Kvennaboltin 2021 - leikskrá fyrir Þór/KA og Hamrana

Kvennaboltinn 2021

2

12

Mynd: Páll Jóhannesson

Hulda Ósk Jónsdóttir í leik gegn Val síðastliðið sumar. Mynd: Skapti Hallgrímsson

Áfram á rafrænum nótum Við hefjum nú þriðja árið með rafrænni leikskrá í upphafi tímabils. Þegar við færðum okkur af pappírnum yfir á pdfformið og vistun á netinu og gáfum út leikskrá fyrir tímabilið 2019 varð jafnframt til sú tilraun að koma í loftið leikskrám fyrir sem flesta heimaleiki hjá báðum liðunum okkar, Þór/KA og Hömrunum. Það gekk í veflestum tilvikum það árið og var svo fylgt eftir af þokkalegri festu árið eftir, 2020, árið sem ekkert var eins og það átti að vera. Að baki þessum leikskrám liggur allnokkur vinna og tími, stundum undir pressu þegar samantektin og frágangurinn drógust fram á síðustu stundu. Oftast hefur þó náðst að koma einhverju efni í loftið fyrir heimaleiki, en ekki alltaf. Enn og aftur ber að þakka góða þjónustu og fagmannlega vinnu nokkurra myndasmiða sem mæta reglulega á leiki og hafa

verið mjög liðlegir og gjafmildir á verk sín til nýtingar í þessum leikskrám.

En núna þegar við hefjum þriðja árið í þessari vegferð er niðurstaðan að draga aðeins í land og gefa ekki út leikskrár fyrir hvern einasta heimaleik, heldur aðeins núna í upphafi Íslandsmótsins til að kynna liðin og fylgja þeim af stað inn í sumarið.

Þegar upp er staðið verða þetta þó tvær leikskrár. Ástæðan er sú að við erum að fá nýtt búningasett og einhverjar breytingar hafa orðið í hópi samstarfsfyrirtækja sem við sinnum með því meðal annars að setja merki þeirra á fatnað, ýmist æfinga- eða keppnisfatnað.

Af ýmsum ástæðum var seint farið af stað við pöntun á nýjum fatnaði og covid-19 hefur heldur ekkert auðveldað eða flýtt fyrir afgreiðslu og flutningum.

3

12

Við munum því hinkra örlítið með leikmannakynningar. Stefnt er að myndatöku mjög fljótlega eftir að við fáum búningasettin og síðan fara leikmannakynningar á fullt, meðal annars með nýrri leikskrá þar sem meðal annars er ætlunin að heyra frá leikmönnum sem hafa nýlega yfirgefið félagið, sem og að fá pistla frá þjálfurum um komandi sumar. Í þessari leikskrá kennir ýmissa grasa, stutter fréttir af starfinu, yfirlit um leikjadagskrá sumarsins, viðtal við Nóa Björnsson, en hann hætti nú á vordögum sem formaður stjórnar Þórs/KA eftir um 15 ára starf fyrir félagið.

Við erum svo að sjálfsögðu með lista yfir leikmenn liðanna okkar, bæði hjá Þór/KA og Hömrunum, með helstu upplýsingum um leikstöður, en nánari upplýsingar um hvern leikmann verða síðan í aukaleikskránni sem kemur út eftir að myndataka hefur farið fram.

Með leikmannakynningunum verður síðan einnig smá aukaumfjöllun um erlendu leikmennina okkar, ásamt

einhverju um leikmenn sem nú hafa leitað á önnur mið eins og nefnt var hér að framan.

En þó við fækkum leikskránum og komum ekki með eina rafræna leikskrá fyrir hvern leik í sumar gildir enn það sem hér hefur verið hamrað á undanfarin tvö sumur, í inngangi að leikskrám og á samfélagsmiðlunum okkar. Við þurfum að mæta á völlinn, láta vel í okkur heyra, hvetja stelpurnar áfram á jákvæðan og uppbyggilegan hátt, einbeita okkur að sjálfum okkur, gefa dómurum vinnufrið og sína keppinautunum virðingu. Sýnum íþróttinni virðingu því knattspyrna er leikur án fordóma. Heiðarleg framkoma innan sem utan vallar leiðir af sér betri og skemmtilegri knattspyrnu.

Góða skemmtun!

4

12

Mynd: Páll Jóhannesson

Gleðilega hátíð!

Knattspyrnusumarið er hafið. Af öllum mætti vonum við og óskum að því muni ljúka með eðlilegum hætti, á eðlilegum tíma eftir ótruflaða leikjadagskrá, án veirunnar, án takmarkana, án íþyngjandi hléa á æfingum og keppni. Þór/KA hefur nú þegar spilað einn leik í Pepsi Max-deildinni og hafði sigur í Eyjum. Enn eru að vísu takmarkanir á fjölda áhorfenda og jafnvel blikur á lofti, en vonandi komumst við fram úr því og á beinu brautina innan tíðar.

hefur verið í láni hjá Glasgow City FC frá því um áramót og missir af fyrstu leikjum okkar í deildinni.

Auk þess eru fáeinar úr hópnum að fást við meiðsli, en fyrr en varir verðum við með öll okkar tromp á hendi og til alls líklegar.

Fram undan er spennandi sumar með ungu og efnilegu liði, frábærum knattspyrnu-konum sem eru árinu eldri en í fyrra og reynslunni ríkari eftir erfitt ár.

Eins og oft áður hafa orðið breytingar á leikmanna-hópnum. Tvær af þeim reynslumestu í liðinu, Lára Einarsdóttir og Heiða Ragney Viðarsdóttir, hafa leitað á á önnur mið, auk þess sem erlendu leikmennirnir þrír sem hér voru í fyrra verða ekki áfram heldur höfum við fengið þrjá nýja og spennandi erlenda leikmenn.

