2 UN
EDITORIAL
Djaluna 20 Mei 2013
Editorial
Nada no ta keda skondí pa semper!
M
iéntras ku mundu ta den ekspektativa pa un guera entre Nort Korea, i Sur Korea i Merka, miéntras ku e situashon finansiero ekonómiko den e Euro zone ta di preokupashon sin ku tin alternativa pa sali for di e situashon. Miéntras ku Merka apesar di tur kos a registrá un kresementu di empleo, i bahada di esnan desempleá. Miéntras ku mundu ta sigui drei, Kòrsou ta den un lòk pa loke ta asesinato di Helmin Magno Wiels.
Kòrsou a bolbe keda pegá den un aparente kaya sin salida, pa loke ta gobernashon, basá riba e prinsipio demokrátiko. Ta parse ku tin podernan ku ta guia podernan i partidonan polítiko,sin ku nan mes ta sali padilanti.
mester analisá tur dato i detaye profundamente. No solamente un òf dos biaha, pero kontinuamente, pa motibu ku tin biaha detayenan chikí ku bo keda sin paga tinu riba dje por duna un bista kompletamente otro di e lokual ku a sosodé.
E misterio ku tin rondó di e asesinato di Wiels práktikamente ta dominando tur kombersashon tur kaminda e dianan aki. E pregunta ku mas ta keda resoná, ta pakiko, i ta ken? Ultimo Noticia no por saka ningun konklushon públikamente riba e kaso aki pa motibu ku, na promé lugá e informashonnan i echonan, mester ta práktikamente probá.
Miéntras ku bida ta sigui su kurso, e página di pregunta ku e morto di Wiels a lansa, ta keda rondoná di misterio, i di smak amargo, pa e echo ku pa promé biaha a skirbi den e historia di Kòrsou un atropeyo di e libertat di ekspreshon liber i demokrátiko. Sea kual sea e motibu pa asesiná un parlamentario, e ta keda un interogante, ku kier a silensiá su bos, i su konosementu di algu ku lo a komprometé esnan envolví ku su desaparishon for di e mundu aki. Pero e maldat lo no vense, tur kos lo Sali na kla na su debido tempu.
Deklarashonnan emoshonal, i kargá ku tristesa òf rabia, no semper ta guia na e bèrdat. Profeshonalnan den e tarea di investigashon kriminal,