Chief Executive Vacancy (Welsh Version)

CYNGOR BWRDEISTREF SIROL CAERFFILI

Prif Weithredwr

Tîm Caerffili

GWASANAETHAU POBL PEOPLE SERVICES

Neges gan Arweinydd y Cyngor – Y Cynghorydd Philippa Marsden Diolch am eich diddordeb mewn gwneud cais am y swydd Prif Weithredwr yn un o brif awdurdodau lleol Cymru.

Mae’r pecyn hwn yn cynnwys llu o wybodaeth am y Cyngor a’r rôl. Rydyn ni’n gobeithio y bydd yn eich annog i wneud cais a rhoi gwybod i ni pam rydych chi’n credu mai chi yw’r ymgeisydd perffaith ar gyfer y rôl hon.

Dyma gyfle unigryw i ymuno â mi wrth arwain Cyngor Bwrdeistref Sirol Caerffili yn ystod amser cyffrous i’r sefydliad wrth i ni adeiladu model newydd o ddarparu gwasanaethau ar gyfer llywodraeth leol trwy ein Rhaglen Drawsnewid ‘TîmCaerphilly - Yn Well Gyda’n Gilydd’.

Mae Bwrdeistref Sirol Caerffili wedi’i gydnabod ers amser maith fel ardal lle mae gweithio mewn partneriaeth rhwng y sectorau cyhoeddus, preifat a gwirfoddol yn golygu mwy na geiriau yn unig. Ein ffocws yw sicrhau’r budd a’r effaith fwyaf o bopeth a wnawn drwy gydweithio er budd pawb. Rydyn ni’n bartneriaid allweddol yng Nghytundeb Dinesig Prifddinas‐Ranbarth Caerdydd ac rydyn ni’n gyffrous gyda’r cyfleoedd pellgyrhaeddol y bydd y buddsoddiad hwn yn eu cynnig i’r fwrdeistref sirol a’r rhanbarth cyfan, wedi’i ategu gan bartneriaethau aeddfed gyda’r sectorau cyhoeddus, preifat a gwirfoddol.

Mae gan y Cyngor hanes o ddarparu gwasanaethau o ansawdd uchel i’w 180,000 o drigolion ynghyd ag enw da am oresgyn pa heriau bynnag y mae wedi’u hwynebu. Wrth i’r cyllidebau dynhau, a’r galw a’r disgwyliad gynyddu, mae’r Rhaglen TîmCaerffili - Yn Well Gyda’n Gilydd yn gosod ein bwriad ac yn ffurfio’r sylfaen ar gyfer ein dyfodol.

Wrth wraidd y rhaglen drawsnewidiol hon y mae’r mantra ‘Calon Gymdeithasol a Phen Masnachol’. Mae hyn yn cydnabod ein hymrwymiad i wasanaethau cyhoeddus ac anghenion ein trigolion, tra hefyd yn dangos ein hawydd i archwilio cyfleoedd arloesol, masnachol newydd lle bo hynny’n briodol, er mwyn cynhyrchu incwm ychwanegol i’w ail‐fuddsoddi mewn gwasanaethau i’w helpu i aros yn gydnerth.

Bydd y rôl hon yn ganolog wrth lunio ac arwain y siwrnai drawsnewid hon, ac felly mae’n hanfodol bod gan yr ymgeisydd llwyddiannus y profiad a’r ymrwymiad i ddod â’n gweledigaeth a’n harloesedd yn fyw.

Rhaid canolbwyntio ar symud y sefydliad yma yn ei flaen er budd pobl Bwrdeistref Sirol Caerffili.

Hoffwn gynnig dymuniadau gorau i’r ymgeiswyr, ac edrychaf ymlaen at dderbyn eichcais am y swydd hon maes o law.

Y Cyng Philippa Marsden Arweinydd y Cyngor

Os ydych chi’n credu bod gennych chi’r hyn sydd ei angen i ddarparu rhagoriaeth fel rhan o Dîm Caerffili, yna croeso i chi gysylltu am drafodaeth anffurfiol.

