Majalah Tangara Edisi 20

Tangara Tina Daluang

02-AK

ISIDE

|

1202

SUTSUGA

Néang Luang

ÉDISI KA-20

NANJEUR DI LUAR, MEKARKEUN ASAL

TINGKESAN CARITA PONDOK "NINI KINEUNG"

PENTINGNA KASÉHATAN MÉNTAL DINA MANGSA SASALAD

PARAMITRA "DRRRTTTT"

CARPON "TIMBURU NU JADI BUDAK"

Majalah Tangara © 2021 by Tangara All rights reserved Pupuhu Rédaksi Penanggung Jawab Girang Serat Éditor Désain/Layout

: Annisa Zulma : Nenden Ayuni : Ade Irma : Irma Dwi : Annisa Zulma

Publikator

: M. Fajar

Majalah Tangara Édisi ka-20 Agustus 2021

DAPTAR EUSI Tingkesan Carita Pondok "Nini Kineung"

1

Balada Kuliah Daring Mangsa Sasalad Pikeun Kasehatan Méntal

3

Nanjeur di Luar, Mekarkeun Asal

5

Pamass Nyastra

Galeri Pamass

7 13

Tingkesan Carita Pondok "Nini Kineung"

A

Rina Soparwati

mi Raksanagara mangrupa salah sawios sastrawan sunda nu seueur pisan karyana dina widang sastra lisan, sami sareng buku nu kantos dimedalkeun ku anjeuna sareng Yus Rusyana carogéna, perkawis Sastra Lisan Sunda carita karuhun, kajajadén, jeung dedemit taun 1978.

Karya nu sanésna dimuat di Majalah Manglé nu seueueurna di widang carpon. Daftar carpon karya Ami Raksanagara nu kantos medal di Manglé taun 1964 dugi 1988 diantawisna nyaéta ; Nawurkeun Kembang Malati, Surat ti Jero Panjara, Di Lembur Batur, Buah Haté, Ngadagoan nu Rék Datang, Dua Haté, Camara di Isola, Pohaci Balebat Wangi, Emang, Hatur Nuhun Ibu, Aki Tawi, Di Saung Lisung, Sedepmalem Ti Parongpong, Nini Kineung, Nu Ditawan ku Westerling, Dunungan, Piknik, Réncang Anyar, Operasi Bersih, Sabot Nungguan, Basa Pangagung Rék Ngalangkung, Bedog, Ngadagoan, sadaya carpon gaduh carita nu miboga kaunggulana séwang – séwangan.

Carita Nini Kineung diantawisna, dicutat ku Ami Raksanagara di Manglé kaping 22 Novémber taun 1984 ku gaya tulisanatawa éjaan kata nu tos kalebet modern, hartosna teu nganggo deui kecap nu hurup na aya éjaan lamacontona sapertos kecap Cekap nu sababara taun katukang ditulisna Tjekap. Carpon Nini Kineung miboga latar tempat reujeung waktu di Bandung taun 1949, luyu sareng judul, carpon ieu nyaritakeun kahirupan Nini Kineung di salah sahiji pilemburan nu kaitung rada jauh ka jalan gedé nu caritana dibawakeun ku tokoh “kuring”.Galur dina carita pondok ieu kaasup runntuy nu maksadna nyaritakeun carita ti mimiti nepi ka bérésna carita, mung

carita éta dijabarkeun ku tokoh “kuring” nu nginget – nginget kana tineungan atawa implengan kaayaan manéhna pas keur ngora atawa keur jadi budak leutik kénéh jeung sabaraha babaturan lian na nyaéta Nani, Ade, Ela, Atin, Munar, Ida, Nyai, Ati di hiji pilemburan éta téa nu jelas kacaritakeuna kumaha kaayaan pas isuk – isukna, tengah poé, burit, peuting, nepi ka usum – usum buahreujeung usum hujan atawa henteuna. Kacaritakeun yén di lembur éta aya pakarangan imah nu kacida lega na, nu teu salah deui yén pakarangan éta téh kagungan na Nini Kineung. Kasebut pakarangan nu kacida legana éta bisa dieusi nepi ka dua puluh urang barudak bakating ku legana. Salian ti lega, pakarangan Nini Kineung ogé dieusi ku sagala rupa tatangkalan sajaba ; tangkal gandaria, tangkal rambutan, tangkal cereme, tangkal sawo walanda dua, tangkal cangkudu, tangkal salam, tangkal jambu aér jeung tangkal alpuket. Nu beuti – beutina mun keur mangsa na buahan, reunceum dialaan ku barudak nu sok arulin sagala rupa kaulinan ti sabot baralik ti sakola nepi ka buritna ditéang ku indung bapana bakat ku betah di pakarangan Nini Kineung jiga sondah, ajleng – ajlengan maké tali karét, ngadu gambréng, ngadu gambar, reujeung kaulinan lian na jiga ucing – ucingan di pakarangan Nini Kineung bari beuti atawa buah nu diala ku barudak téh dijieun rujak tuluy balakecrakan dihandapeun tangkal cereme.

