La Prátiga_ediziun 03

N.03

SETËMBER 2024

LA PRÁTIGA DLA CIASA DE PALSA

salüt y introduziun

BËGNODÜS Salüt da pert dl diretur N compit prinzipal dla IA é chël da analisé tl tëmp real na gran cuantité de dac por reconësce plü adora prighi y por sostigní la chirida de soluziuns y alisiré le tó dezijiuns. P.ej. pó sistems sostignis dala IA mosoré tresfora la frecuënza cardiaca, la presciun dl sanch, analisé modei de movimënt y segnalé atira sce al ess da ester val‘ anomalia.

Le diretur Valentin Erlacher L’inteliënza artifiziala (IA) tl’assistënza y tla cura te ciasa de palsa: poscibilités, ejëmpli y prospetives por le dagní.

L’assistënza y la cura tles ciases de palsa é na gran sfida por chi che laora te chësc ciamp. Le cambiamënt demografich y la mancianza de personal cualifiché fej a na moda che chësta situaziun devëntes ciamó plü complicada.

L‘inteliënza artifiziala (IA) vëgn conscidrada tres deplü n meso por alisiré y por aumenté la cualité dl laur tla cura. I orun ti ciaré a chësc aspet tres ejëmpli tl’Austria, Germania y tla Cina tan dalunc (o daimpró) che döt é da nos y sce i podun renunzié a chëstes novités.

Adoranza dla IA tla cura y assistënza La IA vëgn bele atualmënter adorada te deplü modi tles ciases de palsa, por organisé te na manira plü efiziënta la cura da vignidé cun chël che ara surantól laurs de rutina, analisëia dac vitai y de sanité y sostëgn la comunicaziun danter personal y residënc.

Ejëmpli dal’Austria y Germania Tl’Austria y Germania él bele dötaurela deplü proiec y iniziatives che adora la IA tla cura y assistënza. Tl’Austria p.ej. adora le proiet „Pflege@Quartier“ la IA por monitoré cun n sistem de sensurs y n software inteliënt i berbesc y les mëdes che vir autonomamënter te apartamënc y informëia adora assá le personal de cura sön prighi potenziai.

Tla Germania á le FrauenhoferInstitut svilupé n proiet, pro chël che n sistem sostigní dala IA dá fora les medejines y minimisëia insciö les poscibilités de fai. Implü vëgnel fat te trami i paisc proes da adoré la IA por mioré la planificaziun y l‘organisaziun dl laur da vignidé, p.ej. cun la documentaziun inteliënta dla cura.

La IA tla Cina La Cina é danfora tl svilup y tla implementaziun de sistems sostignis dala IA tl ciamp dla cura y assistënza. Al vëgn p.ej. adoré roboc che ne surantol nia ma laurs tla cura direta sciöche le alzé y posizioné i asistis, mo ai stimolëia

ince l’interaziun soziala cun chël che ai comunichëia cun i berbesc y les mëdes y i acompagnëia tla vita da vignidé. Implü vëgnel adoré sistems de monitoraje che garantësc la segurëza di berbesc y dles mëdes cun chël che ai reconësc i prighi che pó porté a na tomada y avisëia por tëmp le personal. Chisc sistems é gonot implementá te na rëi cun deplü stromënc che é en funziun 24 ores sön 24 y 7 dis sön 7 y alisirëia insciö dassën le laur tl ciamp dla cura y assistënza.

Prospetives por le dagní.

Ci nes aspetel pa?

Tl dagní aumentará dessigü l’adoranza dla IA tl ciamp dla cura y assistënza y nos ne podarun nia ciaré da na pert ia o la ignoré. I podun nes aspeté che i sistems dla IA gnará tres plü inteliënc y autonoms, ci che portará ciamó a na maiú alisiraziun dl laur y dl personal.

Sce i scienzá assigurâ ciamó dan da val‘ ann che la IA ne foss mai bona da sostituí la porsona deache ara n’á p.ej. nia la creativité de na porsona, spo éson sëgn al punt che chisc sistems y programs cheriëia imajes y operes d’ert, mët jö na rima te püch tëmp o scrí cianties

Copyright: sdecoret

IMPRESSUM Editur: Ciasa de Palsa Ojöp Frëinademetz A.P.S.P. | Str. Pinis, 50 - 39030 S. Martin de Tor | tel. 0474 524700 | P. IVA 00554690214 cod. fisc. 81005490214 | info@ciasadepalsa.it | ciasadepalsa@pec.rolmail.net | http://www.ciasadepalsa.it | Presidënt: Mischi Giovanni Diretur: Erlacher Valentin | Redaziun: Palla Denise (coordinadëssa), Agreiter Valeria, Bassot Valeria, Gasser Helene, Videsott Verena Grafica y layout: Ciasa de Palsa Ojöp Frëinademetz A.P.S.P. | Stamparia: LCS Partnerdruck GmbH

LA PRÁTIGA N.3 | SETËMBER 2024

02

Conclujiun L’integraziun dla IA tla cura y assistënza tles ciases de palsa pîta cotan de vantaji, dal sostëgn al personal al aumënt dla cualité dl laur al‘alisiraziun de chësc.

Tl dagní sarál n gran svilup de chësc vers y la IA ciapará ite te nosta vita te na manira n pü’ ascognüda y nes metará dant ala opziun sce jí para o se mëte decuntra.

Podess pa valgügn de nosta generaziun ciamó s’imaginé aldedaincö da rodé zënza fonin te gofa? Al é vëi, ara jiss, mo döt foss plü compliché. Insciö sarára ince tl setur dla cura y assistënza. I podun odëi l’inteliënza artifiziala sciöche n nemich y la scombate cina che i gnarun sforzá da la surantó. O i podun ince s‘la fá atira bona impara, porvé da la capí, imparé a la conësce y se lascé daidé olache ara vá. Sambëgn messunse ince ti avëi crëta y ester desponibli da lascé pormez val‘ danü.

Porimpó él important che chëstes tecnologies vëgnes svilupades y adorades en armonia cun i debojëgns y la dignité dla porsona y che la porsona restes al zënter de nosc ponsé y fá.

INVESTIZIUN POR LE DAGNÍ Bele da d’altonn dl ann passé él gnü scrit fora i laurs por la realisaziun de n implant fotovoltaich y l’istalaziun de döes pumpes termiches. En chësta aisciöda, pornanche la nëi é jüda demez, él spo gnü metü man cun i laurs. Pro l’investimënt de passa mez miliun de euro ê preodüda l’istalaziun de n implant fotovoltaich cun potënza nominala de 220 KW, l’istalaziun de döes pumpes termiches por scialdé l’ega dla zircolaziun y l’istalaziun de na corona por ciarié auti eletrics. Le stüde lascé fá prevëiga che l’energia generada cun i panei fotovoltaics te n ann vá a sodesfá le bojëgn de döta la strotöra tla medema spana de tëmp. Ince sce al é momënc olache la produziun é

plü alta co le bojëgn, olache an pó dé jö strom y momënc olache an mëss cumpré pormez strom ó chësc dí che la strotöra é autonoma. Na strotöra sciöche la Ciasa de Palsa cun düc sü sorvisc y tëmp de laur che vá fora por 365 dis al ann, á n bojëgn dër alt de energia y chësc ó ince dí cosć dër alc.

Chësc s’á ciamó amplifiché i ultims agn olache le cost dl’energia é ince sté 4 iadi plü alt co normalmënter.

Cun chësta investiziun s’orientëia la Ciasa de Palsa ince a n dagní plü sostignibl y an á la garanzia da podëi contigní i cosć dl strom y dl scialdé. Avëi manco spëises ordinares o dí podëi investí te d’atres direziuns y implü tigní bassa la rëta por i residënc.

Rendering y odüda sön le tët dla Ciasa de Palsa dan y do l’istalaziun dl implant fotovoltaich 03

LA PRÁTIGA N.3 | SETËMBER 2024

novité

cun tan de melodia y parores te na cualité che an n’é nia bugn da desfarenzié sce chëstes operes é originales o manco.

