Escuela de Formación sindical y política Redondo-Pichi
MANUAL EXPEDIENTES DE REGULACIÓN D’EMPLEGU DESPIDU COLEUTIVU
Corriente Sindical d’Izquierda
Escuela de formación sindical y política Redondo-Pichi
ÍNDIZ: DIFERENCIACIÓN ENTE DESPÍU OXETIVU Y COLEUTIVU ................................................................................... 3 CAUSES .............................................................................................................................................................. 4 ECONÓMIQUES.............................................................................................................................................. 4 CAUSES TÉCNIQUES, ORGANIZATIVES O DE PRODUICIÓN ............................................................................ 5 PROCEDIMIENTU ............................................................................................................................................... 5 COMPOSICION DE LA COMISION NEGOCIADORA ......................................................................................... 5 PROCEDIMIENTU ........................................................................................................................................... 6 DOCUMENTACION A ENTREGAR A LES Y LOS REPRESENTANES DE LES Y LOS TRABAYADORES ................... 6 CAUSES ECONOMIQUES ............................................................................................................................ 6 CAUSES ECONÓMIQUES, ORGANIZATIVES O DE PRODUICIÓN ................................................................. 7 TRAMITACION DEL PROCEDIMIENTU ............................................................................................................ 7 ACTUACION ALMINISTRATIVA ................................................................................................................... 7 PERIODU DE CONSULTES ........................................................................................................................... 7 CALENDARIU NEGOCIADOR....................................................................................................................... 7 DOCUMENTACIÓN DE LOS CONCEYOS ...................................................................................................... 8 MODIFICACIÓN SUSTANCIAL DE CALTER COLEUTIVA ....................................................................................... 8 EXPEDIENTES DE REGULACIÓN DIENTRO’L CONCURSU .................................................................................... 9
2
Escuela de formación sindical y política Redondo-Pichi
MANUAL D’EXPEDIENTES DE REGULACIÓN D’EMPLEU DESPIDU COLEUTIVU
DIFERENCIACIÓN ENTE DESPÍU OXETIVU Y COLEUTIVU Tienen en común la necesaria concurrencia de determinaes causes: económiques, organizatives y de produición, la so diferenciación depende de dos variables. - Tamañu de la plantilla - Númberu de trabayadores Nes plantilles de menos de seis trabayadores, necesariamente ha siguise procedimientu de despíu oxetivu de calter individual. En cuantes al tamañu de la plantilla, l’art 51-1 ET señala los umbrales de trabayadores afectaos y afectaes pa afitar la diferenciación: a) 10 trabayadores n’empreses que ocupen menos de 100 b) 10% ente 100 y 300 c) 30 n’empreses de más de 300 La unidá de referencia dientro la nuesa llexislación ye la empresa, na normativa comunitaria afítase’l centru de trabayu. En casu de grupu empresarial mercantil, la empresa empleadora y nel casu de grupu llaboral, el grupu empresarial nel so conxuntu. El períodu de referencia de 90 díes, cuéntase dende’l despíu del trabayador p’atrás como regla xeneral, salvo apreciación d’otres circunstancies que dieren llugar a la declaración de fraude. La diferencia básica ente estes dos modalidaes tá fundamentalmente na tramitación, el despíu coleutivu precisa consulta y negociación cola representación de les y los trabayadores y unes obligaciones informatives y documentales que nun requieren los despíos oxetivos de calter individual, menos, evidentemente de lo que se afite nos correspuendientes convenios coleutivos, que pueden aumentar les desixencies afitaes llegalmente. Otres diferencies importantes son la supervisión de l’autoridá llaboral (nun autoriza, namás furrula como un supervisor de la llegalidá), determinaes previsiones llegales 3
Escuela de formación sindical y política Redondo-Pichi
específiques pal despíu de calter coleutivu (plan de recolocación externa si son más de 50 trabayadores afectaos y afectaes, financiación de cuotes del conveniu especial cola seguridá social a mayores de 55 años…) y un procedimientu específicu d’impugnación.
