Kabay Pa Ako Pagabusgon Sa barong-barong sa magap-od nga karsada Nagahigda ako nga may kupos nga bituka. Ang bulan ko nga mga mata nagapanlilisik na Ang tingting ko nga lawas daw kapila ginpurga. Ang tagipusuon ko wala ka agom higugma Isahanon sa disyerto nga puno sang talimbabaga Gin-ngatngat nila ako sa bubon nga damu lawa Uhaw sa iliili halin sa ginatawag nga pamilya. Ano gid bala ang ginatawag nga eskwela? Ano bala ang itsura sang isa ka maestro? Pasensya na kay wala ko mahigot sa bitoon Ang may pakpak ko nga mga dalamguhanon. Tudlui man ako kon paano mangumpisar Kay ang balaan nga balay wala ko gid mapensar Ang mga mahal nga estatwa akon kon indi sang artista Sa ila wala gid ko kahatag kandila. Ini nga mga gutom naglubong sa akon tagipusuon Ang hurado nga langit ako indi pagprisohon Pagabusgon ako kag indi pagsitahon Kag sa pagkabanhaw ako pagaupdon. -RAYMOND ARTATES
IrongIrong3
Tula/45