LEIÐARI RITSTJÓRA

Þegar undirritaður var valinn ritstjóri 85 afmælisrits Samtímans og var tjáð að því fylgir sú skylda að rita leiðara hugsaði hann til sambandsþings SUF árið 2018, fyrstu skrefin í Framsókn. Það að nýta heila helgi á þingi þar sem hin ýmsu málefni voru rædd og síðan kosið um þekkjandi nær engan var ný upplifun Við tók seta í stjórn og framkvæmdastjórn sambandsins strax í kjölfarið og boltinn fór að rúlla Nokkrum mánuðum áður hefði manni ekki dottið þetta í hug, en það er einmitt það sem starf SUF snýst um Að fara út fyrir þægindarammann, takast á við ný verkefni, leita nýrra upplifana og koma sjálfum sér á óvart.

Meðal markmiða SUF er að gera meðlimi sambandssins betur í stakk búna til að taka þátt í pólítísku starfi Vissulega er það gott og gilt Hins vegar telur undirritaður það markmið vera rýmra í dag. Þeir hæfileikar sem við ræktum í SUF nýtast ekki einungis á hinu pólítíska sviði.

Það að halda ræður, rökræða, vinna að sameiginlegum verkefnum, leysa ágreining og taka pláss eru allt hæfileikar sem gagnast einstaklingi allt hans æviskeið hvort sem hann ákveður að ganga lengra á sviði stjórnmála eða annars staðar Svo sem í atvinnulífinu, samfélagsumræðunni eða öðrum fösum lífsins Markmiðið er, og á að vera, fyrst og fremst að efla ungt fólk almennt Þau sem ákveða að stíga skrefið og taka þátt rækta nýja hæfileika, efla sitt tengslanet og upplifa hluti sem þau hefðu annars ekki gert.

Stjórnmálin eru mikill skóli þar sem hlutir gerast hratt og verkefnalistinn hreinsast aldrei.

Gunnar Sær Ragnarsson, varabæjarfulltrúi Kópavogsbæjar og starfsmaður þingflokks Framsóknar.

Undirritaður segir það sama við alla nýja meðlimi SUF sem hann kynnist; þú færð jafn mikið úr starfinu og þú gefur í það Þrátt fyrir að allir séu velkomnir og alla þá kosti sem flokkstarfið felur í sér þá velta flestir flokksmeðlimir því sama fyrir sér. Hvernig náum við ungu fólki í flokkinn og höldum því? Svarið er einfalt. Ekki setja allt ungt fólk undir sama hatt. Öll erum við mismunandi með okkar kosti og galla. Enginn er verri né betri einungis aldursins vegna. Að vísu geta áherslur og framtíðarsýn grundvallast í því hvar einstaklingurinn er staddur í lífshlaupinu, en fjölbreytnin er einmitt það sem við í Framsókn státum okkur af Ungt fólk vinnur jafn vel og aðrir og á sömu tækifæri skilið Við höldum því unga fólki sem finnur að það hafi sömu tækifæri og aðrir og sé metið af eigin verkum.