G&GZ Boletin Informativo #2

Mudansa G&GZ

Na kaminda pa un ambiente nobo i saludabel.

Klek riba e ‘link’ i haña un bista riba e desaroyonan te ku awor.

Kleki wake video

Bon biní

na nos

di dos edishon di e boletin informativo di mudansa di G&GZ for di Zakitó.

Ku plaser nos ta introdusí na’bo e di dos boletin E idea di tin e boletinnan informativo aki ta pa kolaboradonan di G&GZ por tuma parti i keda informá di e desaroyo di e lokalidat nobo.

Manera menshoná den nos promé edishon, den e edishon aki nos lo elaborá riba e siguiente puntonan:

Parkeo na Colon.

Sistema di èrko. Remodelashon di edifision di Poli Adelanto den trabounan di remodelashon.

Avanse den trabounan di remodelashon.

Trabounan di remodelashon ta avansa manera planifiká.

MURAYANAN PA REPARTISHON DI ESPASIONAN

Despues di a egalisá e flur, esaki kierm hasi e flur fini i ‘egaal’ di forma ku por ‘vloerbedekking’, a kuminsá ku e mura pa krea e espasionan. Den e proyekto nos ta hasi e repartishon di e espasiona dos tipo di muraya:

Murayanan di gips. 1.

Sistema di repartishon, asina yamá

‘systeemwand’ ku ta un kombinash panelnan será, glas i portanan, mes ku e kantornan di Ministerio GMN 2

Na e momentonan aki ta trahando riba e diferente murayanan di gips. Segun e diseño, nos punto di salida ta pa krea espasionan saludabel Nos ta dediká hopi atenshon na e aspekto di isolashon di zonido den e repartishon di espasio. Zonido ta un di e aspektonan prinsipal ku mester tene kuenta kuné den kreashon di kantornan saludabel. Zonido ku ta pasa for di un espasio pa otro, por stroba konsentrashon.

Den e espasionan mes tambe ta importante pa e parti akústiko ta bon. E parti akústiko ta sòru pa e zonido ku ta wòrdu produsí, tambe por wòrdu di dèmpel di manera ku e no ta kousa molèster pa e usuarionan di e ofisina.

Pa logra esakinan, nos a tene kuenta ku eskoho di material den e proyekto, pero tambe e diseño di e tiponan di muraya. E murayanan ku ta wòrdu konstruí di gips ta konsistí di un frame i dòbel plachi di gips na kada banda di e muraya Esaki huntu ku e isolashon den e muraya ta sòru pa nos yega e nivel di isolashon di zonido entre espasionan.

E sistema di repartishon ku porta i glas tambe lo wòrdu instalá den algun siman, segun e planifikashon di e proyekto Den algun siman nan lo yega Kòrsou, pa asina por kaba di forma e espasionan di trabou.

Den e sistema aki tambe a tene kuenta ku e aspekto di zonido.

LUS NATURAL

Un otro aspekto importante pa por yega na un lugá di trabou saludabel, ta e aspekto di lus natural Pa logra esaki, a inkluí diferente bentana nobo den e murayanan eksterno di e edifisio, pa asina lus natural por drenta den e espasionan di trabou.

E diferente burakunan pa e bentananan nobo a wòrdu trahá i pronto e bentananan lo wòrdu instalá.

Banda di e murayanan tambe a sòru pa pone un kapa di protekshon nobo na e dak di un di e partinan di edifisio kaminda esaki tabata nesesario. Esaki lo sòru pa e edifisio ta ‘waterdicht’. E trabounan aki a wòrdu kompletá di manera ku por a kuminsá traha riba e otro aspektonan na e parti aki di e edifisio tambe

DAK DI EDIFISIO

TRABOUNAN DI ELEKTRISIDAT

Un otro parti ku a kuminsá traha riba dje ta e instalashon di koriente pa e kantornan nobo. Den e próksimo simannan lo instalá e sistema di koriente nobo i tambe sistema kontra kandela i konekshonnan di data. Tur esaki ta wòrdu hasí konforme normanan internashonal, pa asina kumpli ku e standardnan di un espasio di trabou moderno i efisiente.

INSTALASHON DI ERKO

Den luna di mei tambe lo kuminsá ku instalashon di sistema di èrko, ku ta un di e partinan hopi importante den un edifisio di ofisina Den e diseño pa logra yega na un espasio saludabel, e parti di kalidat di airu ta di hopi importansia. A tene kuenta ku aspektonan manera airu fresku, kòntròl di humedat i sirkulashon den e sistema di èrko, pa asina por garantisá un kalidat óptimo di airu, kaminda kolaboradonan di GMN lo bai laborá.

RELATO DI PROGRESO

PROGRESO HUISVESTING G&GZ

PROYEKTONAN

Manera ta konosí, e parkeo na Colon ta keda un reto A organisá i pinta e liñanan di stashonamentu di nobo, mirando ku esakinan kasi no ta visibel mas Dor di esaki, ta krea un situashon peligroso pa ku stashonamentu na Colon.

No opstante ku e sistema di parkeo ta un reto, ta trahando duru pa por yega na un solushon struktural pa esaki. Base di esaki ta un plan di parkeo ku a traha pa asina por a deliberá ku Ministerio VVRP Ya tabatin reunionan ku Ministerio VVRP i nos ta den deliberashon pa asina por duna mas informashon tokante e solushon pa esaki den nos siguiente boletin.

Parkeo

REMODELASHON DI POLI

Manera ta konosí, e parti di servisionan na públiko di G&GZ lo wòrdu ubiká na Poli. E komienso di e remodelashon na Poli a konosé algun retraso pa motibunan for di nos alkanse. Pero nos ta premirá ku pronto nos lo por kuminsá ku trabounan na e edifisio, pa asina nos por muda e partinan aki tambe. Den nos próksimo boletin nos lo elaborá mas riba e parti aki di e proyekto.

PRÓKSIMO EDISHON

Den nos próksimo edishonnan nos lo elaborá mas riba e puntonan aki:

Mobilario nobo.

Flur di kantornan

Fasilidatnan den ofisina.

Lay-out di ofisinanan.

Mudansa i organisashon pa un mudansa eksitoso.

Remodelashon di Poli pa servisionan públiko di G&GZ.

E tim di mudansa huntu ku tim di maneho di GMN ta invitabo pa kompartí bo feedback ku nos. Nos ke krea espasionan konhunto ku futuro usuarionan pa nos logra espasionan plasentero i saludabel kaminda tur kolaboradó por sinti nan na kas i por ehersé nan funshon di e mihó manera pa duna servisio na komunidat.