Lynne Donovan Pennaeth y Gwasanaethau i Bobl Ffôn: 01443 864570 E‐bost: donovl@caerffili.gov.uk

Tîm Caerffili

YN WELL GYDA’N GILYDD Mae Cyngor Bwrdeistref Sirol Caerffili yn sefydliad sydd â dyfodol disglair ac rydyn ni’n chwilio am Brif Weithredwr beiddgar ac uchelgeisiol i helpu’r awdurdod i gyflawni agenda drawsnewid gyffrous.

Mae pob un o’n 8,800 o weithwyr yn chwaraewyr allweddol yn ‘Tîm Caerffili’ ac mae angen Prif Weithredwr arnom sydd â dyheadau beiddgar a gweledigaeth glir i fod yn bennaeth ar y Tîm Rheoli Corfforaethol a gweithio’n agos gyda gweinyddiaeth wleidyddol y Cyngor.

Mae Caerffili yn gyngor sy’n barod i groesawu newid cadarnhaol ac mae yna ymdeimlad gwirioneddol bod y sefydliad cyfan yn barod i symud ymlaen ar ôl heriau’r blynyddoedd diwethaf.

Mae ein strategaeth drawsnewid, o’r enw ‘Tîm Caerffili - Yn Well Gyda’n Gilydd’, yn edrych ar sut y bydd gwasanaethau’n cael eu blaenoriaethu, sut y gallant ddod yn fwy effeithlon o ran busnes, archwilio cyfleoedd i ganolbwyntio’n fwy ar gwsmeriaid a darpariaeth ddigidol, ystyried modelau cyflenwi amgen a chwilio am gyfleoedd masnachol.

O ran lleoliad, mae’r fwrdeistref sirol ei hun wedi’i leoli’n ddelfrydol mewn lleoliad strategol allweddol yng nghanol Cymoedd De Cymru. I’r de, rydyn ni’n rhannu ffin â phrifddinas y wlad, Caerdydd; yn ogystal â dinas Casnewydd. I’r gogledd mae Parc Cenedlaethol Bannau Brycheiniog gyda’i ardaloedd o harddwch naturiol eithriadol ac rydyn ni hefyd yn elwa o gysylltiadau rhagorol â’r M4 a llwybrau strategol allweddol eraill.

Mae Caerffili yn chwaraewr allweddol yng Nghytundeb Dinesig Prifddinas‐Ranbarth Caerdydd ac rydyn ni’n gweithio’n galed i sicrhau’r buddion mwyaf posibl y gall y cydweithrediad cyffrous hwn ddod i’n cymuned a’r economi leol.

Mae’n amlwg bod Cyngor Bwrdeistref Sirol Caerffili yn sefydliad sydd â chynlluniau mawr ac rydyn ni’n barod i symud ymlaen. Gobeithio bod gennych ddiddordeb mewn dod yn rhan o Dîm Caerffili i arwain y Cyngor ar ei daith i ddyfodol mwy disglair.

Prif Weithredwr

Cyfarwyddwr Addysg a Gwasanaethau Corfforaethol

Cyfarwyddwr Gwasanaethau Cymdeithasol a Thai

- Addysg a Dysgu Gydol Oes - Addysg - Cynllunio, Strategaeth ac Adnoddau - Cyllid - Gwasanaethau i Gwsmeriaid a Digidol - Gwasanaethau i Bobl - Gwasanaethau Cyfreithiol a Llywodraethu - Gwasanaethau Gwella Busnes

- Gwasanaethau Oedolion - Gwasanaethau Plant - Tai

Cyfarwyddwr Cymunedau - Isadeiledd - Cynllunio ac Adfywio - Gwasanaethau Eiddo - Diogelwch y Cyhoedd, Gwasanaethau Cymunedol a Hamdden

Disgrifiad Swydd a Manyleb y Person Manylion y Swydd Teitl y Swydd: Gradd: Lleoliad: Yn atebol i: Cyflog:

