Cesa de Jan n°21 2023

CESA DE JAN

DEZEMBER 2023 | NUMER 21

DAVÒ 100 AGN CHE SE MEDION LE FERIDE... ÉLE VARIDE?

EDITORIAL DEL DIRETOR DENNI DORIGO

L 2023 l é sté n ann dassën mportánt per dut l mond ladin e spo ence per nost Istitut Nte deplù ocajion on recordé la spartizion del popol ladin nte trei provinzie e doi region, volù dal goviern fascist ntel 1923 On scomencé de jenè a Bolsán, nte la senta del Euregio, co la raprejentazion “3 donne, 3 epoche, 3 sfide”, replicada ence nta Col co l é sté metù su l monument sot la Cesa de Jan e n Ampëz ntel “Di dla Unité Ladina” L moment plu mportánt l é sté segur l Convegn Nazional “I Ladis, na tacia da color” metù a jì n Ampëz ai 6 e 7 de otober, deberiada coi autri doi Istituc Ladins “Majon di Fascegn” e “Micurá de Rü”: a chëst event on volù dediché chësta edizion del folgio “Cesa de Jan”. Sessaben che, co l é da mëte mán a cuestion rustie, no se pò se speté de mudé dut nte n sántiamen; mpo speron che col convegn onbe dé na spenta e che ntei meisc e agn che ven podonbe arjonje n valgugn obietifs che dëide fora la mendránza ladina a tignì su suo lengaz, sua cultura e sua identité Senza desmentié duta l’ativité che fesc l’Istitut via per l ann, da chël linguistich a chël storich, da la scola a la divulgazion sui media fin al ciámp mujeal e teatral, on saré via l ann co la prejentazion de la riedizion del liber “I ladini fra tedeschi e italiani” de la Luciana Palla: liber che, ntel 1986, ava vadagné l Premio Cultura de la “Presidenza del Consiglio dei Ministri” Ades podon scomencé l 2024 con crëta ntel davignì: sarà n ann delicat per l Istitut, co la nomina del nuof Consei de Aministrazion, del Prescident/a, del Diretor/a e del Consei Cultural.

L CANTON DE LE PUBLICAZION

I LADINI FRA TEDESCHI E ITALIANI.

UNA COMUNITÀ DI CONFINE:

LIVINALLONGO DEL COL DI LANA/FODOM 1918-2023

LUCIANA PALLA

IST LADIN C D J | CIERRE EDIZIONI

LanrescidastoricadeLucianaPallane scincan’analisiaprofondidadedesferenc aspecchecarateriseialacomunitéde Fodom,maencedeleautrevalladine dolomitiche,dal1918al2023 Noziede,ntel temp,ltentatifdesedefinìnetaliagn,ne todësć,maladins,senzampociafiédeldut ntelobietifdevedeirecugnisciudanosta spezifizité Recuperélliamconnostatiera conenprojetchediebevitaasue potenzialitéesuespezifizité,podëssaester, aldidancuoi,lsignificatdelatrop contestada“identitéladina”

Dapodeiciapéntevignisenta delIstitutLadinCesadeJan €18,00

CONVEGNO “I LADIS, ‘NA TACIA DA COLOR”

1923-2023: A 100 ANE

DA RA SPARTIZION, CEMODO ŚONE INAANTE?

L Istitut Cultural Ladin “Cesa de Jan”, aduna ai Istitute Ladis Micurá de Rü (de Badia e Gardena) e Majon di Fascegn (de Fascia), l à paricià un Convegno de gran valor propio canche tomaa i zento ane da ra spartizion del popol ladin inze tre Provinzies e doa Rejos

Ra data storica del 1923.

Col Regio Decreto n 93 del 21 de jenaro del 1923 el Goerno Fascista l à destacà contra ra volotà de ra śente i tre Comus de Cortina d’Anpezo, Fodom e Col da ra noa Provinzia de Trento (agnoche l ea inze anche el Südtirol del di d’ancuoi), par i cazà inze ra Provinzia de Belun. Drio al pensier politico de Ettore Tolomei, un nomà nazionalista e iredentista talian che dijea “i Ladis i é ‘ na tacia grija che l é, o de strif o de straf, da gratà via”, vegnia fata na Lèje par spartì el popol ladin, che l ea un zavario par talianiśà ra śona a sud del Brener Con chesta separazion (fenida del 1927 co ra spartizion de ra Val de Fascia da ra Val Badia e da ra Val Gardena) se vorea ruà, drio el prinzipio del “divide et impera”, a desfei ‘ na comunità che a Roma i pensaa che ra fose “i peśo taliane e i pì conastre panjermanistes” gouja ra so cultura, el so modo de vede e de ese testoi, propio come i tirolejes L é stà, donca, ra spartizion politica del popol ladin, nasciuda da ’ na discriminazion etnica e soziolinguistica

R’idea.

