La Prensa
Djamars 23 aprel 2013
9
Kompetensia fuerte durante karedanan di Powerade Bellisima WILLEMSTAD Djadumingu 14 di aprel último a tene Powerade Bellisima Race 2013. E ruta di Mountainbike di Powerade Race a pasa off road di Fuik bai direkshon St. Jorisbaai bai e drègstrep bieu i bini bèk. E promé parti despues di salida a kore trankil ku un peloton di mas o ménos 50 hòmber i muhé. Esaki a dura te Dam Pretu, kaminda algun tumadó di chèns a kue un bon velosidat. E ruta direkshon Aloe Farm a hasi e grupo na kabes mas chikitu pa motibu di sleurmentu di rei di velosidat Are Gee Specht. Ora e peloton a kita lenks na Koraal Tabak e kabes ya tabata konsistí di mas o ménos 12 persona. Despues di esaki e velosidat a keda haltu, ku na kabes un grupo ku tabata varia entre 7 siklista di Bellisima. Anton Kool di TEC tabata remarkablemente fuerte. E kaminda di santu tabata largu anto ku santu lòs i kobánan hundu, pues un ruta pisá. Ora di subi e playa di Koraal un kantidat di hende a
kansa. Na final di e pida fèrfelu akí anto ku bientu kontra, Bas Zwaan a disidí di skapa ku tur forsa. Pasa e puesto di kòntròl riba e hòbelnan duru ku rosea di e kompetidónan mas fuerte den su garganta. Algun por a sigui ainda, pero na un subida skèrpi na e drègstrep ta solamente Yamel Guerrero i Kool por a sigui. E subida akinan semper ta fèrfelu kaba, pero awor a konsekuensia di sekura i santu lòs un berdadero desafio. Despues di esaki, sin kontené nan mes nan tres a baha duru duru na e bahada ku bògtnan ku ta slep direkshon Koraal
Jean-Claude Overman ta gana medaya di bròns na Nicaragua WILLEMSTAD - Siman pasá 2 karateka, Idar Wederfoort i Jean-Claude Overman, a representá nos pais den Kampionato Sentro Amerikano i di Karibe ku a tuma lugá na Nicaragua. Jean-Claude Overman a logra
gana medaya di bròns, miéntras Idar Wederfoort a keda nèt kòrtiku pa gana medaya. A partisipá un total di 12 pais na e kampionato na Nicaragua. Na luna di mei nos selekshon Senior lo partisipá na Kampionato Panamerikano na Buenos Aires, Argentina.
Kurso di Landamentu na SDK i Pisina Bennie Leito WILLEMSTAD - Gerensia di e Pisina na SDK i Pisina Bennie Leito ta partisipá ku kursonan di Landamentu ta bai kuminsá atrobe, djasabra dia 4 di mei. E kursonan ta pa mucha for di 5 aña i adulto. Por inskribí pa e diplomanan A te ku F i pa treinen di Landamentu pa kondishon. Pa mas informashon tokante di e kursonan di Landamentu, por yama na SDK telefòn 7376620 i na PBL telefòn 4626714 òf sr. Vernon Toré telefòn 529-6586. Por landa ta un nesesidat den nos komunidat!!!!!
Jean-Claude Overman
Tabak. Drentando e singletracksnan na St. Jorisbaai e tresnan na kabes a lòs kompleto di e sobrá siguidónan. Kool a lòs bai dilanti i Guerrero i Zwaan a sigui nèt su tras. E ruta bai Fuik bèk tabata un muestra di kondishon kaminda velosidat a keda haltu. Despues di e di 2 singletrack Kool tabatin un adelanto di 20 sekònde, pero na Aloe Farm e 2 siguidónan tabata riba dje atrobe. Den e fase akí Guerrero tabata hopi fuerte. E ruta na Cholomo no a trese un desishon. Despues di Cholomo, Zwaan a tuma inisiativa koriendo na kabes kontra bientu. Una bes riba e delaster parti règt dje ruta direkshon final velosidat tabata sumamente haltu. Ku bientu den nan lomba i un ruta ku ta baha levemente bai final, Zwaan i Guerrero a duna tur ku tin. Kool mester a lòs akinan i Guerrero a aselerá un bia mas i yega final komo ganadó, ku Zwaan nèt su tras. Kool a sigui despues di algun sekònde komo terser finalista. Siklismo E ruta Powerade pa siklista ta rònchinan desde entrada di Mijnmaatschappij pasa Seru Grandi bai direkshon di Fuik i bini bèk. Durante e kareda por a gana 10 Keesen Actuarissen Tussen Sprints ku premio nan kèsh di 50 florin pa sprent riba e seru tras di Seru Grandi. For di salida kaba tabata kore duru, apesar di bientu fuerte kontra. Durante promé rònchi kaba Laurens Keesen a kita bai na e promé subida kaba, anto ku esaki e lucha a kuminsá berdaderamente i a dura te final. Tras di otro nan tabata skapa pero e peloton fuerte ta bolbe yega nan. Nan tabata kore duru na e subidanan pa e premionan di tussensprint. Den e di 5 rònchi un grupo di 5 hòmber ta logra skapa di e peloton.
