien eige keuze waerde d’r ein lamp gekoch die neet voldeej aan de sjtroumcriteria. Noe mos Theike d’r zich mer weer ins mit gaon bemeuje en waerde bie de veerde keus eindelijk ’t leech gezeen. Wilt geur ouch ein nieje lamp en kènt geur gèn keuze make? Sjakel den geliek Theike in. Hae bringk uch ’t leech.

Noe höbbe veur helaas al ’n paar jaor ‘ne knómmel van ’n carrousel sjtaon mit de kèrmis, en ouch de vèsboer sjluut èlk jaor ierder ziene kraom. Toch laote väöl Beeselnaere zich det kermisvèske neet óntnumme, en gaon ze gewuuën get ierder ’ne gebakke vès aete. Zoe ouch Janne en Mark op kèrmiszaoterdig. Ein probleem; wie Janne ’n portie kibbeling wooj besjtèlle, ging net veur zien naas ’t lètste bekske euver de toeënbank. “Sorry”, zaet de vèsboer, “mer det waas de lètste kibbeling, ich bön d’r gans doorhaer.” Janne raakte sjpontaan in paniek, want ’t haaj zich veurgenaome èlke aovend efkes ’n kibbelingske te aete. “Mer meneer”, vreug ‘t, “kump dae deze kèrmis waal nog binne…?”

Wintjerse kiekjes make Begin december veel de sjnieë riekelik in Beesel. ’n Prachtig wit sjnieëlandjsjap waas ’t resultaat. En ómdet zon plaetje meistal binne de kortste kieëre is ómgetoverd toet van dae broene pratsj, mósse det veur ’t naogesjlach vasligke es ’t nog vers is. Chrit maak gaer kiekjes van de ómgaeving en zon kans luuët d’r natuurlik neet ónbenut. Mer waat nag väöl sjoeënder plaetjes oplevert, is ’t glooiend heuvellandj in ’t zuide van ós provincie. Det veurzeen van ’n fijn witte sjnieëlaog, dao reej d’r gaer ’n klein uurke veur. De sjnieëboots waerde ingelaje, de wanjelsjtekke mit óm neet oet te roetsje in det wit goedje en natuurlik ’t fototoesjtel neet te vergaete. Mer wie ze ’n good sjtök op waeg ware, waerde ’t häör al pienlik dudelik: die sjnieëfoto’s, det ging nieks waere. Ze haje väöl baeter is ós eige vertroewde, sjoeëne en veural witte Beesel kènne blieve. In ’t zuje waas namelik nag gèn vlökske te bekènne!

Kinjerkal Jans zit achterop de fiets in zien naas te peutere. Zaet moder Nicole: “Neet doon, Jans, det is vies.” Jans nao ’n kort moment naodinke: “Ich moog det, ich bön ‘ne peuter!” Yente blajerde ieferig door ’n beukske van de Efteling. Dao sjting ’n plaetje van de achbaan Joris en de Draak. Zaet ’t nao efkes naodinke: “Is det Joris van de auto’s?”

Óngertösse zien ouch Dennie en Tatiana nao boeëte gekómme óm get te aete. Wie Dennie aan Tatiana vreug waat ’t wilt aete, reageert ’t neet ech. “Zègk maedje, wat bösse aafwezig,” zaet Dennie den ouch. “Jao sorry,” reageert Tatiana, “mer ich waas mich net get aan ’t bedinke. Waoróm sjteit Huub d’n Bels eigelik hie op Beeselse kermis, kènne ze d’r neet baeter eine oet Nederlandj laote kómme?

Kumpse in de sjtad, waat zuus ze? Kapper Frits van Frits van de kapper ging mit zien ganse gezin winkele in Remunj. Flink gepind haaj d’r, want ze ginge ‘ns richtig insjlaon. Mer of det is gelök? Ze ware Zjwame nog neet good en waal veurbie, of ze sjtinge al in de file óm de sjtad in te kómme. Waat waas d’r toch aan de handj? Gedöldig sjlaote ze aan, mer ‘t veel häör op det ze waal verdach väöl witte nummerplate zoge… En toen veel ‘t kwartje pas: ‘t waas eine Pruuse zónjig. En ja, waat doon Pruuse es ze vriej höbbe? Juus, in Holland einkaufen machen! Mer Frits haaj ‚n idee: dit geit nieks waere, veur kènne ós baeter ómdreije en in Venlo gaon winkele. Good plan Frits, want in Venlo kómme gèn Pruuse...??

Vertrek vanoet ‘t huuske. Wèts dich den welke baan bie de gondel oetkump?


Iw a n H u b e n s Noa alle glitter, sjmink en gekke hoar staon veur nao aswoensdig weer veur uch kloar! Veul plezeer!

Team

Kapsalon C’est Ça Coiffure

Eine jonge wage dae weinig haet geloupe Kins ze ’t beste biej Feijts oppe Ruiver koupe

FEIJTS AUTO’S Karel Doormanlaan 32-b 5953 EM RUIVER Til: 077 - 4742385


Prinsepagina ‘t Prinssjap van Maurice ‘t Waas vriedig 2 december. Dit waas de daag det mich ‘n hieële belangrieke vraog waerde gesjtèld. Det waas de vraog of ich prins van de Drake wooj waere. Dit waas natuurlijk ‘n vraog wao ich neet lang euver nao höb mótte dinke. ‘t Antjwaord waas eigelijk geliek al ‘jao’. Toen kós veur mich de tieëd van verzjwiege gaon beginne. Dit waas ech ‘ne geweldige tieëd mót ich zègke. Idderein lekker veur de gek haje en net doon ofse van nieks wèts. Mer óm ‘t michzelf get gemekkelikker te make höb ich vanaaf ‘t begin taege idderein gezag det ich ‘t waerde. Hiej höb ich natuurlijk väöl miense mit op ‘t verkierde bein gezat.

Nao de activiteite van de Bacchus en de Jeugcarnaval waas ‘t den eindelijk zoewieëd. Bie dees Bacchusactiviteite waas ich natuurlijk nog lid van de Bacchusklup, mer vanaaf toen waerde ‘t zjwiege waal get moeilikker. Ich waas daoróm ouch hiel bliej det ‘t 4 fibberwari waas. Dit waas de daag van mien oetkómme. Toen dae daag eindelijk aangebraoke waas, kós ich eigelijk nimmer wachte toet de aovend. Gelökkig haaj ich nog waal get te doon op deze daag, zoeëas ‘ne verjäördig van de femilie.

kós det gaeve. Eindelik waas ‘t den zoewieëd, dao ware ze den: prins Maurice II mit ziene adjudant Sjoerd. ‘t Waas ‘ne sjoeëne aovend en veur waerde door alle Drakinne en Drake geweldig óntvange. Hiejveur nogmaals ‘n applaus vanoet ózze kantj. De res van de vastelaovend sjtapelde hoeëgtepunt nao hoeëgtepunt zich op. Alle activiteite, van de aajerezitting en dweiele toet de vastelaovend zelf ware ein groeët hoeëgtepunt. Natuurlijk wil ich idderein, mer den ouch ech idderein harsjtikke bedanke veur deze geweldige vastelaovend waat veur höbbe gehad. ‘t Waas top!

Mer al mit al sjoot de daag toch neet ech op. ‘t Waas den ouch eindelik aovend en ich kós richting ‘t dörp. Ich haaj toen ouch ech ‘t geveul det ‘t ‘ne geweldige tieëd ging waere. Ich haaj mit ‘n paar vrunj nag ‘n kaertje veur de Bóntje Revue. Ich wis toen ouch al det ich dae mer toet de pauze zooj zeen, mer ja waat

Ouch wil ich vanaaf dees plaats ós opvolgers ‘ne hieële sjoeëne tied toewinse. En ich haop det geur ‘t net zoeë ervaart as veur det höbbe gedaon. Geniet d’rvan!

Aafgeloupe vastelaovend tapte ich oet ein anger vaetje! Prins Maurice II

’t Adjudantsjap van Sjoerd ’t Waas eine kaje morge in december. Plots kreeg ich ‘n sms van Mauwie of ich get te doon haaj dae daag. Ich truukgesjtuurd: ‘Nae wiezoe?’ Hae vroog of ich zin had óm film te kómme kieke, in èlk geval of ich effekes langs kós kómme. Ich ’s middigs nao Maurice toe, mer geur begriep ‘m natuurlijk al. Van film kieke kwaam nieks terech! Ich zoot óm ein anger raeje bie Maurice aan de taofel. Hae sjtelde mich de vraog of ich ziene adjudant wooj waere tiedes de vastelaovend. Dao höb ich gèn seconde euver getwiefeld en geliek

‘jao’ gezag. Toen begós ’t sjpeel! Ieërs ‘ns vekansie regele op ’t werk tiedes de vastelaovend, daonao ’t verzjwiege veur jan en alleman. Det woor mekkelijker gezag veuraaf den ’t oeteindelijk is gegaon want ós vrunj höbbe ós aardig aan de tandj geveuld de lètste waeke. Mer oeteindelik woor ’t det allemaol diek en döbbel waerd en zooj ich ’t zoe nag `ns doon! Veur kóste ós gaon veurbereide op ein sjitterend sezoeën en ’t oetkómme bleef den ouch neet wied weg. ’t Hiele gebeure dae aovend vanaaf det de adjudantecommissie mich ophaolde toetdet veur ónger de draak kóste kroepe waas ein en al sjpanning, mer vanaaf det veur ónger dae draak oet kwame waas ’t Genete mit eine hoofletter G! In ein waord geweldig! Wie alle miense in de patio tekieër ginge is ongekènd! De receptie waas natuurlik ónvergaetelik, mit veur mich as ein van de hoeëgtepunte dae daag ’t bezeuk van de cliënte van woeëngroep Maasneel op de receptie. As bedankje zin Maurice en ich ouch nag op bezeuk gegaon in Maasneel op de woeëngroep, waat ein ervaring! Mer in Beesel waas ’t ein groeët fieës! ’t Dweiele, sjleuteleuverdrach , Rosenmontag mit Wir sind spitze, ’t bezeuk aan de Windjbuujels, waat höbbe veur dao gaas gegaeve! ’t Frühshoppe bie femilie Levels oppe Hollewaeg, ’t jeugdanse mit de jeugraod ónger leiding van jeugprinses Nina, en natuurlik de optoch door ’t Drakeriek waas mit gèn pen te besjrieve! (ouch al doon ich ’t noe asnog ‘n bietje).

’t Zin mer ‘n aantal van de zoeëväöl sjoeëne momente mit alle Beeselse miense! ’t Waas ein en al fieës veur ós mit eine superprins aan mien ziej! En ‘t klink klisjeé, mer ich kèn oet de gróndj van mien hert zègke: zónne goeje höbbe veur nag noeëts gehad! Alleriers wil ich alle Drake en Drakinne bedanke veur dit geweldige sezoeën! De Drakekapel en Mazes Mina veur de muzikale klanke en veur de joeks! De Bacchusklup, de jónges en maedjes wao bie Maurice en ich get jaore ós pilske höbbe gedrónke en det zeker nag jaore zalle doon, alle leje van de carnavalsvereiniging. De jeugraod wao veur alle daag mit höbbe gehós. De raod van ellef veur ’t op piel haje van ós vóchgehalte en natuurlik veur ’t mede meugelik make van ’t sjieke sezoen. De adjudantecommissie veur de begeleiding! Mer in ’t biezónjer wil ich mien eige femilie, Maurice en de res van de femilie Crins bedanke veur al die goej zörg! Miense, allemaol hartsjtikke bedank! Alaaf! Adjudant Sjoerd


HOTEL DE BONGERD BAR & RESTAURANT

Gaot geur oet trek oppe tied ‘n gekke sjnoeët en wilt geur lekker oet aete en drinke mot geur aan Herberg de Bongerd dinke!

