31
Faculty of Humanities 2016/17
Mananeo ao dithuto tša go ikgetha Dintlha tša tirišo, teori le nyakišišo di kopantšwe le go akaretšwa ka go dira protšeke ya nyakišišo ya tirišo le go ngwala pego nyakišišo ka morago ga moo. Kgobokanyo ya lenaneo: Dithutwana tše hlano di phatlaladitšwe mo mengwageng ye mebedi. Dithutwana tša kgapeletšo di akaretša thuto ya mmino: teori le tirišo, thutamoruto ya nyakišišo, le pego ya nyakišišo: mmino. Dikgetho tšeo go swanetšwego go kgethwa go tšona di akaretša mmino le tšwetšopele ya mathomo ya ngwana, theknolotši ka thuto ya mmino, dithuto tša teori: dirutwa, Mmino wa Afrika, le go opediša khwaere. Nako: Nako ya lenaneo la go ithuta ke dikgwedi tše 18 go ya go mengwaga ye mebedi. Mokgwa wa tlhagišo: Lenaneo le la go ithuta le hlagišwa ka dikopano tša dibloko tše tharo ka ngwaga, tše dingwe le tše dingwe di tšea beke, seo se ra gore ga go hlokege gore baithuti ba be ka khamphaseng dinako ka moka. Kgokagano ya elektroniki ya nako le nako gare ga baithuti le bafahloši/balekodi e a nyakega go netefatša tšwelopele ye e tšwelelago pele. MMus Ka morago ga go phetha tikrii ya mengwaga ye mene ya BMus goba BMusHons, baithuti ba fihlelela dinyakwa tša go ingwadišetša MMus ka dikarolong tše di latelago: Musikholotši, Bokgabo bja Tiragatšo, Tlhamo, Thuto ya Mmino, Theknolotši ya Mmino, Terapi ya Mmino. DMus DMus o twetwenya ka Nyakišišo, Tlhamo goba Bokgabo bja Tiragatšo.
BDram – Bachelor of Drama Kgetho ya Kgoro
O kgopelwa go lebelela tafola ye e lego letlakaleng la 4.
Lenaneo la go ithuta le akaretša eng?
Lenaneo le le sepediša le go godiša kgahlego, tsebo le mabokgoni tša baithuti ka go bokgabo bja tiragatšo. Le ba fa menyetla ya go utulla mo makaleng a dikarolo tša thuto, bokgabišo le tlhagišo. Baithuti ba fiwa menyetla ya go diriša tiroatla ya bona ka go dira, go laetša le go tšea karolo mo mehlwaeleng ya bobegaditaba, go akaretša le ditiragatšo tša paesekopo le go diragaletša thelebišene, filimi le radio. Lenaneo la go ithuta le nepiša dikarolong tša motheo tša dithuto tša tiragatšo, tšeo di akaretšago dithuto tša paesekopo ya sebopego, go laetša, tiragatšo, titšitale le dithuto tše diswa tša bobegaditaba le taolo ya bokgabo bja tiragatšo, gammogo le tšwetšopele le thuto ya paesekopo le tiragatšo. Go tlaleletša tše tša ka godimo, baithuti ba swanetše go ithuta thuto ya tlaleletšo yeo e abjago ke Lefapha la Bomotho. Kgetho e bulegile, eupša thuto ye e kgethilwego e swanetše go tlaleletša le go godiša tšwetšopele ya bona ya thuto. Lenaneo la go ithuta le na le dintlha tše dikgolo tše di latelago tša motheo: Dithuto tša Mosepelo le Polelo di akaretša dikarolo tša teori le tirišo gomme di lokišetša baithuti go diragatša ka go godiša mabokgoni a bona a lentšu, sebopego le tlhathollo. Baithuti ba tsebišwa ditheo tša mosepelo, paesekopo ya sebopego, go opela le go aga lentšu, le radio bjalo ka mokgwa wa kgokagano. Dithuto tša Paesekopo (TNP le TNT) di fa baithuti sebaka sa go akaretša mabokgoni a bona a tlhagišo, kgopolo le tiragatšo ka go bona, go diragatša sefaleng le go diragatša ka teetheng, filimi le mošomo wa thelebišene.TNP e tsebiša baithuti dithekniki tša motheo tša go diragatša, go laola, mekgwa ye e fapanego ya go
