LOKAL
11 KOLABORADO DI MINISTER A AGREDI SEKRETARIO GENERAL DALNOOT VERBAL I FISIKAMENTE
Djaluna 20 Mei 2013
WILLEMSTADDjarason siman pasá a surgi un forsageo pisá entre e sekretario general di e ministerio di labor Oswald ‘Ossie” Dalnoot i dos kolaboradó di e minister enkargá ku labor Sherwin Josepha. E dos kolaboradornan Rutven Elensburg i Provence lo a agredí Dalnoot verbal i físikamente. E yu di Ossie Dalnoot esta Michael Dalnoot di 21 aña di edat i ku ta traha komo makelar na New Winds Realty tambe a bira víktima. E yu esta Michael Dalnoot a entregá un keho penal na reshèrshi kontra di e dos
kolaboradornan di e minister Sherwin Josepha. Un ke otro lo tin di aber ku un karta ku lo a bai pa konseho di minister reklamando aktitut di minister Josepha i unda ta tene e titular responsabel pa e situashon serio ku a surgi na e ministerio di labor. Entretantu e sindikato ABVO a manda un karta pa e minister di gobernashon, planifikashon i servisio Etienne van der Horst pa tuma medida ku Rutven Elensburg i Provence Ta e intenshon pa otro luna Ossie Dalnoot bai ku fakansi pa despues sigui gosa di su penshun.
Lidernan di frakshon di koalishon den parlamento a pidi un reunion di “senioren convent”
W I L L E M S TA D Djabièrnè último e tres lidernan di frakshon den parlamento a manda un karta pa presidente di parlamento Mike Franco pa medio di kua nan ta pidi un reunion di lidernan di frakshon e asina yamá “senioren convent”. E tres lidernan di frakshon ku a pidi reunion esta Humphrey Davelaar (PNP), Alex Rosaria (PAIS) i Drs Ivar Asjes (Pueblo Soberano) a pidi e presidente di parlamento
Mike Franco pa e minister di hustisia Mr Nelson Navarro, i e hefe di e kuerpo polisial Marlon Wernet i e ekipo ku ta liderá kuerpo polisial pa ta presente na e reunion en kestion. E lidernan di frakshon ku ta forma koalishon a pidi pa e representantenan di ministerio públiko tambe ta presente na e reunion di lidernan di frakshon. No ta konosí ki dia presidente di parlamento lo konvoká e reunion di lidernan di frakshon.
Minister Josepha, minister di Desaroyo Sosial
Gerrit Schotte ke sa di minister Nelson Navarro kiko ta nifiká vigilansia
Miembro di Parlamento, Gerrit Schotte
Mike Franco, Presidente di Parlamento
WILLEMSTADDen un karta ku e lider di frakshon di MFK, Gerrit Schotte a manda pa e presidente di parlamento Mike Franco, Schotte ta ekspresá su prekupashon pa e siguridat ku e ta hañando awor aki. Den e karta e lider di frakshon di MFK ta referí na e reunion di
lidernan di frakshon ku a tuma lugá dia 6 di mei último, un dia despues ku e lider di frakshon di Pueblo Soberano a keda asesiná. Segun Schotte den e reunion en kestion a indiká ku tin nesesidat pa bin ku un vigilansia skerpi pa tur miembro di parlamento. Minister di hustisia a keda na bai
studia kon un ke otro lo keda implementá. Segun Schotte insiguridat i falta di klaridat rondó di vigilansia pa parlamentarionan a oumentá. E lider di frakshon di MFK ta desmentí e loke ku minister di hustisia Mr Nelson Navarro a bisa esta ku tur parlamentario entretantu a haña vigilansia. Schotte ta splika ku dos miembro di su frakshon a nota presensia di polis ta kore bai bin den besindario di nan kas i pa otronan di su frakshon ni sikiera tin vigilansia. Gerrit Schotte ke pa e minister splika parlamento kiko ta nifiká “vigilansia”. E ta puntra su mes si vigilansia ke men ku polis ta kore bai bin den kaya unda e parlamentario ta biba òf ku e parlamentario lo mesté haña un tipo di vigilansia mas efektivo. Na final di su karta Gerrit Schote ta insistí pa presidente di parlamento Mike Franco brinda parlamento e klaridat nesesario.