Personalmënter pënsi che daldöt ne podará les „mascins“ gnanca tl dagní sostituí la porsona, dantadöt tles profesciuns soziales nia, olache ara nen vá de contac, de sentimënc, de empatia y de valurs soziai che ma la porsona pó sintí y trasmëte. Chësc dá da n ater vers ince la segurté che les profesciuns tl ciamp sozial é profesciuns cun n dagní, olache al paia la mëia da investí y imparé.

adöm ai doturs, ai parënc y dá inant informaziuns y desposiziuns ai atri profii profescionai tla cura y assistënza. Al/ara é sotmetü/da al/a responsabl/a de repart.

Por podëi fá le laur de infermier/a profescional/a te Ciasa de Palsa mëssun avëi stlüt jö la formaziun de infermier/a profescional/a, o avëi n ater diplom ecuivalënt aladô de normes statales, o diploms reconesciüs dal Ministere dla sanité o diploms detlará ecuivalënc aladô dl D.P.R. 197 di 26.01.1980 tla versciun varënta y avëi le diplom de trilinguism livel B2.

Implü se damana la descriziun dl post preodüda dala Ciasa de Palsa motivaziuns personales, sciöche avëi ligrëza da laoré cun jënt atempada, laoré cun responsabilité y autonomia, avëi de bones cualités soziales y de osservaziun, ester bugn da laoré te n team y ester daverc a formaziuns.

Ciamena singola te Ciasa de Palsa La Ciasa de Palsa é partida sö te Infermiere/a profescional/a trëi alzades y cater reparc. Vigni te Ciasa de Palsa alzada á nü ciamenes da un n let y L’infermiere/a profescional/a te nü ciamenes da 2 lec, indöt á lerch Ciasa de Palsa é responsabl/a por 27 ghesć por alzada. Dötes les döt ci che reverda l’ativité ciamenes á n bel gran bagn cun na infermieristica. Al/Ara ciara le duscia. Les ciamenes y i bagns é bojëgn de cura y assistënza di fac a na manira che an pó se sté residënc y residëntes y mët jö n saurí, che an á lerch assá da se program de cura individual por möie sigüsc ince cun i mesi d’aiüt vignun. che i un a desposiziun, sciöche le L’assistënza infermieristica tól ite Te Ciasa de Palsa laora al momënt scagn da rodes y i alzadusc. la prevenziun, la varijiun, la cura 9 infermieres, cun n raport de laur Te vigni alzada él ciamó n gran paliativa y la reabilitaziun, mo la che vá dal 50% al 100%, döes de bagn cun na vasca da idromassaje funziun prinzipala stá tl prevení chëstes é demez por maternité. che vá da alzé sö y jö, por garantí maraties, tl’assistënza ala jënt Deache tla planta organica dla ala mëda o al berba segurëza püra, tl’educaziun ala sanité y Ciasa de Palsa él preodü deplü tratan le bagn. dantadöt tl mantegnimënt posć por infermieri/es, chir la Te vigni alzada laora figöres dl’autonomia dl/dla residënt/a.

Ciasa de Palsa tres indô profescionales desvalies: le dotur, L’infermier/a profescional/a laora infermieres profescionales. les infermieres profescionales, les operadësses sozio-assistenziales, les operadësses sozio-sanitares, le/la fisioterapist/a, le grup dl tëmp lëde, le service, les colaboradësses dla netijia y i volontars che é tan aprijá y bëgnodüs.

An á azes ales alzades cun le lift o da öna o plü rampes de stighes. Na bela decoraziun vëgn ince pitada por fá a na moda che la mëda o le Ciara le video olache l’infermiera Michela Fiung cunta berba se stais saurí. de süa esperiënza de laur te Ciasa de Palsa LA PRÁTIGA N.3 | SETËMBER 2024

04

La Ciasa se presënta

la Ciasa se presentëia

LA CIASA ISE PRESENTËIA trëi reparc de cura

En jöbia, ai 8 de agost él gnü a s‘l dé te Ciasa de Palsa na incuntada cun l‘assessur provinzial ladin Daniel Alfreider y l’assessuria provinziala al sozial Rosmarie Pamer. A ti dé le bëgngnü él sté le presidënt Giovanni Mischí, le diretur Valentin Erlacher, le vizediretur Martin Costalunga, la responsabla tecnica dla cura Cecilia Hochwieser, l‘ombolt da S. Martin Costabiei Giorgio, l‘ombolt de Mareo Felix Ploner y la coordinadëssa dla ciasa de palsa de Gherdëna Sabine Riffesser. Do n salüt introdutif da pert dl presidënt Mischí é la delegaziun jüda fora por la strotöra olache la responsabla tecnica dla cura Hochwieser Cecilia á presenté i reparc y i sorvisc y la modalité de laur. Al é gnü presenté i 3 gragn reparc de cura sciöche ince le repart por i amará de demënza y i apartamënc por l’abité acompagné por i seniors.

Al é spo ciamó sté l’ocajiun da porté dant la situaziun dl personal, la chestiun dla lista d’aspeta por chi che fej domanda da gní tuc sö te Ciasa de Palsa y les novités metüdes impé tl ultim tëmp. Gran importanza ti él gnü dé ala chestiun dl’indenité de trilinguism.

Na lege dl `93 prevëiga che düc i

dmc. Giovanni Mischí, Valentin Erlacher, Cecilia Hochwieser, Daniel Alfreider, Rosmarie Pamer, Giorgio Costabiei, Sabine Riffesser, Martin Costalunga y Felix Ploner (foto: Wisthaler)

dependënc publics ciafes chësta indenité por l’adoranza dl lingaz ladin sön le post de laur.

Y chësta é da dailó inant gnüda paiada fora al personal dles scores, dla sanité, dles strades y a düc i atri dependënc provinziai tles valades ladines. Pro düc, ater co pro les ciases de palsa dla Val Badia y Gherdëna, él la Provinzia che surantól chësc cost implü, é pö chësc preodü dala lege y al é la fondamënta che garantësc al Südtirol de avëi l’autonomia adöm ala sconanza dla mendranza todëscia. Cina ciamó ciafa nosta strotöra n contribut por l’adoranza dl lingaz ladin dala Regiun Trentin-Südtirol, mo chësc

ne tleca bele dî nia plü por curí i cosć implü, tan che chisc mëss ti gní metüs en cunt ai berbesc y ales mëdes.

La direziun dla Ciasa de Palsa é dla minunga che chësta sides na discriminaziun en confrunt ala mendranza ladina y dantadöt en confrunt ai berbesc y ales mëdes che vir te nosta strotöra. An é porchël intervegnüs cun determinaziun pro i dui assessurs presënc por che chësta situaziun intravaiada vëgnes finalmënter desgropada.

Sides l’assessur Alfreider co ince l’assessuria Pamer á impormetü da se tó sura dla chestiun y da ciafé na soluziun.

Curs da taié ciavëis y sorvisc nü Se i tuoi capelli sono a posto e indossi belle scarpe, puoi cavartela in ogni situazione (cit. I.A.) Cun chësc pinsier él gnü daurí te Ciasa de Palsa Ojöp Frëinademetz le salon "𝑳𝒂 𝒍𝒊𝒈𝒓𝒆̈𝒛𝒂", olache nüsc berbesc y nostes mëdes pó jí dal friser, sciöche ares ê ausades da fá dandaia. Nosta misciun é ince chëra da fá sintí nüsc residënc da ciasa y cun chësc sorvisc ti portunse plü normalité tla vita da

vignidé, ince deache le podëi se fá sö y se sté saurí te so corp é n bojëgn che la porsona á por döta süa vita. Pro l'aziun á ince toché n curs da taié ciavëis por nostes dependëntes. Chësc sorvisc éra jüda da mëte impé cun l'aiüt de Sabine dl Salon Paola. A ëra ti vál n dilan de cör por süa desponibilité y n gran complimënt por le laur che ara fej cun sensibilité, gran ligrëza y gran profescionalité.

05

Sabine tratan so laur LA PRÁTIGA N.3 | SETËMBER 2024

La Ciasa se presëntëia

Surapost di assessurs provinziai Alfreider y Pamer

fora dla vita da vignidé

FORA DLA VITA DA VIGNIDÉ N valgünes ativités fates tratan i ultims mëisc dl ann

MA

Albina cunta de so iade a Lourdes Albina é gnüda te Ciasa de Palsa a cunté de sües esperiënzes fates tratan le pelegrinaje a Lourdes.