Við hefjum einnig tímabilið án fyrirliðans okkar, Örnu Sifjar Ásgrímsdóttur, en hún

Arna Sif Ásgrímsdóttir fagnar fyrsta marki sínu fyrir Glasgow City, gegn erkifjend-unum í Celtic.

Mynd: Glasgow City FC.

Þór/KA hefur í mörg ár verið í baráttu þeirra bestu og þar viljum við vera. Óhætt er að fullyrða að Þór/KA verður með áhugavert og spennandi lið í Pepsi Maxdeildinni í sumar.

5 Tímabilið 2020 er að baki með þeim erfiðleikum og áskorunum sem það færði okkur. Lærdómurinn er dýrmætur og við erum klárar í slaginn.

Ef allt hefur gengið að óskum eins og reiknað er með þegar þetta er skrifað munum við leika í nýjum Nike-búningum í fyrsta heimaleiknum, þegar við mætum Selfyssingum í Boganum þriðjudaginn 11. maí. Því miður vorum við með seinni skipunum í innkaupum þetta árið og náðum ekki að hafa nýju búningana klára fyrir fyrsta leik okkar í deildinni, útileikinn gegn ÍBV. Sá leikur var því kveðjuleikur í þeim búningum og fer vel á því að stelpurnar hafi sótt sigur til Eyja í þeim leik – aðeins í annað skiptið sem Þór/KA vinnur leik í Vestmannaeyjum.

Nýja búningasettið er nýkomið til landsins og hefur starfsfólk hjá Sport 24 staðið í ströngu við að merkja undanfarna daga. Þar af leiðandi hefur ekki gefist tími til að mynda leikmenn í nýju búningunum, en það verður gert við fyrsta tækifæri.

12

Í þessari leikskrá erum við því aðeins með lista yfir leikmannahópinn, en munum við fyrsta tækifæri koma í loftið annarri leikskrá með myndum og kynningum á leikmönnum, sem fara svo einnig á samfélagsmiðlana okkar.

Eins og fram kom fyrir örfáum dögum stóð til að félagið tefldi hvort tveggja fram liði Hamranna í 2. deild og liði Þórs/KA/Tindastóls/Hamranna í B-deild 2. flokks. Af ýmsum ástæðum var hins vegar tekin sú erfiða ákvörðun að draga þátttökutilkynningu 2. flokks í Íslandsmótinu til baka.

Öflugt þjálfarateymi Fram hefur komið í fréttum að félagið hefur bætt í og styrkt þjálfarateymið.

Andri Hjörvar Albertsson, Bojana Kristín Besic og Perry McLachlan eru áfram með sömu verkefni og áður. Andri er aðalþjálfari hjá Þór/KA, Bojana er aðstoðarþjálfari og aðalþjálfari Hamranna og Perry er aðstoðarþjálfari og sér um þjálfun markvarða. Inn í teymið koma þrír öflugir þjálfarar.

Hulda Elma Eysteinsdóttir hóf störf í upphafi undirbúningstímabilsins sem styrktarþjálfari, Jónas L. Sigursteinsson var í vetur ráðinn þjálfari 2. flokks, en eins og fram hefur komið hefur félagið neyðst til að draga liðið úr keppni. Inn í teymið er einnig kominn Siguróli Kristjánsson, en hann verður áfram eins konar tæknilegur og móralskur ráðgjafi eins og hann var raunar orðinn undir lok tímabilsins 2020.

Sumarið 2020 var ekki eingöngu covidstopp og leiðindi. Okkur gáfust einnig tækifæri til að gleðjast inn á milli – og vonandi hafa áskoranir ársins kennt okkur að njóta góðu stundanna.

Mynd: Páll Jóhannesson

Áfram starfa með liðinu þær Anna Catharina Gros sjúkraþjálfari og Ingibjörg Gyða Júlíusdóttir hjúkrunarfræðingur eins og þær hafa gert af stakri snilld undanfarin ár.

6

12

Breytingar í stjórn

Ný stjórn Þórs/KA 2021. Víðir Rósberg Egilsson gjaldkeri, Stefán Freyr Jóhannsson, Sólveig Tryggvadóttir, Anný Björg Pálmadóttir varaformaður, Guðrún Una Jónsdóttir ritari, Dóra Sif Sigtryggsdóttir formaður og Ólafur Svansson. Ársfundur fyrir Þór/KA var haldinn í marsmánuði og var hann vel sóttur miðað við aðstæður. Fram fóru hefðbundin aðalfundarstörf þar sem farið var yfir starfsskýrslu og reikninga liðins árs, ásamt kosningum og umræðum um önnur mál.

Breytingar á stjórn voru líklega stærstu tíðindin á þessum fundi. Nói Björnsson, sem stýrt hefur skútunni í um 15 ár, gaf ekki kost á sér til áframhaldandi setu í stjórn. Formenn beggja félaganna, ásamt fleirum, þökkuðu Nóa fyrir áralangt starf í þágu kvennaknatt

-spyrnunnar á Akureyri, sem og öðrum sem ekki gáfu kost á sér áfram.

Jóhanna Jessen gaf ekki heldur kost á sér til áframhaldandi setu, en hún hefur einnig starfað lengi í stjórninni hjá Þór/KA, eða í um 12 ár.

Ingibjörg Gyða Júlíusdóttir hefur verið í stjórn í um níu ár ásamt því að vinna mikið í þjónustu við leikmenn og liðið, en hún er menntaður hjúkrunarfræðingur og starfar sem slík. Hún hefur verið með liðinu í fjölmörgum leikjum, jafnt heima og að heiman.

Sigurgeir Svavarsson hætti einnig í stjórninni, en hann hafði verið í stjórn í þrjú ár. Áfram verða í stjórninni þau Dóra Sif Sigtryggsdóttir, Ólafur Svansson og Stefán Freyr Jóhannsson.

