Na
kaminda
pa un ambiente nobo i saludabel.
Bon biní na e boletin informativo di mudansa di G&GZ
Ku plaser nos ta introdusí na’bo e promé boletin. E idea di tin e boletinnan informativo aki ta pa kolaboradonan di G&GZ por tuma parti i keda informá di e desaroyo di e lokalidat nobo. Klek riba e ‘link’ i haña un bista riba e desaroyonan te ku awor.
Historia
Na desèmber 2023, Minister di GMN a tuma e desishon ku lo muda e departamentonan di G&GZ, antes GGD, for di e edifisionan na Zakitó. E motibu prinsipal pa esaki ta e kondishon di edifisionan na Zakitó, dor di kua no por garantisá un ambiente sano pa traha den dje. A hasi algun ‘quick fix’ pa asina por mantené temporalmente algun servisio na Zakitó, miéntras ku e departamento di THZ lo mester a muda pa un lokalidat temporal den Colon.
Kleki wake videoBoletin Informativo G&GZ Edishon #1
Mudansa G&GZ
MUDANSA TEMPORAL
Pa e parti mas agudo, kaminda THZ tab funshoná, a opta pa adaptá algun espa e promé piso di Colon, nèt patras di e ofisinanan di Ministerio GMN. Esakinan wòrdu repartí den algun espasio, pa as akomodá e sekshon Keuring promé, m ku mester a duna kontinuidat di servisi pronto posibel
SEKSHON KEURING
A krea espasio pa dos bali pa atendé klientenan i un ‘kassa’ pa asina klientenan ku ke hasi pago akinan mes, por swipe i paga pa nan keuring.
Den e espasio aki a krea un lokal pa pasa èksamen. E lokal aki tin un kapasidat di máksimo 20 persona E sekshon Keuring tin kantor pa e personal di enfermeria i un kantor pa e funshonnan di bali.
Pa klientenan tin un espasio basta amplio pa por sinta warda nan bùrt despues di a tuma un number A instalá un sistema di number digital, pa asina ta mas fásil pa por indiká riba un pantaya na e porta, e number ku ta na bùrt.
SEKSHON VECTORCONTROLE
Banda di esaki a muda temporalmente e sekshon
Vectorcontrole A krea un espasio pa por akomodá e sekshon aki, ku su mes entrada i salida. Den e sekshon aki tin espasio pa entre 15 i 20 kolaboradó
Vergunningen
E di tres sekshon ku a muda den e espasionan temporal, ta e sekshon
Vergunningen, kaminda a krea espasio pa 5 lugá di trabou.
Wijkcontrole i sekretariado
E último sekshon ku a muda ta e sekshon Wijkcontrole i sekretariado di THZ.
Ku esaki a kompletá e mudansa den espasionan temporal, miéntras e espasio definitivo ta wòrdu remodelá i adaptá pa akomodá e departamentonan di G&GZ.
ESPASIO DEFINITIVO
E trayekto di remodelashon i adaptashon di espasionan anekso na e ofisinanan di Ministerio GMN na Colon ta den ehekushon, despues di a hasi diferente trabou preparativo den komienso di aña.
Nos por mira un di e espasionan prinsipal kaminda ya a hasi e trabounan na e parti di flur i e parti di protekshon kontra kandela Banda di esaki ta trahando riba e diferente bentananan ku lo wòrdu añadí den e espasio pa asina por garantisá sufisiente lus natural den e espasio di trabou
Den e próksimo lunanan lo ta trahando riba e diferente partinan pa asina por logra hasi e mudansa final. Den e mudansa final aki tambe tur kolaboradó di Ministerio GMN lo haña mobiliario nobo ku lo ta mobilarionan ergonómiko pa garantisá un espasio di trabou saludabel.
PRÓKSIMO EDISHON
Ademas di e mobilario, ta traha riba mas aspekto pa garantisá un ambiente di trabou saludabel, manera sistema di èrko, iluminashon i otro fasilidatnan den e edifisionan
Den nos próksimo edishonnan nos lo elaborá mas riba e puntonan aki:
Lay-out di parkeo. Sistema di èrko. Remodelashon edifisio di Poli. Adelanto di e trabounan di remodelashon
E tim di mudansa huntu ku tim di maneho di GMN ta invitabo pa kompartí bo feedback ku nos. Nos ke krea espasionan konhunto ku futuro usuarionan pa nos logra espasionan plasentero i saludabel kaminda tur kolaboradó por sinti nan na kas i por ehersé nan funshon di e mihó manera pa duna servisio na komunidat.
