Barrios 191

A DO Monterrei, prevé recoller 6,5 millóns de quilos de uva [Páx. 7]

TEMA

Páx.2 OURENSE

Manuel Cabezas (PP) renuncia á súa acta de edil no Concello de Ourense

Páx.6 VERÍN

A Xunta somete a información pública o proxecto da nova senda de Reza

Páx.7 BARBADÁS

A biblioteca de Verín crea a sección “Mundo Árabe” con máis de medio cento de libros

Páx.8 DEPORTES

A biblioteca de Barbadás, galardoada co María Moliner

Páx.11

Ourense Ontime vence no 3º Torneo Internacional Ourensanía - Cartelle

Apróbase a ordenanza de veladores [Páx. 2]

Transporte metropolitano

O FIC de Verín do 8 ao 17 de setembro

[Páx. 4

[Páx. 3]

Barbadás e Ourense reclamarán á Xunta o transporte metropolitano. // O pleno de Ourense aproba a ordenanza de veladores. // Arranca en Verín o Festival Internacional de Curtas.

Número: 191 - Ano: XVI - 8 de setembro de 2023 - Depósito Legal: OU 142-2014 - Periódico semanal de distribución gratuíta www.periodicobarrios.com - Se quere anunciarse consulte no 685 800 190

2

Barrios 8 de setembro 2023

TEMA DA SEMANA

Manuel Cabezas deixa o acta de concelleiro 4 Sonia Ogando é a substituta.

Redacción Despois de non lograr a Alcaldía do Concello de Ourense nas eleccións do pasado maio, Manuel Cabezas xa expresara a súa vontade de deixar a acta de concelleiro, algo notorio ao non acudir a nin un só dos plenos celebrados desde entón. Porén, desde o partido pedíronlle que agardara a que pasaran as eleccións xerais e dera comezo o curso político. Toda vez que iso pasou, chegou o momento esperado, e mediante unha carta aos medios de comunicación anunciou a súa renuncia. Devandita renuncia fíxose oficial no pleno de setembro celebrado o día 1; como en ocasións anteriores, Cabezas tampouco estivo presente.

Coa súa renuncia é Sonia Ogando a que o substitúe.

A edil xa o fóra no anterior mandato, 2019-2023, concelleira de Urbanismo no tempo que o Partido Popular gobernou con Democracia Ourensana.

Regreso frustrado Manuel Cabezas chegaba ás eleccións municipais deste ano como a sorpresa do PP. Con 12 anos como alcalde da cidade os populares pretendían dar un golpe de efecto coa súa candidatura. Porén, a realidade foi que non se lograron os obxectivos marcados; nin el nin a incorporación de Pepe Araújo fixeron crecer ao partido e mantiveron os sete concelleiros que tiñan do anterior mandato. Isto, sumado a que a forza máis votada fora a de DO e que na Deputación o Partido Popular perdera, novamente, a maioría deixaba un panorama moi complicada para que Cabezas fora o alcalde da cidade.

Nos días previos á toma de posesión do novo alcalde, Cabezas tentou por todos os medios buscar un pacto que lle concedera o bastón de mando, pero non o conseguiu. Pola contra, o seu partido negociaba

con Gonzalo Pérez Jácome para repartirse o Concello -para Democracia Ourensana- e a Deputación -para o Partido Popular-. Finalmente, Jácome sería nomeado alcalde de Ourense.

Isto propiciou que o otrora alcalde de Ourense, tomara a decisión de non seguir na Corporación municipal. Un regreso efímero a unha política que nada ten que ver coa época na que el gobernara.

Carta Na misiva na que comunicaba a súa renuncia, Cabezas di que comunicarlle a decisión ao presidente do partido en Galicia e presidente da Xunta, Alfonso Rueda. Ademais declara que tralo 28M, "onde non se alcanzaron os obxectivos de gobenar o concello", son "os compañeiros e compañeiras os que teñen que asumir a responsabilidade do traballo", en vez de nas súas mans, porque son eles os que "teñen que iniciar unha nova etapa política que sintonice plenamente co cidadán para lograr o obxectivo de recuperar a alcaldía para o PP" e por en marcha "o proxecto de cidade que con tanta ilusión elaboramos".

Cabezas continuaba que entendía a política como unha actividade "para facer o que, penso, mellor sei facer, e é xestión".

O ex edil anunciaba seguir como militante que

Manuel Cabezas./RAMSÉS.

traballará para o seguinte obxectivo de que "Alfonso Rueda volva presidir a Xunta despois das próximas eleccións autonómicas".

Para rematar, quixo agradecer "a toda a candidatura" todo o traballo extraordinario realizado "durante moitos meses" e aos "case 14.000 votantes" que lles deron a súa confianza.

Rueda Tralas estas declaracións, o presidente da Xunta, Alfonso Rueda, dixo entender a posición de Cabezas agradecendo a súa "valentía".

Para Rueda, agora o importante agora é que non se produzca "un vacío de poder" para facer un traballo de oposición en Ourense "ordenado" sen que supoña "deixar de traballar".

Nos días previos á toma de posesión do novo alcalde, Cabezas tentou por todos os medios buscar un pacto que lle concedera o bastón de mando, pero non o conseguiu

Aprobada a ordenanza de terrazas co voto favorable de Democracia Ourensana e a abstención do PP 4 BNG e PSOE votaron en contra.

Redacción Arrancaba o curso político en Ourense o venres, día 1 de setembro, co pleno dese mes. E o facía cunha moción sobre a ordenanza de terrazas da hostalaría. Toda vez que os 10 concelleiros de Democracia Ourensana votarían a favor desta moción, mentres que BNG (catro edís) e PSOE (seis) votarían en contra, só quedaba por saber que farían os seis concelleiros do Partido Popular que acudiron ao pleno (Manuel Cabezas, como era habitual, non comparecía). A súa portavoz, Inmaculada Moreiras, escusababase na falta de "consenso" para a abstención do seu grupo; cabe recordar que o PP pedirá a retirada desta moción para un mellor estudo da mesma.

O alcalde, Gonzalo Pérez Jácome, expoñía na súa intervención que a cidade leva décadas agardando por esta ordenanza. Jácome desvelou que o traballo foi técnico, sendo elaborado polo coordinador xeral, Francisco Cacharro. Tamén criticou as enmendas presentadas polo PSOE. O rexedor, que recoñeceu un conflito de intereses entre veciños e hostaleiros asegurou que a ordenanza ten "seguridade xurídica" e que de non permitir terrazas en fachadas acabaríase "coas terrazas do viños" José Ángel Vázquez Barquero, en representación dos socialistas criticou o traballo de Cacharro aludindo que aceptou as instruccións do alcalde sen rechistar.

Tamén incidiu en que a decisión sobre a concesión dos permisos non tería que depender soa-

Jácome durante o pleno./RAMSÉS. mente do Goberno.

Rhut Reza (BNG) pola súa banda afeou a ordenanza ao asegurar que estaba feita "á medida dos seus amigos" en referencia ao alcalde. Criticou, ademais, que se puideran colocar terrazas nas fachadas das vivendas chocando coa lei de accesibilidade, e dixo non ter seguridade xurídica a ordenanza.

Este documento que foi aprobado someterase a exposición pública por un mes no que se poderán presentar as alegacións pertinentes. No case de que haxa alegacións, volvería ao pleno para xa aprobala de forma definitiva.

Cárcere Outro dos asuntos tratados durante o pleno foi o futuro da antiga cárcere da rúa Progreso. Fran Lorenzo, concelleiro de Urbanismo, manifestou que contemplan catro opcións: a sede da UNED, oficinas municipais, sede da Confederación Hidrográfica ou ben a constru-

ción dun hotel-boutique.

O BNG, pola súa banda, pedía que se rehabilite o edificio coas axudas do 2% cultural, medida pola que votaron a favor PP e PSOE, e abstívose DO. Outra moción aprobada -cos votos de PSOE, PP e BNG- foi a presentada polos populares de pedir máis dotación orzamental para servizos sociais.

O PSOS tamén solicitou recuperar a Universidade Popular, ao que a concelleira de Dinamización, Tamara Silva, explicou que o concello seguirá organizando cursos, pero que levarán outro nome distinto.

O documento someterase a exposición pública por un mes no que se poderán presentar as alegacións pertinentes

TEMA DA SEMANA

Barrios 8 de setembro 2023

3

Máis dunha ducia de países daranse cita no FIC de Verín 4 Dun total de 32 curtas que participarán na sección oficial.

Redacción Verín xa ten todo preparado para que acoller a oitava edición do Festival Internacional de Curtas FIC Vía XIV que este ano dará comezo este venres, 8 de setembro, e terá continuidade ata o domingo día 17. Serán nove días nos que proxectaranse un total de 32 curtas da sección oficial chegados de máis dunha ducia de países; o domingo 17 proxectaranse as pezas gañadoras. Ademais, este ano o certame triplica as actividades paralelas ao sumar 21.

A presentación do Festival tivo lugar no Auditorio e contou coa presenza do alcalde de Verín, Gerardo Seoane; a concelleira de Cultura, Samanta Barreira; o vicepresidente segundo da Deputación Provincial de Ourense, César Fernández; e o director do festival, Carlos Montero.

Sostibilidade A edición deste ano estará centrada na sostibilidade ambiental e porá o foco neste punto coa programación dunha serie de curtas, encadradas dentro da categoría Horizontes 3 (proxectaranse o sábado 9 ás 18 horas), que abordan cuestións como a relevancia da biodiversidade para preservar o futuro do planeta, o dano causado polos residuos plásticos no medio mariño ou o desafío orixinado polo cambio climático e como facerlle fronte, entre outras cuestións.

Carlos Montero, director do FIC; Gerardo Seoane, alcalde Verín; a concelleira de Cultura, Samanta Barreira; e o vicepresidente segundo da Deputación Provincial de Ourense, César Fernández, durante a presentación do evento.

Para afondar no eido da sostibilidade haberá un foro de debate, que se desenvolverá coa colaboración de Proxecta-a Coordinadora Galega de Festivais de Cinema, no que diferentes profesionais intercambiarán opinións sobre como integrar esta premisa dentro da xestión cultural.

