Mudansa G&GZ
Na kaminda pa un ambiente nobo i saludabel.
Kleki wake video
Bon biní na nos edishon spesial di boletin informativo mudansa di G&GZ for di Zakitó.
Ku plaser nos ta introdusí na’bo e di tres boletin E idea di e boletinnan informativo, ta pa kolaboradonan di G&GZ por tuma parti i keda informá di desaroyo di e lokalidat nobo.
Pa haña un bista riba e desaroyonan te ku awor, klek riba e ‘link’. Den e videonan nos lo elaborá mas riba e kambionan.
Klek riba e ‘link’ i haña un bista riba e desaroyonan te ku awor.
ADELAN TRABOUNAN DI REMODELASH
Den e edishon aki nos lo amplia tokant avanse ku a tuma lugá den e remodela di e lokalidat na Colon i lokenan falta p por finalisá i asina yega e fase di muda Tin diferente trabounan kanando di un manera simultanio.
Entre otro, resientemente a instalá bentananan nobo, kaminda a krea espa pa mas lus natural por drenta den e kantornan E glas di bentananan ta di ‘ shinishi, i nan por ser habrí te un sierto kaminda, pa asina ta posibel pa ventilá espasio si ta nesesario
Mirando ku e trabounan na e murayanan di e edifisio, tambe e murayanan interno di gips a ser finalisá, esta tur loke ta konekshonnan eléktriko i di ret, awor por akabá e murayanan aki Tantu e trabounan di hasi e murayanan fini i fèrfmentu a start pa asina por drenta e fase di finalisashon.
Tur material pa e parti di ofisina, manera murayanan pa krea e ofisinananan, e asina yamá ‘systeemwand’, material di plafòn i material pa akabado di e flur a yega Korsou den e delaster simannan Tambe e lusnan a yega i lo wòrdu instalá asina ku e plafòn ser finalisá Den e próksimo simannan e espasio lo wòrdu ekipá pa asina por yega na mudansa.
Dor di e sistema modular ku a skohe, e instalashon lo bai den un tempu rápido. P’esei a hasi tur e partinan di trabou gròf promé, i awor por drenta e etapa di ser akabá.
E trabounan di elektrisidat tambe ta den un estado avansá Ya kaba a pasa e kabel prinsipal ku ta bai meter di koriente. Pronto lo por kùr e koriente. Banda di e parti di koriente tambe a instalá e otro aspektonan tékniko, manera sistema di kontrol di kandela, ret i kontrol di akseso.
FLUR DI KANTORNAN
A skohe pa flurnan di PVC pa e espasionan di trabou i tapeit pa e salanan di reunion. E flur di PVC den e gangnan lo tin un kolo di palu. E ta trese un aspekto plasentero den e interior.
E flurnan di ofisina lo haña un koló paresido na e flurnan den e edifisio di Ministerio
MOBILARIO NOBO
Tur kolaboradó di U.O. G&GZ lo haña mobilario nobo i ergonomiko pa por ehersé nan trabou di forma konfortabel i saludabel. E mobiliarionan lo yega Kòrsou mei mei di luna di ougùstùs, i lo wòrdu instalá den e ofisinanan Teniendo kuenta ku esaki, pronto lo kuminsá ku e proseso di informashon tokante mudansa, na tur kolaboradó ku lo keda ubiká den e espasio nobo na Colon.
FASILIDATNAN DEN OFISINA
Durante e remodelashon a tene kuenta ku e komodidat di kolaboradonan
A inkluí fasilidatnan, manera un ‘pantry’ den e area general i un ‘pantry’ den e departamento di Vector. Lo tin un espasio pa printer i dos sala di reunion. Tambe e ofisinanan ta konektá na e ofisinanan di GMN
Mobilario
Èrko
Koriente
Interior
Konstrukshon
PROGRESO G&GZ - COLON
RELATO DI PROGRESO
PARKEO NA COLON
Manera menshoná den e boletin number 2, e parkeo na Colon ta keda un reto. Tabatin algun reunion ku Ministerio VVRP pa deliberá posibel solushon struktural pa e parkeo. Na e momento aki ta den espera di feedback di Ministerio di VVRP pa por sigi ku e adaptashon di e parkeo.
Mientrastantu lo marka liña di nobo, mirando e situashon peligroso ku e stashonamentu ta krea
REMODELASHON DI EDIFISIO DI POLI
Manera ta konosí, e parti di servisionan na públiko di G&GZ lo wòrdu ubiká na e edifisio di Poli. E entrega di e edifisio di Poli, pa por kuminsá ku remodelashon, a konosé un retraso pa motibunan fuera di nos alkanse. Dor di esaki e edifisio no ta na disposishon di e ekipo di remodelashon ahinda. Un bon notisia ta ku a traha riba pedido di tur material, pa asina ku e edifisio ta disponibel, por kuminsá di un forma rápido i asina e proseso por bai mas lihé
ATENSHON I KUIDO PA KOLABORADÓ
Pa ta sigur ku kolaboradonan ta trahando di un manera kómodo den e espasionan temporal, e tim di proyekto ta pasa regularmente serka nan. Ta hopi importante pa sigi e desaroyonan, tende feedback i nesesidatnan. Hasiendo esaki por duna e atenshon i kuido nesesario pa asina kana yega e mudansa definitivo Entre e feedbacknan ku nos a risibí, a pidi pa spùit pa insekto den e lokalidat temporal. Esaki lo wòrdu ehekutá e siman aki.
PRÓKSIMO
EDISHON
Den nos próksimo edishonnan nos lo elaborá mas riba e puntonan aki:
Mudansa i organisashon pa un mudansa eksitoso
Layout di ofisinanan
Remodelashon di Poli pa servisionan públiko di G&GZ
Parkeo na Colon
Un ñapa kon e espasionan lo bira ‘Clean desk policy’