Ný inn í stjórnina koma Anný Björg Pálmadóttir, Guðrún Una Jónsdóttir, Sólveig Tryggvadóttir og Víðir Rósberg Egilsson.

Stjórnin hefur nú skipt með sér verkum. Dóra Sif er formaður, Anný Björg er varaformaður, Guðrún Una er ritari og Víðir Rósberg gjaldkeri.

7

Ferðafélagar

12

Þökkum samstarfið!

8

12

Vonandi gefast fleiri svona tækifæri til að fagna á komandi sumri en í fyrra.

Mynd: Páll Jóhannesson

Öflugur hópur Þór/KA teflir fram öflugum hópi í sumar, sama hvort litið er á leikmannahópinn, þjálfarateymið, stjórnina eða annað af því fólki sem starfar í kringum félagið.

Nokkrar breytingar hafa orðið, bæði á leikmannahópnum og stjórn félagsins.

Þjálfarar og starfslið

Fyrir stuttu komu til okkar þrjár erlendar knattspyrnukonur, allar fæddar 1996, með reynslu úr háskólaboltanum vestanhafs. Þær eru kynntar sérstaklega á öðrum stað hér í ritinu, en þetta eru þær Colleen Kennedy, Miranda Smith og Sandra Nabweteme.

Perry McLachlan

Í þessari leikskrá birtum við lista yfir 23 leikmenn, en mögulega munu einhverjar af þessum stelpum spila að hluta eða alveg með Hömrunum í sumar. Það á einfaldlega eftir að koma í ljós

styrktarþjálfari

Andri Hjörvar Albertsson þjálfari

Bojana Kristin Besic aðstoðarþjálfari og þjálfari Hamranna aðstoðarþjálfari og þjálfun markvarða

Anna Catharina Gros sjúkraþjálfari

Ingibjörg Gyða Júlíusdóttir hjúkrunarfræðingur

Elma Eysteinsdóttir Siguróli Kristjánsson tæknilegur ráðgjafi

9

Ferðafélagar

12

Þökkum samstarfið!

10

Þór/KA – leikmenn 2021 Mark 1 25

Harpa Jóhannsdóttir Sara Mjöll Jóhannsdóttir

Vörn 2 5 11 16 20 22 23 24

Rut Matthíasdóttir Steingerður Snorradóttir Arna Sif Ásgrímsdóttir fyrirliði Jakobína Hjörvarsdóttir Arna Kristinsdóttir Hulda Karen Ingvarsdóttir Iðunn Rán Gunnarsdóttir Hulda Björg Hannesdóttir

Miðja 6 8 9 12 19 26 27

Karen María Sigurgeirsdóttir Snædís Ósk Aðalsteinsdóttir Saga Líf Sigurðardóttir Miranda Smith Agnes Birta Stefánsdóttir Ísfold Marý Sigtryggsdóttir Kimberley Dóra Hjálmarsdóttir

Sókn 7 10 13 15 17 18

Margrét Árnadóttir Sandra Nabweteme Colleen Kennedy Hulda Ósk Jónsdóttir María Catharina Ólafsdóttir Gros Rakel Sjöfn Stefánsdóttir

12

11 Nýjar í hópnum

12

Arna Kristinsdóttir frá Hömrunum Colleen Kennedy (Bandaríkin) frá Sandvikens IF í Svíþjóð.

Iðunn Rán Gunnarsdóttir frá Hömrunum Kimberley Dóra Hjálmarsdóttir frá Hömrunum Miranda Smith (Kanada) frá IPS í Finnlandi Sandra Nabweteme frá Úganda Steingerður Snorradóttir frá Hömrunum

Farnar Berglind Baldursdóttir, lánuð til Fylkis Gaby Guillén til Alajuelense í Kostaríka Georgia Stevens til Coventry United í Englandi Heiða Ragney Viðarsdóttir til Stjörnunnar Lauren-Amie Allen til Englands Lára Einarsdóttir til HK Madeline Gotta til Växjö í Svíþjóð

Gleðjumst þegar við getum!

Mynd: Páll Jóhannesson

12 Nói í hlutverki boltasækis á leik hjá 2. flokki kvenna. Mynd: Páll Jóhannesson

12

„Ástæðan fyrir því að kallað var á mig var sú að tvær dætur mínar voru að æfa fótbolta.

Nokkrir foreldrar höfðu tekið sig saman og boðað til fundar þar sem rætt var hvort ekki væri hægt að vinna betur og kannski markvissara að uppbyggingu á kvennaboltanum,“ segir Nói Björnsson um innkomu sína og upphaf starfs síns fyrir Þór/KA.

Dásamlegt að kynnast og vinna með öllu þessu fólki!

Nói Björnsson hefur um árabil verið í forsvari fyrir rekstur kvennaknattspyrnunnar á Akureyri undir merkjum Þórs/KA. Hann kom inn í stjórnina – eða kvennaráðið, eins og það hét á sínum tíma – árið 2006 og hefur starfað óslitið sem formaður ráðsins (stjórnar-innar) í um 15 ár.

Fyrstu leikir sameiginlegs liðs Akureyrarfélaganna undir merkjum Þórs/KA fóru fram sumarið 1999, en áður höfðu félögin teflt fram sameiginlegu liði sem ÍBA frá 1993. ÍBA-tímabilið og fyrstu árin hjá Þór/KA (Þór/KA/KS um tíma) einkenndust af nokkuð reglulegu flakki á milli efstu og næstefstu deildar.

Á aðalfundi núna í mars gaf hann ekki kost á sér til áframhaldandi stjórnarsetu.

Hann hefur þó ekki sagt alveg skilið við félagið og starfar enn að ýmsum málum, fylgir verkefnum úr hlaði, aðstoðar nýja stjórn og nýtt fólk við að komast inn í þau fjölmörgu verkefni sem fylgja því að reka knattspyrnulið.

