B i s a y a
E s p e s y a l
Gikaintapang mangunguot gitirahan sa mga vigilante? GIDUDAHANG notoryus nga mangunguot/ isnatser nga bag-o pang nakagawas sa prisohan gipusil patay sa duha ka wa mailhing mamumuno nga giingong sakop sa usa ka pundok sa vigilante mga 100 ka metros ang gilay-on gikan sa buhatan sa kapolisan didto sa J.S. Torralba Street kilid sa Garden Cafe, Barangay Poblacion 1, dakbayan sa Tagbilaran pasado alas 4 sa hapon kagahapon. Giila ang biktima nga si Arnold Espinosa, 22, ulitawo, way trabaho, ug gikatahong usa ka notoryus nga mangunguot ug isnasteer gikan sa siyudad sa Sugbu ug taga Mananga, Tabunok, Talisay City, Cebu. Sa inisyal nga imbesigasyon nga gihimo sa Tagbilaran City Police Station nagbutyag nga samtang ang biktima kinsa bag-o pang gipagawas sa bilangguan, nagbaktas uban sa iyang kapuyo nga si Jecel Encarnacion, 21, dalaga, ug nagpuyo gihapon did-
to sa Mananga, Tabunok, Talisay City, Cebu dihang pag-abot duol sa atubangan sa Garden Cafe sa maong dapit, usa ka motorsiklo luwan ang duha ka wa mailhing lalaki nga nagpahinay og padagan ug ang backrider niini nipusil sa biktima. Naigo ang biktima sa tuong bahin sa kilay diin ang bala nilubong sa ulo ug patay diha-diha dayon. Si Jecel nga nahinabi sa The Bohol Tribune nagkanayon nga nag-una siya og lakaw sa iyang kapuyo apan kalit lamang nga dunay nipaka nga boto sa de kalibreng armas ug iya na lamang nakit-an ang iya hinigugma nga natumba sa karsada. “Wa ko ka klaro nila (mga suspek), natarantar nako,” asoy pa ni Encarnacion. Nagtaptap og sinina ang maong suspek sigun ni Encarnacion. Nagkanayon si Encanacion nga human sa maong pagpusil, nisirit ang mga suspek padung sa itaas nga bahin.
Niingon siya nga iyang giapas ang maong biktima human nakadawat siya og text nga napriso kini sa City PNP. Si PO1 Zeus Monton sa City PNP nagbutyag nga ang maong biktima nadakpan sa ginsakpan sa theft and robbery section sa City PNP niadtong Huwebes sa gabii human nakabiktima kini og usa ka doktor nga gikuotan niini og usa ka Samsung cellphone didto duol sa City Square. Nakatawag og tabang ang maong biktima hinungdan nga gigukod ang maong suspek ug nasikop didto sa barangay Dao duol sa Motorstar ug narekober ang maong butang hinungdan nga wa na mag-interes ang biktima nga mopasaka og sumbong. Sa laing bahin, giadtoan sa Provincial Crime Laboratory ang dapit nga nahitaboan pinangoluhan ni P/Insp Abregana ug gisusi ang maong lugar. Narekober sa kapolisan mao ang usa ka kabhang alang sa bala
nga gituohan nga usa ka kalibre .45 nga pistol, usa ka itom nga backpack sa biktima nga may sud nga usa ka taas nga sachet nga gituohang shabu ug, wa gamita nga aluminum foil. Patay’ng lawas sa maong biktim gidala didto sa Holy Name Funeral Homes ug nahibaw-an sa eksaminasyon nga gihimo ni Dr. Apollo John Bernaldez sa City Health Office nga ang samad pinusilan sa ulo mao ang hinungdan sa kamatayon niini. Dugang sa taho nga
P/3
‘Survivor’ sa masaker sa Ubay nga nahimong suspek gisikop USA ka lalaki nga giingong” survivor” sa masaker didto sa lungsod sa Ubay gisikop sa bahan sa kapolisan dihang gironda ang gipuy-an niini didto sa Purok 4, Barangay Fatima, sa samang lungsod niadtong Huwebes sa buntag. Suspetsado giila sa kapolisan nga si Joseph “Jojo” Cerelegia, 41, minyo.
