Foto: Pierre Minik Lynge
Hinnarik piniaqatigalugu All.: Jens-Jakob Lennert-Sandgreen
Tuttunniarsinnaalerneq aallartingajalerpoq, 1. Augustinngornissaanullu utaqqinitta nalaani Hinnarik ilagalugu tuttunniarnissamut kissasserpugut puisinniarluta. - Naanguku puisikasiit? eBaykkut immikkoortitsereeraluarpunga… Hinnarik umiatsiap saavani nikorfalluni utaqqikatappasiivilluni puisit nuissiivai. - Aallaasigamaa piareeqqava? Hinnarik puisinik marsikumisaareerluni utaqqikatannera naammatsivippoq immamullu tikkuariasaarpoq uumasoqanngivittumut puisimillu naammattoortuusaarluni. Aallaasaasa qinngutersuutigut uuttortarpaa qanoq puisi ungasitsiginersoq paasititsiillunilu: - 2 meteri… Nakersarnermigut imminut piffissamik tunilluarpoq uagullu umiatsiamiittut aperaluta piareeqqanersugut. BANG!!! Sekundtiaaluit qa-
Fakta angiummata seqqornerup akisuanerujussua takkuppoq tamattalu siutigut sianerlutik aallartipput. Hinnarik nuannaavilluni talini qummuujutigalugit nilliavoq. - EQQORPARAAA! Eqqisseriasaajutigaluni tuppallerpasiivippoq silattuaqilerami tusaasaarutingajassimalluni tassami aallaasaa sakkortungaarmat. Niaqquni anaartaqattaarpaa siutini passutiitigalugit. HEY?! HALLO??? TUSAASAARUPPUNGAAA! SIUTIKKAAA… Tamattaalluta tusaasagut aaqqimmata isumaqatigiippugut Nuummut uterluta aallartittariaqarluta, tassa putsersuaq sukkaqisumik apuukkamitigut a sila seqinnarikkaluarsimasoq, massakkullu 5 – 8 meteerit tungaanuinnaq isigisaqalerluta. Tamattaalluta sianigaluta uternitta nalaani umiatsiap iluaniippugut, kisiannili Hinnarik allatut eqqarsaasiaqarsimavoq. Hinnarik suli umiatsiap saavaniippoq
massakkullu pallungalluni aallaasini sniper-tulli inississimavaa suli puisimik pisaqarusoqimmat, qanorluunniit periarfissat annikitsigigaluarpata. Assut uissuummisippaatigut qanoq Hinnarik piniaraangami aalajangiuutiveqqasarnersoq pisaqarnissaminut. Tuttunniarsinnaalernissaminut allatulli inuussutissarsiortutut sunngiiffinnilu tuttunniartartutulli qilanaarpoq aallartinnissaminut. TiuTiu tamassi kissaappaasi pisaqarluaqqullusi sianigalusilu ikiuutissanik nassarluni piniarnissassinnik eqqaamaqqullusi. Hinnarimmut takusaqarnerorusukkussi nittartagartaava www.hinnarik.gl iserfigisiuk. Taqqamani angalaarnernitsinninngaanniit assit immiussallu takusinnaavasi.
I 2001 vurderede Grønlands Naturinstitut bestanden af rensdyr i hele Grønland til i alt ca. 140.000 dyr. Antallet af rensdyr i Vestgrønland er i dag i nogle regioner så stort, at de udgør en trussel mod deres eget fødegrundlag, hvor der opstår overgræsning. Naturinstituttet rådgiver, at det er en nødvendighed at fange rensdyr årligt for at reducere græsningstrykket og tætheden af dyr.
Paasissutissat 2001-mi Pinngortitaleriffik paasititsivoq Kalaallit Nunaanni tuttut 140.000-nit amerlatigisut. Kalaallit Nunaanni tuttut amerlangaarmata inuusinnaanissaannut ulorianarlisinnaasarpoq, tassami nerisartagaat tamanut naammannginnamik. Pinngortitaleriffik siunnersuussivoq tuttunniartarneq atorfissaqartitsisoq, tuttut naalliullutik perlerlutik toqusarnerat annikillisarniarlugu. Kilde/najoqqutaq: www.natur.gl
5