Spurður um ástæður þess að hann hóf að starfa fyrir Þór/KA segir Nói: „Ástæðan fyrir því að kallað var á mig var sú að tvær dætur mínar voru að æfa fótbolta.

Nokkrir foreldrar höfðu tekið sig saman og boðað til fundar þar sem rætt var hvort ekki væri hægt að vinna betur og kannski markvissara að uppbyggingu á kvennaboltanum.“

13 Hér er Nói að sjálfsögðu að tala um þær Björk og Karen. Björk á að baki 15 leiki með meistaraflokki Þórs/KA á árunum 2003 og 2005-6, en alls 77 leiki í meistaraflokki, nú síðast með Hömrunum sem hefur nú í nokkur ár verið rekið undir sama hatti og Þór/KA. Karen spilaði 176 leiki fyrir Þór/KA á árunum 2006-2016 og var um tíma fyrirliði liðsins. Karen endaði ferilinn með nokkrum leikjum með Hömrunum, eins og Björk, og spilaði samtals 180 leiki í meistaraflokki. Gefum Nóa orðið aftur.

12

Nói og Ester Einarsdóttir, eiginkona hans, þegar hann var gerður að heiðursfélaga í Þór í júní 2020.

Myndir: Páll Jóhannesson

Gríðarlegar breytingar

Nói og Karen, dóttir hans, gantast með flögg aðstoðarþjálfara. Þau hafa líklega verið þarna saman í því hlutverki í leik hjá 2. flokki. „Ég var nýhættur að þjálfa á þessum tíma og var mér það bæði ljúft og skylt að koma að þessu starfi þegar haft var samband, ef ég gæti gert eitthvað gagn.

Konan mín hafði fylgt stelpunum eftir í gegnum yngri flokkanna og það má segja að tími hafi verið kominn á mig að fylgja þeim eftir. Við reyndar sökktum okkur bæði í starfið þó svo að meira hafi kannski borið á mér,“ segir Nói, en konan hans heitir Ester Einarsdóttir og hefur einnig starfað lengi fyrir félagið þó svo það hafi verið meira á bakvið tjöldin, eins og Nói bendir á.

Á þessu tímabili hefur félagið þróast og þroskast upp í eitt öflugasta kvennalið landsins, landað tveimur Íslandsmeistaratitlum, unnið Lengjubikarinn og meistarakeppni KSÍ og þrisvar tekið þátt í Evrópukeppnum.

Margt hefur breyst og markvisst verið unnið að því að gera hlutina betur ár frá ári. „Breytingin á þessum 15-20 árum er gríðarlega mikil,“ segir Nói. „Það má segja að allt hafi breyst til batnaðar. Þjálfunin, meiri gæði í allri þjálfuninni, má kannski segja að við höfum toppað okkur þar fyrir þetta tímabil. Við erum núna með fimm þjálfara og að minnsta kosti tvo sjúkraþjálfara og hjúkrunarfræðinga,“ segir Nói, spurður um helstu breytingar og árangur við að bæta umgjörð kvennaknattspyrnunnar. „Þjálfunin var strax sett á oddinn og stelpurnar voru strax til í að vinna með okkur á allan hátt. Leggja meira á sig, æfa meira og oftar, mjög fljótlega fórum við að sjá árangur af þessum breytingum sem þarna voru gerðar. Enda komu

14

12

Hér er Nói í hópi kunnuglegra andlita úr öflugri stuðningsmannasveit á leik hjá Þór/KA. Mynd: Skapti Hallgrímsson til starfa hjá okkur toppþjálfarar á þessum tíma, Dragan og Moli, og þarna var línan strax tekin, gæðin í þjálfuninni kallaði líka á að við bættum alla aðra umgjörð. Þjálfarar sem síðan hafa komið að þjálfun hjá Þór/KA hafa eingöngu verið toppþjálfarar,“ segir Nói og er óhætt að taka undir þá fullyrðingu.

Nói kveðst telja Þór/KA standast öðrum íslenskum félögum fyllilega snúning í flestu sem snýr að umgjörð og starfinu í kringum liðin, nema þá mögulega varðandi laun leikmanna. „Umgjörðina má síðan endalaust bæta og laga ég held að við höfum alla tíð reynt það. Því miður strandar oft á fjármunum til að gera þar enn betur. Það höfum við helst séð þegar við höfum farið erlendis og tekið þátt í Evrópukeppninni. Við erum fullkomlega samkeppnisfær við öll önnur lið á Íslandi í flestu sem snýr að leikmönnum

nema ef vera skyldi greiðslur til þeirra.

Vonandi tekst okkur að bæta úr því á næstu árum. Það er það versta í þessu starfi að mínu mati, að sjá leikmenn okkar fara í lið andstæðinga okkar fyrir sunnan. Sérstaklega ef það er vegna peninga, það er bara óþolandi að horfa upp á það gerast þar sem að við teljum okkur geta boðið leikmönnum okkar upp á allt það besta sem í boði er á Íslandi. Á hinn bóginn fögnum við því ef við getum aðstoðað leikmenn við að komast erlendis.“

Fyrirmyndirnar skipta máli Bætt umgjörð, aukin áhersla á gæðaþjálfun og annað í kringum félagið hefur svo sannarlega skilað sér í betri árangri. Bikarasafnið ber meðal annars vott um það. Nói getur rifjað upp ýmislegt þegar hann lítur um öxl og er spurður um ánægjulegar minningar úr starfinu.

15

Ferðafélagar

12

Þökkum samstarfið!

16 Nói og fleiri úr föruneyti Þórs/KA notuðu tækifærið í Þýskalandsferðinni 2018 og heimsóttu Volkswagen-safnið í Wolfsburg, fyrir síðari leik okkar við VfL Wolfsburg í 32ja liða úrslitum Meistaradeildarinnar.