Masing kaayaan barudak téh nyampur awéwé jeung lalaki tapi tara paraséa, sakalina pahereng – hereng ogé tuluy biasa deui kawas biasana taya masalah nanaon. Mun beurang panas mentrang barudak leuwih resep arulin dihandapeun tangkal bari sakapeung ngobrol kaditu – kadieu nu sakumaha ayana na lamunan budak leutik.

1

Béda deui caritana mun keur hujan, henteu, éta barudak teu baralik ka imah na séwang – séwangan, kalakah resep wé ngiuhan di tepas na Nini Kineung. Anjeun na katelah bageur di sawangan barudak da tara nyarék mun arulin di pakarangan atawa sakur ngiuhan di tepas imahna, malah katingali resep wé haneuteun reujeung sakali – kali bisa dititah mangnyiarankeun atawa mang mencétankeun nu langsung waé disambat ku barudak nu émang resep nuturkeun paréntah kolot na sakumaha minengna dipapatahan ku Nini Kineung. Harita kusabab di taun 1949 Indonésia geus merdéka, barudak tangtu panasaran kana kaayaan jaman – jaman saacan éta atawa kaayaan baheulana. Nu tungtung na mah ménta dongéng ka Nini Kineung naon waé nu kaalaman ku Anjeun na salila hirupna baheula nu kaitung hirup dina tilu jaman , nyaéta jaman jajahan Walanda, jajahan Jepang, tuluy jaman merdéka ayeuna, bari sumanget hayang apal éta barudak nanya. Tuluy Nini Kineung ngajabarkeun sakumaha sieun na kaayaan baheula nu timimiti aya banjir di Cikapundung, sakumaha wani na Nini Kineung baheula ngontrog nona Walanda, nepika carita Nini Kineung nu ditampiling ku soldadu Jepang. Ku cara nyarita kitu waé, Nini Kineung kaitung keur nepangkeun sumanget nyaah ka lemah cai ka barudak méh teu kudu sieun deuih ka jelema – jelema nu kur rék ngajajah ka bangsa urang téh. Salian ti ngajarkeun ka barudak nyaah ka lemah cai, Nini Kineung gé kaitung mineng mamatahan barudak ku cara ngomongkeun naon – naon waé nu disebut pamali, ulah nengtereweleng sagala hayang nyaho, kumaha carana nyarita, campur gaul, reujeung nyarita yén kudu nurut kana sagala rupa pieuruk guru. Masing kaitung loba mamatahan ka barudak kitu ogé teu aya nu katingali bosen, da émang karesepna barudak ngabandungan Nini Kineung nyarita atawa

ngadongéng sagala rupa hal nu jadi jaga bisa diinget – inget atawa dilakonan ku barudak nu aya tidinya engkéna mun geus maju kolot.Carita Nini Kineung ayeuna ngan sakur tineungan tina lamunan barudak nu manjing kolot, sabab basa miéling Hari Ibu dina taun 1975, Nini Kineung ngantunkeun alam dunya ninggalkeun émutan nu éndah ka barudak nu resep arulin dina pakarangan Anjeun na téa.

2

Balada kuliah daring mangsa sasalad pikeun kasehatan mental Ade Irma Setiani

Sampurasun, Kumaha Damang?

P

atalékan ngeunaan kaayaan haté jeung pikiran jigana bisa meunang award, sabab naon? ieu patalékan téh mineng pisan ditanyakeun. Ti mimiti sasalad Covid-19 mahabu nepi ka ayeuna geus rék dua taun lilana, patalékan éta téh masih kénéh jadi bangbaluh pikeun manusa kaasup kuring. Salian ti mangaruhan kana tatanan kahirupan jalma réa, sasalad ieu gé ngabalukarkeun sawaréh manusa bingung kana jati dirina malah aya nu nepi ka déprési lantaran tarik teuing pikiran.

Kuring salaku mahasiswa nu keur meujeuhna baluweng ngalaman Quarter Life Crisis ngarasakeun pisan, kumaha héséna ngajaga diri sangkan aya waé dina kaayaan alus. Jigana sakabéh jalma gé pernah ngalaman kaayaan geus punggas harepan mikiran kahirupan, ngan nu matak leuwih ripuhna téh jaman kiwari mah katambahan ku ayana sasalad. Sasalad ieu jadi hahalang pikeun manusa nu keur néangan jalan séjén jang refreshing, sabab ayeuna mah rék indit-inditan jang piknik gé dibatasi ku ayana PPKM nu unggal epsiodena ditambahan.