Deache tröpes mëdes y tröc berbesc é bele instësc stá dailó êl n referat dër daimpró ala realté.

Hubert y devertimënt I se dun dagnora de beles riüdes canche le volontar Hubert vëgn a se daidé cun jüc y musiga.

Flora cun i cians La jona da Brema che fej l’ann de volontariat te Ciasa de Palsa s’á dé jö cun la tematica di cians y á cunté avisa da olache vigni raza vëgn, de so carater, dles cualités y de tröc particolars che toca pro la vita di cians.

Monica y la chitara Monica y so om é storc pro te Ciasa de Palsa a partí con les mëdes y i berbesc n gran bel momënt de ligrëza ciantan y sonan cun ëi melodies conesciüdes.

LA PRÁTIGA N.3 | SETËMBER 2024

06

Incuntada danter generaziuns N iade al mëis unse la fortüna de podëi avëi danter nos i mituns dla Ciasa di pici cun sües acompagnadësses pedagogiches. Al é n momënt dër plajor che fej ince tomé val’ leghermes de ligrëza.

Movimënt cun musiga Les fisioterapistes Karin y Valeria s’á tut dant da tigní regolarmënter n’ora de movimënt cun musiga. Ince sce al costa n pü‘ de sforz da pert di residënc, él impó val’ che plej.

Pastelné ciüfs cun cialzes

Ordöra y verzöra

N domisdé n pü‘ particolar de istruziun sön i früc y verzöres é gnü tigní da Denise y l’animaziun che á fat süc frësć al momënt.

07

LA PRÁTIGA N.3 | SETËMBER 2024

fora dla vita da vignidé

JÜGN

fora dla vita da vignidé

Gita adöm al “Vinzenzverein” da Al Plan

Le “Vinzenzverein” d’Al Plan se fistidiëia vigni ann da organisé invalgó na gita por nostes mëdes y nüsc berbesc.

Chësc iade sunse gnüs acompagná dal personal dl Parch natural a ciaré les laurs de Conturines, corëc, plantes y de vigni sort de atres morvëies. La bela gita unse stlüt jö cun na bona picia marëna al Hotel Brunella.

MESSÉ

Cun le bel tëmp él bel da sté defora y podëi indô n iade fá val’ vare descuc te pre o le percurs “Kneipp”, se gode l’ega arichida de öri esenziai y se lascé fá n bel massaje ai pisc.

Conzert dla musiga da S. Martin de Tor

La domënia, ai 14 de messé, s’á la musiga da S. Martin de Tor fat na gran ligrëza cun n beliscimo conzert, ma por nos, tigní sön terassa. N bel dilan ales musicontres y ai musicontri por le tëmp metü a desposiziun.

LA PRÁTIGA N.3 | SETËMBER 2024

08

En domënia, ai 21 de messé, él gnü tigní la oramai tradizionala festa da d’isté. Te chësta ocajiun él ince gnü fat l’inaudaziun ofiziala dl bar Barjënt.

Do la santa mëssa dla comunité zelebrada da don Andrea, é la festa jüda inant cun n bun aperitif lunch acompagné dala musiga da festa di “Turmbläser” da Badia.

Nia mancé n’á n ciantun por i mëndri olache le Sorvisc ai jogn á salpü da i intratigní.

Intratignimënt cun Hubi

Hubert, dependënt da denant dla Ciasa de Palsa, vëgn vigni döes edemes sciöche volontar a intratigní les mëdes y i berbesc, can cun musiga, can cun movimënt y en chësc iade cun le jüch de “tombola”.

09

LA PRÁTIGA N.3 | SETËMBER 2024

fora dla vita da vignidé

Festa da d’isté y daurida ofiziala dl bar Barjënt

fora fora dla dla vita vita dada vignidé vignidé

AGOST Movimënt y devertimënt

N pice grup de mëdes y berbesc che passa le tëmp danter musiga, movimënt y devertimënt.

Movimënt y devertimënt

Cianté alaleria

I un fat süch de rabarbar y dedô se l’ unse boiü.

Cianté alaleria y se recordé di bi tëmps passá.

Vijites bëgnodüdes

Bedoi por fá tê

Cecilia florësc vigni iade canche l’om vëgn a jí impara te bosch a spazier.

Chiló dëida valgügn residënc da striscé fora fëies dales rames de bedoi por fá tê.

LA PRÁTIGA N.3 | SETËMBER 2024

10

Festa a Carla y Flora

Dër importantes se sënt les mëdes sce Elias les damana fora ciche ares á fat te süa vita.

Al é gnü fat festa de rengraziamënt ales 2 jones todësces che á dé ca n ann intier de sorvisc volontar te Ciasa de Palsa.

Ativité tl tëmp lëde

Jüch “cité y campagna”

Madër podëi fá val‘ dá sodesfaziun. Roswitha se tripa cun de beles vëtes da corusc.

Le jüch “cité y campagna” ti sá dagnora bel a nüsc residënc y al dëida tigní frësch le ciorvel.

Santa mëssa dla sabeda domisdé

S. Mëssa te capela dla Ciasa de Palsa zelebrada da siur Klaus y siur Andrea adöm a nüsc proi ch’i un te Ciasa.

Por le cianté unse podü avëi n grup de scolars da Rina che cun sües usc fines á ralegré nüsc cörs.

11

LA PRÁTIGA N.3 | SETËMBER 2024

fora dla vita da vignidé

Apunc fora dla vita

fora dla vita da vignidé

Sepl á fat ia so laur

Sajun dles ajies

Sepl é contënt do che al á rové so laur.

Maria Anna á puzené ajies fosces.

I ciüf n’é nia ma bi mo ai dá ince n gran laur

La volontara Matilde barata jö vigni ann la tera ai ciüfs por che ai dais indô fora deplü. Ales mëdes y ai berbesc ti sál bel da podëi ciaré pró.

S. Maria dai ciüfs

Ince en chësc ann él gnü tigní la santa mëssa en ocajiun de Santa Maria dai ciüfs cun la benedisciun dles erbes y di ciüfs coiüs t’urt y te ciampopré. Chësta é gnüda abelida dal cor de dlijia da Al Plan.

LA PRÁTIGA N.3 | SETËMBER 2024

12

Tres val’ da fá

Da cöie jö la mënta se destënn foraissö le bun tof ti locai y les mëdes ciafa na dërta fan da jí dedô a marëna. Noemi dëida para.

Oswald se ciafa tres val’ da fá.

Cianté fej gní la bona löna

Melodies nöies y conesciüdes porta la bona löna y fej gní le cör ligherzin...y te grup él ciamó plü bel.

Tëmp de racoiüda

D’agost él ince bele tëmp de racoiüda y de vigni sort de erbes aspeta da gní laorades sö y metüdes ia por podëi gní tutes ca d’invern. Ince Sara, na practicanta da d’isté, á daidé para.

13

LA PRÁTIGA N.3 | SETËMBER 2024

fora dla vita da vignidé

Erbes bel assá

Agnese Tavella cunta fora de süa vita...

Mëda Agnese Tavella

Che é pa Agnese Tavella?

I á inom Agnese Tavella, i á 74 agn y i sun da San Martin. Da cin‘ agn y mez sunsi te Ciasa de Palsa, al me plëj dër chiló. Da doman dëidi puzené y da tó jö de mësa y da sëra sunsi tla secunda alzada che i dëidi fora.

Ia por le de vái gonot a bëre le café te bar a San Martin o tla Ciasa de Palsa. I vá ince gonot a spazier olache i cöii n per de ciüfs.

Te Ciasa de Palsa me sál dër bel da fá para les ativités che vëgn metüdes a jí, da ciaré films y da lí.

Al me sá dër bel da dessigné y i á ince dër ion i iac. Laota ái albü sis o set iac y canche i sun rovada te Ciasa de Palsa ti i ái dé a mia vijina de ciasa.