Drakeboch 11 5954 CX Beesel (+31) 077-4762170 info@hoteldebongerd.nl www.hoteldebongerd.nl

www.versbakkerijvandenberg.nl

Hae it miensevleis!!!!!!!!! Nae beste drake en drakinnekes, bun maar neet bang Os vrachwages laupe nag sjteeds op diesel al hiel erg lang Al 80 jaor rieje de auto’s van dirk de vlieger euveral haer Ze komme oppe ruiver en in beesel en rieje auch duk d’r doorhaer En of ut noe mit korte of lange wages aope of mit zeile mot zien Det doon die men van de vlieger zonger un centje pien Dus hub geur get te verveure den bel gerus nao ut nummer hiejonger Faxe ken auch en zellufs meele vinje veur al nimmer biezonjer Op ozze websait vindj geur nach mier informasie Maar noe iers winse veur uch veur de vastelaovund veul ammezasie! Internasiejonaal transportbedrief dirk de vlieger beheer bv Heijtsjtraot 16 Oppe ruiver Tillefoon 4741835 Fax 4745959 Iemeel theo@dirkdevlieger.Nl Websait www.Dirkdevlieger.Nl


Belke trèkke Ding-dong! John van de Körver kiek ‘ns op zien horloge, wrief zich de sjlaop oet de uig en dink; ‘Ding-dong? ’t Is half 3 sjnachs, wat noe ding-dong?’ Hae is net truuk oet ’t dörp nao ‘ne gezellige aovend vastelaovend viere en haet zich nog efkes mit ’n glaas cola oppe bank genesteld veurdet d’r nao bèd geit. Ding-dong! Alweer de deurbel. Welke gek kùmp d’r óm deze tieëd nog collectere? John sjravelt zich van de bank aaf, löp nao de gank en duit de veurdeur aope. Dao kiek d’r verbaasd in de al aeve verbaasde sjnoet van Ron Crins. ‘Eh… Is Lars thoeës?’ vreug dae mit enige twiefel in de sjtum. John mót efkes sjakele. ‘Lars? Waem Lars? Doe bedoels toch neet dae van hiejnaeve of waal?’ Mer den bliek det Ron inderdaad Lars van hiejnaeve bedoelde. Waat is ‘t geval? Hae zooj dao nag get gaon aete nao ’t oetgaon en belde aan wie d’r nag leech zoog branje. Allein waas Lars al nao bed en waas de buurman toevallig wáál nag op. Clou van ’t verhaol: let altied op ’t hoeësnummer asse midde in de nach örges aanbels mit diene zate bölles.

Verlaote Rianne Geerlings waas same mit ziene Zjwamer vrundj op vekansie in Maleisië. Ze zote in ‘ne taxi wie Rianne zag: “Zègk Ruud, gaef mich de Lonely Planet ‘ns aan.” Veur degene die neet weite waat de Lonely Planet is, det haet nieks te make mit ’n verlaote planeet, waat de naam waal duit vermoede, mer det zin reisbeukskes. Mit henjige tips veur oetsjtepkes en bezeenswaardighede in vraemde lenj. Mer good, veur dwale aaf… Ruud zaet: “Wao zit dae den?” “In dien tas”, zaet Rianne. “Ehhh… wao is mien tas?” Örges op ’n Maleisisch pleintje dus… Gèn moment twiefelde ze en lete de taxichauffeur rechsómkieër make. Gelökkig waas det pleintje net zoeë verlaote es die verlaote planeet, want de tas sjting gelökkig nog braaf op häör te wachte!

Held op zök Har en Wilma zitte saoves lekker romantisch mit zien twieëtjes oppe bank. Har pakt de fles wieën oet ’t wieënrek óm de glaeskes nag èns bie te vulle. Har sjrik en blief sjtoksjtief sjtilsjtaon. Hae wies nao de taofel en zaet: “Www-il-mmma? Dao zzz-it ‘n ‘n ’n MOEËS!” Hae bedink zich gin seconde, pak de fles wieën, zien glaas en geit nao baove. “Roop mer asse ze höbs gevange Wilma!” En inderdaad, Harie kwaam pas nao ónger toen Wilma de moeës haaj gevange. Hae kruup weer lekker taege zien vrouw aan. “Gezellig hè Wilma, zon aovendje mit zien twieëje!” Wilma: “Nou…”

• Det Astrid Crins en Iris Lommerse ware gevalle mit de fiets? • Det de pap en mam van Astrid es ieërste vroge of de fiets neet kepot waas? • Det Jan Jaap van de kapel op vastelaovesvriedig bie de Maashaof veur Ton ’n citroentje besjtèlde? • Det d’r dao efkes op mós wachte? • Det d’r toen waal ’n citroentje kreeg, mer det det toch neet ’t citroentje waas waat d’r bedoelde? • Det d’r namelik ’n sjiefke citroen op ’n sjöttelke kreeg? • Det vrunj van Daan Reijnders zien Facebook account haje ‘gehack’? • Det zie dao ziene gebaortedatum aanpasde? • Det d’r daodoor allemaol felicitaties kreeg terwiel d’r gaar neet jäörig waas? • Det veur ‘m aanraoje ’n moeilikker wachwaord te keze? • Det de ponyclub en de ruiterclub gaon fusere? • Det veur inderdaad ‘n ponyclub én ’n ruiterclub haje? • Det dao ’n wezelik versjil in zit? • Det det dus noe neet meer zoeë is? • Det ze aovendje langk höbbe gediscussieerd euver welke naam de nieje gefuseerde pony-/ruiterclub zooj kriege? • Det ze d’r toch oet zin gekómme? • Det ze namelik allebei St. Joris hote? • Det de basissjoeël probeert óm de loeze neet nao angere jasse euver te laote sjpringe? • Det ze dao loezekepe veur höbbe aangesjaf? • Det dao mit de sjoeëlvastelaovend hielemaol nieks mieër van te zeen waar, ómdet alle jasse op eine groeëte houp ware gegooid? • Det idderein bliej waas det de loeze d’rveur haje gekaoze óm mit de vastelaovend neet te verhoeze? • Det Marc Crins behalve ‘ne sjlaag van de meule ouch ‘ne sjlaag van ‘ne lantaernpaol haet gehad? • Det d’r dao vól mit ziene (zate?) kop taegenaan fietsde?

Prinsjesdaag 2012, door aadprins Rik Driessen ’t Is maondigmorge 17 september 6.31 oer as bie mich de wekker geit. Normaal gesjpraoke ‘n vervaelend moment ómdet ’t wiekend helaas weer veurbiej is en ich dus weer ‘n ganse werkwaek veur de boeg höb. Dit kier is ’t echter ‘n bietje angers. ’t Wiekend is inderdaad helaas weer veurbiej mer op ’t moment det ich aan de werkwaek wil gaon dinke, krieg ich toch ‘ne lach op mien gezich. Yes, morge is ’t weer prinsjesdaag! Geliek besef ich det d’r mit mich nog zon dertig man ’t zelfde dinke. Jao, dertig man, want ich ken mich neet veursjtèlle det de Keuningin nao zoeväöl jaor nog sjtieëds iddere prinsjesdaag dink… wat fijn, morgen is ‘t weer Prinsjesdag! Of: wat fijn, morgen mag ik weer met een gouden koets door Den Haag hobbelen, of: wat fijn, morgen mag ik weer gaan vertellen hoeveel we moeten bezuinigen! Nae, ich dink neet det ós Keuningin net zoeväöl zin haet in prinsjesdaag as det de aad prinse idder jaor höbbe. Meistal kump d’r örges róndj de kermis ‘ne mail veurbiej mit as titel ‘prinsjesdaag’ en den ’t jaortal. Normaliter kense dae mail zónger te laeze wegklikke. Dao sjteit namelijk altied in det ’t programma neet bekènd gemaak waert, det ’t echter waal zeer de meujte waerd is, det de datum zoeëas gewuuënlik de derde dinsdig van september is en desse dich mós opgaeve bie sik Huub. Dit jaor wooj ich de mail net wegklikke toen ich zoog sjtaon, sjete in Böstring. Hou, wach effe, dach ich, toch maar efkes laeze. Toet mien groeëte verbazing waerde ’t complete programma bekènd gemaak. Noe ken ich hie natuurlik ’t programma bekènd make mer ’t is väöl sjoeënder as ich ‘n sjtökske sjrief euver waat veur zien gaon doon en waat d’r allemaol gebeurd is zoeëdet geur dalik allemaol kènt zèkge; dao waas ich gaer bie gewaes of gelökkig, ich waas d’r bie, of sjónge jónge, waat ‘n verkes!

Óm 13.00 oer waerde veur verwach bie de Troubadour. In taegestjtelling toet anger jaore móste veur dit jaor in volledig tenue versjiene. ’t Is toch waal ‘n sjoeën gezich óm op ‘ne doordewaekse dinsdig ‘n kroeg vól mit mötse te höbbe, zoeëget ken allein in Beesel. Om c.a. 13.21 uur klóm daagveurzitter Marcel op ‘ne gammele sjtool van Rutte en pakte zich zien ‘one moment of fame’. Zoeëas ’t eine echte daagveurzitter betaamp feliciteerde hae ieërs Keuning Jo Thijssen dae vervolges ‘n sjtaonde reseptie kreeg. De volgende wäörd van Marcel ware, Rutte… doot d’r ‘ne van Jo. Tja, wao sommige Nederlanders gewuuën op ’t werk zien, angere nao de Keuningin aan ’t kieke zien en weer angere aan ’t bezuinige zien, drinke de aad prinse op ‘ne doordewaekse dinsdigmiddig d’r eine op Keuning Jo; versjil mot d’r zien toch..! Nao de nuëdige pilskes te höbbe gedrónke bie Rob vertrokke dertig aad prinse in ‘defilé’ richting ’t sjöttelokaal te Böstring wao veur waerde óntvange door ónger angere aadprins Wim I en Commandant Catje. In ’t begin waerde d’r nog vriej aardig gesjaote, mer wie mier Catje dae tap aope trok, wie minder zuver de keugel richting dae vogel gesjaote waerde! Oeteindelik naom de sjpanning toch toe. Aad prins Piet I sjting klaor óm aan te ligke, de vogel hóng nog mer vas aan eine kleine vaam, alle aad prinse hele de aom in, Piet sjuut… en JAAAAAAAAAAA, de vogel veel van zien sjtekske! Aad Prins Piet I, sjöttekeuning van de APK! Boeëte ’t vogelsjete waerde d’r ouch ‘n bölkestoernooi gehaje. Nao ’t tèlle van de aafgesjaote bölkes waerde aad prins Sjra III oetgerope toet bölkeskeuning van de APK. Nao al dit sjeetgeweld waerde ’t tied óm de defilé-opsjtèlling mer weer èns in te numme. Natuurlik huuërt naeve ‘ne sjöttekeuning ouch ein sjoeën vruike te loupe. Ouch hiej haaj de organisasie natuurlik aan gedach en dit

resulteerde in ein ómboewing van aad prins Lei II in aad prinses Leona I. Ierlik gezag, boeëte de óngesjaore bein waas dao nieks mis mit! Det veur oppe truukwaeg waal begeleid waerde door ein of anger dweilorkes det achterin de wage van aad prins Marcel I geprop waas, resulteerde in de neudige belangsjtèlling naeve de roete. Ónger groeët gejuich waerde de APK binnegehaold in ’t dörp en nao ein klein röndje euver de Mert trok de ganse bubs de Troubadour binne. Zoeëas ’t ‘ne echte kroegbaas en aad prins betaamp, sjting Rutte mit ein deenblaad beer klaor. Wie immer waert prinsjesdaag aafgesjlaote mit werm vleis, kaaj sjôttel, sjlaai en sjtokbroeëd. Ich ken mich zoeë veursjtèlle det d’r genóg Beeselse zien die nao ’t laeze van dit sjtökske hielemaol zoeëget höbbe van… “eine kier prins te zien, wil ich zoeë gaer.” Taege alle aad prinse wil ich zègke: “want euver ein jaor sjtaon veur weer hiej” en den kènne veur weer zègke: Yes… ’t is weer prinsjesdaag!!!