Novidades Este ano o Festival trae algunhas novidades, como, por exemplo, a posta en marcha dun concurso de pintura (domingo 10, de 17:00 a 21:00 horas no exterior do Auditorio) para artistas gráficos maiores

A edición deste ano estará centrada na sostibilidade ambiental e porá o foco neste punto coa programación dunha serie de curtas, encadradas dentro da categoría Horizontes 3, que abordan cuestións como a relevancia da biodiversidade para preservar o futuro do planeta

O humorista Pepe Viyuela terá un protagonismo destacado neste festival coa proxección dun documental sobre a súa vida (venres 8 ás 20h no Auditorio) e co espectáculo “Encerrona” previsto para o sábado 8 ás 20 horas no Auditorio de 16 anos, que terán o reto de plasmar nun lenzo algunha escena ben recoñecible da historia da cinematografía que previamente escollan.

Tamén se programarán actividades destinadas a un público de corte máis profesional, aínda que abertas a todos os interesados e interesadas, como un obradoiro de interpretación perante a cámara (entre os días 8 e 10) ou outro relacionado co emprego das técnicas de Intelixencia Artificial (domingo 10, de 17:00 a 21:00 horas no Auditorio).

Ademais, unha mesa de traballo dará a coñecer o rico legado do patrimonio

cinematográfico de Verín e comarca.

Música e gastronomía Tampouco faltará a música e a gastronomía. O FIC acollerá tamén nesta nova edición diferentes actividades musicais tales coma concertos, sesións amenizadas por DJs ou musicalización de curtas mudas nun evento que terá lugar na praza García (xoves 14 ás 22 horas) por parte do grupo Caspervek.

Os outros concertos serán os de A Banda de Garda (venres 8, 22.30h exterior Auditorio); Funkles (sábado 9, ás 22.15h exterior Auditorio); Massy Ferguson (domingo 10, ás

13h na praza García Barbón); sesión Dj (venres 15 ás 22h no exterio do Auditorio); e Dj Set Remember (Juanjo DJ) 80s/90s (o sábado 16 ás 22 horas no exterior do Auditorio).

Unha cata de viños e outras de cervexas tampouco faltarán dentro dunha programación que inclúe o "Pincho de Cine" que ofrecen varios locais hostaleiros da vila. O Túnel do Viño da DO Monterrei realizarase no exterior do Auditorio o venres 9 ás 22 horas; mentres que Hop&Roll (cata de cervexas terá lugar o venres 15 ás 22 tamén no exterior do Auditorio).

Máis actividades O humorista Pepe Viyuela terá un protagonismo destacado neste festival coa proxección dun documental sobre a súa vida (venres 8 ás 20h no Auditorio) e co espectáculo "Encerrona" previsto para o sábado 8 ás 20 horas no Auditorio.

O podcast do FIC desenvolverase o domingo 10, ás 18.30h no exterior do Auditorio. Un rural cheo de audiovisual será un espazo de encontro nos que artistas, representantes de entidades e traballadores poidan debater formalmente sobre as necesidades e posibilidades que o audiovisual representa para o rural (domingo 10 ás 12 horas).

O xoves 14, os escolares collen protagonismo cunha actividade titulada "Vémonos no futuro. Verinópole" que se celebrará no Auditorio desde ás 10 horas. Para o venres 15 será o turno de presentar ao festival convidado, nesta ocasión será o Festival do imaginario de Vilagarcía de Arousa; o evento terá lugar no Auditorio o ás 17 horas.

O Concurso de Escaparatismo elexirá ao mellor escaparate "de cine" entre os establecementos da vila que participan.

Sección oficial Desde o luns 11 e ata o venres 15, proxectaranse -no Auditorio en horario de tarde con sesións ás 17.00, 18.45 e 20.30 horas- as pezas audiovisuais que entran en concurso (Horizonte; A Raia; e Nova). O sábado 16, a partir das 20 horas no Auditorio, durante a Gala Final darase a coñecer aos gañadores desta oitava edición; e o domingo 17, desde as 18.30 horas, no Auditorio proxectaranse os traballos gañadores.

A Gala Final dará a coñecer aos gañadores desta edición o sábado, 16 de setembro, a partir das 20 horas no Auditorio

4

Barrios 8 de setembro 2023

CIDADE

EN BREVE

Os socialistas ven "irregularidades" na modificación de crédito

4 Representantes A Xunta de Goberno Local do Concello de Ourense acordou designar como representantes do Concello no Padroado da Fundación Feiras e Exposicións de Ourense Expourense os concelleiros Antonio Fernández e Aníbal Pereira, e representante do comité executivo da fundación o tenente de alcalde Armando Ojea. Ojea Bouzo será tamén o representante no Consello Social da Universidade de Vigo.

4 Cruz Vermella O sábado, 9 de setembro, celébrase o 23º Encontro de Voluntariado de Cruz Vermella en Galicia, que reunirá na localidade de Ourense a más de 260 persoas, procedentes das asembleas provinciais, comarcais e locais das catro provincias galegas..

4 Centros cívicos O Concello de Ourense pon en marcha unha nova edición do programa de actividades para nenas e nenos dos centros cívicos municipais. Poderá participar alumnado de Educación Infantil e Primaria empadroado no concello, e as familias interesadas poderán realizar a inscrición desde o vindeiro luns, día 11, a través da páxina web ssociaiscursos.com e estará aberto até que se cubran todas as prazas.

As actividades comenzarán o día 2 de outubro.

A programación desenvolverase nos cinco centros cívicos municipais: Colón (na rúa Colón, número 18), A Cuña (Doutor Peña Rey, 18), Seixalbo (Rúa Estreita, 1), As Termas (Praza 200) e A Ponte (Eulogio Gómez Franqueira, 43).

Haberá actividades de luns a venres de 17.30 a 20.00 horas e os sábados de 10.30 a 13.00 h. Ademais, no de Colón proporcionarase o servizo de apoio escolar, para nenas e nenos de entre 5º de Primaria e 2º de Secundaria, en 3 sesións á semana dunha hora e media cada unha.

4 Critican ocultación de información relevante.

Redacción

Gonzalo Jácome e Xosé Carlos Valcárcel, antes de comezar a súa reunión./R.T.

Ourense e Barbadás reclaman á Xunta o transporte metropolitano 4 Pedirán unha reunión coa conselleira de Mobilidade.

Redacción Os alcaldes de Ourense, Gonzalo Pérez Jácome, e o de Barbadás, Xosé Carlos Valcárcel, reuníronse no despacho de Alcaldía do Concello de Barbadás para abordar temas de interese para ambos os dous concellos. Despois de algo máis de 45 minutos de reunión saíron en rolda de prensa para explicar o falado.

O motivo principal do encontro foi a de solicitar unha reunión á conselleira de Mobilidade, Ethel Vázquez, para abordar o tema do transporte metropolitano, e reclamarlle á Xunta de Galicia a posta en marcha dun servizo "esencial para a cidadanía".

Os rexedores solicitarán unha reunión de traballo co goberno autonómico, á que convidarán a asistir os alcaldes e as alcaldesas da comarca, para demandar a activación do proxecto.

Responsabilidade Gonzalo Jácome asegurou que o atraso na implantación do trans-

porte metropolitano é responsabilidade da Xunta de Galicia, non do Concello de Ourense. “Se algunha vez a Xunta quere instalar o transporte metropolitano, o Concello de Ourense en 3 semanas terao todo listo”, asegurou rebatendo as palabras da conselleira que culpaba ao concello debido a que o servizo de transporte en Ourense está en precario. Ademais recordou que este problema vén de décadas e que a Xunta "tivo moito tempo para solucionalo". Para Jácome o problema reside en que os grandes perxudicados de poñer en marcha esta medida sería as empresas "concesionarias da Xunta de Galicia", xa que o ente autonómico "de instalarse o transporte metroplitano" debería "indemnizalas, e iso é algo que non quere facer", explicaba.

Despois desta reunión, o rexedor ourensán aseguraba que "a pelota agora está no tellado da Xunta", en alusión a que agora será o Goberno autonómico o que deberá decidir si convoca ou non esta reunión.

No caso de Barbadás, Xosé Carlos Valcárcel subliñou que o Concello “ten

aprobada toda a normativa que rexe o transporte metropolitano, desde hai 6 anos, cando a Xunta nos dixo que se ía implantar nun mes, antes de que quedara en auga de borrallas. Se a Xunta quere, estaría implementado á voz de xa”, concluiu.

Máis temas Ademais disto, os dous alcaldes abordaron outros temas como a colaboración no tocante ao servizo de extinción de incendios, accesibilidade ou infraestruturas, entre outras. Tamén se falou sobre a posibilidade de axudar o concello de Barbadás ao de Ourense do que é o Punto Limpo de Ourense.

Jácome: “Se algunha vez a Xunta quere instalar o transporte metropolitano, o Concello de Ourense en 3 semanas terao todo listo”

O concelleiro José Ángel Vázquez Barquero (PSOE) amosou o posicionamento do seu grupo ao considerar como supostas irregularidades no expediente de modificación de crédito que o Goberno de Jácome pretende levar ao Pleno para a súa aprobación. “Trátase de posibles irregularidades que, ademais, veñen acompañadas pola ocultación de información relevante á oposición durante meses”, denunciou.

“Pode apreciarse no expediente como se firmou un convenio de colaboración entre o Concello de Ourense e unha entidade deportiva para desenvolver obras na cidade”, afirmou o edil.

Nesta liña, engadiu que o PsdeG-PSOE entende que o acordo pode ser “un subterfuxio administrativo para renovar automáticamente as modificacións de crédito” sen necesidade de pasar pola oposición. “Secuestraríanse deste xeito competencias do Pleno municipal”, puntualizou.

Fraude de lei De ser así, os e as socialistas sinalan que se estaría a falar dun “fraude de lei” e “unha situación

anómala” que se debería corrixir canto antes. “Xa denunciamos a existencia deste tipo de prácticas durante o Goberno do PP que coartaban as competencias do Pleno. Pero hai unha importante diferencia entre aquela situación e esta.

Naqueles intres os convenios dábanse coa Deputación provincial, mais hoxe atopámonos con que o acordo se firma cunha entidade deportiva que, en principio, nada ten que ver co desenvolvemento de obras municipais”, advertiu Barquero ante os medios de comunicación.