CAUSES ECONÓMIQUES
Desíxese una situación económica negativa. Conceutu que se interpreta polos tribunales sigún el casu. L’artículu 51 ET refier: “cuando de los resultaos de la empresa se desprenda una situación económica negativa, en casos talos como existencia de pérdes actuales o previstes, disminución persistente nel nivel d’ingresos ordinarios o ventes. En tou casu, entenderáse que la disminución ye persistente si mientres tres trimestres consecutivos el nivel d’ingresos ordinarios o netos de cada trimestre ye inferior al rexistráu nel mesmu trimestre del añu anterior.” Importante señalar la sentencia de l’Audiencia Nacional de 9 de payares de 2013: “en tou casu, nun correspuende a les y los xueces fiscalizar si la xestión de la empresa foi o ye l’afayaíza, lo que queda fuera del so ámbitu de control, nin sustituyir les midíes decidíes pola empresa nel exerciciu de la so llibertá económica”. Tamién, la sentencia del TS 12 mayu 2015 n’orden a la competencia de les y los xueces sobre’l control de l’afayamientu razonable ente causes y midíes. En cuantes a les perdes, han d’existir nel momentu d’empezar l’ERE, ser actuales, y de calter importante pa la viabilidá empresarial, que nun seyan puntuales o circunstanciales. La preba correspuende a la empresa y ha d’apurrise lo mesmo na ellaboración de la memoria que na entrega de la preceptiva documentación. En cuantes a la disminución del nivel d’ingresos ordinarios o ventes. Éstes han ser oxetives y reales, non sobre previsiones futures y sobre la situación actual, non sobre situaciones pasaes. Como regla xeneral, entiéndese que ye persistente si mientres tres trimestres consecutivos, el nivel d’ingresos ordinarios o ventes de cada trimestre, ye inferior al rexistráu nel mesmu trimestre del añu anterior. Esta ye la vía empresarial pa xustificar un ERE por causes económiques cuando nun existen perdes, “la SAN 11 marzu 2013, declara que una disminución continuada d’ingresos acabará inexorablemente en perdes de nun afayase les midíes afayaíces” y d’ahí ábrese la vía empresarial. 4
Escuela de formación sindical y política Redondo-Pichi
CAUSES TÉCNIQUES, ORGANIZATIVES O DE PRODUICIÓN
Pueden invocase de manera aisllada o en grupu. TECNIQUES: Cambios de medios de produición: renovar maquinaria (llínies o fabricación…), informatización de los sistemes de trabayu (instalación d’ordenadores que execute’l llabor de les y los trabayadores), implantación de nuevos sistemes, programes o aplicaciones informátiques (implantación d’un sistema informáticu central que suprima los periféricos…), ente otres. ORGANIZATIVES: Cuando se producen cambeos na estructura organizativa de la empresa, nel furrulamientu de sistema de trabayu o mou d’organizar la plantilla que derive n’excesu de plantilla, siempre cola xustificación de facese n’orden a un meyor aprovechamientu de recursos. Exemplos: reordenación d’un departamentu, pieslle de delegaciones o centros de trabayu, reorganización o fusión d’empreses, cambeos d’actividá, ente otros. PRODUICION: Cambiar na demanda productos o servicios que la empresa pretende colocar nel mercáu. Descensu del volumen de pidíos ye’l más xeneral y suel dir xunto coles causes económiques, tamién la descentralización productiva (externalización d’actividaes) o perda de contrates.
PROCEDIMIENTU COMPOSICION DE LA COMISION NEGOCIADORA
Máximu de 13 miembros por ca una de les partes intervinientes nel períodu de consultes. Ha constituyíse previamente a l’apertura del periodu de consultes. Plazu máximu de 7 díes pa la so constitución dende la recepción de la comunicación empresarial, salvo que nun existan representantes de les y los trabayadores, entos 15 díes. Cuando’l procedimientu afeuta a un únicu centru de trabayu, la intervención como interllocutores correspuende al comité d’empresa o delegaos/es de personal, si nun existen nómbrase una comisión de máximu de tres miembros, ente trabayadores de la empresa o los sindicatos más representativos del seutor (miembros designaos polos sindicatos). 5
Escuela de formación sindical y política Redondo-Pichi
Si afeuta a más d’un centru de trabayu primero, comité intercentros si tuviere atribuyía esta función; y segundo, comisión representativa compuesta poles y los representantes llegales de les y los trabayadores o les y los miembros de la comisión, cuando estos nun existen. Si’l númberu total de toos ellos supera los 13, elexiráse ente ellos un máximu de 13 en proporción al númberu de trabayadores que representen.