Mynd: Páll Jóhannesson

12

„Árangurinn af starfinu hefur verið mjög ánægjulegur. Íslandsmeistaratitlar, Evrópuleikir, bikarúrslitaleikur, líklega bikarmeistaratitill 2020 ef við hefðum fengið að klára mótið og einnig aðrir titlar sem hafa unnist og ásamt titlum í 2. flokki,“ segir Nói. Hann lítur þó einnig inn á við í starfinu sjálfu þegar hann er spurður um ánægjulegar minningar. „En fyrst og fremst hefur verið ánægjulegt að sjá hvernig breytt vinnubrögð hafa ávaxtað sig í gegnum starfið í gæðum leikmanna hjá Þór/KA og fjölgun á betri yngri leikmönnum,“ segir hann og bendir á vöxtinn í unglingastarfinu hjá Þór og KA ásamt meiri gæðum í þjálfuninni í yngri flokkunum hjá félögunum. „Þar hefur skipt gríðarlega miklum máli að ungir iðkendur hafa haft öflugar fyrirmyndir í meistaraflokknum hjá Þór/KA. Það trekkir og er oft vanmetið,“ segir Nói.

Hann kveðst hafa kynnst mörgum í gegnum starfið, bæði innan og utan félagsins. „Einnig langar mig að geta allra þeirra sem komu að starfinu hjá Þór/KA á þessum tíma og þeir eru ekki fáir þó alltaf vanti hendur. Það hefur verið dásamlegt að kynnast og vinna með öllu þessu frábæra fólki, allir verið með það sameiginlega markmið að gera

starfið hjá Þór/KA eins gott og hægt er og búa stelpunum þær bestu aðstæður sem völ er á hér á landi. Markmiðin háleit og árangurinn frábær bæði innan sem og utan vallar.

Nói lyftir Íslandsmeistarabikarnum 2012.

Mynd: Páll Jóhannesson Þá má ekki gleyma öllum þeim öðrum sem ég hef kynnst í gegnum starfið í öðrum félögum. Það er mikið af fólki út um allt land sem er að leggja mikið á sig til að halda þessu starfi úti. Það hefur ekki verið hægt að ganga að neinu vísu í sambandi við kvennaboltann og oft hefur þurft að finna upp hjólið aftur og aftur. Því miður eru enn þá til dragbítar í félögum landsins sem halda aftur af vexti kvennaboltans.“

17

12

Tiltilfögnuður 2017. Stephany Mayor fær meistaraknús.

Myndir: Skapti Hallgrímsson

Þörf á meira fjármagni Spurður um það hvort enn sé eitthvað ógert sem hann hafi dreymt um að koma í framkvæmd og langi helst til að sjá gerast hjá félaginu á næstu árum nefnir Nói að þörf sé á meira fjármagni í reksturinn. „Það er mér alveg ljóst að til þess að stíga næstu skref þá þurfum við að fá enn frekara fjármagn inn í reksturinn. Til þess fyrst og fremst að geta gert eitthvað fyrir okkar leikmenn fjárhagslega,“ segir Nói. „Það er það sem við erum að glíma við núna, það eru allt of margir leikmenn komnir þangað í dag að horfa á krónur og aura. Það er kannski ekkert óeðlilegt, allt snýst um peninga alls staðar. Það gleymist hins vegar oft að þeir sem eru á bakvið félögin eru sjálfboðaliðar, launalausir, sem fórna sínum frítíma í að halda úti metnaðarfullu starfi í félaginu.“ Hann segir að í þessu ljósi finnist honum kröfurnar hjá leikmönnum og aðstandendum þeirra stundum vera óraunhæfar.

Nói og fyrirliðarnir með Íslandsbikarinn 2017, Lillý Rut Hlynsdóttir, Nói og Sandra María Jessen. Mynd: Páll Jóhannesson „Á mínum tíma hefur veltan samt aukist frá því að vera 3,5 milljónir í 35-40 milljónir, en samt hefur ekki tekist að stíga þetta áðurnefnda skref.“ Hann er þó bjartsýnn fyrir hönd nýrrar stjórnar. „Með nýju fólki kemur ný sýn og nýjar áherslur, vonandi verður þessi breyting á stjórninni núna til þess að breyta hlutum sem t.d. ég hef ekki séð og hefðu getað verið gerðir með öðrum hætti. Það vill nú oft verða að þegar þú ert búinn að vera lengi í starfi þá verður þú blindur á hvað má eða mætti gera á annan máta.“

18

12

Mynd: Páll Jóhannesson

Flest jákvætt, en ekki allt Aðspurður um hvað hafi helst valdið vonbrigðum á þeim tíma sem hann hefur starfað fyrir félagið rifjar Nói upp aðdraganda tímabilsins 2017. „Flest það sem hefur verið í gangi hjá okkur í Þór/KA hefur verið jákvætt. Auðvitað standa upp úr leiðindin sem KA bjó til í kringum áramótin 2016/2017 sem síðan urðu nánast til þess að samstarfi félaganna yrði rift. Sem betur fer varð ekki af því og Þór/KA varð Íslandsmeistari í annað skiptið um haustið 2017. Þetta var ansi dapurlegur tími fyrir alla sem að Þór/KA höfðu staðið og byggt upp flott félag,“ segir Nói. „Hitt atriðið sem mig langar að nefna aftur sem ég hef átt mjög erfitt með að samþykkja eða kyngja er að horfa á uppalda leikmenn frá Þór/KA fara í lið á höfuðborgarsvæðinu, það er mínum huga óþolandi. Við eigum að vera stoltari af okkar starfi og okkar liði Þór/KA en að sækja annað á Íslandi.“

Akureyringar fögnuðu saman Að lokum vill hann þó frekar halda á lofti þeim árangri sem náðst hefur en því fáa sem valdið hefur vonbrigðum.