Atuh hal naon waé cenah nu dialaman ku mahasiswa dina mangsa Quarter Life Crisis ieu téh?. Kuring pribadi mah ngarasa yén dina ngajalankeun kahirupan ieu téh sieun nincak jalan nu salah, sieun teu bisa nyanghareupan kahirupan dina mangsa nu bakal kasorang jeung boga rarasaan dimana diri ieu téh euweuh pisan gunana.Mun ceuk istilah barudak ayeuna mah overthinking, mikiran nu sakuduna teu kudu dipikiran. Hal ieu téh tangtu jadi panggetrik pikeun urang sangkan leuwih deukeut deui jeung Nu Maha Kawasa, sabab sagala kahirupan geus diatur sakumaha kuduna. Hal naon waé nu matak

jadi bangbaluh téh?

Dina mangsa sasalad ieu mahasiswa diimahkeun, kuliahna daring ngaliwatan video conference nu ngabalukarkeun tanggungan kolot di imah téh nambahan. Ogé duit UKT nu angger dibayarkeun bari jeung teu ngarasaan fasilitas sakumaha kuliah langsung di kampus. Salian ti pasualan akademik, jaman kiwari kagiatan samodel organisasi jeung kepanitiaan ogé dijalankeun ngaliwatan daring, nu ngabalukarkeun teu pandang waktu dina ngayakeun rapat atawa gempungan.

Tangtuna hal ieu téh jadi salah sahiji hal nu matak lieur kana sirahna, sabab percaya teu percaya sadar teu sadar hal ieu bisa jadi jalan stress mun ninggangna ka mahasiswa nu can bisa adaptasi jeung kaayaan jaman kiwari, saha nu rék tanggung jawab? euweuh, paling balik deui ka dirina sorangan nu dicap teu bisa ngukur ka kujur jeung sadar kana kamampuan awakna. Anapon hal séjénna nu matak jadi bangbaluh dina kaayaan sasalad kieu téh ku patingsuliwerna iber nu masih kénéh simpang siur atawa mahabuna béwara hoax.

Kumaha carana sangkan bisa nganggerkeun haté jeung pikiran dina kaayaan hadé? Kuring sorangan teu bisa ngajawab ieu patalékan, atuh mun bisa mah meureun kuring moal overthinking unggal poé héhé. Najan kitu kuring boga cara sangkan bisa ngurangan pagawéan overthinking éta sangkan teu sapapanjang poé ngahuleng mikiran kasieunan. Salah sahijina ku sabisa-bisa teu ngadéngé omongan negatif ti batur, néangan tempat nu matak tiis ceuli hérang panon nalika ngagawéan pancén, jeung ngalakukeun hal nu dipikaresep. Nu beuki kokoréaan sok teu nanaon sajam dua jam dina sapoé mah niiskeun haté

3

ku nonton drama atawa halu ka biasna da teu matak rugi batur ieuh. Atuh nu resep maca atawa olahraga meureun bisa ngaluangkeun waktuna pikeun olahraga jeung maca. Nu healingna ku rebahan? nya kari rebahan teu nanaon sakeudeung mah. Pokona sok wé lakukeun nu bisa dilakukeun jeung matak mantuan nyageurkeun mah. Ulah poho wé kana kawajiban salaku umatNa ogé, tong poho urang bisa curhat haratis dina tungtung janari, budalkeun sakabéh bangbaluh tuluy isukna tafakuran jeung ngukur ka kujur nimbang ka awak.

Mugia sasalad gera lekasan tur disampakkeun kabagjaan.

4

Nanjeur di Luar, Mekarkeun Asal J

aman kiwari ngagali poténsi diri tangtu teu hésé dilakonan. Kacontoan ku salah sahiji warga PAMASS, nyaéta Allif Pradana nu pasti geus kasohor di Fakultas Ilmu Budaya mah. Allif mangrupakeun mahasiswa Sastra Sunda Unpad entragan 2018 nu kiwari jadi Wakil Pupuhu BEM GAMA FIB Kabinét Kirana Aksara. Jajaka nu kawit ti Majaléngka ieu téh sanajan aktif dina non-akademik, anjeunna teu poho kana masalah akademikna. Kiwari anjeunna keur nyusun skripsi nu ditambih jadi salah sahiji mahasiswa nu kapilih kana program fast track S2.