Así mesmo, continuou explicando que no expediente de modificación de crédito pode observarse como dita entidade deportiva é beneficiaria, a súa vez, dunha importante subvención por parte do Consello Municipal de Deportes (CMD). “Non existe ningún precedente deste tipo no que un club perciba unha subvención e, a súa vez, financie obras. Polo tanto consideramos oportuno solicitar toda a información necesaria para que o Goberno de Jácome aclare a situación e dea as explicacións pertinentes. En función da documentación que obteñamos, actuaremos en consecuencia”, incidiu o socialista.

Alba Iglesias e Vázquez Barquero.

ECONOMÍA

Barrios 8 de setembro 2023

5

Os produtos galegos do mar cotízanse internacionalmente 4 A calidade dos mesmos e o labor dos profesionais do mar son as claves deste éxito.

Redacción A Administración galega e as empresas da comunidade apostan por mostrar as bondades dos produtos galegos do mar máis aló das súas fronteiras. Esta extratexia -levada a cabo desde hai máis dunha décadapon en valor a calidade dos peixes e mariscos en todas as súas versións -frescos, conxelados, en conserva ou noutras presentaciónse o labor dos profesionais do mar que se encargan de capturalos e preparalos para a súa venda.

Ao cometido de impulsar as exportacións teñen contribuído campañas de promoción como "Galicia sabe amar" e a participación en feiras de alimentación nacionais e internacionais logrando chegar ata cotas nunca antes vistas.

Nos últimos anos as vendas galegas ao exterior de peixes e mariscos en distintas presentacións marcou récords, acadando en

Catro foodtrucks percorren distintos concellos de España ofrecendo petiscos elaborados a base de produtos certificados do mar de Galicia.

2022 o seu último máximo con máis de 2.700 millóns de euros facturados. E todo isto logrouse a pesar das dificultades económicas globais (guerra en Ucraína, encarecemento da enerxía e das materias primas e da escalada inflacionista).

A comunidade conta con máis de 60 lonxas nas que se comercializan arredor de 300 especies diferentes entre peixes, mariscos, crustáceos, algas ou equinodermos, entre outros

A dilatada experiencia e traxectoria (á hora de participar en distintas feiras para dar a coñecer os seus produtos, abrir novas vías de negocio e chegar a máis mercados) das empresas galegas da cadea mar-industria é fundamental para acadar estes resultados.

A estes encontros sectoriais acoden en solitario (empresar grandes) ou da man da Consellería do Mar que participa en preto dunha vintena de certames nacionais e internacionais

A promoción dos produtos do mar chegou a lugares como a feira Tutto Food Milan.

a petición do propio sector.

Así, a Xunta xa estivo ou vai estar presente en importantes feiras internacionais como Gulfood Dubai, Foodex Japan, a Seafood Expo North America, Tutto Food Milán, a Summer Fancy Food Show de Nova York, a Seafood Expo Asia, Expomar Cabo Verde ou Anuga Colonia. A elas engádense outras nacionais como a Aquafuture Spain de Silleda, o Salón Gourmets de Madrid, a Seafood Expo Global de Barcelona, Expomar Burela, Salimat Abanca en Silleda, Conxemar Vigo, San Sebastián Gastronómika, Xantar Ourense ou Gastrónoma Valencia.

"Galicia sabe amar" A comunidade participa nestas feiras no marco da campaña "Galicia sabe amar", posta en marcha en 2021. O seu fin é poñer en valor os produtos do mar e agradecer o esforzo realizado polos pescadores galegos para poñer a disposición dos consumidores múltiples alimentos da máxima calidade.

Esta estratexia deu continuidade á iniciativa posta en marcha en 2020 coinci-

dindo coa alerta sanitaria polo coronavirus "Compra produto fresco do mar. Estamos no mesmo barco", que pretendía agradecer o esforzo realizado pola frota malia as dificultades.

Neses meses o sector pesqueiro, que foi declarado esencial, seguiu faenando incluso cando non lle era rendible para subministrar alimentos de calidade á cidadanía.

A estas campañas xenéricas engádense outras específicas que enxalzan a pescada, o bonito do norte, a centola, o polbo, os mariscos ou o mexillón, entre outros moitos.

Con todo este traballo, Galicia aspira a que os profesionais do mar conten con mellores ingresos e que a actividade poida manterse no futuro facéndose atractiva para as novas xeracións, e que a xente nova vexa o sector marítimo-pesqueiro como unha boa opción profesional e que a comunidade manteña o seu papel de referente español e europeo na produción e comercialización de produtos do mar.

Cabe recordad que a pesca é un sector fundamental para a economía galega pois ten interacción con 76 das 83 ramas económicas identificadas en Galicia.

Novidades Este ano “Galicia sabe amar” está a ter como novidade catro foodtrucks que percorren distintos concellos de España polos que pasan diferentes rutas do Camiño de Santiago. As catro furgonetas ofrecen petiscos (un total de 10 pinchos diferentes) elaborados a base de produtos certificados do mar de Galicia.

Esta peregrinación polo territorio nacional comezou o pasado mes de febreiro en Galicia, seguiu despois por outras comunidades e agora xa está de volta en terras galegas. Neste tempo as foodtrucks de "Galicia

sabe amar" achegaron as súas elaboracións a máis de 230.000 persoas.

Resultados A estratexia deseñada por Galicia para promocionar os produtos do mar e elevar tanto o seu consumo como os seus prezos parece dar froitos pois as cotizacións nas lonxas galegas encadearon varios máximos históricos nos últimos anos. En 2022 o prezo medio acadou os 3,26 euros o quilo, unha cifra un 30% superior á media da serie histórica, que se remonta ao ano 2002. Desta forma o sector marítimo-pesqueiro galego avanza no seu obxectivo de obter maiores ingresos polos produtos e mellorar a rendibilidade da actividade.

A comunidade conta con máis de 60 lonxas nas que se comercializan unhas 300 especies diferentes de peixes, mariscos, crustáceos, algas ou equinodermos, entre outros. Galicia pon no mercado cada ano produtos por valor de preto de 9.000 millóns de euros e o valor das exportacións está medrando ata superar os 2.700 millóns de euros en 2022.

Saúde Ao adquirir peixes e mariscos frescos ou calquera dos produtos transformados ou acuícolas desta proteína mariña non só se están promovendo uns mellores hábitos de vida senón que tamén se impulsa o traballo de todas aquelas mulleres e homes que cada día saen ao mar para que este nutritivo recurso non falte en ningunha mesa.

As foodtrucks de “Galicia sabe amar” chegaron xa a preto de 230.000 persoas de toda España

6

Barrios 8 de setembro 2023

CIDADE

Volve o "Mercar no teu comercio ten premio" 4 Nove concellos da provincia súmanse a esta iniciativa.

Redacción A Xunta de Galicia presentou a campaña "Mercar no teu comercio ten premio". O delegado territorial da Xunta en Ourense, Gabriel Alén, foi o encargado dunha presentación que tivo lugar na Confederación Empresarial de Ourense. Esta iniciativa está impulsada pola Administración autonómica e a Federación Galega de Comercio, en colaboración coa Federación de Comercio de Ourense e diferentes asociacións da provincia e asociacións de comerciantes locais. Ademais, tamén conta coa colaboración dos concellos do Barco de Valdeorras, A Pobra de Trives, Xinzo de Limia, Ribadavia, Verín, O Carballiño, Allariz, Castro Caldelas e Maceda.

Reactivación O delegado territorial explicou que esta é a segunda edición desta campaña, que busca reactivar o consumo e achegar ao consumidor os establecementos locais, poñendo en valor o comercio de proximidade ourensán.

En cada unha destas vilas levaranse a cabo cam-

pañas dunha semana de duración. Os tickets das compras realizadas durante ese tempo poderán canxearse o día final da campaña por boletos para participar nun sorteo en directo de premios. En total, serán 1.000 euros por localidade, en forma de tarxetas prepago para volver mercar, co que repercutirán de novo no comercio minorista local. Realizaranse tamén diferentes iniciativas de animación para completar a campaña.

"Mercar no teu comercio ten premio" enmárcase dentro do impulso da Administración autonómica do tecido asociativo do sector, con especial atención a diferentes iniciativas de dinamización.

O premio serán 1.000 euros por localidade (participan 9 na provincia), en forma de tarxetas prepago para volver mercar no comercio local

Gabriel Alén (centro), presentando a campaña “Mercar no teu comercio ten premio”.

Ethel Vázquez e Gabriel Alén, cos veciños de Reza explicando o proxecto da nova senda. /RAMSÉS.

A senda de Reza, a información pública

4 Conta cun orzamento de 1,5 millóns de euros e está previsto que se inicien os traballos o verán que vén.

Redacción A Xunta somete a información pública o proxecto da nova senda na OU-402 en Reza e que conta cun orzamento de 1,5 millóns de euros. A conselleira de Infraestruturas e Mobilidade, Ethel Vázquez Mourelle, xunto co delegado territorial da Xunta en Ourense, Gabriel Alén, presentou esta nova actuación (diante dos veciños) para habilitar unha senda peonil continua de 2,2 km pola marxe dereita desta vía autonómica, ao paso por este núcleo da cidade de Ourense.

A presentación do proxecto desta senda de Reza, reformulado en acordo cos veciños, faise coincidir coa publicación no Diario Oficial de Galicia do anuncio polo que se somete a información

pública o proxecto, tamén a efectos expropiatorios, xa que se afectan 37 parcelas, por un prazo de 30 días.

As persoas que o desexen teñen ata o 19 de outubro para trasladar as súas achegas. Os prazos que manexa a Xunta, tal e como avanzou a conselleira, é aprobar a finais de ano o proxecto e a declaración de utilidade pública dos terreos necesarios, licitar as obras na primavera e iniciar os traballos no verán.

Diálogo Vázquez Mourelle destacou que este novo proxecto responde "á vontade de diálogo permanente da Xunta" para acadar unha solución satisfactoria e que minora no posible as afeccións. Así, habilitarase na OU-402 un itinerario ao longo de 2,2 km, para

A Xunta pretende aprobar a finais de ano o proxecto e a declaración de utilidade pública dos terreos necesarios, licitar as obras na primavera e iniciar os traballos no verán

conectar as edificacións e os treitos illados de beirarrúas, para que os desprazamentos a pé se poidan realizar de xeito máis cómodo e seguro.

