Elín Þórðardóttir
Finnbogi Jónsson
Gísli Hjálmtýsson
Helga Viðarsdóttir
Henrik Leth
Stjórnarseta fyrir FSÍ: Húsasmiðjan, formaður
Stjórnarseta fyrir FSÍ: Icelandair, varaformaður
Stjórnarseta fyrir FSÍ: SKÝRR
Stjórnarseta fyrir FSÍ: Vodafone
Stjórnarseta fyrir FSÍ: Icelandic Group
Elín Þórðardóttir er með BS-gráðu í rekstrarhagfræði frá Háskólanum í Álaborg í Danmörku og lauk Msc. í stjórnun og stefnumótun fyrirtækja frá sama skóla. Hún hefur yfir 20 ára reynslu af stjórnunarstörfum og margvíslegum umbreytingarverkefnum. Elín er stjórnarformaður Húsasmiðjunnar hf. og Norrænna mynda ásamt stjórnarsetu í Frjálsa lífeyrissjóðnum. Elín hefur m.a. verið forstjóri OKG hf., eignarhaldsfélags, fjármálastjóri deCode Genetics, breytingastjóri hjá Eimskipum og fjármálastjóri B&L.
Finnbogi er framkvæmdastjóri Framtakssjóðs Íslands. Hann starfaði í iðnaðarráðuneytinu 1979–82, var framkvæmdastjóri Iðnþróunarfélags Eyjafjarðar 1982–86, var forstjóri Síldarvinnslunnar í Neskaupstað 1986–99, forstjóri Íslenskra sjávarafurða 1999–2000. Finnbogi var starfandi stjórnarformaður Samherja 2000–2005 og framkvæmdastjóri SR-Mjöls 2004–2006. 2006–2010 var hann framkvæmdastjóri Nýsköpunarsjóðs atvinnulífsins. Finnbogi hefur jafnframt setið í stjórnum fjölmargra fyrirtækja og gegnt fjölda trúnaðarstarfa í atvinnulífinu. Hann lauk prófum í eðlisverkfræði og rekstrarhagfræði frá Háskólanum í Lundi í Svíþjóð og frá Háskóla Íslands auk þess sem hann hefur stundað nám í stjórnun og alþjóðaviðskiptum við ISM í París.
Helga er framkvæmdastjóri Trico hf., en starfaði áður sem framkvæmdastjóri markaðssviðs hjá 66°Norður. Hún er menntaður rekstrarfræðingur frá Háskólanum á Akureyri og með meistarapróf í viðskiptum frá Viðskiptaháskólanum í Árósum með áherslu á viðskipti milli fyrirtækja. Helga situr í stjórn Krítik og Scandinavian Outdoor Group.
Henrik hefur starfað sem framkvæmdastjóri Samtaka atvinnurekenda á Grænlandi frá 2008. Hann starfaði áður hjá Royal Greenland þar sem hann var aðstoðarframkvæmdastjóri og sat í framkvæmdastjórn fyrirtækisins. Frá 1988 til1995 starfaði hann í sjávarútvegsráðuneyti grænlensku heimastjórnarinnar, meðal annars sem aðstoðarráðuneytisstjóri. Hann hefur gegnt fjölda trúnaðarstarfa og setið í stjórnum fyrirtækja og stofnana. Hann lauk MSc prófi í stjórnmálafræði frá Háskólanum í Kaupmannahöfn.
Gísli rekur Thule Investments sem fjárfestir í hraðvaxandi sprotafyrirtækjum. Þar áður var hann deildarforseti tölvunarfræðideildar í Háskólanum í Reykjavík. Gísli starfaði um árabil við rannsóknir á netkerfum og netþjónustu, meðal annars hjá AT&T Bell Laboratories, ásamt því að kenna við Columbia University og Háskóla Íslands. Gísli er með BS gráðu í hagnýtri stærðfræði og tölvunarfræði frá University of Rochester (NY) og doktorsgráðu frá University of California, Santa Barbara.
ÁRSREIKNINGUR 2010
9