PROCEDIMIENTU
El procedimientu como talu entama cola comunicación y apertura a la representación de les y los trabayadores pola empresa, una copia de la cual faeráse llegar a l’autoridá llaboral. Xunto col escritu, facilitaráse la información necesaria pa que’l períodu de consultes pueda algamar los sos fines, ello ye, que permita a les y los representantes de los trabayadores facese una composición de llugar y en condiciones de formular propuestes constructives en tiempu hábil. Esta información nun puede eludise anque la empresa tea en procesu de lliquidación. Información ineludible que tién que aparecer na memoria: - Númberu y clasificación de trabayadores afectaes/os y d’empleaes/os habituales na empresa - Criterios seleutivos pa designar a les y los trabayadores afeutaos - Períodu pa la realización de los despíos DOCUMENTACION A ENTREGAR A LES Y LOS REPRESENTANES DE LES Y LOS TRABAYADORES CAUSES ECONOMIQUES
a) Cuentes añales de los dos últimos exercicios económicos completos, integraes por: balance de situación, cuenta de perdes y ganancies, estáu de cambeos nel patrimoniu netos, memoria del exerciciu e informes de xestión. Nun ye relevante que les cuentes nun tuvieren sellaes sinon ye pa discutir la so autenticidá (SAN 15 xunetu 2013). Les cuentes han tar debidamente auditaes cuando tengan obligación llegal de facelo. b) Cuentes provisionales al entamu del procedimientu roblaes pol o l’alministradora o representante de la empresa. 6
Escuela de formación sindical y política Redondo-Pichi
En casu de previsión de perdes o disminución persistente d’ingresos, desíxese documentación específica que acredite de manera oxetiva tales causes. Nel casu d’Alministraciones Públiques, sigún los artículos 39-40 y 45 RD 1483/12: memoria, presupuestos de los dos últimos exercicios, certificación del o la responsable de la oficina presupuestaria, plantilla, plan d’ordenación de recursos humanos y cualesquier otru que xustifique la midía extintiva.
CAUSES ECONÓMIQUES, ORGANIZATIVES O DE PRODUICIÓN
Han apurrise los correspuendientes informes téunicos. Nel casu d’Alministraciones Públiques: memoria, plantilla, plan d’ordenación y cualesquier otru que xustifique la midía. TRAMITACION DEL PROCEDIMIENTU ACTUACION ALMINISTRATIVA
Comunicación a la Direición Xeneral de Trabayu que recabará informe a la Inspección de Trabayu PERIODU DE CONSULTES
La previa negociación de la midía extintiva ye un trámite esencial e ineludible pal procedimientu del despíu coleutivu. La so inobservancia o defectuosu cumplimientu acarreta la nulidá’l procesu. Cabe, de común alcuerdu, utilizar procedimientos de mediación o arbitraxe (SASEC). Búscase pol llexislador la posibilidá de llegar a un alcuerdu mutuamente aceptáu ente les partes pudiendo llegase a la retirada la midía, sustitución por otres alternatives, mantenimientu atenuando les consecuencies. Configúrase como una braera negociación coleutiva y polo tanto, integráu nel derechu fundamental a la llibertá sindical. CALENDARIU NEGOCIADOR
Decidíu llibremente poles partes y a falta d’alcuerdu, rixen les normes conteníes nel RD 1483/12 art 7-4 a 7-5. 7
Escuela de formación sindical y política Redondo-Pichi
La duración tá suxeta a un plazu máximu, 30 díes en plantilles de menos de 50 trabayadores y 15 díes si emplega menos de 50 trabayadores. DOCUMENTACIÓN DE LOS CONCEYOS
Ha roblase acta de cada conceyu que tendrán que roblar tolos y les presentes. Ye perimportante la constancia n’actes de tolos extremos plantegaos nos conceyos, sobre too cara a una posible impugnación. Los Tribunales desixen la previa protesta n’actes de la gran mayoría de motivos, por exemplu: falta de puesta a dimposición de les y los trabayadores de la documentación oportuna, la propia inexistencia de la causa oxetiva, criterios de seleición, excesivu plazu de duración de la midía… Ye fundamental el principiu de buena fe negocial y ésti ye d’aplicación pa toles partes. Conceutu xurídicu indetermináu pero que se concreta como la existencia de voluntá negociadora, esfuerzu seriu y real d’averamientu ente les partes. Tamién, na designación pola empresa de negociadores con capacidá real pa dialogar cola representación de les y los trabayadores y d’afayar alcuerdos. Comu exemplu de falta de buena fe negociar pola empresa apaez: falta de puesta a dimposición de la información y documentación afayaíza, nun convocar o nun dir a los conceyos, la existencia de negociaciones paraleles, despíos ensin finalizar el periodu de consultes, conductes intimidatories o coactives… La finalización del períodu de consultes puede ser con o ensin alcuerdu. Si nun hai alcuerdu, la empresa comunicará a les y los representantes de les y los trabayadores la decisión de despíu coleutivu nos 15 días siguientes y posteriormente a les y los trabayadores a títulu individual (art 53 ET). Plazu d’impugnación lo mesmo coleutivu que individual, son 20 díes dende la notificación
