Experimentica15 galw am geisiadau

EXPERIMENTICA15 GALW AM GEISIADAU 4–8 Tachwedd 2015 CHAPTER, CAERDYDD, UK www.chapter.org

Cian Donnelly, Bleach Box, Experimentica14. Llun: Warren Orchard

Beth yw EXPERIMENTICA? Mae EXPERIMENTICA yn ŵyl bum niwrnod flynyddol a gynhelir yng Nghaerdydd. Fe’i sefydlwyd yn 2001.

Mae EXPERIMENTICA yn cyflwyno rhaglen ddeinamig o gelfyddyd, perfformiadau a phrosiectau rhyngddisgyblaethol byw ac mae’n llwyfan pwysig sy’n caniatáu i artistiaid Prydeinig ac o bedwar ban byd gynhyrchu neu gyflwyno gwaith.

Mae EXPERIMENTICA yn gyfle i artistiaid (profiadol a di-brofiad fel ei gilydd) gyflwyno gweithiau heriol ac arbrofol a hynny mewn awyrgylch agored a chefnogol lle mae i’r artist rôl ganolog.

Gall EXPERIMENTICA fod yn ddifyr, yn beryglus, yn ddryslyd, yn wir bob gair, yn chwareus, yn bryfoclyd, yn ffraeth ac yn boenus - ac yn unrhyw beth arall dan haul!

Nod EXPERIMENTICA yw cefnogi artistiaid sy’n ymwneud a chelfyddyd fyw ac sydd yn defnyddio dulliau arbrofol.

EXPERIMENTICA15: ARE YOU ASKING FOR EVIDENCE OF THE TRUTH? Pa mor solet yw ‘ffaith’ mewn gwaith ‘ffeithiol’? Yn 2003, cafodd ysgrif gan yr awdur John D’Agata ei gwrthod gan y cylchgrawn a’i comisiynodd o ganlyniad i anghysonderau ffeithiol. Cafodd yr ysgrif honno - a ddaeth yn y pen draw yn sail i gasgliad nodedig D’Agata, ‘About a Mountain’ - ei derbyn gan gylchgrawn arall, The Believer, ar ôl iddyn nhw roi’r darn i’w gwiriwr ffeithiau eu hunain, Jim Fingal.

‘The Lifespan of a Fact, 2012’ Ar sail yr hanesyn lled-ddychmygol hwn am y trafodaethau rhwng D’Agata a Fingal - a saith mlynedd a mwy o ddiwygiadau a dadleuon – datguddir proses o ailddiffinio cysyniadau fel dogfennaeth, gwirionedd, cred, hanes, mytholeg, y cof ac anghofio.

Rhodri Davies & Lina Lapelyte, Experimentica14. Llun: Warren Orchard

AM BETH FYDDWN NI’N CHWILIO? Eleni, mae EXPERIMENTICA yn chwilio am fersiynau newydd o’r gwirionedd.

Rydym yn chwilio am artistiaid sydd yn cymryd rhan mewn prosesau arbrofol byw - boed hynny’n berfformio, yn ysgrifennu, yn ddeunydd sain, ffilm, fideo, gosodiadau, dawns neu theatr.

Hoffem glywed gan artistiaid sy’n awyddus i gymryd rhan ac i ymwneud â thrafodaethau am eu gwaith mewn awyrgylch cefnogol a chymdeithasol, a chan y rheiny sy’n awyddus i rannu syniadau, i ehangu dealltwriaeth ac i fyfyrio ar brofiadau yn ystod yr ŵyl.

Rydym yn croesawu cynigion gan unigolion a grwpiau sy’n cael eu cyffroi gan y syniad o arbrofi a chan y rheiny sy’n hoff o gymryd risgiau.

Efallai y byddwch am weithio mewn ffordd newydd sy’n ymwneud â’r ŵyl a’i chyd-destun ehangach, boed hynny yn fyw, ar-lein, mewn print, ar radio neu drwy ddulliau darlledu eraill.

