CROESO

Yn gwneuthur daioni na ddiogwn.

Braf yw eich cyfarch unwaith eto o dudalennau ein cylchgrawn, Pethau. Mae wedi bod yn flwyddyn wahanol iawn i ni yng Nghapel Seion. Er ein bod cefni ar y pandemig, a helyntion dirdynnol Cofid, daeth y nifer o’n haelodau ddim yn ôl i gyd am wahanol resymau, ond mae’r eglwys wedi symud ymlaen mewn sawl ffordd arall.

Bu rhai ohonoch yn hysbys i ni fethu a thynnu sylw’r Loteri ar gyfer adnewyddu Hebron ond er gwaethaf hyn rydym wedi ceisio nawdd gan y Cyngor Sir a’r Llywodraeth ac yn dal i glywed os ydyw’r ceisiadau yma wedi llwyddo.

Bu ddechrau cynllun y Porth ym mis Ebrill eleni ac mae wedi symud ymlaen yn gyflym iawn. Dyma brosiect ariannwyd gan Undeb yr Annibynwyr Cymraeg a Chapel Seion ar y cyd er mwyn datblygu gwasanaeth i blant a phobl ifanc rhwng 9 a 35 mlwydd oed. Prif fwriad y cynllun yw buddsoddi ac arloesi wrth gyflwyno’r Efengyl. Ymunodd Nerys Burton â thîm yr eglwys ac fe fydd yn annog mwy o weithgaredd gyda’r grŵp arbennig yma. Ond wrth fwrw ‘mlaen a’n cynlluniau mae cadw golwg ar ein cenhadaeth yn holl bwysig ac wrth i ni fynd heibio’r Pasg cofiwn am i Iesu alw am faddeuant.

Fe welwn ar glawr y cylchgrawn lun o garchar ac ar y dudalen draw, delwedd o Iesu yn wynebu caethiwed cyn ei groeshoeli. Mae maddeuant yn gysyniad pwerus sydd wedi bod yn ganolog i lawer o grefyddau ac athroniaethau trwy gydol hanes.

Fel Cristnogion, mae maddeuant yn cymryd arno ystyr arbennig o ddwys. Trwy faddeuant pechodau y gall credinwyr gael iachawdwriaeth a bywyd tragwyddol. Wrth wraidd maddeuant Cristnogol mae croeshoeliad Iesu Grist, sy’n cael ei ystyried yn weithred eithaf o anhunanoldeb, cariad a maddeuant. Mae dylanwad Iesu heddiw mor bwysig ag erioed.

Darllenwch ymlaen i adnabod Iesu’n well.

Gyda phob bendith i chi gyd.

Y capelseion.uk