Laota ái pordü la usc deache i m’á desfridí d’invern canche al novô dër dassën. I ê jüda dal dotur y ai m’á mené cun la Crusc blancia tl ospedal da Bornech y dedô tl ospedal da Porsenú. Le secundo de m’ái operé al col y al ê dër da stancé. Da en chël iade ái pordü impü la usc y cina sëgn ne l’ái nia ciafada daldöt zoruch.

Mëda Agnese dala crejima adöm ala tota Maria Alfreider A ciasa ái 3 sorus y un n fre. Iö ê la plü picera y danter me y la Maria, mia so plü vedla, êl 9 agn de desfarënzia.

Iö ne sun nia maridada y i á vit dër dî cun mi geniturs. Dedô sunsi jüda da mia so y i la daidâ da fá ciamenes. I daidâ ince mi fre te stala, muje les vaces y i â ince n urt olache i sentâ salata, soni, res cöci, cioles y n valgügn ciüfs.

Mi daciasa

La familia de Agnese incër l’ann 1975 canche i geniturs ê 25 agn maridá . Doía dmc. Maria, Ida, Pire, Agnese y Clara. Dancá i geniturs Sepl y Monica LA PRÁTIGA N.3 | SETËMBER 2024

14

I viô tla ciasa da Fiun a San Martin che é a cin‘ menüc cun l’ auto y a 20 menüc a pe dal zënter che á inom Pespach. I ê dër contënta y i â tres compagnia da mia vijina de ciasa.

Canche al é mort mia mama âi 45 agn y i â metü man da lauré te Ciasa de Palsa.

Pio Baldissera, le presidënt da inlaota dla Ciasa de Palsa, m’â damané sce i foss gnüda a daidé te lavandaria y a daidé romené sö les ciamenes tla pröma y tla secunda alzada.

La Ciasa se presënta

storia de vita

STORIA DE VITA

Mëda Agnese cun so miú compagn Erich tratan na gita ite dai Tamersc Denant messâi ciamó fá l’ejam de trilinguism a Balsan y la vijita dl dotur. Canche i sun spo passada ái podü mëte man da lauré.

A Balsan êl na gran comisciun de

ot ëi y öna na ëra. Düc canc m’â fat na domanda che ê impó stades ries, mo por fortüna sunsi passada.

Do da trëi mëisc ái podü gní a lauré a tëmp plëgn, dales 08:15

Interview an eine Bewohnerin, die anonym bleiben möchte.

Wo sind Sie aufgewachsen?

Ich wurde in Bozen geboren. Da meine Eltern optiert haben, sind wir aber nach Österreich (damals noch Deutschland) ausgewandert.

Dort habe ich in Imst die Volksund die Hauptschule besucht. Mit etwa 14 Jahren sind wir wieder nach Bozen zurückgekehrt (Rückwanderung), wo ich die Handelsschule besucht habe.

Meine Muttersprache ist Deutsch; nach der Rückkehr musste ich die Italienische Sprache lernen. Die Zweisprachigkeit sollte für mich später aber von großem Vorteil werden.

Welche Erinnerungen haben Sie an Ihre Kindheit?

Von meiner Kindheit habe ich allgemein positive Erinnerungen, obwohl man natürlich bedenken muss, dass Kriegszeit war.

Vor allem die Nachkriegszeit war eine besonders harte Zeit. Ich war also dementsprechend kein “verwöhntes” Kind. Ich bin mit einem älteren Bruder und einer jüngeren Schwester aufgewachsen.

Unsere Eltern haben versucht, uns möglichst unpolitisch zu erziehen, damit wir uns unsere eigene Meinung bilden können.

der Zeit leider nicht möglich war bzw. sehr schwierig war. In Österreich bzw. Deutschland wäre es für mich einfacher gewesen zu studieren, in Italien jedoch nicht, da ich damals das Italienische noch zu wenig beherrschte.

Was war Ihr Beruf?

Ich habe immer gerne Sport betrieben (Eislaufen, Skifahren, Schwimmen). Ich habe auch Wettschwimmen gemacht. Meine Eltern haben mich sportlich immer unterstützt.

Auch die Nazis haben viele sportliche Aktivitäten angeboten, aber nicht nur. Sie haben generell viele Sachen angeboten (z.B. finanzielle Unterstützung), denn sie wollten die Jugend für sich gewinnen. Das war damals die Realität.

Ich habe bei der Miele-Italia in Bozen als Redaktionssekretärin gearbeitet, wo die Beherrschung der beiden Sprachen Deutsch und Italienisch natürlich sehr vorteilhaft war.

Was war Traum?

Ihr

größter

Mein größter Traum war es immer, Medizin zu studieren und Ärztin zu werden, was jedoch zu 15

Was unternahmen gerne?

Sie

LA PRÁTIGA N.3 | SETËMBER 2024

storia de vita

cina les 16:00 canche i ê dassora y cina les 15:00 canche i ên en döes. I â trëi coleghes che laurâ cun me tla lavandaria, mo öna n’ê nia passada dal concurs. I podô ince jí a marëna y i â dui dis al‘edema lëdi. Al me savô dër bel da lauré y al ê tres val‘ da fá.

Da picera m’essel salpü bel da gní cöga, mo i messâ sté pro mia mama. Ince sce i cujinâ tan ion, sunsi sëgn contënta che i pó mangé tan bun chiló te Ciasa de Palsa.

A me me sá dër bugn i omlet cun sulza y file da spinot y cajinci arestis. Canche i á tëmp cherti a batadú y soghi a „forza 4“. Val‘ iade me porti na turta da pirieres dala staziun dl penzin. Chësta me sá ince dër bona.

Canche i ê jona jôi tröp a pe y i jô gonot sön i pra de Pütia, olache al me savô tan bel.

jüc por mituns

J Ü C PO R

Chir les parores dessot

ADORÉ APRATÉ ASPETÉ BAGNÉ BUTÉ CIACOLÉ DEVENTÉ FISTIDIÉ INDICHÉ JOBELNÉ LASCÉ MOSCEDÉ NAINÉ OCUPÉ PALSÉ PREMIÉ RALEGRÉ RANGÉ SALTÉ SCIAMPÉ TRATÉ VARDÉ

Cara é pa mia ambria?

LA PRÁTIGA N.3 | SETËMBER 2024

16

ORIZONTAL 3. An l’ adora da se lavé les mans 5. Al é la soma de sessanta secunc 6. N stromënt a sis cordes 7. La bla che an ti sciüra ai nüc 8. Ciaugné la spëisa n secundo iade 9. Ara vá sö cun le tëmp 11. Tier dal col lunch

VERTICAL 1. An ne le fej nia plü lunch dla giama 2. N tier da lat 4. Le contrar de mai 5. An l’ adora da bate i agüs 6. Al cujina por mistier 10. Al cuj le guant 12. Le de denant da incö

Da ci pert pó pa la ê joré fora

Depënjeme

Soluziun stomat: “le scür” 17

LA PRÁTIGA N.3 | SETËMBER 2024

jüc por mituns

M I T UN S

STOMAT Ciüna é pa la cossa che plü che al nen é, plü che an ne vëiga nia? (soluziun jödapé dla plata)

Condüta de fëgn da munt jö Al é isté; l’aria é cialdina y tröc ciüfs é bele desfloris. L’erba n’é nia plü tan bela vërda. I prá tira al ros, porciodí che l’erba é madüda. Al é da sié, al mët man la sajun dl fëgn.

Aldedaincö vëgnel daidé do pro le laur da paur adoran ince mascins.

Ince sce val’ püc mina che le laur ne sides porchël nia plü sfadius, se fali.

Le scassamënt y la conzentraziun che les mascins se damana é ince val’ che stancia.

Da n tëmp jô le paur cun fanc y fanceles bele da doman adora sön ciampopré. I sotusc metô la falc pro le falciá y les tiradöms s’arjignâ furcia y restel. La falc gnô ciamó batüda a man con martel y ancügn y por la mëte a taié messân vigni tant aguzé cun la cu. Le sotú se tacâ le codá sö pro le ciol dla braia o pro les vëtes dl ciaz.

Le gran fant siâ danfora fajon le pröm valdagn. I atri sotusc messâ ti jí do y tres indô gní zoruch a sié inant le valdagn de chël che gnô do. Con vigni smorz taiâ ia la falc n gröm de erbes y a chisc cipli ti vëgnel dit „bagoc“.