Hann bendir á árangur félagsins og spyr spurningar sem ekki er víst að lesendur hafi allir áhuga á að heyra eða svara: „Við skulum hafa það í huga að Þór/KA er það félag á Akureyri sem hefur náð bestum árangri í stóru boltagreinunum á Akureyri frá upphafi. Kannski er það eitthvað sem við þurfum að fara velta fyrir okkur hér á Akureyri, hvernig við ætlum að ná árangri í boltaíþróttunum.

Hver í sínu horni, sem hefur ekki gefið góða raun, eða með sameiginlegu átaki þar sem við getum verið stolt af því að vera Akureyringar.“ Eins og áður hefur komið fram vann Þór/KA Íslandsmeistaratitla 2012 og 2017. Í lokaleikjum beggja tímabila fylltum við stúkuna við Þórsvöllinn og gott betur. Stuðningur við liðið var mjög eftirminnilegur og áhrifamikill. „Það sýndi sig á úrslitaleikjum Þórs/KA um Íslandsmeistaratitlana 2012 og 2017 að Akureyringar fjölmenntu á völlinn og fögnuðu saman með sínu félagi, Þór/KA,“ segir Nói Björnsson, fráfarandi formaður stjórnar Þórs/KA eftir 15 ára starf sem skilað hefur félaginu í fremstu röð.

19

12

Samstarfsfyrirtæki

Þökkum samstarfið!

20

12

Okkar besta í dag! Í fyrra vorum við í samstarfi við AK Pure Skin og Key Natura og verðlaunuðum besta leikmann úr hvoru liði eftir hvern leik með gjöfum frá þessum fyrirtækjum. Með aðstoð fjölmiðlafólks og annarra sérfræðinga völdum við einn leikmann úr hvoru liði sem þótti skara fram úr liðsfélögunum í leiknum með frammistöðu sinni.

Við ætlum að halda áfram á sömu braut og bætum heldur í. Við verðum áfram í samstarfi við sömu fyrirtækin, auk þess sem Sprettur-inn bætist í hópinn.

Með hjálp þessara fyrirtækja munum við verðlauna þann leikmann úr okkar röðum sem þykir hafa skarað fram úr liðsfélögum með frammistöðu sinni og eiga þar með skilið nafnbótina „Okkar besta í dag!“ Jafnframt fær besti leikmaður gestaliðsins gjöf frá einhverjum af þessum fyrirtækjum.

21

12

Samstarfsfyrirtæki

Þökkum samstarfið!

22

Leikjadagskrá

12

Þrátt fyrir covid-stopp í þrjár vikur í lok mars og fyrri hluta apríl nær leikjadagskrá í úrvalsdeild kvenna að halda sér eins og hún var gefin út fyrr í vetur. Leikjadagskráin er þó birt hér með fyrirvara því annars vegar geta tímasetningar leikja breyst af ýmsum ástæðum og hins vegar er einnig enn hætta á að heimsfaraldurinn geti haft áhrif á knattspyrnuiðkun í sumar, eins og í fyrra.

Dagur

Tími

Þriðjudagur

04.05.

18:00

Þriðjudagur

11.05.

18:00

Laugardagur

15.05.

16:00

Miðvikudagur

19.05.

18:00

Fimmtudagur

27.05.

19:15

Laugardagur

05.06.

16:00

Mánudagur

21.06.

18:00

Þriðjudagur

29.06.

18:00

Þriðjudagur

06.07.

18:00

Sunnudagur

11.07.

14:00

Þriðjudagur

20.07.

18:00

Laugardagur

24.07.

16:00

Miðvikudagur

28.07.

18:00

Föstudagur

06.08.

18:00

Þriðjudagur

17.08.

18:00

Mánudagur

23.08.

18:00

Laugardagur

04.09.

14:00

Sunnudagur

12.09.

14:00

Leikur ÍBV Þór/KA Þór/KA Selfoss Breiðablik Þór/KA Þór/KA Stjarnan Tindastóll Þór/KA Þór/KA Þróttur Valur Þór/KA Þór/KA Fylkir Keflavík Þór/KA Þór/KA ÍBV Selfoss Þór/KA Þór/KA Valur Þór/KA Breiðablik Stjarnan Þór/KA Þór/KA Tindastóll Þróttur Þór/KA Fylkir Þór/KA Þór/KA Keflavík

Bikarkeppni KSÍ Úrvalsdeildarliðin koma inn í bikarkeppnina í 16 liða úrslitum. Leikdagar frá 16 liða úrslitum til úrslitaleiks í bikarkeppninni eru: 31. maí og 1. júní (16), 25. og 26. júní (8), 16. júlí (4) og úrslitaleikur þann 1. október.

23

12

Samstarfsfyrirtæki

Þökkum samstarfið!

24

Leikjadagskrá

12

Liðum í 2. deild hefur fjölgað og ákvað KSÍ að breyta keppnisfyrirkomulaginu af þeirri ástæðu. Þrettán lið eru skráð til leiks í deildinni og spila þau einfalda umferð, en eftir það spila fjögur efstu lið deildarinnar úrslitakeppni, heima og að heiman, 1v4 og 2v3. Þeir leikir fara fram 28. ágúst og 4. september. Sigurliðin í þessum viðureignum færast upp í 1. deildina og spila jafnframt úrslitaleik um sigur í 2. deild.

Dagur

Tími

Miðvikudagur

12.05.

19:15

Laugardagur

22.05.

16:00

Laugardagur

29.05.

16:00

Sunnudagur

06.06.

14:00

Laugardagur

12.06.

14:00

Laugardagur

19.06.

14:00

Laugardagur

26.06.

16:00

Laugardagur

10.07.

16:00

Laugardagur

17.07.

16:00

Laugardagur

24.07.

16:00

Mánudagur

09.08.

19:15

Laugardagur

21.08.

14:00

Bikarkeppni KSÍ Sex leikir fara fram í 1. umferð bikarkeppninnar, en Hamrarnir sitja þá yfir og hefja leik í 32ja liða úrslitum, þegar við fáum Völsung í heimsókn í Bogann mánudaginn 17. maí kl. 19:15.

