University of Pretoria
28
Mananeo ao dithuto tša go ikgetha Dithutwana tša kgetho
Ngwaga – legato la 1: Kgetha dithutwana tše dingwe le tše dingwe tše pedi tša kgweditshela (e tee ka kgweditshela) go tšwa karolong ya go swana ya ngwaga-legato la 1 ka tekanyo ya khrediti ya bo nnyane dikhrediti tše 20 (ge di kgethilwe go tšwa Lefapheng la Disaense tša Ekonomi le Taolo) goba dikhrediti tše 24 (ge di kgethilwe go tšwa Lefapheng la Bomotho). Baithuti bao ba nyakago go dira tikrii ya honase (honours) ya Diekonomi ba swanetše ba rerišane le taolo ya baithuti ya Lefapha la Disaense tša Ekonomi le Taolo go bona gore ke dithutwana dife tša tlaleletšo tšeo ba swanetšego go di akaretša mo lenaneong la bona la go ithuta gore ba fihlelele dinyakwa tša go tsena tša BComHons ka Economics.
Dithutwana tša motheo
Dikamano tša boditšhabatšhaba ke thuto ya motheo. Le dithutwana tše dingwe tša motheo go tšwa go saense ya dipolotiki.
Dithutwana tša kgetho
Ngwaga wa bobedi
Dithutwana tša kgetho di tlaleletša kwešišo ya dikamano tša boditšhabatšhaba gomme di kgatha tema go thomeng ga mehola le maitshwaro a dipolotiki. Dikgetho di akaretša filosofi, thutafase, histori, dithuto tša bodumedi, sosiolotši, diekonomi le dipolelo tša boditšhabatšhaba, di efa kelo ya thepeselo. Ka ntle ga thuto ya mešomo, tshekatsheko ya sengwalo, mešomo ya o tee le ya sehlopha, ditaetšo, thutotiragalo le dithutišo di dira karolo ye bohlokwa ya tše dintši tša dithutwana tše gape e tla kaonafatša tsebo le mabokgoni a baithuti.
Dithutwana tša motheo
Dithuto tša dialogadigolwane
Diekonomi, Saense ya Polotiki goba Dikamano tša Boditšhabatšhaba le Filosofi. Baithuti bao ba nyakago go tšwela pele ka tikrii ya honase (honours) ka Diekonomi ba swanetše goba ba phethile dithutwana tše di boletšwego tša Dipalopalo mo legatong la ngwaga wa bobedi le tša Diekonomi mo legatong la ngwaga wa boraro. Ngwaga wa boraro
Dithutwana tša motheo
Diekonomi, Filosofi, Saense ya Dipolotiki goba Dikamano tša Boditšhabatšhaba le Dipalopalo. Baithuti bao ba nyakago go tšwela pele ka tikrii ya honase (honours) ka Diekonomi ba swanetše goba ba phethile dithutwana tše di boletšwego tša Dipalopalo mo legatong la ngwaga wa bobedi le tša Diekonomi mo legatong la ngwaga wa boraro.
Lenaneo le le dumelela baithuti go tšwelapele ka honase (honours) gomme ba twetwenya ka dikamo tša boditšhabatšhaba, goba, go ya ka dikgetho tša bona tša kgetho, ka saense ya dipolotiki. Dikgetho tše di fapanego di gona mo legatong la tikrii ya mastase mo karolong ya dithuto tša boditšhabatšhaba. Dithuto tše dingwe di ka felela ka bongaka ka dikamano tša boditšhabatšhaba.
BPolSci (Political Studies) Lenaneo la go ithuta le akaretša eng?