Sa taho gikan sa kapolisan nagbutyag nga ang duha ka team sa Provincial Public Safety Company (PPSC/ SWAT) sa Bohol Provincial Police Office pinangulohan ni P/Inspector Vincent Paul Dumaguing ug Ubay Police Station ubos ni P/Chief Inspector Petronilo D. Gracia ug ubos sa superbisyon ni P/Supt. Lorenzo Batuan,
hepe sa PPSC/SWAT, nironda sa balay sa suspetsado pinasikad kini sa gahom sa usa ka search warrant nga gipagawas ni Maghuhukom Leo Moises Lison, vice-executive presiding judge sa Regional Trial Court Branch 3 sa siyudad sa Tagbilaran ug niresulta sa pagposas niini. Kini human positibong narekober ang ang usa ka kalibre .38 rebolber nga way serial number ug may tulo ka bala niini, usa ka MK2 hand grenade ug usa ka buok nga nga bala alang sa kalibre .40. Gisaksihan ang kalihukan sa mga barangay opisyales ug sakop sa media Kahinumduman nga si Cerelegia mao lamang ang bugtong nabuhi human gipamusil patay ang iyang mga kaubanan niadtong Mayo 19, 2014. Ang mga biktima nga pulos dunay samad pinusilan sa luyong bahin sa ulo mao sila si Ignacio Suarez Sereno, 19; Risa Pescadero, 29; Angel Ann Polentinos, 18; and Sammy Corona, 42. Gibuhian ang maong suspek sa Ubay PNP human way nakatestigo nga ang maong suspek mao ang nag-unay og patay sa upat ka mga biktima.
KALIT GITIPI – Si Arnold Espinosa, lumad nga taga Sugbu, ang nagbuy-od daplin sa kalsada human gibugha ang iyang ulo sa nagluthang kaniya samtang ang biktima naglakaw niadtong Byernes. Ubos nga hulagway, ang kaipon ni Espinosa, si Jecel, gikahinabi sa dyTR Open Forum anchor, Ardy Ines Araneta, human sa hitabo.
DA misagop sa community seed banking samtang giundang ang ‘rice seed subsidy’ Ang Department sa Agrikultura (DA) misagop sa community seed banking strategy samtang giputol ang pagpatuman sa traditional rice seed subsidy program. Si DA7 Operation Chief Engr, Eugene C. Cahiles ang mipasabot niini agig tubag ug reaksiyon sa taho sa laing pamantalaan dinhi nga nag-ingon nga “ilawom sa pagkakarong pagdumala sa lalawigan, walay gigahin nga pondo samtang ang mga milabay nga administrasyon naghatag og subsidy sa binhi sa humay ug abono ngadto sa mga mag-uuma ug humay sa Bohol.” Si Cahiles hinoon namahayag nga sukad niadtong 2011 si kalihim Proceso J. Alcala sa DA mipatuman sa 100% subsidy sa certified seeds lamang. Apan tungod sa nasugatang problema sa programa gikan sa mga mag-uuma ra usab, giputol ang pagpatuman niini. Iyang gitataw sa pag-ingon nga walay subsidy sa abono. Hinoon iyang
gipasabot nga dihay discounted coupon para sa pagpalit sa urea fertilizer (60-0-0) nga gihatag sa mga mag-uuma nga mitanom og hybrid rice, apan wala molahutay. Ubos sa farm mechanization program, 85% sa pondo nga gigamit ang giako sa DA ug ang nahibilin nga 15% nga angayang abagahon unta sa kahugpongan sa mga mag-uuma, giabaga sa pangagamhanang lokal sa Bohol ang bugtong lalawigan sa nasud nga maoy misakupo sa 15% nga katugbang pondo para sa mga mag-uuma. Si Cahiles mipamatuod nga aduna nay daghanang mga kahilipsan sa panguma ang nahatag na ngadto sa mga irrigators ug kahugpungan sa mga mag-uuma sa lalawigan. Para sa farm mechanization program ang Probinsya sa Bohol ang nakapagawas na og pondong katugbang nga giilang labing dakong gahing pondo sa rehiyon. Iyang gidugang sa pag-
pasabot nga sa tanang probinsya sa nasud, bugtong ang lalawigan sa Bohol lamang ang miabaga sa katugbang pondo uban sa DA para sa mga maguuma. Sa iyang bahin, si Assistant Provincial Agriculturist Larry M. Pamugas nagkanayon nga ang pangagamhanan sa Bohol ubos nila ni Gobernador Edgar M. Chatto ug Bise Gobernador Concepcion O. Lim adunay Rice Assistance Program for Institutional Development (RAPID) kinsa gitumong ngadto sa mga maguuma diin ang pondo gikan sa lalawigan padayon nga giabag sa mga angayang Irrigators Associations (IAs) ug mga kooperatiba. Si Pamugas mitumbok sa pag-ingon nga lakip niining maong programa mao ang pagpasulod sa insurance sa mga pananom sa mga maguuma diin ang kagamhanan sa lalawigan mao ang mibayad sa premium sa ngalan sa mga
P/3