Katre Kasimple sang sining mabugnaw nga kagab-ihon para sa mag-alabyan kis-a lang magtililipon. Simple man ang pasahay sining ilimnong tiniklod maski wala sumsuman pwede na ang ginahod Simple man yadtong ginbatyag nila nga kainit apang sa wala rason simple man nga namilit. Ang simpleng kagab-ihon naglabi pa sa ordinaryo sang ang tagsa ka kaugalingon napreso sa kwarto. Kari ka, inday, ipautwas inang kainit. Pasaligon ko ikaw ang katre indi magragitnit. Hublasi na ang kamatuoran dili pagtrapuhi inang balhas. sila lang ang saksi sa sining lawas nga hublas Bisan, inday, matuod lumos kita sa tiniklod tungkad ta ining kalipay sa katre nga wala mag-igot. -April Duran
Irong-Irong3
Tula/59