Esakinan tabata Barry Bakker (GNRT), Dennis Janson (TEC), Sebastiaan Ton (Bellisima) i Ruiggiri Pinedoe (Pedal Pusher). E peloton ku ta sigui prinsipalmente dominá pa e tim di Pedal Pusher a keda yag riba e grupo na kabes pero no a logra sera e buraku. Velosidat di e grupo na kabes tabata haltu i al fin Pinedoe i
Ton mester a lòs. E grupo na kabes di Bakker en Janson a keda koperá ku otro i dor di esaki e peloton dividí no por a alkansá nan mas. Den e delaster rònchi a sobra 10 hòmber di e peloton ku entre otro veteranonan manera Keesen i Roskam ku ta diferenshá sigur 30 aña ku e sobrá siklistanan. Ito i Faisel Camelia a hui for di e peloton, pero no por a evitá viktoria di Bakker i Janson mas ku a yega final huntu i ku tambe a parti e tussensprintnan ganá. Ganadónan di Keesen Actuarissen tussensprints: Jendela Paula, Ito Camelia 2 bia, Ruiggiri Pinedoe 2 bia, Sebastiaan Ton, Dennis Janson 3 bia i Barry Bakker. Pa mas informashon: www.curacao sport.com.
San Lucas i The Warriors ta gana dos wega den wikènt WILLEMSTAD.- Futsal tabata kompleto durante di fin di siman, kaminda e kampionato a kontinuá den Sala Errol Rooi na Brievengat. San Lucas i The Warriors a sabi di bai ku dos viktoria hopi importante. The Warriors a gana Celestial Boys 6-0. Golnan di The Warriors, den e promé tempu, Harold Vargas 1 gol, na di 4 minüt, Jean Pauletta 1 gol, na di 5 minüt, Dhenico Pauletta 1 gol, na di 16 minüt. Den e di dos tempu tabata Jassir Jimenez 1 gol, na di 28, Rolando Martina ku 2 gol, na di 33 i 39 minüt. Adema ta gana Nojo Snack 6-5. Golnan di Adema, Jonathan Baromero 1 gol, na di 6, Charlton Isidora 2 gol, na di 9 i 10 minüt. Julrich Reina 1 gol, na di 13 i den di dos tempu Leonard Winster 1 gol, na di 27 i Charlton Isidora 1 gol, na di 38 minüt. Pa Nojo Snack, David Bradley 2 gol, na di 2 i 15 minüt, Reginald Martina 2 gol, na di 12 i 16 i David Bradley 1 gol, na di 39 minüt. San Lucas a gana Panteras Negras 12-2. Golnan di San Lucas, Ashar Bernardus, 2 gol, na di 9 i 13
minüt. Tairon Paulina 2 gol, na di 1 gol, na di 24 minüt, Everon Espacia 2 gol, na di 28 i 29 minüt. Den di dos otro dos mas di Ashar Bernardus, na di 31 i 36 minüt. Ricardo Pita 1 gol, na di 34, Shurnel Maduro 1 gol, na di 37, Gilbert Emperador 1 gol, na di 39 minüt. Pa Mercantil, Raynell Epistola ku dos gol, na di 6 i 21 minüt. Babranis a gana Nojo Snack 3-2. Pa Babranis a skor, Maikel Pinedo na di 7 i 23 minüt i Clifton Pansa na di 9 minüt. Pa Nojo Snack, Germain Permit na di 5 i 8 minüt. San Lucas ta gana Adema 6-1 ku golnan di Terrence Rijnschot, Ashar Bernardus 2 gol, Tairon Paulina, Gilbert Emperador i Ivanec Martes. Pa Adema, Charlton Isidora na di 33 minüt. The Warriors ta bolbe gana i e biaha ‘ki di Panteras Negras Mercantil 4-3. Pa The Warrios a skor, Jacir Jimenez, 1 gol, na di 15 minüt i otro na di 31 minüt. Rolando Martina 2 gol, na di 24 i 37 minüt. Pa Mercantil a skor, Raynel Epistola 1 gol, na di 16 minüt i otro na di 34 minüt. Richnaldo Cijntje a skor na di 38 minüt.