Dato che, sto an, tomaa el zentenario de chesta data storica, dal dapomeśodì de vendres ai 6 de otobre fin a dadasera de sabeda ai 7 de otobre, l é stà fato, inze l Alexander Girardi Hall de Anpezo, un convegno a lièl internazionale. De outo lièl i é stade i intervente sul palco e ra cuesios tratades. El programa l é scomenzà coi salude istituzionales, con un scrito del Profesor Giuseppe Valditara, el Ministro del “Istruzione e del Merito” Alolo dapò i raprejentantes de ra tre provinzies, agnó che vive el popol ladin, valadì Bolśan, Trento e Belun: ra tre provinzies ‘ś à dà el patriozinio par el convegno I laore i é scomenzade con un panel storico che, diade dai prateghe storiche de gran outo lièl, l à spiegà ce che l é suzedù śà zento ane e l à contà storia del popol ladin via par el Noezento, fin a ruà al di d’ancuoi Dapò ra zena de vendres, senpre al Alexander Girardi Hall, l é stà fato el “Gran Conzert Ladin” con tre bandes ladines, una par provinzia che, inze meśo a tanto color da restà incantade, ‘ś à sonà par se sentì dute aduna; agnó che ra politica r’à spartì, ra musica bete dute aduna! El di dapò s’à scomenzà co ra relazios sozio-antropolojiches: l é stà parlà de cuestion, demografiches, soziolojiches, su ra Jeja e su ra parlades, con un ocio a ra minoranzes europees Un dei momente che à piajù depì l é stà “Ladinia 2050: el doman de ra comunità ladina veduda dai śoen”, agnó che sète śoen da ra zinche val ladines del Sela i à dito fora dai dentes ce che vó dì ese ladis, ce che i fesc festide par el doman de ra nostra minoranza e soralduto ce che i se speta par i anes che vienarà Inze chesto momento i é stade nominade “Anbasciatore de ra Ladinia” e chesto sarà un dei projete che śirà inaante I laore del convegno i s’à sarà con i sugerimente par ra soluzion a longo tèrmin dei problemes del nosc popol, che da zento ane el se bate par aé i so derite e che mai l à lascià de rivendicà ra propia unità, anche politico-aministrativa, anche se l é ancora spartì co ra forza Via par el 2024, se proedarà a publicà i ate del convegno, coscita dute cuante podarà saé de preziśo ce che l é stà dito inze duta ra relazios

Prospetives par un doman.

Da chiste doi dis in Anpezo, l é vegnù fora sćeto e neto che, dapò de zento ane de spartizion, ra “tacia grijia” ra no n’é stada gratada via, ma podon dì che r’é deentada “’ na tacia da color” fata da ‘ na comunità che r’à seguità a śì sul so troi identitario, culturale e linguistico con spirito de autocoscienza e autocoscienza e r’é śuda a vede de ciatà un so posto iusto inze el mondo de ra minoranza storiches, etniches e linguistiches nazionales e europees Co l é dinultima, un dei scope prinzipales da podé darśonśe inprescia sarae ‘ na scora paritetica plurilingue inze dute i Comus de minoranza Zerto l é che, inze un momento de globalisazion coscìta delicato, son ruade a un crojà: o ra istituzios, a dute i liéi, es se moe alolo con vera azios che pode tegnì su ra comunitas del posto, ra families nasciudes là e respetà ra volontà e ra “ governance ” de ci che stà inze chesta valades trezentosesanta dis al an, sedenò se risćia de perde par senpre el gran patrimonio storico, cultural, identitario e linguistico che da secui el rende ùgnolo el nosc popol ladin.

Maurizio Cau l é n rizercator del Istituto storico italogermanico de Trënt L va davò a projec de nrescida su la storia del Trentin nánter Votcënt e Nuofcënt Suo referat al convegn ava inom: Le valli ladine tra Impero asburgico e Regno d’Italia Un profilo politico-istituzionale.

Maurizio Ferrandi l é giornalist pro le redazion de folgi e televijion locai e autor de “Il nazionalista”: na biografia de Ettore Tolomei Suo referat al convegn ava inom: Ettore Tolomei e la questione ladina Una quasi monografia nel numero di Archivio per l’Alto Adige del 1913.

Andrea Di Michele l é profescior de Storia contemporanea a la Libera Université de Bolsán L se cruzia de storia de le region de confin, de fascism e de Italia republicana Suo referat ava inom: Rappresentazioni identitarie ai confini: tedeschi, italiani e ladini tra nazionalismi e fascismi.