A conselleira concretou que a senda estenderase desde a intersección coa rúa Portalón ata o aparcadoiro situado no quilómetro 3+290 da estrada. Pola marxe esquerda realizaranse, ademais, pequenas actuacións puntuais relacionadas coa nova posición dos pasos de peóns ou das paradas de autobús acordadas.

O itinerario peonil deséñase co mesmo trazado, tanto en planta como no alzado, da estrada, mantendo unha beiravía de 0,50 metros. Executarase en formigón desactivado e con bordo elevado sobre a vía.

Atendendo ás consideracións feitas polos veciños e para minimizar afeccións aos peches, a senda oscilará entre os 1,8 e os 3 metros de ancho, en función das edificacións lindeiras.

Tamén nun pequeno treito (no punto quilométrico 2+050 e 2+200) modificarase lixeiramente o trazado da estrada, movendo

un metro o eixe para evitar tocar os peches.

A actuación farase de xeito coordinado coa dotación de bandas de aparcadoiro en liña na marxe dereita que eviten que os vehículos paren invadindo o recorrido peonil.

Bus A conselleira precisou que, atendendo ás demandas veciñais, se reubicarán varias paradas de autobús tamén na marxe contraria á senda, para que a subida e a baixada de viaxeiros se faga sen interrupcións.

Ademais disporanse 6 novas marquesiñas.

A intervención completarase con traballos adicionais de mellora dos sistemas de drenaxe, a preinstalación de canalizacións de servizos, sistemas de contención, construción de muros ou reforzo da sinalización.

As persoas que o desexen teñen ata o 19 de outubro para trasladar as súas achegas

VERÍN

Barrios 8 de setembro 2023

O DO Monterrei prevé unha vendima parecida á do ano pasado

Rali da Auga Redacción

4 Agardan recoller 6,5 millóns de quilos.

Redacción As adegas da Denominación de Orixe Monterrei están inmersas en plena vendima -salvo unhas poucas que darán comezo a colleita en breve- que deu comezo o 28 de agosto e prolongarase ata final deste mes de setembro ou principios de outubro.

As previsións para este ano son similares ás do ano pasado, polo que se prevé recoller ao redor de 6,5 millóns de quilos de uva. A pesar do tempo tan inestable, parece que pouco ou nada vai afectar á colleita, a pesar de que para esta mesma fin de semana dan chuvia. As altas temperaturas de días pasados fixeron que madurara antes a uva.

Ademais destos datos, cabe recordar que o estado fitosanitario da uva, previo á súa recolección era bo, polo que se pode dicir que o optimismo está instaurado entre os adegueiros. A DO Monterrei conta con 28 adegas con 691 hectáreas de viñedos nas que traballan 362 viticultores.

FIC Noutro orde de cousas, a DO Monterrei participará no Festival Internacinal de Curtas que se celebra en Verín. Este mesmo ven-

res, realizarase un Túnel do Viño a partir das 22 horas no Auditorio. As adegas presentes nesta iniciativa son: Gargalo, José Luis Gómez Ibáñez (Valderello), Crego e Monaguillo, Terras do Cigarrón, Triay Adegas de Oímbra, Terrae Monterrei, Fragas do Lecer, Manuel Guerra Justo (Vía Arxéntea), Abeledos, Pazo de Valdeconde, Tabú, Franco Basalo, Alba Al-Bar (Daniel Fernández), Trasdovento y Fausto Rivero Pardo (Quinta Soutullo).

A vendima terá rematado a finais de setembro ou primeiros de outubro

A DO Monterrei conta con 28 adegas.

7

A biblioteca de Verín viu incrementado o número de usuarios árabes interesados sobre a súa cultura.

A biblioteca de Verín crea a sección “Mundo Árabe” 4 Conta cun fondo bibliográfico tanto en lingua árabe como en castelán.

Redacción A Biblioteca do Concello de Verín ven de crear a nova sección "Mundo Árabe", un fondo bibliográfico tanto en lingua árabe como en castelán sobre a cultura, literatura e outros aspectos xerais que profundizan e recoñecen o valor do mundo árabe e o seu desenvolvemento en diferentes manifestacións culturais.

A presente sección foi posible grazas á colaboración e ao interese de Luisa Mora Villarejo, xefa de Servizo da Biblioteca Islámica "Félix María Pareja", dependente da Axencia Española de Cooperación Internacional

para o Desenvolvemento (AECID), que en todo momento mostrou a súa implicación na iniciativa.

Usuarios Nos últimos tempos, a biblioteca viu incrementar o número de usuarios e usuarias árabes que buscan nela información, lecturas xerais e de lecer sobre a súa cultura.

A nova sección está integrada por máis de medio centenar de libros doados

pola Biblioteca Islámica "Félix María Pareja", que abranguen desde diccionarios árabe-castelán, Antoloxía poética, escritos sobre literatura palestina, Islam e dereitos humanos, entre outros.

“Esta nova sección na é un paso importante para promover o coñecemento e a comprensión da rica cultura árabe entre a cidadanía”, explicou a concelleira de Cultura, Samanta Barreira.

A sección está integrada por máis de medio cento de libros que abranguen desde diccionarios árabe-castelán, antoloxía poética, escritos sobre literatura palestina, Islam e dereitos humanos

O Rali da Auga Transibérico Eurocidade Chaves-Verín celebrarase os días 15 e 16 de setembro, organizado por CAMI Motorsport e co importante apoio dos Concellos de Chaves e Verín (Galicia, España), así como da Escudaría de Ourense.

Este ano, a proba ven chea de novidades. Así, o día 14, ás 21:00, haberá unha saída simbólica fronte á Biblioteca Municipal de Chaves. O día 15, ás 20:50, no centro de Chaves, haberá unha Súper Especial, seguida ao día seguinte por unha City Stage a partir das 17:50h.

O día 16, o Rali da Auga chegará á vila de Verín, onde se disputarán a maior parte dos tramos cronometrados.

O público terá a oportunidade de presenciar emocionantes espectáculos en total seguridade e de interactuar de preto cos pilotos.

Internacionalización Este é o ano de inicio da internacionalización da proba, co obxectivo de atraer a máis público e pilotos ao evento.

A Federación Portuguesa de Automobilismo e Karting (FPAK) e a Real Federación Española de Automovilismo (RFEDA) respaldan o proxecto. Todo isto constitúe razóns de peso para que o público, especialmente os máis novos, estea presente, e despois da entrega de premios o día 16, tamén terán a oportunidade de participar nun “sun set” en colaboración con algúns bares de Chaves.

8

Barrios 8 de setembro 2023

BARBADÁS

Unha biblioteca de premio 4 Foi galardoada co Premio María Moliner.

Redacción O Concello de Barbadás galardoado co Premio María Moliner polo seu innovador labor na Biblioteca Municipal. Este renomeado galardón, concedido polo Ministerio de Cultura en colaboración coa Federación Española de Municipios e Provincias, resalta a excepcional contribución de Barbadás na promoción cultural e educativa.

O Premio María Moliner resérvase para poboacións de menos de 50.000 habitantes, sendo a primeira vez que Barbadás postulábase para este recoñecemento.

Con este premio, o Concello de Barbadás conso-

lídase como un punto de innovación cultural e educativa en España.

Premio O galardón, que inclúe unha suma de 2.772 euros, será destinado integramente ao investimento en libros, reafirmando o compromiso do Concello co acceso á lectura e o coñecemento.

Esta distinción logrouse co proxecto innovador presentado pola biblioteca titulado “A tartaruga Catalina viaxa ao mundo dos libros”. Este programa abarca unha serie de actividades diversificadas, que inclúen talleres mensuais deseñados para distintas idades e grupos, a creación dunha caixa

de benvida destinada aos máis pequenos, colaboracións enriquecedoras cos colexios locais e a instalación de casiñas de madeira pintadas polos nenos nas parroquias. Estas casiñas convertéronse en espazos onde os cidadáns poden depositar e recoller libros, fomentando así un intercambio comunitario de literatura. Ademais, contacontos ao aire libre convertéronse nun atractivo esencial deste proxecto, proporcionando un contacto directo coa narración. A entrega oficial do premio levará a cabo nun evento próximo.

Subdelegado Con motivo desta distinción, o subdelegado do

Goberno en Ourense, Emilio González, quixo visitar a Biblioteca Municipal de Barbadás (situada na Casa dá Cultura Manuel María). Durante a súa visita, reuniuse co alcalde, Xosé Carlos Valcárcel, a exconcelleira de Cultura e principal promotora do proxecto, Marga Pérez, e Ana Peleteiro, a nova edila da área. O subdelegado destacou a creatividade e o impacto positivo que esta iniciativa xerou na comunidade.

O galardón, que inclúe unha suma de 2.772 euros, será destinado integramente ao investimento en libros

O subdelegado do Goberno en Ourense, Emilio González; o alcalde de Barbadás, Xosé Carlos Valcárcel; a concelleira de Cultura, Ana Peleteiro; e a ex edil de Cultura de Barbadás, Marga Pérez, na biblioteca de Barbadás.

Mellora do acceso a explotacións agrarias 4 O investimento total na mellora da rúa Val do Muíño ascende a 17.713 euros.

Redacción A rúa Val do Muíño, na localidade de Barbadás, preto do antigo pobo dos Muíños, foi obxecto dunha mellora do firme viario para facilitar o tránsito e o acceso ás explotacións agrícolas.

O proxecto de mellora incluíu a limpeza de cunetas, o ensanche da plataforma do camiño nunha superficie de 143 m2 e a instalación e dúas embocaduras para caño, así como a dotación de dobre rego asfáltico e ampliación da vía, significando unha mellora notable, que facilitará o acceso ás explotación agropecuarias desta zona. Tamén se procedeu ao bacheo de zonas puntuais nunha superficie de 154 m2 e a colocación de un caño de 9 metros de lonxitude.

O investimento total na mellora da rúa Val do Muíño ascende a 17.713 euros.

Importancia A concelleira de In-

fraestruturas, Victoria Morenza, destaca “a importancia da reforma deste vial na cohesión do territorio e a mellora das condicións de vida e traballo no medio rural, así como facilitar a accesibilidade e vertebración do territorio a través deste tipo de iniciativas sobre os camiños rurais”.

Este tipo de melloras de camiños rurais aumentan a competitividade agraria e forestal porque facilitan o tránsito de maquinaria ás explotacións agrarias, o que redunda nunha maior operatividade, nunha redución de custos e dos tempos necesarios para poñer os produtos no mercado.

