DIABIERNA 17 JANUARI , 2014
Pa Gabinete Mike Eman
Bienestar di e ciudadano ta mes importante cu un GDP halto
Manera a establece for di prome instante, ora cu a asumi mando di prome periodo di gobernacion, Gobierno su vision y metanan concreto, tabata basa riba traduci e progreso economico den un bon nivel di bida pa un y tur. Durante e bishita cu Parlamentarionan Hulandes a haci den fin di siman na Aruba, Prome Minister Mike Eman a reafirma e compromiso aki pa e di dos termino di su gabinete caminda ta wak caba un lista di proyectonan cu a keda cla y con den diferente manera e ciudadano ta disfrutando di e beneficionan. Pa loke ta vision y compromiso aki mester pensa bek riba proyectonan manera Linear Park 1 y 2 cu ta stimula hendenan pa move y recrea sanamente; aumento di pensioen, reparatie toeslag y schoolkinderentoelage cu ta aumenta e poder di compra y comple-
honan di vivienda manera Yuwana Morto y Jaburibari cu ta brinda un miho luga di biba pa esunnan di menos recurso y nos grandinan. Progreso economico mester refleha den bienestar general pa e pueblo y pesey mes Prome Minister Eman a duna di conoce cu ademas di percura pa Aruba tin un bon Producto Domestico Bruto of GDP, gobierno ta enfoca tambe riba e asina yama ‘Human Index’, esta e bienestar di e ciudadano y posiciona Aruba entre esunnan mas halto den mundo, como por ehempel Noruega, Hulanda y Merca. E Human Index ta wak mas di cerca con e salud di hendenan ta, cuanto aña nan ta biba, con hopi educacion nan por sigui, entre otro factornan. “Nos kier pa Aruba ta den e grupo aki den e proximo cu-
ater aña caminda no solamente ta mehora entrada di e ciudadano, pero tambe su calidad di bida. Esaki ta inclui cuido pa mucha, cuido pa nos grandinan, asistencia pa esnan di menos recurso y tur esaki mester ta den balansa cu otro. Gabinete Mike Eman ta satisfecho cu tur loke a logra te aworaki y ta sigui traha duro riba tur e plannan cu ta andando y cu tin riba mesa pa inicia. Entre nan ta resalta e desaroyo di e tres pilar economico basa riba conocemento cu no solamente ta posiciona Aruba como un sociedad strategico entre mercado Europeo y Latinoamericano, pero tambe ta habri hopi oportunidadnan pa graduado y studiantenan Arubiano por regresa pa por traha riba nan propio isla.
Sigui Arubawe y na tur momento ! Laga bo tweet canta na @ArubaWe
www.arubawe.com
Un corant otro,un website otro.... un social media otro!
10