Os oes gennych syniad yr hoffech ei archwilio, gwaith sydd yn barod i gael ei weld am y tro cyntaf, neu gynhyrchiad yr hoffech chi ei gyflwyno i gynulleidfa newydd, byddai’n dda gennym glywed gennych.

BETH FYDDWCH CHI’N EI DDERBYN? Bydd pob artist yn derbyn ffi. Yn ogystal â hynny, byddwn yn talu eich holl gostau teithio (hyd at £750) ac yn talu am lety i chi yn ystod eich cyfnod yn yr ŵyl.

Cymorth technegol a gwasanaethau marchnata, ynghyd â sylw i chi ac i’ch gwaith yng nghylchgrawn EXPERIMENTICA. Delweddau manylder uchel o’ch gwaith.

Pas rhad ac am ddim i Ŵyl EXPERIMENTICA a fydd yn eich galluogi i weld cymaint ag y gallwch tra byddwch chi yma.

Nathan Walker, S C A W, Experimentica14. Llun: Warren Orchard

SUT I WNEUD CAIS Ar e-bost — Atodwch ffurflen gais wedi’i chwblhau (gellir ei lawr-lwytho hi fan hyn) — CV artistig byr (dolenni ar-lein, pdf neu ffeiliau .doc. Dim mwy na dwy dudalen A4) — Dolenni i ddeunydd ategol (gwefannau, adolygiadau, fideo, Dropbox ac yn y blaen) Dalier sylw: Rydym yn derbyn nifer fawr o geisiadau bob blwyddyn felly ystyriwch y deunydd a anfonwch yn ofalus - meddyliwch am yr hyn sy’n cynrychioli eich gwaith orau a gyrrwch y deunydd a fydd, yn eich barn chi, yn gweddu orau i’r ŵyl.

Anfonwch eich ceisiadau ar e-bost at visual.arts@chapter.org gyda’ch enw a’r geiriau CAIS EXPERIMENTICA15 ym mhwnc yr e-bost

Drwy’r Post: — Ffurflen gais wedi’i chwblhau (gellir ei lawr-lwytho hi fan hyn); Deunydd ategol perthnasol. (Disgiau DVD, Blu-Ray, USB, CD o ddelweddau) Dalier sylw: Rydym yn derbyn nifer fawr o geisiadau bob blwyddyn felly ystyriwch y deunydd a anfonwch yn ofalus - meddyliwch am yr hyn sy’n cynrychioli eich gwaith orau a gyrrwch y deunydd a fydd, yn eich barn chi, yn gweddu orau i’r ŵyl.

— Amlen â stamp a chyfeiriad arni i ni gael dychwelyd eich deunydd.

Anfonwch eich ceisiadau at: EXPERIMENTICA15, d/o Celfyddydau Gweledol Chapter, Chapter, Heol y Farchnad, Caerdydd CF5 1QE Y dyddiad cau ar gyfer cyflwyno ceisiadau fydd 12pm ar ddydd Gwener 10 Gorffennaf Os bydd gennych gwestiynau neu os oes angen cyngor arnoch ynglŷn â’r hyn i’w gynnwys gyda’ch cais, anfonwch e-bost atom - visual.arts@chapter.org - neu ffoniwch 029 2031 1263

Paul Hurley, I Fall to Pieces, Experimentica14. Llun: Warren Orchard

DYDDIAD CAU AR GYFER CEISIADAU 12pm DYDD GWENER 10 GORFFENNAF Heol y Farchnad, Treganna, Caerdydd, Cymru, UK CF5 1QE +44 (0) 29 2031 1050 www.chapter.org

Design: Nelmes Design +44 (0)29 2064 5777

HARANCZAK/NAVARRE PERFORMANCE PROJECTS, Control Signal - A Duet by Karen Christopher and Sophie Grodin, Experimentica14. Llun: Warren Orchard.