BPolSci (International Studies)
Dipolotiki ke karolo ya go ba gona ga motho, gomme ditsenelano tša leago ka mehla di ama dikamano tša dipolotiki. Dipolotiki di bohlokwa go hlongweng ga mokgwa wa motho wa go phela. Dipolotiki di akaretša mahlakore a bjale ao a amago thwii goba a sa amego thwii mmušo, gammogo le mahlakore a nago le mohola setšhabeng. Lenaneo le la go ithuta le fa kwešišo ya dipolitiki ka mellwaneng ya naga. Le fa tsebo gomme la godiša mabokgoni ao a hlokegago go ka sekaseka, bapetša le go hlaloša ditiragalo tša dipolotiki le khuetšo ya dipolotiki setšhabeng. Dithuto tša dipolotiki di šetša dikhuetšo tšeo di fapanego tšeo e sego tša dipolotiki le tšeo di amanago le tšona tšeo di nago le khuetšo dipolotiking. Lenaneo le la dithuto le fa hlalošo ya dintlha tša dipolotiki, tlhalošo ya gore dipolotiki di direga bjang le gore ke ka lebaka la eng di direga, le taelo ya gore go swanetše go direga eng mo lefaseng la dipolotiki.
Lenaneo la go ithuta le akaretša eng?
Dithutwana tša motheo
Dithuto tša dialogadigolwane
Ka lengwalo la dithuto le, baithuti ba ka dira dikgopelo tša go dira tikrii ya honase ya Diekonomi, Filosofi, Saense ya Dipolotiki goba Dikamano tša Boditšhabatšhaba le Dipalopalo Gape, ba tla kgona go tšwelapele ka tikrii ya mastase le ya bongaka.
Bachelor of Political Science – BPolSci
Lenaneo le le nepiša ditiragalo tša boditšhabatšhaba, ka moo dikamono tša boditšhabatšhaba di lego ka gona, le gore go diragala eng ka dipolotiki tša boditšhabatšhaba. Gape e tšea karolo mo thutong ya baithuti bjalo ka badudi ba naga le ba lefase. Mo lefaseng le le fetogafetogang, dikamano tša dipolotiki tša boditšhabatšhaba di akaretša tsenelano ya mebušo goba ditsenelelano tša mmušo, mekgatlo ya boditšhabatšhaba le badiragatši bao e sego ba mmušo. Di akaretša ditaba tša dipolotiki le tša bošole le merero yeo e sego ya dipolotiki ya dikakanyo tša boditšhabatšhaba. Dithuto tša boditšhabatšhaba di akaretša khutšo, tšhireletšo, tšwetšopele le toka. Lenaneo le hloma tsebo le kwešišo ya dikamano tša boditšhabatšhaba, le godiša mabokgoni ao a hlokegago go sekaseka le go hlaloša dipolotiki tša lefase mo legatong la setšhaba, selete le lefase. Lenaneo le theilwe disaenseng tša dipolotiki le dikarolo tšeo di amanago le yona. Dikamano tša boditšhabatšhaba ke thuto ye kgolo gomme e swanetše go dirwa go fihla ngwageng wa mafelelo.Batho ba fapana ka kwešišo ya bona ya dikamano tša boditšhabatšhaba, gomme dikarolo tša dithuto tša boditšhabatšhaba di amogela pharologano ye.
Saense ya dipolotiki ke thutwana ye kgolo gomme e swanetše go dirwa go fihla ngwageng wa mafelelo. Dithutwana tše dingwe tša motheo di tšewa go dikamano tša boditšhabatšhaba.
Dithutwana tša kgetho
Dithutwana tša kgetho di tlaleletša kwešišo ya dipolotiki. Dikgetho di akaretša filosofi, histori, dithuto tša bodumedi, saekholotši, sosiolotši, le dipolelo tša Yuropa le tša Seafrika, e fa kelo ye e lokologilego yeo e dumelelago baithuti go hlokomedišiša karolong ye itšego, go swana le dithuto tša Seafrika, dithuto tša tšhireletšo, kgokagano ya dipolotiki, dithuto tša pholisi ya dipolotiki le filosofi ya dipolotiki.
Dithuto tša dialogadigolwane
Lenaneo le la go ithuta le dumelela baithuti go tšwela pele ka tikrii ya honase (honours) ya saense ya dipolotiki, goba, go ya ka kgetho ya bona ya dikgetho, ka kamano ya boditšhabatšhaba. Gape, dikgetho tšeo di fapanego di gona mo legatong la tikrii ya mastase gape le kgonagalo ya bongaka bja saense ya dipolotiki.