Resultado das obras.

SOCIEDADE

Barrios 8 de setembro 2023

9

Novidades en canto a persoal, medios e melloras tecnolóxicas no Pladiga 2023

4 O seu principal obxectivo é reducir ao máximo posible, tendo en consideración os recursos dispoñibles, as consecuencias ecolóxicas, económicas e sociais producidas polos incendios.

Redacción O Consello da Xunta ten aprobado o Plan de prevención e defensa contra os incendios forestais de Galicia (Pladiga) 2023.

Dito documento, que estará vixente ata que se aprobe unha nova actualización no vindeiro ano, ten como principal obxectivo reducir ao máximo posible, tendo en consideración os recursos dispoñibles, as consecuencias ecolóxicas, económicas e sociais producidas polos incendios forestais.

A planificación do Pladiga 2023 mantén a prevención; detección, disuasión, investigación e medidas correctoras; extinción; e formación como os catro ámbitos diferentes de planificación, pero aos que incorpora unha serie de novidades. Entre elas está a creación dunha unidade de directores de extinción especializada en grandes incendios forestais (que poderán ser mo-

restais e axentes ambientais, de cara a unha mellor coordinación durante os incendios.

Helicóptero do servizo contra a extinción de incendios. bilizados polo Centro de Coordinación Central de Incendios, coa intención de facilitar e favorecer o correcto desenvolvemento do dispositivo). Tres novas brigadas públicas helitransportadas nas bases do Barco de Valdeorras, no Xurés (Muíños) e en Quei-

O Pladiga 2023 contempla tres novas brigadas públicas helitransportadas nas bases do Barco de Valdeorras, no Xurés (Muíños) e en Queimadelos (Mondariz)

A prevención é un dos piares do Pladiga 2023.

madelos (Mondariz); ditas brigadas helitransportadas serán un apoio fundamental para o desenvolvemento da unidade, coa garantía de dispoñer de medios durante todo o ano e con persoal que integrará parte do equipo, a maiores da versatilidade que ofrece dispoñer do medio aéreo como ferramenta para determinadas accións.

Como reforzo dos medios materiais neste exercicio está prevista a compra de 15 motobombas e doutros 12 batracios, que consisten nun tractor con cisterna, trituradora multifunción e polidozer.

Ademais, ao longo deste ano poderanse adquirir outros tres vehículos motobombas e outros dous batracios, que -neste último caso- poden ser claves tamén na extinción, máis aló dos traballos preventivos que están capacitados para desenvolver.

Vixilancia e melloras tecnolóxicas Outra novidade está na vixilancia fixa con cinco cámaras máis, en dúas novas localizacións, co que se acada a cifra de 153 unidades en 76 localizacións.

Estas cámaras contan cunha tecnoloxía de última xeración, especialmente deseñada para exteriores e vixilancia forestal, con zoom remoto, movemento horizontal e vertical, rotación nos 360º automática e baixo demanda, visión panorámica e altas capacidades de gravación.

No eido tecnolóxico adquiriranse novos terminais de altas prestacións e amplas capacidades de procesamento, co fin de distribuír a última versión de XeoCode Lite (que ofrece datos relativos ao punto de inicio e avance do lume, fotografías xeorreferenciadas, entre outras) entre todos os técnicos forestais, axentes ambientais e persoal do Servizo de prevención e extinción de incendios.

Ademais, unha nova aplicación web facilitará a xestión, supervisión e control dos lotes de maquinaria pesada e doutra maquinaria pesada contratada. Tamén se incorporarán canais de intercomunicación con outros dispositivos que usan este sistema -061, policía, 112, bombeiros urbanos- nas emisoras de técnicos fo-

Parroquias O Pladiga 2023 eleva a 40 o número de parroquias de alta actividade incendiaria (26 repiten respecto á anterior campaña, 14 entran no listado e 10 saen del).

En canto aos medios humanos e materiais mobilizados, estes mantéñense, en liñas xerais, o operativo estará integrado en total por máis de 7.000 persoas, contabilizando tanto os profesionais propios da Xunta como os adscritos a outras administracións.

Neste apartado, cabe lembrar que os traballadores de nove meses pasan a ser de 12 meses desde este mesmo ano. En relación co parque de maquinaria, mantense o despregamento de preto de 380 vehículos motobomba e mobilizaranse unha trintena de medios aéreos.

Plans de formación e de prevención Segue vixente o Plan de formación aprobado no 2021 para o período 2021-2022. O orzamento previsto pasa de 400.000 a 700.000 euros. Dito Plan consta de catro programas, dous deles dirixidos ao Servizo, o terceiro deseñado para o persoal dos concellos que participa na extinción e o cuarto para a sociedade do rural.

Este ano impartiranse 33 cursos en 602 edicións, con aproximadamente 13.444 prazas. Ademais, vanse desenvolver diversas iniciativas relacio-

nadas coa seguridade laboral, cos cada vez máis habituais grandes incendios e lumes de interface ou co manexo de equipamentos de traballo como os equipos de comunicación Tetra ou os novos vehículos de extinción. Este programa eminentemente práctico será de obrigado cumprimento para os efectivos e contará cunha estrutura a tres niveis: autonómico, provincial e de distrito.

Os traballadores adscritos á Administración local que participan no operativo de extinción, continuarán coas formacións eminentemente prácticas.

Por último, continúase formando e concienciando á poboación das áreas rurais, para que aprendan a autoprotexerse implicándose na prevención, colaborando cos efectivos contraincendios e axudando a dar coas causas e cos causantes dos lumes.

A Xunta destina este ano case 38,8 millóns de euros, é dicir, máis dun 17% de aumento de orzamento con respecto ao ano anterior. Desta forma, prevese actuar en cando menos unhas 60.000 hectáreas de terreo e nuns 5.600 km de pistas forestais e outras vías, ademais de en case 4.840 puntos de auga, entre creación de puntos novos e mantemento dos existentes.

Ademais, están previstas xa 2.790 hectáreas de execucións subsidiarias no marco do convenio de protección das aldeas -subscrito entre a Xunta, a Fegamp e Seaga- ao que están adheridos 279 concellos.

O Pladiga 2023 eleva a 40 o número de parroquias de alta actividade incendiaria (26 repiten respecto á anterior campaña, 14 entran no listado e 10 saen del)

10 Barrios

PROVINCIA

Obras humanización en Toén

Luis Menor renuncia ao Senado

Redacción

4 Como xa anunciara cando foi investido presidente da Deputación.

8 de setembro 2023

Continúa as obras de humanización e mellora da accesibilidade no núcleo rural de Moreiras, no concello de Toén, nas que, grazas a un acordo de cooperación subscrito entre a Vicepresidencia Segunda e Consellería de Medio Ambiente, Territorio e Vivenda e o ente municipal, se está a investir máis de 327.400 euros, dos que o 70% foi unha achega do Goberno galego. Entre as actuacións están a urbanización dunha parcela para dotar o lugar dun parque, poñendo en valor elementos preexistentes como minas de auga, un lavadoiro e os muros de pedra.

R.T. Cumprindo o seu reiterado compromiso de “non acumular cargos”, Luis Menor vén de presentar a súa renuncia ao escano na Cámara Alta como representante do Partido Popular pola provincia de Ourense, para “centrarme nas responsabilidades provincial e local” como presidente da Deputación e alcalde do Concello de Pereiro de Aguiar.

Menor fixo un agrade-

Alén visita o Castro de Cameixa 4 A Xunta fixo unha achega de preto de 18.000 euros.

Redacción O delegado territorial da Xunta en Ourense, Gabriel Alén, desprazouse ao concello de Boborás para achegarse, acompañado da alcaldesa, Patricia Torres, ao Castro de Cameixa, onde supervisou as novas actuacións arqueolóxicas de investigación e posta en valor deste xacemento programadas para este ano e que son financiadas pola Consellería de Cultura, Educación, Formación Profesional e Universidades cunha achega de preto

de 18.000 euros.

O delegado territorial explicou que ademais de continuar cos traballos arqueolóxicos de investigación e rexistro deste xacemento arqueolóxico, tamén se realizarán labores de consolidación, restauración e acondicionamento das estruturas arqueolóxicas exhumadas de cara a súa conservación e posta en valor.

As actuacións a desenvolver consisten na limpeza e roza, baixo control arqueolóxico, da vexetación da zona de actuación e a súa contorna máis inme-

cemento expreso a cantos electores “depositaron a

súa confianza na miña persoa” como candidato a un escano no Senado polo Partido Popular de Ourense nas pasadas eleccións xerais do 23 de xullo. A partir deste momento, afirmou, “dedicarei todos os meus esforzos a cooperar cos pequenos concellos da nosa provincia e a mellorar a calidade de vida dos meus veciños en Pereiro, aos que tamén reitero o meu agradecemento polas continuas mostras de apoio”.

Luis Menor. /RAMSÉS.

Paco Luis Menor, que tomou posesión do seu escano como senador o 17 de agosto, será substituído por Francisco José Fernández, alcalde de Leiro, que tamén ocupou o cargo de senador na pasada lexislatura.

diata, isto é, a parcela de actuación e acceso á mesma.

Posteriormente levarase a cabo a escavación con metodoloxía arqueolóxica dunha área entre os 80 e os 100 m2, sita no ángulo sueste do castro. Sería unha ampliación cara ao nordés do escavado en campañas anteriores,

xunto con outros 6 metros de muralla. Deste xeito, efectuarase unha diagnose, consolidación e acondicionamento das estruturas arqueolóxicas que se localicen nesta nova campaña, garantido en todo caso unhas condicións de conservación axeitadas para a súa visita.

Durante os traballos que se están a realizar atopáronse restos de cerámica ./RAMSÉS.

A Deputación quere establecer unha sede provisional en Valdeorras 4 Para elo solicita á Xunta a cesión de espazos na Casa Grande de Viloira.

Redacción A Deputación de Ourense vén de solicitar formalmente á Xunta de Galicia a cesión dun espazo para o seu uso como sede provisional da institución provincial en Valdeorras.

Este emprazamento sería na Casa Grande de Viloira, e a súa apertura sería con carácter inmediato, unha vez obtida a cesión.