MODIFICACIÓN SUSTANCIAL DE CALTER COLEUTIVA Artículu 41 ET. De calter asemeyáu a la lo anterior menos por determinadas diferencias. - Plazu pa consultes coles y los representantes de les y los trabayadores: máximu 15 díes - Única comisión negociadora que, nel casu d’existir dellos centros de trabayu, circunscríbese a los centros afectaos pola modificación o treslláu. 8
Escuela de formación sindical y política Redondo-Pichi
- La comunicación a la comisión negociadora nun existe forma escrita - Conteníu del períodu de consultes: la negociación versa sobre la causa y posibilidá d’evitar o amenorgar efeutos, asina como midíes afayaíces pa atenuar les sos consecuencies a les y los trabayadores afeutaos. - La documentación a apurrir concrétase en “los documentos que acrediten la concurrencia de les causes y xustifiquen les midíes a afayar y ye en tou casu, los que permitan cumplir cola finalidá del periodu de consultes (STS 18/2/14).” Nos procedimientos de modificación sustancial coleutiva, nun se refier detalladamente cual ye, como nel casu de los despíos coleutivos y anque ésta puede servir a títulu orientativu, sobre tou cuando se basa la modificación en causes económiques, nun se desixe como indispensable. Notificación a l’autoridá llaboral (art 40-2-6º ET) en casu de tresllaos coleutivos, pal so conocimientu, lo mesmo l’apertura del periodu de consultes que’l resultáu del mesmu. Caben aiciones individuales, coleutives e incluso de rescisión de contratos, nésti últimu casu, cuando se entienda que menoscaba la dignidá de la o el trabayador o cuando afeute al tiempu de trabayu, sistema de remuneración, cuantía salarial o funciones y suponga perxuiciu pa la o el trabayador.
EXPEDIENTES DE REGULACIÓN DIENTRO’L CONCURSU Artículu 64 Llei concursal. La o el Xuez de lo mercantil conoz de los procedimientos de modificación sustancial de trabayu de calter coleutivu, incluyíos tresllaos coleutivos, despíos coleutivos, suspensión de trabayu o reducción temporal de xornada, por causes oxetives, solicitaos en fecha posterior al concursu. Los expedientes o midíes llaborales entamaos con anterioridá a la fecha de declaración del concursu, tramitaránse conforme a los procedimientos regulaos na llexislación llaboral, anque, nel so casu, correspuenderá a l’alministración concursal, la execución de les midíes. En cuantes a la tramitación propiamente dicha, aplíquense los criterios y normatives existentes en materia llaboral, hai que recordar que ye l’alministración concursal la que ostenta l’alministración y direición e empresa. Una diferencia importante tá na impugnación del autu del o la Xuez que apreba la midía, la llexitimación pa la impugnación coleutiva del auto. Cabe recursu de suplicación escontra dichu auto énte la sala de lo social del TSX, afaláu polos suxetos que participaron na fase d’instancia, ello ye, alministración concursal, representante de 9
Escuela de formación sindical y política Redondo-Pichi
les y los trabayadores, concursáu y FOGASA. Al tratase d’un recursu de calter coleutivu, nun tienen llexitimación les y los trabayadores individualmente consideraos, sinon sólo les y los representantes llegales o comisión designada pa intervenir nel períodu de consultes. Les aiciones individuales escontra l’auto del o la Xuez del concursu circunscríbense a la rellación xurídica individual, antigüedá, salariu o discriminación nel so casu. El plazu pa esta aición afítase na llei como d’un mes, anque se aconseya nun superar, casu de discutir la extinción del contratu, el plazu máximu de 20 díes.
10
Escuela de formación sindical y política Redondo-Pichi
Corriente Sindical d’Izquierda http://csi-asturies.org https://www.facebook.com/corrientesindicaldizquierda.asturies/
11