Pampalakasan
IKA-30 NG AGOSTO, 2018
Ayo: Tigers handa na para sa Season 81 Ni JUSTIN ROBERT VALENCIA MASUSUBUKAN ang depensa ng Growling Tigers sa ilalim ng bagong sistema ni head coach Aldin Ayo sa paparating na UAAP Season 81. “We prioritize defense more kasi ganoon naman palagi ‘yong gusto naming mangyari. Dapat matatag ‘yong depensa namin but of course, we have to perform offensively rin. First step lang ang defense,” wika ni Ayo sa panayam sa Varsitarian. Karamihan man ay rookies sa kaniyang koponan, kumpiyansa si Ayo na magiging palaban ang UST dahil nasanay na ang mga manlalaro sa kaniyang sistema. “Motivated sila and I believe they have absorbed the system already. I can say that they have surrendered themselves to it,” ani Ayo. Dagdag pa ng two-time champion coach na malaking tulong sa kaniyang mga manlalaro ang mga sinalihang pre-season tournaments dahil mas nabuo ang chemistry ng koponan. Nagtala ang UST ng 2-6 na rekord sa Filoil Flying V Preseason Cup noong Hunyo kung saan nagtapos sila sa ikawalong puwesto sa pangkat B. Ayon kay Ayo, hindi pa buo koponan noong sumalang sila kompetisiyon kaya nakakadismaya ang naging resulta. “That was our first tournament, hindi pa buo ang team. ‘Yong mga rookies nag-ensayo lang ng isang linggo bago ang tournament at ‘yong iba ay nakuha namin sa kalagitnaan na ng tournament,” wika ni Ayo. Nang mabuo ang Tigers noong unang linggo ng Agosto, lumahok sila sa Bayugan City Mayor’s Cup sa Agusan del Sur kung saan naiuwi nila ang kampeonato. Natamo rin nila ang ikalawang puwesto sa Kadayawan Tigers PAHINA 11
Sherlyn Gabisay
Hamon para sa dating coach ng La Salle na si Aldin Ayo na makabalik ang Tigers sa Final 4 ng Season 81 ng UAAP. FILE PHOTO
Lady Paddlers, gutom sa kampeonato MAS MABABANGIS na UST Lady Paddlers ang inaasahang sasabak sa paparating na UAAP Season 81 matapos nilang bigong masungkit ang titulo sa nakaraang dalawang taon mula sa karibal na De La Salle University. Kumpiyansa si Lady Paddlers head coach Lorinda Wadjad sa kaniyang koponan matapos niyang makuha ang reinforcement mula sa juniors’ team na sina Sherlyn Gabisay, Ciara Derecho, Shaeena Ronquillo at Princess Draug. “Dalawang taon kong inensayo ang juniors’ team kaya malaking tulong ang mga rookies ngayon dahil nakuha nila ang gold noong nasa girls’ team pa lang sila,” ani Wadjad sa isang panayam sa Varsitarian. Bukod sa tatlong rookies, inaasahan din ang mga beteranong sina Danica Alburo at team captain Katrina Tempiatura. Aminado si Wadjad na kinulang siya ng stratehiya noong nakaraang season dahil tatlong koponan hawak niya kaya’t minabuti niyang hindi na ito mauulit. “We made a wrong entry kasi last year and nahati ‘yong focus ko kaya nahuli kami but this time, ready na ako ng buong-buo,” wika ni Wadjad na head coach rin ng juniors’ team. Malaking banta man sa UST ang defending champion na La Salle, kampante pa rin si Wadjad na mananaig sila