Restelé. Retrat tut fora dal liber “Ladinisches Vermächtnis”.

Les ëres jô do a spane i bagoc a pre Sce al ê fëgn dër cört (dit loic o da munt con restel y zënza cun la polif) gnôl sburlé adöm, ciarié te n furcia por che l’erba destenüda linzó da fëgn y ciolé con juntles y fora s’asuiass plü saurí y seciass. broces. An ciariâ i linzos sön Olache al chersciô ma püch, gnôl gratun y le ciaval tirâ la ciaria te fat rodeles. Sce al ê bel tëmp êl da majun. La fancela tirâ ciamó do jí do marëna a restelé. Danmisdé plü avisa. I mituns se confortâ da jí gnôl ôt le fëgn, deache sotite êl a trá salc tl fëgn. Canche ai ê maius l’erba alüsc ciamó mola. Do che an messai ince trá indalater le fëgn y ti â lascé dé na ona de sorëdl, gnô tocé. Dan le 1960 ca. gnôl ciamó le fëgn abiné adöm te ridli. Ma da mené jö de munt tröp fëgn cun ciarié craces gnôl fat ablësc. liöses. Datrai gnôl ciarié le fëgn te linzos y mené te majun sön na liösa da litres. Aldedaincö mënun döt jö cun le tractor.

Le fëgn da munt che ê dër de bona ojoradöra, gnô metü te scofa o tablé da munt y lascé dailó cina d’invern canche al ê gnü nëi assá por jí a s‘al do. Da jí a fëgn gnôl ince datrai damané oras por podëi gní da munt jö con deplü ciaries al’iade.

Les massaries gnô arjignades ca bele le de denant por podëi le de do pié ia a bonora.

Canche i lauranc rovâ sön munt desćiariai les massaries dan tablé, desficiâ le ciaval y le tacâ inzai pro scofa.

Sié. Retrat tut fora dal liber “Ladinisches Vermächtnis”

LA PRÁTIGA N.3 | SETËMBER 2024

18

La Ciasa se presënta

usanzes y tradiziuns

USANZES Y TRADIZIUNS

Mené fëgn cun le tradl - Lungiarü Foto de Hans Pescoller Le fëgn da munt podô gní ciarié te deplü manires. Sön les liöses da fëgn (ince dit: liöses da litres o da mances) gnôl fat ciaries scëmples che gnô liades “a barjel”: canche la ciaria ê alta assá gnôl taché la föm da ciaester te na iamëta dla liösa y sciurada cun döt le tler sön la ciaria a chël che arcunciâ y tociâ.

Inoms dles massaries da mené fëgn.

Dessëgns tuc fora dal liber dles vedles massaries de M. Obletter. döes stanges de valgügn metri lunges, tignides adöm iadedô da n toch de lëgn metü de travers (dit:”juel”).

Por sconé les stanges dl tradl iadedô dl juel gnôl arsoré n toch de lëgn o liac lapró. Sön les stanges gnôl metü döes brëies. Da ciolé a porsú adorân na föm manco lungia che gnô liada tles broces dl porsú y trata cun le brode (o triber) da parotes cina che la ciaria stô adöm. Sce al ê trus nia tan ërc,

gnôl ince datrai taché pormez ala bighecia le bigocin y spo ciamó taché pormez le tradl da mené fëgn.

Le bigocin â ma n tomun su ite amez y n rampin da se taché ite tla bighecia. Iadedô âl n arferadú da mené a man canche la ciaria menâ demassa.

Sce al gnô ince taché pormez le tradl gnôl taché ite morones tles iamëtes che, en caje de nezescité da arforé, gnô metödes sot i liöstri dla stroza. I trus da munt jö ê strënc y soc, laurá jö dal tëmp, porchël ne êl pa nia lere che na ciaria se rosedass.

Sce an jô d’invern a ciarié fëgn gnôl tut liöses da liöstri (arsorades cun na sora de fer). La scodada da ciaval, che gnô ma tuta por ciarié lignan, gnô arsorada cun crozeri (toc de fer che crazâ por arforé canche al jô debojëgn).

Sce al ê da plan ti gnôl taché pormez la stroza da condüj’ taies y sce al ê ërt gnô les taies lasciades dé sura ia por tera.

Te chësc caje ne jôra nia da arforé iadedô.

Al gnô lié la ciaria döt incëria y dales perts passan la föm fora por le tler. En dui gnôl spo trat la corda tan che ara jô. Sce an jô a tó fëgn da munt che ê plü tlonz, gnôl fat ciaries plü angostes.

Sce an jô a tó fëgn plü lunch, gnôl “ciolé a porsú”: por abiné deplü lerch gnôl tut d’isté le ciar da rodes o la bighëcia da tomun. A chëra ti gnôl metü pormez le tradl fat cun

Jí a fëgn d’invern. Retrat tut fora dal Calënder Ladin.

19

LA PRÁTIGA N.3 | SETËMBER 2024

usanzes y tradiziuns

Deache le ciaval â assuié da trá sön munt les massaries posoces, ti messâl atira gní trat la cutra, o cinamai gní assuié por che al ne se desfridass nia. Al ti gnô metü pormez n jop de fëgn da mangé tratan che al gnô ciarié. Da jí a do fëgn ti gnôl taché al ciaval bronsines da n tonn particolar cun n gröm de te pici roli, por che an aldiss dalunc da se tigní fora.

Na moscedada de flus, somënzes, fëies y mani sotis de ciüfs y erbes nia da tosser sciöche fëies de polëntes, trafëi cöce, achilea/ciarí mac (Schafgarbe), mantí de S. Maria, piscialet agü (Spitzwegerich), erba dl orde (Quecke), ronz de famëi (Hirtentäschel), ciampaneles (Glockenblumen), ciüfs dla siara (Kornblumen), erba dal pan (Brotklee);

Prozedöra Implí n gote da 3 l cun 2/3 de erbes da munt y juté surajö ega de vita de 38% o de 80% (de graní o vodka).

Lascé trá por 4/5 edemes te n post cialt y bindicé scassé sotissura.

Chësc tëmp ól ester por abiné laite la forza de dötes les fases dla löna.

Impormó ala fin mëton lapró le zücher candí.

Canche chësc s‘é deleghé sö, scoré jö l‘ega de vita te bozes scöres che dess gní conservades tl scür.

Chësc licör é dër aprijé sciöche aperitif, mo an pó ince l‘ adoré da unje ite les lisöres sce an sënt me.

zücher candí.

Terapia a cialt cun fëgn da munt Laota n‘êl nia ciamó tan de auti y la jënt ne se tolô nia saurí le tëmp da jí dal dotur por vigni pice me.

Sce ai patî ala gota o sce ai â mancianza de zircolaziun dl sanch o ince por fá palsé i muscui, se daidâi instësc. Ai tolô val’ picia ciscia o n scarnüz de drap, metô ite fëgn da munt che ê gnü secé. Ai sprinzâ jö le scarnüz, le metô te na fana cun cuertl y lasciâ tanfé por n’ora alalungia. Tla fana ne jütâi degüna ega. Do n’ora de tanf se smorjelâ ince i fostüs. An tolô fora de fana le scarnüz y le lasciâ desfridé tan, che an ne se borjâ nia

la pel da le mëte sön le muscul da granf. Le sach gnô fissé cun pezes da mans y lascé tan dî, cina che al ne menâ nia plü cialt. Le fëgn da

munt contëgn sostanzes importantes sciöche öri eterics y cumarins che á la propieté de destudé inflamaziuns.

Parores vedles Falciá (Sensenstiel): mane dla falc.

Martel y ancügn (Dengelhammer und Dengelstock/Amboss): le martel da bate la falc a chël che al ti vëgn ince dit “mai”; l’ancügn é n cone de fer spizé jödapé, al vëgn lascé jö la falc lassura y batü.

Ciolé con juntles (die Heufuhre mit Rohlederschnüre abbinden) taché incër la ciaria de fëgn cordes fates de coran.

LA PRÁTIGA N.3 | SETËMBER 2024

Smorz (einmaliger Sensenzug/ Maht): le tai de erbes che la falc arjunj te öna na taiada.