Cumpriríase así co compromiso adquirido na investidura do presidente provincial, Luis Menor, de contar canto antes cunha sede permanente da Deputación Provincial para desenvolver a axenda de Valdeorras, e que se complementa coa designación de María del Carmen González Quintela como deputada delegada especial para a comarca valdeorresa, que xa está a liderar a acción de goberno marcada pola Deputación para esta zona da provincia.

Conversas Tal e como manifesta Luis Menor “as conversas que mantemos coa Xunta van encamiñadas a que esta petición poida ser atendida dun xeito inmediato coa fin de poder cumprir esa promesa canto antes”, agradecendo a

excelente disposición da Administración Autonómica para colaborar neste eido.

Do mesmo xeito, o presidente provincial recalca que esta cesión de espazos, -solicitada con carácter provisional pero inmediato-, na Casa Grande de Viloira, faríase sen prexuizo das xestións realizadas para o establecemento da sede definitiva da Deputación en Valdeorras. “É perfectamente compatible contar cunha sede provisional mentras seguimos na procura dun emprazamento definitivo”, sinala o presidente provincial.

Luis Menor: “as conversas que mantemos coa Xunta van encamiñadas a que esta petición poida ser atendida dun xeito inmediato”

A casa grande de Viloira.

DEPORTES

Barrios 11 8 de setembro 2023

Fútbol Redacción

As xogadoras do Ourense Ontime festexando o trofeo conquistado. /RAMSÉS.

Ourense Ontime vence no 3º Torneo Internacional Ourensanía de fútbol sala 4 Gañou na final ao Futsi.

R.T. En plena pretempada dos equipos de fútbol sala celébrase desde fai tres anos o Torneo Internacional Ourensanía - Concello de Cartelle. Este ano, na celebración da terceira edición, catro equipos disputaban este trofeo que na edición anterior encumbrara a un Burela que vencera na final ao Melilla (5-3) nun partido brillante.

Os equipos participantes deste ano eran os ourensáns Cidade das Burgas e Ourense Ontime, ademais de Futsi e Benfica.

Semifinais Nas seminifinais o Cidade das Burgas (moi mermado polas baixas) nada puido facer ante a avalancha das campioas da Primeira división de fútbol sala, o Futsi. As de Navalcarnero non deron opción ás ourensán vencendo por cero goles a cinco.

A outra semifinal estivo moito máis disputada e, nesta ocasión, si venceron

as ourensás do Ourense Ontime ao Benfica por un axustado dous a un. O encontro tivo moita emoción con moitas ocasións para ambos equipos incluso cunha nos últimos segun-

dos a prol das portuguesas que a piques estiveron de empatar o encontro e levamo á prórroga.

Na disputa do terceiro e cuarto posto, o Benfica desfíxose sen problemas

do Cidade ao que lle endosou un 1-10, polo que as lusas remataron o torneo na terceira posición.

Final E á gran final chegaban o Futsi Navalcarnero e o Ourense Ontime, un encontro que ben pode ser este ano a final da Copa da Raíña ou ser dous dos equipos que se disputen o título de Liga ata as últimas xornadas.

Durante os 40 minutos o marcador non se moveu a pesar de dispor unhas e

Momento do encontro da final entre o Futsi e o Ourense Ontime. /RAMSÉS.

outras de ocasións claras para desfacer a balanza. Na prórroga máis do mesmo, alternancia de ocasións (as máis claras foron do Ontime) pero o electrónico non se movería do cero a cero inicial; os penaltis entraban en escena. E foi aí cando a figura do porteira Uxía Rodríguez (Ourense Ontime) fíxose grande. A cancerbeira parou tres penaltis, dos catro tirados pola xogadoras rivais, o que levou ao conxunto ourensán a facerse co trofeo; as ourensáns anotaron tres dos catro lanzados.

Finalmente vitoria do Ontime que de seguro lle dará un plus de confianza de cara á nova tempada que dará comezo o 16 de setembro.

Na tanda de penaltis destacou a porteira do Ourense Ontime, Uxía Rodríguez, ao parar tres do catro penaltis lanzados polo Futsi e darlle a vitoria ao seu equipo

O primeiro equipo ourensán de fútbol en arrancar a tempada 202324 foi o Arenteiro. Despois de ter gastadas as dúas primeiras xornadas o balance é máis que positivo. Na primeira xornada pagou a novatada de estrenarse nunha competición nova e máis complicada (caeu en Tarragona fronte ao Nástic por un gol a cero). Porén, os homes de Javi Rey refixéronse e no segundo encontro na Primeira Federación (o primeiro no Espiñedo) lograron unha contundente vitoria diante do Logroñés ao que venceron por tres goles a cero.

A terceira xornada depara ao conxunto carballiñés un desprazamento a Navarra para enfrontarse ao filial do Osasuna.

Ourense CF O segundo en comezar a competición foi o Ourense CF na Segunda Federación. O conxunto ourensán visitaba ao Rayo Cantabria logrando rabuñar un punto, para dar comezo un curso prometedor.

Esta fin de semana recibe o domingo, a partir das 17 horas, ao Marino Luanco. O encontro, debido ás obras no estadio do Couto, celebrarase no campo municipal de Oira, onde adestran os xogadores de “Juninho”.

Terceira E a Terceira Federación na que compiten UD Barbadás e UD Ourense da comezo esta fin de semana. O recén ascendido Barbadás comezará o curso diante da súa afección e enfrontándose ao Silva.

Pola súa banda, a UD Ourense, que repite na Terceira visita ao Somozas. Ao igual que o Ourense CD, os unionistas xogarán os próximos meses como locais en Oira.

12 Barrios

8 de setembro 2023

DEPORTES

Un Club Ourense Baloncesto que ilusiona 4 O primeiro partido de pretempada levaráo ata Ponferrada.

R. Torres

Atletas da carreira sub 14 e sub 16. /RAMSÉS.

O "Correndo por Ourense" regresa con gran ambiente nas Lagoas 4 A seguinte cita será no barrio da Ponte.

R.T. Despois do parón polo periodo estival, o circuíto de carreiras populares "Correndo por Ourense" regresou coa cita celebrada na zona universitaria (barrio das Lagoas). A xornada celebrouse baixo unha temperatura óptima para afrontar as esixentes ramplas ás que se tiñan que enfrontar os atletas.

Antes da proba absoluta, coma sempre, os primeiros en competir foron os máis cativos divididos en tres quendas, que fixeron as delicias de familiares e afeccionados ao atletismo.

Tras eles, eran os sub 12 e sub 14 os que saltaban ao tartán para facer a súa carreira. Yahya El Mansouri e Lara López (ámbolos dous sub 12) foron os primeiros en chegar a meta tras un moi disputado esprint. En sub 10, Héctor Souto e Noa Salgado foi os primeiros en sub 10.

E se disputado foi o esprint final en sub 12 non o foi menos en sub 16; nela Mario Lorenzo e Sabela Castelo tamén chegaron xuntos aos metros finais levándose a vitoria Mario pero por moi pouco.

Pola súa banda, Walid El Mansouri e Sheila Varela, remataron primeiros na categoría sub 14.

Absoluta E chegaba o momento da carreira absoluta. Cir-

cuíto rachapernas no que hai que ir reservando enerxías ata o tramo final para non sufrir en exceso. Nos primeiros intres da proba un grupo de tres atletas conformado por Quique Blanco, Albino Fernández e Adrián López distanciabanse do resto de competidores. Eles tres chegarían ás proximidades da pista de atletismo xuntos. Porén, a punta de velocidade de Quique Blanco impúxose logrando a vitoria por diante de Albino Fernández (segundo) e Adrián López (terceiro). Máis atrás quedaba o atleta sub 20, Héctor Rodríguez, que habitualmente estaba instalado no podio destas carreiras; nesta ocasión foi

sétimo a máis dun minuto do vencedor.

En categoría feminina, Iria Salgado non tivo rival e chegou á meta con 46 segundos de diferenza con respecto a Cora Saburido (segunda clasificada). Na terceira posición, Marina Losada chega a un minuto xusto da vencedora.

A Ponte Este mesmo mes dispútase a que tiña que ser a sexta proba do circuíto, pero que será a quinta debido a que se tivo que anular a proba do Centro. A cita terá lugar o domingo, 24 de setembro con saída e chegada de todas as probas na rúa Francisca Herrera (fronte o 12 de Octubre).

Atletas nas esixentes ramplas do circuíto. /RAMSÉS.

A primeira carreira será a dos pitufos (11 horas), seguida ás 11.05h da sub 10 e sub 12 e as 11.15h os sub 14 e sub 16. Rematará a xornada coa disputa da carreira absoluta (sub 18 en adiante) a partir das 11.30 horas. As inscricións están abertas en correndoporourense. com.

O domingo, 24 de setembro, dispútase a carreia do barrio da Ponte.

Inscricións abertas en correndopororuense.com

O Club Ourense Baloncesto está inmerso nunha pretempada que o levará a disputar un ano máis a LEB Ouro.

E nesta ocasión, o verán foi distinto ao de anos anteriores, xa que comezaron a pretempada todos os xogadores que estarán disponibles para Félix Alonso ao longo do curso, e iso xa é dicir moito. Unha pretempada que ilusiona ao club e aos afeccionados, na que podería ser o inicio dun proxecto a longo prazo; o club ten un principio de acuerdo cunha empresa china que permite a contratación de xogadores referentes na LEB Ouro.

Plantilla O COB conta con 12 fichas para esta tempada o que xa de por si supón unha garantía, alomenos nos adestramentos.

Sergio Llorente e Javi López levarán a batuta do equipo desde cancha propia. Adika Peter-McNeilly e Justin Turner serán os encargados de poñer o espectáculo desde a posición de escolta.

En canto aos aleros, Álvaro Palazuelos e Unai Mendikote serán un bo complemento de Mindaugas Kacinas o que está chamado a ser titular e dar tardes de gloria no

Pazo. Desde a posición de ala-pívot partirán Karamo Jawara e Samu Rodríguez, nos que están depositadas moitas esperanzas. E as torres do equipo terán os nomes de Romaro Gill e Ivica Radic sendo, a priori, este segundo o titular.

Xunto a estes 11 xogadores chega Bolong Zheng, xogador chino que aterriza en Ourense polo patrocinador asiático que permitiu facerse cos servizos de Kacinas e Radic.