dahil naaral na nila ang laro ng ibang mga koponan sa UAAP. “Last year kasi, kami ang nangangapa pero this time ready na kami from top to bottom,” wika ni Wadjad. Dagdag pa ni Wadjad, mas tumaas ang skill level ng kaniyang mga manlalaro dahil sa mga sinalihan nilang preseason tournaments. Nasungkit ng UST ang kampeonato sa 10th Eastern Cup Table Tennis Championships noong Hulyo at lumahok din sila sa Uni Orient Cup noong Marso kung saan natamo nila ang ikatlong puwesto. Ayon naman kay Tempiatura, dahil sa pagkakalantad nila sa mga pre-season tournaments, napataas nito ang kompyansa at ang moral ng koponan para sa darating na kompetisyon. “Magandang experience ‘yong tournaments kasi doon namin nalaman ang mga strengths and weaknesses namin and napag-aralan namin ang galaw ng mga posibleng makakalaban namin sa UAAP,” ani Tempiatura. Taong 2006 pa nang huling naiuwi ng UST ang kampeonato. Sisikaping makuha ng Lady Paddlers ang kanilang panlabing-tatlong titulo sa darating na season. Sila ang may pinakamaraming korona sa UAAP table tennis history. THERESA CLARE K. TAÑAS
Lady Shuttlers, sisikaping makabalik sa Final Four MATAPOS sumailalim sa revamp noong nakaraang taon, sisikaping makabalik ng UST Lady Shuttlers sa Final Four ng darating na UAAP Season 81. Tinanggal ang anim sa walong Lady Shuttlers na naglaro noong nakaraang season matapos ang kanilang nakadidismayang 0-7 na kampanya. Ito na ang pinakamalalang performance ng koponan mula 1999. Para kay head coach RJ Ormilla, kailangang pag-ibayuhin ng mga manlalaro ang kanilang sakripisyo at determinasyon sa ensayo, dahil ito ang kanilang magiging puhunan upang mamayagpag. “Dapat mag-double time na, kasi ‘yon ang naging problema noong nakaraang taon kaya dapat pag-igihan ngayon, lalo na at pasukan na naman at mag-aaral na ulit sila unlike nitong previous months na puro training lang kami,” sabi ni Ormilla. Kahit na anim na rookies ang kaniyang isasalang sa paparating na season, kumpiyansa si Ormilla na magandang performance ang ipapakita ng koponan. “Nakakakita naman ako ng potential doon sa anim and national level training naman ang pinapagawa ko sa kanila para more on application talaga,” wika ni Ormilla. Bukod sa rookies na sina Stephanie Mortera, Elij Peña, Nenia Solinap, Sofia Manalansan, Denielle Littaua at team captain Kate Tating, muling magpapakitang-gilas ang mga beteranong sina Elizabeth Pimentel at Jean Vivas na inaasahan ni Ormilla na mas makakatulong sa koponan ngayong taon.
Bilang preparasyon, isinali rin ni Ormilla ang Lady Shuttlers sa tuneup games kung saan nakalaban nila ang ilan sa mga koponan ng National Collegiate Athletic Association tulad ng College of St. Benilde, San Sebastian College-Recoletos, Mapua Univeristy at San Beda University. “Sinisipagan ko talaga ang pagsali nila sa mga laro kasi mas marami silang matututunan during games kaya ayokong makarinig ng rason na porket rookies sila eh pangit na ang magiging performance dahil ngayon pa lang, ine-expose ko na sila,” ani Ormilla. Ayon rin kay Ormilla, para makaabot sa Final Four, kinakailangang munang matalo ng Lady Shuttlers ang University of the East at Adamson University bago makasungkit ng panalo laban sa mabibigat na koponan ng National Univeristy, De La Salle University, Ateneo de Manila University at defending champion na University of the Philippines. Para naman kay Tating, malaking tulong sa Lady Shuttlers ang magensayo ng tatlong beses sa isang araw dahil ito ang naging suliranin nila noong nakaraang taon. “Dati before we start our summer training may break pa kami pero ngayon instead na mag-break kami, we train and train to achieve our goal,” wika ni Tating. Season 75 pa nang huling makapasok ang UST sa Final Four. Sisikaping matamo ng Lady Shuttlers ang kanilang pangalawang na titulo sa darating na season. Huling nakatikim ng kampeonato ang koponan noong 2007. JUSTIN ROBERT VALENCIA