sFautste vastelaove l zaoterdig in Beese

ses Nin in r p g u je d r o a w k Da n

veur de en ómsjtreke begint el es Be in d en ov to be Faut Vastela neel mit de Proud tio di tra e ss rtö ge e zal ’t jeug ón de veurgaonde jaor n va es cc su ’t ao veurig Party. N ne ’t zellefde zin as lie e ët oe gr in a m program ektakel te ’n nag groeëter sjp jaor, mer ’t belaof t sjtarte M äöpening oppe èr waere! Direk nao de veur mit:

aI

: 2 1 0 2 d n e v o a Vastel ! k l o w n ‘ p o e Laev

013 Proud to be Faut 2

mich haer. ng d’r vanalles door gi e, er wa oj wo s se eeg of ich prin ’t waas ‘ne druim vember te huëre kr en. En noe moch ‘t, Toen ich örges in no zi e og m te s se in pr s d’rvan óm oeëts ‘n wooj waere. euger druimde ich Vr s? t ich det supergaer se de in pr ch zi ’n e ge ie no bl ’n Huh, it m en k en biezónjere uurlik zei ich gelie waerde ’n keisjieke dae oetkwaam. Nat ’t en en zi h oc m el Bees superleuke ieërste Prinses van e en Drake d’r ‘ne de nn ki ich ra t D de , s es ët ek ue nn gr le Draekskes, Draki Ich waas óntzettend et wachte óm mit al ne al en to s kó h Ic ervaring. vergaete, make. daag óm noeëts te ne vastelaovend van te ei , 12 20 l ke ta ek ’t begin akesjp , Drakinne en Drake ik zoewied. Jeugdr es el ek nd ei nn n ki de ra ’t D , as es wa sk ter varinge Draek Ein paar maonjde la hieël väöl sjoeën er kómme en mit alle b t hö oe h k Ic aa . dr ef la de ge r ge lk trots ón pe höb ich op ’n wo itgemaak. Daobie in eindelijk moch ich e kende, höb ich m arte. Vanaaf ’t oetro zo sjt et d ne en g ov no la s ste ër va ie ich iele, Proud to van ‘ne sjoeëne ntje Revue, ‘t Dwe de vastelaovend die s Bó de de , tie uk ite Lu ite s tiv hu ak cc upe höb, van Ba op moge doon. Väöl ure nag sjtage gelo al. Van de receptie ve ja te es n va sjp t el ne hi ich as o wa aon gaovend: cia, wa ’t middelpunt te sjt fsjloeting op dinsdi op bezeuk bie St. Lu aa l, de va et na to ar lc II, e eë ric sjo , sbaan s Mau treffe pening van de sjaat ie van groeëte Prin äö be Faut, Jeugprinse pt ce de re lfs h, Ze ac . dr ef er la uv be de sjleutele geweldige meneer te belaeve. de mès in de kèrk, h te moge viere en n en höb ich ’t op ’n uc aa it ur m ve e m as sa na s le de al it t ich höb óm di euveral sjting ich m belangsjtèlling die . ‘t Waas ech sjiek ke on do lik e ën og uu m rs pe ich b de hö jaal vónj ich ouch en reacties toen bie mien club Bieslo vergaete. Hieël sjpes kadootjes, attensies , ër te ie ar m ka ts e eë öl no vä de ich l Dit alles za e mien receptie en rakinne en Drake bi D öl vä n va e eg kr ge supersjoeëne vaste en bie ós thoeës. beteikend bie deze e bb hö en ich e m bb ur hö ve on bedanke die väöl e die mich biegesjta er ’n aantal miense zusje Dian bedank ef le ker ouch Ze ien . m te ch en ni am Toet sjlot wil ich ga , naeve en pap en m es lik nt ta ur tu en na es ich om il a, w ilie, om , Paul, laovend. As ieërste nine, Lian, Menno waerde, en alle fem Ja lik is, ge Ir , eu id m t str di A t e, de e eister Svenja, Ann as noeëts meugelik d’rveur gezorg höbb Loeka, cirremoniem ëds höb. Dit alles wa nt ie da sjt ju g ad no , en od d ra ha ug ge je Rianne en alle höb mien eige tende sjoeëne tied e, Mark, Noortje en et ek tz nn ón Lo e , ‘n ad ich nr Co em rt, bezig hoofde al, Be Thomas, mit wa veur ós allein mer t mmitee Jeugcarnav de ko e ’t n bb va hö d ng lei di ge lei ëd be adjudant gewaes zónger de itgewerk, die ós altie s Maurice en ziene m in e Pr bb it hö m e g eg no kr er ge rd ve e en häör nering höb ich ouch angere miense die jale bandj en herin wil häor ouch neum es ich sjp n en l Ei . pe te ka ës ke fie ra te haje mit hus Luuk en de D volger of raod van ellef, Bacc h haop det miene op Sjoerd, de groeëte Ic . ëd tie ne eë sjo veur deze ervaring moog óntzettend bedanke ige, ónvergaetelik ke ld we ge e nn zo t ne er opvolgster ouch we en raod. uk geit höbbe mit zi le l eë hi ’t belaeve en

I Jeugprinses Nina de mach, Mit ein prinses aandaag en nach ginge veur fieëste

Drake ar tie 2013 ens Partie!! kom. P eD ein wel k r a s e r d D n id e s lik i De rganisere veur weer d r natuur ie ein jaor, me s waat b

16 van alle it jaor o ekte en t en mit e o t Ouch d g r genete ech en roukeff u u e e j g n t e n e le od kè kinjer ziene ra s-DJ’, geweldig veur de it s ë m ) ie s f e e ( n o Ei lik!). ugprins ózze ‘h Drake j netuur or de je ermuziek van ie o r d lv n o dig. De toch. o s h a n o i g p k e l d u a g s ( n s p r de op ndig e Veuro , zoeëa kteelba ntag en g, -mao o ji f huuërt teels oet de ko i n m u ó n f z e s s ie e o e v go kok vastelao ereceptie, de R tieën. erlik ke aats op l ins p r r p euverhe e e e oer of nd rw a o a ja d it n r toet ‘n d e o t o m dien e h d c o u jl e t s o s n aa bös. Nu e raod fieë vinjt g r ie a s u a b ë e d v ie ’r f e d n k n e e Dit sjtart èl org de z prins(es) en zie zeve zin ie z t f r n o a e r P a e s d o Den de jeug e agen ndj ‘n zoeë ró vas in d k d’r same mit end! ie t r a P Dit zal e Dens en maa astelaov de Drak en nichte mit uuërt mit de v h ic d f e h ie Dus, sjr riendinne, naev ë wie zich det e v o z n e n ës va vrunj misse!!! llein n knalfie i e 1 1 er neet danse a are n g k e u va e z J e t s ‘ moog aopeb l tiedes e in ein örd: dit alBeese s ä v n a w en a n r d r e g a g u C eug t ‘t je e zaal in J e d Mit an r d o ie m o r v d Ó t s . ieze, de nsvloer ne de kinjer du d’r op w róndjóm de da h èn c u le oete en k blieve. r wil ame lj u n e fs it a V a : m t s n e r tte ne de l, e Bèste el regeld is in de zaa ènne veur de zaal et ze in de zaal mó k d e , g waert bleef op toezich gehaaje dus aste id ’r e d h e r g je e gela uch kin e. Wies oet loup

fieës is na) locatie veur zón De juuste (of fautste Ouch dit jaor höbbe veur ur. tuurlik de Troubado ligke. artieste vas weite te sgelag, ste ut rfa va weer de alle ’n faute Belzje band As band höbbe veur Proud to be ouch oppe ieërste dezelfde band die sjpeeld: Faut party haet ge

De Spikes!

ch faute rde, mer veural ou eu sjt ge tig et pr s Dee geluifelik n idder fieës ’n ón va k aa m nd ba ës fie t ’t daak n d’r garant veur de ap. ao sjt en l ke ta ek sjp kn oubie oet zien voge d’raaf geit en de Tr teiken ’t in lik vend natuur Daonaeve zal de ao toet en e nk ier weg te di sjtaon van ’t neet m kènde ver boete Beesel be

Fautste DJ Kontest

gaeving o’s oet de wieje óm Drie DJ’s of DJ-du gelik ke eu m der ’n zoeë faut attle’ van Beesel veure id ‘b e ng op. In ’n óngerli de vastalaoves DJ-act op ök dr ut meugelik ke in r zich d’ make zie ‘ne zo fa l za m esvierders. Wae e? m aanwezige vastelaov m nu g Fautste DJ moo in 2013 ’n jaor lang lfeld dae t DJ Peuluh oet Be Veurig jaor waas de eëne sjo ’n wis te sjleipe en de titel in de wach e. m m o hoeës moch nu wisseltroffee mit na favoriete dus kóm uch eige De lat ligk hoeëg, . en faute act sjteune nd is gewuuën: Thema van de aove Proud to be Faut badour Café-zaal de Trou Locatie : g: Aanvang

21.00 oer

Entree :

€ 3,00

Garderobe:

€ 1,00

in Beesel. Toet 9 fibberwari ilt nemes misse! Dit moog en dit w

Program CV de D ma jeug rake 201 3 Recept ie jeugp

rins/prin se s Z ó njig 20 ja 2013 Jeugprin nnewari setref fe in HoutB li eërick Vriedig Vastelao vesdisco 25 fibberwari Jong Ne derland Woensd ig 6 fibb erwari Sjoeëlva stelaove nd Vriedig 8 fibberw ari H Zaoterdig eilige Mès 9 fibberw ari Pro u d Zaoterdig te be Faut 9 fibberw Zónjig, m ari Drake D aondig e ens Par n dinsdig t ie 10 -11 Aswoen sdig, ass -12 fibberwari e kr u u t s ke haole Woensd ig 13 fib berwari


Lekker kleurke ’t Waas Hemelvaartsdaag 2012. Lars keek oet ‘t raam en zoog det ‘t ‘ne sjtraolende daag belaofde te waere. De zón keek nog ’n bietje waterig oet de uig, mer de lóch waas sjtrakblauw. Det waerde ouch waal ‘ns tieëd nao twieë waeke raege, grauw lóch en ozel.

Bal(l)e Mickey v/d Borst keek op ziene wèkker en dreijde zich nog ‘ne kieër óm. Hae haaj ‘ne zjwaore nach mit de nuuëdige pilskes achter de rök, en hoofde pas euver ’n oer op te sjtaon óm te gaon voetballe in Zöstere. Aangezeen ziene pap Jac as leider mit zooj gaon, zooj dae ‘m waal wakker make en kòs d’r lekker nog ’n uurke sjlaope. Op ’n gegaeve moment sjrók Mickey weer wakker en keek opniej op zien wekker; nondeju, hae haaj zich versjlaope en pap haaj ‘m neet wakker gemaak! Sjnel kleijde hae zich aan en vloog nao ónger óm de sjleutels van de auto te zeuke. As d’r sjnel waas kós d’r missjien nog net op tied op ’t voetbalveld zien.