Amigables O 28 de agosto deu comezo a pretempada para o COB e este mesmo sábado, 9 de setembro, xoga o seu primeiro amigable.

O fará preto de Ourense, nunha provincia limítrofe.

A partir das 19 horas enfrontarase en Ponferrada ao equipo local. O venres 15, ás 20.30 h., visita ao Breogán na Copa Galicia (en caso de vitoria xogaría un encontro máis o 17 de setembro). O mércores 20, desprazaranse ata Valladolid para enfrontarse ao conxunto pucelano. O primeiro e único encontro na casa o disputará o sábado, 23 de setembro contra o Básket Coruña, ao que lle devolverá a visita o venres, 29 de setembro.

Liga Para o COB comeza a tempada o 7 de outubro no Paco Paz contra o Castelló.

Ivica Radic será unha das atraccións do COB 2023-24.

SOCIEDADE

Os campos de voluntariado enxalzan o patrimonio medioambiental, cultural, turísitico e patrimonial

4 Forman parte da Campaña de Verán da Xunta, que conta con máis de 11.200 prazas en campamentos, minicampamentos, campos de voluntariado e outras actividades.

Redacción Como en cada tempada estival chega a Galicia unha nova Campaña de Verán da Xunta. Unha proposta ambiciosa que non só ofrece á xuventude un amplo abano de alternativas para que desfruten do tempo libre, senón que tamén é un recurso de conciliación para as familias. Durante os meses de xullo, agosto e setembro e baixo o lema ‘O verán que sempre vas lembrar’ ofértanse máis de 11.200 prazas en campamentos, minicampamentos e campos de voluntariado, entre outras actividades.

Esas máis de 11.000 prazas supoñen a maior cifra da historia da programación estival do Goberno galego consolidando, deste xeito, á nosa comunidade

como a que máis prazas ofrece de todo o Estado.

Entre as múltiples posibilidades que propón a Campaña de Verán para pasar un gran verán, unha das que esperta maior interese por parte da xente nova son os campos de voluntariado, que a Xunta organiza en colaboración cos concellos.

Neste verán programáronse un total de 46 campos, entre os que destacan o das illas Cíes, con cinco quendas e que é o máis antigo dos que se realizan. No seu conxunto, a oferta de prazas deste verán supera as 700 para xente nova entre os 18 e os 30 anos de idade.

Novos campamentos A distribución total é de 13 na Coruña; 11 en Ou-

baixo o lema ‘O verán que sempre vas lembrar’ ofértanse máis de 11.200 prazas en campamentos, minicampamentos e campos de voluntariado, entre outras actividades

rense; 14 en Pontevedra; e 8 en Lugo. Esta tempada, o Executivo autonómico aumenta a oferta con catro novos campos de volutarios en Santa Comba (A Coruña), Pantón (Lugo), Viana do Bolo (Ourense) e outro compartido entre os concellos de Vilar de Santos e Allariz (Ourense). Ademais, recuperouse un campo de voluntariado específico para mozos galegos que residen no exterior en Castro de Rei (Lugo).

A conservación do medio ambiente, a posta en valor do patrimonio histórico, a cultura, a etnografía, o audiovisual, a arqueoloxía, a dinamización turística ou o ámbito social son algunhas das modalidades destes campos, abertos á participación de mozos procedentes doutras rexións de España e tamén de países estranxeiros. Os participantes colaboran desinteresadamente en diferentes traballos e actividades que redundan na mellora

Campo de Voluntariado do Audiovisual galego celebrado en Celanova.

da contorna na que se desenvolven os campos.

Ademais, estas iniciativas están encamiñadas a favorecer e fomentar a convivencia, a tolerancia e a solidariedade entre a xuventude.

Participación Os campos de voluntariado xa celebrados rexistraron unha elevada participación e practicamente todos eles cubriron as prazas ofertadas.

A convocatoria para cada un dos campos estará aberta ata tres días antes do inicio de cada un deles e deberase facer en liña a través da páxina web xuventude. xunta.es, na que tamén se pode consultar toda a programación da Campaña de Verán.

A oferta complétase cos que teñen lugar noutras Comunidades Autónomas e no estranxeiro.

Os mozos galegos poden desfrutar dun verán que sempre lembrarán participando en campos que se organizan en Castela-A Mancha, Castela León, Estremadura, A Rioxa e a Comunidade Valenciana ou Portugal, Francia, Alemaña, Islandia e Estonia.

As inscricións nos campamentos pódense facer ata tres días antes do inicio do mesmo na web xuventude. xunta.es

Barrios 13 8 de setembro 2023

Entrevista a Daniel Isaías López Torres, participante no Campo de Voluntariado de Viana do Bolo

"Quero facer cada ano un campo de voluntariado e se é en Galicia, mellor" Daniel ten 20 anos, naceu en Venezuela e actualmente vive en Madrid. Do 4 ao 15 de xullo estivo en Galicia participando na primeira edición do campo de voluntariado de Viana do Bolo (Ourense), unha das novidades da Campaña de Verán da Xunta de Galicia. Un campo de temática teatral no que Daniel conviviu con outros mozos de Galicia, do resto de España e do estranxeiro.

Foi a túa primeira participación nun campo de voluntariado?

Daniel López: "Si, esta foi a miña primeira vez. Intento aproveitar as miñas vacacións para vir, sempre que podo, a Galicia porque os meus avós eran de aquí. Informeime sobre os campos de voluntariado que hai en Galicia a través da páxina de xuventude da Comunidade de Madrid, comprobei que había un montón de posibilidades e anoteime para o de Via-

na do Bolo".

En que consistiron as actividades no campo?

D.L.: "Fixemos varias representacións na praza do pobo contando as lendas e mitos de Viana do Bolo. Encargámonos de todo o proceso: de elaborar o guión, facer os traxes, do atrezo. O teatro foi a actividade principal, pero tamén fixemos excursións, rutas, visitas...".

Como valoras a experiencia?

D.L.: "A verdade é que ía sen expectativas, pero ao final sorprendeume moi gratamente. O meu propósito agora é realizar cada ano algún campo de voluntariado e, se pode ser en Galicia, mellor. As actividades dos campos que se ofertan aquí creo que se axustan moi ben ao que queremos os mozos e ademais supoñen unha oportunidade moi boa para coñecer xente, novos lugares e desfrutar da natureza e dos espazos naturais que ten Galicia".

Daniel Isaías López Torres, formou parte do Campo de Voluntariado de Viana do Bolo.

14 Barrios

8 de setembro 2023

AXENDA / OCIO

Ourense acolle o Campionato de Tapas e Pinchos de Galicia

4AXENDA Teatro - Xoves 14 de setembro - 21 horas - La isla del aire - Teatro Principal de Ourense.

- Os días 21, 22 e 23 de setembro - 21 horas - “Made in Galicia” de Sarabela Teatro - Teatro Principal de Ourense.

Deportes - Do 8 ao 10 de setembro - Open Ourense de Hoquei Veterán - Campo da Universidade Laboral.

- Domingo 10 de setembro - 17 horas - Fútbol: Ourense CF vs Marino de Luanco - campo de Oira.

- Domingo 10 de setembro - UD Barbadás vs Silva - Os Carrís.

- Sábado 16 de setembro - 19.30 h - fútbol: Arenteiro vs Real Unión - O Espiñedo.

- Domingo 17 de setembro - fútbol: UD Ourense vs Atl. Arteixo - campo de Oira.

- Do 15 ao 17 de setembro - 11º Rallye Ribeira Sacra - Nogueira de Ramuín.

Musica - Sábado 9 de setembro - 21.30 horas - concerto de Robert Plant - Mosteiro de Celanova.

- Venres 29 de setembro - 21 horas - concerto da Filarmónica de Cámara de Colonia - Teatro Principal de Ourense.

Exposicións - Ata o 28 de setembro - “Carteis cartazes affiches” de Baldomero Moreiras- Casa dos Poetas de Celanova.

- Ata o 15 de outubro - “Abano Cromático” de Lola Alga - Fundación Vicente Risco (Allariz).

Cinema - Do 8 ao 17 de setembro - Festival Internacional de Curtas Vía XIV - Verín.

Outros - Sábado, 16 de setembro - 21 h - 4º Festival de Poesía “Imos ter máis que palabras” - Teatro Principal de Ourense.

- Sábado 23 de setembro - 20.30 horas - Moncho Borrajo presenta “50+1” - Auditorio Muncipal Ourense. www.periodicobarrios.com

4 Celebrarase os días 16 e 17 de outubro.

Redacción Presentación da portada do novo número de “Nós a Xente do Redor”.

Fidel Rodríguez crea a portada do novo número de "Nós a Xente do Redor" 4 A revista será presentada o día 17 de setembro na Sociedade Cultural Albor.

A. Jácome O artista e ilustrador ourensán, Fidel Rodríguez Freire foi o encargado de realizar a portada do novo número (o 11) da revista cultural "Nós a Xente do Redor".

A ilustración da portada foi presentada na Librería Mecenas (praza da Trinidade), polo autor da mesma e membros da da asociación "Nós a Xente do Redor".

Revista O próximo domingo, 17 de setembro, ás 12 horas, a Sociedade Cultural Albor (rúa Greco nº 7) abrirá as súas portas para dar a benvida a un evento que promete un emocionante encontro coa creatividade e a expresión artística e literaria: a presentación da revista cultural "Nós a Xente do Redor", edición número 11.

A Sociedade Cultural Albor transformarase nun escenario de vitalidade cultural, reunindo a escritores, artistas, músicos e entusiastas de todas as partes da rexión.

A revista "Nós a Xente do Redor" foi durante anos un faro da diversidade artística e literaria da rexión, e a súa edición número 11 promete superar todas as expectativas

anteriores.

O evento enriquecerase aínda máis cunha serie de actuacións cativadoras. A Coral da Asociación Albor, recoñecida polo seu talento vocal e a súa capacidade para emocionar ao público, compartirá as súas harmonías únicas.

As Pandereteiras da Asociación Loureiro, gardiás das tradicións musicais da rexión, levarán consigo o ritmo e a enerxía característicos da terra galega.

E como un agasallo para os oídos máis esixentes, o aclamado acordeonista Maximino Míguez, coñecido cariñosamente como "Maxi", deslumbrará co seu virtuosismo musical.