Tanggung jawab nu ku Allif keur dicepeng sabenerna lain bagian dina life plan. Allif nyebutkeun yén manéhna hayang jadi jalma nu mangpaat keur balaréa ogé éta amanah nu keur dicepeng téh rojongan ti babaturan sabudeureunna. Tangtuna dina ngajalankeun ieu tanggung jawab téh Allif ngarasa seeur dinamika jeung dinamisasi nu ngabentuk karakter manéhna. Allif nyebutkeun, tiap masalah nu ku anjeunna keur dihareupan kudu pisan dihareupan jeung dibéréskeun sabab mun masalah éta bérés urang pasti meunang évaluasi.

Salila nyepeng tanggung jawab ieu tangtuna Allif ogé meunang pangalaman nu tangtu gedé mangpaatna diantarana bisa ngamanajemen diri jeung waktu, ngamanajemen krisis, jeung ngamanajemen organisasi. Dina ngatur skala prioritas, Allif nyebutkeun yén urang kudu nyaho mana nu disebut nu penting jeung mendesak maké prinsi nu disebut 4 kotak prioritas. Keur kahareupna Allif hayang bisa leuwih mangpaat keur sabudeureun, nu mere dampak alus pikeun kabagjaan saréréa.

4 Kotak Prioritas

Teu lali ka asalna nyaéta salah sahiji warga PAMASS, Allif miboga kamandang pikeun poténsi warga PAMASS nu kawilang loba pisan nu miboga poténsi gedé, jeung unggul dina préstasi. Allif ogé miharep warga PAMASS bisa leuwih éksplorasi keur ngamekarkeun poténsi-poténsi nu hébat nu engkéna bakal jadi hal nu dipikareueus ku warga PAMASS nu séjénna.

“PAMASS nyaéta diumpamakeun imah nu eusina warga PAMASS nyalira. Imah téh solid pondasina, haneut jerona ogé nyaman dijerona. Ngan, lamun urang terlalu nyaman atawa betah dijero imah bisa ngajadikeun urang teu luak-lieuk kaluar imah jeung teu bisa ngurus pakaranganna. Teu bisa nyesuaikeun kenténg atawa teu bisa ngaajegkeun tihang nu aya diluar jeung dijero bakal runtuh atawa teu saimbang. Kudu disaimbangkeun kondisina béh ajeg tangtuna, rék ditambahan tihangna atawa diganti kenténgna intina imah kudu tetep ajeg tina perkembangan ‘cuaca’ jeung iklimna (waktu)”. Ceuk Allif pas diwawancara ngaliwatan WhatsApp.

5

Kitu ogé kaalaman ku Desi, Mahasiswa Sastra Sunda Unpad entragan 2018.

Kahariwang jeung resepna kana tantangan, mawa salah sahiji warga Pamass nyaéta Desi Sri Wahyuni nu akrab disebut Cici kana sagala rupa kagiatan boh nu aya di Pamass, boh di luar Pamass. Ayeuna Desi keur aktip dina sababaraha amanah nu kawilang teu gampang, diantarana wakil ketua BPM, sekretaris umum HIMI Persis, ngajar di SMP jeung SMA, pembina pramuka, ogé sababaraha kapanitiaan. Sanajan éta pencapaian téh teu datang tina rencana awal Desi kuliah, tapi Desi ngajalankeun kabéhanana kalayan pinuh ku tanggung jawab. Salian posisi nu bisa disebut penting, Desi ogé nerapkeun pageuh yén sagala amanah nu dicepengna bakal aya pertanggungjawaban di ahérat.

Tangtuna aya di posisi ayeuna kacida loba pisan tantanganna. Desi nu tadina teu sama sakali aya niatan aktif salila kuliah, kudu banting setir ilubiung dina sagala kagiatan lantaran aya hal-hal anu mémang ngabutuhkeun tanaga, pikiran, jeung campur tanganna.

“Abdi teu bisa cicing nalika nu katingali nyaéta masalah-masalah nu mémang sabenerna butuh abdi dijerona. Abdi bisa milu ngararapih permasalahanpermasalahan éta,” ceuk Desi dina wawancara ngaliwatan zoom, ping 24 Agustus 2021.

Saperti ilubiungna dina kagiatan législatif nu aya kusabab manéhna ningali yén législatif di Pamass butuh suntikan.

Sedengkeun mun teu manéhna, saha deui nu bakal ngabebenah. Aktifna Desi di législatif luar téh hayang nunjukeun ogé yén Pamass miboga jalma-jalma nu gedé potensi dina sagala bidang.