Nao get zeuke belde d’r Jac mer ‘ns op óm te vraoge wao de autosjleutels ware. “Ha sjlaopkop, eindelik wakker? Nao de sjleutels kènse nog lang zeuke, die höb ich inne tès. Bel Daan mer ‘ns, dae is ouch neet kómme opdage vanmorge.” Nao ’n paar kieër flink vloke zoot d’r veur Mickey nieks angers op den op ziene scooter te sjpringe, Daan op te haole en in kolonne nao Zöstere te rieje. Dao ware ze net op tied aanwezig óm te kieke wie häör teamgenote aan de twieëde helf begóste. En Mickey? Dae moogde vlagge…

Voetbaltoernooi of ziekeboeg? ‘t Veerde van Bieslo trèk d’r idder jaor op oet óm in Diedam ‘n voetbaltoernooi bie te woeëne. Allemaol ploge die twieë daag dao zin óm te voetballe en natuurlik ouch óm twieë daag flink te fieëste. Op vriedig zin ze allemaol same in versjillende vol gelaje auto’s nao Diedam gereje. Same de tente opgezatte en toen lekker get gaon aete op ’t terrein. Mer drek nao ’t aete, begós de maag van Jord al te borrele. “Jónges, det geit neet good”, zag Jord taege de res van ’t team. “Ich blief in de tent.” Luuk zooj waal veur ‘m zorge. En’t aete det ze dae aovend bie de pizzeria hadde gegaete, kwaam der net zoeë sjnel oet as det ’t d’rin waas gegaon. Saoves nao de EHBO op ’t toernooi, ouch die wiste neet waat ’t waas, dus den mer nao ’t ziekehoeës. Ouch dao kóste ze d’r ech neet achterkómme. Hae haet get toegedeend gekrege en zaoterdig veel ’t allemaol weer mit. Gelökkig, zooj se zègke, mer nae…

Zaoterdig waas Jord den waal baeter, mer toen waerde Luuk, dae de ganse tied bie ‘m waas gebleve, krank. Mer ouch dao bleef ’t neet bie, oeteindelik ware ze mit bienao de ganse klup van Bieslo aan ’t water in plaats van aan ’t beer. Ze móste neet wissele in ’t team ómdet ze kapot ware en det ze ’t zoeë werm haje, mer ómdet ze ein veur ein nao de wc mósde! Zóndigs kwame ze allemaol kapot thoeës. Van ’t voetballe en ’t fieëste is dus weinig terech gekómme. Volgend jaor zalle ze allemaol veilig veur ‘n druuëge bótterham gaon!

De vrunjegroep van Hub Haenen waas gans nao Remunj gefiets en haje van deze sjpannende daag häöre vrunjedaag gemaak. Mer mit die nederlaag van Oranje, mósde ze toch de lol örges angers gaon zeuke. De shotjes waerde in ‘n rap tempo achtereuver gesjlage, en ze haje allemaol ‘ne houp op. Inèns besjlaote ze óm nao hoeës te fietse. De groep waas groeëtendeils al oppe fiets richting Beesel. Hub dae haaj get vertraging opgeloupe. Twieë jónges van de groep besjlaote óm bie de rotonde bie ‘t Retailpark effe te wachte op Hub. Mer dae kwaam mer neet. Ze haje ‘t erg gezellig mit elkaar en haje neet in de gate det ze d’r al ‘ne hiele tieëd sjtinge. Op ‘n gegaeve moment kump de ambulance en pliesie mit loeiende sirenes naeve. Ze besjlaote toch mer truuk te fietse. Nag gèn 100 maeter wier ligk Hub oppe gróndj. Jasper en Martin fietse sjnel richting plaats delict. Dao aangekómme waerde häör vertèld det Hub eine tied boete bewuszien waas gewaes. Hae mós ech mit nao ‘t ziekehoes.

Einmaol in Naer bleek det de zon óngertösse inderdaad al behuurlik hel sjeen, en det ’t beer al sjnel riekelik vloeide op ’t voetbalveld. Sjlum as Lars is, brach d’r sjnel ‘ne ieërste laog zonnebrandj aan, zoeëdet d’r neet te väöl zooj verbranje. Nao ’n paar pilskes leek de zon echter sjtieëds minder hel te branje, en ’t insjmaere bleef den ouch al sjnel achterwaeges. Nao aafloup van ’t toernooi waerde natuurlik nog efkes in ’t dörp gesjtop veur ‘ne afterparty, wao ’t versjillende vrunj opveel det Lars óngertösse ’n waal hiel roeëd kleurke haaj gekrege. Nao zichzelf ‘ns in de sjpeegel geïnsjpecteerd te höbbe, bedach hae zich det ’t inderdaad gèn kwaod kós óm thoes mer ‘ns get aftersun op te sjmaere. Zoeë gezag, zoeë gedaon. Lars ging truuk nao de Witteberg, greep weer ’n fles oet Inge’s verzameling, sjmaerde de sjnoet in en kroop rap tusse de lakes. Óm sjmorges d’r achter te kómme det d’r missjien toch baeter neet mit ’n sjoeënheidssjpecialiste haaj kènne trouwe. In plaats van ’t fleske mit aftersun, haaj hae de aovend teveure namelik ’n fles bruin-zonder-zon van ’t sjaap gehaold. Mit as gevolg det d’r gèn lekker broen kleurke haaj gekrege, mer zo roeëd waas as ’n kreef mit de waterpókke en roeje hóndj tegeliek. Ai.

Ajax-fan versus Feyenoord-fans

Drank sjpeelt gèn rol Aafgeloupe juni waas ‘t EK weer aan de geng. Gans Beesel trok d’r op oet óm de wedsjtriede te volge. Helaas, ‘t ieërste óngelök van deze aovend waas ‘n nederlaag van ós Oranje jónges.

Lars haaj den ouch zin óm de deur oet te gaon, op nao Naer wao hae mit nog ‘ne gas Beeselse en Zjwamer jónge mit zou doon aan ’t jaorlikse penaltytoernooi. Aangezeen ze al véúr 8 oer zoje verzamele, wasde d’r zich sjnel de pupse oet de uig, sjmeet de kickse in de voetbaltas en greep nog gauw ’n fles zónnebrandjcrème oet de verzameling zalfjes, crèmepjes en anger gerei det zien vrouw Inge thoeës bewaarde.

Jasper belde geliek Hub zien mam óm te vertèlle wat d’r waas gebeurd. Hae had zelf bedach det ‘t waal allemaol mitveel en brach dit ouch zoeë euver nao Truus. “Nae, geur hoof neet te kómme, ‘t kump allemaol waal good”, zag d’r. “Jongeman, mogen wij even met zijn moeder praten?” zag de pliesie vervolges sjtreng. “Dag mevrouw, het lijkt me beter dat u toch naar het ziekenhuis komt, hij is hard gevallen en we weten nog niet wat hij heeft.” Jasper besjlaot ouch mit te gaon nao ‘t ziekehoeës, want hae leet toch neet zoeëmer ziene vrundj allein gaon. Helaas moch d’r neet mit in de ambulance. “Mer meneer de pliesieagent, ich wil bes fietse huur, maar mien leech duit ‘t neet dus den moog g’r mich gèn boete gaeve, aafgesjpraoke?” Jasper fiets wie ‘ne gek nao ‘t ziekehoes. Dao aangekómme waas Hub weer biegekómme. De dokter mós weite waat d’r allemaol haaj gedrónke. “Och” zaet Jasper, “Neet zoeë gek väöl. ‘n Sjtök of 8 shotjes, óngevier 10 pilskes en nag get sjterke drank, en eh waat nag mier eigelik...?” In ‘t ziekehoes wiste ze geliek wie wied ‘t waas. In de tes van Hub ziene jas haaj nag ‘n fleske drank gezaete. “Kom mer hiej”, zaet Jasper, “dao kèns dich noe toch nieks mier mit doon!” “Nou jongeman, volges mich moogs dich die ouch neet mier höbbe!”

Bram is same mit zien vrunj op vekansie in Renesse. Ze kriege ‘n plaetske naeve ‘ne ganse groep Feyenoordfans. “Puh”, zaet Bram taege zien vrunj “Feyenoordfans! Ich zal dalik ‘ns laote zeen wèlke club ech ’t bèste is!” De jónges zien gewaes zjwumme en oeteraard haet Bram zich aafgedruuëg mit ‘ne echte Ajaxhanddook. Nao ’t zjwumme hingk d’r dae fijn euver häör waslieën, naeve de bure. Zien vrunj haje al aangegaeve det d’r det baeter neet kós doon, mer Bram zoog dao ech gèn gevaor in. Ze kómme truuk van ’t boeëdsjappe doon en waat zeen ze dao aan de draod hange? ‘ne Handjdook van Bram, allein den mit ’t logo van Ajax droet geknip! Det höbbe zien leve Feyenoordbure op häör gewete. Es Bram zich ‘ne nieje Ajaxhanddook köp, kèn d’r dae baeter netjes allein veur zichzelf haje.


Ruud vd Heuvel Fijne vastelaovesdaag!

Veldpoort 21b - 6071 JK Swlamen - Tel. 0475-501510

Wij wensen jullie prettige Carnavalsdagen!

Manuele therapie Kinderfysiotherapie 077-4745051


Oetgerouk Zoeëmer ‘ne nazomeraovend op de regionale meldkamer van de gezamelikke hulpdeenste. As veur de zoeëväölste kieër dae aovend de tillefoon geit en ’n medewerkster ’t gesjprek aannump, ontvouwt zich de volgende conversatie: Medewerkster: “Meldkamer 1-1-2, zègk ’t mer.” Beller: “Ja, eh, hallo. Guido Aevers hiej. Geur weit waal, ein van die jónge van Leike van Aevers oet Beesel.” Meldkamer: “Ah, meneer Aevers. Wao kèn ich uch mit helpe? Nieks ernstigs moog ich haope?” Guido: “Nou, eh, det weit ich neet zeker. Ich dink det ich de brandjwaer nuuëdig höb.” Meldkamer: “Ich sjtuur noe ‘ne brandjwaerwage dae kantj op. Wat is d’r gebeurd?” Guido: “Det zit zoeë. Pap en mam zien op vekansie, dus Michel en ich höbbe ’t riek allein. En aangezeen Michel vandaag ouch weg is, dach ich det ’t waal ’n sjoeën idee waas om ’n paar vrunj oet te nuuëdige om get te drinke hiej in de hut.” Meldkamer: “Uh-huh. En toen?” Guido: “Ja, veur haje zin in get sjnacks, en wie ich de frietpan aanzat óm ’t vet vas op te laote werme, kwaam d’r inèns allemaol rouk oet de kelder.” Meldkamer: “Oei. Brandj ’t ouch of rouk ’t allein mer?” Guido: “Volges mich allein mer rouk, mer veur sjtaon noe boeëte, ich gaon neet truuk nao binne. Wie zuut ’t trouwes oet mit dae brandjwaer van uch, mótte die oppe fiets kómme?” Meldkamer: “Nae nae, die zien óngerwaeges. Ich höb ‘ne extra wage aangerope. Mer Guido, waas doe lèts neet bienao opgepak waeges wildplasse? Ich huurde zoget van miene collega hiej.” Guido: “Ach ja, wat is wildplasse? Ich mikte bès netjes volges mich” Meldkamer: “Mer waoróm höbbe ze dich den toch ’n boete gegaeve daoveur?” Guido: “Jao, det weit ich ouch neet precies. Missjien omdet ich det vlak naeve ‘ne pliesiewage deej of zoeë. Of omdet ich nog ’n fles beer in de handj haaj, waodoor die sjtraol mer bleef klatere. Wae zal ’t zègke?”

Sjteekske los 12 Fibberwari 2012, híél vreug in de morge.