diragatša le dithekniki tša go ikgetha tša go diragatša sefaleng le ka khemera. TNT e utolla theknolotši ya paesekopo ya tirišo, taolo ya sefala, kakanyetšo ya sefala, go tšea karolo le ditheo tša go diragatša le tshekatsheko, tshekatsheko ya sengwalo sa go amana le tiragatšo, go laetša le tsebokgwebo. Dithuto tša Tiragatšo (Terama) le Filimi di go fa kwešišo ya histori le tshekatsheko ya tiragatšo (terama) le filimi. Ka thutong ye, baithuti ba godiša mabokgoni a bohlokwa le bokgoni bja thuto ka nyakišišo, ba ngwala ditaodišo gomme ba tšea karolo diseminareng tšeo di swanelago diprotšeke tša tlhagišo. Dithuto tša Tiragatšo (Terama) le Filimi (DFK) di buletšwe baithuti bao e sego ba tiragatšo (terama). Ke baithuti ba tiragatšo (terama) fela bao ba tšeago karolo mo ditiragatšong, ka ntle le baithuti ba monyanya wa bokgabo.
Ditiragatšo
Kgoro ya Tiragatšo (Terama) e aba ditšweletšwa tše mmalwa mo ngwageng wa dithuto. E swara gape monyanyeng wa go tsebega wa bokgabo woo o bontšhago mošomo wa boithomelo wo o dirilwego, laeditšwego le go diragatšwa ke baithuti. Moithuti yo mongwe le yo mongwe wa UP a ka dira kgopelo ya go tšea karolo mo monyanyeng. Kgoro e sepediša maeto a thuto a tiragatšo (terama) go ya dikolong, e tšea karolo menyanya ya setšhaba ya bokgabo gomme e na le dikarolwana tša paesekopo tša setšhaba. Kgoro ya Tiragatšo (Terama) e šomiša dipaesekopo tše di tlabetšwego gabotse, dikgoba tše pedi tša tirišo, phapošikgašo ye kgolo ya mosepelo, le phapošikgašo ya radio le titšitale ya bobegaditaba.
Dithuto tša dialogadigolwane
BAHons ka Drama le Film Studies MA Drama, Drama le Film Studies goba Drama Performance DPhil Drama goba DPhil ka Drama le Film Studies
Tshedimošo ya kakaretšo Etela www.up.ac.za > ‘Study at UP’ > ‘Undergraduate students’ go hwetša tshedimošo ka tše di latelago: Tshedimošo ya dithuto Bala Dintlha tša Tumelelo tšeo o di Hweditšego (APS) Matšatšikgwedi a go tswalela Ditefo le Thekgo ya Ditšhelete Diphokoletšo tša bakgoni ba godimo ba thuto Dira kgopelo Tuks Fetoša goba o oketše lenaneo National Benchmark Test (Teko ya Maemo ya Setšhaba) (NBT) Maemo a kgopelo Itokišetše go ithuta mo Tuks Ngwadišo le go thoma ga ngwaga wa dithuto
Letšatši la Pulo Tšatšikgwedi Nako
21 Mopitlo 2016 08:00–14:00
Batho ba ba latelago ba swanetše go tsenela Letšatši la Pulo: Barutwana ba ba lego ka go Kreiti ya 12 ba ba šetšego ba amogetše kgonthišo ya gore ba amogetšwe lebakanyana mo UP Barutwana ba ba lego ka go Kreiti ya 12 ba ba fihlelelago dinyakwa tša tumelelo gomme ba rata go tliša difomo tša bona tša kgopelo Barutwana ba ba lego ka go Kreiti ya 11 ba ba nago le nnete ya gore ba tlo dira dikgopelo mo UP Batswadi ba barutwana ba ka godimo