Teu senang hungkul nu jadi pangalamanna, aya masa-masa di mana manéhna gé ngarasa down saperti ngajalankeun organisasi di mangsa sasalad. Jauh tina disebut gampang, sasalad méré tantangana sorangan keur lumangsungna hiji organisasi kusabab hésé sumber daya manusa téa lah, ayana anggota-anggota nu mindeng leungitlah, jeung sajabana.

Hal éta cukup nyebabkeun manéhna salaku pamingpin ngarasan gagal. Tapi ti dinya manéhna diajar yén gaya hungkul teu cukup, jadi pamingpin hungkul teu cukup, tapi kudu miboga skill nu leuwih ti éta.

Sanajan kitu, Desi bungah sabab prosés dina ngajalankeun sagala amanah ieu téh mawa manéhna kana sagala pangalaman nu méré pembelaran pikeun kahirupan salila kuliah ieu jeung bebekelan pikeun kahirupan pasca kuliah.

Malah mah Desi ngarasa aya kénéh ambisi sangkan ngala pangalaman nu leuwih gedé. Desi ogé ninggali Pamass téh kacida loba poténsina, komo deui warga-warga Pamass nu émang miboga kanyaah gedé kana budaya Sunda.

Harepanna maranéhna téh bisa ngamaksimalkeun poténsi-poténsi nu aya sangkan nanjeurkeun ngaran Pamass téa.

6

Pamass Nyastra

Sajak

EMA, HAMPURA Ade Irma Setiani Nyaksénan gumelarna raga ka alam dunya Kuring kur bisa nandéan cimata Meureun kitu baheula nalika kuring datang ka alam dunya Duh Ema, hampura can bisa mulang tarima

KARASANA Rina Soparwati Sukingki haté, sukingki nu dipilari Bagja sumebar ditutur sangsara Tungtung léngkah nu kaciri dipinanti Kacida nyeri karasa, tatahar rasa nu aya

Teu Ngarti!

Rifkia Ali Naha miheulaan ceuk Gusti?

Teu ngarti!

Naha teu surti?

Aduh Gusti!

7

Paramitra

DRRRTTTT Bela Restiani

Kuring mah sok asa hayang seuri kénéh ku laku lampah Si Bapa dina peuting basa éta, Mun di inget – inget mah asa pikaseurieun wéh kitu. Kieu caritana téh. Jiga sasari, unggal peuting mun keur rarinéh kuring sakulawarga mah biasana sok ngarumpul di tengah imah sabadana solat Isya téh. Ah, sabenerna mah euweuh tujuan khusus sakulawarga nguarumpul di tengah imah téh, ngan saukur cumarita bari lalajo tv. Mun ceuk barudak jaman kiwari mah disebutna téh family time ceunah.

Basa peuting harita mah ngan aya Bapa, Ema jeung kuring nu keur ngumpul téh, Si Aa mah teu milu kusabab keur digawé. Topik carita na mah sok tara tangtu naon wéh sagala rupana dicaritakeun jeung diobrolkeun, ti mimiti ngobrolkeun kuliah kuring kumaha bari jeung sok dipapatahan kudu kitu kieuna sangkan kuliahna lancar, dilajeng ku nebak – nebak saha nu keur hamil kusabab ngadéngé sora bueuk, jeung lian – liana. Ngan hiji topik nu can dicaritakeun téh, nyaéta carita jurig. Teuing timana mimitina, si obrolan téh jol wéh nyambung kana carita jurig, kabeneran harita téh geus kana jam salapanan. Émang dasar kuring mah jelemana borangan, bari ngadéngékeun carita ti Ema téh, kuring bari saeutik – saeutik diuk ngagésér ngadeukeutan Ema jeung Bapa da ku sieun téa. Tidinya jol aya sora ‘DRRRTTTT’ lumayan tarik, sorana jiga lomari nu keur ngagésér. Kuring otomatis nyeletuk “Sora naon Mah, Pa ? Naha jiga lomari nu ngagésér”. Tidinya kuring téh beuki sieun da sorana aya deui ngan teu satarik tadi, keur mah di imah téh ngan aya tiluan jaba kabéhannana keur ngarumpul di tengah imah terus éta saha atuh nu keur ngagésér lomari teh? pikir kuring téh. Teu lila Si Bapa jeung Si Ema jol seuseurian. Beuki wéh bingung kuring téh, sieun na jol duanana kasurupan terus kuring kumaha sorangan nu sadar. Tidinya ku lemes jeung teu dosana Si Bapa nyeletuk “Lain lomari nu ngagésér téh, bieu mah sora Bapa hitut dua kali”.

Tidinya kabéhannana langsung seuseurian. Sangka kuring téh sora jurig keur ngagésér lomari sing horéng sora hitut Bapa. Bau mah henteu ngan reuwas wéh kuring teh.