Luciana Palla l’é fodoma, laureada n Filosofia e n Storia, l’à fat trope nrescide su la storia del Nuofcënt per ci che auda la Ladinia, l teritor trentin, sudtiroleje e belumat L’à scrit zirca 60 publicazion scientifiche Suo referat ava inom: 1923-2023: centoannidistoriadellapopolazioneladinadolomitica.

Kathy Moling l’é badiota, la s’à specialisé n Storia de l’Ert. L’é diretora del Museum Ladin Ciastel de Tor e Ursus Ladinicus L’à gestì mostre, espojizion e troc projec interculturai Suo referat ava inom: Elementi antropologici e socioculturali dei ladini nel contesto museale.

Werner Pescosta l é badiot, laureé n Lëtre e l laora pro l Istitut LadinMicuràdeRü Léautorde“StoriadeiladinidelleDolomiti” Suo referat ava inom: Iladini:macchiagrigiadagrattarvia”vs popolazione da tutelare Un’analisi del percorso che ha portatoalriconoscimentoistituzionaledellaminoranza.

Cesare Bernard l é fascián, professor, rizercator de storia locala, n particolar de la Gliejia de la Val de Fascia e suo liam col teritor ladin e alpin Suo referat ava inom: Le valli ladine e la Diocesi di Bressanone Una lunga storia fra appartenenza e identità, attenzioni e divisioni.

Diego Cason l é laureé n Soziologia, l é sté professor, l à publiché trope nrescide soziologiche L é nánter chi che à metù su l BARD e l é l Prescident del ISBREC de Belum. Suo referat ava inom: L’evoluzione del contesto socio-demografico della Ladinia “brissino-tirolese”.

Stefano Lorenzi l é ampezán e segretar general de le Regole d’Ampëz L à da puoch publiché, auna al pere, “Cortina 2020-2040: storia di una comunità al tramonto?” Suo referat ava inom: Cortina 20202040 Storia di una comunità al tramonto?

Ruth Videsott l’é badiota, laureada n Lengac e Leterature Foreste col dotorat n Romanistica L’é prof ssa pro l’Université de Bolsán L’à publiché troc articoi de aut livel scientifich Suo referat ava inom: La comunità linguistica ladina ieri, oggi e domani.

Vicent Climent Ferrando l é catalán, laureé n Scienze Politiche e Soziai L à la catedra UNESCO su le politiche per l multilinguism a l’Universcité UPF de Barcelona Suo referat ava inom: Quale futuro per le minoranze linguistiche Europee?Proposteperunapoliticalinguisticaequa.

Pierluigi Mantini l é prof de Diritto Amministrativo al Politecnico de Milano L à e l à bù trope nciarie a livel istituzional, per ej:

member del Consiglio di Presidenza della Giustizia Amministrativa, consiadou giuridich pro la Presidenza del Consiglio dei Ministri, deputat pro la Camera dei Deputati, raprejentánt spezial per la Talia nte la Commissione Diritti Umani dell’OSCE, etz Suo referat ava inom: Gli accordi tra i ladini oltre i confini

Francesco Palermo l é prof ordinar de Diritto pubblico comparato pro l’Université de Verona e Diretor del Istituto di studi

federali comparati de Eurac Research Nánter le trope nciarie istituzionai, se recorda sua prescidenza pro l Comitat consultif de la Convenzion-cuadro per la protezion de le mendránze nazionai del Consei d’Europa e sua colaborazion pro l comitat scientifich de la Agenzia per i deric fondamentai de l’Union Europea e n plu l é ence Senator de la Republica Suo referat ava inom: Prospettive giuridiche e istituzionali per Fodom, Col e Anpezo.

T’ASTO PERDÙ

L CONVEGN?...

Nlouta

Tò ju col zelular chëst codesc-QR o và su la plata:

WWWMICURAIT

per vedei l program e la livestreaming de vigni intervent

La Ladinia (r)ejistarà, ence ntel davignì L messagio dei jovegn ambasciadous ladins l é ciaro e compat; l fesc tourné a chichemei la voia de se dé ju per mantegnì chël che n’é resté o, meio ncora, de se fè su n domán con chël che on ncuoi Se ciaurieia na Ladinia plu dalvierta, plu unida, plu stravardada, plu moderna nsoma: n luoch ulà podei sceguité a vive senza se tò fora dal rest del mond