Prif Weithredwr Gradd Hay - Prif Weithredwr Tŷ Penallta Y Cyngor £140k y flwyddyn

Pwrpas y Swydd: Mae’r Cyngor wedi dirprwyo swyddogaeth Pennaeth y Gwasanaeth Cyflogedig i’r Prif Weithredwr. Mae gan ddeiliad y swydd awdurdod dros yr holl Swyddogion eraill ac i fod yn brif gynghorydd i’r Cyngor ar bob mater polisi cyffredinol, sicrhau gweithredu polisïau a darparu gwasanaethau’r Cyngor yn effeithiol ac yn effeithlon a monitro perfformiad.

Meysydd Canlyniadau Allweddol Cyflawni blaenoriaethau corfforaethol a phartneriaeth allweddol y Cyngor fel sydd wedi’i nodi yng Nghynllun Corfforaethol 2018–2023.

Gweithio mewn partneriaeth ag Aelodau Etholedig a darparu arweinyddiaeth, cyngor a chyfeiriad strategol i’r Cyngor i gyflawni ei gyfeiriad strategol, ei weledigaeth a’i werthoedd.

Fel Pennaeth y Gwasanaeth Cyflogedig, arwain Tîm Rheoli Corfforaethol y Cyngor wrth gyflawni ei rwymedigaethau strategol a statudol.

Fel prif gynghorydd polisi’r Cyngor, sicrhau darparu gwasanaethau o ansawdd uchel yn unol â Chynllun Corfforaethol 2018–2023.

Proffil Manwl o’r Dasg Arwain, cymell ac ysbrydoli gweithwyr y Cyngor i ddarparu gwasanaethau o ansawdd uchel sy’n gost‐effeithiol, sy’n diwallu anghenion penodol y gymuned ac yn unol

â gweledigaeth, cenhadaeth, amcanion a blaenoriaethau’r Cyngor sydd wedi’u nodi.

Arwain Tîm Rheoli Corfforaethol y Cyngor er mwyn sicrhau bod cyfeiriad strategol clir sy’n ymgorffori dull corfforaethol cydgysylltiedig, unedig tuag at ddarparu gwasanaethau, arferion cyflogaeth a chyfle cyfartal yn cael ei fabwysiadu.

Rhoi cyfeiriad strategol i’r Cyngor, sicrhau bod cyllidebau’n cael eu paratoi sy’n adlewyrchu blaenoriaethau’r Cyngor, cyflwyno opsiynau polisi ac arwain ar bolisïau, rhaglenni a phrosiectau corfforaethol penodol fel y bo’n briodol.

Sicrhau bod gan y Cyngor lywodraethu, systemau rheoleiddio a rheolaethau cadarn ar waith i ddarparu gwasanaethau, strategaethau a chanlyniadau.

Sicrhau bod cynlluniau tymor byr a thymor hir integredig yn cael eu paratoi, eu gweithredu a’u monitro i ddiwallu anghenion cymdeithasol, economaidd ac amgylcheddol ardal y Cyngor yn unol â Chynllun Corfforaethol 2018–2023.

Monitro ac adolygu iechyd a pherfformiad yr Awdurdod trwy ddefnyddio systemau rheoli perfformiad effeithiol gan gynnwys gosod ac adolygu targedau a safonau perfformiad, monitro perfformiad, ac asesiadau grŵp ac unigol.

Adolygu trefniadaeth a gweinyddiaeth y Cyngor yng ngoleuni’r galw newidiol arno a’r adnoddau sydd ar gael, lle bo angen, i gyflwyno opsiynau ac argymhellion ar gyfer newid.

Rheoli staff a gweithgareddau o’r fath a ddyrennir i’r Prif Weithredwr.

Mewn cysylltiad ag Aelodau a hyfarwyddwyr, hyrwyddo: • Ymrwymiad ar bob lefel o’r Awdurdod i ethos gwasanaeth cyhoeddus ymatebol gofalgar.

• Ymrwymiad i gyfle cyfartal o ran darparu gwasanaeth a chyflogaeth.