8

Carpon

Timburu nu Jadi Budak Deary Nurwardhanai

"Ca, mamah dék naros, ceuk Caca kumaha mun mamah engke nikah deui?”

Ti saprak medal pananya éta ti Indungna, Caca jadi robah natus lapan wuluh darajat. Caca, awewe nu nincak umur sawawa anu ayeuna geus jadi rumaja. Ti leuleutik, Caca miboga sifat anu manja, ogo, anu tétéla na teu bisa leupas ti indungna. Ampir ku unggal poé Caca ngan sakur antel bae jeung Indungna. Puguh ogé Indungna anu reueus mikanyaah ka Caca.

Unggal poé ogé saleupasna tina gawé, pasti Caca aya bagéana bari ngeukeupan indungna.

“Asikk!!! Mamah udah pulang!!” sambut Caca alabatan bungah indungna balik ti pagawéan.

“Mah, tau ga yah tadi di sekolah Caca…” nuluykeun ku cumarita Caca ka Indungna.

Sagala baé dicaritakeun ku Caca, boh kajadian di sakola, boh kajadian nu geus lila, boh kajadian nu geus dicaritakeun.

Mung harita, Indungna kungsi unggal balik gawé dianteurkeun baé ku lalaki kana

Tidinya, Caca lalaunan robah sifat jeung kalakuana. Caca anu biasana ogo nunutur bujur Indung jadi tiiseun, rada cuék, malah rada wani nyentak bari rada ambek ka indungna. Meureun timburu na budak kanu jadi kolot. Indungna ogé saruana, robah sifat jeung kalakuana. Anu mimitina nyaah tur ogé ngabandungan Caca nyarita, ayeuna jadi rada ngantep ka Caca, unggal usik ngome hapé da lantaran WA-an jeung Om Herman. Caca anu mindeng cicing di Imah sedeng Indungna mindeng kaluar ulin jeung Om Herman. Caca anu biasana resep cumarita ka Indungna ayeuna ngadon cicing ngaringku ambek kapegung ku lantaran keuheul ka Indungna, ari Indungna ngadon cumarita nyaritakeun manéhna jeung Om Herman téa.

“Ca, ngiring yu! Urang jalan-jalan sama Om Herman.” Ajak Indungna ka Caca.

“Moal ah, Caca ogé mau main sama temen.”

Kocap Caca alesan méh teu milu jeung Indungna. “Hayu atuh, temenin Mamah,

mobil. Kawitna Caca teu miboga rasa curiga nanahaon.

Pikirna, éta mung sakur

bosen berdua waé sama Om Herman. Kan kalo Caca ikut mah jadi ramé.” Ajak deui

babaturan gawé Indungna anu meureun sajalan balik. Tapi, beuki kadieu éta lalaki téh saban poe asa beuki raket jeung Indungna Caca. “Ca! Ieu lungsur heula, ieu aya Om Hari.” Gero Indungna ti ruang tamu.

“Oh, éta lalaki téh namina Om Hari” pikir

Indungna ka Caca. “Kalo bosen, udah atuh jangan main terus sama Om Herman!” ceuk caca rada nyentak ka Indungna. Indungna ngantep baé. Bral, Indungna indit jeung Om Herman, Caca kénéh di imahna. Caca geus apal yén Indungna ngajak manéhna téh

Caca na jero haténa. Ti saprak harita, Caca boga rasa curiga ka éta jalmi nu arana Om Hari téh.

kusabab dek di raketkeun jeung Om Herman ngarah ngaridoan Indungna jeung Om Hérman ngajalin jangji pasini. Mung, haté Caca angger teu méré.

9

Carpon

Dua poé ti harita, peuting-peuting Indungna keketrok kana panto kamarna Caca. “Ca, buka heula, mamah bade nyarios.” Ceuk Indungna bari keketrok.

Caca mukakeun panto kamarna tuluy diuk

deuih Mamah Janji na ogé. Naha ari ayeuna Mamah minta caca buat mamah nikah deui?” sengor Caca ka Indungna. “Tapi Ca…” ceuk Indungna mung Caca motong deui omongana.

“Geus ayeuna mah kawin mah kawin wéh tong

deui na risbang. “Ca, mun seug Caca apal.

Ayah téh kan udah 4 taun ya ninggalin Mamah. Sebenernya, Mamah téh agak capé

urusan jeung Caca. Mun sakirana Mamah geus teu miarep deui kanyaah ti Caca, sok weh kawin kaitu. Ayeuna mah kaluar ti kamar Caca! Caca

kalo misalnya sendirian terus, Mamah téh butuh temen Ca di henteu-henteu ogé.

