29
Faculty of Humanities 2016/17
Mananeo ao dithuto tša go ikgetha Bachelor of Arts in Sport and Leisure Studies BA (Sport and Leisure Studies) Lenaneo la go ithuta le akaretša eng?
Lenaneo le la nako ye e tletšego le lokišetša baithuti intastering ya mešomo ya dipapadi le boiketlo. Baithuti ba ka twetwenya go e tee ya mafelo a nepišo a mane a: Mafelo a nepišo (kgetha e tee) Taolo ya Dipapadi le Boitapološo: Kgetho e fa dialoga mabokgoni a taolo ya theo le a tirišwa go laola ditikologo le mekgatlo ya dipapadi le boitapološo. Saekholotši ya Dipapadi: Kgetho ye e fa dialoga tsebo le mabokgoni ao amanago le dipapadi, boithobollo le saekholotši ya tiragatšo. Dipapadi le Boitapološo Setšhabeng: Kgetho ye e utolla sekgoba, bohlokwa le go tšea karolo ga mešongwana ya boiketlo le boitapološo mo go pheleng gabotse ga saekholotši ya leago mo intastering ya boiketlo le boitapološo. Disaense tša Tlhahlo ya Dipapadi: Kgetho ye e godiša tsebo le bokgoni tšeo di beilwego go sepediša go ithuta le go hlahla ka go bobedi tikologo ya boitapološo le yadipapadi tša phadišano. Lenaneo le la tikrii le lokišetša dialoga mošomo wa makala a mmušo le a poraebete mo tikologong ya dipapadi tša kgwebo le tša profešene, dinolofatši tša dipapadi le taolo ya ditiragalo, tšwetšopele ya dipapadi, tšwetšopele ya setšhaba ka go tšea karolo dipapading tša batho ba bantši, go hlahla dipapadi le go sepediša go phela gabotse ga go phela gabotse ga saekholotši ya leago ka dipapadi le boitapološo.
Dikgetho
Lenaneo le la go ithuta le dumelela kgetho e tee gore e dirwe go fihla ngwageng wa boraro. Baithuti bao ba ikemišeditšego go twetwenya ka saekholotši mo legatong la dialogadigolwane ba swanetše go tšea saekholotši go fihla go legato la ngwaga wa boraro. Baithuti bao ba akanyago mošomo ka thutong ba swanetše go dira thuto ya sekolo go fihla legatong la ngwaga wa bobedi.
Dithuto tša dialogadigolwane
Lenaneo la go ithuta la BA (Sport and Leisure Studies) le ka iša go ithuteleng magatong a honase (honours), mastase le bongaka ka taolo ya dipapadi le boiketlo, disaense tša go hlahla dipapadi goba dipapadi le boketlo mo setšhabeng. Tsela ya dithuto tša dialogadigolwane ka saekholotši ya dipapadi ke ka mananeo a dialgogadigolwane a Kgoro ya Saekholotši.
Bachelor and Bachelor of Arts in the Visual and Performing Arts BA (Fine Arts) Ditshepetšo tša kgetho
O kgopelwa go lebelela tafola ye e lego letlakaleng la 3.
Lenaneo la go ithuta le akaretša eng?
BA (Fine Arts) e akaretša karolo ye kgolo ya tirišo ya bokgabo bja profešene. Dithuto tše pedi tše dikgolo tša tikrii ke tšeo di theilwego phapošikgašong gomme ke tša tirišo ya bokgabo, Bokgabo bja Tlhagišo(BKK), le Tirišo ya Bokgabo bja Profešene (VIT) gammogo le dithuto tša teori tša Dithuto tša Setšo sa Pono (VKK).
BA (Fine Arts) ke lenaneo la mengwaga ye mene leo le akaretšago tlhahlo ka makaleng a tirišo ya bokgabo go swana le go penta, petlabje, tirakgatišo, sethalo, bobegaditaba bjo boswa le botšeadiswantšho. Ge dikarolo tša motheo tša makala di tsebja, go oketšwa dinepo tše dintši tšeo di nago le ditlhohlo tšeo gantši di nyakago mabokgoni le tsebo ya makala a ka gare le a bontši, go swana le bokgabo bja go hloma, bokgabo bja setšhaba le bokgabo bja tiragatšo. Karolo yeo e ralokwago ke bobegaditaba bja bontši ka tsela ya kakanyo, video le bokgabo bja titšitale le yona e bile mokgwa wo mogolo wa tlhagišo mo lenaneong la go ithuta la bokgabo bja tlhagišo. Mengwaga ye mebedi ya mathomo ya BKK e akaretša diprotšeke tša kgapeletšo go bobegaditaba bjo bo fapanego; ngwaga wa boraro o nepiša tšweletšopelo ya motho ya mokgwa, boemo le diteng, ka ngwaga wa bone, baithuti ba šoma ba lebantše pontšho ya bona ya botee ya profešene ka mabokgoni ka moka a teori, profešene le a tirišo ao a amantšhwago le pontšho ya boleng bjo bo botse bja thuto. Thuto ya Tirišo ya Bokgabo bja Profešene (VIT) ke thuto ya mengwaga ye meraro yeo e abjago lenaneong la BA (Fine Arts). Thuto ye e nepiša tšhomišano le kamano ya bokgabo bja pono le intasteri. Baithuti ba fiwa diprotšeke tšeo di gogelago šedi ya bona dikgobeng le mabakeng a tikologo ya bona go akaretša le diprotšeke tša setšhaba tša go swana le diprotšeke tša bokgabo bja setšhaba. Ka ngwaga wa mafelelo (ngwaga wa bone) thutwana ya teori e a abja (VKK) go gatelela dipoledišano tša bjale tša teori. Ka ye pampiri ya dinyakišišo e a beakanywa gomme ya hlagišwa.
Dithutwana tša motheo
Dithuto tše pedi tša tirišo ya phapošikgašo: Bokgabo bja Tlhagišo le Tirišo ya Bokgabo bja Profešene, gammogo le thuto ya teori, Dithuto tša Setšo sa Pono.
Dithutwana tša kgetho
Polelo, Saekholotši , Anthropholotši, Filosofi le Dithuto tša Bodumedi
Dithuto tša dialogadigolwane
Dikgetho tša dialogadigolwane di gona: MA Fine Arts (dikgetho mo go dinyakišišo tše di tseneletšego tša Fine Arts: Disetheišene, Tlhamo ya tšweletšo goba tiro ya Motlamegi) MA ka Dithuto tša Pono Dphil Fine Arts (dikgetho mo go dinyakišišo tše di tseneletšego tša Fine Arts: Thesisi, Tlhamo ya tšweletšo goba tiro ya Motlamegi) PhD ka Dithuto tša Pono
BA (Information Design) Ditshepedišo tša kgetho
O kgopelwa go lebelela tafola ye e lego letlakaleng la 3.
Lenaneo la go ithuta le akaretša eng?
Moakanyetši wa tshedimošo ke mošomo dibaka tšeo di sa tlwaelegago gape tša ditlhohlo. Moakanyetši wa tshedimošo yoo a atlegilego (moakanyetši wa kgokagano ya pono) ke profešene, motho yo a kgonago kudu yo ralokago tema ye kgolo kudu go hlola tikologo ya bjale ya pono. Re phela nageng yeo re dikaneditšego ke mantšu le diswantšho gomme ke maikarabelo a moakanyetši go fa ditharollo tša mathomong go mathata a dikgokagano tša bontši.