Ablësc (Pflaster/Menge Heu, die man im Arm tragen kann): n brac o n jop de fëgn.

Desficé le ciaval (Ross abschirren, das Zugtier vom Gespann lösen) ti tó demez al ciaval le ”Gschirre”.

Tler (Spannknebel): rampins de lëgn tacá pro les cordes da lié.

20

Föm da ciaester (Lederstrick, um die Heufuhren mit dem Wiesbaum abzubinden): na corda grossa y de 7 metri lungia da ciolé ciaries a porsú.

Bighecia da tomun (Holzgräte): massaria de lëgn da rodes con tomuns da mené valch canche al é tarëgn.

Angost (eng, schmal): val’ de strënt.

La Ciasa se presënta

usanzes y tradiziuns

Licör fat cun fëgn

Ingrediënc

Le conzet dles cures paliatives te Ciasa de Palsa En cört döes parores por splighé ci che „cures paliatives“ ó dí.

La parora vëgn dal latin “pallium” che ó dí mantel, n mantel che scialda y che scona la porsona.

La porsona, te nosc caje la mëda y le berba, vëgn acompagnada sön so ultim tru sot a deplü aspec, porvan da alisiré la maratia che pó ester nia ma dl corp mo ince dla psica.

An laora adöm ai doturs, ales infermieres, al personal de cura y de assistënza, al team dl tëmp lëde, ai fisioterapisć, al prou (sce al vëgn damané, mo ince pité) y sambëgn ince adöm ala parentela y nia da se desmentié, adöm ai volontars.

Al vëgn ciaré da acontenté i bojëgns dla porsona, da ti tó le me, datrai ince la tëma, da lascé medejines che ne é nia primares, da

dé respostes ales domandes di familiars.

Dër important é le bëre, tan inant che ara vá, l’igiena y la cura dla bocia da pert dl personal de cura y assistënza, mo ince da pert dl parenté, sce ai s’la sënt.

Al vëgn ciaré che la ciamena sides bela frësca, la löm vëgn indeblida, al vëgn metü na löm dal bun tof (individual), musiga lisiera y nia por ultim, ciaré che le parenté ais lerch y se stais saurí.

Dé confort cun val’ bona parora, ti dé segurëza y avëi n’orëdla daverta ai bojëgns di familiars.

“Ara nen vá nia da ti dé plü dis ala vita, mo plü vita ai dis” (Cicely Saunders)

21

Pröma plata dl jorantin sön les cures paliatives laoré fora da n grup de laur.

LA PRÁTIGA N.3 | SETËMBER 2024

La Ciasa se presënta sanité

SANITÉ

Laur, formaziuns, tëmp lëde, pensionamënc,...

Griliada dl personal Pro le laur y l'impëgn de por de, tochel ince momënc da festejé y da se la lascé jí bona.

Do chësc moto él gnü metü a jí na griliada por döt nosc personal olache nosc presidënt y nosc diretur á grilié. Chësta é bele npü deventada na tradiziun y al é na manira por rengrazié döt le personal por le bun laur che vëgn fat.

Do la griliada é la festa jüda inant cun de bela musiga y aorela cörta cina tert tla nöt. Bel él sté.

N momënt fora dla griliada por le personal

Jita dl personal di 19.06.2024 a Desproch En mertesc, ai 19.06.2024, s’ un abiné da doman adora dan Ciasa de Palsa por jí cuntra Desproch. I sun piá ia cun la bona löna y i se confortân a nosta jita deboriada.

Rová al “Kongresszentrum”, do na picia palsa dl café, unse tut le lift por jí a vijité le bel parch “Alpenzoo”. I ti un ince ciaré al museum dl zoo che é sté dër interessant. Dedô unse tut le lift che s’á porté fina ala “Hungerburg (Hoch-Innsbruck)” olache i un podü amiré dal alt la bela cité de Desproch te sü corusc da d’aisciöda. Do na bona marëna ala Hungerburg sunse spazirá zoruch

Sön la Hungerburg cun odüda sön Desproch te cité. Söl tru unse ince vijité na dlijia y i s’ un godü la natöra incëria. Canche i sun rová tla cité de Desproch unse mangé n bun

dlacin y i un fat na roda culturala.

I un stlüt jö nosta bela jita cun na bona cëna tl urt dl Capriz a Vandoies.

Nasciüdes I ti fajun les mius aodanzes a nosc diretur Valentin y ala coordinadëssa dl team dl tëmp lëde Denise por la nasciüda de pice André ai 26.07.24 . Che ël áis tres la sanité y ti portes tröpes ligrëzes ai geniturs.

André de Valentin y Denise LA PRÁTIGA N.3 | SETËMBER 2024

22

La Ciasa se presënta

personal

PERSONAL DLA CIASA DE PALSA

Na gran pert dl conzet de cura te nosta ciasa se basëia sön les cures paliatives y por ester bugn da garantí n bun acompagnamënt tl’ ultima spana de vita de nüsc residënc pó düc i colaboradusc tó pert a na formaziun organisada te nosta ciasa adöm ala referënta Evelin Tollenaere da Freiburg, infermiera, dozënta de Palliative Care, esperta de cures paliatives y che á ince laoré plö agn tl zënter de cures paliatives Martinsbrunn a Maran.

La formaziun é gnüda partida sö te de plü grups: les prömes colaboradësses dla cura á bele tut pert de ma 2024 a dui dis de formaziun, le proscim grup tolará pert de otober ala medema formaziun y por les colaboradësses di sorvisc generai sarál de otober mez n de de formaziun.

Insciö orunse nos te ciasa ester bugn da garantí a nostes mëdes y a nüsc berbesc na bona qualité de vita fina ala fin y ciaré da i dé priorité ala orenté dles mëdes y di berbesc y ciaré de so bëgnsté. Nia inultima orunse ince acompagné i parënc y ti ester de sostëgn te chisc momënc particolars dla vita.

Les medemes colaboradësses dla cura á ince tut pert a na secunda formaziun sura metodes de cura complementares, adöm ala refërenta Elisabeth Unterhofer da Balsan, infermiera, esperta de erbes de medejina y cures alternatives.

Chëstes formaziuns se complementëia öna cun l’atra y deura nostes poscibilités a cosses nöies y plajores por i residënc de nosta ciasa, cun chëres che ince nüsc doturs é a öna.

N momënt fora dl curs

La referënta Tollenaere á porté para de vigni sort de cosses d’ütl por le laur

Festa al dotur Alberto Carretta En mertesc, ai 13.08.2024, unse saludé le dotur Alberto Carretta che s’á fistidié da 6 agn incá adöm al dotur Eduard Agreiter dl bëgnester y dla sanité de nostes mëdes y nüsc berbesc.

Por i tröc impëgns ne sciafiel nia plü da ti sté do a nostes mëdes y nüsc berbesc y da gní regolarmënter te Ciasa de Palsa Ojöp Frëinademetz.

Dai 22 de agost inant gnarál sostituí dala doturia Mattioni Lodovica.

Dilan al dotur Alberto Carretta por le sorvisc che al á fat y döt le bun ala doturia Mattioni por la inciaria nöia.

Le dotur Carretta pëia do na picia scincunda 23

LA PRÁTIGA N.3 | SETËMBER 2024

La Ciasa se presënta personal

Formaziun sön les cures paliatives

personal volontariat

Volontariat Griliada sciöche dilan En vëndres, ai 19 de messé, él gnü metü a jí tla lounge dl personal, na griliada por düc i volontars, sciöche sëgn de reconoscënza por le bun laur fat ia por l’ann. I volontars y les volontares dá ca tröp de so tëmp lëde a bëgn dla Ciasa de Palsa y chësc á por nosta strotöra dër n gran valur y dër na gran importanza.

Dal momënt che ara ne jiss mai da paié cun scioldi dötes les ores che vëgn fates, vëgnel organisé fora por l’ann chëstes incuntades, che é da öna na pert na poscibilité da sté adöm y se baraté fora les esperiënzes fates, mo al é ince la poscibilité da s’organisé y ciaré inant ales ativités dl dagní.

