PAGINA 10
DIARIO
DIALUNA 30 DECEMBER 2013
Mas iluminacion, miho infrastructura durante 2013
ORANJESTAD(AAN)-Un di e necesidadnan cu integrantenan di Gabinete Mike Eman a tuma nota di dje for di hopi tempo caba ta e necesidad pa iluminacion den barionan rond di Aruba. Iluminacion pa añanan largo a wordo neglisha y consecuentemente bisiñanan ta sinti nan mes insigur den nan bario. Gabinete Mike Eman I a traha duro pa duna contenido na e necesidad aki y cuminsando Maart ultimo, despues di a inventarisa e necesidad di iluminacion na Aruba, finalmente a firma protocol “Iluminacion y Siguridad den Bario” na Sabana Grandi. Dilanti di cas di famia Deluvia na Sabana Grandi, caminda a cuminsa instala e prome luz LED den bario. Luznan a keda instala den varios bario caba for di e tempo ey na entre otro bario di Papaya, First Stick Hillweg na San Nicolas, Pos
Abou, Washington, Bloemond, entre hopi otro. Ainda tin un lista largo pa bay caminda ta bay instala mas di 10 mil di luz publico rond di e isla. Rond di 25 bario a mira of cuminsa mira cambio den nan bario bou di e gobernacion di Gabinete Mike Eman I. Un cambio via di cual Gobierno di Aruba kier a crea igualdad, salud, siguridad y oportunidad pa tur e usuarionan di espacio publico . Na e bari-
onan cu a mira cambio e ciudadano por cana na un forma trankil riba e aceranan, y den mayoria bario e camindanan ta uniforme di un solo direccion, cu areanan pa staciona auto di e habitantenan. Y cada bario tin algo cu ta caracterisa nan for di otronan, basa riba loke e habitantenan tabata desea. Awendia por mira cu hopi habitante ta haciendo uzo di e areanan publico pa cana of haci ehercicio, locual antes no
tabata mira, of simplemente disfruta di e parti di
recreacion cu a wordo incorpora den e proyectonan.