Chuewarmi Milch

statt. Jedes Kind bekam ein Paar Wienerli und Tee. Dann wurden die Rangierungen vorgelesen. Jedes Kind erhielt einen Preis vom Gabentisch. Der Erste konnte aus vielen Gaben auswählen, der Letzte musste nehmen, was noch übrig blieb. Das war aber meist nicht das Schlechteste. Als Preise gab es nicht viel Kostbares: einen Bleistiftspitzer, Skiwachs, Limonadenwürfel, Fünfermocken (Bonbons, die 5 Rappen kosteten) und kleines Spielzeug. Aber wir freuten uns über jede Süssigkeit, und die Ersten lasen meist den grössten Ramsch aus. Auf Preis und Rang war man stolz.

Später wurden die Skirennen am Skilift Löschwendi (2015 abgebrochen) durchgeführt. Es gab keine Massenstarts mehr, und es hatte weniger Zuschauer. Mit der Zeit haben nicht mehr alle Kinder mitgemacht, und weil es immer weniger Schnee hatte, kennt man die Schülerskirennen nur noch von früher.

Chuewarmi Milch

Mer Goofe hönd au öppe möse in Stall go hölfe am Obet. Doo hömmer vonere Melchmaschine no nünt gwösst. En Stall voll Chüe hönd de Vater ond de Brüeder all Tag zwä Mol möse vo Hand melche. Mer Goofe hönd amel möse go handle. Vor d Milch chont bi de Chüe, mos mer e Wiili om diä Strech ome chrople, bis chech weret ond diä Milch no eso usesprötzt. Zwüschetine hönd mer denand au aagsprötzt mit Milch, mer het direkt am Strech zoge ond zilet of dr ander. A dem Spass het de Vater nüd eso Freud gha.

Vater Alder mit Susanne und Greth vor dem Haus, ca. 1966.

E betzli vor de Vater oder de Brüeder fertig gse ischt mit Melche vonere Chue, hönd s üs gsät: «Chascht handle!» ond weli Chue a de Räie gse ischt. Mer het amel e chli möse ufpasse, wenn mer ane Chue zue ghocket ischt, dass si nüd verchlopft ischt. Drom het mer e chli mit ere gschwätzt, vor mer ane ischt. Mengmol hönd s au usghaue, aber mer het efänge gwösst, bi wellere das mer mos ufpasse. I ha d Chüe gern gha ond ha jedi am Grend aa kennt, jedi het anderscht usgser ond au e chli anderi Mödeli gha. I ha diä Chuegrend hüt no im Chopf: d Greth, d Erna, de Fenes, d Regina, d Elvira, d Susi, s Dorli, d Astrid, s Bethli, d Berna, de Gort ond de Blüem.

De Vater het en hölzige Melchstuel gha, wo n er het chöne om d Hüft ome bönde. One am Fuess vom