’t Dweiele in ’t Drakeriek is nog mer net aafgeloupe, en geheimagent F.L. van camping ’t E. wilt net nao bèd gaon, as de tillefoon geit. Aangezeen ‘ne geheimagent altied paraat mót sjtaon, sjprint agent F.L. nao ziene tillefoon, en zuut det ’t nummer van ziene informant van oppe Ruiver is. “Sjluuëp se al?” F.L. is direk klaorwakker. “Nae, nae”, zaet d’r, “Waat is loos?” Ziene informant luuët weite det d’r in Beesel-

Meldkamer: Guido:

Meldkamer:

Guido: Meldkamer: Guido:

Meldkamer: Guido:

Meldkamer: Guido:

Meldkamer: Guido: Meldkamer: Guido:

“Mer, mer toch. Is de brandjwaer trouwes nog neet dao?” “Wach efkes. (…) Jao, volges mich huur ich get aankómme vanoet de Ruiver. Det waert tied ouch mot ich zègke, d’r kùmp hiej óngertösse mier rouk oet de toko as bie de Troubie op ‘ne doordewaekse zaoterdigaovend.” “Mien collega’s zalle waal zoeë dao zien. Ich huuërde trouwes ouch det se ’n tattoo haajs laote zètte, of waas det dien broor?” “Nae, det waas ich inderdaad. Same mit Siem van Hillekes euveriges, precies dezelfde, op precies dezelfde plaats.” “Enne? Wat romantisch.” “Nou, ich zègk ’t uch. Det deej pien det ’t kaak. Veur ware op vekansie in Turkije bie zonne lokale tattoo-boer. Leek ós waal lache.” “Uh-huh. En waas ’t ouch lache?” “Nou, Siem vónj ’t neet ech lache. Dae mós as ieërste op die taofel ligke en waas as de doeëd det ich d’r vandoor ging zo sjnel as dae det dingk oppe vòt haaj sjtaon.” “Wach effe. Oppe vòt? Toch gèn enorme kleurplaat hè?” “Nae, veur höbbe allebei ’n veerkentje van ’n paar millimeter op ózze bats laote teikene, doe zuus ’t nauweliks. Mer ’t is waal sjiek gewaore.” “(…)” “Mer uch collega’s kómme net de sjtraot inrieje, ich gaon ophange.” “Oké, succes d’r mit. Toet de volgende kieër!” “Joehoi, mazzel!”

Naowaord:

Casa Aevers is oeteindelik neet toet as vergaon, de brandjwaer haet mit groeëte ventilators de rouk en sjtank nao boeëte gedreve en de bure höbbe geholpe de kraom ’n bietje op te rume. Kortsjloeting waas de oeërzaak van dit alles, mer Lei en Ans höbbe häöre vekansie neet hove óngerbraeke. Sjterker nog, die waerde pas ingelich wie ze truukkwame...

Noord vastelaovend haet gevierd en dao mit ’n koffer van de plaatselikke CV nao boeëte is geloupe. “En doe raojs noeëts wat dao in zit, kènne veur sjnel örges get aafsjpraeke veur de euverdrach?” F.L. duit zich metein zien 007-pak weer aan en zaet det de informant metein langs kèn kómme, waat den ouch daezelfde nach nog gebeurt. Aeve later waert mit ‘ne sjroevedreijer ’t ciefersjlaot van de kóffer gekraak.

Boeve vange ’t Zal uch allich neet óntgaon zien: in oktoeëber höbbe veer gewapende en gemaskerde luuj ’t kefee van Sef van Janisse euvervalle. ’n Biejzónjer laffe daad, mit ouch nog ‘ns neet gans ’t gewènste resultaat veur de euvervallers. Wie zie dao mit häör metse en pisjtool sjtinge te zjweije kwame ze d’r achter det bie Sef alles netjes opgesjreve waert. Ein beurs van ‘ne klantj waas den ouch de enige cash dae ze buit höbbe kènne make. En ‘ne sjtapel viltjes mit sjtreepkes oppe randj, det den weer waal. Wie de euvervallers nao boeëte vluchtte en achternao waerde gezaete door Lutti en Eric van Klèrke, kwaam net ‘ne groep jónge truuk van ’t sjtappe. Die bedachte zich gèn moment en zatte de achtervolging in op ‘ne auto mit Duits kenteiken dae net wegreej; det móste de euvervallers zien! De auto, dae besjtuurd waerde door Siem Hillekens, achtervolgde de euvervallers Beesel oet, naeve de Draak, door Zjwame en vervolges richting de Pruusse grens, óngertösse contak haajend mit de pliesie. Wie zie de grens euver ware waerde ze ingehaold door ’n twieëtal pliesieauto’s mit loeiende sirenes, en net veur Brüggen waerde de waeg versjperd door leefs zeve (!) Hollandse en Pruusse pliesiewages. De euvervallers móste waal sjtoppe en mit getrokke pisjtole kwaam de Polizei op de auto aafloupe. De Beeselnaere in de achtervolgende auto ware al oet aan ’t tèlle wieväöl tipgeld ze zich kóste verdeile, toen ze zoge det d’r mer eine miens oet de Duitse wage waerde gehaold. Waat bleek? Dae miens haaj dae aovend zitte vèsse aan ’t Baggergaat, de echte euvervallers ware bliekbaar mit ‘ne angere auto gevluch. Die ware dus allang gevlaoge, ’t enige wat waas gevange ware dus ’n paar karpers en sjtaekelbaarze…

STEEKE CV

12 Fibberwari 2012, 12 oer sjmiddigs.

Op ’t haufkantoeër van CV de Windjbuujels rammelt de tillefoon. Zenuwechtig waert d’r opgenaome. “M-mmit ’t be-besjtuur van de eh… de Windjbuujels. M-mmit wae s-s-sj-sjpraek ich?“ “Mit geheimagent F.L. oet Beesel. Kèn ’t det geur ‘n kóffer kwiet ziet mit get mötse en ‘ne scepter d’r in?“ In ’t Ruiverse waert duchtig gevlook. Det oetgeraekend die Drake det koffer mit de sjteke van de Raod van 11 en de prinsescepter in henj höbbe gekrege, wie haet det noe kènne gebeure? 12 Fibberwari 2012, 14.30 oer.

De complete Raod en Kepél höbbe heerlik gebrunch bie de sjoeënelders van de Prins, en de sjtumming is oetgelaote. Zeker as dao mit hangende puuëtjes de Prins en ’t besjtuur van De Windjbuujels binnekómme. Mit ’t zjweit oppe kop waert gevraog of ze missjien häöre koffer truuk moge. Ze mótte euver ’n oer in

vol ornaat bie häör volgende aktiviteit aanwezig zien. ‘ne Deal waert gemaak. 19 Fibberwari 2012, laat oppe middig.

De Windjbuujels kómme binne bie de resepsie van Prins Maurice I. Vergezeld van ’n aantal vate en vaetjes beer. De aafsjpraok is naogekómme, Prins Eric I van de Ruiver euverhenjigt mit ’n zoeër gezich de vate aan ziene collega Maurice. De opzet is gelök, de missie is gesjlaag. Geheimagent F.L. zuut det ’t good is en nip aan zien pilske. Nieks sjoeëners as ’n paar Ruiverse te kloeëte, dink d’r tevreje. Zien werk zit d’r weer op veur dit jaor.


vleis r k รถ j t telde od s e o d g p in o Mit e vend o a l e vast der e d t hel mi e d s o f o e g bli auch

Inge Sillen Wittebergstraat 40, 5954 AK Beesel Tel: 077-4762484, Mob.nr: 06-15041406

Mgr. Theelenstr. 2 - 5954 AZ Beesel - tel. 077-4741377

L a m b e r t K il la a r s

R a m o n L u t t e ls

Laot gaon dae wage! POTTEBEKKERIE DE WALSBERG HEIDE 57 - ZJWAME

T 077 326 11 60

www.bouwbedrijf-willems.nl


Derek Ogilvie op bezeuk in Beesel De welbekènde paragnost Derek Ogilvie duit ‘n reading bie Erik de Vlieger.

Hamburgers op zien Nieks

Derek: “I see verkleide miense.”

Dit recep is oetgevónje en oetgeprobeerd door Niek van Deuzen. ‘t Klink mesjien ‘n klein bietje vraemp, mer nao ‘ne goeje aovendj doorzakke is dit bie oetsjtek de ideale ‘midnight snack’.

Derek: “Wait wait, doe kèns neet weg, doe zits in ein kleine ruumte en alles is op sjlaot.”

Erik:

Erik:

De ingrediënte:

- Hamburgers (verse, diepvries… ‘t maak gèn juuj oet) - Duitse Moselwien (zeut, halbtrocken, ouch det is sjeisegaal. Zolang ‘t mer genne druuëge is, want ‘t mót waal naat zin) Verder höb se nog nuëdig: ‘n pan en ‘n fernuus. Zoeë maak se ‘t:

Sjöd zoeëget ‘n halve fles Moselwien in de pan op hoeëg vuur. Es ‘t heit is, pleur se de hamburgers drin toetdet die gaar zin. ’n Bietje ’n zjwart rendje ken gèn kwaod op dit oer van de daag… ehh.. nach. Sjmakelik! Waoróm gènne bótter, dink geur missjien. De ieërste raeje is oeteraard ‘t aantal calorieje in bótter. Dit recep is väöl baeter veur de lien en ‘t cholesterol, det moge dudelik zin. De twieëde raeje is det esse gènne bótter höbs, mer waal hamburgers en wien tiedes ’t weekendje aan de Mosel mit de Drakekapel, se toch get mós!

“Det kin waal mit de vastelaovend zien den is hiej idderein verkleid.”

“Oh jao, det klop, det is mit de optoch veurig jaor gewaes. Toen haje veur mit ’n sjtel vrunj bie Andy van Peeters nao de optoch gekeke. Tiedes de optoch krege Andy & Lilian ’n AED oproop. Patrick Maas kreeg de sjleutel van ’t hoes en regelde alles. Taege ’t inj van de optoch mós ich nao de wc óm ein groeëte boeëdsjap te doon. Ja en det doert efkes. Wie ich klaor waas, bleek alles op sjlaot te zien en de optoch waas ouch al lang veurbie. Mien vrunj ware nao de kroeg gegaon en haje ’t hoeës netjes aafgesjlaote. Dao zoot ich den. Andy & Lilian vónje mich oppe wc wie ze weer thoeës kwame.”

• Det d’r aafgeloupe jaor is ingebraoke in de kantine van Bieslo? • Det alle consumptiemunte toen gejat zien? • Det de (bliekbaar Ruiverse) boeve d’r al sjnel achter kwame det se mit greune munte mit ‘ne witte draak d’rop neet kèns betale oppe Ruiver? • Det die munte den ouch bie ’t zjwumbad zien gedump, en óngertösse weer in bezit van Bieslo zien? • Det de sjötterie aan ‘t baedele is veur niej uniforme? • Det veur häör aanraoje óm ‘ns ieërs te baedele veur niej leje? • Desse angers ouch gèn niej uniforme nuëdig höbs? • Det Annita van ex-prins Roy de Sinterklaoskedootjes gewuuën aope en bloeët, nag zónger papier dróm oppe taofel haaj laote ligke? • Det veur ós aafvraoge wie ’t zich in hemelsnaam dao oetgeluld haet? • Det Harie’s en ’t Poshoes volges betroewbare bronne ’n pact höbbe gesjlaote óm veur allebei klandizie te garandere? • Det Harie’s extra langzaam is mit friet bakke, waodoor miense nao ’t doorgaeve van häör besjtèlling ’n pilske gaon drinke bie de bure toetdet häör aete vaerdig is?

Derek: “Waao that is scary, mer ich wil sjtieëds in sjlaop valle, waat beteikent det?” Erik:

“Det zaet mich nieks, ich sjlaop bienao noeëts.”

Derek: “Mer I see you toch sjlaope, wach doe duis det sjtaonde. Ken det?” Erik:

“Det mót den bie ’t fieës van Jaqueline en Ed zien gewaes. Dao sjtinge veur gezellig get te drinke wie ich inèns in sjlaop veel. Ich veel taege Frank Crins aan en dae veel weer taege de taofel mit alle snacks, chips en hapjes die allemaol oppe gróndj belanjde. Kèn gebeure.”