Te chësta ocajiun á la ciasadafüch arjigné ca na bona marëna y les responsables di volontars á

Na pert di volontars che dá ca so tëmp lëde a bëgn dla Ciasa de palsa organisé la cornisc da festa.

Dötadöm él sté n momënt che á plajü a düc i antergnüs. I oresson tó l’ocajiun da ringrazié düc y

dötes che se dá ca por fá val‘ sorvisc a bëgn de nostes mëdes y nüsc berbesc. Dilan de cör.

Volontariat, Sommer einmal anders, JABA y practicum te Ciasa de Palsa L'isté é por gran pert di jogn y dles jones tëmp de vacanza, mo al é ince le tëmp da fá les prömes

esperiënzes tl monn dl laur.

La Ciasa de Palsa ti dá gran importanza a chësc aspet y ti dá

tres indô la poscibilité a jonins da ciaré ite te nosta strotöra y tl ciamp sozial. Sce la Ciasa de Palsa pó ti insigné val' danü a ëi y a ëres, spo porta ite i jogn y les jones tröpa de bona energia te nosta strotöra. Cun süa bona löna y orenté da fá, acompagnëii nüsc berbesc y nostes mëdes y é insciö n gran arichimënt por düc.

Tres de plü formes á n bel grup de jogn y jones passé chësc isté te Ciasa de Palsa.

N bel dilan a düc y dötes por chësc bel sorvisc. dmc. Mattia (JABA), Carla y Flora (proiet de volontariat internazional), Elias (practicum aziendal), Noemi (Sommer einmal anders), Sara H. (practicum aziendal), Katja y Elena (Sommer einmal anders) y Sara C. (practicum aziendal)

LA PRÁTIGA N.3 | SETËMBER 2024

24

Ciodí aste pa chirí fora da gní chiló a fá n practicum?

Mattia: I á chirí fora da gní chiló a fá n practicum ciodí che al me sá bel da ti tigní n pü‘ de compagnia ales mëdes y ai berbesc.

Ci te á pa fat le plü impresciun?

Katja: Le plü impresciun me á fat da odëi jënt atempada che é contënta cun püch, por ejëmpl jí cun zacai n toch a spazier o fá n jüch.

Cares é pa tües ativités prinzipales tratan le laur?

Noemi: Mies ativités prinzipales é da sté adöm ales mëdes y ai berbesc. I acompagnëi jö i abitanc dla Ciasa de Palsa te salf sce al é val’manifestaziun y gonot junse a spazier, i stun en compagnia y fajun jüc, sciöche por ejëmpl Tombola, Stadt-Land-Fluss y Memory.

Ci te á pa salpü le plü bel da fá cun les mëdes y i berbesc?

Katja: Le plü bel me ál salpü da soghé n valgügn jüc adöm ales mëdes y ai berbesc, deache a düc ti sál dër bel y da rí.

Ci te plëj pa le plü de chësta esperiënza?

Elena: Da conësce n gröm de porsones y les esperiënzes che ares á fat tla vita, da sté impara y les ascuté sö.

Este bona da te imaginé da laoré n de tl ciamp sozial?

Elena: Al me savess pa dër bel y interesant, deache an impara vigni de n gröm lapró.

Al me sá dër bel da sté cun jënt y da i daidé, porchël podëssi bëgn ml’ imaginé bun.

Aste bele n iade laoré cun jënt atempada? Co te ál pa salpü?

Elias: I á bele n iade podü fá n practicum chiló te Ciasa de Palsa.

Deache chësta esperiënza cun les mëdes y i berbesc m’á dër plajü, ái tut la dezijiun da damané sce i ess indô podü gní en chësc ann d’isté a fá n practicum. Áste aspetatives denant co gní chiló? Sce bëgn, cares pa?

Corespogn tües aspetatives ales esperiënzes fates fina sëgn?

Sara C.: I á bel tut pert n iade a chësc proiet, porchël savôi bele ci che al me aspetâ, mo i me confortâ dantadöt da imparé a conësce i atri che tolô pert a chësc proiet deache l‘ann passé êi da sora.

Ci te á pa insigné la jënt atempada? (n consëi por la vita, val`pinsier, val`matada) Sara C.: La jënt atempada m‘á insigné che an n’é mai massa vedli da fá damat y che al é bel da sté te süa compagnia.

Da öna na mëda ái ciafé le consëi: “Hort gong ischs öfter, obo net gong ischs nia,” co ó dí che ara é tres jüda a val‘manira.

Ti aconsiëssest a tü compagns / tües compagnes da fá chësta esperiënza?

Sara H.: A mi compagns ti aconsiassi da fá chësta esperiënza deache ince sce al é datrai n pü da stancé, él tres na bela esperiënza y al é dër bel da sté cun les mëdes y i berbesc de chësta ciasa.

An impara tröp.

Sara C. acompagnëia n valgönes mëdes tratan che ares laora sö erbes

Bëgngnüdes Thea, Greta, Leni y Jorina Thea, Greta, Leni y Jorina é cater jones danter i 18 y 19 agn dla Germania che tól pert a n ann de volontariat internazional. Ëres á chirí fora nosta Ciasa de Palsa olache ares daidará fora ti reparc de cura cina n ater ann ala fin d’agost. Pro sü laurs tochel le daidé dé fora le mangé, romené jö de mësa y ciaré che döt sides apost.

Ares dará ince na man tla cura y passará tröp tëmp cun les mëdes y i berbesc danter na spazirada, ciacolada y sogada.

25

LA PRÁTIGA N.3 | SETËMBER 2024

volontariat

N valgönes domandes a nüsc practicanc da d’isté

personal volontariat

Dilan Carla y Flora En mercui, ai 14.08.2024 ti él gnü fat na picera festa de rengraziamënt y comié ales volontares dla Germania Carla y Flora che cun la fin dl mëis á stlüt jö so ann de volontariat.

simpatia danter nostes mëdes y nüsc berbesc.

Le presidënt Giovanni Mischi á te so discurs rengrazié les döes jones por so impëgn y aiüt prezius, alzan fora ince so bun vir ite tla comunité dla ciasa.

So ester davertes, ligherzines y desponibles á concuisté na gran

Te chësta ocajiun ti él ince gnü organisé na ciacia al tesur da pert dl team dl tëmp lëde cun l’aiüt dles mëdes y di berbesc.

Le diretur á ala fin porté dant na rima che i orun publiché chiló dessot.

N gran dilan a Carla y Flora y döt le bun por so dagní.

Sogar einen Schneemann bauten sie flink, und im Heim freuten sich alle über den frischen Wind.

Die Bewohner, die mochten die beiden so sehr, mancher liebte sie, oh, da war das Herz schwer.

Ein Jahr im Seniorenwohnheim Die Heldinnen Carla und Flora

Es waren einmal zwei junge Frauen, Carla und Flora, aus Deutschland, das sollt ihr euch merken.

Sie hatten ein großes Herz und auch viel Mut, und entschieden sich für ein Jahr voller Tatendrang und Hut.

Doch nun geht die Reise für Carla und Flora weiter, das Studium ruft, das Leben wird heiter.

Das Seniorenwohnheim Ojöp Frëinademetz winkt ihnen zu, mit den besten Wünschen – alles Gute, im Nu!

Im Seniorenwohnheim von St. Martin in Thurn, da kamen sie an, voller Elan und Schwung.

In der Freizeitgestaltung und Pflege waren sie tätig, und wurden geliebt, das war wirklich großartig!

Mögen die Erfahrungen, die sie hier gesammelt, in ihren Herzen und Köpfen niemals verkrammeln.

Die Früchte des Jahres, so bunt und so reich, begleiten sie stets, auf dem Lebensweg gleich.

Carla, die Pflegefee mit sanftem Gemüt, verteilte das Essen, alles lief wie geschmiert.

Sie räumte auf, schob Rollstühle geschwind, und zeigte stets, dass Geduld ihre Stärke bestimmt.

So sagen wir Danke, ihr zwei strahlenden Sterne, für eure Zeit, eure Liebe, von Nah und von Ferne.

Das Heim, die Bewohner, die Mitarbeiter, die Runde, wünschen euch das Beste, in jeder Sekunde!

