Ni'iāj sa màn yātà'a

Ni'iāj sa màn yātà'a Autor: Aditi Dilip Ilustrador: Aditi Dilip Traductor: José Manuel Hernández Fuentes

Nivel 2

Aché nej yu yātà'a huāj nej yu hua nīgan'an, anïn riki nej yatāj li dan huāj nej yu. ¿Gā'ue nārì't danè' huāj yatāj li giri' 'ngō yilú li bè'ej?

1

Nīhià' hua nej yahuì li aché nej yu riña hiāj a huāj nej yu, Sanī huā 'ngō yu nī sa gātsì chre hua yu.

2

'Ngō nânj yi'nïn' yahuì ñanj huāj yāta'a ata nanèe nej man ache, nīnïn nïn' hua 'ngòj, ¿Gā'ue nārì't man bè'ej?

3

Rukua gā'nïn'ïn nī rukua lij, rāngà' ni'io' hiūj nan.

Nīnïn hua 'ngòj, ¿Ne' ñāan nunj nî' asi ne' yī'nïnj ïn sà'?

4

Nānà'uì' siganïnj nej rekōj màn ra'a chrun achīj nan si gā'ue nārì't 'ngō kōj māhiāj li.

Huā hiūj nûn le'ej dan nïn' dan.

5

Ni'iāj nej aga' aché yāta'a.

Nikât chre hua chrēj gātsì dunâj nej man hua.

Nitāj si nīkā hua sichrēj 'ngoj: nu da'ui gan'an hiūj nan.

6

Achrá nej yatāj a mân nej yu riña aga' nè' ña'aan dín chre tá nej yu, ¿rugui' ni'iājt bè'ej?

Nitāj si achrá 'ngō yu, ¿Ahuin yatāj huin nānj?

7

Nda gātsìt chre hua nej nga li manj yātà'a diû huaan huin, nī nda āhuj chre hua nej le'ej dan, aman' 'iaj 'ngòj nu tnahui ruhuaj si sê diû aman'an huin.

8

Ngà gan'ānj a'ngô gui, da' sikûj hue'e nanûn nej ña'an li.

Hīaj huāj gāhuin rūmin'.

Danè nû 'ngō ña'an xàn' chre yigïn.

9

Ne' gui atōj nej xuun nâ'nïnj ñan nej yu nga 'na' gāhuin rūmin' ¿Rāngà' ni'iājt danè' nikò' 'ngō yu hua nïn' atōj yu bè'ej?

10

Ûta mân yumiguìi gan'ānj yātà'a, ràn riña nej man 'iaj du'uēj gui.

Nānà'uì' 'ngō sa kuān li dan dadin' ràn ruhuâ se'ēj li nù riñanj.

11

Ni'iāj sa màn yātà'a Triqui de San Andrés Chicahuaxtla, Oaxaca 1ª Jornada de traducción en StoryWeaver 2021

Ûta nīhià' hua yātà'a si ni'io', màn yatāj, xuun, aché nej aga' ache yātà'a nda yākàn doj, nī gahui gan'ānj ne' yē' yumiguìi màn doj yumiguìi gan'ānj.

Gāhiā ñanj nan nī gīni'înt doj sa màn gan'ānj.