• Det aadvors Piet mit de veurbereidinge veur de broelof van ziene zoon, mer leefs drie kier door ‘ne kabel Derek: “I see numbers, getalle.” haer zaegde? • Det de derde kier waas op Heidenheim, wao Toine Erik: “Det zal waal op mien werk zien, op die doeëze ‘m zoeë haaj gefix? sjtaon euveral nummers op.” • Det d’r allein neet tegoej haaj gekeke, waodoor d’r noe aan allebei de oeteindes ‘ne sjtekker zoot? Derek: “No, nae other nummer iets mit ‘ne tillefoon of iets • Det d’r noe dus, wie ze det numme, twieë ‘menkes’ aan de kabel zote? from 112.” • Det ze dao zelf de grótste lol óm haje? • Det Piet taege Toine zag: heij, noe höbbe veur Erik: “Ja det zal waal zien det ich de tillefoon in mien ‘ne homokabel? tes haaj en det dae knómmel sjtieëds 112 belde. Vervolges kreeg ich ein sms-je van de pliesie of ich de alarmlieën vriej wooj haje.” Derek: “Waoh Erik, doe höbs waal ein supersjiek keisjpannend laeve.” Erik:

“Det haajs doe good gezeen. Thank yoe veur de reading.”

Romantisch is angers Doe köps dich ’t hoeës van dien druime. Nou ja, hoeës van dien druime… de lokasie van dien druime en de meugelikheje óm dao oeteindelik ’t hoeës van dien druime van te make. Den verköp se inèns dien appartement waodoor ze halseuverkop ’n anger óngerkómme mós vinje. Dus trek se tiedelik bie pap en mam in, waat toevallig – zeker zoeë henjig – pal achter diene te verbouwe bouwval is. De was waert veur dich gedaon, de kaok sjteit klaor esse van ’t werk kumps en ’t bèdje is lekker gesjpreid. Nou ja, det lètste is neet gans waor. Jao, gesjpreid is ‘t, det is zeker. Mer daomit bliek get angers aan de handj. Es ’t sjnachs plotseling lichjes begint te raegene, bliek namelik ’t daak van de tiedelikke sjlaopkamer neet gans watertoe. Väöl erger waert ’t nog es d’r ’n richtige plensbuuj oet de lóch vèlt. Mer ouch dao is ’n oplossing veur: Roy en Yvonne zètte gewuuën ‘ne ummer tösse häör in. In plaats van ‘ns fijn te knoevele mit ein, doon ze det mit ’n sjtök plestik. Och, desse get mós improvisere toetdet dien huuske vaerdig is, det huuërt d’r bie. Mer romantisch is angers…


Eigen onderneming beginnen ? Geheel vrijblijvend lichten wij U voor over : Markt 7 * Beesel * tillefoon 077-4744074

************************************

Gezellig vastelaovend viere in de Troubadour ************************************ Natuurlik alle vastelaovesdaag ouch genóg veur de kleine en groeëte hónger!!!

Math. van ”DEN BELS”

Stationsstraat 43

Tel. 0475-501629

- Ondernemingsvormen - Administratieve verplichtingen - Facturatie - Fiscale zaken - Etc… Maak een afspraak : Markt 11, 5954 BH Beesel Telefoon 077-3240139 of mail: info@dgaccountancy.nl www.dgaccountancy.nl


D e n n ie S il le n Beej NESKE is ut good logeren! Computers & Netwerken

Pension “ ‘T HOES VA NESKE “

PENSION ‘T HOES VA NESKE Hoogstraat 3 - 5954 AA Beesel - 077 - 474 37 47

“Noe auch Pilates en Zwangerfit en geur kint auch terech veur arbeids-reïntegratie”


Ein ech keuningspaar Dit jaor is de ieër óm ‘n jaor langk sjöttekeuning te zin, weggelag veur Jo van Mazes Mina. Baeter bekènd es Otto. Ein emes waas dao echter neet zoeë hiel bliej mit. Leonne van Deuzen mós toen namelik ‘n belofte naokómme die ‘t oeëts haaj gedaon. Die heel in det ‘t keuning Otto es keuningin zou vergezelle op de bóndjsfieëste en op ‘t OLS. Gelökkig waas ‘t waal zoeë sjlum gewaes óm d’r bie oet te haje det ‘t neet aan de biebehurende (vleiskeuringe), zoeë wie ‘t det neumde, mit hoofde te doon. Sjportief es ’t is, duit ‘t idders kier ‘n fijn klèdje aan en lach vruntjelik nao alle ómsjtenjers es ‘t mit keuning Otto in Naer, Häör, Ellikom en St. Odiliënberg mit verve de optoch löp. In Naer waas ‘t de hase vergaete, mer det waerde creatief opgelos mit ‘n paar penties die ‘t euver de henj deej. Nemes veel ‘t op! Bie ‘t bóndjsfieës in Berg leut ‘t zich toch - ónger get protes - euverhaole óm eine kier mit te doon mit ‘t keure van de keuningspare. Van top toet tieën keek de jury nao de sjoon, de haor, ‘t kleid, de blome, de serieuze kiek en de sjtraolende lach. Neet allein haaj Leonne de vleiskeuring euverlaef... prómp waert ‘t onnog twieëde!

Sjoeëlprinse(sse)

Oeps…!

Waat ware ze gruuëts wie ze waerde oetgerope op basissjoeël ’t Spick: de prinse en prinsesse van ’t aafgeloupe vastelaovessezoeën. Proficiat!

Oei, waat sjting d’r veurig jaor ‘ne blunder in dees gezet. De foto van de sjoeëlprinse en –prinsesse sjting d’r good in… mer die name, dao klopde nieks van! Det ware namelik die van ’n jaor ierder. Det mótte veur bie deze natuurlik efkes rech zètte. Dus nogmaals de foto van de hoeëghede van veurig jaor, mer den mit de juuste name d’r bie:

Óngerboew:

prinses Sue Hegemann en prins Tren Reinders

Keuninklikke pech Dao sjteise den, es dorslustige hoeëgheid Bösse toch waal efkes geneijd Mósse sjnel weer wier, Duit diene auto ’t neet mier! ‘t Gebeurde de prins oet ’t Zjwamerlandj Same mit ziene Beeselse adjudant Toen zoot d’r nag mer ein dink op: Gewuuën efkes duuje, Ron en Rob!

Baoveboew:

prinses Jelita Knols en prins Bjorn Scheffer

Gezónje zelfsjpot De sjpreuk van de prinses van St. Lucia: Deze vastelaovend waert ouch cool zónger tenj in de moel!

Óngersjeije Al sinds jaor en daag sjteit Ruud Levels paraat oppe zónjig van de Bontje Revue óm mit de keepersploog de ganse santekraom aaf te braeke en op te rume. Nog gènne eine kier haet d’r euvergesjlage. Mer veurig jaor ging ‘t ech neet angers; net det weekend waas d’r op vekansie. Det haaj waal get twiefel mit zich mitgebrach, want ja, hae mós zien troewe kammeräöj in de sjteek laote. Op dae bewuste zónjigmiddig krieg d’r op vekansie ‘n sms-je van ein van de angere keepers. “Och god,” dink d’r, wie d’r zuut van waem ‘t berichje is, “dao höb se ’t al, die kènne det gaar neet aaf zónger mich.” Mer es d’r ‘t berichske äöpent, is de teks alleszègkend: “Zoeë Ruud, veur höbbe lang mótte wachte toet desse eindelik ‘ns op vekansie gings. En noe kriege veur ós óngersjeijing!”

Óngerboew:

prinses Suus Konings en prins Bas Steeghs Baoveboew:

prinses Lieke Geraets en prins Ferd Beek Ech ’n plaetje, toch?

Zeuk de 6 versjille


(mini)Containers verhuur ● Minigraver verhuur Machine verhuur ● Aanleg & verkoop bestratingen Zand- grind handel

www.hetgemakvaneenbak.nl 06-29067524 Ervaar het gemak van een bak!

Bussereindseweg 15, 5954 CE Beesel Tel. 077 - 4743170, GSM 06 - 55333433

To m S t e m k e n s

Wilt geur op de huuëgte blieve van ‘t allerlètste vastelaovesniejts? Volg ós den op www.CVdeDrake.nl

&

Joosten Thijssen v.o.f. Bestrating - Pflasterung

Schoolberg 16 5954 AR Beesel Tel. 077-4742473 Fax 077-47424731

H. Joosten Autotel. 06-53354929

P. Thijssen Autotel. 06-53354930

Facebook.com/cvdedrake

Wok Buffet & Showcooking Past. Vranckenlaan 112, 5953 CS Reuver T 077 474 65 69, www.orientaldelight.nl

Agtersloot Hydraulisch Advies

Th ij s Ve r s t a p p e n

Twitter.com/cvdedrake


Gratis is nag lang neet veur nieks Huub en Ruud Levels haaje, ómdet de kinjer al oet de pampers zin, ein winkelke op Marktplaats gezatte waat gratis aafgehaold kós waere. Ze vonje ’t zelf sjoeën as angere kinjer net zoeväöl plezeer aan det winkelke koste kriege as häör eige sjproete. Nao eine daag of twieë, waerde d’r gebeld en Ruud naom nieksvermoedend de tillefoon op. ‘t Volgende gesjprek speelde zich aaf:

Draaksjtaeke noe al verlierd? ’t Draaksjtaeke, det duurt nag effe, mer óm ’t neet te verliere höbbe de sjpelers zich weer biejein gepak en same geoefend. Ze kóste ’t toen neet laote óm natuurlik ouch ‘n veursjtèlling te haje. En die veursjtèlling waas bie de Floriade. Ein groeët sjpektakel waas ‘t dao in Venlo. ‘t Leek hielemaol good te gaon; de draak waas alik aangekómme en alle sjpelers ware dao, gans ingelaef in häör rol. Mer ‘t kós natuurlik neet angers, den det d’r get fout mós gaon. En det nag waal bie ózze eige Sint Joris. In ‘t sjpel mót dae Joris eine vès aope sjnieje. Det gebeurt normaal gesjpraoke mit ‘n mets, mer helaas, dat waas d’r net kwietgeraak. Tja, oeps… ’t sjpel mót gewuuën doorgaon. Hae mós get improvisere, en waat liek d’r op ein mets? Juus, ‘ne wortel! Hae griep zich de ieërste de bèste wortel dae d’r taegekump oppe Floriade en sjniet d’r zoeë de vès mit aope. Waat dae Joris neet allemaol mit ‘ne wortel kèn doon!

Ruud: Goeiemorge mit Ruud. H.A: Goedemorgen met H.A. uit Sjwolle, ik gehoord u heeft winkeltje. Ruud: Dat klopt. H.A.: En u zegt, dat is gratisch mefrouw. Ruud: Ja mijn man heeft dit op Marktplaats gezet en kan gratis worden aafgehaald. H.A: Luister mefrouw, ik kom helemaal uit Sjwolle om winkeltje te hale. Dus, gratisch is gratisch geen flauwelkoel. Ruud: Misschien dat u anders beter even kunt bellen als mijn man thuis is. H.A.: Mefrouw, u moet goed luisteren. Ik kom uit Sjwolle met mijn Merkedes om winkeltje op te hale gratisch en moet nu op man wachte en dan belle? Ruud: Graag, mijn man weet hier alles van. H.A.: Ik bel truuk strakkes als man thuis is. Goeiedag mefrouw. Ruud: Dag meneer. Ruud ‘n klein bietje van sjlaag euver dae miens dae net haaj gebeld, kroop geliek in de tillefoon en belde Huub op zien werk op. Huub, de rös zellef, zooj det sjtrakkes waal oplosse. Toen Huub thoeës waas ging weer de tillefoon. Mer noe pakte Huub de tillefoon. Huub: Mit Huub, goeienaovend. H.A.: Goede avond met H.A. uit Sjwolle, ik gehoord u heeft winkeltje. Huub: Daag Theike, ich wis neet des doe nag mit ein winkelke deejs sjpele, mer doe moogs det gerös gratisch kómme ophaole. Theike: Sjoeën hè, óm vrouwluuj zoeë op de kas te jage. Zorg mer desse diene knómmel kwiet waers. Hoije! Veur diegene die nag op zeuk zin nao ein winkelke: num iers effe mit Huub contact op, misjien is ’t nag gratis.