Leikdagar frá 16 liða úrslitum til úrslitaleiks í bikarkeppninni eru: 31. maí og 1. júní (16), 25. og 26. júní (8), 16. júlí (4) og úrslitaleikur þann 1. október.

Leikur Fram Hamrarnir Hamrarnir SR KH Hamrarnir Hamrarnir KM Einherji Hamrarnir Hamrarnir FHL ÍR Hamrarnir Hamrarnir Álftanes Fjölnir Hamrarnir Hamrarnir Hamar Völsungur Hamrarnir Hamrarnir Sindri

Nánar verður farið yfir sumarið hjá Hömrunum og keppnina í 2. deildinni í næstu útgáfu af leikskránni þar sem leikmenn beggja liða verða kynntir.

25

12

Samstarfsfyrirtæki

Þökkum samstarfið!

26

Hamrarnir

12

Markverðir Harpa Hrönn Sigurðardóttir Ísabella Júlía Óskarsdóttir Vörn Angela Mary Helgadóttir Arna Rut Orradóttir Emilía Eir Pálsdóttir Heiðrún Hafdal Björgvinsdóttir Hildur Marín Bergvinsdóttir Iðunn Rán Gunnarsdóttir Lilja Björg Geirsdóttir Lovísa Lea Jóhannsdóttir Marey Dóróthea Maronsd. Olsen Rósa Dís Stefánsdóttir Steingerður Snorradóttir Hildur Jana Hilmarsdóttir Margrét Mist Sigursteinsdóttir Sonja Björg Sigurðardóttir

Miðja Amalía Árnadóttir Anna Brynja Agnarsdóttir Auður Hákonardóttir Jónína Maj Sigurðardóttir Kimberley Dóra Hjálmarsdóttir Krista Dís Kristinsdóttir María Björk Friðriksdóttir Móheiður Ólafsdóttir Rebekka Lind Aðalsteinsdóttir Tinna Arnarsdóttir Una Móeiður Hlynsdóttir Sókn Ástrós Lena Ásgeirsdóttir Ester Helga Þóroddsdóttir Friðbjörg Anna Gunnarsdóttir Hafrún Mist Guðmundsdóttir Helga Dís Hafsteinsdóttir Helga Viðarsdóttir Hildur Jana Hilmarsdóttir Margrét Mist Sigursteinsdóttir Sonja Björg Sigurðardóttir

27

12

Dóra Sif Sigtryggsdóttir, nýr formaður kvennaráðs, og Elma Eysteinsdóttir, undirrita samning Elmu sem styrktarþjálfara hjá Þór/KA og Hömrunum.

Fjölgar í þjálfarateyminu Á dögunum voru staðfestir ráðningarsamningar þriggja þjálfara og/eða ráðgjafa í þjálfarateyminu hjá Þór/KA sem hafa nú þegar starfað fyrir félagið um tíma. Þar með er orðið til mjög öflugt teymi hæfileikafólks með ástríðu fyrir íþróttinni og víðtæka reynslu í þjálfun. Á dögunum voru staðfestir samningar þriggja þjálfara og/eða ráðgjafa í þjálfarateyminu hjá Þór/KA sem hafa nú þegar starfað fyrir félagið um tíma. Þar með er orðið til mjög öflugt teymi hæfileikafólks með ástríðu fyrir íþróttinni og víðtæka reynslu í þjálfun.

Elma Eysteinsdóttir hefur starfað sem styrktarþjálfari með liðunum okkar frá því að undirbúningstímabilið hófst í vetur og hefur nú undirritað samning við félagið út árið 2022. Elma er Akureyringum að góðu kunnug, jafnt sem styrktar-

og einkaþjálfari til fjölda ára og sem afrekskona og Íslandsmeistari í blaki, svo eitthvað sé nefnt. Óhætt er að segja að innkoma hennar í þjálfarateymið sé mikill fengur fyrir knattspyrnukonur á Akureyri.

og einkaþjálfari til fjölda ára og sem afrekskona og Íslandsmeistari í blaki, svo eitthvað sé nefnt. Óhætt er að segja að innkoma hennar í þjálfarateymið sé mikill fengur fyrir knattspyrnukonur á Akureyri.

Jónas L. Sigursteinsson var nýlega ráðinn í starf þjálfara 2. flokks Þórs/KA/Hamranna, en eins og fólki er ef til vill kunnugt verðum við nú aftur með þrjú lið í Íslandsmótinu í sumar, Þór/KA og Hamrana í meistaraflokki og sameiginlegt lið sem

28

12

Jónas L. Sigursteinsson og Dóra Sif Sigtryggsdóttir undirrita ráðningarsamning Jónasar sem þjálfara 2. flokks Þórs/KA/Hamranna.

Þór/KA/Hamrarnir í 2. flokki. Jónas er Akureyringur, en hefur búið og starfað sem kennari í Bolungarvík og þjálfari hjá meistaraflokki og yngri flokkum hjá BÍ/Bolungarvík og Vestra í mörg ár.

Jónas er félaginu að góðu kunnur, en hann var hvort tveggja seinasti þjálfari sameiginlegs kvennaliðs

Akureyringa undir merkjum ÍBA og fyrsti þjálfari hjá Þór/KA þegar við hófum að keppa undir því nafni 1999.

Siguróli Kristjánsson, eða Moli eins og við þekkjum hann, starfaði sem aðstoðarþjálfari hjá Þór/KA frá 2008 til 2016 og vann á því tímabili með fjórum þjálfurum.

Moli hætti sem aðstoðarþjálfari á sama tíma og Jóhann Kristinn Gunnarsson hætti sem þjálfari liðsins í lok tímabilsins 2016. Hann hefur þó aldrei verið langt undan og kom inn í þjálfarateymið síðastliðið sumar sem eins konar tæknilegur og móralskur ráðgjafi. Hann mun halda áfram í svipuðu hlutverki og hefur nú undirritað samning þess efnis út þetta ár.