LADINIA 2050

L DAVIGNÌ DAL PONT DE VEDUDA DEI JOVEGN

Per Marc, ester ladin vol dì souraldut se dé da fè acioche l lengaz ladin pobe deventé ence l lengaz dei tosac del domán Dël crei trop nte l’unité del popol ladin: per la fè crësce, l à consié che, co s’é nánter ladins de val desferente, s ’ assa da se prové de descore col idiom de nosta val Bel medemo s ’ assa da fè ence a livel scolastich, descoran ladin tratánt n valgune materie Chëst dëida l lengaz, fesc crësce la consapevolëza, la familiarité e l gaist de fè pert del medemo popol - pico, ma vif e compat Sophia la ie ten trop a se sentì pert de sua comunité: la recugnësc che son na mendránza, ma ence che on n gran partimone da stravardé L é dërt rodé l mond, mparé e se giourì a culture desferente per po tourné nte nost pico paisc, ie cialé con ogli nuos e daidé pro a l mioré Onse da se giourì deplù al foresto, acioche siebe plu inclujion; senza nié nosta identité, ma onse nveze da la fè cugnësce e la mëte a confront con chële autre L ‘desferent’ l é n ’oportunité per cugnësce nuove culture e per podei crësce Gianluca l crei trop nte le sociazion, ntel fè grop nánter i componenc de na comunité Da soi se fesc puoch e nia: l é ntei grop che nasc e che crësc l’amizizia e spo ence la voia de sceguité a jì davò a n ideal, a n obietif Dël recugnësc che no l é per nia saurì, nte chëst moment, pensé a n davignì con plu jent che se sent ladina, zispa nte sua val, Ampëz: perchëst l volëssa nvié plu jent a fè grop per daidé pro a mantegnì viva l’identité ladina. Suo leitmotif l é: “Mai zede!”

Valeria l’à da ci fè co l’istruzion e la vif ntamez a culture e lengac desferenc L é mportánte che a scola n valgune lezion le vegne fate per ladin, che se laore deberiada coi Istituc Ladins e lie ladine Douré l ladin no gauja de esclujion dei nia-ladins, ma na bela oportunité de ntegrazion nte la val Nte vigni val ven organisé trope bele scomenciadive: fossa sciode che le reste demè ntei confins. Copa no fè deplù per duc i ladins deberiada? Fossa n aiut per tegnì plu auna, per no se n jì da noste val, per cugnësce nuova jent.

Per Nicole, ester stolc l é n sentiment mportánt no demè per mantegnì l’identité e tegnì aute noste tradizion e nosta cultura nte la vita da vignidì, ma ence per avei l gusto de trasmëte, de conté nosta realté a zachei che ven da foravia Per dëla, ester ladins l é n sentiment plu sterch che ester demè nascius nte na val ladina da pere e mere ladins; l é ceze che se sent daite, coche reisc chersciude n profondité: ester contenc de nosta val nte duta sua varieté de tradizion, cultura e lengaz e se sentì pert de chësta.

Per Lorenzo, l lengaz ladin assa n frëgo da se modernisé Fossa debujen de passé soura l lengaz patrimonial per rué a n lessich plu adat al temp ulache vivon, acioche l ladin l pobe ester douré deplù ncuoi e domán Nte chisc agn, vigni cultura l’é tres plu a contat co le autre: chëst no vol dì fè n smescedoz e valivé dut cánt, ma podëssa ester n oportunité per recugnësce nosta identité e, ntel medemo temp, per savei de fè pert, encenos,delmond Ondategnìdurcopache,foradenia,saronrecugnisciusperchëstanostaautentizité

Aaron l à poura che sua val pierde l’identité ladina, ajache tropa jent del luoch la mossa se n jì demez copa che la no pò plu se mpermëte de ciapé cesa saurì: i priesc i é massa auc per nos, spo tres plu foresć compra ju tarens e fesc su cese che po resta sarade debota dut l ann. Na val, senza sua comunité, la no n é plu dëla e degugn volëssa mei rué a se sentì foresto a cesa sua Dël spera che, ntel bel e ntel burt, i jovegn che ven davòi abelestrodeporténnavántcicheonbùlafortunadeciapé,pernojìapierdedutlbelcheon

Marc Castlunger (18, Val Badia), Sophia Troi (16, Col), Aaron Sigismondi (19, Fodom), Nicole Lozzer (19, Fascia/Vich), Valeria Bernardi (23, Gherdëina), Lorenzo Riz (21, Fascia/Ciampedel), Gianluca De Riva (23, Anpezo)colamoderatoraMillyCrepaz

CONTAC

Istitut Cultural Ladin "Cesa de Jan"

Telefon +39 0437 720609

Scito web wwwistitutoladinoorg

E-mail info@istitutoladinoorg

La Vila, 54 | Col de Santa Luzia (BL) 32020 - IT