Maak mer gewuuën euver, oma! Internet, e-mail, Facebook, Twitter, sms, Whatsapp... Communicatie anno 2013 verlöp veurnamelik digitaal. Mer eh... veur doon dao neet aan mit! Es vanaads is dees gezet weer aajerwèts gedrök op papier, zoeëdet geur gewuuën saoves oppe bank kènt blajere en alle gekke en biezónjere verhaole kènt laeze. En nae, ze zin neet via ein of angere app oppe iPad nao te laeze. En wilt geur get ‘laike’, den mót geur ós gewuuën efkes aansjpraeke of ‘n mailtje sjture. Bie de twieëde veursjtèlling waas de aaje wieze de raekenlesse van de basissjoeël door de sjpanning vergaete. ’t Publiek moch namelik mitsjpele in ’t sjpel van ’t Draaksjtaeke. Den kump d’r ‘n moment det de aaje wieze zaet: “miense gank bie de persoeën sjtaon, dae geur vinjt det ózze nieje leider mót waere!” ’t Volk, same mit ’t publiek, verdeilde zich euver Graad en Michel. En tja, Michel sjtraolt noe einmaol get mier leidersjap oet, dus zoeëget ’t ganse publiek van de Floriade kaos toch ech veur Michel. Graad haaj allein twintig verdwaalde boetelenjers bie zich sjtaon die d’r gèn hout van sjnapde, Michel zon twieëhóngerd. Mer nae, de Aaje Wieze, zoog gèn mierderheid!

Noe zin veur mit ós vastelaovesgezet missjien lekker aajerwets, veur de res geit dees digitaal revolutie ónvermindjerd wieër. Oppe basissjoeël beveurbeeld! Want waat is ós ter oeëre gekómme? De sjoeëlrapporte zin digitaal! Ze waere neet oetgereik aan de kinjer die ‘t vervolges thoeës en aan alle opa’s en oma’s, vrunj en bekènde kènne laote zeen (of veur häör versjtoppe, ligk ’n bietje draan wie de ciefers droet zeen), mer gemaild nao pap en mam. Dus in plaats van gauw mit rapport nao opa en oma te renne, kènne ze ‘t noe gewuuën doorsjture. Mit eine druk oppe knoep. En ‘t tientje det oma altied in de henj duujde? Det kèn ze noe net zoe good drek euvermake. Gewuuën, efkes telebankiere. Net zoeë gemekkelik...

• Det de zanggroep van de Bóntje Revue dit jaor 3 x 11 jaor besjteit? • Det die ’n cd höbbe oetgebrach ter gelegenheid hiejvan? • Det dao op geweun angers waert gesjreve en angers gewuuën? • Det geweun namelik Zjwamers is en gewuuën Beesels? • Det d’r ’n niej book is versjene euver ’t Draaksjtaeke? • Det ’t Draaksjtaeke noe is opgenaome es immaterieel erfgood? • Det ós Beeselse tradisie daomit op ’tzelfde lieëske sjteit es beveurbeeld Sinterklaos? • Det veur ós aafvraoge of veur ieërsdaags den ouch ‘ne nationale St. Jorisdaag of Drakedaag kriege? • Det veur zelfs pleite veur allebei, omdet veur bès veursjtenjer zin van twieë extra fieësdaag per jaor? • Det d’r sinds kort ’n óngersjeijing is veur miense die get speciaals beteikene veur de Beeselse vastelaovend? • Det ’t ongertösse juus speciaal is as se nog gén ongersjeijing höbs? • Det die veurig jaor namelik as werme bruuëdjes euver de toeënbank ginge? • Det veur in Beesel ‘ne echte held höbbe? • Det det Jack Nijskens van de vergaete greuntes is? • Det dae namelik is oetgerope toet Nederlandse Held van de Smaak? • Det d’r euver sjmaak te twiste vèlt? • Det veur Jack desondanks van herte wille felicitere mit zien oetverkezing? • Det de gemeinte Beesel ’n echte ‘greune’ gemeinte wilt waere? • Det ’t de bedoeling is det òs gemeinte binne ’n paar jaar klimaatneutraal waert? • Det ze missjien kènne beginne mit ’n waterkrachcentrale aan te lègke biej die fonteine oppe Ruiverse Mèrt? • Det ze den missjien die investering in dae sjteine plàk dao ’n bietje truuk kènne verdene?

Sjoeëne sjlaopster Det vastelaovend vermeujend is, det hove veur uch neet te vertèlle. Ouch Tessa kwaam drachter det ’t róndj aetestied op vastelaoveszónjig eigelik al nimmer wier kós. Het haaj mit zien vriendinne aafgespraoke óm effe ‘n uurke nao hoeës toe te gaon óm get te aete, mer óm 7 oer mós ‘t weer truuk zin, want den zooj ‘t mit de bös nao de Ruiver gaon óm dao de prins te felicitere. Toen idderein in de bös zoot, waar d’r nag sjtieëds gèn Tessa te bekènne. Sanne en Daisy pleegde waal tieën tillefoontjes, mer Tessa naom neet op. Toen ze truuk in Beesel kwame, sjting Tessa al klaor in de Maashaof. De maedjes ware kei óngerös en ginge geliek nao Tessa toe. Waat bleek, Tessa waas ónger ‘t werm make van häör brueëdjes in de aove, heerlijk naeve dae werme aove oppe gróndj gaon ligk en in sjlaop gevalle. Toetdet ’t get vraemp begós te ruke nao aangebranjde brueëdjes. De volgende kieër mer zaachte brueëdjes en lekker ‘n kösse neerligke, ligk waal zoe lekker. En den höb se neet van die aafdrökke in diene sjmienk sjtaon van wao ze op diene erm höbs gelaege!


www.vekabo.nl/eyveld

Beh a na a ndelin g fspr aak

Jo s C ox

R ic k Fr a n s s e n

Markt 4 Beesel T 077 476 22 73 www.ha-ries.nl


Sjpannende ónthulling

Vraemde geluide

Idder jaor is ‘t sjpannend waem in de finale van ‘t LVK sjteit. Van de vaste sjare fens, die ‘t ganse gebeure volge vanaaf de ieërste liedjes die oppe radio te huuëre zin, toet de potentiële finaliste die al nachte wakker ligke of häör liedje ‘t dit kier haet gehaold. De ónthulling gebeurt nogal officieel.

Vastelaovend 2012. Jackie van Geerlings en ziene zoon Joppe zien nog oppperhoof en reserve-opperhoof van de Bongerd. ’t Is de tied det d’r nog mit paarse muntjes betaald kèn waere bie de Herberg en det èlke kamer ‘ne sjpiksjplinternieje flatscreen aan de moer haet hange. De lètste leje van de CV zien de deur oet gevaeg en de meiste rotzooi is aan kantj.

Mer ‘t veurig jaor waas de lieës al van teveure oetgelek. Net wie de miljoenenota van ‘t kabinet idder jaor, zègk mer. Net veur de officiële bekendmaking sjting de lieës mit finaliste al op ‘t waereldwieje web. Consternasie alóm, ‘n paar groeëte favoriete haaje ‘t neet gered, de teleursjtèlling waas groeët. Bie de organisatie heersde veural paniek. Wie ken det noe, waem is hiej neet te vertroewe? Of zooj de computer zien gehack?

Nao ’n goej broelof bie Heidenheim wilt Ronald S. oppe fiets sjtappe, richting dörp óm lekker in bèd te kroepe. Mer óm mit de fiets weg te kènne rieje, höb se ‘ne sjleutel nuëdig. En laot Ronald dae noe net kwiet zin... Dus geit hae op zeuk. In de duuster, mit bès get pilskes achter de kieze, det zin natuurlik neet de bèste ómstandighede. Zien sjpeurtoch levert den ouch helaas nieks op. Hae sjpringk bie emes achterop, zoeëdet d’r toch thoes kump en sangerdaags kump d’r truuk óm ’t sjlaot door te zaege. En, zal se altied zeen, efkes later vinjt d’r warempel ziene sjleutel truuk! Neet bie Heidenheim, mer geweun aan de sjleuteleboes. Dao haaj d’r ‘m namelik aan gehange zodet d’r ‘m neet kwiet zooj waere…

Welcome Home Ja ja miense, veur höbbe in de zomer ein beroemdheid in Beesel gehad. Natasja Froger waas te vinje in ós eige Riekel. Dao waerde namelik ein kamieëleboerderie opgeknap die net zoeë sjaemel d’r oet zoog es Natasja zelf. ’t Programma wao ’t óm geit, hit ‘welcome home’. De bedoeling is det vrunj en kènnisse oet ’t eige dörp mithelpe óm de boel op te knappe. Dit waerde den ouch netjes zoeë vertèld oppe tillevisie. Mer toen gans Beesel nao ’t programma ging kieke, kós gèn miens die luuj die aan ’t helpe ware. Det ware zeer zeker gèn Beeselse of Riekelse… Zoeë zuus se mer desse zeker neet alles waat oppe tillevisie kump mós geluive!

Gewuuën truukzjweije Jan van de Moes ging same mit Leon van de Heuvel in Arcen ‘ne nieje optochwage haole veur Mazes Mina. Ein klus dae dees twieë sjterke mansluuj waal is toevertroewd. Teminste, det zooj se dinke. Mer det bleek moeilikker es gedach. Óngerwaeges verlaore ze namelik eine bandj, ein bank die op de opligker sjting en eine balk. Det is op zich al bès knap. Zeker esse det zelf neet èns in de gate höbs en dao pas achter kumps esse in Beesel truukkumps! En toen bleek ouch nog det eine bandj van de velg waas geloupe en ze de ganse waeg euver ‘t iezer haje gereje. Wie ze zoge det ze de lajing ware verlaore, sjnapde ze inèns ouch waoróm de miense naeve de waeg allemaol de ganse tied nao häör zjweijde. Jan en Leon, die vrolik nao al die vrunjtelikke miense truuk haje gezjweijd, haje zich det waal al aafgevraog, mer vónje ‘t eigelik gans logisch. Twieë zon knappe kaerels... Bekómme van dit avontuur, manoeuvreerde ze ‘t gevaarte richting de Sjmeed, wao de wage in de graasj mós. Det waas veuraaf oeteraard zorgvuldig gemaete. Of toch neet, want de ker bleek 5 cm breijer es gemaete en det pasde dus veur gènne maeter nao binne. Noe sjteit ‘t geval boete te wachte op ‘t moment det d’r waert opgekallefaterd. In de optoch kènt geur haopelik zeen waat ‘t gewaore is!