• Polisïau adnoddau dynol effeithiol a theg, gan gynnwys hyfforddiant a datblygiad, cymhelliant a boddhad swydd ac amgylchedd gwaith da, diogel ac iach.

• Cysylltiadau da â gweithwyr ac undebau llafur.

Sicrhau bod ewyllys wleidyddol y Cyngor yn cael ei chyfleu i’r holl weithwyr, a’i deall, a’i gweithredu o fewn cyfyngiadau priodoldeb, cyfreithlondeb a’r adnoddau sydd ar gael; gweithio mewn cysylltiad agos â’r Aelodau i gyflawni’r cyfrifoldebau hyn.

Sicrhau bod mecanweithiau cymorth effeithiol ac effeithlon ar waith i alluogi Aelodau i gyflawni eu gwahanol rolau.

Bod yn gyfrifol am system o gadw cofnodion o holl benderfyniadau’r Awdurdod (gweithredol neu fel arall) ar y cyd â’r Swyddog Monitro.

Gwrando ar unrhyw apeliadau perthnasol, a gwneud penderfyniadau amdanynt, yn ôl

Castell Caerffili

gofynion polisïau a gweithdrefnau’r Cyngor.

Meithrin cysylltiadau â’r gymuned leol, partneriaid allanol, Awdurdodau Lleol eraill, Llywodraeth Cymru, cyrff cyhoeddus eraill a’r sector preifat, a gweithredu fel eiriolwr dros y Cyngor, wrth geisio buddiannau’r Cyngor.

Cynorthwyo’r Maer i gyflawni swyddogaethau dinesig a swyddogaethau priodol eraill a mynychu achlysuron o’r fath yn ôl yr angen.

Gweithredu fel Cydlynydd Cynllun Argyfwng y Cyngor ar gyfer trychinebau mawr.

Gweithredu fel Swyddog Canlyniadau ar gyfer yr holl Etholiadau a gynhelir yn y Fwrdeistref Sirol a bod yn gyfrifol am y Gwasanaeth Cofrestru Etholiadol.

Gweithredu fel y Swyddog Priodol mewn perthynas â’r Gwasanaeth Cofrestru Genedigaethau, Marwolaethau a Phriodasau.

Unrhyw ddyletswyddau eraill sy’n gymesur â’r swydd hon.

Cyfrifoldebau am Staff Teitlau Swyddi, Niferoedd a Lefel Atebolrwydd Mae gan ddeiliad y swydd gyfrifoldeb rheolwr llinell uniongyrchol ar gyfer 3 Chyfarwyddwr Corfforaethol.

Pont y Siartwyr a’r Cerflun

Cyfrifoldeb am Adnoddau Cyllid, Peiriannau, Adeiladau neu Gyfarpar • • • • •

Tua 8,800 o weithwyr Cyllideb Refeniw Net £337 miliwn Cyfalaf y Gronfa Gyffredinol £69 miliwn Cyfrif Refeniw Tai £49 miliwn Cyfalaf SATC £45 miliwn.

Gofynion Ychwanegol Cyfyngiad Gwleidyddol: Gwiriad y Gwasanaeth Datgelu a Gwahardd: Gwiriad y Rhestr Wahardd:

Oes Nac oes Nac oes

Cyfrifoldebau Cyfundrefnol

Gweithio o fewn polisïau a gweithdrefnau’r Cyngor, gan gynnwys cydnabod y ddyletswydd i ddiogelu oedolion, plant a phobl ifanc.

Yn deall ac yn arddangos ymrwymiad i bolisïau’r Cyngor.

Dangos ymrwymiad i ddatblygiad personol parhaus.

Mae’r dyletswyddau a chyfrifoldebau yn anodd eu diffinio’n fanwl a gallent amrywio o dro i dro heb newid cymeriad cyffredinol y dyletswyddau neu lefel y cyfrifoldebau dan sylw. Felly, disgwylir i ddeiliad y swydd ymgymryd â dyletswyddau eraill yn ôl y gofyn ar yr amod na fydd cymeriad cyffredinol y dyletswyddau na lefel y cyfrifoldebau yn newid.