Flora, die Kreative, mit einem Lächeln so klar, organisierte Aktivitäten, Mal für Mal. Reiseberichte, Konzerte und Lieder, sie brachte Freude, ja sie brachten viel mehr.

Doch bevor ihr nun geht, schaut nochmal zurück, auf die Tage, die Wochen, auf das Lachen im Glück.

Ihr habt so viel gegeben, so viel hier bewegt, dass man euch hier vermisst, ist wohl kaum übertrieben.

Doch nicht nur im Heim waren sie fleißig, auch außerhalb waren sie herrlich eifrig.

Sie sahen Städte, durchquerten Italien mit Schwung, und in Südtirol waren sie auch oft auf Sprung.

Die alten Herzen habt ihr jung gemacht, mit Freude und Wärme, bei Tag und bei Nacht.

Ihr habt sie zum Lachen gebracht, zum Singen, eure Erinnerungen werden hier ewig klingen.

Auf Berge stiegen sie, die Natur rief ganz laut, mit dem Fahrrad durch Täler, das hat sie erbaut.

Im Winter dann, voll Aktivität und Wonne, Rodeln, Skifahren, Schlittschuh – sie liebten die Sonne!

Also nehmt all das mit, was ihr hier erlebt, die Liebe, das Lächeln, das hat euch geprägt.

Und denkt manchmal an uns, wenn ihr studiert, denn in unseren Herzen seid ihr nie ganz fortmarschiert.

ChatGPT, August 2024

LA PRÁTIGA N.3 | SETËMBER 2024

26

volontariat 27

LA PRÁTIGA N.3 | SETËMBER 2024

residëntes y residënc

RESIDËNTES Y RESIDËNC Compliann Tl mëis de má á cumplí i agn 01.05 Rubatscher Caterina, 94 agn 02.05 Miribung Caterina, 89 agn 03.05 Pizzinini Veneranda, 89 agn 04.05 Anvidalfarei Caterina, 95 agn 07.05 Zadra Sieglinde, 91 agn 08.05 Fiorentini Natalia, 79 agn 18.05 Huber Rosa, 88 agn 19.05 Sottara Roberto, 75 agn 19.05 Ties Giuseppe, 79 agn 21.05 Alfarei Laura, 93 agn 23.05 Prousch Josefa, 86 agn 31.05 Canins Roberto, 85 agn

Tratan la festa de messé n’ál nia mancé de bela musiga y scincundes arjignades ca dala uniun dles ëres da Rina Tl mëis de messé á cumplí i agn

La festa de compliann de má é gnüda metüda a jí adüm ala uniun dles ëres da Antermöia

02.07 Chistè Gina, 90 agn

Tl mëis de agost á cumplí i agn 02.08 Rindler Anna, 90 agn

26.07 Rietzler Helga, 73 agn

11.08 Planatscher Clara, 86 agn

29.07 Pedevilla Oliva Anna, 93 agn

18.08 Colz Francesco, 85 agn

30.07 Zingerle Giuseppe, 86 agn Pro na bela festa ól ester de bela musiga.

19.08 Ploner Ignazio, 88 agn 27.08 Irsara Francesco, 81 agn 28.08 Rubatscher Giacomo, 89 agn

Tl mëis de jügn á cumplí i agn 04.06 Vitali Onelia, 96 agn 09.06 Tavella Genoveffa, 76 agn 13.06 Morlang Franz, 68 agn 15.06 Clara Luigi, 89 agn 20.06 Sottara Guido, 60 agn 24.06 Comploi Anna, 92 agn 24.06 Crazzolara Maria, 92 agn

BËGNGNÜS Ti mëisc da ma a agost él gnü tut sö te Ciasa de Palsa: 9 porsones a tëmp determiné 6 porsones a tëmp indeterminé I ti aodun che ëi y ëres se stais

Pro la festa de jügn á l’uniun dles ëres da La Ila surandé de pices scincundes ai festejá LA PRÁTIGA N.3 | SETËMBER 2024

Festa de compliann d’agost adöm ala uniun dles ëres da Lungiarü 28

saurí chiló da nos y che ai se sintes da ciasa.

residëntes y residënc Tratan n domisdé en compagnia é le tëmp che passa cotan plü plajor

Do le moto: le proscim invern vëgn dessigü, se prô i residënc da arjigné ca la “diavolina” che dëida impié sö le füch.

29

LA PRÁTIGA N.3 | SETËMBER 2024

reflesciun

REFLESCIUNS I volontars te Ciasa de palsa I volontars é le cör de na Ciasa de Palsa y ai dá ca trö’ de plü co ma tëmp y sorvisc; ai porta speranza, compagnia y na miú cualité de vita por la jënt atempada.

Sües aziuns á na faziun importanta y cheriëia n ambiënt plü vi y acoliënt por düc. Te n monn olache le gní vedli pó gonot orëi dí isolaziun, rapresentëia i volontars n lian esenzial devers a na vita implida de contentëza y sodesfaziuns.

Ai surantól, te Ciasa de Palsa Ojöp Frëinademetz, inciaries dër desfarëntes; dal’organisaziun de ativités dl tëmp lëde y culturales a de pices ciacolades sura la vita da vigni de.

Chësc laoré adöm ne miorëia nia ma le bëgnester emotif y psicologich di residënc, mo porta pro a mantigní süa vitalité fisica y mentala.

Spazirades al’aria frësca, jüc de sozieté y letöres, vigni aziun, ince sce picera, á na gran importanza.

Implü é i volontars na ressursa importanta por chi che ne á degügn familiars che i acompagnëia ales vijites, por chi che adora aiüt da mangé o por de LA PRÁTIGA N.3 | SETËMBER 2024

pici scüfs da vigni de.

D‘atri se dá jö cun le bëgnester spiritual di residënc, tignon, por ejëmpl, la liturgia dla parora, cherian te capela

n ambiënt acoliënt con ciüfs tres frësć o volontars che ti stá dlungia a porsones che é da morí.

Nia manco importanc n`é i volontars che ne fej nia sorvisc a contat cun mëdes y berbesc y pîta n aiüt che ne pó nia mancé: al é chi che dá so contribut te laurs manuai, dëida ti laurs de manutenziun dla ciasa y cuncia y dortorëia le guant y la blanciaria dles mëdes y di berbesc.

Te Ciasa de Palsa vëgnel fat de vigni sort de ativités desvalies y vigni volontar á la poscibilité da dé 30

so contribut tles ativités che al sënt plü passenëntes a se instës.

Fá volontariat te na Ciasa de Palsa n’é nia ma n gest de generosité ti cunfrunc de mëdes y berbesc, mo ince na poscibilité de chersciüda personala por i volontars instësc.

Ince sce al é datrai emotivamënter dër impegnatif se confronté cun la deblëza y la vulnerabilité dla jënt atempada, é i momënc passá adöm y la reconescënza che an ciafa zoruch, plü stersc co les dificoltés y fej dl volontariat na esperiënza che gratifichëia y arichësc la vita cun lians soc, relaziuns significatives, de bí recorc y inultima ince leziuns por la vita.

Le volontar Carlo cun la fisioterapista Valeria

Tratan i mëisc da má a agost dl’ann 2024 é chëstes mëdes y chisc berbesc passá a miú vita

Anton Frenes + ai 13.05.24

Angela Castlunger + ai 28.05.24

Germana Lina Zilio + ai 31.07.24

Antonia Aichner + ai 03.07.24

Ferdinando Irsara + ai 08.08.24

Clotilde De Masi + ai 09.07.24

Renato Reolon + ai 17.08.24

Was man tief in seinem Herzen besitzt, kann man nicht durch den Tod verlieren.

(Johann Wolfgang von Goethe ) 31

LA PRÁTIGA N.3 | SETËMBER 2024

Aroeder

LA VITA ETERNA DÁI OH SIGNUR Y CONFORTI CUN TO LOMINUS

Gnide a nes ciafé .

Ciasa de Palsa Ojöp Frëinademetz A.P.S.P. Str. Pinis 50 39030 S. Martin de Tor Tel 0474 524700 info@ciasadepalsa.it Ciasa de Palsa Ojöp Frëinademetz

ciasadepalsa_ojopfreinademetz

www.ciasadepalsa.it