Mamah téh sekarang lagi deket sama Om Herman, Caca juga tau kan?” Nyarita Indungna ka Caca. Caca teu ngawaler angger wé mung sakur nyekelan hapé na.

“Ca, Om Herman téh orangnya baik, baik banget kaya Ayah. Sifatnya juga kaya Ayah, percis siga ayah Almarhum. Om Herman téh sayang sama Mamah, kaya sayangnya Ayah ke Mamah dulu. Om Herman juga ibadah nya ogé rajin, getol pisan.” tuluykeun Indungna nyarita. “Mun seug dék nyarita lalaki éta, geus teu kudu! Keuheul Caca ngadanguna ogé.” Caca motong cumarita Indungna bari ku Ambek. “Dangukeun heula, Mamah nyarita kieu téh lantaran sieun, Ca. Mamah téh takut engké Mamah sendirian, da past ikan kalo caca nikah engké, Caca bakal dibawa sama suami Caca, terus Mamah disini sendirian atuh.” Jéntré

mau bobo!” usir Caca ka Indungna bari ngaluarkeun kaambekna.

Indungna kaluar, Caca ngabantingkeun panto kamarna tuluy di koncian. Lumpat Caca ka kasur tuluy ceurik sesegrukan. Caca teu narima, yén indungna ayeuna jadi kitu. Indungna anu baheula ngajangjian ka Caca yén manéhna moal nikah deui ari ayeuna jol neuktreuk barang pénta rido Caca keur nikah deui. Teu beak pikir ku kajadian éta, Caca sesegruk ceurik di kamarna sapeupeuting.

Isukna, Om Herman datang ka imah sangkan ménta Caca keur jawaban yén Om Herman dék majalin jangji pasini jeung Indungna. “Mamah udah tau kan jawaban Caca semalem, udah wéh bilangin lagi ke Om Herman.” Kocapna Caca ka Indungna Hareupeun Om Herman bari ngaleos ka kamar. Abong geus buta ku cinta, indungna asa eweuh kajadian nanaon, mung sakur ngersakeun yén Caca ngaridokeun

Indungna ka Caca. “Nya terus kumaha?” tanya Caca ka Indungna. “Ca, Mamah dék naros, ceuk Caca kumaha mun Mamah engke nikah deui?” Indungna malikeun pananya ka

maranéhna nikah deui.

Dua bulan ti harita, nyaba ka tujuh poé tanggal Indungna dek nikah téa, Caca ngadadak pingsan di kamar. Indungna

Caca. “Mamah mikir atuh! Dari mamah deket sama Om Herman juga Caca udah ga suka.Emang Om Herman punya apa sih bet

reuwas tuluy nelepon tatangga sangkan bisa nganteur Caca ka rumah sakit. Teu lila tidinya nepi lah di IGD rumah sakit.

bisa ngerubah sifat Mamah jadi kieu?Pan harita juga Mamah udah janji sama Caca Mamah moal nikah deui. Maké demi Allah

Singhoréng Caca gering téh lantaran mikiran éta Indungna dék nikah deui.

10

Carpon

Ninggali kaayaan Caca nu kitu, antukna Caca dirawat di rumahsakit. Kasawat darah rendah cenah ceuk dokter mah. Beuki poé, kaayaan caca beuki nalangsa baé, awakna beuki laleuleus, rarayna pias teu getihangetihan acan. Tensi darahna angger sakitu baé, anu antukna indungna ngasapukeun yén dek ngundur poé nikah lantaran budakna téa.

Hiji mangsa, ba’da subuh. Caca cumarita ka Indungna. “Mah..” saur Caca. “Kah geulis?” waler indungna. “Wengi Caca pendak jeung Ayah, caca cumarita yén Mamah téh sakedap deui mau nikah lagi.

Terus Ayah juga nyimak weh gitu.” Nyarita Caca ka Indungna. Indungna ngabandungan bari rada cirambay. “Mah, Caca udah ridho mun Mamah mau nikah lagi. Tapi, Mamah juga harus ridho mun Caca juga nyusul Ayah.” Tuluy deui Caca nyarita. “Ca, mun misalna kitu mamah gabakal nikah lagi sayang. Mamah tacan siap mun misalna Caca pergi.” Kocap indungna bari nahan kaceurik. Teu lila tidinya Caca jol teu emut, awakna jol laleuleus, panon na lalaunan neuteup ka luhur. Indungna panik kaluar jojorokowan ngageroan dokter. Monitor anu aya disisieun na mung sakur mintonkeun garis warna hejo. Dokter nu datang mamawa alat pacu jantung pikeun mompa deui jantungna Caca. Saenggeus tilu kali, dokter teu bisa nanaon. Gening Caca tas tilar tina ieu dunya, ninggalkeun Indungna. Indungna ceurik bari ditahan ku suster nu keur ngupahan. Simbut anu ngabuleun Caca disingkebkeun nutupan rarayna. Caca, tas teu aya di dunya, ayeuna keur dijalan, nyunyusul nu jadi Ayahna.