Wicky duit wónjere Tieën jaor Maashaof, ’n gelegenheid óm neet zoeëmer veurbie te laote gaon. Det dache Marion en Frans ouch en dus hele ze ‘ne fieësaovend mit beer van noe taege prieze van toen. En geluif ós, dao zin hieël get vater doorhaer gejas dae aovendj. Menigein ging neet gans nuchter nao hoes en höbbe ‘t waarsjienlik minstens sangerdaags nog waal geweite omdet ’t köpke waal erg pien deej. Op ’t lèts van deze gesjlaagde aovendj dach Marion: kóm, ich ruum efkes alles netjes op. Merre… waat zoog ’t dao in de achterbouw oppe mansluujwc ónger de deur door net wie ‘t ’t leech dao oet wool doon? ’n Paar veut? Zoot dao nag emes op…? Noe is Marion neet sjoew aangelag, mer óm noe ‘ne kaerel van de wc te gaon haole midde in de nach, det ging zelfs Marion te wied. En dus trómmelt ’t manlief Frans oet bèd óm poolshuuëgte te numme. Frans, nag half in sjlaop, ramt die deur aope en kiek nao ’n aandoenlik tafereel: dao zoot Tim Hendrix van de Bacchusklup, dae heerlik in sjlaop waas gevalle. Hae haaj de bóks nag aan, dus waarsjienlik is dae van al det plasse door ‘t goodkoup beer zoeë meug gewaore, det d’r efkes mos gaon zitte óm te röste veurdet d’r weer wier kós. Hae haaj onnog ’n klein kedootje achtergelaote veur de poetsploog. Wie ze Tim oet det ing hökske haje bevried, bleef d’r half veur pampus op ‘ne sjtool hange. Frans waas neet van plan óm ‘m onnog thoes aaf te levere; dae waas sjoew veur ’n dure raekening van de sjtoumerie veur de bekleijing van zien achterbank. Dus waerde ziene vrundj en Bacchusklupcollega Siem Hillekens gebeld. Ouch dae loog al in bèd, mer kwaam toch zien lekker werm nes oet óm Tim thoes te bringe. Det is toch echte kameraodsjap. Siem wool Tim achterop de fiets zètte, mer det lökde neet. Hae waas neet in sjtaot zich vas te haje en dreigde d’r binne ‘ne mater aaf te dondere. Mer Siem waas op alles veurbereid. Hae haolde zien geheime waopen oet de binnetes: ’n pekske Wicky appelsap. Tim drónk dit op en waas inèns weer vol nieje energie. Hae is kipfit naeve de fiets nao hoeës gerend…! Maoh, haje veur det mer gewete, dach Marion. Want bie de Maashaof gèn gebrek aan appelsap, onnog verse! Dus ‘ne tip veur idderein dae te deep in ’t glaeske haet gekeke: ’n glaeske appelsap duit wónjere taege ‘ne kater!

Oet deze puzzel is ein sjtökske gevalle, mer d’r ligke d’r veer! Wèts dich welk sjtökske in de puzzel pas? Antjwaord d

Sjleutelsjpeurtoch

Nae huuër, nieks van det alles. Eine Beeselse, Martijn K, in ’t dageliks laeve trompettis bie de Drakekapel, bleek ‘n geintje te höbbe oetgehaold en haaj de lieës mit finaliste vervals en online gezatte, zoeëgenaamd vanoet de sjtichting LVK. Waal lullig veur degene die al sjtinge te juiche en noe oeteindelik toch neet veur ‘n paar doezjend miense blieke te moge optraeje…

Joppe wilt net de toko gaon sjloeëte as d’r baove gesjtómmel huuërt. Noe is Joppe neet erg sjoew aangelag, mer as hae vervolges piano-meziek huuërt vanoet de bieb, begint d’r toch ’n bietje te razele. Gewaopend mit ‘ne baezem sjluup d’r de trap op. De meziek klinkt sjtieëds heller en minder zuver. Behoedzaam löp Joppe nao de deur van de bieb en kiek veurzichtig óm de hook. Óm dao Niek van Deuzen en Frank Leenders same achter de piano te zeen zitte en de bèste vastelaoveshits van de Holy Goats en Beppie Kraft te zeen jengele. Nae, ’t sjpoeëk van de bieb bliek veurluipig neet te besjtaon.


Wis geur…

Zoe wiet geur hie ónger kènt laeze, is d’r gènne vastelaovend zónger de inzèt van talloze vriewilligers die vastelaovesactiviteite organisere veur jónk en aad. Gaer sjtèlle veur de Raod van Ellef en de Drakekapel van CV de Drake aan uch veur:

Raod van Ellef

De Drakekapel

Vors:

Frank Hendrix

Kepélleider:

Paul van Herten

Prins 2012:

Maurice II (Maurice Crins)

Kepélleider (verv.):

Ton Reijnders

Adjudant 2012:

Sjoerd Claessen

Veurzitter:

Henk Nijssen

Veurzitter:

Marcel Aspers

Penningmeister:

Marcel Aspers

Sikretaris:

Leonie Simons

Feep:

Ton Reijnders

Penningmeister:

Maarten Driessen

Saksefoon:

Algemeine zake:

Franc Janissen en Gerard Peters

Cirremoniemeister:

Patrick Aspers

Joris Aben, Karin Aspers, Nandy Geerlings en Moniek Hebben

Raodsleje:

Träöt: Harald Boots, Ron Crins, Roland Grooten, Jack Ickenroth, Frank Leenders, Frank Luttels, Bariton: Tom Reijnders, Albert Scheffer, Mark Selen, John Simons, Roy Smeets, Richard Staaks, Bas: Cor Vulders, Mark Weijers, Sjuuftrombaon: Luuk Wilms en Ralph Wilms Sjlaagwerk:

Jeroen Aben, Jan Jaap Heldens, Martijn Kersten, Wendy Roeffen en Frank Suntjens Sjoerd Lamers, Jan Nijssen en Marcel Vervoort Theo Nijssen Paul van Herten, Henk Nijssen en Thijs Verstappen Marcel Aspers, Niek van Deuzen en Maurice Hebben

Bie wieze van sjpraeke ‘Det sjtik d’r mit kop en sjóttel baovenoet’. Of: ‘’t Achterste van dien tenj laote zeen’. En: ‘Ich kèn gèn iezer mit henj sjmede’. Sjpraekwäörd zin d’r zat, mer sjteeds dökker velt ’t op det miense neet precies mier weite wie det ouch alweer inein sjtik en dao ’n zeer creatieve eige versie van make, zowie dees hiejbaove. Want ze kómme ech veur! In tillevisieprogramma’s, zelfs niejslaezers huur ich regelmaotig dit saort oetsjpraoke doon. Noe mót ich natuurlik d’r bie zègke det ich ‘ne taalfanaat bön van de baoveste plank, dus mich valle zón dinger extra op. En ich vinj ze hilarisch! Gelökkig kènne de typisch Beeselse gezègkes ós neet zoe vlot óntgaon. Iddere maondj ligk ózze dialecgoeroe Paul Bloemen ’n Beesels waord, begrip of oetdrökking toe in ’t Beesels Blaedje. Zoeëdet veur waere behoed veur dit saort versjpraekinge. In dees gezet höbbe veur ’n ganse eige serie van Beeselse sjpraekwäörd en oetdrökkinge op de waereld gezat. Mit Beeselse figure, locaties en gebeurtenisse in de houfrol.

Uiteraard mit ‘ne knipoug, dus num ’t veural neet te serieus! Net wie de vastelaovend, dae veur ouch mit ‘ne knipoug belaeve. Dae tied kump d’r noe weer aan. Same mit de miense die ós leef zin ’n pilske te pakke aan ’t buffet of nao de optoch kieke en weer ‘ns bieklenjere mit dörpsgenote. En laot ós den ouch gerös ‘ns ’n versjpraeking make, dao ligk nemes wakker van. Höbbe veur weer get óm same mit te lache. Same, zoeë wie veur det doon in Beesel. Laote veur same de Draak sjtaeke mit ’t laeve van alledaag en de vastelaovend van 2013 richtig viere. Mit alle Drake en Drakinne same. Nou ja, bie wieze van sjpraeke den… Want zoeväöl man kriege ós kefees neet geherberg. Num ’t mer mit ’n körrelke zaat allemaol…! Vastelaovend same! Houfredactie de Draaksjtaeker

• Det de raod en kapel dit jaor weer voele was höbbe gehad? • Det det veurnamelik bie de femilie Aspers ‘t geval waas? • Det zoon Sem is gebaore bie Karin en Patrick en dochter Nova bie Marcel en Maud? • Det det ouch hieël verwarrend kèn zien? • Det Maud namelik ‘n kaart kreeg veur dochter Nova, gerich aan Marcel en Karin? • Det de kapel nog veur mier oetbreiding haet gezorg, namelik zoon Sebas van Thijs en Simone? • Det d’r nieje aanwas is bie de raod in de persoeën van Tom Reijnders? • Det d’r ouch weer jubilarisse zin bie de raod en de kapel? • Det Frank Hendrix en Albert Scheffer allebei 1x11 jaor bie de raod zin? • Det de breurkes Nijssen, Jan en Henk, allebei mer leefs 3x11 jaor bie de kapel zin? • Det Marcel, dae veurig jaor zien 2x11 jäörig jubeleum haaj, zien eige medalie haet mótte koupe? • Det d’r es penningmeister van de kapel ouch al zien eige kedootje haaj motte betale? • Det aadprins Roy I de lètste waek van zien prinssjap in de kreukels loog? • Det d’r toen nog ‘n noodscenario is bedach vanwaege zien gekneusde peutje? • Det daezelfde Roy op vekansie ‘ne blunder maakde? • Det hae 10 km naodet d’r waas weggereje van ‘n rösplaats, opèns zien sigarette misde? • Det ouch zien beurs ónvinjbaar bleek? • Det d’r opèns in de achteroetkieksjpegel get zuut wappere? • Det zien beurs mit zien sigarette nog op ‘t daak van de auto loge? • Det d’r paniek waas oppe daag van de brunch van prins Maurice? • Det de tap namelik finaal waas bevraore? • Det Gerard al ‘n jaor zien surroundset haet aangesjlaote? • Det dao ‘n verdomd good geluidje oetkwaam? • Det d’r d’r toen pas achter kwaam det de basbox gaar neet waas aangesjlaote? • Det veur ós aafvraoge of dao neet waert gepoets? • Det de cirremoniemeister op Marktplaats mós laeze det d’r ziene sjtek kwiet waas? • Det d’r dae gelökkig waas vergaete op ‘n intern fieësje, wao zien collegaraodsleje ‘m veilig haje opgeborge? • Det daezelfde cirrenomiemeister vanoet zien hoes aan de Wittebergsjtraot ‘ne sjoeëne taxi nao ’t dörp dach te regele? • Det hae Ron Crins veurbiej zoog kómme dae ‘m genereus aanbooj mit te rieje in ziene auto? • Det d’r al aan de late kantj waas en dus gaer insjtapde? • Det Ron echter neet richting dörp reej, mer Prins Maurice en adjudant Sjoerd ging oppikke oppe Hollewaeg? • Det zie vervolges van dao oet gezamelik nao ’t dörp zoje loupe? • Det Patrick dus nog wier van hoes (en van ’t dörp) waas as iers? • Det mer weer bliek desse neet zoemaar in ‘ne zjwarte taxi mos insjtappe? • Det geur uch in september vas waal höb aafgevraog waoróm d’r toch zoeëväöl miense mit de bein wied oetein door ’t dörp lepe? • Det det daags nao ’t oetsjtepke van de CV zal zin gewaes? • Det de meiste namelik neet ware opgewasse taege de mechanische sjtier dae ze mosde bedwinge? • Det adjudant Sjoerd sinds aafgeloupe vastelaovend ‘ne sjmalere kop haet gekrege? • Det hae det te danke haet aan zien enthousiasme bie de Drakekapel en ouch ‘n bietje aan Ron Crins? • Det hae mit ut oetrope namelik tusse de deksels is gekómme tiedes ‘t sjpele van de knaller van de Drakekapel ‘Oppe Lollie’? • Det veur burgemeister Petra Dassen, Fred Geraets, Piet Heldens en alle angere die op welke wieze den ouch höbbe biegedrage aan dees edisie van herte wille bedanke? • Det veur idderein ‘ne supersjoeëne vastelaovend toewinse!

Profile for cvdedrake

Draaksjtaeker 2013  

Bie wieze van sjpraeke

Draaksjtaeker 2013  

Bie wieze van sjpraeke

Profile for cvdedrake