Yn deall ac yn gallu arddangos egwyddorion cyfrinachedd.

Tŷ Weindio, Glofa Elliot

Twmbarlwm

Parc Penallta

Manyleb y Person Hanfodol Cymwysterau

Dymunol

Cymhwyster gradd broffesiynol mewn maes perthnasol.

Cymhwyster rheoli perthnasol.

Gwybodaeth

Dealltwriaeth drylwyr o ddatblygiadau’r dyfodol o ran llywodraeth leol yng Nghymru a’r DU. Dealltwriaeth fanwl o rôl Llywodraeth Cymru.

Ymwybyddiaeth a sensitifrwydd gwleidyddol.

Y gallu i drosi dyheadau’r gymuned yn bolisïau, strategaethau a gweithredoedd priodol.

Gwybodaeth fanwl o gyllid llywodraeth leol.

Dealltwriaeth drylwyr o egwyddorion Llywodraethu Corfforaethol Da, a’r safonau a’r uniondeb sy’n ofynnol i arwain sefydliad mewn Lleoliad Cyhoeddus.

Gwerthfawrogiad o rôl rheoli perfformiad i wella a datblygu gwasanaethau.

Sgiliau

Meddu ar agwedd fodern tuag at arweinyddiaeth, gweithio mewn tîm, gwasanaeth cwsmeriaid a rheoli newid ac yn benodol:• Sgiliau rheoli • Sgiliau rhwydweithio • Cyfeiriadedd busnes hyfedr • Sgiliau adeiladu tîm Y gallu i asesu blaenoriaethau, dyfeisio atebion a gwneud penderfyniadau cadarn, a all fod yn anodd a chynnwys risgiau.

Meddu ar sensitifrwydd gwleidyddol ac yn gallu cynnal didueddrwydd, wrth reoli perthnasoedd gwleidyddol ar draws pob plaid.

Ysbrydoli a gweithredu dull corfforaethol unedig.

Y gallu i ysgogi a grymuso eraill wrth annog cyfrifoldeb ac atebolrwydd.

Dangos gallu i adeiladu ac arwain uwch dîm rheoli ffyddlon, ymroddedig iawn a chadarn.

Y gallu i ddarparu gweledigaeth strategol a chyfeiriad strategol clir.

Gosod safonau ymddygiad priodol ar gyfer y sefydliad a dangos uniondeb.

Sgiliau Cymraeg.

Cyfathrebwr medrus, ar lafar ac yn ysgrifenedig i ystod eang o gynulleidfaoedd, gan ddefnyddio gwahanol gyfryngau.

Y gallu i weithio dan bwysau a chwrdd â therfynau amser tynn.

Y gallu i drafod gydag eraill, a’u dylanwadu.

Profiad

Hanes profedig mewn arweinyddiaeth a phrofiad fel uwch reolwr ar lefel gorfforaethol.

Llwyddiant wrth arwain rhaglenni newid sylweddol.

Sefydlu gweithio mewn partneriaeth gydag ystod eang o ddefnyddwyr gwasanaeth, sefydliadau cyhoeddus a phreifat.

Profiad rheoli ehangach yn sector llywodraeth leol.

Datblygu, gweithredu a rheoli strategaeth gorfforaethol.

Y gallu i godi proffil y Sefydliad a’i waith drwy amrywiaeth o gyfryngau.

Gallu profedig o ran cyflawni targedau anodd.

Arall

Ymrwymiad i ethos gwasanaeth sy’n atebol yn ddemocrataidd.

Y gallu i weithio mewn amgylchedd cyfrinachol.

Deall Cydraddoldeb ac Amrywiaeth, ac ymrwymiad iddynt.

Dangos gweledigaeth, cymhelliant, ymrwymiad a menter.

Gŵyl y Caws Mawr

Maenordy Llancaiach Fawr