A mestra de cerimonias

para esta xornada será Marina Sánchez, unha figura respectada no ámbito cultural local. Como colaboradora habitual e divulgadora cultural no seu canal de YouTube, Marina Sánchez - Canal Cultura, a súa paixón pola arte e a súa habilidade para conectar coa audiencia seguramente engadirán un toque especial a este evento.

Esta presentación e de libre entrada, o que significa que tanto os habituais seguidores da revista como aqueles que se sentan atraídos pola creatividade e a cultura teñen a oportunidade de mergullarse nunha experiencia única e enriquecedora.

Fidel Rodríguez, creador da portada.

A Deputación de Ourense trae á provincia o 2º Campionato de Tapas e Petiscos de Galicia, organizado pola Academia da Tapa e o Pintxo de España, que se celebrará os días 16 e 17 de outubro en dúas sedes: Casal de Armán e o hotel Oca de Allariz.

Os participantes elaborarán as tapas en formato showcooking en tres boxes de cociña instalados nun escenario, diante dun xurado composto por recoñecidos profesionais da cociña en miniatura procedentes doutros territorios de España. O Campionato repartirá entre os hostaleiros gañadores máis de tres mil euros en produtos das empresas patrocinadoras.

Gastronomía Este evento é unha aposta pola gastronomía en miniatura para incentivar a innovación entre os hostaleiros galegos, promocionar aos pequenos produtores ourensáns e ás empresas do sector agroalimentario. Está dirixido a un máximo de 50

profesionais de cocíñaa representantes do catro provincias galegas.

Os hostaleiros interesados en participar pódense inscribir gratis en academiadelatapa.com. Os participantes do campionato ofrecerán nos seus establecementos a tapa do concurso na 2ª Ruta de Tapas e Petiscos de Galicia do 6 ao de 15 de outubro coas que competirán por ser a mellor de Galicia.

Como condición, o petisco ou tapa deberíase comer en dúas ou tres bocados; ademais, o prezo será de 1,80 euros como máximo.

Na presentación do evento estiveron presentes o deputado provincial de Turismo e o presidente do Inorde, Rosendo Fernández; o presidente da Academia da Tapa e o Pintxo de España, Mikel Martínez; e o presidente da asociación “Cociña Ourense”, Gerson Iglesias.

O campionato terá dúas sedes: Casal de Armán e o hotel Oca de Allariz

O presidente da asociación “Cociña Ourense”, Gerson Iglesias; o presidente do Inorde, Rosendo Fernández; e o presidente da Academia da Tapa e o Pintxo de España, Mikel Martínez.

OCIO / CLASIFICADOS

Barrios 15 8 de setembro 2023

BARRIOS. Edita: Letras a la Carta S.L. CIF: B-32.323.925. Depósito Legal: OU 142-2014. Redacción: r/ Arcediagos,11, 1º - 32005 Ourense. Tel: 685 969 546. Correo-e: info@periodicobarrios.com. Distribúe: Mundopublicolor. Imprime: Publicaciones Tameiga. Director: Ramsés Torres. Director comercial: Miguel Rejo. Redacción: Miguel Rejo, Ramsés Torres. Fotografía: Ramsés Torres, Miguel Rejo. Colaboracións: Joao Damiao, Miguel A. Prieto Sotelo, Jorge E. Bóveda, C. Domarco, Avelino Jácome. Yedra Seara, Manuel Blanco Nº191 - Ano: XVI - 8 de setembro de 2023 - Difusión: 10.000 exemplares Este periódico non pode ser reproducido nin total nin parcialmente, sen autorización previa da empresa editora Letras a la Carta S.L. Impreso en papel 100% reciclado.

Se ten algún problema co reparto, pregámoslle que nolo comunique no teléfono 685 800 190.

O Festival “Galicia Ilusiona" chega a Ourense 4 Haberá dúas actuacións, o 9 de setembro e o 15 de outubro.

Redacción O delegado territorial da Xunta en Ourense, Gabriel Alén, participou na presentación da nova edición Galicia Ilusiona, o Festival Mundial do Ilusionismo, que este ano achegará ata Ourense dúas actuacións, o 9 de setembro e o 15 de outubro.

A primeira será unha actuación de balde na rúa, que se desenvolverá o sábado, 9 de setembro (12 horas), no exterior do Centro Comercial Ponte Vella de Ourense. Pero será o 15 de outubro cando o Auditorio Municipal acollerá (18.30

horas) unha das 7 galas internacionais nas que participarán seis dos mellores ilusionistas do mundo: Dania Díaz (Venezuela), Miguel Muñoz (España), Paul Ponce (Arxentina), Dúo kybalion (Arxentina e Rusia), Gerald Le Guilloux (Francia) e Amadeo Edama (España). As entradas teñen un prezo único de 12 euros e están á venta na web do Festival (www.galiciailusiona.es).

O delegado territorial subliñou que a Xunta apoia esta iniciativa co obxectivo de converter a Galicia en referente e epicentro da maxia a nivel mundial e,

Gabriel Alén -centro- presentou o Festival “Galicia Ilusiona”.

ao mesmo tempo, levar e encher de ilusión toda a comunidade.

Para Gabriel Alén, “temos que sentirnos orgullosos do traballo realizado dende tódolos sectores, xa que gracias a elo, somos un destino elixido por milleiros de persoas para visitar e, por suposto, de ter esa maxia que nos fai tan especiais aos galegos e de que sigamos sendo o destino favorito para a celebración de actuacións tan espectaculares como, estou segura, levarán a cabo os participantes deste festival de ilusionismo”.

4ANUNCIOS CLASIFICADOS [Deixe o seu anuncio no 685 96 95 46 ou en info@periodicobarrios.com. Gratuítos para particulares]

INMOBILIARIA Vendo casa en Xunqueira de Ambía. Baixo, primeiro e ático. Tel.: 988 23 47 91 Alugo bar nos viños de Ourense a bo prezo. Tel.: 672 08 93 49 Vendo casa con finca na estrada de Satiago. Tel.: 672 08 93 49 Alugo piso no Couto.

Amoblado e con calefacción. Teléfono 672 089 349.

Alugo local económico no centro. Ideal para oficina, almacén ou trasteiro. 17m2. Dispón de baños comunitarios. 120 euros/mes máis 7 euros de comunidad. C.E.: C. Teléfono 627 203 131 Véndese casa céntrica en Xinzo de Limia.

Baixo máis unha planta (144m2,) tres prazas de garaxe e patio, cinco habitacións, dous baños, cociña amoblada e terraza.

133.000€. Tel. 699 648 514 / 988 21 40 70 Alugo baixo na zona do Couto totalmente acondicionado. Con luz, auga, 70 m2. Prezo 300 euros.

Tel: 653 208 506 Alúganse apartamentos en Montalvo (de Semana Santa a outubro) con unha ou dúas habitacións, cociña, salón, baño, barbacoa, aparcadoiro, xardín; fronte á praia. Tel: 607 271 916 Alugo sala para actividades culturais, con posibilidade de cociña, baño e outros sertvizos. Tel.: 988 247 113.

Alugo apartamento en Sanxenxo a 5 minutos da praia. Piscina comunitaria Tel.: 650 64 15 19.

Busco casa en alquiler na periferia de Ourense. Opción a compra ou dunha permuta dun piso situado na Valenzá. Tlf.: 600 826 029.

Véndese apartamento de 2 habitacións, cociña americana, baño, trasteiro e garaxe. Recén reformado. A 5 min. de praia América. Bo prezo. Tel. 620 66 07 62.

TRABALLO Ofrécese señora cualificada para o coidade de maiores no período de verán (a partir do 15 de xullo) Tel. 663 043 561.

Ofrécese señora para traballar por horas en Xinzo coidando maiores.

Tel. 641 440 921.

Ofrécese señora para traballar por horas en Xinzo limpando. Tel. 641 440 921.

Ofrécese señora para traballar con xente maior ou nenos. De toda confianza, con informes. Disponibilidade de coche e fins de semana Tel.: 606 422 543.

Ofrécese señora para limpeza por horas Tel.: 674 500 513.

Señora, auxiliar de enfermería responsable e con experiencia, ofrécese para coidar persoas maiores, enfermos, nenos e tarefas do fogar. Tel.: 620 052 173 Ofrécese señora responsable -española- para coidade de nenos ou persoas maiores. Con informes.

Tel.: 606 422 543 Ofrécese auxiliar de enfermaría, con titulación, para o coidado de maiores. Como interna ou por horas. En Ourense ou arredores. Telf.: 663 043 561 Clases de francés a domicilio. Todos os niveis.

Titulación en España e Francia. Tlf.: 625 745 611 Imparto clases particulares de Matemáticas a domicilio en Ourense capital. Todos os niveis. Tamen materias curriculares de ESO e Bacharelato.

As clases son individuais

e personalizadas. Ampla experiencia. Excelentes resultados. Económico.

Interesados enviar WhatsApp ao 610 38 25 89.

Busco traballo en desbroces con tractor ou condutor de camión e carretillas. Ampla experiencia.

Tel: 637 282 405.

Ofrécese xerocultora para axuda a domicilio en Xinzo. Tamén para limpeza de casas e negocios por horas e adaptados ao seu horario. Tel: 686 005 358.

VENDAS Vendo arado de vertedera seminovo, maquinaria agrícola, ferramentas de labranza e utensilios aptos para uso agrícola. Todo en bo estado e a prezo económico. Teléfono: 615 097 515 Vendo garrafóns e botellas de cristal. Tel: 672 089 349.

Vendo moble de entrada con cristal. Tel: 672 089 349.

Vendo lámparas de bronce. Tel: 672 089 349.

Vendo accesorios para cans: arnes de tiro, correas, collares e fournitures. Tlf: 636286434.

Vendo unha xanela de dúas follas en aluminio sapelly de 1,40 x 0,94 m con cristais. Tlf: 636286434.

Vendo rizador de pelo con accesorios para alisar e rizar. Tel.: 666 303 635 Vendo cama hospitalaria articulada en bo estado, con colchón anti-escaras. Tlf.: 606 133 522 Vendo prensa de viño mediana/grande, ideal para decoración en xardíns. Tlf.: 606 133 522 Véndense traxes de cabaleiro moi antigos en bo estado, ideal para Entroido. Prezo 10€. Tel: 610 979 897.

Vendo cuna nova. Tel.: 672 08 93 49

Barrios 8 de setembro 2023