29

12

Siguróli Kristjánsson og Nói Björnsson, fráfarandi formaður stjórnar Þórs/KA, við undirritun ráðningarsamnings Mola sem tæknilegs ráðgjafa hjá Þór/KA.

Í heild mun þjálfarateymið hjá Þór/KA og Hömrunum því samanstanda af sex manns á komandi tímabili. Andri Hjörvar Albertsson er aðalþjálfari Þórs/KA. Honum til aðstoðar eru Bojana Kristín Besic, sem jafnframt er aðalþjálfari Hamranna, og Perry Mclachlan, sem jafnframt sér um þjálfun markvarða. Auk þeirra eru þremenningarnir sem nýlega undirrituðu sína samninga, þau Elma, Jónas og Moli.

Öflugt þjálfarateymi.

Bojana Kristín Besic, Andri Hjörvar Albertsson og Perry McLachlan.

Mynd: Þórir Tryggvason

30

Árangur sameinaðra12liða Ár

Fj. Liða í deild

Íslandsmót

Sæti

Bikarkepp ni

1993

7

1. deild (efsta)

7.

Ekki með

ÍBA

1994

14

2. deild

1.

4 liða úrslit

ÍBA, sigur í úrslk.

1995

8

1. deild (efsta)

6.

4 liða úrslit

ÍBA

1996

8

1. deild (efsta)

7.

8 liða úrslit

1997

8

1. deild (efsta)

8.

8 liða úrslit

ÍBA

1998

13

2. deild

2.

8 liða úrslit

ÍBA

1999

14

2. deild

1.

8 liða úrslit

Þór/KA

2000

8

Úrvalsdeild

7.

8 liða úrslit

Þór/KA

2001*

8

-

8.

Ekki með

4. sæti - A-deild

Þór/KA/KS

2002*

8

-

5.

4 liða úrslit

4. sæti - A-deild

Þór/KA/KS

2003*

8

-

7.

8 liða úrslit

6. sæti - A-deild

Þór/KA/KS

2004*

8

-

7.

8 liða úrslit

Sigur - B-deild

Þór/KA/KS

2005*

8

1. deild

1.

16 liða úrslit

2. sæti - B-deild

Þór/KA/KS

2006

8

Úrvalsdeild

7.

16 liða úrslit

Sigur - B-deild

Þór/KA

2007

9

-

8.

8 liða úrslit

Sigur - B-deild

2008

10

-

4.

8 liða úrslit

Sigur - B-deild

2009

10

-

3.

8 liða úrslit

Sigur - A-deild

2010

10

-

2.

4 liða úrslit

4 liða ú. - A-deild

2011

10

-

4.

16 liða úrslit

4 liða ú. - A-deild

2012

10

-

1.

4 liða úrslit

6. sæti - A-deild

2013

10

-

4.

Silfur

4 liða ú. - A-deild

2014

10

-

3.

16 liða úrslit

4 liða ú. - A-deild

2015

10

-

4.

8 liða úrslit

4 liða ú. - A-deild

2016

10

-

4.

4 liða úrslit

4 liða ú. - A-deild

2017

10

-

1.

8 liða úrslit

4 liða ú. - A-deild

2018

10

-

2.

16 liða úrslit

Sigur - A-deild

1.

2019

10

-

4.

4 liða úrslit

4 liða ú. - A-deild

2.

2020

10

-

5.-7.*

4 liða úrslit*

Tveir leikir*

*Keppni hætt

2021

10

Fjórir leikir*

*Keppni hætt

Deildabikar

Meistarakeppni

Með

Keppni hætt vegna heimsfaraldurs covid-19.

Ath.

ÍBA, sigur í umsp.

2.

1.

31

12

Skömmu fyrir útgáfu leikskrárinnar og fyrsta heimaleikinn okkar var undirritaður samstarfssamningur milli Þórs/KA og Sprettsins. Á myndinni eru Dóra Sif Sigtryggsdóttir, formaður stjórnar Þórs/KA, Arinbjörn Þórarinsson frá Sprettinum, Saga Líf Sigurðardóttir og Hulda Björg Hannesdóttir, leikmenn Þórs/KA, og Markús Gústafsson frá Sprettinum.

Nánar verður sagt frá þessari undirritun á miðlunum okkar. Til gamans má geta þess að þessi mynd er sú fyrsta sem birtist af leikmönnum okkar í nýju Nike-treyjunum.

Mynd: Páll Jóhannesson

Fjögur mót ekki kláruð! Íslandsmót 2020 Keppni hætt að loknum leikjum sem fram fóru 4. október. Þór/KA hafði þá leikið 16 leiki og fengið 18 stig (1,13 að meðaltali í leik), jafnmörg og Stjarnan og Þróttur, en var með lakari markamun. Þór/KA átti þá eftir að mæta KR á útivelli og Þrótti á heimavelli.

Bikarkeppni 2020 Eins og önnur lið úr úrvalsdeildinni kom Þór/KA inn í bikarkeppnina í 16 liða úrslitum. Þór/KA sigraði Keflavík í 16 liða úrslitum, 1-0, og Hauka í 8 liða úrslitum, 3-1.

Dregið hafði verið fyrir undanúrslitin og átti Þór/KA að mæta liði KR á útivelli.

Lengjubikar 2020 Keppni var aflýst um miðjan mars. Þór/KA hafði þá mætt Val og Selfossi og tapað báðum viðureignum.

Lengjubikar 2021 Keppni var frestað í lok mars og aflýst í aprí. Þór/KA hafði þá spilað fjóra leiki af fimm í riðli 2, sigrað Tindastól og FH, en tapað gegn Breiðabliki og Fylki.