Se atlapachoni tlen Druvi

Se atlapachoni tlen Druvi Autor: Shabnam Minwalla Ilustrador: Malvika Tewari Traductor: Raul Hernandez

Nivel 2

Nopa apipiyalotl Druvi uelok momachti patlanis.

Patlani nechka kampa akomuli iniuaya inuampoyouaj.

Inijuantij kinpasoloua kueyamej uan kinkua sayolimej ika tlajkotonal.

1

Ika tiotlak, Druvi patlani tlen achi nechka kuatitlamitl.

Kitlachilia tokatsauali uan totomej in tepasol.

Amo kitlachilia mixtli tlen mosejkotilia ipan iluikatl.

2

¡Ploc! Se atlachipintli uetsi itsontekontipa Druvi.

Druvi kineki mokuepas ichan.

Amo kineki mamoapacho in eltlapal.

3

“Nimonekilia se atlapachoni”, moiluiya Druvi.

Patlani kampa flamboyán kuauitl.

Sanijki eli se atlapachoni tetik uan chichiltik.

4

Sanimaya pilsiltsitsi inxiuiyo.

“Tlauel siltik yon amo kipachoskia uelis se axkaneli”, moiluiya Druvi.

“Nimonekilia tleno tlen achi ueyi.”

5

Druvi kinita ueyi xiuitini uan kejuak sitlalimej.

“Papaya kuauitl in xiuiyo elise se yeyejtsi atlapachoni”, moiluiya Druvi. “¡Oh, amo! ¡kinkauilia mapano nochi kiyauitl!”.

6

Tla’ajaka chikauak, Druvi ayokmo kipantía i atlapachoni.

Moseuiya ipan se xiuitl “nopa pitsajxiuitini motsakuaj!” -Amo kuali moyolo- ki’iluiya Druvi nopa kochiuistli.

7

Druvi kualani.

Kuatitlamitl temitok ika xiuitini.

Onka pitsauakej uan tomauakej, ueyi uan pisiltsitsij.

Amo aka eli atlapachoni xiuitl.

8

Uajka, Druvi ki’ita se silamatl kuauitl.

Ixiuiyo amo eli kema sitlalimej yon amo mokualankanextiaj.

Ixiuiyo amo chene tilauak yon amo tlauel siltikej.

9

Druvi patlani kampa silamatl kuauitl.

Moseuiya se xiuitl i tsala. ¡Kipanti i atsakualoni!

10

Sekinok tlamantli tlen apipiyalomej ¡Nopa apipiyalomej uejka nemi! Seki, kema nopa uauasatik achichiltik apipiyalotl tlen tikinpantia ipan tokuatitla uan tokalmapa, nemi kampa ueyatl tlen India on asi África. Nemi kipano 16,000 kilometros kikotona nopa ueyatl Índico. Ipan octubre, kipeualtia nemi kisteua India uan, ipan enero, ási kampa ueyi tlaltini kema nopa Tanzania. Ipan in ojui, moketsaj ipan piltlalayoualoli kema nopa Maldivas uan nopa Seycheles.

Nopa apipiyalomej amo uel patlani intla tlauel sesekui oke pasmiki.

Ika ijnalok, kitlapaua in eltlapal makinmaka tlatotonilotl tlen tonati.

Ika tiotlak, seki apipiyalomej moketsaj motlanantok intlakayo uan in ikti kinextiaj kampa tonati, ijkino momachilia yankuikej.

11

Se atlapachoni tlen Druvi Náhuatl de la Huasteca Hidalguense 1ª Jornada de traducción en StoryWeaver 2021

Druvi monekilia se atlapachoni tlen ika kiatsakuilis ieltlapal.

Xitokili nopa apipiyalotl kitemos se xiui-atlapachoni tlen achi kuali.