.

Salilana Rifkia Ali

Panonpoé asa diluhureun hulu pisan, bari késangan kuring baris di lapangan. Ningali ka palebah katuhu téh naha jol aya widadari? Ah, gening lain éta mah awéwé baturan sa-entragan. Kuring ngawanikeun nyampeurkeun manéhna bari wawanohan.

"Nepangkeun, Asep" bari nyodorkeun leungeun "Éh, enya" Manéhna semu reuwas."Nami anjeun saha?"Ceuk kuring.

"Euis, hehe".

Bungah haté ngan sakur apal ngaranna gé, geulis pisan gusti. Sapoé éta kuring ningalikeun manéhna. Teu karasa ospék téh rék panas, hujan da bari ningali manéhna.

Kuring sakelas jeung Euis Si Mojang geulis.

Beuki kadieu téh beuki deukeut, beuki geulis waé Euis teh.

"Is, hayu ka kantin Asep nu ngajajanan" Ceuk kuring. "Hayu atuh ari dijajanan mah, Euis hoyong bala-bala".

Nepi dikantin Euis meuli bala-bala, kuring mah meuli hayam goréng. Diuk di meja kuring langsung ngomong.

"Is, Asep hoyong nyarios ka Euis" Kuring bari tegang. "Sok atuh. Aya naon, Sep?" Ceuk Euis. "Asep, bogoh ka Euis". Ceuk Kuring"Hah? Kumaha Sep?". Euis Semu Reuwas. "Enya, Asep bogoh ka Euis".

"Saleresna mah Euis gé sami, ngan isin hehe" Euis ngajawab.

Ti mulai poé éta kuring jeung euis bobogohan. Geus 3 taun sakola téh geus téréh bérés deui. Saminggu deui bakal aya acara paturay tineung sa SMA.

11

Carpon

Euis mah geus riweuh ka Pasar Baru sagala meuli baju keur engké acara téh.

Sapoé saacan acara Euis bébéja rék ka Pasar Baru deui néangan kurudung da can meuli ceunah mah. Naha nepi ka peuting na keun

.

teu aya kabar?

Pék téh kuring di telpon ku Tita yén Euis téh kacilakaan labuh tina motor basa balik ti Pasar Baru. Kuring langsung geuwat ka Rumah Sakit. Diditu geus aya Indung jeung Bapana Euis. Teu lila kaluar dokter ti rohangan pariksa ngomong "Pa, Bu punten Euis tos teu aya, margi aya luka di dada na."

Cur cimata kuring ningali nu dipikacinta geus di sawarga.

Geus moal aya deui Euis nu ku kuring dipikanyaah. Sing tenang diditu Euis, kuring jangji urang bakal patepang deui di sawarga.

12

GALERI PAMASS .

M. RUSLIANA

YASINTA AZZAHRA

SASTRA SUNDA 2020

SASTRA SUNDA 2019

(PINILIH 1 PUTRA IMBASADI)

(PINILIH 2 PUTRI IMBASADI)

13

.

SEPAK BOLA

UNIT TARI

BOLA KERANJANG

BADMINTON

KELAS MENULIS

14

KUISSS...

.

Eusiannya patarosan dihandap ieu...

1. Pupuh nu ngagaduhan watek perkawis kanyaah atawa kadeudeuh nyaeta...

A. Kinanti B. Asmarandana C. Pucung D. Maskumambang 2. Salah sahiji alat musik khas Sunda...

A. Sape B. Sasando C. Tanjidor D. Calung 3. Salah sahiji jenis puisi Sunda...

A. Talibun B. Sisindiran C. Gurindam D. Seloka 4. Tari jaipong mangrupi kesenian Sunda nu asalna ti daerah?

A. Cirebon B. Bogor C. Sumedang D. Karawang 5. Pangarang Sunda nu nyerat novel Si Sekar Panggung A. Tatang Sumarsono B. Ajip Rosidi C. Dadan Sutisna D. Ahmad Bakri

Patarosan diluhu tiasa dijawab ngalangkungan DM (Direct Message) Instagram @tangarapamass dugi kaping 2 September 2021

Saurang nu panggancangna ngajawab tur bener jawabanna bakal kenging reward ti Tangara

.

Hatur nuhun parantos maos Majalah Tangara Édisi ka-20.

Kanggo ngintunkeun karya tiasa ka tangarapamass@gmail.com